Book List

<h2 style="text-align: center;">အခန်း (၁၃၂၂) - နက္ခတ်တာရာ ပင်လယ်ပြင် (၁၂၇))</h2> <h2 style="text-align: center;">*</h2> <p> </p> <p> </p> <p> </p> <p>မုဟိုင်ထောင်းမှာ လေထဲတိမ်တောင် ပြောဆိုနေခြင်း မဟုတ်ပေ။ ယင်း၏ နောက်ကွယ်တွင် ခိုင်လုံသော အချက်အလက်များ ရှိနေလေသည်။</p> <p> </p> <p> (B00785) အရန်အခြေစိုက်စခန်း၌ အသက်ရှင်ကျန်ရစ်သူ လေးထောင်ကျော် ရှိရာတွင် အင်ပါယာမှ ဂြိုဟ်ပတ်လမ်း သယ်ယူပို့ဆောင်ရေးစနစ်ကို တည်ဆောက်ပြီးနောက်၌ ထက်ဝက်နီးပါးခန့်မှာ ဤဂြိုဟ်မှ ထွက်ခွာ၍ အခြားတစ်နေရာတွင် အခြေချရန် ရွေးချယ်ခဲ့ကြချေသည်။</p> <p> </p> <p>ကျန်ရှိနေသော ထက်ဝက်ခန့်မှာမူ မုဟိုင်ထောင်းနှင့်အတူ မိမိတို့၏ နေအိမ်များကို ပြန်လည်တည်ဆောက်ရန် ကျန်ရစ်ခဲ့ကြပေရာ လွန်ခဲ့သော ရှစ်နှစ်တာကာလအတွင်း လူနှစ်ထောင်အနက် တစ်ရာကျော်မှာ မိမိအလိုအလျောက်ပင် စူပါစွမ်းအားရှင်များ ဖြစ်လာခဲ့ကြသည်မှာ အံ့အားသင့်ဖွယ် ဖြစ်တော့သည်။</p> <p> </p> <p>အင်ပါယာအတွင်းရှိ စူပါစွမ်းအား အများစုမှာ မျိုးရိုးဗီဇမြှင့်တင်မှု  ကြောင့်သာ ဖြစ်ပေါ်လာခြင်းဖြစ်ပြီး ယင်းကို မျိုးရိုးဗီဇမြှင့်တင်မှု၏ ဘေးထွက်ဆိုးကျိုးတစ်ခုအဖြစ်သာ သတ်မှတ်ထားကြသည်ကို သတိပြုသင့်ပေသည်။</p> <p> </p> <p>သဘာဝအလျောက် စွမ်းအားနိုးထလာသူများမှာ အလွန်ပင် နည်းပါးလှချေသည်။</p> <p>သို့သော် လူနှစ်ထောင်အနက် တစ်ရာကျော်မှာ သဘာဝအလျောက် စွမ်းအားနိုးထလာခြင်းမှာ လုံးဝပင် ပုံမှန်မဟုတ်သော အခြေအနေတစ်ရပ် ဖြစ်ပေသည်။</p> <p> </p> <p> ထို့ပြင် စူပါစွမ်းအားရှင် အနည်းငယ်မှာလည်း မိမိတို့၏ စွမ်းအားများမှာ တဖြည်းဖြည်း တိုးတက်ကောင်းမွန်လာပြီး တစတစ ပိုမိုအစွမ်းထက်လာသည်ကို သိရှိလာခဲ့ကြလေသည်။</p> <p> </p> <p>ဤအခြေအနေကို သဘောပေါက်ပြီးနောက် မုဟိုင်ထောင်းသည် အထူးစုံစမ်းစစ်ဆေးမှုတစ်ရပ်ကို ပြုလုပ်ခဲ့သည်။</p> <p> </p> <p>အသက်ရှင်ကျန်ရစ်သူများတွင် စွမ်းအားနိုးထနိုင်ခြေ အမြင့်ဆုံးဖြစ်နေပြီး လွန်ခဲ့သောနှစ်အတွင်း တန်ပါစ်ဂြိုဟ်  သို့ အလုပ်လာရောက်လုပ်ကိုင်ကြသူ ပြင်ပလူများတွင်လည်း စွမ်းအားနိုးထမှုများ ရှိနေသော်လည်း အရေအတွက်မှာ အလွန်ပင် နည်းပါးလှပေသည်။</p> <p> </p> <p>သို့သော် ထိုအရေအတွက် နည်းပါးမှုမှာပင် ပုံမှန်ထက် ပိုမိုများပြားနေသည်ဖြစ်ရာ တန်ပါစ်ဂြိုဟ်၏ ထူးခြားသော ပတ်ဝန်းကျင်ကြောင့်ပင် ဤသို့သော ဖြစ်ရပ်မျိုး ဖြစ်ပေါ်လာရခြင်းဖြစ်သည်ဟု မုဟိုင်ထောင်းက ကောက်ချက်ချလိုက်တော့သည်။</p> <p> </p> <p>အချိန်ကြာလာသည်နှင့်အမျှ ပြင်ပမှ လာရောက်သူများတွင်လည်း စွမ်းအားနိုးထမှုနှုန်း မြင့်တက်လာလိမ့်မည်ဟု သူက ယုံကြည်နေပေသည်။</p> <p> </p> <p>ဤသို့သော ထူးခြားသည့် ဖြစ်ရပ်မှာ တန်ပါစ်ဂြိုဟ်သည် စူပါစွမ်းအားရှင်များအတွက် နိဗ္ဗာန်ဘုံနှင့် မြင့်မြတ်သောနယ်မြေတစ်ခု ဖြစ်လာတော့မည်ကို ညွှန်ပြနေခြင်းပင် ဖြစ်ပေရာ အင်ပါယာဘက်မှလည်း ဤအချက်ကို မသိရှိဘဲ မနေနိုင်ပေ။</p> <p> </p> <p>မကြာမီအတွင်း လူပေါင်းများစွာသည် စူပါစွမ်းအားများ ရရှိရန်အတွက် တန်ပါစ်ဂြိုဟ်သို့ အလုံးအရင်းနှင့် ရောက်ရှိလာကြမည်မှာ မြေကြီးလက်ခတ်မလွဲ ဖြစ်တန်ရာသည်။</p> <p> </p> <p>“မင်းရဲ့ စူပါစွမ်းအားစီမံခန့်ခွဲရေးဗျူရို ဌာနချုပ်ကို ဒီမှာပဲ ထားသင့်တယ်” ဟု မုဟိုင်ထောင်းက ဝမ်ချန် အား လေးလေးနက်နက် ပြောလိုက်ပြီး “ဒါမှမဟုတ် စူပါစွမ်းအား အကယ်ဒမီကျောင်းတစ်ခုကို သီးသန့်တည်ထောင်မယ်ဆိုရင်လည်း အဆင်ပြေမှာပါ” ဟု ဆိုလေသည်။</p> <p> </p> <p>ဝမ်ချန်မှာ အနည်းငယ် အံ့အားသင့်သွားရပေသည်။ မုဟိုင်ထောင်း၏ အကြံပြုချက်မှာ အလွန်ပင် ယုတ္တိရှိလှပြီး လေ့လာစမ်းသပ်ရန် ကောင်းလှသောကြောင့်ပင် ဖြစ်တော့သည်။</p> <p> </p> <p>“ငါ့ကို အဲဒီလို လာကြည့်မနေနဲ့” ဟု မုဟိုင်ထောင်းက ဝမ်ချန်၏ အကြည့်ကို သတိပြုမိသွားပြီး ခါးသီးသော အပြုံးဖြင့် ဆိုသည်။</p> <p> </p> <p>“ငါပြောခဲ့သလိုပဲ၊ အင်ပါယာကို သစ္စာဖောက်ဖို့ ငါ့စိတ်ထဲ တစ်ခါမှ မတွေးဖူးဘူး”</p> <p>အရေးကြီးဆုံး အချက်မှာ သူတွေးနိုင်သော အရာများကို အင်ပါယာ၏ အဆင့်မြင့်အရာရှိကြီးများက မတွေးနိုင်ဘဲ ရှိပါမည်လော။</p> <p> </p> <p>“ငါနားလည်ပါတယ်” ဟု ဝမ်ချန်က ခေါင်းညိတ်လိုက်ပြီး “ငါမနက်ဖြန် ထွက်သွားတော့မယ်၊ နောက်တစ်ခါ ငါပြန်လာတဲ့အခါ မင်းကို ဒီမှာပဲ ထပ်တွေ့ရဖို့ မျှော်လင့်တယ်” ဟု ဆိုလေသည်။</p> <p> </p> <p>ယင်းသို့ တွေးတောရင်း သူသည် နက္ခတ်တာရာ လက်စွပ်ထဲမှ အိတ်တစ်အိတ်ကို တိုက်ရိုက်ထုတ်ယူလိုက်ပြီး မုဟိုင်ထောင်း၏ ရှေ့၌ ချထားပေးကာ “ဒါ မင်းအတွက်ပဲ” ဟု ပြောလိုက်သည်။</p> <p> </p> <p>မုဟိုင်ထောင်းမှာ မှင်တက်သွားရပြီး မိမိမျက်စိကိုပင် မိမိ မယုံကြည်နိုင် ဖြစ်နေတော့သည်။</p> <p> </p> <p>ဝမ်ချန်၏ လေထဲမှ ပစ္စည်းများ ထွက်ပေါ်လာအောင် ပြုလုပ်နိုင်သော စွမ်းအားကို ခဏဖယ်ထားလျှင်ပင် သူထုတ်ပေးလိုက်သော အိတ်မှာ ပွင့်နေပြီး အတွင်း၌ နက်သာအမြူတေ  များ ပြည့်နှက်နေသည်ကို မုဟိုင်ထောင်းက ကောင်းစွာ သိရှိနေသောကြောင့်ပင် ဖြစ်လေသည်။</p> <p> </p> <p>နက်သာအမြူတေများ၏ တန်ဖိုးကိုလည်း မုဟိုင်ထောင်းက ကောင်းစွာ သိရှိထားပေရာ ဝမ်ချန်သည် အဘယ်ကြောင့် ဤမျှ များပြားလှသော ရတနာများကို မိမိအား ပေးရသနည်းဆိုသည်ကို သူ နားမလည်နိုင်တော့ပေ။</p> <p> </p> <p>“ဒီလောက်များတဲ့ နက်သာအမြူတေတွေကို မင်း ဘယ်က ရခဲ့တာလဲ”</p> <p>ဝမ်ချန်က ပြုံးလျက် “ဒါတွေက နက်သာမျိုးနွယ်စု တွေကို သတ်ပြီး ကောက်ခဲ့တာပေါ့၊ ဒါက ဘာမှ မဟုတ်ပါဘူး” ဟု ဆိုလေသည်။</p> <p> </p> <p>လွန်ခဲ့သော ကိုးလတာအတွင်း သူသည် နက်သာမျိုးနွယ်စုဝင် ပေါင်းများစွာကို သုတ်သင်ခဲ့ပြီး နက်သာအမြူတေများ ပြည့်နှက်နေသော အိတ်ပေါင်း ဒါဇင်နှင့်ချီ၍ စုဆောင်းမိခဲ့သည်။</p> <p> </p> <p>သူက မုဟိုင်ထောင်းအား အိတ်တစ်အိတ် ပေးရခြင်းမှာ အကယ်၍ မုဟိုင်ထောင်းသာ မတော်တဆမှု တစ်စုံတစ်ရာနှင့် မကြုံတွေ့ခဲ့လျှင် အနာဂတ်တွင် ကြီးကျယ်သော အောင်မြင်မှုများ ရရှိမည့် ကံပါသူတစ်ဦးဖြစ်သည်ဟု သူ ခံစားရသောကြောင့် ဖြစ်ပေသည်။</p> <p> </p> <p>ဝမ်ချန်သည် ယင်းအပေါ်၌ ကောင်းသော အထင်အမြင် ရှိထားသဖြင့် စေတနာရှေ့ထား၍ လက်ဆောင်ပေးလိုက်ခြင်းသာ ဖြစ်ချေသည်။</p> <p> </p> <p>ဒါက ဘာမှ မဟုတ်ဘူးတဲ့လား။ မုဟိုင်ထောင်းမှာ နားထောင်ရင်းနှင့်ပင် ဝေခွဲမရ ဖြစ်နေတော့သည်။ အကယ်၍ နက်သာမျိုးနွယ်စုကို ကိုင်တွယ်ရလွယ်ကူပြီး နက်သာအမြူတေများကို ရယူရန် လွယ်ကူနေပါက ယင်းတို့မှာ ဤမျှ တန်ဖိုးကြီးနေမည် မဟုတ်ပေ။</p> <p> </p> <p>ဝမ်ချန်သည် တန်ပါစ်ဂြိုဟ်ပေါ်၌ ရှိနေစဉ်အတွင်း နက်သာမျိုးနွယ်စုဝင် မည်မျှများများအား သတ်ဖြတ်ခဲ့မှသာ ဤမျှ အံ့အားသင့်ဖွယ် ကောင်းလောက်အောင် များပြားလှသော အမြူတေများကို စုဆောင်းနိုင်မည်နည်းဟု သူ မတွေးတောနိုင်တော့ပေ။</p> <p> </p> <p>ဝမ်ချန်သည် မည်မျှအထိ အစွမ်းထက်လာခဲ့ပြီနည်း။</p> <p>ဤနက်သာအမြူတေ အိတ်မှာ မုဟိုင်ထောင်း စူပါစွမ်းအားများ နိုးထလာချိန်မှစ၍ ရရှိထားသော မိမိကိုယ်မိမိ ယုံကြည်မှုများကို လုံးဝပင် ရိုက်ချိုးလိုက်ပြီး ဝမ်ချန်အပေါ်တွင်လည်း များစွာသော ရိုသေခန့်ညားမှုများကို ဖြစ်ပေါ်စေခဲ့လေသည်။</p> <p> </p> <p> ဤခန့်ညားမှုမှာ သူ၏ ဝိညာဉ်အတွင်း၌ပင် စွဲထင်သွားခဲ့ရချေပြီ။</p> <p>မုဟိုင်ထောင်းသည် အသက်ကို ပြင်းပြင်းရှူကာ မိမိကိုယ်မိမိ ပြန်လည်တည်ငြိမ်အောင် ထိန်းလိုက်ပြီးနောက် မတ်တပ်ရပ်၍ ဝမ်ချန်အား ရိုသေစွာဖြင့် ဦးညွှတ်လိုက်ကာ “တန်ပါစ်ဂြိုဟ်ပေါ်က ပြည်သူတွေကိုယ်စား ငါ့ရဲ့ စိတ်ရင်းအမှန်ဆုံး ကျေးဇူးတင်စကားကို ပြောပါရစေ” ဟု ဆိုသည်။</p> <p> </p> <p>“ကျေးဇူးတင်ပါတယ်!”</p> <p>နက်သာစစ်တပ်  မှာ တန်ပါစ်ကြယ်စုတန်း  မှ ဆုတ်ခွာသွားခဲ့သည်မှာ ကြာပြီဖြစ်သော်လည်း တန်ပါစ်ဂြိုဟ်ပေါ်တွင် သူတို့ချန်ထားခဲ့သော မျိုးနွယ်စုများမှာ ဤဂြိုဟ်ပေါ်ရှိ ဌာနေတိုင်းရင်းသားများအတွက် အကြီးမားဆုံးသော ခြိမ်းခြောက်မှုကြီးပင် ဖြစ်ပေသည်။</p> <p> </p> <p> တန်ပါစ်ဂြိုဟ် ကျဆုံးခဲ့စဉ်အတွင်း မြေအောက်အခြေစိုက်စခန်း အများအပြားမှာ နက်သာအမဲလိုက်မုဆိုး  များ၏ ရှာဖွေတွေ့ရှိခြင်းကို ခံခဲ့ရသဖြင့် သေဆုံးသူဦးရေမှာ မရေမတွက်နိုင်အောင် များပြားခဲ့လေသည်။</p> <p> </p> <p>အင်ပါယာသည် တန်ပါစ်ကြယ်စုတန်းကို ယခုအခါ ပြန်လည်သိမ်းပိုက်နိုင်ခဲ့ပြီ ဖြစ်သော်လည်း တန်ပါစ်ဂြိုဟ်၏ ထူးခြားသော အခြေအနေများကြောင့် အဆင့်မြင့်နည်းပညာသုံး လက်နက်များကို ဤနေရာ၌ အသုံးမပြုနိုင်ပေရာ ကျန်ရှိနေသော နက်သာမျိုးနွယ်စုဝင်များ၏ ခြိမ်းခြောက်မှုမှာလည်း ပျောက်ကွယ်သွားမည် မဟုတ်ပေ။</p> <p> </p> <p>ယခုအခါ ဝမ်ချန်သည် နက်သာအမြူတေ အမြောက်အမြား စုဆောင်းနိုင်ခဲ့သည်မှာ သူ၏လက်ချက်ဖြင့် နက်သာမျိုးနွယ်စုဝင် ပေါင်းများစွာ သေဆုံးခဲ့ရပြီဟု အဓိပ္ပာယ်ရပေရာ ယင်းသည် အသက်ရှင်ကျန်ရစ်သူများအတွက် မည်မျှပင် ကံကောင်းလှပါသနည်း။</p> <p> </p> <p>နက်သာမျိုးနွယ်စုများကို လုံးဝအမြစ်ပြတ် သုတ်သင်နိုင်မှသာ လူသားတို့သည် တန်ပါစ်ဂြိုဟ်ပေါ်၌ မိမိတို့၏ နေအိမ်များကို အမှန်တကယ် ပြန်လည်တည်ဆောက်နိုင်ကြမည် ဖြစ်ပေသည်။</p> <p> </p> <p> ဝမ်ချန် ပြုလုပ်ခဲ့သော အကျိုးပြုမှုမှာ အလွန်ပင် ကြီးမားလှသည်ဟု ဆိုနိုင်ပေသည်။</p> <p>“အားနာမနေပါနဲ့” ဟု ဝမ်ချန်က လက်ယမ်းလိုက်ကာ “ငါ့ဘာသာ ငါလုပ်တာပါ၊ ဒီရတနာတွေကို အလဟဿမဖြစ်စေဘဲ ကောင်းကောင်း အသုံးချဖို့ပဲ မျှော်လင့်တယ်” ဟု ဆိုလေသည်။</p> <p> </p> <p>မုဟိုင်ထောင်းက “ငါ့အသက်နဲ့ ရင်းပြီး အာမခံပါတယ်” ဟု လေးနက်စွာ ပြန်လည်ဖြေကြားလိုက်တော့သည်။</p> <p> </p> <p>“ကောင်းပြီလေ”</p> <p>ထိုညတွင် ဝမ်ချန်သည် ဒဲလ်ရေးမြို့ အသစ်ရှိ ဟိုတယ်တစ်ခု၌ ညအိပ်ခဲ့လေသည်။</p> <p>နောက်တစ်နေ့ နံနက်တွင် သူသည် ဂြိုဟ်ပတ်လမ်း သွားလာရေးယာဉ်ပေါ်သို့ တက်ရောက်ခဲ့ပြီး ယင်းယာဉ်ကပင် သူ့အား အာကာသအပြင်ဘက်ရှိ အာကာသခံတပ်  ဆီသို့ ချောမွေ့စွာ ပို့ဆောင်ပေးခဲ့သည်။</p> <p> </p> <p>တစ်နှစ်နီးပါး တည်ဆောက်ပြီးနောက်တွင် ဧရာမ အာကာသခံတပ်ကြီးမှာ ပုံပေါ်လာခဲ့ပြီ ဖြစ်ကာ ပင်မအစိတ်အပိုင်း အများစုမှာ ပြီးစီးနေပြီ ဖြစ်သဖြင့် အာကာသတပ်ဖွဲ့များ ဆိုက်ကပ်နိုင်စွမ်း ရှိနေပြီ ဖြစ်လေသည်။</p> <p> </p> <p>အင်ပါယာ၏ နက်ရှိုင်းသော အစွမ်းအစနှင့် အရင်းအမြစ်များကို ဤအရာက သက်သေပြနေခြင်းပင် ဖြစ်တော့သည်။</p> <p> </p> <p>အာကာသခံတပ်အတွင်း၌ သပ်ရပ်လှပသော ဟိုတယ်များ တည်ရှိနေချေရာ ဝမ်ချန်သည် ဟိုတယ်သို့ ရောက်ရှိသွားချိန်၌ ခေတ်မီနည်းပညာ လူ့အဖွဲ့အစည်းသို့ ပြန်လည်ရောက်ရှိသွားသကဲ့သို့ ခံစားလိုက်ရသည်။</p> <p> </p> <p>သူသည် ဦးစွာ မိမိ၏ ရည်းစားနှစ်ဦးနှင့် ဆက်သွယ်လိုက်လေသည်။ ဝမ်ချန်သည် ထိုက်ဝူကြယ်စုတန်း  သို့ လာနေပြီဖြစ်ကြောင်း သိရသောအခါ တန်မို  နှင့် မင်မေ  တို့မှာ အလွန်ပင် ဝမ်းသာသွားကြပြီး မင်မေက ဝမ်ချန်အတွက် အံ့အားသင့်စရာ အကြီးကြီးတစ်ခု ရှိနေကြောင်းပင် ဆိုလိုက်သေးသည်။</p> <p> </p> <p>ဝမ်ချန်သည် မိမိ၏ ရည်းစားများနှင့် ချစ်ချစ်ခင်ခင် စကားလက်ဆုံကျနေစဉ်အတွင်း သူနေထိုင်ရာ ဟိုတယ်အခန်း၏ တံခါးခေါင်းလောင်းသံမှာ ရုတ်တရက် မြည်လာခဲ့သည်။</p> <p> </p> <p> ဝမ်ချန်သည် လက်ယမ်းလိုက်ရုံဖြင့် ဟိုလိုဂရပ်ဖစ် ဖန်သားပြင်တစ်ခု ပေါ်လာပြီး အပြင်ဘက်တွင် သပ်ရပ်စွာ ဝတ်ဆင်ထားသော လူလတ်ပိုင်းအရွယ် အမျိုးသားတစ်ဦး ရပ်နေသည်ကို တွေ့လိုက်ရလေသည်။</p> <p> </p> <p>သူသည် ခဏမျှ တွေးတောလိုက်ပြီးနောက် တန်မိုနှင့် မင်မေတို့အား “ငါ့မှာ ကိုင်တွယ်စရာ ကိစ္စလေးတစ်ခု ရှိလာလို့၊ ငါထိုက်ဝူဂြိုဟ်ကို ရောက်ရင် ဆက်ပြောကြတာပေါ့” ဟု ဆိုကာ ဖုန်းချလိုက်လေသည်။</p> <p> </p> <p>ထို့နောက် ဝမ်ချန်သည် ထိုင်ရာမှထ၍ တံခါးသွားဖွင့်ပေးလိုက်ပြီး “ဘယ်သူ့ကို ရှာနေတာလဲ” ဟု မေးလိုက်သည်။</p> <p> </p> <p>“ဆရာ ဝမ်ချန် ဟုတ်ပါသလား ”</p> <p>တံခါးဝရှိ လူလတ်ပိုင်း အမျိုးသားသည် ပြုံးလျက် ကတ်ပြားတစ်ခုကို ကမ်းပေးလိုက်ပြီး “အသိမပေးဘဲ လာရောက်လည်ပတ်မိတဲ့အတွက် တောင်းပန်ပါတယ်၊ ကျွန်တော်ကတော့ တန်ပါစ်ဂြိုဟ်မှာ အခြေစိုက်တဲ့ ဝမ်ဟိုင်းဂရု ရဲ့ ပြင်ပစီးပွားရေးဌာနခွဲ မန်နေဂျာ ဝမ်ဘန်ဒါ ဖြစ်ပါတယ်” ဟု ဆိုလေသည်။</p> <p> </p> <p>ဝမ်ဟိုင်းဂရုတဲ့လား။</p> <p>ဝမ်ချန်သည် မျက်ခုံးပင့်လိုက်ပြီး ကတ်ပြားကို ယူ၍ တစ်ချက်ကြည့်လိုက်ကာ “ဘာကိစ္စရှိလို့လဲ” ဟု မေးလိုက်သည်။</p> <p> </p> <p>ဝမ်ဘန်ဒါက ဦးညွှတ်လိုက်ပြီး “ဆရာဝမ်၊ စကားခဏလောက် ပြောခွင့်ရမလား” ဟု ဆိုသည်။</p> <p>ဝမ်ချန်က ခေါင်းညိတ်လိုက်ပြီး “ကောင်းပြီ၊ ဝင်ခဲ့ပါ” ဟု ပြောလိုက်တော့သည်။</p> <p> </p> <p>အခန်းတွင်းရှိ ဧည့်ခန်း၌ ထိုင်လိုက်ပြီးနောက် ဝမ်ချန်က ပွင့်ပွင့်လင်းလင်းပင် “... မင်းတို့ရဲ့ ဝမ်ဟိုင်းဂရုက ဘာလုပ်ချင်နေတာလဲ” ဟု မေးလိုက်လေတော့သတည်း။</p> <p>***</p> <p> </p>


Save