Book List

<h2 style="text-align: center;">အပိုင်း ၁၂၃</h2> <h2 style="text-align: center;">*</h2> <p> </p> <p> </p> <p>အပြင်ဖက်ကနေ အလွန်ရှုပ်ထွေးနေသည့် အော်ဟစ်သံများ ဆက်တိုက်ဆိုသလို ထွက်ပေါ်လာခဲ့သည် ။ တစ်စုံတစ်ယောက်မှ “သူလျှိုတွေ ရှိနေတယ်” ဟူသော အော်ဟစ်သံကို ကြားလိုက်ချိန်တွင် လုံချန် တို့အဖွဲ့လည်း တုန်လှုပ်သွားကြသည်။</p> <p>သို့သော် သူတို့အခန်းဖက်၌ မဟုတ်ကြောင်း သိလိုက်သည့်အချိန်မှ သူလျှိုအဖြစ်ဖော်ထုတ်ခံရသူမှာ သူတို့မဟုတ်မှန်း သိလိုက်ကြသည်။ ထိုအခါမှလေးယောက်သား အနည်းငယ် စိတ်သက်သာရာရသွားကြသည်။</p> <p>“သွားကြည့်ကြရအောင်...”</p> <p>အခန်းက ခဏတာ တိတ်ဆိတ်သွားသော်လည်း တည့်တိုးဆန်ဆန် ပြောတတ်သော အစ်မလီ က အရင်ဆုံး တံခါးဖွင့်ကာ ပြေးထွက်သွားခဲ့သည်။</p> <p>လုံချန်နှင့် အခြားသူများလည်း နောက်ကနေ ပြေးလိုက်သွားကြသည်။</p> <p> </p> <p>“သွေးဝိညာဉ်ဂိုဏ်းထဲမှာ ဘာလုပ်လုပ် သတိထားရမယ်။ ဘာဖြစ်ဖြစ် အမှားတစ်ခုမှ မပေါက်ကြားစေနဲ့။ မဟုတ်ရင် လူတစ်ယောက်အတွက်နဲ့ အကုန်လုံး ဒုက္ခရောက်သွားနိုင်တယ်”</p> <p>အစ်မလီ ပြောလိုက်သည့်စကားက အမှန်တော့ လုံချန်ကို ဦးတည်ပြောခြင်း ဖြစ်သည်။</p> <p> </p> <p>အစ်မလီ၏အမြင်မှာတော့ လုံချန်သည် အသက်ငယ်ရွယ်ပြီး အတွေ့အကြုံများစွာ မရှိသေးသောကြောင့် တခြားသူများ၏ ဖိအားကြောင့် လွယ်လွယ်ကူကူ အမှားလုပ်မိသွားနိုင်သည်ဟု ထင်နေပုံပေါ်သည်။ ယခုအချိန်တွင် အမှားတစ်ခုခု ပေါက်ကြားသွားပါက သူတို့တစ်ဖွဲ့လုံး ချက်ချင်းအဆုံးသတ်သွားရပါလိမ့်မည်။</p> <p> </p> <p>မကြာခင်မှာပဲ သူတို့အဖွဲ့ဟာ သွေးဝိညာဉ်ခန်းမ သို့ ရောက်ရှိလာကြသည်။ ခန်းမထဲ၌ လူပေါင်းများစွာ စုဝေးနေကြသည်ကို မြင်တွေ့လိုက်ရသည်။ ဤနေရာတွင် သွေးဝိညာဉ်ဂိုဏ်း၏ အဖွဲ့သား တစ်ထောင်ကျော်အနက် ဂိုဏ်းဝင် ရာနှင့်ချီ ရှိနေပုံရသည်။လူအများစုက ရှုပ်ထွေးနေသည့် အဖြစ်အပျက်ကို ကြည့်နေကြသည်။</p> <p> </p> <p>သူတို့၏ အကြည့်အတိုင်း လုံချန် တို့အုပ်စုလည်း  ကြည့်လိုက်ရာ လူအုပ်အလယ်၌ လူထွားကြီးတစ်ယောက်ကို မြင်လိုက်ရသည်။</p> <p> </p> <p>ထိုလူထွားကြီးက အလွန်ဒေါသတကြီးဖြင့် အနီရောင်ဝတ်ရုံဝတ် လူနှစ်ယောက်ကို တိုက်ခိုက်နေသည်။</p> <p> </p> <p>“ဟမ်....၊ ဒီလူက ခုနလေးတင် ငါနဲ့ စကားပြောခဲ့တဲ့သူ မဟုတ်ဘူးလား။ သူလည်း ငါ့လို ခိုးဝင်လာခဲ့တာလား”</p> <p> </p> <p>အမှန်စင်စစ် ဤလူထွားကြီးက နန်းတော်တစ်နေရာ၌ လုံချန်၏နောက်ကျောကို ရိုက်ပုတ်ရင်း စကားပြောသွားသူပင်ဖြစ်သည်။</p> <p> </p> <p>“သူ့ခန္ဓာကိုယ်က ထွက်လာတဲ့ သွေးညှီနံ့နဲ့ဆိုတော့ သွေးဝိညာဉ်ဂိုဏ်းသားတစ်ယောက်လို့ ငါတောင် ယုံသွားခဲ့တယ်။ ကြည့်ရတာ ဒီလူက မျှော်လင့်မထားပဲ ဖော်ထုတ်ခံလိုက်ရတယ်နဲ့တူတယ်…”</p> <p>ဤအချိန်တွင် လူထွားကြီးနှင့် တိုက်ခိုက်နေသူများကား သွေးဝိညာဉ်ဂိုဏ်း၏ အစောင့်အရှောက်နှစ်ပါးပင်ဖြစ်သည်။</p> <p>လူထွားကြီးက နဂါးသွေးကြောနယ်ပယ်အဆင့် ၉ သာ ရှိသောကြောင့် မြေကမ္ဘာယွမ်ပြီးပြည့်စုံခြင်းအဆင့် ပညာရှင်များကို မယှဉ်နိုင်ခဲ့ပေ။</p> <p>ထို့ကြောင့် ခဏကြာတိုက်ခိုက်ပြီးနောက်တွင်အပြင်းအထန် ဒဏ်ရာရကာ သေခါနီး အခြေအနေ ဖြစ်သွားသွားခဲ့သည်။ သို့သော် ၎င်းက စိတ်ဓာတ်အလွန်ခိုင်မာပုံရပြီး တရကြမ်း ဆက်တိုက်ခိုက်နေဆဲပင်။</p> <p>“သွေးဝိညာဉ်ဂိုဏ်းလား ။ မဟုတ်ဘူး… သွေးနတ်ဆိုးဂိုဏ်းပဲ။ မင်းတို့လို နတ်ဆိုးတွေက အရမ်းရက်စက်လွန်းတယ်။ တစ်နေ့ကျရင် မိုးကောင်းကင်က မင်းတို့ကို အပြစ်ပေးလိမ့်မယ်” ဤအချိန်တွင် လူထွားကြီး၏ ခန္ဓာကိုယ်တစ်ခုလုံးနီးပါး စုတ်ပြတ်သက်နေပြီး သေဆုံးခါနီးဖြစ်နေပါသည်။</p> <p> </p> <p>“မိုးကောင်းကင် က အပြစ်ပေးမယ် ...ဟုတ်လား”</p> <p>အစောင့်အရှောက်တစ်ယောက်က အေးစက်စက်လှောင်ပြောင်လိုက်သည်...</p> <p>“ဒီလောကမှာ အားကောင်းတဲ့သူက အနိုင်ရတာပဲ။ လူသားနဲ့ နတ်ဆိုး ဘာမှ မကွာဘူး။ မိုးကောင်းကင်က အပြစ်ပေးမယ်ဆိုတာ ဘာအဓိပ္ပါယ်လဲ...”</p> <p>“သွေးပူဇော်ပွဲ မစခင် ဂိုဏ်းထဲမှာ ပြဿနာလာရှာရဲတာဆိုတော့ မင်းတော်တော် သတ္တိရှိတာပဲ။ ဒီနေ့ မင်းရဲ့ အူတွေကို ဆွဲထုတ်ပြီး မင်းသတ္တိဘယ်လောက်ကြီးလဲ ကြည့်မယ်...”</p> <p> </p> <p>“မင်းတို့ ငါ့ကို သတ်ချင်ရင် လာခဲ့စမ်း…။ ငါသေရင် အနည်းဆုံး မင်းတို့နှစ်ယောက်ထဲက တစ်ယောက်ကို ဆွဲခေါ်သွားမယ်...”</p> <p> </p> <p>သွေးဝိညာဉ်ခန်းမထဲ၌ သွေးများ ပက်ဖြန်းနေသလိုပင်။</p> <p>ဤအချိန်တွင် ဂိုဏ်းသားတစ်ယောက်က အော်ဟး်လိုက်သည်။</p> <p>“ဂိုဏ်းခေါင်းဆောင် ရောက်လာပြီ...”</p> <p>ရာချီသော သွေးဝိညာဉ်ဂိုဏ်းသားများသည် လူအုပ်အလယ်ကနေ လမ်းတစ်လမ်း ဖွင့်ပေးလိုက်ကြသည်။</p> <p>ထို့နောက်တွင် လမ်းကြောင်းအတိုင်း အနီတစ်ဝက်အဖြူတစ်ဝက်ဝတ်ရုံကို ဝတ်ဆင်ထားသော လူငယ်တစ်ယောက် ဖြည်းညှင်းစွာ လှမ်းလျှောက်လာခဲ့သည်။</p> <p>သူ၏ မျက်နှာပေါ်တွင် နတ်ဆိုးဆန်သည့် အပြုံးတစ်ခု ရှိလှနေသည်။ အသက်ကြီးပိုင်းဟု ထင်ရမည့်အစား အသက်နှစ်ဆယ်ကျော်လောက်သာ ထင်ရလေသည်။</p> <p>ဤအချိန်တွင် လူငယ်က တိုက်ခိုက်နေသည့် လူသုံးယောက်အနားသို့ လျှောက်လာခဲ့သည်။</p> <p>“ဂိုဏ်းခေါင်းဆောင်ကို ဂါရဝပြုပါတယ်...”</p> <p>အစောင့်အရှောက်နှစ်ပါးမှလွဲ၍ ကျန် ဂိုဏ်းဝင်များအားလုံး ဒူးထောက်ချလိုက်ကြသည်။</p> <p>သွေးဝိညာဉ်ဂိုဏ်းခေါင်းဆောင်ကို မြင်လိုက်သည်နှင့် အစ်မလီ၏ မျက်နှာက ပြောင်းလဲသွားသည်။ ဘေးရှိ လုံချန်ကို အမြန်ဆွဲကာ ဒူးထောက်ခိုင်းလိုက်သည်။</p> <p>သူ့မြင်အရတော့ လုံချန်လို လူငယ်တစ်ယောက်က မောက်မာထောင်လွှားတတ်လေရာ ဒူးထောက်မည်မဟုတ် ဟူ၍ပင်။</p> <p> </p> <p>သို့သော် အံ့အားသင့်စရာကောင်းသည်မှာ လုံချန်က အစ်မလီ ထက်ပင် အရင်ဦးအောင် ဒူးထောက်ချလိုက်သည်။ ထို့အပြင် သူ့မျက်နှာပေါ်တွင်လည်း အလွန်သစ္စာရှိသည့် ဂိုဏ်းသားတစ်ယောက်လိုမျိုး အမူအရာအပြည့် ရှိနေလေသည်။ သို့ရာတွင် လုံချန်၏ မျက်လုံးအစုံကတော့ ဂိုဏ်းခေါင်းဆောင်ကို စူးစိုက်ကြည့်နေခဲ့သည်။</p> <p>“အသက် အရမ်းမကြီးသေးပေမယ့် သူ့အငွေ့အသက်က အရမ်း ထူထပ်တယ်။ မျက်လုံးတွေကလည်း လုံးဝကို မထီမဲ့မြင်အကြည့်တွေရှိနေတယ်။ မှန်တယ်၊ ဒီလိုလူမျိုးက နောက်ခံ အင်အားကြီးမားတဲ့သူပဲ ဖြစ်ရမယ်။ ကြည့်ရတာ လဲ့လန် ပြောခဲ့တဲ့အတိုင်း သူက ယွမ်ဧကရာဇ်ရဲ့ မြေးဆိုတာ မှန်နေတာပဲ…”</p> <p>လူငယ်၏ အလုံးစုံအင်အားကို ခံစားမိလိုက်သောအခါ လုံချန်၏ စိတ်ထဲ၌လည်း တင်းကြပ်လာသလိုပင်။ သူ ထင်သည့်အတိုင်းဆိုပါက ကောင်းကင်ယွမ်အဆင့် ပညာရှင်ကို ကိုင်တွယ်ရန်ကား လွယ်ကူမှာ မဟုတ်ပေ။</p> <p> </p> <p>“ငါ့မှာ ဆန်းကြယ်စတုတ္ထအဆင့် နတ်ဆိုးသားရဲတစ်ကောင်ရဲ့ သွေးအဆီအနှစ် ရှိနေသေးတာပဲ…”</p> <p>“အဲဒါနဲ့ဆို မြေကမ္ဘာယွမ်ပြီးပြည့်စုံခြင်းအဆင့် ကို ရောက်နိုင်မလား မသိဘူး…”</p> <p>“ဒါပေမဲ့ အဲဒီအဆင့်ကို ရောက်သွားရင်ကော သူနဲ့ တိုက်ခိုက်နိုင်မယ်ထင်တာပဲ…”</p> <p>အခြေအနေကို သေချာစွာ စဉ်းစားတွေးတောပြီးနောက် လုံချန်က အနည်းငယ် တည်ငြိမ်လာသည်။</p> <p> </p> <p>ဤအချိန်တွင် သွေးဝိညာဉ်ဂိုဏ်းခေါင်းဆောင်သည် လူအုပ်ကို တစ်ချက်လှည့်ကြည့်ပြီးနောက် တိုက်ခိုက်နေသည့် လူသုံးယောက်ကို စိုက်ကြည့်နေသည်။</p> <p>ခဏအကြာတွင်တော့ သူ၏မျက်လုံးထဲ၌ စိတ်မရှည်သော အရိပ်အယောင်တစ်ခု ပေါ်လာသည်။</p> <p>“အမှိုက်နှစ်စ…”</p> <p>သွေးဝိညာဉ်ဂိုဏ်းခေါင်းဆောင်၏ အေးစက်စက်ကြိမ်းမောင်းသံ ထွက်ပေါ်လာသည်။</p> <p>ချက်ချင်းပင် အနီရောင်အရိပ်တစ်ခု လျင်မြန်စွာ လှုပ်ရှားသွားပြီး...</p> <p>ဘုန်း...</p> <p>လူနှစ်ယောက်၏ပုံရိပ် လေထဲသို့ ပျံတက်သွားကာ ခဏအကြာတွင် တစ်ယောက်က သွေးများပန်းထွက်လျှက် မြေပြင်ပေါ်သို့ ပြင်းထန်စွာ ပြုတ်ကျသွားသည်။ ဤအချိန်တွင် တိုက်ပွဲနေရာ၌ သွေးဝိညာဉ်ဂိုဏ်းခေါင်းဆောင်နှင့် လူထွားကြီးတို့သာ ကျန်ရှိတော့သည်။</p> <p> </p> <p>သွေးဝိညာဉ်ဂိုဏ်းခေါင်းဆောင်သည် လူထွားကြီး၏ လည်ပင်းကို လက်တစ်ဖက်ဖြင့် ဖမ်းဆုပ်ထားပြီး မြေပြင်ထက်သို့ ဆွဲမြှောက်ထားသည်။</p> <p> </p> <p>ထိုလူ၏ မျက်လုံးထဲ၌ မုန်းတီးမှုများ အပြည့်ရှိနေသော်လည်း သေခါနီး အခြေအနေသို့ ရောက်နေပါသည်။</p> <p> </p> <p>ရာချီသောလူအုပ်ကြီးသည် တိတ်ဆိတ်သွားသည်။</p> <p>လုံချန်၏ မျက်လုံးများလည်း အနည်းငယ် ကျဉ်းမြောင်းသွားခဲ့သည်။</p> <p>“ဒီလူက ကိုင်တွယ်ရ တော်တော်ခက်ခဲမယ်ထင်တယ်…”</p> <p>“လင်းချင်ကို ဘယ်လို ကယ်တင်ရမလဲ…” ဤအတွေးကြောင့် လုံချန်သည် လေးလံသော ဖိအားကို ခံစားလိုက်ရသည်။</p> <p>…</p> <p>ဂိုဏ်းခေါင်းဆောင်သည် လူထွားကြီး၏ လက်တစ်ဖက်ကို ဖမ်းဆွဲကာ ရုတ်တရက် ဆွဲဖြုတ်လိုက်သည်။</p> <p>ဂျွပ်... ရှူး...</p> <p>အရိုးကျိုးသံနှင့် သွေးများ ပန်းထွက်လာသည်။</p> <p> </p> <p>သွေးခန်းမတစ်ခုလုံး ထိတ်လန့်မှုအငွေ့အသက်များ ပြည့်နှက်သွားသည်။</p> <p>ဂိုဏ်းခေါင်းဆောင်၏မျက်နှာပေါ်၌ သွေးများ ပေကျံနေသော်လည်း သူ့အမူအရာက တစ်ချက်မှပြောင်းမသွားခဲ့ပေ။ ထို့နောက် လူထွားကြီး၏ နောက်ထပ် လက်တစ်ဖက်ကိုပါ ဆွဲဖြုတ်လိုက်ပြန်သည်။</p> <p> </p> <p>လူထွားကြီး၏ မချိမဆန့်နာကျင်နေသော အော်သံထွက်ပေါ်လာပြီး သွေးခန်းမတစ်ခုလုံး တုန်ခါသွားစေသည်။</p> <p> </p> <p>လုံချန်တို့အဖွဲ့လည်း သွေးဝိညာဉ်ဂိုဏ်းခေါင်းဆောင်၏ လူမဆန်သောလုပ်ရပ်ကိုမြင်ပြီးအတော်လေးထိတ်လန့်သွားကြသည်။</p> <p>နောက်ဆုံးတွင် လူထွားကြီးသည် ပြင်းထန်သော နာကျင်မှုကြောင့် သေဆုံးသွားခဲ့ရသည်။</p> <p> </p> <p>သွေးဝိညာဉ်ဂိုဏ်းခေါင်းဆောင်သည် အလောင်းကို အမှိုက်တစ်စလိုမျိုး ပစ်ချလိုက်ပြီး နှုတ်ခမ်းထောင့်မှ သွေးစက်များကို လျှာဖြင့်ယပ်ကာ ပြောလိုက်သည် ..</p> <p>“အမျိုးသားတစ်ယောက်ရဲ့ သွေးက အပျိုစင်မိန်းကလေးရဲ့ သွေးလောက် မချိုမြိန်ဘူး…”</p> <p>ဤစကားတစ်ခွန်းကြောင့် ခန်းမထဲရှိ ရာချီသော လူအုပ်ကြီးလည်း ထိတ်လန့်တုန်လှုပ်သွားခဲ့ကြသည်။</p> <p> </p> <p>အခြားသူများနှင့်မတူဘဲ လုံချန်ကတော့ စိတ်ထဲ၌ လူသတ်လိုစိတ်များ ပေါက်ကွဲလာခဲ့သည်။</p> <p>နတ်ဓားထဲမှ လင်းရှီ သည်ပင် အလွန်အမင်း ဒေါသထွက်နေ၏...</p> <p>“ဒီလို လူမျိုးကို ငါဘဝတစ်လျှောက်လုံးမှာတောင် တစ်ခါမှ မမြင်ဖူးဘူး..”</p> <p>“လုံချန်… နင် ငါ့ကို ကတိပေးစမ်းပါ…”</p> <p>“ဘာပဲဖြစ်ဖြစ် သူ့ကို သတ်ရမယ်...”</p> <p>လုံချန်သည် ချက်ချင်း ပြန်ဖြေလိုက်သည်...</p> <p>“ငါ သိတယ်…”</p> <p>သို့သော် ယန်လင်းချင်ကို မည်သည့်နေရာတွင် ဖမ်းဆီးထားမှန်း ရှာမတွေ့မချင်း သူ့အနေဖြင့် မလှုပ်ရှားရဲသေးပေ။</p> <p> </p> <p>ဤအချိန်တွင် သွေးဝိညာဉ်ဂိုဏ်းခေါင်းဆောင်က လူအုပ်ကို ကြည့်ပြီး ပြောလိုက်သည်....</p> <p>“မကြာခင် သွေးယဇ်ပူဇော်ပွဲ စတင်တော့မယ်…”</p> <p>“ပြီးတော့ ဒီတစ်ခါ အရင်ထက်ပိုပြီး ကြီးကျယ်ခမ်းနားတဲ့အနေအထားမျိုးနဲ့ ကျင်းပမယ်…”</p> <p>“အဲ့ဒါကြောင့် မင်းတို့အားလုံး အသက်ပေးရရင်တောင် ဒီပွဲကို ပြီးမြောက်အောင် လုပ်ဆောင်ရမယ်။ အားလုံး .... ကြားကြလား...”</p> <p>ရာချီသော သွေးဝိညာဉ်ဂိုဏ်းသားများသည် သံပြိုင်ဟစ်ကြွေးလိုက်ကြသည်။</p> <p>“ဂိုဏ်းခေါင်းဆောင်ရဲ့ အမိန့်လိုက်နာပါ့မယ်...”</p> <p>“ငါတို့ အားလုံး အသက်ပေးရရင်တောင် ဂိုဏ်းခေါင်းဆောင်အတွက် အကောင်းဆုံး ကြိုးစားပါ့မယ်...”</p> <p>သွေးဝိညာဉ်ဂိုဏ်းခေါင်းဆောင်က ပြုံးလိုက်သည်။ထို့နောက် သူ၏မျက်လုံးများသည် ရုတ်ချည်းအေးစက်လာသည်...</p> <p>“ကောင်းပြီ... မင်းတို့အထဲမှာ သူလျှိုတွေ ရှိနေသေးတယ်ဆိုတာ ငါ သိတယ်…”</p> <p>“ဒါပေမဲ့ တစ်ခုတော့ သတိရပါ…”</p> <p>“သွေးဝိညာဉ်ဂိုဏ်းက ဒီအရှင်သခင်ရဲ့နယ်မြေဆိုတာပါပဲ…”</p> <p>“မင်းတို့လည်း နောက်တစ်နာရီကြာရင် ဒါမှမဟုတ် နောက်ရက်တွေမှာ အခုလေးတင် သေသွားတဲ့လူလို ဖြစ်သွားနိုင်တယ်…”</p> <p>ဤစကားပြောပြီးနောက် သွေးဝိညာဉ်ဂိုဏ်းခေါင်းဆောင်သည် အေးစက်စက်ပြုံးပြီး ပြောလိုက်သည်...</p> <p>“အခုတလော ဖမ်းဆီးထားတဲ့ အပျိုစင်မိန်းကလေးတွေကို ငါ့ရဲ့သွေးခန်းမ ထဲမှာ ချုပ်နှောင်ထားတယ်…”</p> <p>“ငါ့ဂိုဏ်းထဲကို ခိုးဝင်လာတဲ့သူတွေက... မင်းတို့စိတ်ဝင်စားရင် တိုက်ရိုက် လာနိုင်တယ်…”</p> <p>“ဒီအရှင်သခင်က စောင့်နေမယ်…”</p> <p>သူ၏မျက်လုံးများသည် လူတိုင်း၏နှလုံးသားထဲကို ထိုးဖောက်ကြည့်သကဲ့သို့ပင်။</p> <p> </p> <p>“မနက်ဖြန်အတွက် ကြိုပြီးပြင်ဆင်ထားလိုက်ကြ...”</p> <p> </p> <p>“ဂိုဏ်းခေါင်းဆောင်ရဲ့အမိန့်ကို နာခံပါ့မယ်။ သွေးဝိညာဉ်ဂိုဏ်းက… ပြိုင်ဖက်ကင်းလာစေရမယ်...”</p> <p>ရာချီသောလူအုပ်က တစ်ပြိုင်နက် အော်ဟစ်ကြုံးဝါးနေကြသည်။</p> <p> </p> <p>“သွေးဝိညာဉ်ဂိုဏ်းက ပြိုင်ဖက်ကင်းတယ်...”</p> <p> </p> <p>ခဏအကြာတွင်တော့ သွေးဝိညာဉ်ဂိုဏ်းခေါင်းဆောင်သည် ခန်းမထဲမှ ထွက်ခွာသွားခဲ့သည်။</p> <p> </p> <p>လုံချန်တို့လည်း အခြားဂိုဏ်းဝင်များနှင့် ရောနှောလိုက်ပါလျှက် ပြန်ထွက်လာခဲ့ကြသည်။</p> <p>အစောပိုင်းက သူတို့နေထိုင်ခဲ့သော အခန်းထဲသို့ ရောက်သည်နှင့် လူတိုင်း၏ မျက်နှာများ မည်းမှောင်နေခဲ့သည်။</p> <p> </p> <p>အစ်မလီက စကားစပြောလိုက်သည်...</p> <p>“သွေးဝိညာဉ်ဂိုဏ်းခေါင်းဆောင် ရှိနေတဲ့အချိန်မှာ မြေအောက်မြို့တော်ကို ခိုးဝင်ဖို့ မဖြစ်နိုင်ဘူး…”</p> <p> </p> <p>လုံချန်သည် အေးစက်စွာ ပြန်မေးလိုက်သည်။</p> <p>“ဒါဆို…”</p> <p>“သွေးယဇ်ပူဇော်ပွဲ စတဲ့အချိန်မှပဲ ငါတို့ လှုပ်ရှားရတော့မယ်...”</p> <p> </p> <p>Translator#အနှောင်အဖွဲ့ကင်းမဲ့သူ</p> <p>***</p> <p> </p>


Save