Book List

<h2 style="text-align: center;">အခန်း (၁၃၃၂) ။ ။ နက္ခတ်တာရာ ပင်လယ်ပြင် (၁၃၇)</h2> <h2 style="text-align: center;">*</h2> <p> </p> <p> </p> <p> </p> <p>“သတ်ကြတော့...”</p> <p>စစ်နတ်ဘုရား မက်ကာ၏ ထိန်းချုပ်ခန်းအတွင်းရှိ ဝမ်ချန်၏ မျက်ဝန်းအစုံ၌ ပြင်းထန်သော လူသတ်ငွေ့များ ဖြတ်သန်းသွားချေပြီ။</p> <p> </p> <p>ယင်းနှင့်အတူ PC6600+ အင်ဂျင်လေးလုံးထံမှ တောက်ပြောင်သော အပြာရောင် မီးလျှံတန်းများ တစ်ပြိုင်နက်တည်း ပန်းထွက်လာကာ အမြင့်ဆုံးစွမ်းအားသို့ ရောက်ရှိသွားတော့သည်။</p> <p> </p> <p>ထိုစွမ်းအားကြောင့်ပင် ထုထည်ကြီးမားလှသော စစ်နတ်ဘုရား မက်ကာသည် ဟင်းလင်းပြင်ထက်၌ မယုံကြည်နိုင်လောက်သော အရှိန်နှုန်းဖြင့် ဦးတည်ချက်ကို ရုတ်ခြည်း ပြောင်းလဲလိုက်လေသည်။</p> <p> </p> <p>ရှည်လျားလှသော စွမ်းအင်လှိုင်းပြင်း ခုတ်ဓားသည် ဟင်းလင်းပြင်ကို တိတ်ဆိတ်စွာ ပိုင်းဖြတ်၍ အနားသို့ ကပ်လာသော နက်သာမျိုးနွယ်စု၏ တိုက်လေယာဉ်များကို အသာအယာပင် ဝှေ့ယမ်းလိုက်၏။</p> <p> </p> <p> ကျူးကျော်သူတို့၏ ထိုယာဉ်ပျံများသည် စက္ကူကဲ့သို့ပင် နုနယ်လှသဖြင့် အားစိုက်စရာမလိုဘဲ ထက်ပိုင်းပြတ်တောက်သွားကြပြီး ယာဉ်အတွင်းရှိ နက်သာမျိုးနွယ်စုဝင် စစ်သည်တော်များသည်လည်း ကိုယ်လက်အင်္ဂါ ပြတ်တောက်လျက် နက်ရှိုင်းလှသော အာကာသဟင်းလင်းပြင်ထဲသို့ လွင့်စဉ်ကျဆုံးသွားကြရလေသည်။</p> <p> </p> <p>ဝမ်ချန်သည် ဓားတစ်ချက်ဝှေ့ရုံဖြင့် နက်သာတိုက်လေယာဉ် ငါးစင်းကို ဖျက်ဆီးကာ ကီလိုမီတာ ရာနှင့်ချီသော အကွာအဝေးသို့ ပျံသန်းရောက်ရှိသွားခဲ့သည်။</p> <p> </p> <p>သို့သော် သူသည် ထိုနေရာ၌ ဆက်လက်တိုက်ခိုက်ခြင်းမပြုဘဲ လမ်းကြောင်းကို တစ်ဖန်ပြောင်းလဲကာ အနီးအနားရှိ အမြန်ဖျက်သင်္ဘောတစ်စင်းဆီသို့ ဦးတည်လိုက်ပြန်သည်။</p> <p> </p> <p>အင်ပါယာ သတ္တမမြောက် လျင်မြန်တုံ့ပြန်ရေးတပ်ဖွဲ့ဝင် ဖြစ်သော ထိုဖျက်သင်္ဘောသည် နက်သာတိုက်လေယာဉ် ရာပေါင်းများစွာ၏ ဝိုင်းရံတိုက်ခိုက်ခြင်းကို ခံနေရချေပြီ။</p> <p> </p> <p>ရန်သူ့တိုက်လေယာဉ် အများအပြားသည် အကွာအဝေးတို ခုန်ကူးမှုစနစ်ကို အသုံးပြု၍ သင်္ဘော၏ ကာကွယ်ရေးစွမ်းအင် အလွှာကို ဖောက်ထွင်းကာ သင်္ဘောကိုယ်ထည်ထက်တွင် သွေးစုပ်ဖလန်ကောင်များကဲ့သို့ ကပ်တွယ်နေကြသည်။</p> <p> </p> <p>ယင်းတိုက်လေယာဉ်များသည် ပလာစမာ အစွယ်များကို ထုတ်ဖော်လျက် အမြန်ဖျက်သင်္ဘော၏ ထူထဲလှသော သံချပ်ကာကိုယ်ထည်ကို အသည်းအသန် ထိုးဖောက်နေကြလေသည်။</p> <p> </p> <p>နက်သာတိုက်လေယာဉ်များ၏ ထိုပလာစမာအစွယ်များသည် တိုက်စားနိုင်စွမ်း အလွန်မြင့်မားလှရာ အချိန်အတန်ကြာလျှင် အထူဆုံးသော သံချပ်ကာကိုပင် ဖောက်ထွင်းနိုင်စွမ်း ရှိပေသည်။</p> <p> </p> <p> အကယ်၍ ၎င်းတို့က လမ်းကြောင်းတစ်ခု ဖောက်ထွင်းနိုင်သွားသည်နှင့် ယာဉ်အတွင်းရှိ နက်သာစစ်သည်တော်များသည် သင်္ဘောအတွင်းသို့ ဝင်ရောက်ကာ သင်္ဘောသားများအား အညှာတာကင်းမဲ့စွာ သတ်ဖြတ်ကြမည်ဖြစ်၏။</p> <p> </p> <p>အမှန်စင်စစ် ထိုအမြန်ဖျက်သင်္ဘောသည် ကာကွယ်ရေးအမြောက်များ၊ မက်ကာတပ်ခွဲများနှင့်အတူ ရဲဝံ့စွာ တုံ့ပြန်တိုက်ခိုက်နေသော်လည်း ရန်သူ့အရေအတွက်မှာ အဆမတန် များပြားလွန်းလှပေသည်။</p> <p> </p> <p> ယင်းမြင်ကွင်းကို မြင်သည်နှင့် ဝမ်ချန်သည် သင်္ဘောအနီးသို့ အပြေးရောက်ရှိလာပြီး ရန်သူနှင့် မိတ်ဆွေ ခွဲခြားသည့်စနစ်ကို အသုံးပြုကာ စွမ်းအင်အလွှာကို ဖြတ်ကျော်ဝင်ရောက်ခဲ့သည်။</p> <p> </p> <p>စစ်နတ်ဘုရား မက်ကာသည် အရှိန်ပြင်းစွာ ထိုးဆင်းလိုက်ပြီးနောက် စစ်နတ်ဘုရားဓားဖြင့် အညှာတာကင်းမဲ့စွာ ပိုင်းဖြတ်ကာ သင်္ဘောကိုယ်ထည်ထက်တွင် ကပ်တွယ်နေသော ရန်သူ့တိုက်လေယာဉ်များကို ဖယ်ရှားပစ်လိုက်သည်။</p> <p> </p> <p> ဝမ်ချန်သည် ထုထည်ကြီးမားသော သင်္ဘောကြီးကို ပတ်ချာလည် ပျံသန်းရင်း လက်ချက်မလွဲသော ဓားချက်များဖြင့် သင်္ဘောကို အန္တရာယ်ပေးနေသည့် နက်သာတိုက်လေယာဉ် အုပ်စုလိုက်ကို လျင်မြန်စွာ ရှင်းလင်းပေးခဲ့လေသည်။</p> <p> </p> <p>သူမောင်းနှင်သော စစ်နတ်ဘုရား မက်ကာသည် အကြီးစား အမျိုးအစား ဖြစ်သော်လည်း အပေါ့စား တိုက်လေယာဉ်တစ်စင်းကဲ့သို့ ဖျတ်လတ်လှပေသည်။</p> <p> </p> <p>ထို့ပြင် ဝိညာဉ်စွမ်းအင်၏ ပံ့ပိုးမှု၊ အဆင့်မြင့်လက်နက်များနှင့် အရှိန်အဟုန်တို့ကြောင့် နက်သာတိုက်လေယာဉ်များကို အသာစီးဖြင့် ချေမှုန်းနိုင်ခဲ့ခြင်း ဖြစ်၏။</p> <p> </p> <p>ရန်သူ့တိုက်လေယာဉ် အများအပြားသည် ဝမ်ချန်ကို ဝိုင်းရံတိုက်ခိုက်ရန် ပြင်ဆင်ကြသော်လည်း မည်သို့ပင် ပစ်မှတ်ထားစေကာမူ ထိုမက်ကာမှာ တစ္ဆေတစ်ကောင်ကဲ့သို့ ဖမ်းဆုပ်မရအောင် လျင်မြန်နေသည်ကို စိတ်ပျက်ဖွယ် တွေ့ရှိကြရသည်။</p> <p> </p> <p>ဝမ်ချန်ကမူ အမှုန်အမြောက်နှင့် စစ်နတ်ဘုရားဓားကို အပြန်အလှန် အသုံးပြု၍ ရန်သူများကို တစ်စင်းပြီးတစ်စင်း အောင်မြင်စွာ ချေမှုန်းနေလေသည်။</p> <p> </p> <p>နက်သာမျိုးနွယ်စုဝင်များသည် ဆီလီကွန်အခြေခံ သက်ရှိများ ဖြစ်ကြသော်လည်း ထိုသို့သော အခြေအနေမျိုးတွင်မူ စိတ်ပျက်အားငယ်မှုကို ခံစားနေကြရချေပြီ။</p> <p> </p> <p>“ဝေါ...”</p> <p>ဝမ်ချန်သည် အမြန်ဖျက်သင်္ဘောအနီး၌ တိုက်ပွဲဝင်နေစဉ် ထူးဆန်းသော ဟိန်းသံတစ်ခုကို ကြားလိုက်ရသည်။</p> <p> </p> <p> လေဟာနယ်ထဲတွင် အသံလှိုင်း မဖြတ်သန်းနိုင်သော်လည်း ထိုနက်သာနဂါး၏ ဟိန်းသံမှာ စွမ်းအင်လှိုင်းအဖြစ် ကူးစက်လာခြင်း ဖြစ်ရာ ကီလိုမီတာ သောင်းနှင့်ချီသော အကွာအဝေးအတွင်းရှိ သက်ရှိအားလုံး ထိုအရှိန်အဝါကို ခံစားလိုက်ကြရ၏။</p> <p> </p> <p>နောက်တစ်ခဏ၌ နက်သာမျိုးနွယ်စု၏ အင်အားအကောင်းဆုံး သတ္တဝါဖြစ်သော ထိုနဂါးကြီးသည် ခရမ်းရောင် လျှပ်စစ်ပလာစမာတန်းကို မှုတ်ထုတ်လိုက်ရာ 'ကြယ်အလင်း' ယာဉ်ပျံ၏ ရှေ့ပိုင်းကို တည့်တည့်ထိမှန်သွားတော့သည်။</p> <p> </p> <p> ယာဉ်ပျံ၏ ကာကွယ်ရေးစွမ်းအင်အလွှာ ပေါက်ထွက်သွားပြီး ပေါက်ကွဲမှု မီးလျှံများသည် သင်္ဘော၏ တစ်ဝက်ခန့်ကို လွှမ်းခြုံသွားချေ၏။</p> <p> </p> <p>အလင်းတန်းများ ပျောက်ကွယ်သွားချိန်တွင် အဓိက စစ်သေနာပတိသင်္ဘော၏ ရှေ့ပိုင်း၌ ဧရာမ အပေါက်ကြီးတစ်ခု ဖြစ်ပေါ်နေသည်ကို တွေ့ရပေမည်။</p> <p> </p> <p>ကံကောင်းထောက်မစွာဖြင့် သင်္ဘော၏ သံချပ်ကာမှာ အလွန်ထူထဲလှသဖြင့် နက်သာနဂါး၏ တိုက်ခိုက်မှုသည် ကိုယ်ထည်ကို ဖောက်ထွက်မသွားခဲ့ပေ။</p> <p> </p> <p> သို့သော်လည်း စစ်သေနာပတိသင်္ဘောမှာ အထိနာသွားခဲ့ပြီး နက်သာနဂါး၏ အမျက်ဒေါသမှ လွတ်ကင်းရန် နောက်ဆုတ်ခဲ့ရလေသည်။</p> <p> </p> <p>ထိုစဉ် အစောင့်အရှောက်သင်္ဘော နှစ်စင်းသည် ရဲဝံ့စွာ ရှေ့ထွက်လာပြီး နက်သာနဂါးကို အသည်းအသန် ပစ်ခတ်တိုက်ခိုက်ကြသည်။</p> <p> </p> <p> အင်ပါယာ သတ္တမမြောက် လျင်မြန်တုံ့ပြန်ရေးတပ်ဖွဲ့၏ စစ်သေနာပတိသင်္ဘော နစ်မြုပ်သွားပါက ဆိုးကျိုးများပြားလှသဖြင့် ထိုအစောင့်အရှောက်သင်္ဘောများသည် မိမိတို့ကိုယ်ကို အကာအကွယ်အဖြစ် အသုံးချကာ စတေးခဲ့ကြခြင်း ဖြစ်ပေသည်။</p> <p> </p> <p>နက်သာနဂါးသည် စွမ်းအင်မြင့် အမှုန်တန်းများ၏ ထိမှန်မှုကို ခံရသော်လည်း ၎င်း၏ ခန္ဓာကိုယ်ထက်မှ အကြေးခွံတစ်ခုပင် ပျက်စီးသွားခြင်း မရှိချေ။</p> <p> </p> <p>ဤနဂါးမှာ ဝမ်ချန် တန်ပါစ်ဂြိုဟ်ထက်တွင် တွေ့ခဲ့ရသော နဂါးမျိုးပင် ဖြစ်သော်လည်း အရွယ်အစားချင်း ကွာခြားလှသဖြင့် တိုက်ခိုက်နိုင်စွမ်းမှာလည်း ကောင်းကင်နှင့် မြေကြီးကဲ့သို့ ကွာခြားလှပေသည်။</p> <p> </p> <p>အာကာသစခန်းရှိ အမြောက်တပ်ဖွဲ့များသည် 'ကြယ်အလင်း' ယာဉ်ပျံ အန္တရာယ်ကြုံနေသည်ကို မြင်သည်နှင့် နက်သာနဂါးကို အဓိကအမြောက်များဖြင့် ဝိုင်းဝန်းပစ်ခတ်ကြရာ ထိုနဂါးကြီးမှာ စစ်သေနာပတိသင်္ဘောကို လိုက်လံတိုက်ခိုက်ခြင်းကို ခဏတာ ရပ်တန့်သွားခဲ့ရသည်။</p> <p> </p> <p>သို့သော်လည်း အင်ပါယာစစ်တပ်၏ အခြေအနေမှာ အလွန်ပင် စိုးရိမ်ဖွယ်ရာ ဖြစ်နေဆဲပင်။ ကြယ်တံခါးအနီးမှ ခုန်ကူးဝင်ရောက်လာသော နက်သာစစ်သင်္ဘော အရေအတွက်မှာ တစ်သောင်းကျော် ရှိနေချေပြီ။</p> <p> </p> <p>အာကာသခံတပ်၏ ပစ်ခတ်မှုကြောင့် အများအပြား ပျက်စီးသွားသော်လည်း ကျန်ရှိနေသော ရန်သူများသည် အင်ပါယာတပ်ဖွဲ့၏ တားဆီးမှုကို ကျော်ဖြတ်ကာ တိုက်ပွဲအတွင်းသို့ အဆက်မပြတ် တိုးဝင်နေကြသည်။</p> <p> </p> <p>အာကာသခံတပ်၏ အမြောက်အားလုံးက ပစ်ခတ်နေသော်လည်း နက်သာစစ်တပ်၏ သည်းထန်လှသော ထိုးစစ်ကို လုံးဝတားဆီးနိုင်ခြင်း မရှိသေးပေ။</p> <p> </p> <p>ခံတပ်၌ အခြေစိုက်ထားသော တပ်ဖွဲ့များသည် စစ်မြေပြင်သို့ ထွက်ခွာပြီးနောက် တပ်ဖွဲ့ဝင် သုံးပုံတစ်ပုံခန့် ကျဆုံးပျက်စီးသွားခဲ့ရလေသည်။</p> <p>နက်သာစစ်တပ်ဘက်မှ အကျအဆုံး ပိုမိုများပြားသော်လည်း ၎င်းတို့၏ အရေအတွက် အသာစီးရမှုနှင့် နက်သာနဂါး၏ စွမ်းဆောင်မှုကြောင့် စစ်မြေပြင်တွင် အသာစီး ရရှိနေကြသည်။</p> <p> </p> <p>ဤအခြေအနေအတိုင်း ဆက်သွားပါက သံမဏိကျား ကြယ်စုတန်း၏ ပထမမြောက် ကြယ်တံခါးသည် ကျဆုံးသွားမည်ဖြစ်ပြီး အင်ပါယာသည်လည်း ဤနယ်မြေတွင် စစ်ရေးအရ ရှုံးနိမ့်သွားတော့မည်ကို ဝမ်ချန် သဘောပေါက်လိုက်သည်။</p> <p> </p> <p>ထို့ကြောင့် သူသည် အမြန်ဖျက်သင်္ဘော၏ ကာကွယ်ရေးနယ်မြေမှ ပြတ်သားစွာ ထွက်ခွာခဲ့ပြီး အပြင်းထန်ဆုံး စစ်မြေပြင်ရှိရာသို့ ပြန်လည်ဝင်ရောက်ခဲ့လေသည်။</p> <p> </p> <p> ထိုအခါ၌ ဝမ်ချန်သည် မိမိ၏ စွမ်းအားကို ဖုံးကွယ်မထားတော့ဘဲ စိတ်အာရုံစွမ်းအား လှိုင်းများကို ထုတ်ဖော်လိုက်တော့သည်။</p> <p>မမြင်ရသော စိတ်ဝိညာဉ်စွမ်းအင်များသည် မြားတစ်စင်းကဲ့သို့ လျင်မြန်စွာ ပြေးဝင်သွားပြီး ဝမ်ချန်၏ လမ်းကို ပိတ်ဆို့ထားသော နက်သာတိုက်လေယာဉ်များကို လွှမ်းခြုံသွား၏။</p> <p> </p> <p>ထိုယာဉ်ပျံများကို မောင်းနှင်နေသော နက်သာစစ်သည်တော်များသည် ဘာဖြစ်မှန်းပင် မသိလိုက်ရမီမှာပင် ၎င်းတို့၏ စိတ်အာရုံ အမြူတေများသည် ကျောက်ခဲဖြင့် အထုခံရသော ကြက်ဥများကဲ့သို့ ကွဲအက်ပျက်စီးသွားကြရလေသည်။</p> <p> </p> <p>နက်သာမျိုးနွယ်စုတို့၏ စိတ်အာရုံအမြူတေသည် ၎င်းတို့၏ ဦးနှောက်ပင် ဖြစ်ရာ ယင်းပျက်စီးသွားသည်နှင့် ခန္ဓာကိုယ်မှာ အသက်ရှင်နေသော်လည်း ထိန်းချုပ်မှု ကင်းမဲ့သွားကာ အပင်တစ်ပင်ကဲ့သို့ ဖြစ်သွားရတော့သည်။</p> <p> </p> <p>ထိန်းချုပ်မှုမဲ့သွားသော နက်သာတိုက်လေယာဉ်များသည် ခေါင်းပြတ်နေသော ယင်ကောင်များကဲ့သို့ ရမ်းသန်းပျံသန်းကုန်ကြပြီး မိမိတို့ အချင်းချင်းပင် ပြန်လည် တိုက်မိကြကုန်၏။</p> <p> </p> <p>ဝမ်ချန်၏ ရှေ့မှောက်တွင် လမ်းကြောင်းတစ်ခု ပွင့်သွားချေပြီ။ သူသည် မဆိုင်းမတွပင် စစ်နတ်ဘုရား မက်ကာကို မောင်းနှင်ကာ အဝေးရှိ နက်သာနဂါးဆီသို့ ထိုးဖောက်ဝင်ရောက်ခဲ့သည်။</p> <p> </p> <p>စစ်နတ်ဘုရား မက်ကာ၏ အင်ဂျင်လေးလုံးမှာ အမြင့်ဆုံးစွမ်းအားကို ထုတ်လွှတ်နေပြီး ကြယ်တာရာ ဟင်းလင်းပြင်ကို ဖြတ်ကျော်လျက် ပစ်မှတ်အနီးသို့ ရောက်ရှိသွားခဲ့လေသည်။</p> <p> </p> <p>နက်သာနဂါးအတွက်မူ ဝမ်ချန်၏ မက်ကာမှာ အမှုထားစရာပင် မလိုသော အရာငယ်လေးတစ်ခုသာ ဖြစ်ပေသည်။ နက်သာမျိုးနွယ်စု၏ အင်အားအကောင်းဆုံး စစ်လက်နက်ဖြစ်သော ထိုနဂါးကြီးသည် အင်ပါယာ၏ စစ်သင်္ဘောကြီးများကိုသာ အာရုံစိုက်နေခဲ့သည်။</p> <p> </p> <p>ယခုအချိန်၌ ၎င်းသည် အမြန်ဖျက်သင်္ဘောတစ်စင်းနှင့် အစောင့်အရှောက်သင်္ဘော နှစ်စင်းကို ဖျက်ဆီးပြီး ဖြစ်၏။ နက်သာနဂါးသည် 'ကြယ်အလင်း' ယာဉ်ပျံကို နောက်တစ်ကြိမ် ပစ်မှတ်ထားလိုက်ပြီး ပလာစမာမီးလျှံများ မှုတ်ထုတ်ရန် စွမ်းအင်များကို စုဆောင်းနေလေတော့သတည်း။</p> <p> </p> <p>***</p> <p> </p>


Save