Book List

<h2 style="text-align: center;">အခန်း ၁၃၃၄။ ။ နက္ခတ်တာရာ ပင်လယ်ပြင် (၁၃၉)</h2> <h2 style="text-align: center;">*</h2> <p> </p> <p> </p> <p> </p> <p>ဦးခေါင်းပြတ်တောက်သွားသော နက်သာနဂါးကြီးသည် ကျောက်ရုပ်အဖြစ် ပြောင်းလဲသွားစေသည့် မှော်ပညာတစ်ခုခုဖြင့် အတိုက်ခံလိုက်ရသည့်နှယ် ဟင်းလင်းပြင်အပြင်ဘက်ဝယ် လှုပ်ရှားမှုကင်းမဲ့လျက် တောင့်တင်းသွားချေသည်။</p> <p> </p> <p>သို့ရာတွင် ပြတ်တောက်သွားသော လည်ပင်းမှသည် တောက်ပသော ခရမ်းရောင်အလင်းတန်းများ ပန်းထွက်လာကာ ယင်းအလင်းရောင်မှာ တစ်စထက်တစ်စ ပိုမိုပြင်းထန်လာခဲ့ပေသည်။</p> <p> </p> <p>နက်သာနဂါး၏ ဦးခေါင်းအား ဖြတ်တောက်ရာ၌ အောင်မြင်မှုရလိုက်သည်နှင့် တစ်ပြိုင်နက် ဝမ်ချန်သည် ကျောချမ်းဖွယ်ရာ အန္တရာယ်အငွေ့အသက်ကို ရုတ်တရက် ခံစားလိုက်ရ၏။</p> <p> </p> <p>သူသည် အချိန်ဆွဲမနေတော့ဘဲ စစ်နတ်ဘုရား မက်ကာကို နောက်သို့ အမြန်ဆုံး ဆုတ်ခွာစေလိုက်ပြီး အင်ဂျင်လေးလုံး၏ စွမ်းအင်ကို အမြင့်ဆုံးအဆင့်အထိ မြှင့်တင်လိုက်တော့သည်။</p> <p> </p> <p>ထိုစဉ်အတောအတွင်း နက်သာနဂါး၏ ပတ်ပတ်လည်၌ ရှိနေကြသော နက်သာစစ်သင်္ဘောများနှင့် ဂိုးစ်တိုက်လေယာဉ်များသည်လည်း ကမ္ဘာပျက်တော့မည့်အလား အရပ်မျက်နှာအသီးသီးသို့ ထွက်ပြေးကြရာ အချို့မှာ အချင်းချင်းပင် တိုက်မိကုန်ကြ၏။</p> <p> </p> <p>အင်ပါယာစစ်တပ်မှ လေယာဉ်မှူးများသည်လည်း ထိုအန္တရာယ်ကို ကြိုတင်သိရှိလိုက်ကြသဖြင့် အစုလိုက်အပြုံလိုက် နောက်သို့ ဆုတ်ခွာသွားကြလေသည်။</p> <p> </p> <p>စက္ကန့်အနည်းငယ်မျှသာ ကြာလိုက်သော် ဦးခေါင်းမရှိသော နက်သာနဂါး၏ တစ်ကိုယ်လုံးမှ ခရမ်းရောင်အလင်းတန်းများ ပန်းထွက်လာပြီးနောက် လုံးဝပေါက်ကွဲသွားတော့သည်။</p> <p> </p> <p>ထိုအာကာသဟင်းလင်းပြင်ကြီးသည် တန်ချိန် ဘီလီယံတစ်ရာရှိသော နျူကလီးယားဗုံးတစ်လုံး ပေါက်ကွဲသွားသည့်နှယ် ဖြစ်သွားပြီး ပေါက်ကွဲမှုမှ ထွက်ပေါ်လာသော လှိုင်းလုံးကြီးများသည် ဆုတ်ခွာနေကြသည့် နှစ်ဖက်စလုံးကို အဓိပ္ပာယ်မဲ့စွာ ရိုက်ခတ်သွားကာ ပြင်းထန်သော စွမ်းအင်မုန်တိုင်းကြီးအတွင်းသို့ ဝါးမြိုပစ်လိုက်လေတော့သည်။</p> <p> </p> <p>ဝမ်ချန်သည် အလျှင်အမြန် တုံ့ပြန်နိုင်ခဲ့ပြီး အဝေးဆုံးသို့ အမြန်ဆုံး ဆုတ်ခွာနိုင်ခဲ့သဖြင့် နက်သာနဂါး ကိုယ့်ကိုယ်ကိုယ် အဆုံးစီရင် ပေါက်ကွဲသွားခြင်း၏ ပထမလှိုင်းဒဏ်မှ လွတ်မြောက်ခဲ့ပေသည်။</p> <p> </p> <p>စွမ်းအင်ဂယက်များ၏ ရိုက်ခတ်မှုကို ခံခဲ့ရသော်လည်း အားအင်စက်ကွင်းဒိုင်းကာကြောင့် သူသည် အန္တရာယ်ကင်းစွာ ကြံ့ကြံ့ခံနိုင်ခဲ့၏။</p> <p>သို့သော်လည်း သူ၏ ရဲဘော်ရဲဘက်များစွာမှာမူ အသက်ဆုံးရှုံးခဲ့ကြရသည်။</p> <p> </p> <p>ယင်းမှာ မရှောင်လွှဲနိုင်သော အခြေအနေတစ်ရပ်ပင် ဖြစ်ပေရာသတည်း။</p> <p>နက်သာနဂါး ကျဆုံးသွားခြင်းနှင့်အတူ စစ်မြေပြင်အခြေအနေမှာ အင်ပါယာစစ်တပ်ဘက်သို့ ပိုမိုသာလွန်လာခဲ့သည်။</p> <p> </p> <p>ဝမ်ချန်သည် အခွင့်ကောင်းကို အရယူကာ 'ကြယ်အလင်း' ယာဉ်ပျံ၏ မောင်းနှင်ခန်းအတွင်းသို့ ပြန်လည်ဝင်ရောက်ခဲ့၏။</p> <p>စစ်နတ်ဘုရား မက်ကာတွင် ဒုံးကျည်များ ကုန်ခမ်းနေပြီဖြစ်သလို သင်္ဘောဖျက်ဓားသွားမှာလည်း ပျက်စီးနေသဖြင့် ပြန်လည်ဖြည့်တင်းရန်နှင့် အသစ်လဲလှယ်ရန် လိုအပ်နေခြင်းပင်။</p> <p> </p> <p>အစောပိုင်းက ပြင်းထန်သော တိုက်ပွဲကြောင့် 'ကြယ်အလင်း' ယာဉ်ပျံသည်လည်း အတော်အတန် ထိခိုက်မှုရှိခဲ့ပြီး စွမ်းအင်နှင့် ကာကွယ်ရေးစနစ်မှာ ၂၅ ရာခိုင်နှုန်းကျော် ကျဆင်းသွားခဲ့သော်လည်း ဖျက်သင်္ဘောများနှင့် အစောင့်အရှောက်သင်္ဘောများ၏ အကူအညီဖြင့် နက်သာစစ်တပ်အပေါ်သို့ ပြင်းထန်သော ပစ်ခတ်မှုများကို ဆက်လက်ပြုလုပ်နေဆဲ ဖြစ်သည်။</p> <p> </p> <p>သံမဏိကျား ကြယ်စုတန်း၏ အာကာသခံတပ်၌ တိုက်တန်အဆင့် စစ်သင်္ဘောများ တပ်စွဲထားခြင်းမရှိသဖြင့် ခံတပ်ရှိ အမြောက်ကြီးအချို့မှလွဲလျှင် ယင်းယာဉ်ပျံ၏ ပစ်ခတ်နိုင်စွမ်းမှာ အင်အားအကောင်းဆုံးပင် ဖြစ်ပေသည်။</p> <p> </p> <p>လက်နက်ခဲယမ်းများကို ခဏတာ ဖြည့်တင်းပြီးနောက် ဝမ်ချန်သည် စစ်နတ်ဘုရား မက်ကာကို မောင်းနှင်ကာ ကျယ်ပြောလှသော အာကာသဟင်းလင်းပြင်ဆီသို့ တစ်ဖန် ပြန်လည်ဝင်ရောက်ခဲ့ပြန်သည်။</p> <p> </p> <p>ဤအချိန်တွင် တိုက်ပွဲမှာ အင်ပါယာစစ်တပ်ဘက်သို့ လုံးဝတိမ်းစောင်းသွားခဲ့ပြီ ဖြစ်သည်။</p> <p>နက်သာနဂါး ပျက်စီးသွားခြင်းသည် နက်သာစစ်တပ်အတွက် ကြီးမားသော ထိုးနှက်ချက်ဖြစ်စေခဲ့ပြီး နဂါးကြီး ကိုယ့်ကိုယ်ကိုယ် အဆုံးစီရင် ပေါက်ကွဲသွားမှုကြောင့် သူ၏ အပေါင်းအပါ အင်အားစုအမြောက်အမြားကိုလည်း ချောက်ကမ်းပါးအတွင်းသို့ ဆွဲခေါ်သွားသကဲ့သို့ ဖြစ်သွားခဲ့၏။</p> <p> </p> <p>နက်သာစစ်တပ်၏ ထိခိုက်ကျဆုံးမှုမှာ သုံးပုံတစ်ပုံကျော်သွားခဲ့ပြီး အစောပိုင်းက လွှတ်တင်ခဲ့သော ဂိုးစ်တိုက်လေယာဉ်များ၏ ထက်ဝက်မှာလည်း ပစ်ချခြင်း ခံလိုက်ရလေရာ အာကာသခံတပ်ကို ဖျက်ဆီးပြီး ကြယ်တံခါးကို သိမ်းပိုက်နိုင်ရန် ဝေးစွ၊ နောက်ပြန်ဆုတ်နိုင်ရန်ပင် မသေချာတော့ချေ။</p> <p> </p> <p>နက်သာမျိုးနွယ်စုတို့သည်လည်း ကြောက်ရွံ့တတ်သော စိတ်နှလုံးရှိကြသည့် သတ္တဝါများပင် ဖြစ်ပေရာ၊ ရှုံးနိမ့်တော့မည်ကို သိရှိလိုက်ကြသောအခါ ကြယ်တံခါးရှိရာသို့ အုပ်စုလိုက် ဆုတ်ခွာသွားကြပြီး အာကာသကူးပြောင်းမှု ပြုလုပ်ကာ ထွက်ပြေးရန် ကြိုးပမ်းကြတော့သည်။</p> <p> </p> <p>သို့ရာတွင် အသာစီးရနေသော အင်ပါယာစစ်တပ်သည် ထိုအကြွင်းအကျန်များကို လွယ်လွယ်နှင့် လွှတ်ပေးရန် အစီအစဉ်မရှိခဲ့ပေ။</p> <p>ထို့ကြောင့် ပြင်းထန်သော လိုက်လံတိုက်ခိုက်မှုကြီးမှာ စတင်လာတော့သည်။</p> <p> </p> <p>နက်သာစစ်သင်္ဘောများ၏ အာကာသကူးပြောင်းမှုမှာ ပြင်ဆင်ချိန်လိုအပ်ပြီး နှောင့်ယှက်ခံရပါက ပျက်ပြယ်သွားတတ်သဖြင့် အင်ပါယာစစ်တပ်၏ ရေယာဉ်စုနှစ်စုသည် ကြယ်တံခါးဧရိယာသို့ အာကာသတော်ပီဒို အမြောက်အမြားကို ပစ်လွှတ်လိုက်ကြ၏။</p> <p> </p> <p>"တော်ပီဒို"ဆိုသည်မှာ ရေအောက်တွင် ကိုယ်ပိုင်အရှိန်ဖြင့် သွားလာနိုင်ပြီး ရန်သူ့သင်္ဘော သို့မဟုတ် ရေငုပ်သင်္ဘောများကို ပစ်ခတ်ဖျက်ဆီးရန် အသုံးပြုသည့် ရေအောက် ပဲ့ထိန်းဒုံးကျည် တစ်မျိုးဖြစ်သည်။</p> <p> </p> <p>ထိုစွမ်းအားပြင်းသော အာကာသတော်ပီဒိုများသည် နက်သာစစ်သင်္ဘောများကို တိုက်ရိုက်ပစ်မှတ်ထားခြင်း မဟုတ်ဘဲ ပေါက်ကွဲမှုများမှတစ်ဆင့် ကြယ်တံခါး၏ ဟင်းလင်းပြင်တည်ငြိမ်မှုကို နှောင့်ယှက်ကာ အာကာသကူးပြောင်းမှုကို ဟန့်တားရန်သာ ဖြစ်သည်။</p> <p> </p> <p>ယင်းဗျူဟာမှာ ထိရောက်မှုရှိခဲ့ပေရာ အကာအကွယ်အောက်မှ အာကာသကူးပြောင်း လွတ်မြောက်သွားနိုင်သည့် နက်သာစစ်သင်္ဘောမှာ အနည်းငယ်မျှသာ ရှိခဲ့ပြီး အများစုမှာမူ အင်ပါယာရေယာဉ်စု၏ ဝိုင်းရံပိတ်ဆို့မှုအတွင်း ကျဆုံးသွားခဲ့ကြရသည်။</p> <p> </p> <p>အချို့သော နက်သာစစ်သင်္ဘောများသည် သံမဏိကျား ကြယ်စုတန်းအတွင်းသို့ အတင်းတိုးဝင်ကာ ဂြိုဟ်များ၏ အကာအကွယ်ကို ယူ၍ ထွက်ပြေးရန် ကြိုးစားခဲ့ကြသော်လည်း အင်ပါယာစစ်တပ်က ထိုသို့လုပ်ဆောင်မည်ကို ကြိုတင်တွက်ဆထားပြီး ဖြစ်သည့်အတွက် တစ်စင်းမကျန် အကုန်အစင် နစ်မြုပ်အောင် တိုက်ခိုက်ခဲ့လေသည်။</p> <p> </p> <p>ကြယ်တံခါးကို ဝိုင်းရံပိတ်ဆို့သော ဤတိုက်ပွဲသည် တစ်နာရီအကြာတွင် ပြီးဆုံးသွားခဲ့၏။</p> <p>ဝမ်ချန်သည် 'ကြယ်အလင်း' ယာဉ်ပျံဆီသို့ ပြန်လည်ရောက်ရှိလာခဲ့သည်။</p> <p> </p> <p>သူသည် စစ်နတ်ဘုရား မက်ကာကို ပြုပြင်ထိန်းသိမ်းရန်အတွက် သင်္ဘော၏ ထောက်ပို့ဝန်ထမ်းများထံ အပ်နှံခဲ့ပြီးနောက် အထက်ခန်းမဆောင်ကြီးသို့ တက်လာခဲ့၏။</p> <p> </p> <p>နက်သာစစ်တပ်တစ်ခုလုံးကို ချေမှုန်းနိုင်ခဲ့သည့် ကြီးမားသော အောင်ပွဲကြီးကို ရရှိခဲ့သော်လည်း 'ကြယ်အလင်း' ယာဉ်ပျံပေါ်ရှိ ဝန်ထမ်းများ၏ မျက်နှာတွင်မူ အပြုံးအရိပ်အယောင်များ သိပ်မရှိကြချေ။</p> <p> </p> <p>အကြောင်းမှာ ဤတိုက်ပွဲတွင် သတ္တမမြောက် လျင်မြန်တုံ့ပြန်ရေး တပ်ဖွဲ့၏ ထိခိုက်ကျဆုံးမှုမှာ အလွန်တရာ ကြီးမားလွန်းခဲ့သောကြောင့် ဖြစ်သည်။</p> <p> </p> <p>ဝမ်ချန်သည် ဂုဏ်သိက္ခာရှင် မှူးမတ်တစ်ဦး ဖြစ်သလို နဂါးမြင်းတပ် လေယာဉ်မှူးတစ်ဦးလည်း ဖြစ်သည့်အတွက် တိုက်ပွဲဆိုင်ရာ အချက်အလက်များကို ကြည့်ရှုခွင့် အာဏာရှိပေသည်။</p> <p> </p> <p>ထို့ကြောင့် ဆုံးရှုံးမှုအခြေအနေကို သိရှိနိုင်ရန်မှာ သူ့အတွက် မခဲယဉ်းခဲ့ပေ။</p> <p>ဤကြယ်တံခါးတိုက်ပွဲတွင် ဝေးလံသောအရပ်မှ လာခဲ့ရသည့် သတ္တမမြောက် လျင်မြန်တုံ့ပြန်ရေး တပ်ဖွဲ့သည် ဖျက်သင်္ဘောငါးစင်းနှင့် အစောင့်အရှောက်သင်္ဘော ၃၇ စင်း ဆုံးရှုံးခဲ့ရပြီး ထိုးစစ်ဆင်သင်္ဘောပေါင်း ရာနှင့်ချီ၍ ပျက်စီးခဲ့ရသည်။</p> <p> </p> <p>လက်နက်တပ်ဆင်ထားသော မက်ကာများမှာမူ ထိခိုက်ပျက်စီးမှု အရေအတွက်မှာ လေးဂဏန်းအထိ ရှိခဲ့၏။</p> <p> </p> <p>လူအင်အား ထိခိုက်ကျဆုံးမှုစာရင်းကို အတိအကျ မသိရသေးသော်လည်း အနည်းဆုံး လူပေါင်း ခုနစ်သောင်းခန့်မှာ စတေးခံခဲ့ရလိမ့်မည်ဟု ခန့်မှန်းရပေသည်။</p> <p> </p> <p>'ကြယ်အလင်း' ယာဉ်ပျံမှာမူ အတော်အတန် နဂိုအတိုင်း ရှိနေသေးသော်လည်း ၎င်း၏ လေယာဉ်မှူးများစွာမှာမူ ပြန်မလာနိုင်တော့ချေ။</p> <p>သင်္ဘောပေါ်ရှိ ဝန်ထမ်းအချို့လည်း ထိခိုက်ကျဆုံးမှု ရှိခဲ့သည်။</p> <p> </p> <p>ထိုကဲ့သို့သော အခြေအနေမျိုးတွင် အောင်ပွဲရသည်ဆိုသော်ငြား အဘယ်သို့ ပျော်ရွှင်နိုင်ပါအံ့နည်း။</p> <p> </p> <p>ဝမ်ချန်သည် သူ၏ အခန်းအတွင်း၌ ခဏတာ အနားယူပြီးနောက် သူ၏ တိုက်ပွဲအချက်အလက်များကို ကွန်ရက်ပေါ်သို့ တင်လိုက်သည်။</p> <p>အင်ပါယာစစ်တပ်၏ မက်ကာတိုင်းတွင် တိုက်ပွဲဝင်စွမ်းဆောင်ရည်များကို တိကျစွာ မှတ်တမ်းတင်နိုင်သည့် ကိရိယာများ တပ်ဆင်ထားပြီး ဖြစ်ပေသည်။</p> <p> </p> <p>ယင်းမှာ စစ်မှုထမ်းကောင်း တံဆိပ်များ ချီးမြှင့်ရန်အတွက် ဖြစ်၏။</p> <p>ဝမ်ချန်၏ အကြီးမားဆုံး အောင်မြင်မှုမှာ နက်သာနဂါးကြီးကို နှိမ်နင်းနိုင်ခဲ့ခြင်းပင် ဖြစ်ပြီး နက်သာမျိုးနွယ်စု၏ အစွမ်းထက်ဆုံး လက်နက်ကို ဖျက်ဆီးနိုင်ခဲ့ခြင်းမှာ သူတစ်ဦးတည်း၏ စွမ်းဆောင်ချက်မဟုတ်သော်ငြား သူ၏ ပါဝင်မှုမှာ ၆၀ မှ ၇၀ ရာခိုင်နှုန်းအထိ ရှိခဲ့သည်မှာ သေချာပေသည်။</p> <p> </p> <p>ဤအောင်မြင်မှုတစ်ခုတည်းဖြင့်ပင် ဝမ်ချန်အား ဗိုလ်မှူးအဆင့်မှ ဒုတိယဗိုလ်မှူးကြီးအဆင့်သို့ ရာထူးတိုးမြှင့်ရန် လုံလောက်နေပြီ ဖြစ်သည်။</p> <p>သူပစ်ချခဲ့သော ဂိုးစ်တိုက်လေယာဉ်များနှင့် နက်သာစစ်သင်္ဘောများကိုပါ ထည့်သွင်းတွက်ချက်မည်ဆိုလျှင် ရာထူးနှစ်ဆင့် တိုးမြှင့်ခံရမည်မှာလည်း မလွဲဧကန် ဖြစ်တန်ရာ၏။</p> <p> </p> <p>သို့သော်လည်း ဝမ်ချန်သည် ထိုအရာများအပေါ်၌ အလွန်အမင်း စိတ်ဝင်စားခြင်း မရှိခဲ့ပေ။</p> <p>နာရီအနည်းငယ် ကြာပြီးနောက် ပြန်လည်စုဖွဲ့ထားသော သတ္တမမြောက် လျင်မြန်တုံ့ပြန်ရေး တပ်ဖွဲ့သည် ကယ်ဆယ်ရေးလုပ်ငန်းများကို အဆုံးသတ်ကာ အာကာသခံတပ် အခြေစိုက်စခန်းအတွင်းသို့ ဆိုက်ကပ်လိုက်ကြသည်။</p> <p> </p> <p>တိုက်ပွဲမှာ ပြီးဆုံးသွားပြီ ဖြစ်သော်လည်း ရေယာဉ်များနှင့် လူအင်အား ပြန်လည်ဖြည့်တင်းခြင်း အပါအဝင် နောက်ဆက်တွဲ လုပ်ဆောင်စရာများစွာ ကျန်ရှိနေသေးသည်။</p> <p> </p> <p>သို့သော် ထိုကိစ္စရပ်များသည် ဝမ်ချန်နှင့် မသက်ဆိုင်သလို ခခံတပ်စခန်းအတွင်း၌လည်း အကျဉ်းချခံထားရသကဲ့သို့ မနေလိုသဖြင့် သူသည် ယာယီခွင့်ရက် လျှောက်ထားလိုက်လေသည်</p> <p>ထိုလျှောက်ထားချက်မှာ ထိုနေ့မှာပင် ခွင့်ပြုချက် ရရှိခဲ့ပေသည်။</p> <p> </p> <p>ထို့ကြောင့် ဝမ်ချန်သည် အာကာသခံတပ်မှ ထွက်ခွာခဲ့ပြီး သံမဏိကျား ဂြိုဟ်၏ မြို့တော်ဖြစ်သော 'ခြင်္သေ့နှလုံးသားမြို့' သို့ အပန်းဖြေခရီး ထွက်ခဲ့တော့သည်။</p> <p> </p> <p>သံမဏိကျား ဂြိုဟ်မှာ ထူးခြားသော လူနေထိုင်ရာ ဂြိုဟ်တစ်လုံးဖြစ်ပြီး ကုန်းမြေဧရိယာမှာ ၇၅ ရာခိုင်နှုန်းရှိကာ ယင်း၏ ၇၅ ရာခိုင်နှုန်းမှာလည်း သဲကန္တာရများနှင့် သံချေးတက်နေသော ကုန်းမြင့်ဒေသများ ဖြစ်ကြသဖြင့် လူနေထိုင်နိုင်သော ဧရိယာမှာ အလွန်ကျဉ်းမြောင်းပေသည်။</p> <p> </p> <p>သို့ရာတွင် သံမဏိကျား ဂြိုဟ်၏ သတ္တုသယံဇာတများမှာမူ အလွန်တရာ ကြွယ်ဝလှပြီး ယခုအချိန်အထိ သိရှိထားသော သတ္တုရိုင်းများ၏ ၉၈ ရာခိုင်နှုန်းကျော်ကို ဤဂြိုဟ်ပေါ်၌ တွေ့ရှိနိုင်ကာ အချို့သော အဖိုးတန်သတ္တုရိုင်းများမှာလည်း အရည်အသွေး ကောင်းမွန်လှပေသည်။</p> <p> </p> <p>ထို့ကြောင့် အင်ပါယာသည် သံမဏိကျား ဂြိုဟ်ဖွံ့ဖြိုးတိုးတက်ရေးအတွက် လူအင်အားနှင့် အရင်းအမြစ်များကို အမြောက်အမြား ရင်းနှီးမြှုပ်နှံခဲ့ရာ ဂြိုဟ်၏ စီးပွားရေးမှာ အလွန်တရာ တိုးတက်ထွန်းကားလာခဲ့သည်။</p> <p> </p> <p>သံမဏိကျား ဂြိုဟ်၏ လူဦးရေမှာ သန်းပေါင်း နှစ်ထောင်မျှသာ ရှိပြီး ၎င်းတို့မှာ မြို့ကြီးပေါင်း ဒါဇင်အနည်းငယ်အတွင်း၌သာ စုပြုံနေထိုင်ကြရာ 'ခြင်္သေ့နှလုံးသားမြို့' တစ်ခုတည်း၌ပင် လူဦးရေ သန်း ၃၀၀ ကျော် ရှိနေပေသည်။</p> <p> </p> <p>ထိုမျှလောက်သော လူဦးရေမှာ ကျဉ်းမြောင်းသော နေရာတစ်ခု၌ စုပြုံနေထိုင်ကြရသဖြင့် ပြည့်ကျပ်နေခြင်းမှာ မလွဲဧကန်ဖြစ်ပြီး အဆောက်အအုံများ၏ အရွယ်အစားနှင့် သိပ်သည်းဆမှာလည်း ဝမ်ချန် တစ်ခါမျှ မမြင်ဖူးလောက်အောင် ကြီးမားလှပေသည်။</p> <p> </p> <p>'ခြင်္သေ့နှလုံးသားမြို့' သည် စစ်မှန်သော အနာဂတ်ဆန်လှသည့် ဆိုက်ဘာပန့်ခ်  မြို့တော်ကြီး တစ်ခုပေတည်း။</p> <p> </p> <p>***</p> <p> </p>


Save