Book List

<h2 style="text-align: center;">Chapter 840</h2> <h2 style="text-align: center;">Restart 3</h2> <h2 style="text-align: center;">*</h2> <p> </p> <p> </p> <p> </p> <p>ဒက် ဒက် ဒက် အုန်း အုန်း</p> <p> </p> <p>ရှေ့ဆုံးမှ ကျိုးကျင်း၏ သံချပ်ကာကားပေါ်မှ အဖွဲ့ဝင်များက ပြန်လည် ပစ်ခတ်နေကြပြီး ကားတာယာများမှာ သံမဏိကြမ်းပြင်ပေါ်တွင် တကျိကျိ အသံများ ထွက်ပေါ်နေသည် ။ လင်းရှန်က ကားဘေးတစ်ဖက်တစ်ချက်မှ တိုက်ခိုက်မှုများကို ကာကွယ်ရန် AT Field အကာကွယ်ကို အသုံးပြုလိုက်သည်။ တစ်ချိန်တည်းမှာပင် သူက တိုက်ခိုက်ရေးဒရုန်း ရာပေါင်းများစွာကို လွှတ်တင်လိုက်ရာ လျှပ်စီးသိန်းငှက် ၂၀၀၀ မှ ထွက်ပေါ်လာသည့် အနီရောင် လျှပ်စစ်တန်းများ၊ မိုးကြိုးအကျဉ်းထောင်ဒရုန်းများမှ ပေါက်ကွဲထွက်လာသည့် သံလိုက်မုန်တိုင်းများနှင့် သံမဏိမိုးစက်ဒရုန်းများ၏ ထိုးဖောက်သံများမှာ ဥမင်လိုဏ်ခေါင်းအတွင်း စူးရှတောက်ပစွာ ပြည့်နှက်သွားသည်၊၊</p> <p> </p> <p>ရွှီးခနဲ အသံနှင့်အတူ သံမဏိအကာကွယ် ဒရုန်းဒါဇင်ပေါင်းများစွာက ကာကွယ်ရေးသံချပ်ကာများကို ဖြန့်ကျက်လိုက်ပြီး ကားနှစ်စီးလုံး၏ ပတ်ပတ်လည်တွင် ပျံသန်းနေသည့် ဒိုင်းကာတစ်ခုအဖြစ် ဝိုင်းရံလိုက်ကြသည်၊၊</p> <p> </p> <p>ဖိအားများ ချက်ချင်း လျော့ကျသွားသည် ။ ဥမင်လိုဏ်ခေါင်းအတွင်း ရုတ်တရက် ရောက်လာသည့် ဒရုန်းတပ်ဖွဲ့၏ တိကျသော လုပ်ဆောင်ချက်များကို ကြည့်ရင်း ချူယန်က နောက်ကြည့်မှန်မှတစ်ဆင့် လင်းရှန်ကို လှမ်းကြည့်ကာ မေးလိုက်သည်၊၊</p> <p> </p> <p>“နင် ဒီဒရုန်းတွေကို တိုက်ရိုက်လုပ်လိုက်တာလား… ဘယ်လိုလုပ် ဒီလောက်မြန်နေတာလဲ”</p> <p> </p> <p>တကယ်တော့ သူမတွင် ထိုမေးခွန်းက မနေ့ညကတည်းက ရှိနေခြင်း ဖြစ်သည်၊၊ အကြောင်းမှာ လင်းရှန်သည် တိုက်ပွဲတွင် ကူညီရန် ဒရုန်းများကို လွှတ်တင်ရုံသာမက မြို့ပတ်လမ်းကို ပြုပြင်ရန် ကိရိယာများကိုလည်း ဖန်တီးနေခြင်းကြောင့် ထိုဒရုန်းများမှာ လင်းရှန် လက်ဝှေ့ယမ်းလိုက်ရုံဖြင့် ထွက်ပေါ်လာသည်ဟု သူမက ထင်နေမိခြင်း ဖြစ်သည်၊၊</p> <p> </p> <p>“အဲဒီလိုသဘောပါပဲ”</p> <p> </p> <p>လင်းရှန်က ထိန်းချုပ်မှုကို ဂရေ့စ်ထံ လွှဲပြောင်းပေးပြီး လမ်းကြောင်းကို စတင်စစ်ဆေးလိုက်သည်၊၊</p> <p> </p> <p>ဤဒရုန်းရာပေါင်းများစွာ၏ ပစ်အားကြောင့် အမှောင်ထဲမှ ထွက်ပေါ်လာသည့် ခြိမ်းခြောက်မှုများကို ရေဒါဖြင့် တိကျစွာ ခွဲခြားသတ်မှတ်ပြီး ဖယ်ရှားနိုင်ခဲ့သည်။ မကြာမီ ရှေ့ရှိ လမ်းကြောင်းတွင် အလင်းရောင်များပေါ်လာပြီး မြင်ကွင်းမှာ ရှင်းလင်းသွားသည် ။ ထူးဆန်းသော လူသားများ၏ အရေအတွက်မှာလည်း နည်းပါးသွားရာ သူတို့ ပေါ်ထွက်လာခြင်းမှာ နယ်မြေအလိုက် ထိန်းချုပ်ခံထားရသည့်ပုံစံမျိုး ဖြစ်နေသည်၊၊</p> <p> </p> <p>ထိုလူသားများကို ထိုးဖောက်ပြီးနောက် သံချပ်ကာကားနှစ်စီးသည် ဧရာမ မြေအောက်အဆောက်အအုံ ယန္တရားကြီးတစ်ခုအတွင်းသို့ ဖြည်းဖြည်းချင်း မောင်းဝင်လာကြသည်၊၊ ထိုနေရာတွင် နေရာလွတ်မှာ စတင် ကျယ်ပြန့်လာသည်၊၊</p> <p> </p> <p>သံချပ်ကာကားများ ဥမင်လိုဏ်ခေါင်းမှ ထွက်လာသည်နှင့် မီတာရာပေါင်းများစွာ အချင်းရှိသည့် ဧရာမ မြို့တံခါးကြီး၏ ပုံရိပ်ကို မြင်တွေ့လိုက်ရသည်။ ထိုအချိန်တွင် ရှေ့မှနေ၍ ပြင်းထန်သော ပစ်ခတ်သံများ ရုတ်တရက် ထွက်ပေါ်လာပြီး မြေအောက်မြို့တော်အတွင်းမှ ဒရုန်းအမြောက်အမြား ပျံထွက်လာကာ လင်းရှန်၏ အဖွဲ့နှစ်ဖွဲ့လုံးနှင့် ထိတွေ့ကာ တိုက်ပွဲဖြစ်သွားသည်၊၊</p> <p> </p> <p>ဒိုင်း ဒိုင်း ဒိုင်း ဒိုင်း ဒိုင်း ဘန်း ဘန်း ချွင် ချွင် အုန်း</p> <p> </p> <p>တစ်ခဏချင်းအတွင်း လင်းရှန်သည် တပ်ခွဲတစ်ခုလုံး၏ ပစ်ခတ်မှုကို ခံနေရသလို ခံစားလိုက်ရသည်။ လေထုတစ်ခုလုံးပြည့်နှက်နေသော ကျည်ဆန်များနှင့် လျှပ်စစ်တန်းများက သူ၏ မြင်ကွင်းကို ချက်ချင်း ဖုံးလွှမ်းသွားပြီး ကျည်ဆန်များနှင့် သံမဏိများ ပေါက်ကွဲထိခိုက်မိသံများက နားထဲတွင် ပွက်လောရိုက်သွားခဲ့သည်၊၊</p> <p> </p> <p>“သတိထားကြ”</p> <p> </p> <p>“ဘယ်ဘက်ကို”</p> <p> </p> <p>ကျိုးကျင်းက ဆက်သွယ်ရေးစက်ထဲမှနေ၍ အားကုန်အော်လိုက်သည်။ ထို့နောက် သံချပ်ကာယာဉ်နှစ်စီးသည် ကျည်ဆန်မုန်တိုင်းများကြားမှ တိုးထွက်လာပြီး ဘယ်ဘက်ရှိ သံဆူးကြိုးတံတိုင်းကို တိုက်ဖြတ်ကာ မြေအောက်မြို့တော်၏ မပြီးပြတ်သေးသော လမ်းကြားတစ်ခုထဲသို့ အတင်းဝင်ရောက်သွားကြသည်။ မြေပြင်မှာ စံနှုန်းမီကွန်ကရစ်ပြားများဖြင့် ခင်းကျင်းထားပြီး အသစ်စက်စက် ရုံးခန်းနေရာ နံရံများမှာမူ အသုံးမပြုရသေးခင်မှာပင် စွန့်ပစ်ခြင်း ခံထားရသည်။</p> <p> </p> <p>အခြေအနေ အလွန်အမင်း ထိတ်လန့်စရာကောင်းနေသဖြင့် သံချပ်ကာယာဉ်နှစ်စီးသည် စတီးနံရံအချို့ကို တိုက်ချ၍ အတွင်းပိုင်းလမ်းမတစ်ခုထဲသို့ ဝင်ခဲ့ကြသည်။</p> <p> </p> <p>လင်းရှန်၏ “သံမဏိအကာကွယ်” ဒရုန်းများနှင့် AT စွမ်းအင်ဒိုင်းကာသာမရှိလျှင် ထိုခဏအတွင်း ကျရောက်လာသော ပြင်းထန်လှသည့် ပစ်ခတ်မှုများက သံချပ်ကာယာဉ်များကို အပြီးတိုင် အရည်ပျော်သွားစေရန် လုံလောက်နေပေသည်။ တစ်ဖက်တွင်လည်း လင်းရှန်၏ ဒရုန်းများနှင့် လိုက်လံတိုက်ခိုက်နေသော ရန်သူ့ဒရုန်းများသည် ပြင်းထန်စွာ တိုက်ပွဲဖြစ်နေကြပြီး လင်းရှန်သည် သူ၏ ယန္တရားစွမ်းအားကို အသုံးပြု၍ ရန်သူ့ဒရုန်းများကို အုပ်စုလိုက် ရပ်တန့်သွားအောင် လုပ်ဆောင်နေသည်။ သို့သော် အခြားတစ်ဖက်မှလည်း အနီရောင်ကမ္ဘာ၏ စွမ်းအားဝတ်စုံဝတ် ဆင်ထားသော လက်နက်ကိုင်များစွာက စတင်လိုက်လံ တိုက်ခိုက်လာကြသည်။</p> <p> </p> <p>ရုတ်တရက်ဆိုသလို ရူးသွပ်ဖွယ်ရာ လိုက်လံတိုက်ခိုက်မှုကြီး စတင်တော့သည်။ လက်နက်ကိုင်များပြည့်နှက်နေသော လေယာဉ်တစ်စင်းသည် အောက်ဘက်မှ ပျံတက်လာပြီး သံချပ်ကာယာဉ်နှစ်စီးကို စွမ်းအင်တန်းများဖြင့် ပစ်ခတ်လိုက်သည်။ အပူချိန်မြင့်မားလှသော ထိုစွမ်းအင်တန်းများသည် နံရံများနှင့် ကွန်ကရစ်တိုင်များကို ဖောက်ထွက်သွားပြီး “သံမဏိအကာအကွယ်” ဒရုန်းများ၏ အကာအကွယ်အလွှာမှာလည်း အပေါက်များစွာ ဖြစ်သွားရသည်။</p> <p> </p> <p>ထိုအချိန်တွင် ချူယန်သည် စတီယာရင်ကို အားကုန်လှည့်ကာ သံချပ်ကာယာဉ်၏ လမ်းကြောင်းကို ကျွမ်းကျင်စွာ ပြောင်းလဲလိုက်သည်။ ထို့နောက် စက်ရုပ်လက်တံကို အသုံးပြုကာ လျှပ်စစ်တူဖြင့် ကားရှေ့မှန်ကို ရိုက်ခွဲလိုက်သည်။ သူမ၏ မျက်လုံးများ ခဏတာ နီမြန်းသွားပြီး ပြင်းထန်သော စိတ်ဝိညာဉ်စွမ်းအားများ ထွက်ပေါ်လာသည်။ နောက်ခန်းတွင် ထိုင်နေသော လင်းရှန်နှင့် အခြားသူများသည် တစ်ကိုယ်လုံး တုန်ခါသွားကြသည်။ ရုတ်တရက်ဆိုသလိုပင် လေယာဉ်ပေါ်ရှိ ဒါဇင်နှင့်ချီသောလက်နက်ကိုင်များသည် သူတို့၏ ဝတ်စုံအတွင်းမှာပင် သွေးအိုင်အဖြစ် ပေါက်ကွဲသွားကာ ဘာသံမှမထွက်ဘဲ ချက်ချင်းပင် အသက်ပျောက်သွားကြသည်။</p> <p> </p> <p>လင်းရှန်က ထိုမြင်ကွင်းကို ကြည့်ပြီး မျက်လုံးအပြူးသားဖြင့် ပြောလိုက်မိသည်၊၊</p> <p> </p> <p>“မင်းက လူတွေကို ခေါင်းနည်းနည်းပဲ ကိုက်အောင် လုပ်မှာဆို”</p> <p> </p> <p>“ဒါက တကယ်ကို ခေါင်းကိုက်သွားတာပဲလေ” ကီကီက မနေနိုင်ဘဲ ဝင်ပြောလိုက်သည်။</p> <p> </p> <p>စွမ်းအားဝတ်စုံကို မဖျက်ဆီးနိုင်သော်လည်း လူကိုမူ ချက်ချင်း သေစေနိုင်ခဲ့သည်။ ချူယန်၏ စွမ်းအားကို ပထမဆုံးအကြိမ်မြင်တွေ့ရသော လင်းရှန်မှာ ဦးရေပြားပင် ယားကျိကျိဖြစ်သွားရသည်။</p> <p> </p> <p>“လူသတ်ရတာက သန္ဓေပြောင်းသတ္တဝါတွေကို သတ်ရတာထက် ပိုလွယ်တယ်”</p> <p>ချူယန်က ပေါ့ပေါ့ပါးပါးပြောလိုက်သည်။</p> <p> </p> <p>“ဒါကြောင့် ငါ့ရဲ့စွမ်းအားက တွင်းနက်ရဲ့ ထောက်လှမ်းရေးအလုပ်တွေမှာ ပိုပြီး သင့်တော်တာပဲ”</p> <p> </p> <p>“ရှေ့မှာ လမ်းမရှိတော့ဘူး”</p> <p> </p> <p>ကျိုးကျင်းက အော်ပြောလိုက်ပြီး အထူးတပ်ဖွဲ့ဝင်များသည် သွေးချောင်းစီးသော လမ်းကို ဖောက်ထွက်လာခဲ့ကြသည်။</p> <p> </p> <p>ယခုအခါ အလွှာပေါင်းစုံရှိသော မြေအောက်မြို့တော် လမ်းကြောင်းများတွင် အနီရောင်ကမ္ဘာမှ လက်နက်ကိုင် ရာနှင့်ချီပေါ်လာပြီး သူတို့၏ ကားများကို တောက်လျှောက်ပစ်ခတ်နေကြသည်။ သို့သော် လက်နက်ကြီးများကိုမူ အသုံးမပြုကြပေ။ နောက်ဆုံးတွင် ကားများမှာ လမ်းပိတ်သွားပြီး တာယာများလည်း လုံးဝပျက်စီးသွားသဖြင့် အဖွဲ့နှစ်ဖွဲ့လုံး ကားပေါ်မှဆင်းကာ တိုက်ခိုက်ရင်း အကာအကွယ်နောက်သို့ ဝင်ခဲ့ကြရသည်။</p> <p> </p> <p>“ဂရေ့စ် သွားတော့”</p> <p> </p> <p>ဒရုန်းအမြောက်အမြားကို ရှင်းလင်းပြီးနောက် လင်းရှန်သည် ဂရေ့စ်ကို တိုက်ရိုက်အမိန့်ပေးလိုက်သည်။ ဂရေ့စ်သည် သူမ၏ ဒရုန်းတပ်ကို ဦးဆောင်ကာ ရန်သူများကို ရှင်းလင်းပေးသည်။ တစ်ဖက်တွင်လည်း ကီကီနှင့် ချူယန်တို့က သူတို့၏ စွမ်းအားများကို အသုံးပြုကာ အနီရောင်ကမ္ဘာ၏ လက်နက်ကိုင်များကို ရင်ဆိုင်နေကြသည်။ ချူယန်ပြောသည်မှာ မှန်ပေသည်။ သန္ဓေပြောင်းသတ္တဝါများနှင့် ယှဉ်လျှင် လူသားများ၏ အကြီးမားဆုံးသော အားသာချက်မှာ လျင်မြန်ဖျတ်လတ်မှုနှင့် သေနတ်များသာ ဖြစ်သည်။ လင်းရှန်၏ ကာကွယ်ရေးဝတ်စုံနှင့် စွမ်းအားများကြောင့် ရန်သူ့ကျည်ဆန်များကို တားဆီးနိုင်ခဲ့သဖြင့် မကြာခင်မှာပင် အခြေအနေကို ပြောင်းလဲကာ ရန်သူကို ပြန်လည်ဖိနှိပ်နိုင်ခဲ့သည်။</p> <p> </p> <p>သို့သော် ရန်သူ့ဘက်မှ ပုန်းကွယ်ပစ်ခတ်သူများမှာ များပြားလွန်းလှသဖြင့် လင်းရှန်သည် AT စွမ်းအင်ဒိုင်းကာနှင့် စွမ်းအားဝတ်စုံကိုသာ အားကိုး၍ တိုက်ရိုက်ရင်ဆိုင်မနေတော့ဘဲ ဂရေ့စ်ကို စေလွှတ်လိုက်ခြင်းဖြစ်သည်။</p> <p> </p> <p>တစ်ချိန်တည်းမှာပင် သူသည် အသစ်ထုတ်လုပ်ထားသော ဒရုန်းများကိုလည်း တိုက်ပွဲထဲသို့ ပိုမိုစေလွှတ်လိုက်သည်။</p> <p> </p> <p>လင်းရှန်၏ အမိန့်ကို ရသည်နှင့် ဂရေ့စ်၏ ပတ်ပတ်လည်တွင် ဒရုန်းပေါင်း ၈၀၀ ကျော် ဝိုင်းရံသွားပြီး ထူထပ်သော ဒရုန်းအုပ်ကြီးတစ်ခု ဖြစ်သွားသည်။ သူမ၏ စူပါကွန်ပျူတာ တွက်ချက်နိုင်စွမ်းနှင့် ဒရုန်းများ၏ ရေဒါစနစ်ကြောင့် ၀.၀၁ စက္ကန့်အတွင်း အလွှာအသီးသီးမှ ရန်သူများနှင့် လေယာဉ်၊ ဒရုန်းများကို အတည်ပြုနိုင်ခဲ့သည်။ ထိုခဏ၌ပင် တိကျသော ပစ်ခတ်မှုများ ပျံ့နှံ့သွားသည်။ ရန်သူ့ဒရုန်းများသည် အားကောင်းသော ဉာဏ်ရည်တုတစ်ခု၏ ထိန်းချုပ်မှုကို ခံထားရသည့်အလား လင်းရှန်နှင့် အခြားအဓိကလူများကို လျင်မြန်စွာ တိုက်ခိုက်လာကြသည်။ သို့သော် ယန္တရားစွမ်းအားရှင် လင်းရှန်အတွက်မူ ဤဒရုန်းများသည် EMP ရှေ့မှ ခြင်များကဲ့သို့သာ ဖြစ်သည်။ သူ၏ ယန္တရားထိန်းချုပ်မှု စွမ်းအားဖြင့် လက်တစ်ချက်ဝှေ့ယမ်းလိုက်ရုံဖြင့် ဒရုန်းဒါဇင်ပေါင်းများစွာမှာ စက်ရပ်ကာ ရှော့ခ်ဖြစ်ပြီး မြေပြင်ပေါ်သို့ ပြုတ်ကျကုန်ကြသည်။</p> <p> </p> <p>တစ်ဖက်တွင်လည်း တိုက်ခိုက်ရေးတွင် မကျွမ်းကျင်သော ရှီဇီသည် လင်းရှန်၏ နောက်ကွယ်တွင် တုန်တုန်ရင်ရင်ဖြင့် ပုန်းနေပြီး လင်းရှန်ကို သူမ၏ အစိမ်းရောင်စွမ်းအားဖြင့် ရံဖန်ရံခါ အားဖြည့်ပေးနေသည်။</p> <p>***</p> <p> </p>


Save