Book List

<h2 style="text-align: center;">Chapter 845</h2> <h2 style="text-align: center;">လွှတ်တင်ခြင်း ၃</h2> <h2 style="text-align: center;">*</h2> <p> </p> <p> </p> <p> </p> <p>လင်းရှန်က ထိုလက်ကို အကုန်အစင် ခွာချပစ်ရန် ပြင်လိုက်စဉ်မှာပင် အမည်းရောင်လက်၏ အရှင်သခင်မှာ အန္တရာယ်ကို ရိပ်မိသွားပုံရပြီး ပြင်းထန်သော ပေါက်ကွဲမှုကို ရုတ်တရက် ဖြစ်ပေါ်စေလိုက်သည်။ အနီရောင်လှိုင်းများ အရပ်မျက်နှာပေါင်းစုံသို့ ပျံ့နှံ့သွားပြီး မြေအောက်မြို့တော်၏ အထပ်အတော်များများမှာ ပြင်းထန်စွာ တုန်ခါသွားကာ ဖုန်လုံးကြီးများ ထစပြုလာသည်။ ထို့နောက်တွင်တော့ အထပ်လေးထပ်စလုံး ဝုန်းကနဲ ပြိုကျသွားသည်။ ကီကီက စိတ်စွမ်းအားကို အသုံးပြု၍ ဖုန်မှုန့်များကြားမှ အပေါ်သို့ လမ်းဖောက်ကာ လင်းရှန်နှင့် ရှီဇီတို့ကို အပျက်အစီးများကြားမှ ကယ်ထုတ်လိုက်သည်။</p> <p> </p> <p>အနီရောင်သတ္တဝါဆယ်ကောင်အပြင် အနည်းဆုံး အိန်ဂျယ်အဆင့် စွမ်းအားရှင် နှစ်ယောက်ပါ ဤအနီရောင်ကမ္ဘာထဲတွင် ပုန်းအောင်းနေခြင်းက လင်းရှန်နှင့် ကျိုးကျင်းတို့ကို အံ့အားသင့်သွားစေသည်၊၊</p> <p> </p> <p>“လင်းရှန်”</p> <p> </p> <p>ထိုအချိန်တွင် ချူယန်၏ အသံမှာ ဆက်သွယ်ရေးစက်မှ ထွက်ပေါ်လာသည်။</p> <p> </p> <p>“ငါ ဂျူးလိယပ်စ်နောက်ကို လိုက်သွားမယ်၊၊ နင်က ဂလက်ဆီနှလုံးသားကို ဂရုစိုက်လိုက်။ အနီရောင်ကမ္ဘာကို အာရုဏ်ဦးမြို့တော်ကို ထိန်းချုပ်ခွင့် ပေးလို့မဖြစ်ဘူး”</p> <p> </p> <p>“ကောင်းပြီ”</p> <p> </p> <p>လင်းရှန်သည် ရှီဇီကို ကျောပိုးလျက် တွန်းကန်အားကို သုံးကာ မြေအောက်မြို့တော်၏ ပြိုကျနေသော အထပ်များကို ဖြတ်၍ အပေါ်သို့ ပျံတက်လိုက်သည်။ မမျှော်လင့်ဘဲ အနီရောင်အလင်းတန်းတစ်ခုက သူ့ထံသို့ ပြေးဝင်လာသည်။ လင်းရှန်၏ မျက်လုံးများထဲတွင် လျှပ်စီးများ ဝင်းလက်သွားပြီး AT Field ကို ဆင့်ခေါ်လိုက်သည်။ သံမဏိမိုးစက်ဒရုန်း ငါးဆယ်သည် ဆယ်စင်းတစ်အုပ်စုဖြင့် ကောင်းကင်ယံမှ အသံထက်မြန်သော အရှိန်ဖြင့် ဆင်းသက်လာကာ လင်းရှန်၏ ဘေးနားမှ ဝဲပျံသွားကြသည်။ ရန်သူသည် လင်းရှန်၏ တိကျလှသော ဒရုန်းထိန်းချုပ်မှုကို မမျှော်လင့်ထားသဖြင့် သံမဏိမိုးစက်ဒရုန်းတစ်ခုနှင့် တိုက်မိကာ ကောင်းကင်မှ လွင့်ကျသွားသည်။</p> <p> </p> <p>လင်းရှန်က ဤအခွင့်အရေးကို အရယူလိုက်ပြီး လျှပ်စီးသိန်းငှက်ဒရုန်း ၂၀၀ သည် ဝေဟင်တွင် အရှိန်မြှင့်ကာ လျှပ်စစ်အလင်းတန်း ၂၀၀ ကို တစ်ပြိုင်နက်တည်း ထုတ်လွှတ်လိုက်သည်။</p> <p> </p> <p>ဆွစ်... ဆွစ်။</p> <p> </p> <p>အလွန်မြင့်မားသော အပူချိန်ရှိသည့် အလင်းတန်းများက ကြမ်းပြင်တစ်ပိုင်းလုံးကို ပိုင်းဖြတ်ပစ်လိုက်သည်။ ထိုအခိုက် သံချပ်ကာဝတ် အမည်းရောင် ထူးဆန်းသောလူသားက လင်းရှန်၏ မျက်နှာကို လက်သီးဖြင့်ထိုးရန် ရုတ်တရက် ရှေ့သို့ တိုးလာသည်။</p> <p> </p> <p>ဘန်း။</p> <p> </p> <p>ဂရေ့စ် ပေါ်လာပြီး ထိုလက်သီးကို လေထဲတွင်ပင် တိုက်ရိုက်ကန်ထုတ်လိုက်သည်။ သူမ၏ ခြေချောင်းလေးများမှာ သေးငယ်သည်ဟု ထင်ရသော်လည်း ခိုင်မာလှကာ ထိုသံချပ်ကာလူမည်းကြီး၏ လက်သီးကို ပေါက်ကွဲထွက်သွားစေပြီး သံစများ လွင့်ထွက်သွားစေသည်။</p> <p> </p> <p>လင်းရှန်သည် သံမဏိမိုးစက်ဒရုန်း နှစ်စင်းကို အသုံးပြု၍ ထိန်းချုပ်လွှာသို့ အမြန်ပြန်တက်လိုက်သည်။ ထိုနေရာတွင် ကီကီသည် ဝတ်စုံနက်အမျိုးသမီးနှင့် ထူးဆန်းသောလူသားသုံးဦး၏ ဝိုင်းဝန်းပိတ်ဆို့ခြင်းကို ခံနေရသည်။ ကျိုးကျင်း၊ လီစူးနှင့် ရှောင်ယန်တို့မှာလည်း ရုန်းကန်နေရပြီး သူ၏ ဘေးပတ်လည်တွင်လည်း အနီရောင်အလင်းတန်းဖြင့် လျင်မြန်သော စွမ်းအားရှင်အပြင် ကြောက်မက်ဖွယ်ကောင်းသော သံချပ်ကာလူမည်းကြီးနှင့် အခြားထူးဆန်းသောလူသားများက သူ့ကို တိုက်ခိုက်နေကြသည်။</p> <p> </p> <p>အနီရောင်အလင်းတန်းတစ်ခု ဖြတ်သန်းသွားပြီး ဒရုန်းအများအပြားကို ဖျက်ဆီးပစ်ကာ မြေပြင်ပေါ်သို့ ပြုတ်ကျသွားစေပြီးနောက် သူ့ထံသို့ ပြေးဝင်လာသည်။ လင်းရှန်က အနောက်သို့ လျှပ်တစ်ပြက်ဆုတ်ကာ ရှောင်တိမ်းလိုက်သည်။ ရန်သူမှာ သူ၏ တိုက်ခိုက်မှု လွဲချော်သွားသဖြင့် အံ့အားသင့်သွားပြီး လင်းရှန်ကို ရူးသွပ်ဟန်ရှိသော မျက်လုံးများဖြင့် စိုက်ကြည့်ကာ တိုးတိုးလေး ရေရွတ်လိုက်သည်။</p> <p> </p> <p>“ယန္တရားစွမ်းအားက တကယ်ပဲ ဒီလောက်တောင် တစ်ကိုယ်တော် တိုက်ခိုက်နိုင်စွမ်း ရှိတာလား”</p> <p> </p> <p>“ဒီနေ့တော့ မင်းတွေ့ရပြီပေါ့”</p> <p>လင်းရှန်က လက်ညှိုးမြှောက်ကာ ယန္တရားအမြောက်ကို ပစ်လွှတ်လိုက်သည်။</p> <p> </p> <p>ထိုလူက နားမလည်နိုင်သော အပြုံးဖြင့် ပြုံးလိုက်ပြီး ချက်ချင်းပင် ပျောက်ကွယ်သွားကာ လင်းရှန်၏ နောက်ကျောတွင် ပြန်ပေါ်လာသည်။ လင်းရှန်၏ စွမ်းအားဝတ်စုံမှ တွန်းကန်အားစနစ်က လှုပ်ရှားသွားသော်လည်း ထိုလူက သူ၏ ပုခုံးချပ်ကာကို ဖမ်းဆွဲလိုက်နိုင်သည်။</p> <p> </p> <p>“နှေးလွန်းတယ်၊ ဆင့်ကဲပြောင်းလဲမှုက အရမ်းနှေးလွန်းနေတယ်”</p> <p>ထိုလူက ပြောရင်း စွမ်းအားကြောင့် အနီရောင်တောက်နေသော သူ၏လက်ဝါးဓားဖြင့် လင်းရှန်၏ ချပ်ကာကို ခုတ်ပိုင်းရန်ပြင်လိုက်သည်။</p> <p> </p> <p>ဘန်း။</p> <p> </p> <p>ပြင်းထန်သော ရိုက်ခတ်မှုနှင့်အတူ လျှပ်စစ်လှိုင်းများ ဝင်းလက်သွားသဖြင့် ထိုလူ၏ မျက်နှာမှာ မမျှော်လင့်ဘဲ မှင်တက်သွားသည်။ လင်းရှန်၏ နောက်ကျောတွင် ခြောက်ထောင့်ပုံစံ ဖောက်ထွင်းမြင်ရသော အကာအကွယ်တစ်ခု ပေါ်လာပြီး သူ၏ လက်ဝါးဓားကို လုံးဝ ပိတ်ဆို့ထားလိုက်သည်။ နောက်တစ်ခဏတွင်တော့ ယန္တရားသံကြိုး ရှစ်ချောင်းသည် မည်သည့်နေရာမှန်းမသိ ပေါ်လာပြီး မြွေများကဲ့သို့ သူ့ကို ချည်နှောင်ရန် အသင့်ဖြစ်နေကြသည်။</p> <p> </p> <p>ထိုလူက အန္တရာယ်ကို သတိပြုမိသွားပြီး သူ၏စွမ်းအားကို သုံးကာ နတ်ဆိုးဆန်စွာ ရယ်မောရင်း နောက်ဆုတ်လိုက်သည်။</p> <p> </p> <p>“စိတ်ကူးယဉ်ဆန်တာပဲ၊ ဒါပေမဲ့လည်း အရမ်း...”</p> <p> </p> <p>ဝုန်း။</p> <p> </p> <p>သူ၏ “နှေးတယ်” ဆိုသည့် စကားမဆုံးသေးခင်မှာပဲ အပေါ်ဘက်မှ ရထားတွဲတစ်တွဲ ရုတ်တရက် ပေါ်လာပြီး သူ့အပေါ်ကို တည့်တည့်ကြီး ကျဆင်းလာကာ သူ့ကိုရော အောက်က ကြမ်းပြင်ကိုပါ ဖောက်ထွက်ပြီး မြေပြင်ပေါ်သို့ ဖိချပစ်လိုက်သည်။</p> <p> </p> <p>မြေအောက်မြို့တော်ထဲမှာ ရထားတစ်စင်း ဘယ်လိုပေါ်လာပြီး သူ့ကို တိုက်မိသွားလဲဆိုတာကို သူဘယ်တော့မှ သိနိုင်တော့မည် မဟုတ်ပေ။</p> <p> </p> <p>လင်းရှန်သည် ကြယ်နက်ပန်းပဲဖိုကို ပြန်လည်ရုပ်သိမ်းလိုက်ပြီး ရှီဇီကို အဓိကထိန်းချုပ်ခန်းထဲသို့ အမြန်ခေါ်သွားလိုက်သည်။ သို့သော် အတွင်းပိုင်း ကွန်ရက်ဂိတ်မှာ လုံးဝ ပျက်စီးနေသည်ကို တွေ့လိုက်ရသဖြင့် အချိန်ကို ကြည့်ကာ မျက်နှာမည်းမှောင်သွားသည်။ ခြောက်မိနစ်ပင် မပြည့်တော့။</p> <p> </p> <p>သူသည် ထုတ်လုပ်ရေးနှင့် ပြုပြင်ရေးဒရုန်းများအားလုံးကို ချက်ချင်း ဆင့်ခေါ်လိုက်ပြီး ဂရေ့စ်ကို ထိန်းချုပ်ခွင့် ပေးလိုက်သည်။</p> <p> </p> <p>“ဂရေ့စ်၊ ထိခိုက်မှုတွေကို စစ်ဆေးလိုက်”</p> <p> </p> <p>[စကင်ဖတ်ခြင်း ပြီးဆုံးပါပြီ၊ အတွင်းပိုင်း ကွန်ရက်ဂိတ် ကိရိယာတွေကို ပြုပြင်နေပါတယ်]</p> <p> </p> <p>[အတွင်းပိုင်း ကွန်ရက်ကေဘယ်လ် ပြတ်တောက်နေတာကို တွေ့ရှိရပါတယ်]</p> <p> </p> <p>လင်းရှန် မျက်မှောင်ကြုတ်လိုက်သည်။</p> <p> </p> <p>“ဘယ်မှာလဲဆိုတာ ရှာနိုင်မလား”</p> <p> </p> <p>[ရှာနိုင်ပါတယ်၊ဒါပေမဲ့ အချိန်ယူရပါလိမ့်မယ်။ အကယ်၍ ဒါဟာ ရည်ရွယ်ချက်ရှိရှိဖြတ်တောက်ထားတာဆိုရင် ပြတ်တောက်နေတဲ့ အရေအတွက်ကိုလည်း အသေအချာ မသိနိုင်ပါဘူး]</p> <p> </p> <p>ထိုစကားကြောင့် လင်းရှန်၏ စိတ်ထဲမှာ အေးစိမ့်သွားပြီး စက္ကန့်အနည်းငယ်မျှ တောင့်တင်းသွားသည်။ သူ၏ အကြည့်များက အပြင်ဘက်ရှိ ဧရာမ မြူမီးခိုးမွန်းစတားကြီးထံ ရောက်သွားပြီး အရာအားလုံးကို ရုတ်တရက် နားလည်သွားတော့သည်။</p> <p> </p> <p>“ဒါဟာ တမင်သက်သက် ဖြတ်တောက်ထားတာပဲ။ မြူမီးခိုးမွန်းစတားကို လွှတ်တင်ဖို့ဆိုရင် ဂလက်ဆီနှလုံးသားနဲ့ ချိတ်ဆက်ရမယ်။ ဒီလမ်းကြောင်းကို ဖြတ်တောက်လို့မရဘူး၊၊ ငါတို့ ဒီကနေတစ်ဆင့် ဝင်ရောက်လို့ရတယ်”</p> <p> </p> <p>“လင်းရှန်”</p> <p> </p> <p>ပြင်းထန်သော တုန်ခါမှုလှိုင်းတစ်ခုအပြီးတွင် ကီကီ၏ အသံမှာ ဆက်သွယ်ရေးစက်မှ ထွက်ပေါ်လာသည်။</p> <p> </p> <p>“နောက်ထပ် ပြဿနာတစ်ခုရှိသေးတယ်။ ဒါက အတွင်းပိုင်းကွန်ရက်ရဲ့ ပင်မဆာဗာသတ်မှတ်ချက်အဆင့်ပဲ။ အကယ်၍ ဂျူးလိယပ်စ်က အဆုံးသတ်ကိရိယာတွေနဲ့ ကေဘယ်လ်တွေကို တမင်ဖျက်ဆီးခဲ့တာဆိုရင် သူက တစ်မျိုးမျိုးသော လျှို့ဝှက်ကုဒ်မျိုးလည်း သတ်မှတ်ထားနိုင်တယ်”</p> <p> </p> <p>“ဖာ့ခ်...ကျက်သရေတုံးလိုက်တာ”</p> <p> </p> <p>ဝေါ။</p> <p> </p> <p>ထိုအချိန်တွင် ရေလှိုင်းတစ်ခုမှာ ထိန်းချုပ်ခန်းအတွင်းသို့ လွှမ်းမိုးစီးဝင်လာပြီး လင်းရှန်နှင့်အတူ ဒရုန်းအစင်းပေါင်းများစွာကို တိုက်စားသွားသည်။ အမည်းရောင်ရေထုအတွင်းမှ လက်တစ်ဖက် ထွက်ပေါ်လာပြီး လင်းရှန်၏ လည်ပင်းကို ဖမ်းဆွဲလိုက်သည်။ ထို့နောက် စမ်းချောင်းလေးများသဖွယ် ရေစီးကြောင်းများမှာ လင်းရှန်၏ စွမ်းအားဝတ်စုံကြားအက်ကြောင်းများမှတစ်ဆင့် အတွင်းသို့ စိမ့်ဝင်ရန် ကြိုးစားလာသည်။</p> <p> </p> <p>တစ်ချိန်တည်းမှာပင် အနီရောင်တောက်ပနေသော လူသည် အမှောင်ရိပ်ထဲမှ လမ်းလျှောက်ထွက်လာပြီး တိုးညှင်းစွာ ပြောလိုက်သည်။</p> <p> </p> <p>“အခွင့်အရေး မရှိတော့ဘူး၊ လက်လျှော့လိုက်ပါတော့ ယန္တရားစွမ်းအားရှင်။ မင်း ငါတို့နဲ့ ပူးပေါင်းရင် အချိန်မှီသေးတယ်...”</p> <p> </p> <p>တီ တီ တီ တီ။</p> <p>လင်းရှန်သည် စွမ်းအားဝတ်စုံ၏ ဟိုလိုဂရမ်ဘားပေါ်ရှိ သတိပေးချက်ကို တစ်ချက်ကြည့်လိုက်ပြီး သံလိုက်မုန်တိုင်းလှိုင်းကို တိုက်ရိုက်ထုတ်လွှတ်လိုက်သည်။ ခဏချင်းမှာပင် တောက်ပသော အဖြူရောင်လျှပ်စစ်စက်ကွင်းမှာ ပေါက်ကွဲထွက်သွားပြီး ရေငွေ့အမြောက်အမြားကို အငွေ့ပျံသွားစေသည်။ လင်းရှန် ရုန်းထွက်နိုင်သွားချိန်တွင် သံချပ်ကာလူမည်းကြီးမှာ အပေါ်မှ တစ်ဖန် ပြန်လည်ဆင်းသက်လာပြီး လင်းရှန်၏ ရင်ဘတ်ကို လက်သီးဖြင့် ထိုးနှက်လိုက်ပြန်သည်။</p> <p> </p> <p>မမျှော်လင့်ဘဲ အမှုန်တုန်ခါလှိုင်းတစ်ခု ရုတ်တရက် ရိုက်ခတ်လာပြီး သံချပ်ကာလူမည်းကြီးကို လွင့်ထွက်သွားစေကာ နံရံနှင့် ကပ်သွားစေသည်။ အဆောက်အဦးတစ်ခုလုံး တုန်ခါသွားသည်။</p> <p> </p> <p>တစ်ချိန်တည်းမှာပင် နေရာအနှံ့မှ စွမ်းအားအတက်အကျများ ပေါက်ကွဲထွက်လာပြီး ကျည်ဆန်မိုးများ ရွာချလိုက်ရာ လင်းရှန်၊ ကီကီ၊ ကျိုးကျင်း၊ လီစူးနှင့် ရှောင်ယန်တို့အပေါ် ကျရောက်နေသော ဖိအားများ ချက်ချင်းပင် လျော့ပါးသွားသည်။ အနီရောင်အလင်းတန်းဖြင့် လူမှာမူ လျင်မြန်စွာ ထွက်ပြေးလွတ်မြောက်သွားခဲ့သည်။</p> <p> </p> <p>***</p> <p> </p>


Save