Book List

<h2 style="text-align: center;">အခန်း ၅၉၆</h2> <h2 style="text-align: center;">*</h2> <p> </p> <p> </p> <p> </p> <p>“ဖုန်းရွှေလား”</p> <p> </p> <p>ယဲ့လုဖုန်း အနည်းငယ်မျက်မှောင်ကြုတ်သွားပြီး ဆက်ပြောသည်။</p> <p>“ကျိုးယိက ထူးခြားဆန်းကြယ်ပြီး ရှုပ်ထွေးပါတယ်။ ငါ့ရဲ့နားလည်နိုင်စွမ်းက အကန့်အသတ်ရှိတော့… မင်းက ငါနဲ့ ဖုန်းရွှေအကြောင်း ဆွေးနွေးပြောဆိုချင်လို့လား”</p> <p> </p> <p>ထန်ဇီယွဲ့မှ ပြောသည်။</p> <p>“ဟုတ်လည်း ဟုတ်သလို မဟုတ်လည်း မဟုတ်ပါဘူး။ သခင်ကြီး ကျေးဇူးပြုပြီး ဒီကိုတစ်ချက်ကြည့်ပေးပါ။ ဒီနေရာရဲ့ဖုန်းရွှေကို သခင်ကြီး ဘယ်လိုထင်ပါသလဲ”</p> <p> </p> <p>ယဲ့လုဖုန်း ပတ်ဝန်းကျင်ကို အကဲခတ်ကြည့်လိုက်သည်။ အရှေ့တွင် သစ်ပင်များရှိပြီး အနောက်တွင် မြစ်ရှိသည်။ ယဲ့လုဖုန်း မျက်မှောင်ကြုတ်မိလိုက်၏— ဒီနေရာက သိပ်ပြီး နိမိတ်မကောင်းဘူးပဲ။</p> <p> </p> <p>ထန်ဇီယွဲ့မှ ပြောသည်။</p> <p>“သခင်ကြီးလည်း ပြဿနာကို ရှာတွေ့လောက်မယ် ထင်ပါတယ်။ အမှန်ပါပဲ။ ပထဝီမြေပြင်အနေအထားအရ တောင်တွေရှိရာဟာ ရတနာမြေပါပဲ။ တောင်အနီးမှာ မြှုပ်နှံတာက နောင်လာနောက်သားမျိုးဆက်တွေကို ကောင်းချီးပေးပေမဲ့ ရေအနီးမှာ မြှုပ်နှံတာကတော့ ကျိန်စာတိုက်လိုက်သလိုပါပဲ”</p> <p> </p> <p>“အထူးသဖြင့် ဒီနေရာပါ”</p> <p> </p> <p>ထန်ဇီယွဲ့သည် ပတ်ဝန်းကျင်ကို ညွှန်ပြလျက် ပြောသည်။</p> <p>“သခင်ကြီး ကျေးဇူးပြုပြီး ကြည့်ပါ။ ဒီနေရာက မြစ်နဲ့ အရမ်းနီးပါတယ်။ ရေကြီးရေလျှံတဲ့ရာသီရောက်တာနဲ့ ရေတွေက ဒီနေရာကို သေချာပေါက် ဖုံးလွှမ်းတိုက်စားသွားမှာပါ။ အဲဒီအခါကျ ခေါင်းတလားတွေက ရေထဲ မျောပါကုန်နိုင်ပါတယ်။ ရေလွှမ်းခံရတဲ့ ရတနာလိုဏ်ဂူဆိုတာ အလွန်တရာမှ ကြီးလေးတဲ့ ကျိန်စာကြီးပါပဲ”</p> <p> </p> <p>ထိုအခါ ယဲ့လုဖုန်းသည် မြစ်ကိုတစ်လှည့် ခေါင်းတလားများကိုတစ်လှည့် အပြန်အလှန်ကြည့်လိုက်သည်။ ထို့နောက် မေးသည်။</p> <p>“မင်း တကယ်ပဲ ဘာပြောချင်နေတာလဲ”</p> <p> </p> <p>“သခင်ကြီးလည်း ထူးဆန်းတယ်လို့ တွေးမိတယ်မလား။ ကွယ်လွန်သူကိုမြှုပ်နှံတဲ့အခါ ဘယ်သူကများ နောင်လာနောက်သားတွေရဲ့ကောင်းချီးကို ထည့်မတွက်ဘဲ မြှုပ်နှံမှာတဲ့လဲ။ အဲဒါတောင်မှ ဒီနေရာလို ကျိန်စာသင့်သင်္ချိုင်းမြေကို ဖန်တီးခဲ့သေးတယ်။ ဒီလိုလုပ်ရတာက ထာရာမိသားစု တိုးတက်ကြီးပွားမှာကို စိုးရိမ်လို့များလား။ ဒီလိုက လုံးဝ ကျိုးကြောင်းမဆီလျော်ဘူးလေ”</p> <p> </p> <p>ချီမုကောမှ ကြားဖြတ်ပြောသည်။</p> <p>“ထာရာမိသားစုက အမြစ်ဖြတ်သုတ်သင်ခံလိုက်ရတာ။ နောင်လာနောက်သား မရှိတော့ဘူး”</p> <p> </p> <p>ထန်ဇီယွဲ့ ဆွံ့အသွားရသည်။</p> <p> </p> <p>“အဲဒါက ပိုလို့တောင် ထူးဆန်းသေးတယ်။ ဖုန်းရွှေဆရာက ဘာလို့ ဒီလို အရမ်းမင်္ဂလာမရှိတဲ့နေရာကို သင်္ချိုင်းနေရာအဖြစ် ရွေးချယ်လိုက်ရတာလဲ။ အရမ်းထူးဆန်းမနေဘူးလား။</p> <p> </p> <p>ယဲ့လုဖုန်းမှ ပြောသည်။</p> <p>“ဆက်ပြောပါ”</p> <p> </p> <p>“ဒါပေမဲ့ သခင်ကြီး၊ ကျွန်တော် ခုနကပဲ အနီးကပ် သေချာကြည့်လိုက်ပါတယ်။  ကျွန်တော်တို့ ဒီနေရာကို ဖုန်းရွှေပညာရပ်ရှုထောင့်ကနေ မကြည့်ဘူးဆိုရင် သူတို့ရွေးချယ်ထားတဲ့ ဒီနေရာက အရမ်းကောင်းမွန်ပါတယ်။ ဒီနေရာက သယ်ယူပို့ဆောင်ရေးအတွက် ရတနာတစ်ပါးလိုနေရာမို့လို့ပါ”</p> <p> </p> <p>“မျန့်ရွှေမြစ်မှာ သင်္ဘောတချို့ စောင့်ခိုင်းထားပြီး ခေါင်းတလားတွေရောက်တာနဲ့ လက်နက်တွေကို သင်္ဘောပေါ် ချက်ချင်းတင်ပြီး မြစ်ကြောင်းအတိုင်း စုန်ဆင်းသွားလို့ရပါတယ်။ နှစ်နာရီမပြည့်တဲ့ အချိန်အတွင်းမှာပဲ မျန့်ရွှေမြစ်ရဲ့ အဓိကမြစ်ကြောင်းဆီ ရောက်ပြီးတော့ မြောက်ပိုင်းကို ဆက်သွားလိုက်မယ်ဆိုရင် မြောက်ပိုင်းဒေသက မိန်ဂိုဏ်းဆီကို လက်နက်တွေ  ပို့ဆောင်နိုင်ပါတယ်”</p> <p> </p> <p>“ပြီးတော့လည်း သခင်ကြီး ခုနက မြားခေါင်းကို သခင်ကြီး ကြည့်လိုက်တယ်မဟုတ်လား။  အဲဒီမြားခေါင်းက ထာရာအသက်ရှင်စဉ်က ပိုင်ဆိုင်ခဲ့တဲ့မြားခေါင်းလို့ သူတို့ပြောသွားပေမဲ့ မြားခေါင်းကို သေချာကြည့်လိုက်ရင် မြားခေါင်းကို သွန်းလုပ်ထားတာ အချိန်မကြာသေးတာကို သတိထားမိနိုင်ပါလိမ့်မယ်။ ဒီမြားခေါင်းကို သွန်းလုပ်ထားတာ ငါးရက်တောင် မကြာလောက်သေးပါဘူး။ ဒီမြားခေါင်းအသစ်ရဲ့ အထစ်နေရာက မြားတံမှာ မတပ်ဆင်ရသေးတာကို ပြသနေပါတယ်။ မုလန်လူမျိုးတွေက သီးသန့်ပြုလုပ်ထားတဲ့ မြားတံတွေကို အသုံးပြုတာ မဟုတ်ပါလား”</p> <p> </p> <p>“အဲဒါကြောင့် ဒီမြားခေါင်းက မိန်ဂိုဏ်းသားတွေ လက်နက်ရွှေ့ပြောင်းသယ်ယူစဉ်မှာ အမှုမဲ့အမှတ်မဲ့ ကျကျန်ခဲ့တာဖြစ်နိုင်တယ်ဆိုတဲ့ သံသယက ကျိုးကြောင်းဆီလျော်ပါတယ်”</p> <p> </p> <p>ယဲ့လုဖုန်းသည် အချိန်ခဏမျှ တိတ်ဆိတ်သွား၏။ ထို့နောက် ပြောသည်။</p> <p>“ဒါတွေအားလုံးက မင်းရဲ့ တစ်ဖက်သတ် သုံးသပ်ချက်တွေပဲလေ။ ငါက မင်းကို ဘယ်လိုယုံကြည်ရမှာလဲ။ မိန်ဂိုဏ်းနဲ့ ပူးပေါင်းနေတဲ့သူက မင်းတို့မဟုတ်ပါဘူးလို့ ငါဘယ်လိုယုံကြည်ရမှာလဲ”</p> <p> </p> <p>ထန်ဇီယွဲ့မှ ပြန်ပြောသည်။</p> <p>“သခင်ကြီး သံသယဝင်တာ ဖြစ်သင့်ပါတယ်။  ဒီလိုအချိန်မျိုးမှာ ဘယ်သူ့ကိုမှ လုံးလုံးလျားလျား အပြစ်ကင်းစင်တယ်လို့ သတ်မှတ်လို့ မရပါဘူး။ ဒါပေမဲ့ သခင်ကြီး၊ ကျွန်တော်တို့ကို သခင်ကြီးက လက်ပူးလက်ကြပ် ဖမ်းမိထားခဲ့ပါပြီ။ ကျွန်တော်တို့ကို ပေးအပ်တဲ့ အပြစ်ဒဏ်ကိုလည်း ခံယူပြီးပါပြီ။  ကျွန်တော်တို့မှာ အတိတ်ကို ပြန်မွှေနှောက်ပြီး သခင်ကြီးရဲ့ အာရုံစိုက်မှုကို ရယူဖို့ အကြောင်းပြချက်မရှိတော့ပါဘူး”</p> <p> </p> <p>“ကျွန်တော်တို့သာ မိန်ဂိုဏ်းနဲ့ ပူးပေါင်းနေတာမှန်ရင် ပုန်းကွယ်ပြီး ဆိတ်ဆိတ်နေခဲ့မှာပေါ့။ သခင်ကြီးရှေ့မှာ  ဒီလိုတွေလုပ်ပြီး ကိုယ့်ကိုယ်ကိုယ် လူမိအောင် လုပ်မှာ မဟုတ်ပါဘူး။ သခင်ကြီးရဲ့ဥာဏ်အမြော်အမြင်နဲ့ဆို ကျွန်တော်တို့ဘက်က ပိုပြီးလုပ်ဆောင်လေလေ ပြစ်ချက်တွေပဲ ပိုပိုပြီး ထွက်ပေါ်လာမှာပါ။ သခင်ကြီးအနေနဲ့လည်း ကျိုးကြောင်းမဆီလျော်မှုတွေကို ပိုပြီး လွယ်လွယ်နဲ့ သတိထားမိသွားမှာပါ။ အဲဒီလိုဆိုမှတော့ ကျွန်တော်က ဘာလို့များ ဒီလိုရဲရဲတင်းတင်း ပြောနေဦးမှာပါလဲ”</p> <p> </p> <p>ယဲ့လုဖုန်းသည် ထန်ဇီယွဲ့ကို ကြည့်နေခဲ့သည်။ ယဲ့လုဖုန်းသည် အမှန်တကယ်ပင် စိတ်ယိမ်းယိုင်သွားခဲ့ပါ၏။ ထန်ဇီယွဲ့၏ စကားများသည် အမှန်တကယ်ပင် အစီအစဉ်ကျနပြီး ဖြစ်နိုင်ခြေမြင့်မားပေသည်။ သူကိုယ်တိုင်က မိန်ဂိုဏ်းသားဖြစ်ခဲ့လျှင်လည်း ထိုသို့နည်းပရိယာယ်မျိုးကို အသုံးပြုခဲ့လောက်ပေသည်။</p> <p> </p> <p>မုလန်လူမျိုးများ၏ ခေါင်းတလားများကို အသုံးပြု၍ စစ်လက်နက်ပစ္စည်းများကို မြို့ပြင်ထုတ်ပြီး မြစ်ကမ်းဘေးကို သင်္ချိုင်းမြေအဖြစ် သတ်မှတ်ကာ လက်နက်များကို သင်္ဘောပေါ်တင်၍ မြစ်ကြောင်းတစ်လျှောက် စုန်ဆင်းသွားကာ မျန့်ရွှေမြစ် အဓိကမြစ်ကြောင်းထဲသို့ ရောက်ရှိိပြီး မြောက်ပိုင်းဒေသသို့ လက်နက်များကို ပို့ဆောင်မည်။</p> <p> </p> <p>မြောက်ပိုင်းဒေသသို့ ရောက်သော် ထိုလက်နက်များသည် မိန်ဂိုဏ်းသားမိစ္ဆာများ၏ မုလန်လူမျိုးစစ်သည်တော်များကို သတ်ဖြတ်ရန် လက်နက်ဖြစ်သွားလိမ့်မည်။</p> <p>ထိုသို့ဖြစ်သွားပါက အားလုံးသည် သူ ယဲ့လုဖုန်း၏ အမှားကြောင့်ပင်။</p> <p> </p> <p>ထိုသို့အတွေးတွင် ယဲ့လုဖုန်းသည် မျက်ခုံးနှစ်ခု ထိစပ်လုမတတ် တွန့်ချိုးသွားမိရသည်။ ထို့နောက် ပြောသည်။</p> <p>“ထန်ဇီယွဲ့ မင်းဆိုလိုတာက စစ်လက်နက်ပစ္စည်းတွေက မြို့ပြင်ကို သယ်ထုတ်သွားခံရပြီးပြီ။ အဲဒီအပြင် မျ့န်ရွှေမြစ်ကြောင်းတစ်လျှောက် သယ်ထုတ်သွားခံလိုက်ရပြီဖြစ်နိုင်တယ်ပေါ့ ဟုတ်သလား”</p> <p> </p> <p>ထန်ဇီယွဲ့မှ ပြန်ပြောသည်။</p> <p>“သခင်ကြီး စစ်လက်နက်ပစ္စည်းတွေ မြို့ပြင်ရောက်သွားပြီဆိုတာ ဖြစ်နိုင်ခြေမြင့်မားပါတယ်။ ဒါပေမဲ့ မျန့်ရွှေစီရင်စုထဲကနေတော့ သယ်မထုတ်ရသေးလောက်ပါဘူး”</p> <p> </p> <p>“အို ပြောစမ်းပါဦး”</p> <p> </p> <p>ထန်ဇီယွဲ့မှ ရှင်းပြသည်။</p> <p>“မြောက်ပိုင်းဒေသကို စစ်လက်နက်ပစ္စည်းတွေ ပို့ဆောင်ဖို့ဆိုရင် သာမန်သင်္ဘောတွေနဲ့ မရပါဘူး။ နည်းနည်းပိုကြီးတဲ့ ကုန်တင်သင်္ဘောတွေကို အသုံးပြုဖို့လိုပါတယ်။ လက်ရှိ မျန့်ရွှေမှာ အဲဒီလိုသင်္ဘောတွေကို အသုံးပြုနိုင်တာက ကုန်သည်အဖွဲ့သုံးခုပဲ ရှိပါတယ်”</p> <p> </p> <p>ယဲ့လုဖုန်း မျက်လုံးမှေးကျုံ့လိုက်သည်။</p> <p>“ချောင်ကုန်သည်အဖွဲ့၊ ငါးဖမ်းကုန်သည်အဖွဲ့နဲ့ ကျားဖြူခန်းမပဲ”</p> <p> </p> <p>ထန်ဇီယွဲ့မှ ဆက်ပြောသည်။</p> <p>“ဟုတ်ပါတယ်။ ဒီကုန်သည်အဖွဲ့သုံးခုက မျန့်ရွှေရဲ့ သင်္ဘာလုပ်ငန်းအားလုံးနီးပါးကို လက်ဝါးကြီးအုပ်ထားတာပါ။ ဒီအထဲမှာမှ ချောင်ကုန်သည်အဖွဲ့က သင်္ဘောအများဆုံးပိုင်ဆိုင်ပြီး အဲဒီနောက် ကျွန်တော်တို့ ငါးဖမ်းကုန်သည်အဖွဲ့နဲ့ ကျားဖြူခန်းမအဖွဲ့တို့က ဒုတိယ၊ တတိယ အများဆုံး ပိုင်ဆိုင်ထားပါတယ်”</p> <p> </p> <p>“အို အဲဒီတော့ လက်နက်တွေကို စီရင်စုအပြင်ဘက်ကို သယ်ထုတ်ဖို့ဆိုရင် ဒီကုန်သည်အဖွဲ့သုံးခုရဲ့ သင်္ဘောတွေကို မလွဲမသွေ အသုံးပြုရမယ်လို့ ဆိုလိုတာလား။ ဒါဆို ဒီကုန်သည်အဖွဲ့သုံးခုရဲ့ သင်္ဘောတွေကို ရပ်နားခိုင်းလိုက်ရင် မျန့်ရွှေကနေ လက်နက်တွေ သယ်ထုတ်ဖို့အတွက် ခက်ခဲသွားလိမ့်မယ်၊ အိုးတစ်လုံးထဲမှာ ပိတ်မိနေတဲ့ လိပ်တွေလို ဖြစ်သွားလိမ့်မယ်ပေါ့ ဟုတ်သလား”</p> <p> </p> <p>ထန်ဇီယွဲ့ ရယ်မောလိုက်သည်။</p> <p>“အမှန်ပါပဲ”</p> <p> </p> <p>ယဲ့လုဖုန်း ခပ်ဖျော့ဖျော့ ခေါင်းညိတ်လိုက်ပြီး မှတ်ချက်ပြုသည်။</p> <p>“အင်း မင်းက အတော်ထက်မြက်တာပဲ”</p> <p> </p> <p>ထန်ဇီယွဲ့မှ ပြောသည်။</p> <p>“ကျေးဇူးတင်ပါတယ် သခင်ကြီး။ ဒါက ကျွန်တော်လုပ်သင့်တဲ့အရာပါပဲ”</p> <p> </p> <p>ယဲ့လုဖုန်းမှ ပြောသည်။</p> <p>“ကိစ္စတွေက တကယ်ပဲ မင်းပြောသလိုဖြစ်နေခဲ့ရင် ငါ မင်းကို ထိုက်ထိုက်တန်တန် ချီးမြှင့်မယ်”</p> <p> </p> <p>“သခင်ကြီး ကျွန်တော် ဆုလာဘ်ချီးမြှင့်ခံရတာကို မလိုချင်ပါဘူး။ သခင်ကြီးအနေနဲ့ ခေါင်းဆောင်ကို အခွင့်အရေးတစ်ခေါက်လောက် ပေးနိုင်ဖို့ပဲ မျှော်လင့်တာပါ။ ဒီတစ်ကြိမ်မှာ ကျွန်တော်တို့ခေါင်းဆောင်က တကယ် ထောင်ချောက်ဆင်ခံရတာပါ။ ကျေးဇူးပြုပြီး အခြေအနေကို ပြန်လည်သုံးသပ်ပေးတော်မူပါ သခင်ကြီး”</p> <p> </p> <p>ထန်ဇီယွဲ့မှ အရိုအသေပြုလျက် တောင်းဆိုခဲ့သည်။ ယဲ့လုဖုန်းမှ ထန်ဇီယွဲ့ကို မေးသည်။</p> <p>“မင်းက ဒီအကြံပြုချက်ကို ခေါင်းဆောင်နန်ရဲ့အနာဂတ်နဲ့ လဲလှယ်ဖို့ကြိုးစားနေတာလား”</p> <p> </p> <p>ထန်ဇီယွဲ့မှ ပြန်ပြောသည်။</p> <p>“မဟုတ်ပါဘူး။ ကျွန်တော်က ဒီတိုင်း သခင်ကြီးအနေနဲ့ ခေါင်းဆောင်ကို အခွင့်အရေးတစ်ကြိမ်လောက် ပေးနိုင်ဖို့ မျှော်လင့်ရုံပါ။ ခြုံငုံကြည့်လိုက်ရင် ကုန်တင်သင်္ဘောတွေကို စစ်ဆေးဖို့ပဲဖြစ်ဖြစ်၊ ရေကြောင်းတစ်လျှောက်က သံသယဖြစ်ဖွယ် သင်္ဘောငယ်လေးတွေကို စစ်ဆေးဖို့ပဲဖြစ်ဖြစ်၊ အဲဒီလိုတာဝန်တွေက ကျွန်တော်တို့ခေါင်းဆောင် အထူးကျွမ်းကျင်တဲ့အပိုင်းတွေပါ။ ကျေးဇူးပြုပြီး သခင်ကြီးအနေနဲ့ ကျွန်တော်တို့ခေါင်းဆောင်ကို မတရားစွပ်စွဲခံရတာကို ပြန်ချေဖျက်ဖို့ အခွင့်အရေးတစ်ကြိမ်လောက် ပေးနိုင်မလား”</p> <p> </p> <p>***</p> <p> </p>


Save