Book List

<h2 style="text-align: center;">Chapter 844</h2> <h2 style="text-align: center;">လွှတ်တင်ခြင်း ၂</h2> <h2 style="text-align: center;">*</h2> <p> </p> <p> </p> <p>“သူ့ကို အလွတ်မပေးနဲ့”</p> <p> </p> <p>စကားဆုံးသည်နှင့် ဘေးတစ်ဖက်တစ်ချက်စီရှိ မီးလျှံများထဲမှ ထူးဆန်းသောလူသားများ ရုတ်တရက် ထွက်ပေါ်လာပြီး လင်းရှန်၏ အဖွဲ့ကို တိုက်ခိုက်လိုက်ကြသည်။</p> <p> </p> <p>ကလန်။</p> <p> </p> <p>ကျိုးကျင်းသည် ကျည်ဆန်တစ်ကတ် ကုန်အောင် ပစ်ခတ်ပြီးနောက် ပြေးဝင်လာသော အမည်းရောင်အရိပ်တစ်ခုကို ရင်ဆိုင်ရန် ရှေ့သို့ တိုးထွက်လိုက်သည်။ သူ၏ တစ်ကိုယ်လုံးမှာ ငွေနက်ရောင် သံမဏိအရေပြားအဖြစ် ပြောင်းလဲသွားပြီး သံမဏိဖြောင့်လက်သီးဖြင့် အရှိန်ပြင်းစွာ ထိုးနှက်လိုက်သည်။ ချက်ချင်းပင် ပြင်းထန်သော တုန်ခါလှိုင်းတစ်ခု ပေါက်ကွဲထွက်သွားပြီး ကျိုးကျင်း၏ ခြေဖဝါးအောက်ရှိ ကြမ်းပြင်မှာ လှိုင်းများ ထသွားသည်။ သူ မော့ကြည့်လိုက်သောအခါ အရေပြားနှင့် သံမဏိဝတ်စုံ တစ်သားတည်းဖြစ်နေသလိုရှိသည့် သံချပ်ကာဝတ်လူမည်းကြီးတစ်ဦးကို တွေ့လိုက်ရသည်။ ထိုသူ၏ သွေးရောင်မျက်လုံးများမှာ မှိန်ဖျော့စွာ လင်းလက်နေပြီး နောက်တစ်ခဏတွင်တော့ ပြင်းထန်သော တန်ပြန်ရိုက်ခတ်မှုကြောင့် ကျိုးကျင်းနောက်သို့ လွင့်ထွက်သွားရသည်။</p> <p> </p> <p>“ဟူး”</p> <p> </p> <p>ကျိုးကျင်းက တစ်ချက်ညည်းတွားလိုက်ပြီး အမြန်ပင် ဆက်သွယ်လိုက်သည်။</p> <p> </p> <p>“ရှောင်ယန်... လီစူး... ကပ္ပတိန်လင်းကို ကာကွယ်ပေးကြ”</p> <p> </p> <p>လျှပ်စစ်ဓားနှစ်လက်ကို ကိုင်ဆောင်ထားသော ရှောင်ယန်သည် လျှပ်စီးများဖြင့် တဖျပ်ဖျပ်လက်နေကာ ထူးဆန်းသောလူသားနှစ်ဦး၏ ပူးပေါင်းတိုက်ခိုက်မှုကြားမှ လျင်မြန်စွာ ခုန်ထွက်လာပြီး လင်းရှန်၏ အနားသို့ ရောက်ရှိလာသည်။</p> <p> </p> <p>“ကပ္ပတိန်လင်း... ကျွန်မ ရှင့်ကို ကာဗာပေးထားမယ်”</p> <p> </p> <p>ထိုအချိန်တွင် လင်းရှန်သည် သူ၏ AT Field စွမ်းအင်ဒိုင်းဖြင့် ခုခံထားပြီး တစ်ပြိုင်နက်တည်းမှာပင် ယန္တရားအမြောက်နှင့် ဝါးမျိုမှုကို အသက်သွင်းလိုက်သည်။ ရှေ့တွင်ရှိနေသော ထွားကျိုင်းသည့် ထူးဆန်းသောလူသားတစ်ဦး၏ ချပ်ဝတ်တန်ဆာနှင့် လက်နက်များကို လျင်မြန်စွာ ဖျက်ဆီးပစ်လိုက်သည်။ ယန္တရားအမြောက်က ထိုသူ၏ ကိုယ်ပေါ်တွင် သွေးများယိုစီးနေသေည အပေါက်နှစ်ပေါက်ဖြစ်သွားစေသော်လည်း ကြီးမားသော ထိခိုက်မှုတော့ မရှိခဲ့ပေ။</p> <p> </p> <p>ကီကီသည် အမြန်ပြေးလာပြီး လေပေါ်မှ တိုက်ခိုက်လာသော ထူးဆန်းသောလူသား အသေးစားလေးတစ်ဦးကို စိတ်စွမ်းအားဖြင့် ဖမ်းဆီးလိုက်ကာ လင်းရှန်နှင့် ရှီဇီတို့ကို နောက်ဘက်စင်္ကြံဆီသို့ တွန်းပို့ပေးလိုက်သည်။</p> <p> </p> <p>တဝီဝီမြည်သံများနှင့်အတူ လင်းရှန်၏ ဒရုန်းတပ်ဖွဲ့သည် အဖြူရောင်ခန်းမတစ်ခုလုံးကို အပြင်းအထန် တိုက်ခိုက်နေပြီး အနီရောင်သတ္တဝါများနှင့် သန္ဓေပြောင်းဖုတ်ကောင် ဂျူးလိယပ်စ်များကို လေဆာတန်းများ၊ သံလိုက်မုန်တိုင်းလှိုင်းများဖြင့် ဖိနှိပ်ထားသည်။</p> <p> </p> <p>“ဂရေ့စ်”</p> <p> </p> <p>[ကျွန်မ ဒီမှာရှိပါတယ်]</p> <p> </p> <p>ဘန်း ဘန်း။</p> <p> </p> <p>ထူးဆန်းသောလူသားတစ်ဦး၏ ဦးခေါင်းပေါ်ရှိ သံချပ်ကာကို လက်ချောင်းငါးချောင်းဖြင့် အပြင်းထန်ဆွဲခွာနေသော ဂရေ့စ်သည် လင်းရှန်၏ အမိန့်ကို ကြားသည်နှင့် ချက်ချင်း ခုန်ဆင်းလာပြီး နောက်ဘက်စင်္ကြံထဲသို့ ပြေးဝင်သွားသော လင်းရှန်ကို အကာအကွယ်ပေးလိုက်သည်။</p> <p> </p> <p>သုတေသနဌာန စင်္ကြံမှ ထွက်လာသည်နှင့် လင်းရှန်သည် ထိန်းချုပ်ခန်းရှိရာနေရာကို ချက်ချင်းပင် တိကျစွာ ရှာဖွေတွေ့ရှိသွားသည်။</p> <p> </p> <p>အုန်း။</p> <p> </p> <p>ထိုအချိန်တွင် အပေါ်ဘက်မှ အရှိန်ပြင်းသော တိုက်ခိုက်မှုတစ်ခု ရုတ်တရက် ကျရောက်လာသည်။ လင်းရှန်က လျင်မြန်စွာ တုံ့ပြန်လိုက်ပြီး ရှီဇီကို နောက်သို့ ဆွဲယူလိုက်သည်။ အခြားတစ်ဖက်ရှိ ကီကီမှာလည်း စိတ်စွမ်းအားကို သုံး၍ အမြန်ဆုတ်ခွာလိုက်သည်။ မိုးကြိုးပစ်သံကဲ့သို့ ကျယ်လောင်သော အသံကြီးနှင့်အတူ ဥက္ကာခဲကဲ့သို့သော အမည်းရောင်အရာတစ်ခုသည် လင်းရှန် ခုနက ရပ်နေသည့် နေရာကို ဖောက်ထွက်ကာ အောက်သို့ အပေါက်ကြီးဖြစ်အောင် ပြုတ်ကျသွားသည်။ ၎င်းမှာ သံချပ်ကာအပြည့်ဝတ်ဆင်ထားသည့် အနီရောင်သတ္တဝါတစ်ကောင် ဖြစ်ဟန်တူသည်။</p> <p> </p> <p>ကြမ်းပြင် ပြိုကျမှုကြောင့် ဆက်တိုက်တုံ့ပြန်မှုများ ဖြစ်ပေါ်လာပြီး လူတိုင်းရပ်နေသည့် နေရာများမှာ စတင်အက်ကွဲကာ ပြိုကျလာတော့သည်။ လင်းရှန် ခဏမျှ တုံ့ဆိုင်းသွားသော်လည်း စွမ်းအားဝတ်စုံ၏ တွန်းကန်အားစနစ်ကို ချက်ချင်း အသက်သွင်းလိုက်ပြီး ပြုတ်ကျနေသော ရှီဇီကို ဖမ်းဆွဲကာ လေထဲတွင် ကိုယ်ကိုလှည့်လျက် ပလက်ဖောင်းတစ်ခုပေါ်သို့ ခုန်တက်လိုက်သည်။</p> <p> </p> <p>“လင်းရှန်”</p> <p> </p> <p>ကီကီက ခုန်ကူးလာသည်။ လင်းရှန်လည်း မြေပြင်သို့ ဆင်းသက်ပြီးသည်နှင့် ချက်ချင်းလှည့်၍ ယန္တရားအမြောက်ဖြင့် ပစ်ခတ်လိုက်သည်။</p> <p> </p> <p>ဘွန်း။</p> <p> </p> <p>အပြာရောင်အလင်းတန်းသည် ကီကီထံသို့ တည့်တည့်ပြေးဝင်နေသော အရိပ်တစ်ခုကို ထိမှန်သွားသည်။ ထို့နောက် သူက လက်ကို မြှောက်လိုက်ပြီး ရှီဇီကို အကာအကွယ်ပေးရန် “သံမဏိအကာကွယ်” ဒရုန်းလေးခုကို ဆင့်ခေါ်လိုက်သည်။ အတွေးတစ်ချက်နှင့် သူ၏ တစ်ကိုယ်လုံးမှ စွမ်းအင်များ ပေါက်ကွဲထွက်လာပြီး ၁၀ မီတာကျော် အချင်းရှိသော သံလိုက်မုန်တိုင်းလှိုင်းသည် လင်းရှန်ကို ဗဟိုပြု၍ ပေါက်ကွဲထွက်ကာ ပလာစမာမီးပွားများကို ပြင်းထန်စွာ ဖြစ်ပေါ်စေခဲ့သည်။ ထိုလှိုင်းသည် သူ၏နောက်ကျောကို ထိုးနှက်တော့မည့် အရိပ်ကို ပြင်းထန်စွာ ပြန်လည်တွန်းကန်ပစ်လိုက်သည်။</p> <p> </p> <p>သုံးထပ်ကွမ်း တိုက်ခိုက်မှု။</p> <p> </p> <p>တီ...။ လှိုင်းတစ်ခု ငြိမ်သက်သွားချိန်တွင် နောက်ထပ်တစ်ခု ထပ်မံ ပေါ်ပေါက်လာသည်။ မီးခိုးများကြားမှနေ၍ ကြမ်းတမ်းသော ကျည်ဆန်မိုးများသည် လင်းရှန်နှင့် ကီကီတို့၏ နေရာသို့ တိုက်ရိုက်ဖြတ်လာကြသည်။ လင်းရှန်သည် AT Field ဖြင့် ခုခံထားပြီးနောက် ချက်ချင်းပင် လျှပ်တစ်ပြက် ရှောင်ထွက်လိုက်သည်။</p> <p> </p> <p>“အိန်ဂျယ်အဆင့် စွမ်းအားရှင်တစ်ယောက် ရှိနေတယ်”</p> <p> </p> <p>စကားဆုံးသည်နှင့် စွမ်းအားဝတ်စုံ အပြည့်အစုံ ဝတ်ဆင်ထားသော လူတစ်ဦးသည် လင်းရှန်၏ ရှေ့တွင် တစ္ဆေတစ်ကောင်ကဲ့သို့ ပေါ်လာသည်။ သူက လက်ကို မြှောက်လိုက်ရာ အနီရောင်အလင်းတန်းများ တဖျတ်ဖျတ် လင်းလက်သွားပြီး လင်းရှန်၏ မျက်နှာကို ခုတ်ပိုင်းရန် ပြင်လိုက်သည်။</p> <p> </p> <p>ကလစ်။</p> <p> </p> <p>နောက်တစ်ခဏတွင် သူ၏ စွမ်းအားဝတ်စုံ အဆက်နေရာမှာ ပိတ်ဆို့ခံလိုက်ရသဖြင့် သူ၏ ခုတ်ပိုင်းမှုသည် စွမ်းအားဝတ်စုံလက်မောင်းကိုပင် အက်ကွဲသွားစေသည်။ လင်းရှန်က ထိုလျင်မြန်သော လှုပ်ရှားမှုကို ပိတ်ဆို့လိုက်သောကြောင့် ထိုလူမှာ သိသိသာသာ အံ့အားသင့်သွားသည်။ သူက နောက်ထပ်တစ်လှမ်း တိုးရန် ပြင်လိုက်သော်လည်း လျှပ်စီးများ ဝင်းလက်နေသည့် လျှပ်စစ်ဓားတစ်လက် ပျံဝဲလာသဖြင့် အမြန်ပင် နောက်သို့ ဆုတ်ခွာသွားရသည်။ ထိုလူသည် အနီရောင်အလင်းတန်းအဖြစ် ပြောင်းလဲသွားပြီး ပျောက်ကွယ်သွားသည်။</p> <p> </p> <p>ရှောင်ယန်က အမြန်ပြေးဝင်လာပြီး လျှပ်စစ်ဓားကို ပြန်လည်သိမ်းဆည်းလိုက်သော်လည်း အခြား ထူးဆန်းသောလူသားတစ်ဦး၏ တိုက်ခိုက်မှုကြောင့် လွင့်ထွက်သွားရသည်။ လီစူးကမူ ပြန်လည်တုံ့ပြန်ရန်အတွက် လျှပ်စစ်သေနတ်ဖြင့် အချက်ပေါင်းများစွာ ပစ်ခတ်လိုက်သည်။</p> <p> </p> <p>“ကပ္ပတိန်လင်း... သတိထား”</p> <p> </p> <p>လင်းရှန် နောက်သို့ ဆုတ်လိုက်သော်လည်း မီးခိုးများကြားမှ တုန်ခါလှိုင်းတစ်ခု ပေါက်ကွဲထွက်လာသည်ကို မြင်လိုက်ရသည်။ ကိုယ်ကျပ်ဝတ်စုံနက်ဝတ်ဆင်ထားသော အမျိုးသမီးတစ်ဦးသည် ကီကီ၏ စိတ်စွမ်းအားဖြင့် အပြင်သို့ လွင့်ထွက်သွားသည်။ အပေါ်ထပ်တွင် ကျိုးကျင်းသည် ပြင်းပြင်းထန်ထန် တိုက်ခိုက်နေရပြီး အထပ်နှစ်ထပ်ကို ဖြတ်ကျော်ခုန်လွှားလျက် အမျိုးသမီးအနီရောင်သတ္တဝါတစ်ကောင်ကို သံမဏိလက်သီးဖြင့် ထိုးနှက်နေသည်။ သူ၏နောက်ကျောသို့ ပစ်ခတ်လာသော အနီရောင်သတ္တဝါ၏ အမြောက်ဒဏ်ကို ရင်ဆိုင်ရန်အတွက် သူသည် ကြီးမားသော ကွန်ကရစ်တုံးကြီးကို ဆွဲယူကာ ဝတ်စုံနက်အမျိုးသမီးထံသို့ လွှဲပစ်လိုက်သည်။ သူမမှာ စွမ်းအားဝတ်စုံ ဝတ်ဆင်မထားသော်လည်း ကွန်ကရစ်တုံးကြီး နီးကပ်လာသောအခါ လေထဲတွင် အမည်းရောင် မြူခိုးများအဖြစ် ပျော်ဝင်သွားပြီး အခြားတစ်နေရာတွင် အမြန်ပြန်လည် စုစည်းသွားလေသည်။</p> <p> </p> <p>ဝုန်း။</p> <p> </p> <p>ကွန်ကရစ်တုံးသည် နံရံတစ်ခုကို အစိတ်စိတ်အမြွှာမြွှာ ဖြစ်သွားစေပြီး မိုးကြိုးပစ်သံကဲ့သို့ ဟိန်းထွက်သွားသည်။</p> <p> </p> <p>“ရေစွမ်းအားလား” ကီကီ အံ့အားသင့်သွားသည်။ သူမသည် ဟန်ကျွမ့်၏ ရေထိန်းချုပ်နိုင်စွမ်းကို မြင်ဖူးသော်လည်း လူတစ်ယောက်က ဒြပ်စင်အဖြစ်သို့ ပြောင်းလဲသွားနိုင်လိမ့်မည်ဟု မထင်မှတ်ခဲ့ပေ။ မီးတောက်ပင်လျှင် ဤသို့ မလုပ်နိုင်ခဲ့ပေ။ အိန်ဂျယ်အဆင့်ရောက်ပြီးနောက် စွမ်းအားများမှာ အရည်အသွေးပိုင်းအရ ပြောင်းလဲသွားတာလား…။</p> <p> </p> <p>လင်းရှန်သည် သူ၏ ဝိညာဉ်စွမ်းအားကို ပြန်လည်ရရှိရန် ကြိုးစားနေဆဲဖြစ်သော ရှီဇီကို ပခုံးပေါ်ထမ်းတင်လိုက်ရင်း မျက်နှာပျက်သွားသည်။ လက်ရှိ တင်းမာလှသော အခြေအနေတွင် သူ၏ ယန္တရားစွမ်းအားဖြင့် စကင်ဖတ်ကြည့်လိုက်ရာ ရှေ့တွင်ရှိနေသော လူနှစ်ယောက်မှာ ဦးနှောက်စက်ကိရိယာများ တပ်ဆင်ထားခြင်းမရှိသည်ကို တွေ့လိုက်ရသည်။ ၎င်းမှာ ၎င်းတို့သည် ချင်ဖုန်းတို့ကဲ့သို့ မှိုဦးနှောက်စက်ကိရိယာများနှင့် ပေါင်းစပ်ထားသော ကိုယ်ပွားများမဟုတ်ဘဲ ကိုယ်ပိုင်လွတ်လပ်စွာ တွေးခေါ်နိုင်သူများဖြစ်ကြောင်း ဖော်ပြနေသည်။</p> <p> </p> <p>“သတိထားကြ၊၊ သူတို့ထဲက နှစ်ယောက်က စွမ်းအားရှင်တွေပဲ၊၊ ထူးဆန်းသောလူသားတွေ မဟုတ်ဘူး”</p> <p> </p> <p>လင်းရှန် စကားပြောပြီးသည်နှင့် သူ၏ ယန္တရားစွမ်းအားက တစ်ခုခုကို ထောက်လှမ်းမိသွားသဖြင့် တွန်းကန်အားစနစ်ကို ချက်ချင်းအသက်သွင်းကာ လေထဲသို့ ခုန်တက်လိုက်သည်။ ထိုခဏမှာပင် သူ၏ခြေထောက်အောက်ရှိ ကြမ်းပြင်မှာ ကွဲအက်သွားပြီး ဥက္ကာခဲကဲ့သို့ ပြုတ်ကျသွားခဲ့သော ဧရာမအရိပ်ကြီးက လင်းရှန်၏ခြေထောက်ကို ဖမ်းဆွဲကာ အောက်သို့ ဆွဲချရန် ကြိုးစားလာသည်။</p> <p> </p> <p>“အတင့်ရဲလှချည်လား”</p> <p> </p> <p>ကီကီက ချက်ချင်း တုံ့ပြန်လိုက်သည်။ သူမ၏ မျက်လုံးများထဲမှ ပြင်းထန်သော စွမ်းအားအလင်းတန်းများ ထွက်ပေါ်လာသည်။ တန်ချိန်သောင်းချီသော သူမ၏ စိတ်စွမ်းအားသည် ထိုအမည်းရောင်လက်ကြီးကို တိုက်ရိုက်ဖမ်းဆွဲပြီး မူလအရွယ်အစား၏ သုံးပုံတစ်ပုံခန့်အထိ ရောက်အောင် ဖိသိပ်လိမ်ချိုးပစ်လိုက်သည်။ သံမဏိများကြေမွသွားသည့် စူးရှသော အသံကြီး ထွက်ပေါ်လာချိန်တွင် လင်းရှန်သည် လေထဲ၌ စူပါစထရင်း နူဓာတ်ပြုအဆင့်သက်တန့်ကွင်းသုံးခုကို အသက်သွင်းလိုက်ရာ အိုင်းယွန်းပေါက်ကွဲသံများ ဟိန်းထွက်သွားသည်။ သူက လက်ကို ပြောင်းပြန်လှန်ကာ ထိုအမည်းရောင်လက်ကြီး၏ ကိရိယာများကို အလွှာလိုက် ဖြုတ်ချပစ်လိုက်ရာ ခဏချင်းမှာပင် သွေးသံရဲရဲနှင့် ပျက်စီးနေသော သတ္တဝါလက်ကြီးတစ်ခု သူ၏ရှေ့တွင် ပေါ်လာသည်။</p> <p>***</p> <p> </p>


Save