Book List

<h2 style="text-align: center;">အခန်း (၁၃၂၈) - နက္ခတ်တာရာ ပင်လယ်ပြင် (၁၃၃)</h2> <h2 style="text-align: center;">*</h2> <p> </p> <p> </p> <p> </p> <p>အင်ပါယာအတွင်းဝယ် ဂုဏ်သိက္ခာအသစ်တစ်ခု ထွန်းကားလာခဲ့ချေပြီ။</p> <p>ယင်းသတင်းကို တိုင်းသူပြည်သားတို့ထံ အတိအလင်း ထုတ်ပြန်ကြေညာခြင်း မပြုသေးသော်ငြားလည်း အင်ပါယာပိုင်နက်အတွင်းရှိ ကြယ်စုတန်းအသီးသီးသို့ အလင်းထက်မြန်သော အရှိန်နှုန်းဖြင့် ပျံ့နှံ့သွားခဲ့ရာ အထက်တန်းလွှာ နယ်စားပယ်စားတို့မှာ ‘ဘာရွန်’ ဘွဲ့ရ ဂုဏ်သိက္ခာရှင် ‘ဝမ်ချန်’ ဟူသော ပုဂ္ဂိုလ် ပေါ်ထွက်လာကြောင်း သိရှိသွားကြလေသည်။</p> <p> </p> <p>ထို့အတူ မဟာမိတ်အဖွဲ့၏ အထက်လူကြီးများထံသို့လည်း သက်ဆိုင်ရာ သတင်းအချက်အလက်များ ရောက်ရှိသွားခဲ့ပြီး ဝမ်ချန်အား အထူးအလေးပေး စောင့်ကြည့်ရမည့်သူအဖြစ် သတ်မှတ်လိုက်ကြတော့သည်။</p> <p> </p> <p>အကြောင်းမူကား အင်ပါယာ၏ ဂုဏ်သိက္ခာရှင်တိုင်းသည် အင်အားကြီးမားသော စွမ်းအားစုတစ်ရပ်ကို ကိုယ်စားပြုနေသောကြောင့်ပင် ဖြစ်ချေသည်။</p> <p> </p> <p>ဝမ်ချန်သည် သန့်စင်သော အလင်းနက္ခတ်သို့ ပြန်လည်ရောက်ရှိပြီး နောက်တစ်နေ့တွင်ပင် တော်ဝင်မိသားစုထံမှ အကြောင်းကြားစာကို လက်ခံရရှိခဲ့သဖြင့် မိမိ၏ ခရီးသွားအစီအစဉ်ကို မလွဲမသာ ပြောင်းလဲလိုက်ရလေသည်။</p> <p> </p> <p>ထို့နောက် နှစ်ရက်အကြာတွင် ဘုရင်မင်းမြတ်အား ဖူးမြော်ရန်နှင့် မင်းကြီးကိုယ်တိုင် ချီးမြှင့်မည့် ဘွဲ့ထူးနှင်းသဘင် အခမ်းအနားသို့ တက်ရောက်ရန် နန်းတော်သို့ ဝင်ရောက်ခဲ့ရ၏။</p> <p> </p> <p>လွန်ခဲ့သော နှစ်ပေါင်းတစ်ရာခန့်က ဂုဏ်သိက္ခာရှင် နယ်စားများအား ဘွဲ့နှင်းသည့် အခမ်းအနားမှာ အလွန်တရာ ခမ်းနားထည်ဝါလှသော်လည်း ယခုအခါတွင်မူ လုပ်ထုံးလုပ်နည်းများကို ပြင်ဆင်၍ များစွာရိုးရှင်းအောင် ပြုလုပ်ထားလေသည်။</p> <p> </p> <p>သို့သော်ငြားလည်း ခန့်ညားထည်ဝါမှုကား လျော့ပါးသွားခြင်းမရှိပေ။ အခမ်းအနားသို့ တက်ရောက်ရန် ဖိတ်ကြားခြင်းခံရသူများမှာ ဝန်ကြီးချုပ်၊ လွှတ်တော်ဥက္ကဋ္ဌနှင့် စစ်သေနာပတိချုပ် အစရှိသည့် အင်ပါယာ၏ ထိပ်သီးပုဂ္ဂိုလ်များသာ ဖြစ်ကြပေသည်။</p> <p> </p> <p>ဤဘွဲ့နှင်းသဘင် အခမ်းအနားသည် ဝမ်ချန်အား အင်ပါယာ၏ အထက်တန်းလွှာ ပုဂ္ဂိုလ်ကြီးများ၏ အမြင်တွင် ထင်ရှားပေါ်လွင်လာစေခဲ့သည်။</p> <p> </p> <p>ထိုသို့သော အခြေအနေမျိုးတွင် တစ်ချိန်က အလွန်တရာ ထင်ပေါ်ကျော်ကြားခဲ့သည့် ‘ဝမ်ဟိုင်အုပ်စု’ ကို အင်ပါယာ၏ ဌာနကြီးသုံးခုက ချိပ်ပိတ်သိမ်းဆည်းလိုက်သည်ဟူသော တုန်လှုပ်ဖွယ်သတင်းမှာ ဂယက်အနည်းငယ်မျှပင် ထမလာခဲ့ချေ။</p> <p> </p> <p> ‘ဝမ်’ မိသားစုကိုယ်တိုင်ကလည်း ငြိမ်သက်ခြင်းကိုသာ ရွေးချယ်ခဲ့ပြီး မည်သည့်လှုပ်ရှားမှုမျှ မပြုဘဲ အသတ်ခံရမည့် ဆိတ်ကလေးကဲ့သို့ အခြေအနေကို လက်ခံထားကြလေသည်။</p> <p> </p> <p> အကြောင်းမှာ စဉ်းစားဆင်ခြင်ဉာဏ် အနည်းငယ်ရှိသူတိုင်းသည် ‘တမ်ပါး’ နက္ခတ်၏ ပစ္စည်းအလွဲသုံးစားမှု ဖြစ်ရပ်ကို အကြောင်းပြု၍ အင်ပါယာဘုရင်မင်းမြတ်က ‘ဝမ်’ စီးပွားရေးအင်ပါယာကို နှိမ်နင်းရန် ခြေလှမ်းစတင်နေပြီဖြစ်ကြောင်း နားလည်ထားကြသောကြောင့် ဖြစ်၏။</p> <p> </p> <p>အရှင်မင်းကြီး၏ ဆန္ဒမှာ အလွန်ပြတ်သားလှသည့်အပြင် တိုက်ကွက်ဖော်သည့် အချိန်အခါမှာလည်း အလွန်ပင် ကောင်းမွန်လှသဖြင့် ‘ဝမ်’ မိသားစု၏ မဟာမိတ်များပင်လျှင် အရာရာ အတည်ဖြစ်သွားသည့် အချိန်ကျမှသာ သိရှိလိုက်ကြရတော့သည်။</p> <p> </p> <p>‘ဝမ်’ စီးပွားရေးအင်ပါယာတစ်ခုလုံး လုံးဝ ပြိုလဲသွားခြင်း မရှိနိုင်သေးသော်လည်း၊ ‘ဝမ်ဟိုင်အုပ်စု’ ကဲ့သို့ လုပ်ငန်းကြီးများ ဆက်လက် တည်ရှိနေဦးမည် ဖြစ်သော်လည်း ‘ဝမ်’ မိသားစု ရာစုနှစ်နှင့်ချီ၍ စုဆောင်းခဲ့သမျှသော ပစ္စည်းဥစ္စာအစုအပုံကြီးကိုမူ တိုင်းပြည်ဘဏ္ဍာဖြည့်ရန်အတွက် အမြောက်အမြား စွန့်လွှတ်လိုက်ရမည်မှာ မလွဲဧကန်ပင် ဖြစ်ချေသည်။</p> <p> </p> <p>ဘွဲ့နှင်းသဘင် အခမ်းအနားအတွင်း၌ လူအများ၏ စိတ်ခံစားချက်တို့မှာ အမျိုးမျိုးအဖုံဖုံ ကွဲပြားနေကြသော်လည်း ဇာတ်လိုက်ဖြစ်သူ ဝမ်ချန်ကမူ အေးစက်တည်ငြိမ်နေခဲ့ပြီး အသစ်ရရှိထားသော ဂုဏ်သိက္ခာရှင်ဘွဲ့ကိုပင် အရေးတယူ ရှိလှသည်မဟုတ်ပေ။</p> <p> </p> <p>အခမ်းအနား ပြီးဆုံးသည်နှင့် ဝမ်ချန်မှာ နန်းတော်ပြင်ပသို့ ချက်ချင်းပင် အပို့ဆောင် ခံရလေသည်။</p> <p>ယင်းက သူ့အား အနည်းငယ် ဇဝေဇဝါ ဖြစ်စေခဲ့၏။</p> <p> </p> <p>အရှင်မင်းကြီးသည် သူ့အား စကားအများကြီး မပြောလိုသည့်အပြင် မကောင်းဆိုးဝါး တစ်ကောင်ကောင်ကို အဝေးသို့ မောင်းထုတ်လိုက်ချင်သည့် အလား ခံစားလိုက်ရသောကြောင့် ဖြစ်သည်။</p> <p> </p> <p>နန်းတော်တံခါးဝသို့ မရောက်မီမှာပင် ကျောက်စိမ်းရုပ်သွင်ကဲ့သို့ လှပနုနယ်လှသော မိန်းကလေးတစ်ဦးက သူ့အား တားဆီးလိုက်လေသည်။ “ရှင် ကျွန်မရဲ့ အာကာသယာဉ်ကို ခိုးထားတာလား” ဟု သူမက မေးလိုက်၏။</p> <p> </p> <p>ထိုမိန်းကလေးမှာ အသက်ဆယ်နှစ်ခန့်သာ ရှိဦးမည်ဖြစ်ပြီး အလွန်တရာ ချစ်စဖွယ်ကောင်းလှကာ တော်ဝင်မင်းသမီး ဝတ်စုံကို ဆင်မြန်းထားပြီး ခေါင်းပေါ်တွင် စိန်စီထားသော သရဖူလေးကို ဆောင်းထားလေသည်။</p> <p> </p> <p>သူမ၏ အဆင့်အတန်းမှာ မည်သူဖြစ်ကြောင်း ထင်ရှားလှပေသည်။ သို့သော် ဤမင်းသမီးငယ်လေးမှာ ဝမ်ချန်အား မျက်လုံးဝိုင်းလေးများဖြင့် စိုက်ကြည့်နေပြီး မည်သည့်အချိန်တွင် ငိုချလိုက်မည်မသိသော အမူအရာ ရှိနေလေသည်။</p> <p> </p> <p>ဝမ်ချန်က ပြုံးလျက် “မင်းသမီးလေး... ကျွန်တော် မင်းသမီးလေးရဲ့ ပစ္စည်းတွေကို မခိုးပါဘူး” ဟု ပြန်လည် ပြောကြားလိုက်သည်။ အကယ်၍ သူမှတ်မိသည်မှာ မမှားပါက ဤမိန်းကလေးမှာ အရှင်မင်းကြီး အလွန်ချစ်မြတ်နိုးတော်မူသော ‘မင်းသမီး ရှီယု’ ဖြစ်ပေလိမ့်မည်။</p> <p> </p> <p>“လူလိမ်” ဟု မင်းသမီးငယ်လေးက နှာခေါင်းရှုံ့ကာ ဆိုလိုက်၏။ “ခမည်းတော်က ကျွန်မရဲ့ ကြယ်အလင်း ကို ရှင့်ကို ပေးလိုက်တာပဲ၊ ကျွန်မတောင် တစ်ခါမှ မစီးရသေးဘူး” ဟု ပြောရင်း သူမ၏ မျက်ဝန်းအစုံတွင် မျက်ရည်ဥလေးများ ဝဲတက်လာတော့သည်။</p> <p> </p> <p>ဝမ်ချန်မှာ အခက်တွေ့သွားရ၏။ ပတ်ဝန်းကျင်ကို ကြည့်လိုက်သော်လည်း တော်ဝင်ကိုယ်ရံတော်များမှာ မသိနားမလည်ဟန် ဆောင်နေကြလေသည်။</p> <p> </p> <p>ဝမ်ချန်သည် အာကာသယာဉ် တစ်စင်းအပေါ် အလွန်အမင်း စိတ်ဝင်စားနေသည်မဟုတ်သော်လည်း ဤ ကြယ်အလင်း မှာ တော်ဝင်မိသားစုမှ ထုတ်လုပ်ထားပြီး နက္ခတ်တာရာ ငွေကြေး ဘီလီယံတစ်ရာကျော် တန်ဖိုးရှိသည်ဟု သိရသည်။</p> <p> </p> <p> သို့သော် အကြောင်းပြချက်မရှိဘဲ ဤမင်းသမီးငယ်လေးအား ပြန်ပေးရန်မှာလည်း မဖြစ်နိုင်ချေ။</p> <p>“ဒါက လွယ်ပါတယ်” ဟု ဝမ်ချန်က ဆိုလိုက်သည်။ “မင်းသမီးလေး စီးချင်တယ်ဆိုရင် ကျွန်တော့်ဆီ လာခဲ့လေ၊ အခမဲ့ စီးခွင့်ပေးပါ့မယ်”</p> <p> </p> <p>မင်းသမီးငယ်လေးမှာ မှင်တက်သွားရ၏။ သူမ၏ အတွေ့အကြုံအရ ငိုယိုပြလိုက်လျှင် လိုချင်တာ အမြဲရလေ့ရှိသော်လည်း ယခုမူ လုံးဝ အလျှော့မပေးသောသူနှင့် တွေ့နေရခြင်း ဖြစ်သည်။</p> <p> </p> <p> သူမက စိတ်ဆိုးမာန်ဆိုးဖြင့် “ကျွန်မပြောတာက အဲဒါကို ပြန်ပေးဖို့လေ” ဟု အော်ဟစ်လိုက်တော့သည်။</p> <p>“အဲဒါတော့ မဖြစ်ဘူး” ဝမ်ချန်က ပြုံးလျက် ချိုချဉ်တစ်လုံးကို ထုတ်ယူကာ သူမ၏လက်ထဲသို့ ထည့်ပေးလိုက်သည်။</p> <p> </p> <p>“အရှင်မင်းကြီး ချီးမြှင့်ထားတဲ့ ပစ္စည်းကို သူတစ်ပါးကို ပေးလို့မရဘူးလေ၊ ဒီမှာ ချိုချဉ်လေးပဲ စားလိုက်ပါဦး” ဟု ပြောကာ မင်းသမီးလေး၏ ခေါင်းကို အသာအယာ ပုတ်၍ လှည့်ထွက်လာခဲ့တော့သည်။</p> <p> </p> <p>မင်းသမီးငယ်လေးမှာ ခေတ္တမျှ ကြောင်အသွားပြီးမှ အားရပါးရ ငိုချလိုက်တော့သည်။ သို့သော်ငြားလည်း ဝမ်ချန် ပေးခဲ့သော ချိုချဉ်လေးကိုမူ လက်ထဲတွင် မြဲမြံစွာ ဆုပ်ကိုင်ထားဆဲပင် ဖြစ်ချေသည်။</p> <p> </p> <p> ဤသည်မှာ ဝမ်ချန်နှင့် မင်းသမီး ရှီယုတို့၏ ပထမဆုံး တွေ့ဆုံမှုဖြစ်ပြီး ဝမ်ချန်မှာ သူမ၏ စိတ်အာရုံတွင် ‘နတ်ဆိုးကြီး’ တစ်ပါးကဲ့သို့ စွဲထင်ကျန်ရစ်ခဲ့လေတော့သည်။</p> <p> </p> <p>နန်းတော်မှ ထွက်ခွာပြီးနောက် ဝမ်ချန်သည် တော်ဝင်သီးသန့် လေဆိပ်သို့ တိုက်ရိုက် သွားရောက်ခဲ့သည်။ ယခုအခါ မိမိပိုင်ဆိုင်သွားပြီဖြစ်သော ကြယ်အလင်းအပျော်စီးယာဉ်ကို လက်ခံရယူရန် ဖြစ်သည်။</p> <p> </p> <p> ထိုယာဉ်မှာ အလွန်တရာ ကြီးမားလှသည်မဟုတ်ဘဲ ရံရံယာဉ်တစ်စင်းခန့်သာ ရှိကာ သင်္ဘောသား ၁၂၀ နှင့် ခရီးသည် ၅၀ ဆံ့လေသည်။ အပျော်စီးယာဉ်ဟု ခေါ်ဆိုသော်လည်း အနှစ်သာရအားဖြင့် အလွန်အဆင့်မြင့်သော နည်းပညာများဖြင့် တည်ဆောက်ထားခြင်း ဖြစ်၏။</p> <p> </p> <p>အင်ဂျင်စနစ် ရှစ်ခုလုံးကို တစ်ပြိုင်နက် မောင်းနှင်လိုက်ပါက လက်ရှိရှိသမျှသော ယာဉ်များထက် ပိုမိုမြန်ဆန်သော အရှိန်နှုန်းကို ရရှိနိုင်မည် ဖြစ်သည်။</p> <p> </p> <p>ထို့အပြင် ရန်သူမမြင်နိုင်သော ကိုယ်ပျောက်စနစ်နှင့် အားကောင်းသော ကာကွယ်ရေးစနစ်များလည်း ပါဝင်သည့်အပြင် အဓိက အမြောက်ကြီး တစ်လက်နှင့် လက်ထောက်အမြောက် နှစ်လက်လည်း တပ်ဆင်ထားသေးသည်။</p> <p> </p> <p> စစ်သင်္ဘောကြီးများနှင့် ယှဉ်လျှင် တိုက်ခိုက်ရေးစွမ်းရည် လျော့နည်းနိုင်သော်လည်း အရှိန်နှုန်းနှင့် ခုခံနိုင်စွမ်းမှာမူ များစွာသာလွန်လှပေသည်။</p> <p> </p> <p>အရေးကြီးဆုံးအချက်မှာ အတုမဲ့ ဉာဏ်ရည်တုစနစ်  ဖြင့် အလိုအလျောက် မောင်းနှင်နိုင်ခြင်းပင် ဖြစ်ချေသည်။</p> <p>ဝမ်ချန်သည် ငါးရက်တိုင်တိုင် ယာဉ်၏ မောင်းနှင်ပုံ အခြေခံများကို လေ့လာခဲ့သည်။</p> <p> </p> <p>ယာဉ်အတွင်းပိုင်းမှာ အလွန်တရာ ခမ်းနားလှပြီး အဆင့်မြင့် အသုံးအဆောင်များ ပြည့်စုံစွာ ပါဝင်လေသည်။ စမ်းသပ်မောင်းနှင်မှု ပြီးဆုံးပြီးနောက် တတိယမြောက်နေ့တွင် ဝမ်ချန်သည် ‘ထိုက်ဝူသို့ ဦးတည်၍ တစ်ကိုယ်တော် စတင်ထွက်ခွာခဲ့တော့သည်။</p> <p> </p> <p>လမ်းခရီးတစ်လျှောက်တွင် ‘နက္ခတ်တာရာ ကွန်ရက်’ မှတစ်ဆင့် လိုအပ်သော သတင်းအချက်အလက်များကို စုဆောင်းကာ နောက်ထပ်ခြေလှမ်းများအတွက် ပြင်ဆင်ခဲ့လေသည်။</p> <p> </p> <p>နှစ်ရက်အကြာတွင် အောင်မြင်စွာ ရောက်ရှိခဲ့သည်။ တော်ဝင်သီးသန့်ယာဉ် ဖြစ်သဖြင့် စစ်ဆေးမှုများ ကင်းလွတ်ခွင့် ရရှိသောကြောင့် ဤမျှမြန်ဆန်စွာ ရောက်ရှိလာနိုင်ခြင်း ဖြစ်၏။ ဝမ်ချန်သည် ယာဉ်ကို ဆိုက်ကပ်ပြီးနောက် မိမိ၏ ချစ်သူနှစ်ဦးထံသို့ ဆက်သွယ်လိုက်လေသည်။</p> <p> </p> <p> ဤမျှ ကောင်းမွန်သော ‘ကစားစရာအသစ်’ ကြီးကို ရရှိထားသည်ဖြစ်ရာ ချစ်သူများအား ကြွားဝါပြသရန်မှာ လက်လွှတ်မခံသင့်သော အခွင့်အရေးပင် ဖြစ်တော့သတည်း။</p> <p> </p> <p>***</p> <p> </p>


Save