Book List

<h2 style="text-align: center;">အခန်း (၁၃၄၂) - နက္ခတ်တာရာ ပင်လယ်ပြင် (၁၄၇)</h2> <h2 style="text-align: center;">*</h2> <p> </p> <p> </p> <p> </p> <p>နှိုင်းယှဉ်ဖွယ်ရာမရှိသော အလင်းတန်းတို့ကို ဆောင်ကြဉ်းလျက် ရှည်လျားလှသော စစ်သင်္ဘော၏ ဓားသွားသည် နက်မှောင်သော သင်္ဘောကိုယ်ထည်အား ပြင်းထန်စွာ ပိုင်းဖြတ်လိုက်ချေသည်။</p> <p> </p> <p>အဆိုပါ နက်သာ စစ်သင်္ဘော ၏ မျက်နှာပြင်ကို ထူထဲလှသော အကြေးခွံများဖြင့် ဖုံးအုပ်ထားရာ ယင်း၏ ခုခံကာကွယ်နိုင်စွမ်းမှာ အင်ပါယာ၏ အာကာသစစ်သင်္ဘော  များတွင် အသုံးပြုသည့် စူပါသတ္တုစပ် သံချပ်ကာများထက်ပင် အားမနည်းလှပေ။</p> <p> </p> <p>သို့သော်လည်း တောက်ပလှသော ဓားသွားရှေ့မှောက်၌မူ အလွယ်တကူပင် ပွင့်ထွက်သွားရလေသည်။</p> <p>သင်္ဘောအတွင်းပိုင်း၌ ပျားအုံသဖွယ် စီတန်းနေသော သလင်းကျောက်များဖြင့် ပြည့်နှက်နေသည်ကို မြင်တွေ့ရ၏။</p> <p> </p> <p>ထိုခဏ၌ပင် ဝမ်ချန်သည် ‘စစ်နတ်ဘုရား မက်ကာ’  ကို ထိန်းချုပ်ကာ ‘ပါတီကယ်’ အမြောက် ကို အမြင့်သို့ မြှောက်မ၍ ပွင့်ထွက်သွားသော အက်ကြောင်းအတွင်းသို့ ပြောင်းဝကို ထိုးသွင်းလိုက်ပြီးနောက် မဆိုင်းမတွပင် ခလုတ်ကို ဆွဲညှစ်လိုက်တော့သည်။</p> <p> </p> <p>ဝုန်း...။</p> <p>ပြင်းထန်လှသော ပါတီကယ် အလင်းတန်းသည် သလင်းကျောက်များကို ရက်ရက်စက်စက် ထိုးဖောက်သွားပြီး တစ်ဖက်သား၏ ဂြိုဟ်သိမ်းသင်္ဘောအတွင်းပိုင်းသို့ နက်ရှိုင်းစွာ ထွင်းဖောက်ဝင်ရောက်သွားကာ ပြင်းထန်သော ပေါက်ကွဲမှုကို ဖြစ်ပေါ်စေခဲ့၏။</p> <p> </p> <p>ဝမ်ချန်သည်လည်း နက်သာစစ်သင်္ဘော၏ ကိုယ်တိုင်ဖျက်ဆီးမှုမှ ထွက်ပေါ်လာသော ပေါက်ကွဲမှုလှိုင်းဒဏ် မသင့်စေရန်အတွက် နောက်သို့ ချက်ချင်းပင် ဆုတ်ခွာလိုက်ရလေသည်။</p> <p> </p> <p>တစ်ချိန်တည်းမှာပင် သူ၏ အနီးကပ်ကာကွယ်ရေး လေဆာအမြောက်များကိုလည်း အဆက်မပြတ် ပစ်ခတ်လျက် မိမိနောက်သို့ လိုက်ပါလာသော ‘ဂိုးစ်တိုက်လေယာဉ်’  အချို့ကို ပစ်ချလိုက်သေး၏။</p> <p> </p> <p>ထိုသို့ဖြင့် အတွင်းပိုင်းမှ ပေါက်ကွဲနေသော နက်သာစစ်သင်္ဘောသည် အမြောက်ဆံများ ထပ်မံထိမှန်ကာ တစ်စစီဖြစ်သွားပြီး ဟင်းလင်းပြင်အတွင်းသို့ အပိုင်းအစများစွာ လွင့်စင်သွားတော့သည်။</p> <p> </p> <p>ဝမ်ချန်သည် အထက်သို့ ပျံတက်လိုက်သောအခါ သူ၏ မြင်ကွင်းမှာ ရုတ်ချည်းပင် ကြည်လင်သွားခဲ့၏။ သူ၏ ရှေ့မှောက်၌ မီးလျှံများ တောက်လောင်နေသည့် ဧရာမဂြိုဟ်ကြီးတစ်လုံး ပေါ်ပေါက်လာချေပြီ။</p> <p> </p> <p>ယင်းမှာ မီးလျှံဂြိုဟ်ပင်။</p> <p>ဤဂြိုဟ်သည် မီးလျှံကြယ်စုတန်း  အတွင်းရှိ သက်ရှိများ မှီတင်းနေထိုင်နိုင်သော တစ်ခုတည်းသော ဂြိုဟ်ဖြစ်သော်လည်း၊ အင်ပါယာ ရှာဖွေရေးအဖွဲ့က ပထမဆုံး စတင်တွေ့ရှိချိန်တွင် ယင်း၌ရှိသော သက်ရှိများမှာ အလွန်ပင် ရှေးကျလွန်းလှပြီး အသိဉာဏ်ရှိသော သတ္တဝါဟူ၍ မရှိသေးပေ။</p> <p> </p> <p>ထို့အပြင် မီးလျှံဂြိုဟ်၏ ပတ်ဝန်းကျင် အခြေအနေမှာလည်း ကြမ်းတမ်းခက်ထန်လှသည့်အပြင် ရေနှင့် အောက်ဆီဂျင် ရှားပါးမှု၊ မကြာခဏဆိုသလို မီးတောင်များ ပေါက်ကွဲမှုတို့ကြောင့် အင်ပါယာအနေဖြင့် ပြုပြင်ပြောင်းလဲရေးနှင့် ဖွံ့ဖြိုးတိုးတက်ရေးတို့အတွက် ရင်းနှီးမြှုပ်နှံရန် ဆန္ဒမရှိဘဲ ပိုင်ဆိုင်ကြောင်းသာ ကြေညာထားခဲ့ခြင်း ဖြစ်သည်။</p> <p> </p> <p>သို့သော်လည်း ကျူးကျော်ဝင်ရောက်လာသော နက်သာမျိုးနွယ်စုတို့က ယင်းကို သိမ်းပိုက်လိုက်သည့်အချိန်မှစ၍ မီးလျှံဂြိုဟ်၏ အခြေအနေမှာ ယခင်နှင့် မတူတော့ပေ။</p> <p> </p> <p>ယခုအခါ ဂြိုဟ်မျက်နှာပြင်၏ လေးပုံတစ်ပုံခန့်မှာ ထူးဆန်းသော အနက်ရောင်နှင့် ခရမ်းရောင် ရောယှက်နေသည့် အရာဝတ္ထုများဖြင့် ဖုံးလွှမ်းနေပြီး ဧရာမ အကျိတ်ခဲကြီးတစ်ခု စွဲကပ်နေသကဲ့သို့ ရှိနေလေတော့သည်။</p> <p> </p> <p>မိုင်ပေါင်း သိန်းနှင့်ချီ၍ ဝေးကွာသော နေရာမှပင် ဝမ်ချန်အနေဖြင့် နက်သာတို့၏ အခြေစိုက်စခန်းကို ရှင်းလင်းစွာ မြင်တွေ့နေရသည်</p> <p> </p> <p>အင်ပါယာနှင့် နက်သာမျိုးနွယ်စုတို့အကြား ဖြစ်ပွားခဲ့သော စစ်ပွဲမှာ နှစ်ပေါင်း ရာနှင့်ချီ၍ ကြာမြင့်ခဲ့ပြီ ဖြစ်သော်လည်း နက်သာတို့၏ အခြေစိုက်စခန်းများအကြောင်းကိုမူ အတွင်းကျကျ စူးစမ်းလေ့လာနိုင်သူ မရှိသလောက်ပင် ဖြစ်ရာ ယင်းတို့နှင့် ပတ်သက်သော သိရှိမှုမှာ ယနေ့တိုင် အပေါ်ယံမျှသာ ရှိနေသေး၏။</p> <p> </p> <p>မီးလျှံကြယ်စုတန်း တည်ရှိရာ</p> <p>ကြယ်တာရာနယ်မြေအတွင်းသို့ စတင်ဝင်ရောက်ကတည်းက မဟာမိတ်စစ်တပ်သည် နက်သာစစ်တပ် သုံးခု၏ ကြားဖြတ်တိုက်ခိုက်မှုကို ခံခဲ့ရသည်။</p> <p> </p> <p>နက်သာမျိုးနွယ်စုဘက်မှ အင်ပါယာ၏ ထိုမျှလောက် လျင်မြန်ပြင်းထန်လှသော တန်ပြန်ထိုးစစ်ကို ကြိုတင်ခန့်မှန်းနိုင်ခြင်း မရှိခဲ့ဘဲ အငိုက်မိသွားခဲ့ပုံရ၏။</p> <p> </p> <p> စစ်တပ်သုံးခုမှာ တစ်ခုပြီးတစ်ခု စစ်ကူပေးရန် ကြိုးစားခဲ့ကြသော်လည်း အသာစီးရနေသော မဟာမိတ်တပ်၏ လက်ချက်ဖြင့် တစ်ဖွဲ့ချင်းစီ ချေမှုန်းခံခဲ့ရလေသည်။</p> <p> </p> <p>အကျဆုံးများပြားလာပြီးနောက်မှသာ နက်သာစစ်တပ်သည် သတိဝင်လာကာ အင်အားအားလုံးကို မီးလျှံဂြိုဟ်အား ကာကွယ်ရန်အတွက် ပြန်လည်ရုပ်သိမ်းသွားခဲ့တော့သည်။</p> <p> </p> <p>သို့ရာတွင် မဟာမိတ်စပ်တပ်သည် ရန်သူအား အသက်ရှူချိန် မပေးဘဲ နောက်ဆုံးတိုက်ပွဲကို ချက်ချင်းပင် ဆင်နွှဲလေတော့၏။</p> <p> </p> <p>တိုက်ပွဲ စတင်ခဲ့သည်မှာ ဆယ်နာရီခန့် ရှိခဲ့ပြီဖြစ်ပြီး ပြင်းထန်လှသော တိုက်ပွဲများအတွင်း အင်ပါယာဘက်မှ တိုက်တန်အဆင့် စစ်သင်္ဘော တစ်စင်း အပြင်းအထန် ပျက်စီးခဲ့ရကာ အမြန်ဖျက်သင်္ဘော ငါးစင်းနှင့် စစ်သင်္ဘောငယ် ရာပေါင်းများစွာ နစ်မြုပ်ဆုံးရှုံးခဲ့ရသည်။</p> <p> </p> <p>ထိုသို့သော ပေးဆပ်မှုများဖြင့် နောက်ဆုံးတွင် နက်သာတို့၏ အခြေစိုက်စခန်းကို တိုက်ခိုက်ရန် လမ်းစကို ဖွင့်လှစ်နိုင်ခဲ့ချေပြီ။</p> <p> </p> <p>ထိုခဏ၌ပင် ‘တော်ဝင်ဂုဏ်သိက္ခာရှင်’ စစ်သင်္ဘော  သည် အစောင့်အရှောက် သင်္ဘောများကြားမှ ထွက်ခွာလာကာ စစ်ဦးစီးတပ်စု၏ ရှေ့ဆုံးသို့ ရောက်ရှိလာခဲ့၏။ ယင်း၏ သင်္ဘောဦးပိုင်းမှ တောက်ပသော အလင်းတန်းများ ထွက်ပေါ်လာလေသည်။</p> <p> </p> <p>ယင်းမှာ ‘တော်ဝင်ဂုဏ်သိက္ခာရှင်’ စစ်သင်္ဘောတွင် တပ်ဆင်ထားသော ‘ဂြိုဟ်ဖျက်အမြောက် ပင် ဖြစ်တော့သည်။</p> <p> </p> <p>ဂြိုဟ်ဖျက်အမြောက်သည် အင်ပါယာ စစ်အင်အား၏ အထွတ်အထိပ် လက်နက်ဆန်းဖြစ်ပြီး တိုက်တန်အဆင့် စစ်သင်္ဘောများနှင့် အာကာသခံတပ်များတွင်သာ တပ်ဆင်နိုင်ရာ၊ ယင်း၏ စွမ်းအားမှာ ထိတ်လန့်ဖွယ်ရာ ကောင်းလှပြီး အလတ်စားနှင့် အငယ်စား ဂြိုဟ်တစ်လုံးကို တစ်ချက်တည်းဖြင့် အမှုန့်ချေပစ်နိုင်သော စွမ်းအားရှိပေသည်။</p> <p> </p> <p>အမှန်စင်စစ် မီးလျှံဂြိုဟ်သည် ဧရာမဂြိုဟ်ကြီးအမျိုးအစားတွင် ပါဝင်သဖြင့် ယင်းကို လုံးဝ ဖျက်ဆီးပစ်ရန်အတွက်မူ တိုက်တန်သင်္ဘော ငါးစင်းတို့က အကြိမ်ကြိမ် ပေါင်းစပ်ပစ်ခတ်ရန် လိုအပ်ပေလိမ့်မည်။</p> <p> </p> <p>သို့သော်လည်း အင်ပါယာအနေဖြင့် အလွန်တရာ အရေးကြီးသည့် အခြေအနေမျိုးမှလွဲ၍ မိမိတို့ ပိုင်နက်အတွင်းရှိ အလတ်စားနှင့် အကြီးစား ဂြိုဟ်များကို ဖျက်ဆီးပစ်လေ့မရှိပေ။</p> <p> </p> <p>အကြောင်းမှာ ဂြိုဟ်တစ်လုံး ပျက်စီးသွားခြင်းသည် ကြယ်စုတန်းတစ်ခုလုံး၏ လည်ပတ်မှုကို ဟန့်တားနှောင့်ယှက်နိုင်သည့်အပြင် အနီးနားရှိ ကြယ်တာရာနယ်မြေများကိုပါ ခန့်မှန်းရခက်သော ဆိုးကျိုးများ သက်ရောက်စေနိုင်သောကြောင့် ဖြစ်သည်။</p> <p> </p> <p>ထိုသို့သော နာကျင်ဖွယ်ရာ သင်ခန်းစာမျိုးကိုလည်း အင်ပါယာအနေဖြင့် ယခင်က ကြုံတွေ့ခဲ့ဖူးလေသည်။</p> <p> </p> <p>ထို့အပြင် ဂြိုဟ်ဖျက်အမြောက်ကို တစ်ကြိမ်ပစ်ခတ်တိုင်း ယင်းအမြောက်နှင့် တိုက်တန်စစ်သင်္ဘော၏ တည်ဆောက်ပုံကိုပါ ထိခိုက်ပျက်စီးစေနိုင်ရာ ယင်းပျက်စီးမှုမှာ ပြန်လည်ပြုပြင်၍ မရနိုင်သောကြောင့် ပေးဆပ်ရသည့် တန်ဖိုးမှာ အလွန်ပင် ကြီးမားလှပေသည်။</p> <p> </p> <p>သို့ရာတွင် နက်သာတို့၏ အခြေစိုက်စခန်းနှင့် ရင်ဆိုင်နေရချိန်၌မူ ‘တော်ဝင်ဂုဏ်သိက္ခာရှင်’ စစ်သင်္ဘောသည် ထိုအချက်များကို ဂရုမထားတော့ဘဲ ဂြိုဟ်ဖျက်အမြောက်ကို အားသွင်းရန်အတွက် ဗဟိုစွမ်းအင် မီးဖိုမှ စွမ်းအားများကို အပြည့်အဝ ထုတ်လွှတ်လိုက်တော့သည်။</p> <p> </p> <p>ပုံမှန်အားဖြင့် ဂြိုဟ်ဖျက်အမြောက်အား အပြည့်အဝ အားသွင်းရန်အတွက် ၁၅ မိနစ်မှ မိနစ် ၃၀ ခန့်အထိ ကြာမြင့်တတ်၏။ ‘တော်ဝင်ဂုဏ်သိက္ခာရှင်’ သည် အဆင့်မြင့်ဆုံး နည်းပညာများ တပ်ဆင်ထားသော်လည်း အားသွင်းချိန်မှာ ၁၅ မိနစ်ထက် လျော့နည်း၍ မရနိုင်ပေ။</p> <p> </p> <p>တစ်ဖက်တွင်လည်း နက်သာစစ်တပ်သည် မိမိတို့ထံ ကျရောက်တော့မည့် ဘေးအန္တရာယ်ကို သိရှိနားလည်ဟန်ရှိရာ အခြေစိုက်စခန်းမှ စစ်သင်္ဘောငယ်ပေါင်းများစွာနှင့် ‘ဂိုးစ်တိုက်လေယာဉ်’ များ ပျံတက်လာပြီး မဟာမိတ်တပ်စုထံသို့ အတင်းအဓမ္မ ထိုးဖောက်ဝင်ရောက်လာကြတော့သည်။</p> <p> </p> <p>ထို့မျှမက ဧရာမ ရန်သူ့အသိုက်အမြုံကြီးမှ ခရမ်းရောင်အလင်းတန်းများ ထွက်ပေါ်လာကာ မိမိကိုယ်ကိုယ် ပြန်လည်ဖုံးအုပ်လိုက်သည်ကို မြင်တွေ့ရ၏။</p> <p> </p> <p>ယင်းမှာ နက်သာတို့၏ အခြေစိုက်စခန်းမှ ထုတ်လွှတ်လိုက်သော စွမ်းအင်ကွင်းပြင် ကာကွယ်ရေးဒိုင်း  ပင် ဖြစ်ချေသည်</p> <p> </p> <p>နက်သာစစ်တပ်၏ သည်းကြီးမဲကြီး တန်ပြန်တိုက်ခိုက်မှုကို ရင်ဆိုင်ရန်အတွက် မဟာမိတ်တပ်စုမှ စစ်သင်္ဘောအကြီးအငယ်များကလည်း ချက်ချင်းပင် အမြောက်များကို ဖွင့်လှစ်လိုက်ရာ အစွမ်းထက် ပါတီကယ် အလင်းတန်းများသည် ဟင်းလင်းပြင်ကို ဖြတ်သန်းသွားပြီး ရန်သူ့သင်္ဘောများကို တစ်စင်းပြီးတစ်စင်း ပေါက်ကွဲသွားစေသည်မှာ ရှုမငြီးစရာ မြင်ကွင်းတစ်ခုပင် ဖြစ်တော့သည်။</p> <p> </p> <p>နက်သာစစ်တပ်သည် အကျအဆုံး များပြားလှသော်လည်း နောက်သို့ ဆုတ်ခွာခြင်းမရှိဘဲ ‘တော်ဝင်ဂုဏ်သိက္ခာရှင်’ စစ်သင်္ဘောကိုသာ ပစ်မှတ်ထား၍ တိုက်ခိုက်နေကြလေသည်။</p> <p> </p> <p>သို့သော်လည်း ‘တော်ဝင်ဂုဏ်သိက္ခာရှင်’ မှာမူ လှိုင်းတံပိုးထန်လှသော ပင်လယ်ပြင်အလယ်ရှိ ကျောက်ဆောင်ကြီးတစ်ခုပမာ မုန်တိုင်းမည်မျှပင် ပြင်းထန်ပါစေ၊ မိမိ၏ ခိုင်မာလှသော ခုခံကာကွယ်မှုနှင့် စစ်သင်္ဘောများ၏ ဝန်းရံစောင့်ရှောက်မှုတို့အောက်၌ပင် အစွမ်းထက် အမြောက်ကြီး၏ အားသွင်းခြင်းကို အောင်မြင်စွာ ပြီးမြောက်စေခဲ့၏။</p> <p> </p> <p>၁၅ မိနစ်ခန့် ကြာမြင့်ပြီးနောက်တွင် ‘တော်ဝင်ဂုဏ်သိက္ခာရှင်’ စစ်သင်္ဘော၏ ဦးပိုင်းမှ အလွန်ထူထဲလှသော စွမ်းအင်အလင်းတန်းကြီး တစ်ခု ထွက်ပေါ်လာကာ လမ်းတွင် ပိတ်ဆို့နေသော ရန်သူ့သင်္ဘောအားလုံးကို ရေငွေ့ပျံသွားစေပြီး မီးလျှံဂြိုဟ်၏ လေထုကို ထွင်းဖောက်လျက် နက်သာတို့၏ အခြေစိုက်စခန်းဆီသို့ ကျရောက်သွားတော့သည်။</p> <p> </p> <p>ထိုကမ္ဘာပျက်မတတ် တုန်လှုပ်ဖွယ်ရာ အခိုက်အတန့်သည် အာကာသစစ်မြေပြင်တစ်ခုလုံးကို မှင်တက်သွားစေခဲ့၏။</p> <p> </p> <p>သို့သော်လည်း ‘ဂုဏ်သိက္ခာရှင်’စစ်င်္ဘော မှ ပစ်လွှတ်လိုက်သော ဖျက်ဆီးမှု စွမ်းအင်တန်းသည် နက်သာတို့၏ အခြေစိုက်စခန်းနှင့် ထိတွေ့မိသည်နှင့် တစ်ပြိုင်နက် ရုတ်ချည်းပင် တစစီကွဲကြေကာ တိတ်ဆိတ်စွာ ပျောက်ကွယ်သွားခဲ့ရာ နက်သာတို့၏ ကာကွယ်ရေးဒိုင်းကို ထွင်းဖောက်နိုင်ခြင်း မရှိခဲ့ပေ။</p> <p> </p> <p>သို့ရာတွင် မကြာမီမှာပင် နောက်ထပ် တိုက်တန်စစ်သင်္ဘော နှစ်စင်းသည် ရှေ့သို့ တိုးထွက်လာပြီး ၎င်းတို့၏ ဂြိုဟ်ဖျက်အမြောက်များကို နက်သာအခြေစိုက်စခန်းဆီသို့ ပစ်ခတ်လိုက်ပြန်သည်။</p> <p> </p> <p>‘တော်ဝင်ဂုဏ်သိက္ခာရှင်’စစ်သင်္ဘော က လူတိုင်း၏ အာရုံကို ဆွဲဆောင်ထားစဉ်တွင် အဆိုပါ စစ်သင်္ဘောနှစ်စင်းသည်လည်း အားသွင်းခြင်းကို ပြီးမြောက်ခဲ့ခြင်း ဖြစ်ပေရာ တစ်မိနစ်ခန့်သာ ခြား၍ ရန်သူ့အပေါ်သို့ ပြင်းထန်သော ထိုးနှက်ချက်များကို သွန်းလောင်းလိုက်တော့သည်။</p> <p> </p> <p>နက်သာတို့၏ အခြေစိုက်စခန်းရှိ ကာကွယ်ရေးဒိုင်းသည် ဒုတိယအကြိမ် ထိုးနှက်ချက်ကို ကြံ့ကြံ့ခံနိုင်ခဲ့သော်လည်း အပြင်ဘက်ရှိ အလင်းတန်းများမှာမူ ပြင်းထန်စွာ တုန်ခါသွားပြီး သိသိသာသာပင် မှိန်ဖျော့သွားခဲ့၏။</p> <p> </p> <p>တတိယအကြိမ် ပစ်ခတ်မှု ကျရောက်လာသောအခါတွင်မူ ထိုကာကွယ်ရေး အလွှာကြီးမှာ တစ်စစီ ပျက်စီးသွားလေတော့သည်။</p> <p>တစ်ချိန်တည်းမှာပင် မဟာမိတ်တပ်စုရှိ အမြန်ဖျက်သင်္ဘောများ၊ ဖျက်သင်္ဘောများနှင့် အစောင့်အရှောက် သင်္ဘောပေါင်းများစွာမှ ဒုံးကျည်ပေါင်း သောင်းနှင့်ချီ၍ ပစ်လွှတ်လိုက်ကြ၏။</p> <p> </p> <p>အာကာသဒုံးကျည်များ၏ အရှိန်မှာ အမြောက်ကြီးများ၏ စွမ်းအင်တန်းများလောက် မမြန်ဆန်သော်လည်း မိုင်ပေါင်း သောင်းနှင့်ချီသော အကွာအဝေးကိုမူ မိနစ်အနည်းငယ်အတွင်း ရောက်ရှိနိုင်ပေသည်။</p> <p> </p> <p>ထိုမျှလောက်သော အချိန်တိုလေးအတွင်း၌မူ နက်သာတို့အနေဖြင့် ၎င်းတို့၏ ကာကွယ်ရေးဒိုင်းကို ပြန်လည် တည်ဆောက်ရန် မဖြစ်နိုင်တော့ပေ။</p> <p>ရန်သူ့လေယာဉ်များက မည်မျှပင် ကြားဖြတ်ဟန့်တားရန် ကြိုးစားစေကာမူ ဒုံးကျည်အမြောက်အမြားသည် ကောင်းကင်ယံမှ ကျဆင်းလာကာ နက်သာတို့၏ အခြေစိုက်စခန်းပေါ်တွင် ပေါက်ကွဲကုန်တော့သည်။</p> <p> </p> <p>ဆက်လက်၍ တိုက်တန်အဆင့် စစ်သင်္ဘောများ အပါအဝင် အင်ပါယာ၏ စစ်သင်္ဘောအသီးသီးတို့သည် အနီးကပ် ချဉ်းကပ်လာကာ အမြောက်များဖြင့် ဗုံးမိုးရွာချကြလေတော့သည်။</p> <p>နက်သာတို့၏ အခြေစိုက်စခန်းအတွက်မူ နိဂုံးချုပ်ချိန်သို့ ရောက်ရှိခဲ့လေပြီ။</p> <p> </p> <p> </p> <p> </p>


Save