Book List

<h2 style="text-align: center;">Chapter 848</h2> <h2 style="text-align: center;">လွှတ်တင်ခြင်း ၆</h2> <h2 style="text-align: center;">*</h2> <p> </p> <p> </p> <p> </p> <p>ခဏချင်းမှာပင် အဖွဲ့ဝင်အားလုံးမှာ တိုက်ခိုက်ရင်း ဆုတ်ခွာလာကြပြီး အဓိကထိန်းချုပ်ရေးဗဟိုကို ဝန်းရံလိုက်ကြသည်။ လင်းရှန်မှာမူ စွမ်းအားဝတ်စုံ၏ တွန်းကန်အားစနစ်ကို သုံးကာ ဒရုန်းအချို့နှင့်အတူ အပေါ်ဘက်ရှိ လွှတ်တင်ရေးစခန်းဆီသို့ ပျံတက်သွားသည်။</p> <p> </p> <p>ရန်သူများသည် လင်းရှန်၏ ရည်ရွယ်ချက်ကို ရိပ်မိသွားပုံရပြီး အဆောက်အဦးကိုယ်ထည်အတွင်းမှ သိပ်သည်းလှသော အမည်းရောင်ရေမြားများမှာ သည်းထန်စွာ ရွာကျလာသော မိုးကဲ့သို့ ထွက်ပေါ်လာကာ လင်းရှန်ကို တားဆီးရန် ကြိုးစားလာသည်။</p> <p> </p> <p>ဝုန်း။</p> <p> </p> <p>စိတ်စွမ်းအားလှိုင်းတစ်ခု ရိုက်ခတ်လာပြီး ကီကီက အမြန်ရောက်ရှိလာသည်။ သူမသည် အံကြိတ်၍ စိတ်စွမ်းအားဖြင့် အကာအကွယ်ဒိုင်းတစ်ခု ပြုလုပ်ကာ လင်းရှန်ကို ကာကွယ်ပေးလိုက်သည်။ သူမ၏ နှာခေါင်းမှ သွေးများ တရစပ် စီးကျလာသည်။</p> <p> </p> <p>လင်းရှန်က သူမကို ကူညီရန် ပြင်လိုက်သော်လည်း ကီကီက လက်မခံဘဲ စိတ်စွမ်းအားဖြင့် သူ့ကို အပေါ်သို့ ပို၍ မြှင့်တင်ပေးလိုက်သည်။</p> <p> </p> <p>“ကျွန်မကို ဂရုမစိုက်နဲ့၊ မြန်မြန်သွားတော့”</p> <p> </p> <p>အချိန် ၂ မိနစ်သာ ကျန်တော့သည်။</p> <p> </p> <p>လင်းရှန်လည်း အချိန်ထပ်မဖြုန်းနိုင်တော့ပေ။ ကီကီ၏ စိတ်စွမ်းအားအရှိန်ကို တွန်းကန်အားစနစ်နှင့် ပေါင်းစပ်ကာ သည်းထန်လှသော မိုးရေများကြားမှ အပေါ်သို့ တိုးထွက်လိုက်ရာ နောက်ဆုံးတွင် မြေပြင်ပေါ်သို့ ရောက်ရှိသွားတော့သည်။</p> <p> </p> <p>ဤခဏတွင် ကောင်းကင်နှင့် မြေကြီးကြား၌ ည၏ အမှောင်ထုကိုပင် ခွဲခြား၍ မရနိုင်တော့ပေ။ အာရုဏ်ဦးမြို့တော်၏ မြင့်မားသော အမှတ် (၁) မြို့ရိုးကြီး၏ အပြင်ဘက်တွင် ပြင်းထန်လှသော ဗုံးကြဲသံနှင့် အမြောက်သံများမှာ မိုးကြိုးမုန်တိုင်းများတိုက်ခတ်နေသကဲ့သို့ ရှိနေသည်။ သန္ဓေပြောင်းမွန်းစတားလှိုင်းလုံးကြီးများမှာ အဆုံးမရှိသကဲ့သို့ပင်။ မြင့်မားသောသတ္တဝါကြီးများမှာ မြို့ရိုးပေါ်သို့ တွားတက်ကာ တိုက်ခိုက်နေကြသည်၊၊ ကွန်ကရစ်နှင့် သံချပ်ကာပေါင်းစပ်မြို့ရိုးကြီးမှာလည်း နေရာအနှံ့ ပျက်စီးနေချေပြီ။</p> <p> </p> <p>မြို့အတွင်း၌လည်း အသက်ရှင်ကျန်ရစ်သူများမှာ ကောင်းကင်မှ ကျဆင်းလာသော သတ္တဝါများနှင့် တိုက်ခိုက်နေကြရသည်။ စစ်ပွဲ၏ မီးခိုးငွေ့များမှာ အမည်းရောင် တိမ်တိုက်များကဲ့သို့ ထွက်ပေါ်နေပြီး ကီလိုမီတာ တစ်ဒါဇင်ခန့် အကွာအဝေးမှပင် သွေးညှီနံ့နှင့် မီးလောင်နံ့များကို လင်းရှန် ရရှိနေသည်။</p> <p> </p> <p>အဓိကထိန်းချုပ်ခန်းဘက်တွင်မူ...</p> <p> </p> <p>ကျိုးကျင်းသည် ရှီဇီ၏ လက်ထဲရှိ လျှို့ဝှက်ကုဒ်ကို မြင်လိုက်ရချိန်တွင် သူတို့၏ တာဝန်ကို ချက်ချင်း နားလည်သွားသည်။ သံချပ်ကာဝတ် ထူးဆန်းသောလူသားက ကြောက်မက်ဖွယ်ကောင်းအောင် ပြေးဝင်လာချိန်တွင် သူသည် အံကြိတ်ကာ တိုက်ရိုက်ရင်ဆိုင်လိုက်သည်။</p> <p> </p> <p>“လီစူး၊ ရှောင်ယန်... ဒီနေရာကို အသေခံကာကွယ်ကြ”</p> <p> </p> <p>“နားလည်ပါပြီ”</p> <p> </p> <p>“အဘိုးကြီးချီ၊ ထိန်းချုပ်ခန်းကို ပြိုကျအောင် မလုပ်နဲ့ဦး၊ စစ်မြေပြင်ကို ခွဲထုတ်လိုက်”</p> <p> </p> <p>“ငါ သိပါတယ်”</p> <p> </p> <p>ချီနိုသည် တစ်ကိုယ်လုံး သွေးများဖြင့် စွန်းထင်းနေပြီး လက်နှစ်ဖက်စလုံး တုန်ခါနေသည်။ သူ၏ အဖွဲ့ငယ်လေးခုမှာ မနေ့ညကတည်းက မြေအောက်ခံတပ်လမ်းကြောင်းအထိ တိုက်ပွဲဝင်ခဲ့ကြရာ ယခုအခါ လူ ၄၀ ကျော်တွင် ၂၀ ပင် မပြည့်တော့ပေ။</p> <p> </p> <p>မီးတောက်နေသော အနီရောင်သတ္တဝါများက စင်္ကြံလမ်းမှ ပြေးဝင်လာရာ ချီနိုသည် အဖွဲ့ဝင်နှစ်ဦးနှင့်အတူ ရှေ့သို့ ပြေးထွက်သွားသည်။</p> <p> </p> <p>“ဝေချန်း၊ ကျန်းရွှီဖေး... ငါ့အတွက် အဲဒီကောင်ရဲ့ ပါးစပ်ကို ပိတ်ပေးထားစမ်း”</p> <p> </p> <p>“ကောင်းပြီ”</p> <p> </p> <p>ဝုန်း။</p> <p> </p> <p>အဓိကထိန်းချုပ်ခန်းအတွင်း ဒရုန်းအမြောက်အမြားက ပျက်စီးနေသောကိရိယာများကို အမြန်ဆုံး ပြုပြင်နေကြသည်။ ထိန်းချုပ်ခန်း၏ ထိပ်နှစ်ဖက်စလုံးတွင်လည်း ပြင်းထန်သော တိုက်ပွဲများ ဖြစ်ပွားနေသည်။ စင်္ကြံလမ်းတွင် လီစူး၊ ရှောင်ယန်နှင့် ညလမ်းလျှောက်သူအဖွဲ့ဝင်များမှာ ပြင်းထန်စွာ တိုက်ခိုက်နေကြရသလို ထိန်းချုပ်ခန်း အပြင်ဘက်တွင်လည်း တိုက်ပွဲများမှာ ပိုမိုပြင်းထန်လာသည်။</p> <p> </p> <p>ရှီဇီသည် လျှို့ဝှက်ကုဒ်ကို ကိုင်ထားရင်း အချိန်ကိုသာ စိုက်ကြည့်နေသည်။ ပြတင်းပေါက်မှတစ်ဆင့် သူမ၏ မျက်လုံးများထဲတွင် ဧရာမ S-Class အဆင့် သတ္တဝါကြီးဆီမှ ကြောက်မက်ဖွယ်ကောင်းသော အမည်းရောင် အဖျက်စွမ်းအင်ဓာတ်ငွေ့များ ထွက်ပေါ်နေသည်ကို မြင်နေရသည်။</p> <p> </p> <p>အချိန် ၁ မိနစ်သာ ကျန်တော့သည်။</p> <p> </p> <p>အလိုအလျောက် စက်ကိရိယာများအောက်တွင် လောင်စာဆီမျှော်စင် ကေဘယ်လ်များမှာ စတင်ကွာကျလာပြီး ဟိုက်ဒရောလစ်အထောက်အပံ့မျှော်စင်များမှာလည်း တဖြည်းဖြည်းချင်း ခွဲထွက်လာသည်။</p> <p> </p> <p>တီ။ တီ။</p> <p> </p> <p>အဝါရောင် သတိပေးသံများမှာ ဧရာမနတ်ဘုရားတောင်ထိပ် လွှတ်တင်ရေးမျှော်စင်တစ်ခုလုံးတွင် ပဲ့တင်ထပ်နေပြီး ထိုအသံတစ်ခုချင်းစီမှာ တူကြီးနှင့် ထုရိုက်နေသကဲ့သို့ပင်။</p> <p> </p> <p>စင်္ကြံလမ်းတွင် ရင်ဘတ်ကို လက်သည်းများဖြင့် အထိုးခံထားရသော ရှောင်ယန်က နောက်ဆုံးထွက်သက်မတိုင်မီ ဒေါသတကြီး အော်ဟစ်ကာ လျှပ်စစ်ဓားနှစ်လက်ကို အနီရောင်သတ္တဝါ၏ မေးရိုးထဲသို့ ထိုးစိုက်လိုက်ရာ ဦးခေါင်းခွံကိုပါ ဖောက်ထွက်သွားသည်။</p> <p> </p> <p>လက်တစ်ဖက်သာ ကျန်တော့သော လီစူးသည်လည်း စင်္ကြံလမ်းတွင် တပ်ဆင်ထားသော ဖောက်ခွဲရေးပစ္စည်းများကို ဖောက်ခွဲပစ်လိုက်ရာ တိုးဝင်လာသော ထူးဆန်းသောလူသားများသည် သူနှင့်အတူ အရှင်လတ်လတ် မြေမြုပ်ခံလိုက်ရပြီး ခန်းမလမ်းကြောင်းမှာ လုံးဝ ပိတ်ဆို့သွားတော့သည်။</p> <p> </p> <p>ထိန်းချုပ်ခန်းဘက်တွင်မူ ညလမ်းလျှောက်သူအဖွဲ့ဝင်များမှာ ထူးဆန်းသောလူသားများစွာ၏ ဖိနှိပ်မှုကြောင့် ထိန်းချုပ်ခန်း အပြင်ဘက်အထိ ထွက်၍ တိုက်ခိုက်နေရပြီး ယခုအခါ ၁၀ ယောက်ပင် မပြည့်တော့ပေ။ တစ်ကိုယ်လုံး သံမဏိရောင်ပြောင်းနေသော ကျိုးကျင်းသည် ထိုသံချပ်ကာလူမည်းကြီးကို ကွန်ကရစ်နံရံများထဲသို့ ဆွဲသွင်းလိုက်သည်၊၊ ထိုသံချပ်ကာလူမည်းကြီး၏ ခွန်အားမှာ ကြောက်စရာကောင်းလှပြီး ကျိုးယန်၏ မာကျောသော လက်ကောက်ဝတ်အရိုးများကိုပင် ချိုးပစ်လိုက်နိုင်သည်။ ကျိုးကျင်း၏ သွေးစွမ်းအင်များ ပေါက်ကွဲထွက်လာကာ လူမည်းကြီး၏ လည်ပင်းကို ကိုက်ခဲ၍ အသက်ရှူပိုက်နှင့် မေးရိုးတစ်စိတ်တစ်ပိုင်းကိုပါ ဆွဲဖြုတ်ပစ်လိုက်သည်။</p> <p> </p> <p>သွေးချောင်းစီး တိုက်ပွဲကြီးပင်။</p> <p> </p> <p>လင်းရှန်သည် လွှတ်တင်ရေးတွင်းထဲမှ လျှပ်စီးလက်သလို ပျံထွက်လာပြီးနောက် ပလက်ဖောင်းအစွန်းမှာ ရှိနေသည့် သယ်ယူပို့ဆောင်ရေးယာဉ်ဆီကို ဦးတည်လိုက်သည်။ ထိုနေရာတွင် ချူယန်သည် ဂျူးလိယပ်စ် နှစ်ယောက်ကြားမှာ ပိတ်မိနေပြီး အနီရောင်အလင်းတန်းရှင် စွမ်းအားရှင်ရဲ့ နှောက်ယှက်မှုကိုပါ ခံနေရတာကို မြင်လိုက်ရ၏။</p> <p> </p> <p>“သတိထား”</p> <p> </p> <p>လင်းရှန် ဘာမှမပြောရသေးမီမှာပင် ဆက်သွယ်ရေးစက်မှတစ်ဆင့် ချူယန်၏ သတိပေးသံက အရင်ဆုံး ထွက်ပေါ်လာသည်။</p> <p> </p> <p>ဝှစ်။</p> <p> </p> <p>လေခွင်းသံနှင့်အတူ အနီရောင်အလင်းတန်းတစ်ခုက လျင်မြန်စွာ ဖြတ်သန်းသွားသည်။ လင်းရှန်သည် လေထဲ၌ ရှိနေစဉ်မှာပင် မသိစိတ်ဖြင့် AT Field ဒိုင်းကို ထုတ်၍ ခုခံလိုက်သော်လည်း၊ ပြင်းထန်လှသော ရိုက်ခတ်မှုကြောင့် အမြောက်ဆန်တစ်ခုကဲ့သို့ မြေပြင်ပေါ်သို့ လွင့်စင်ကျသွားတော့သည်။ သူ ပြန်ထရန် ကြိုးစားစဉ်မှာပင် အခြားသော သန္ဓေပြောင်းသတ္တဝါတစ်ကောင်က လက်သီးကို မြှောက်ကာ သူ့ထံသို့ ဦးတည်လာပြန်သည်။</p> <p> </p> <p>ဝုန်း။</p> <p> </p> <p>အရေးကြီးသော အချိန်တွင် ချူယန်၏ အဖွဲ့ဝင်အမျိုးသမီးတစ်ဦး အမြန်ရောက်ရှိလာပြီး လေဓားကို အသုံးပြုကာ ထိုသတ္တဝါ၏ လက်တစ်ဖက်ကို ဖြတ်တောက်ပစ်လိုက်သည်။ ထို့နောက် သူမသည် လင်းရှန်ကို ဘေးသို့ တွန်းထုတ်လိုက်သော်လည်း၊ သူမကိုယ်တိုင်မှာမူ နောက်ကျောကို လက်သီးဖြင့် အထိုးခံလိုက်ရသဖြင့် သွေးများ အန်ထွက်သွားရသည်။ ဘေးလွတ်ရာသို့ ရောက်သွားသော လင်းရှန်သည် ထိုအမျိုးသမီးကို ဆွဲထုတ်လိုက်ပြီး ဖျက်ဆီးရေးဒရုန်းတစ်ခုကို ရန်သူထံသို့ ပစ်လွှတ်လိုက်သည်။ ချက်ချင်းပင် သူသည် Black Hawk တိုက်ပွဲဝင်ဝတ်စုံ၏ နောက်ကျောရှိ တွန်းကန်အားစနစ်ကို အသက်သွင်းကာ အမျိုးသမီးအဖွဲ့ဝင်ကို လေထဲသို့ ပစ်တင်ပြီးနောက်၊ လျှပ်စစ်တူဖြင့် သန္ဓေပြောင်းသတ္တဝါ၏ ဦးခေါင်းကို ပြင်းထန်စွာ ရိုက်ချလိုက်သည်။ ထိုသတ္တဝါသည် ဖျက်ဆီးရေးဒရုန်းပေါ်သို့ မှောက်လျက်သား ပြုတ်ကျသွားသည်။</p> <p> </p> <p>အုန်း။</p> <p> </p> <p>ပြင်းထန်လှသော ပေါက်ကွဲမှုကြီး ဖြစ်ပွားသွားပြီး လင်းရှန်သည် စူပါစတင်းဓာတ်ပေါင်းဖိုမှတစ်ဆင့် AT AT Field ဒိုင်းကို ဖြန့်ကျက်ကာ ကာကွယ်လိုက်သည်။ ပြင်းထန်သော ရိုက်ခတ်မှုလှိုင်းကြောင့် သူတို့နှစ်ဦးစလုံး မီတာဒါဇင်နှင့်ချီ၍ လွင့်စင်သွားကြသည်။ မီးခိုးများနှင့် အပျက်အစီးများကြားတွင် လင်းရှန်မှာ သူ၏ မျက်နှာဖုံးအတွင်းမှ ကိုယ်ပိုင်အသက်ရှူသံကိုသာ ကြားနေရပြီး၊ ပြင်းထန်သော ပေါက်ကွဲမှုကြောင့် သူ၏ အရိုးအဆစ်များ ပြုတ်ထွက်သွားသကဲ့သို့ ခံစားနေရသည်။ စွမ်းအားဝတ်စုံ၏ ဟိုလိုဂရပ်ဖစ်မျက်နှာပြင်မှာလည်း တဖျပ်ဖျပ်တုန်ခါနေပြီး အချိန်များမှာ တစ်စက္ကန့်ပြီး တစ်စက္ကန့် ကုန်ဆုံးနေသည်။</p> <p> </p> <p>သူသည် မျက်နှာဖုံးပေါ်ရှိ မီးခိုးများကို သုတ်လိုက်ပြီး ဘေးနားရှိ အဖွဲ့ဝင်အမျိုးသမီးကို ကြည့်လိုက်ရာ သူမမှာ အသက်ရှိသေးသလား၊ သေသွားပြီလားဆိုသည်ကို မသေချာပေ။ သူ ဒယိမ်းဒယိုင်ထရပ်ကာ ချူယန်ရှိရာသို့ သွားရန် ပြင်လိုက်စဉ် အနီရောင်အလင်းတန်းစွမ်းအားရှင်သည် ပျောက်ကွယ်သွားပြီဖြစ်ကြောင်း တွေ့လိုက်ရ၏။ လင်းရှန်သည် ချက်ချင်းပင် အသင့်ပြင်လိုက်သည်၊၊ ထိုခဏ၌ပင် ဆက်သွယ်ရေးစက်မှတစ်ဆင့် ချူယန်၏ အသံကို ကြားလိုက်ရသည်။</p> <p> </p> <p>“လင်းရှန်... လင်းရှန်၊ ငါပြောတာ ကြားရလား”</p> <p> </p> <p>“ကြားရတယ်”</p> <p> </p> <p>“လွှတ်တင်တော့မယ်။ အတွင်းပိုင်း ကွန်ရက်ကိရိယာတွေ ပြုပြင်ပြီးပြီလား”</p> <p> </p> <p>လင်းရှန်သည် ဟိုလိုဂရပ်ဖစ်မျက်နှာပြင်ပေါ်ရှိ ဂရေ့စ် ပေးပို့ထားသော အချက်အလက်များကို ကြည့်လိုက်ရာ ၉၈ ရာခိုင်နှုန်းသို့ ရောက်ရှိနေပြီ ဖြစ်သည်။</p> <p>***</p> <p> </p>


Save