Book List

<h2 style="text-align: center;">အခန်း ၁၃၃၅။ ။ နက္ခတ်တာရာ ပင်လယ်ပြင် (၁၄၀)</h2> <h2 style="text-align: center;">*</h2> <p> </p> <p> </p> <p> </p> <p>စည်ကားလှသည့် ခြင်္သေ့နှလုံးသားမြို့၏ လမ်းမကြီးထက်တွင် လမ်းလျှောက်နေရခြင်းမှာ အံ့သြဖွယ်ရာ ထူးဆန်းသောအသွင်ဖြင့် ပြည့်နှက်နေသည့် ကမ္ဘာတစ်ခုအတွင်းသို့ ခြေချလိုက်ရသကဲ့သို့ ရှိချေသည်။</p> <p> </p> <p>ရောင်စုံအလင်းတန်းများမှာ မျက်စိပဟေဠိဖြစ်စေကာ စိတ်အာရုံကို ညို့ယူဖမ်းစားနေတော့၏။</p> <p> </p> <p>ပတ်ဝန်းကျင်ရှိ မိုးမျှော်တိုက်ကြီးများမှာလည်း သစ်တောအုပ်ကြီးသဖွယ် များပြားလှပေရာ အထက်သို့ မော့ကြည့်လျှင်ပင် အဆုံးကို မမြင်နိုင်တော့ချေ။</p> <p> </p> <p> မြင်တွေ့ရသမျှမှာ အစဉ်မပြတ် ပြောင်းလဲနေသော ဟိုလိုဂရမ် ရုပ်လုံးကြွပုံရိပ်များဖြစ်သည့် အကြီးစား ကြော်ငြာများသာ ဖြစ်လေသည်။</p> <p> </p> <p>ဝမ်ချန်၏ နောက်ဘက်မှနေ၍ နားကွဲမတတ် ဟိန်းဟောက်သံများမှာ ရံဖန်ရံခါ ထွက်ပေါ်လာတတ်ပြီး လေပြင်းတစ်ချက် ဝေ့ဝဲသွားသကဲ့သို့ သူ၏ဘေးမှ ဖြတ်ကျော်သွားကြသည်။</p> <p> </p> <p> ယင်းနောက်တွင်မူ ပြေးလွှားသွားသည့် အလင်းတန်းများသာ ကျန်ရစ်ခဲ့တော့၏။</p> <p>ထိုသူတို့မှာ လမ်းမထက်တွင် အသက်နှင့်ရင်း၍ ဆိုင်ကယ်ပြိုင်ပွဲ ဆင်နွှဲနေကြသည့် လူငယ်စုများပင် ဖြစ်သည်။</p> <p> </p> <p>ပြုပြင်မွမ်းမံထားသော မြေပေါ်ပျံဆိုင်ကယ်များကို စီးနင်းလျက် လိုက်လံဖမ်းဆီးနေသည့် ရဲကားများကို ဖုန်လုံးများကြားတွင် ဝေးဝေးကပင် အသာလေး ဖြတ်ကျော်သွားကြလေသည်။</p> <p> </p> <p>လူသွားလမ်းဘေးတွင်မူ အရက်အလွန်အကျွံ သောက်ထားသည့် မူးယစ်သူများကို အလွယ်တကူ မြင်တွေ့နိုင်သည်။ အချို့မှာ အမှိုက်ပုံးကိုဖက်ကာ အန်ဖတ်ဆွဲနေကြပြီး အချို့မှာမူ သတိလစ်မေ့မြောကာ မြေပြင်ပေါ်တွင် လဲလျောင်းနေကြ၏။</p> <p> </p> <p>များစွာသော အိုးမဲ့အိမ်မဲ့များမှာမူ စောင်များဖြင့် ပတ်ခြုံလျက် ထောင့်ချိုးများတွင် ကွေးကွေးလေး အိပ်စက်နေကြကာ သူတို့၏ မျက်ဝန်းများမှာလည်း အသက်မဲ့လျက် ငေးမှိုင်နေကြရှာသည်။</p> <p> </p> <p>ဤသို့သော မြင်ကွင်းမျိုးမှာ မြင့်မြတ်သောအလင်းမြို့၌ပင် မြင်တွေ့ရန် မဖြစ်နိုင်ပေရာ ထိုက်ဝူကြယ်စုတန်းတွင်မူ ဆိုဖွယ်ရာပင် မရှိတော့ချေ။</p> <p> </p> <p>သို့သော်လည်း ခြင်္သေ့နှလုံးသားမြို့ရှိ လူသားတို့အတွက်မူ ယင်းကဲ့သို့သော ဖြစ်ရပ်များမှာ နေ့စဉ်နှင့်အမျှ တွေ့ကြုံနေရသည့် အလေ့အထတစ်ခုကဲ့သို့ ဖြစ်နေချေပြီ။</p> <p> </p> <p>“သခင်လေး... ပန်းလေးတစ်ပွင့်လောက် ဝယ်ပါဦးလားရှင့်”</p> <p>အသက် ခုနစ်နှစ်၊ ရှစ်နှစ်အရွယ် မိန်းကလေးငယ်တစ်ဦးမှာ နှင်းဆီပန်းစည်းကြီးကို ကိုင်ဆောင်လျက် ဝမ်ချန်ထံသို့ ပြေးဝင်လာသည်။</p> <p> </p> <p> ညစ်ပေနေသော မျက်နှာငယ်လေးကို အထက်သို့ မော့ကြည့်လျက် သူမ၏ မျက်ဝန်းအိမ်ကြီးများထဲတွင် မျှော်လင့်ချက်အရိပ်အယောင်များ ပြည့်နှက်နေလေသည်။</p> <p> </p> <p>ဝမ်ချန်သည် ခြေလှမ်းများကို ရပ်တန့်လိုက်ပြီး နှင်းဆီတစ်ပွင့်ကို ယူလိုက်သည်။ ယင်းနောက် တစ်ရာတန် ကြယ်တာရာသုံးငွေတစ်ရွက်ကို လက်ထဲသို့ ပြန်လည် ထည့်ပေးလိုက်၏။</p> <p> </p> <p>မိန်းကလေးငယ်မှာ ဝမ်းသာအားရ ပြုံးရွှင်သွားကာ “ကျေးဇူးတင်ပါတယ် သခင်လေး... နက္ခတ်နတ်ဘုရားက သခင်လေးကို အစဉ်အမြဲ စောင့်ရှောက်ပါစေရှင့်” ဟု ဆုမွန်ကောင်း တောင်းလေသည်။</p> <p> </p> <p>ဝမ်ချန်ကမူ အသာအယာ ပြုံးလိုက်ရုံသာ ရှိတော့၏။</p> <p>ဟိုလီလိုက်အင်ပါယာအတွင်းတွင် နက္ခတ်နတ်ဘုရားအပေါ် ယုံကြည်ကိုးကွယ်မှုမှာ အထွန်းကားဆုံး ဖြစ်ချေသည်။</p> <p> </p> <p>နက္ခတ်နတ်ဘုရား၏ မြင့်မြတ်သော အလင်းရောင်ခြည်သည် အင်ပါယာကြီးတစ်ခုလုံးကို ထာဝရ ထွန်းလင်းတောက်ပစေမည်ဟု မရေမတွက်နိုင်သော ဘာသာဝင်တို့က ယုံကြည်ကြပေသည်။</p> <p> </p> <p>ပန်းရောင်းသူ မိန်းကလေးကို ပို့ဆောင်ပြီးနောက် ဝမ်ချန်၏ အကြည့်တို့သည် အနီးနားရှိ နိုက်ကလပ်တစ်ခု၏ အဝင်ဝသို့ ရောက်ရှိသွားသည်။</p> <p> </p> <p>“VISE” ဟု အမည်ရသော ထိုနိုက်ကလပ်မှာ အလွန်ပင် ကြီးမားလှပေရာ ကြော်ငြာဆိုင်းဘုတ်မှာပင် မီတာဆယ်ဂဏန်းအထိ ရှည်လျားလှသည်။</p> <p> </p> <p>ဆိုင်းဘုတ်ထက်တွင် တီးလုံးသံနှင့်အတူ စည်းချက်ညီညီ ကပြနေသော လူသားတို့၏ ဟိုလိုဂရမ်ပုံရိပ်များမှာလည်း ဆန်းကြယ်သော အငွေ့အအေးတို့ဖြင့် ပြည့်နှက်နေချေသည်။</p> <p> </p> <p>အရေးကြီးဆုံးအချက်မှာ နိုက်ကလပ်၏ ရှေ့မှောက်တွင် ရှည်လျားလှသော လူတန်းကြီး တစ်ခုရှိနေခြင်း ဖြစ်သည်။ ဆန်းပြားသော ဝတ်စုံများကို ဝတ်ဆင်ထားသည့် လူငယ်များမှာ သူတို့၏ ကိုယ်ပိုင်အချက်အလက်စက်များကို ကစားလျက် စိတ်ရှည်လက်ရှည် စောင့်ဆိုင်းနေကြလေသည်။</p> <p> </p> <p>ဝမ်ချန်က လှမ်းကြည့်လိုက်ရာ ထိုသူတို့မှာ ခေတ်လူငယ် ကလေကချေများနှင့် လှပသည့် ပျိုဖြူလေးများသာ ဖြစ်ကြ၏။ သူ၏ မျက်ဝန်းများမှာ တစ်ချက်မျှ တောက်ပသွားပြီးနောက် ရှေ့သို့ တိုးဝင်သွားလေတော့သည်။</p> <p> </p> <p>နိုက်ကလပ်အဝင်ဝတွင်မူ ကိုယ်လုံးကိုယ်ထည် ကြီးမားသော လူနှစ်ဦးက တည်ကြည်သောအမူအရာဖြင့် စောင့်ကြပ်နေကြသည်။ အတွင်းမှ လူတစ်ဦး ထွက်လာမှသာ ပြင်ပမှ လူတစ်ဦးကို ဝင်ခွင့်ပြုလေသည်။</p> <p> </p> <p>ဝမ်ချန်သည် လူတန်းထဲတွင် မစောင့်ဆိုင်းတော့ဘဲ တည့်တည့်လျှောက်သွားရာ အစောင့်တစ်ဦးက ဆီးတားလိုက်သည်။ “ကြိုတင်စာရင်း ပေးထားတာ ရှိလား”</p> <p> </p> <p>ဝမ်ချန်သည် သူ၏ လက်ကောက်ဝတ်ကို တစ်ချက်လှုပ်လိုက်ရာ ကြယ်တာရာသုံးငွေ ထုပ်ကြီး တစ်ထုပ် ပေါ်ထွက်လာပြီး ထိုသူ၏ ရင်ဘတ်ပေါ်သို့ ပစ်တင်လိုက်လေသည်။</p> <p> </p> <p>ကြမ်းတမ်းသော ပုံစံရှိသည့် ထိုအစောင့်မှာ ချက်ချင်းပင် မျက်နှာပွင့်သွားကာ အပြုံးကြီးဖြင့် အတားအဆီးကြိုးကို ဖြုတ်ပေးလိုက်တော့၏။</p> <p> </p> <p> “ကြွပါ... ကြွပါခင်ဗျာ”</p> <p>ဤကဲ့သို့သော နိုက်ကလပ်မျိုးတွင် အထူးအခွင့်အရေး ရရှိသူ အမျိုးအစား နှစ်မျိုးသာ ရှိလေသည်။ တစ်မျိုးမှာ လှပသောအမျိုးသမီးများ ဖြစ်ကြပြီး ကျန်တစ်မျိုးမှာမူ ချမ်းသာကြွယ်ဝသူများသာ ဖြစ်ကြပေရာ ဝမ်ချန်မှာ ဒုတိယအမျိုးအစားတွင် ပါဝင်နေခြင်း ဖြစ်တန်ရာသည်။</p> <p> </p> <p>တံခါးအတွင်းသို့ ခြေချလိုက်သည်နှင့် မှန်များဖြင့် စီခြယ်ထားသော စင်္ကြံလမ်းအတွင်းသို့ ရောက်ရှိသွားကာ အီလက်ထရွန်းနစ် တီးလုံးသံပြင်းပြင်းများနှင့်အတူ ဖော်ပြ၍မရသော ထူးခြားသောအငွေ့အသက်များက သူ့ကို လွှမ်းခြုံသွားလေတော့သည်။</p> <p> </p> <p>စင်္ကြံလမ်း၏ အဆုံးသို့ ရောက်ရှိသောအခါ ကျယ်ပြောလှပြီး ရှုပ်ထွေးလှသော ကမ္ဘာကြီးတစ်ခု ဝမ်ချန်၏ ရှေ့မှောက်တွင် ပေါ်ထွက်လာတော့သည်။</p> <p> </p> <p>မြင့်မားသော စင်မြင့်ထက်တွင် ကိုယ်လုံးကိုယ်ထည် တောင့်တင်းလှပသော မိန်းကလေးများမှာ စွမ်းအင်အပြည့်ဖြင့် ကပြနေကြပြီး သူတို့၏ နောက်ကွယ်တွင်မူ ဒီဂျေ  များက ဧည့်သည်တို့၏ အာရုံကို နှိုးဆွပေးရန်အတွက် တီးလုံးများကို ပြင်းပြင်းထန်ထန် ဖန်တီးနေကြလေသည်။</p> <p> </p> <p>စင်မြင့်၏ ပတ်ဝန်းကျင်ရှိ အခန်းများနှင့် ဘားကောင်တာများတွင်လည်း လူများဖြင့် ပြည့်နှက်နေ၏။ ဝတ်လစ်စလစ်ဖြစ်လုနီးပါး ဝတ်ဆင်ထားသော နိုက်ကလပ်မယ်လေးများမှာ ဧည့်သည်တို့အား မူယာနွဲ့လျက် အရက်များကို လိုက်လံဧည့်ခံနေကြပြီး ရံဖန်ရံခါတွင်လည်း ကောင်းကင်ယံ၌ မီးရှူးမီးပန်းများ ပေါက်ကွဲထွက်ပေါ်လာတတ်သည်။</p> <p> </p> <p>ရူးသွပ်ခြင်း၊ ရှုပ်ထွေးခြင်း၊ စိတ်အလိုလိုက်ခြင်းနှင့် အပျော်အပါး မက်မောခြင်း...။</p> <p>ဤနိုက်ကလပ်မှာ အတိုင်းအဆမရှိသော ဆေးဆိုးပန်းရိုက် ကန်ကြီးနှင့် တူလှပေရာ အတွင်းသို့ ဝင်ရောက်လာသူ မှန်သမျှကို အထူးအရောင်များ ဆိုးပေးလိုက်သကဲ့သို့ သူတို့၏ စိတ်ခံစားချက်များကိုလည်း အတိုင်းအဆမရှိ ပြန့်ကားသွားစေသည်။</p> <p> </p> <p>ယင်းနှင့် ဆန့်ကျင်ဘက်ဖြစ်သည်မှာ အသစ်ရောက်ရှိလာသူ ဝမ်ချန်ပင် ဖြစ်သည်။ သူသည် ပျော်ပါးနေသူများကြားသို့ ရောနှောမသွားဘဲ ဘားကောင်တာရှိ အလွတ်တစ်ခုတွင် ဝင်ထိုင်လိုက်လေသည်။</p> <p> </p> <p>“ကော့တေးတစ်ခွက် ပေးပါဦး”</p> <p>ငွေစက္ကူ အချို့ကို အသာအယာ ချပေးလိုက်ပြီး ဝမ်ချန်က ကောင်တာကို ခေါက်လျက် “မင်း အတော်ဆုံးဖြစ်တဲ့ အမျိုးအစားကိုသာ ပေးပါ” ဟု ဆိုလိုက်သည်။</p> <p> </p> <p>ဘားမယ်မှာ လှပသောအမျိုးသမီး တစ်ဦးဖြစ်ပေရာ သူမသည် ငွေများကို ကျွမ်းကျင်စွာ သိမ်းဆည်းလိုက်ပြီး ဝမ်ချန်ကို လုပ်ငန်းသဘောအရ ပြုံးပြလိုက်သည်။</p> <p> </p> <p>“ခဏလောက် စောင့်ပေးပါရှင့်”</p> <p>မိနစ်အနည်းငယ်ကြာသောအခါ ဝမ်ချန်သည် အသစ်ဖျော်စပ်ထားသော ကော့တေးကို တစ်ငုံသောက်လိုက်ပြီး အနီးနားရှိ ကပွဲအကွင်းဆီသို့ အကြည့်ပို့လိုက်သည်။</p> <p> </p> <p>ဘားမယ်က ပြုံးလျက် “သခင်လေး... VISE ကို ပထမဆုံးအကြိမ် လာဖူးတာလား” ဟု မေးမြန်းလေသည်။</p> <p>ဝမ်ချန်က ခေါင်းညိတ်ပြလိုက်၏။ “ဟုတ်တယ်... ဒီမှာ စီးပွားရေး တော်တော်ကောင်းတာပဲ”</p> <p> </p> <p>“ဒါပေါ့ရှင့်”</p> <p>ဘားမယ်က ဂုဏ်ယူစွာဖြင့် “ကျွန်မတို့ VISE က ခြင်္သေ့နှလုံးသားမြို့ တစ်မြို့လုံးမှာ အကောင်းဆုံး နိုက်ကလပ်ပါ... သခင်လေးက အွန်လိုင်းက လမ်းညွှန်တွေကို ကြည့်ပြီး လာတာဖြစ်မှာပါ”</p> <p> </p> <p>ဝမ်ချန်ကမူ မည်သို့မျှ ပြန်လည် မတုံ့ပြန်ချေ။</p> <p>ဘားမယ်က သူ့ကို မူယာနွဲ့လျက် ကြည့်လိုက်ကာ “သခင်လေး... ပျော်ဖို့အတွက် မိန်းကလေး အချို့ကို မိတ်ဆက်ပေးရမလား.. ဒီလို တစ်ယောက်တည်း ထိုင်နေရတာ သိပ်ပြီး မပျော်ဖို့ ကောင်းဘူးလေ” ဟု ဆိုပြန်သည်။</p> <p> </p> <p>“ကျေးဇူးတင်ပါတယ်”</p> <p>ဝမ်ချန်သည် ငွေစက္ကူ အချို့ကို ထပ်မံ ထုတ်ပေးလိုက်ပြန်သည်။ “နောက်ထပ် တစ်ခွက်လောက် ထပ်ပေးပါဦး... ဒီတစ်ခါတော့ အရသာ ပြောင်းပေးပါ... မိန်းကလေးတွေတော့ မလိုပါဘူး”</p> <p> </p> <p>ဘားမယ်သည် ငွေကို ယူလိုက်ပြီး နောက်ထပ်တစ်ခွက် ဖျော်စပ်ပေးသော်လည်း လက်လျှော့သွားသည့်ပုံ မပေါ်ပေ။ “စိတ်ချပါ သခင်လေး... ကျွန်မ မိတ်ဆက်ပေးမယ့် ကောင်မလေးတွေက ချောရုံတင်မကဘူး၊ အသန့်လေးတွေပါ... လိမ်တာညာတာ မရှိစေရဘူး”</p> <p> </p> <p>ဝမ်ချန်သည် အခြားဂြိုဟ်မှ ရောက်ရှိလာသူ ဖြစ်တန်ရာပေရာ ငယ်ရွယ်ချောမောပြီး လက်ဖွာသူလည်း ဖြစ်သည်။ အကယ်၍ နိုက်ကလပ်၏ စည်းကမ်းများသာ မရှိလျှင် သူမကိုယ်တိုင်ပင် လိုက်ပါ ဧည့်ခံလိုစိတ် ပေါက်မိလေသည်။</p> <p> </p> <p>ဝမ်ချန်က ရယ်မောလိုက်ကာ “ကောင်းပြီလေ” ဟု ဆိုလိုက်တော့၏။</p> <p>ဘားမယ်မှာ အတိုင်းမသိ ဝမ်းသာသွားပြီး “ခဏလေး စောင့်ပါဦးရှင့်... အခုချက်ချင်း စီစဉ်ပေးပါ့မယ်” ဟု ဆိုကာ ထွက်သွားလေသည်။</p> <p> </p> <p>ထိုနိုက်ကလပ်မယ်မှာ အလွန်ပင် ကျွမ်းကျင်လှပေရာ ဝမ်ချန်အတွက် ရုပ်ရည်နှင့် ကိုယ်လုံးကိုယ်ထည် ထိပ်တန်းအဆင့်ရှိသည့် မိန်းကလေးနှစ်ဦးကို ရှာဖွေပေးရုံသာမက သီးသန့်အခန်းလေး တစ်ခုကိုပါ စီစဉ်ပေးလိုက်လေသည်။</p> <p> </p> <p>ထောင့်ချိုးလေးတွင် ရှိနေသော်လည်း ဆိုဖာပေါ်တွင် အေးအေးလူလူ မှီလျက် ဘေးတစ်ဖက်တစ်ချက်တွင် မိန်းကလေးတစ်ဦးစီ ရှိနေခြင်းမှာ စစ်မှန်သော ပျော်ရွှင်မှုပင် ဖြစ်တော့သည်။</p> <p> </p> <p>ဝမ်ချန်သည်လည်း ဧည့်ဝတ်ကျေပွန်သူ ဖြစ်သည့်အလျား ဝန်တိုခြင်း မရှိဘဲ ကြယ်တာရာသုံးငွေ လေး၊ ငါးသောင်းခန့် တန်ဖိုးရှိသည့် အရက်များကို ချက်ချင်းပင် မှာယူလိုက်သည်။</p> <p> </p> <p>ထိုအခါ အတူပါလာသည့် မိန်းကလေးနှစ်ဦးမှာ ပွင့်လန်းနေသော ပန်းကလေးများကဲ့သို့ ပြုံးရွှင်သွားကြကာ ဝမ်ချန်၏ ဘေးတစ်ဖက်တစ်ချက်မှနေ၍ အနမ်းများ ခြွေလိုက်ကြတော့သည်။</p> <p> </p> <p>VISE ကဲ့သို့သော နိုက်ကလပ်များတွင် ငွေကို ရေသကဲ့သို့ သုံးနိုင်သူများနှင့် သူဌေးသားများကို မြင်တွေ့ရလေ့ရှိသော်လည်း ဝမ်ချန်ကဲ့သို့</p> <p>“အလွန်သန့်ရှင်းစင်ကြယ်သော” သူဌေးလေးမျိုးကိုမူ မြင်တွေ့ရခဲလှပေသည်။</p> <p> </p> <p>ထို့ကြောင့်ပင် ဝမ်ချန်သည် အကောင်းဆုံးသော ဝန်ဆောင်မှုများကို ရရှိနေတော့သည်။</p> <p>သူသည်လည်း အလျင်မလိုသကဲ့သို့ ငြင်းဆန်ခြင်းလည်း မရှိဘဲ လှပသော မိန်းကလေးနှစ်ဦးနှင့်အတူ အရက်သောက်တမ်း ကစားနည်းများကို ပြုံးပြုံးလေး ဆင်နွှဲနေလေသည်။</p> <p> </p> <p>မှာယူထားသော အရက်များ ကုန်ဆုံးသွားသည့်အခါတွင်လည်း အေးအေးဆေးဆေးပင် နောက်ထပ်တစ်ကျော့ ပြန်လည် မှာယူပြန်သည်။</p> <p> </p> <p>တည်ငြိမ်အေးဆေးလှသော ဝမ်ချန်၏ အပြုအမူတို့ကြောင့် မိန်းကလေးတို့၏ မျက်ဝန်းများမှာ တောက်ပလာရုံသာမက သူ၏အပေါ်တွင်လည်း စိတ်ဝင်စားမှုများ တိုးပွားလာကြတော့သည်။</p> <p> </p> <p>သို့သော်လည်း ဝမ်ချန်၏ လက်ဖွာမှုနှင့် အေးဆေးတည်ငြိမ်မှုတို့မှာ အခြားသူတို့၏ အာရုံစိုက်ခြင်းကို ခံလိုက်ရသည်။</p> <p> </p> <p>နိုက်ကလပ်သို့ အစဉ်တစိုက် လာရောက်သူများအတွက်မူ ဝမ်ချန်ကဲ့သို့သော မျက်နှာသစ် သခင်လေးမှာ ငွေတွင်းကြီး တစ်တွင်းနှင့် တူလှပေသည်။</p> <p> </p> <p>မကြာမီတွင်ပင် ဆံပင်ကို ဖယောင်းတင်ထားသည့် လူငယ်တစ်ဦးမှာ ပြုံးဖြဖြဖြင့် ရောက်ရှိလာကာ “ညီလေး... စိတ်လှုပ်ရှားစရာ တစ်ခုခု စမ်းကြည့်ချင်သလား” ဟု မေးမြန်းလေသည်။</p> <p> </p> <p>သူသည် ဝမ်ချန်အား ချစ်ပ်  လေးတစ်ခုကို ထုတ်ပြလိုက်ပြီး အသံကို နှိမ့်လျက် “ဒါကို စမ်းကြည့်လိုက်ရင် မင်း အကြီးအကျယ် ပျော်သွားစေရမယ်လို့ ငါ အာမခံတယ်” ဟု ဆိုလိုက်သည်။</p> <p> </p> <p>ထိုလူငယ်ကို မြင်တွေ့လိုက်ရသောအခါ ဝမ်ချန်၏ ဘေးရှိ မိန်းကလေးနှစ်ဦးမှာ ကြောက်လန့်တကြား နောက်သို့ ဆုတ်သွားကြကာ စကားတစ်ခွန်းမျှ မဆိုရဲတော့ဘဲ ခေါင်းငုံ့နေကြတော့သည်။</p> <p> </p> <p>ဝမ်ချန်ကမူ ထိုသူကို တစ်ချက်မျှ ကြည့်လိုက်ပြီးနောက် စကားတစ်လုံးတည်းသာ ပြောလိုက်တော့၏။</p> <p>“ထွက်သွားစမ်း”</p> <p>***</p> <p> </p>


Save