Book List

<h2 style="text-align: center;">ကျွန်တော် လူကောင်းပါ</h2> <h2 style="text-align: center;">အခန်း (၇၀၁)</h2> <h2 style="text-align: center;">*</h2> <p style="text-align:justify"> </p> <p style="text-align:justify">နိုင်ငံခြားသား ခရီးသွားဧည့်သည်များ၏ စူးစမ်းလိုစိတ်ထက် ကျဲခယ်အဖွဲ့၏ အုပ်ချုပ်မှုအောက်တွင် နေထိုင်ကြသော ပြည်သူလူထု၏ တုံ့ပြန်မှုမှာ ပိုမို၍ ရိုးစင်းပြီး အားကောင်းလှပါသည်။ မိမိတို့နိုင်ငံ၏ အင်အားကို ကိုယ်တိုင်မျက်မြင်တွေ့ရှိလိုက်ရချိန်တွင် သူတို့၏ ရင်တွင်းခံစားချက်များမှာ ထိန်းမနိုင် သိမ်းမရ ပေါက်ကွဲထွက်လာကြသည်။</p> <p style="text-align:justify">"အား... အား... အား... စစ်သင်္ဘောကြီး... ငါတို့နိုင်ငံရဲ့ စစ်သင်္ဘောကြီးဟေ့... မိုက်လိုက်တာ... တကယ်ကို အမိုက်စားကြီးပဲ"</p> <p style="text-align:justify">"ဝူး ဝူး ဝူး... ငါတို့နိုင်ငံရဲ့ အစွမ်းထက် စစ်သင်္ဘောကြီးတွေကို မြင်ရတဲ့အထိ အသက်ရှင်ခွင့် ရလိမ့်မယ်လို့ မထင်ထားခဲ့ဘူး။ တကယ်ကို ကောင်းကင်ဘုံက ငါတို့နိုင်ငံကို ကောင်းချီးပေးတာပဲ။ ကောင်းကင်ဘုံကို ကျေးဇူးတင်ပါတယ်။ ကျဲခယ် အဖွဲ့ကို ကျေးဇူးတင်ပါတယ်။ ကြီးမြတ်လှတဲ့ တပ်မှူးစုကိုလည်း ကျေးဇူးတင်ပါတယ်”</p> <p style="text-align:justify">"မြန်မြန်... ငါ့ကို ဓာတ်ပုံရိုက်ပေးပါဦး ငါ အသက်ကြီးလာရင် ငါ့မြေးတွေကို ဘင်္ဂလားပင်လယ်အော် ရေတပ်တိုက်ပွဲအကြောင်း ပြောပြရမယ်။ သူတို့အဘိုးက လာအိုနိုင်ငံရဲ့ အင်အားကို မျက်မြင်ကိုယ်တွေ့ မြင်ခဲ့ရသူဆိုတာကိုပေါ့”</p> <p style="text-align:justify">"ဒါ ငါတို့ရဲ့ စစ်သင်္ဘောဟေ့ အမေရိကန်ရဲ့ လေယာဉ်တင်သင်္ဘောတွေထက် မညံ့ဘူးလို့ ထင်တယ်။ ဟားဟား... ငါတို့ရေတပ်က ကမ္ဘာပေါ်မှာ အကောင်းဆုံးပဲကွ"</p> <p style="text-align:justify">လူအုပ်ကြီးထံမှ ထွက်ပေါ်လာသော အားပေးကြွေးကြော်သံများသည် မိုးချုန်းသံကဲ့သို့ ကောင်းကင်ယံ ထက်ဝယ် ဟိန်းထွက်နေပါသည်။ နိုင်ငံသားအများအပြားသည် နိုင်ငံတော် အလံငယ်များကို တလူလူ ဝှေ့ယမ်းကာ စိတ်လှုပ်ရှားမှုကြောင့် မျက်နှာများ နီရဲလျက်ရှိသည်။ သူတို့သည် မိမိတို့နိုင်ငံ၏ အစွမ်းထက်လှသော စစ်သင်္ဘောကြီးများကို ပိုမို နီးကပ်စွာ ကြည့်ရှုလိုသော ဇောစိတ်ဖြင့် ရှေ့သို့ အထိန်းအကွပ်မဲ့စွာ တိုးဝှေ့လာကြလေသည်။ </p> <p style="text-align:justify">လုံခြုံရေး တာဝန်ယူထားသော စစ်သားများမှာ လူအုပ်ကြီးကို ထိန်းသိမ်းရန် အဆက်မပြတ် ဖျောင်းဖျနေရသော်လည်း ထိုစစ်သားများကိုယ်တိုင်ပင် ပင်လယ်ပြင်ထက်၌ ခန့်ညားစွာ မျောပါနေသော မျိုစင်္ကြာ အတန်းအစား ရေနက်ပိုင်း ခရူဇာစစ်သင်္ဘော ခြောက်စင်းကို ကြည့်ရင်း သူတို့၏ မျက်လုံးအစုံတွင် ဂုဏ်ယူဝင့်ကြွားမှု အရိပ်အယောင်များ ထင်ဟပ်နေပါသည်။ လူအုပ်ကြီးသည် ရေလှိုင်းများသဖွယ် တရဟော တိုးဝှေ့နေကြပြီး ပြာလဲ့နေသော ပင်လယ်ပြင်ထက်ဝယ် တောင်ကြီးများပမာ ခမ်းနားစွာ တည်ရှိနေသည့် ခရူဇာစစ်သင်္ဘောကြီးများကို ကြည့်ရင်း သူတို့၏ ရင်ထဲတွင် ကြည်နူးမှုများ အချိန်အတော်ကြာအောင် လှုပ်ခတ်နေကြသည်။</p> <p style="text-align:justify">အမှန်စင်စစ် ရေတပ်ဆိုသည်မှာ နိုင်ငံတစ်နိုင်ငံ၏ အင်အားနှင့် ဩဇာကို ပြသသည့် အဓိက ပြယုဂ်များထဲမှ တစ်ခုဖြစ်သည်။ သမိုင်းကြောင်းကို ပြန်ကြည့်လျှင် ဗြိတိန်ရေတပ်သည် သမုဒ္ဒရာများကို စိုးမိုးကာ ကမ္ဘာအနှံ့တွင် ကိုလိုနီများကို သိမ်းပိုက်ခဲ့ပြီး နေမဝင်အင်ပါယာ ဟု ကြွေးကြော်ကာ ထိုခေတ်က ကမ္ဘာ့အာဏာရှင်ကြီး ဖြစ်ခဲ့ဖူးသည်။ </p> <p style="text-align:justify">ဒုတိယကမ္ဘာစစ်အပြီးတွင်မူ အမေရိကန်က ဗြိတိန်ထံမှ ထိုသရဖူကို လုယူကာ ကမ္ဘာမြေ၏ ဒုတိယမြောက် အာဏာရှင်ဖြစ်လာခဲ့သည်။ ၎င်းတို့ပိုင်ဆိုင်ထားသော နျူကလီးယားစွမ်းအင်သုံး လေယာဉ်တင်သင်္ဘော တိုက်ခိုက်ရေးအုပ်စု (၁၂) ခုသည် ကမ္ဘာသူကမ္ဘာသားတို့၏ စိတ်ထဲတွင် အမေရိကန်၏ အင်အားကို အနက်ရှိုင်းဆုံး ရိုက်နှိပ်ထားသော အမှတ်အသားပင် ဖြစ်သည်။ </p> <p style="text-align:justify">လေယာဉ်တင်သင်္ဘော တိုက်ခိုက်ရေးအုပ်စုများသည် အမေရိကန်၏ မျက်လုံးအိမ်တွင်းမှ မျက်ဆန်များ ကဲ့သို့ အရေးပါလှသည်။ ကမ္ဘာ့နေရာအနှံ့တွင် အရေးကြီးသော ဖြစ်ရပ်တစ်ခုခု ပေါ်ပေါက်လာတိုင်း သမ္မတက "ငါတို့ရဲ့ လေယာဉ်တင်သင်္ဘောတွေ ဘယ်မှာလဲ" ဟု မလွဲမသွေ မေးမြန်းလေ့ရှိခြင်းမှာ လေယာဉ်တင်သင်္ဘော တိုက်ခိုက်ရေးအုပ်စုများ၏ မဟာဗျူဟာမြောက် ဩဇာလွှမ်းမိုးမှုကို ထင်ရှားစေသည်။</p> <p style="text-align:justify">ကြည်းတပ် အင်အားကြီးမားခြင်းသည် နိုင်ငံတော်ကို ကာကွယ်ရန်အတွက်သာ ဖြစ်သည်ဟူသော အယူအဆကို ပေးစွမ်းသော်လည်း ရေတပ် အင်အားကြီးမားခြင်းကမူ အစွယ်များကို ထုတ်ပြနေသကဲ့သို့ အခြားသော နိုင်ငံများကို မဟာဗျူဟာမြောက် ထိုးစစ်ဆင်နိုင်သော ခြိမ်းခြောက်မှု အထင်အမြင်ကို ပေးစွမ်းလေသည်။ အနောက်တိုင်းနိုင်ငံများသည် ၎င်းတို့၏ အစွမ်းထက်လှသော ရေတပ်နှင့် အမြောက်ကြီးများကို အားကိုးကာ မရေမတွက်နိုင်သော နိုင်ငံများကို ကျူးကျော်ခဲ့ကြသည်။ </p> <p style="text-align:justify">ထို့ကြောင့် ရေတပ်ချဲ့ထွင်ရေးဝါဒနှင့် ဧရာမစစ်သင်္ဘောကြီးများ၏ ဗိုလ်ကျမှုကို ခံစားခဲ့ရသော နိုင်ငံတိုင်း၏ စိတ်ထဲတွင် ရေတပ်အင်အားသည် အင်အားကြီးနိုင်ငံတစ်ခု၏ သင်္ကေတအဖြစ် အမြစ်တွယ်နေခဲ့သည်။ ကြီးမားသော စစ်သင်္ဘောကြီးများသည် အမှန်တကယ်တွင် အင်အား ကြီးမားပြီး ချမ်းသာကြွယ်ဝသော နိုင်ငံများသာ ကစားနိုင်သည့် ကစားစရာ အရုပ်ကြီးများ ဖြစ်ကြသည်။</p> <p style="text-align:justify">အရှေ့တောင်အာရှ ကျွန်းဆွယ်ရှိ နိုင်ငံများသည် ကာလရှည်ကြာစွာ အင်အားချည့်နဲ့ခဲ့ကြသည်။ အထူးသဖြင့် လာအိုနိုင်ငံမှ ပြည်သူများသည် ကျဲခယ်အဖွဲ့ အာဏာမရယူမီက ပြည်တွင်းစစ်မီးများ ကြားတွင် အဆက်မပြတ် လုံးပန်းခဲ့ကြရသူများ ဖြစ်သည်။ </p> <p style="text-align:justify">ယခုအခါ ၎င်းတို့ကိုယ်ပိုင် အစွမ်းထက် စစ်သင်္ဘောကြီးများကို မြင်တွေ့ရသောအခါ ဂုဏ်ယူမှုနှင့် ကိုယ့်ကိုယ်ကိုယ် ယုံကြည်မှုတို့က ရင်ဘတ်ထဲမှ ပေါက်ကွဲထွက်မတတ် ဖြစ်နေရသည်။ စိတ်လှုပ်ရှားမှုများ လျှံကျလာကာ အချို့မှာ ဝမ်းသာမျက်ရည်များပင် ကျလာပြီး အထိန်းအကွပ်မဲ့စွာ ရှိုက်ငိုနေကြသည်။ ထိုမျက်ရည်များသည်ကား သူတို့၏ ဂုဏ်သိက္ခာကို ပြန်လည်ရရှိခြင်းအတွက် စိတ်လှုပ်ရှားမှု မျက်ရည်များပင် ဖြစ်လေသည်။</p> <p style="text-align:justify">ဧရာဝတီ စစ်သင်္ဘောကြီး ဘန်ကောက်ဆိပ်ကမ်းသို့ ဖြည်းညင်းစွာ ဝင်ရောက်လာချိန်တွင် လူအုပ်ကြီး၏ အားပေးသံမှာ အမြင့်ဆုံးသို့ ရောက်ရှိသွားသည်။ ဆိပ်ခံတံတားတွင် ပြင်ဆင်ထားသော အမြောက်များက ဆက်တိုက် ပစ်ဖောက်ကာ အောင်ပွဲကို ဂုဏ်ပြုလိုက်ကြသည်။ </p> <p style="text-align:justify">စစ်တီးဝိုင်းကလည်း တက်ကြွစွာ တီးမှုတ်နေပြီး ဂုဏ်ပြုတပ်ဖွဲ့က တည်ကြည်လေးနက်သော မျက်နှာများဖြင့် ရေတပ်စစ်သားများ၏ အောင်ပွဲခံ အပြန်ခရီးကို ကြိုဆိုဂုဏ်ပြုလိုက်ကြသည်။ ဆိပ်ခံတံတားရှိ ပြည်သူများ၏ အားပေးသံများမှာ လှိုင်းလုံးကြီးများအလား မြင့်တက်လာသည်။ </p> <p style="text-align:justify">စစ်သားများ ခရူဇာစစ်သင်္ဘောပေါ်မှ ဆင်းလာသောအခါ ငယ်ရွယ် လှပသော အမျိုးသမီးများစွာက အော်ဟစ်ကာ စစ်သားများ၏ ကန့်သတ်မျဉ်းကိုပင် ကျော်လွန်ဝင်ရောက်လာကြသည်။ သူတို့သည် ရေတပ်စစ်သားများကို ပန်းကုံးများ စွပ်ပေးကာ နွေးထွေးစွာ နမ်းရှုံ့ကြသဖြင့် ထိုနေရာရှိ လူငယ် အများအပြားမှာ မနာလိုဖြစ်သွားကြရသည်။ ထိုမြင်ကွင်းသည် သူတို့၏ ရင်ထဲတွင် နိုင်ငံအတွက် စစ်မှုထမ်းလိုသည့် စိတ်ဓာတ်မျိုးစေ့ကို အလိုအလျောက် စိုက်ပျိုးပေးလိုက်သကဲ့သို့ ဖြစ်သွားသည်။</p> <p style="text-align:justify">ပထမ ရေတပ်စု၏ တပ်မမှူး ဖန်ဟုန်ထိုက်သည် စစ်ကြောင်း၏ ရှေ့ဆုံးမှ လျှောက်လှမ်းလာသည်။ သူသည် တပ်မှူး ခြောက်ဦးကို ဦးဆောင်လျက် သတင်းထောက်များ၏ ကင်မရာမီးရောင်များ တဖျတ်ဖျတ် လင်းလက်နေသည့် ကြားမှ စုကျဲ၏ ရှေ့သို့ ရောက်ရှိလာသည်။</p> <p style="text-align:justify">"ပထမ ရေတပ်စု တပ်မမှူး ဖန်ဟုန်ထိုက်နဲ့တကွ ပထမ ရေတပ်စုက ရေတပ်အရာရှိနဲ့ စစ်သားအားလုံး တာဝန်ကနေ ပြန်လည်ရောက်ရှိလာပြီး ကြီးမြတ်လှတဲ့ တပ်မှူးစုကို အလေးပြုပါတယ်။ တပ်မှူးစုရဲ့ မျှော်လင့်ချက်တွေကို ကျွန်တော်တို့ အချည်းနှီး မဖြစ်စေခဲ့ပါဘူး။ ဒီတိုက်ပွဲမှာ အိန္ဒိယရဲ့ ဗီကရန့် လေယာဉ်တင်သင်္ဘောနဲ့ စုစုပေါင်း အဓိက စစ်သင်္ဘော အစင်း ၃၀ ကို နှစ်မြှုပ်ပစ်နိုင်ခဲ့ပြီး ဘင်္ဂလား ပင်လယ်အော်မှာ ငြိမ်းချမ်းရေးနဲ့ စည်းကမ်းတကျရှိမှုကို ဆောင်ကြဉ်းပေးနိုင်ခဲ့ပါတယ်။ ကြီးမားပြီး အောင်မြင်တဲ့ အောင်ပွဲတစ်ရပ်ပါပဲ”</p> <p style="text-align:justify">တပ်မမှူး ဖန်ဟုန်ထိုက်သည် စကားပြောအပြီးတွင် လှပသော လက်ဆောင်ဘူးတစ်ခုကို စုကျဲထံ ကမ်းပေးလိုက်သည်။ ထိုဘူးထဲတွင် လှပသော ခါးကြားထိုးသေနတ် တစ်လက် ပါရှိနေသည်။ ၎င်းမှာ အိန္ဒိယ ရေတပ်စု တပ်မှူး ကူးမား၏ ကိုယ်ပိုင်သေနတ်ပင် ဖြစ်လေသည်။</p> <p style="text-align:justify">"မင်းတို့ ပင်ပန်းသွားပြီ။ ပင်လယ်နဂါးဆိုတဲ့ နာမည်နဲ့ တကယ်ကို ထိုက်တန်ပါတယ်”</p> <p style="text-align:justify">စုကျဲသည် တပ်မမှူး ဖန်ဟုန်ထိုက်၏ ယူနီဖောင်းကို သေသပ်သွားအောင် ကိုယ်တိုင်ပြင်ပေးလိုက်သည်။ ထို့နောက် သေနတ်ကို ကောက်ယူကာ ခဏတာ စစ်ဆေးကြည့်ရှုပြီးမှ ကျေနပ်စွာ လက်ခံလိုက်သည်။</p> <p style="text-align:justify">"ဒီလက်ဆောင်ကို ငါ အရမ်းသဘောကျတယ်။ မင်းလည်း ဒီလက်ဆောင်ကို သဘောကျမယ်လို့ ငါထင်တယ်”</p> <p style="text-align:justify">စုကျဲက ပြုံးလျက် ပြောလိုက်ပြီးနောက် လျူယင်းယင်း ကိုင်ဆောင်ထားသော ဗန်းထဲမှ တံဆိပ် တစ်ခုကို ယူကာ တပ်မမှူး ဖန်ဟုန်ထိုက်၏ ပခုံးပေါ်တွင် ကိုယ်တိုင် တပ်ဆင်ပေးလိုက်သည်။ ၎င်းမှာ သူ၏ အစွမ်းသတ္တိအတွက် ချီးမြှင့်သော ဂုဏ်ထူးဆောင် တံဆိပ်ပင် ဖြစ်သည်။</p> <p style="text-align:justify">"ချီးမြှင့်တဲ့အတွက် ကျေးဇူးတင်ပါတယ် တပ်မှူးစု။ အခု သုံ့ပန်းတွေကို ပြသခွင့်ပြုပါ”</p> <p style="text-align:justify">တပ်မမှူး ဖန်ဟုန်ထိုက်က ပြုံး၍ ခွင့်တောင်းလိုက်ရာ သူ၏ အမိန့်ပေးမှုအောက်တွင် အိန္ဒိယ ရေတပ်မှ သုံ့ပန်းများကို ဧရာဝတီ ခရူဇာစစ်သင်္ဘောပေါ်မှ တစ်ယောက်ပြီး တစ်ယောက် ခေါ်ဆောင်လာခဲ့ကြသည်။ အိန္ဒိယ သုံ့ပန်းများသည် ညှဉ်းပန်းနှိပ်စက်ခံထားရခြင်း မရှိသဖြင့် စိတ်ပျက်အားငယ်နေပုံလည်း မပေါ်ပေ။ သူတို့ သင်္ဘောပေါ်မှ ဆင်းလာသောအခါ မိမိတို့ကို မည်သည့်နေရာသို့ ခေါ်ဆောင်လာသနည်းဟု သိချင်စိတ်ဖြင့် ပတ်ဝန်းကျင်ကို ဝေ့ဝဲ ကြည့်ရှုနေကြသည်။</p> <p style="text-align:justify">သို့သော် ဆိပ်ခံတံတားပေါ်ရှိ လူအုပ်ကြီးကို မြင်လိုက်ရသောအခါတွင်မူ ၎င်းတို့၏ လက်ရှိ အခြေအနေကို ချက်ချင်း သဘောပေါက်သွားကြတော့သည်။ ကျဲခယ်အဖွဲ့၏ စစ်ရေးအင်အား ပြသမှုတွင် လူပုံအလယ်၌ ပြသခံရမည့် ကိရိယာများအဖြစ် လမ်းမများတစ်လျှောက် လိုက်ပါလာရန် စီစဉ်ထားမှုကို သူတို့ နာခံစွာ လက်ခံလိုက်ကြရသည်။ </p> <p style="text-align:justify">သုံ့ပန်းများထဲတွင် ရေတပ်စု တပ်မမှူး ကူးမားလည်း ပါဝင်သည်။ သူသည် မျက်နှာငယ်လေးဖြင့် ခေါင်းငုံ့ထားကာ မည်သူ့ကိုမျှ မကြည့်ရဲပေ။ </p> <p style="text-align:justify">သူသည် တစ်ချိန်က မြင့်မြတ်လှသော ရာထူးနေရာကို ပိုင်ဆိုင်ခဲ့သော်လည်း ယခုအခါ သုံ့ပန်း တစ်ယောက် အဖြစ် လူအများရှေ့တွင် ခွေးတစ်ကောင်လို လမ်းလျှောက်ပြနေရသဖြင့် သူ၏ ရင်ထဲရှိ ရှက်ရွံ့မှုကြောင့် မြေကြီးထဲသာ တိုးဝင်ပုန်းကွယ်ချင်စိတ် ပေါက်သွားစေသည်။</p> <p style="text-align:justify">ထို့အပြင် တိုက်ပွဲတွင် သိမ်းဆည်းရမိသော လက်နက်များ၊ စစ်တပ်အလံများနှင့် အခြား စစ်နိုင်ပစ္စည်းများကိုလည်း ခင်းကျင်းပြသထားသည်။ ထိုအထဲတွင် အထင်ရှားဆုံးမှာ အိန္ဒိယ၏ အလတ်စား ဖရီးဂိတ်စစ်သင်္ဘောတစ်စင်း ဖြစ်သည်။ ၎င်းကို ဘန်ကောက်ဆိပ်ကမ်းသို့ တွဲဆွဲသင်္ဘောဖြင့် ဆွဲယူလာခဲ့ခြင်းဖြစ်ပြီး ပြည်သူများ လေ့လာ ကြည့်ရှုနိုင်ရန် ဖွင့်လှစ်ပေးထားသည်။ </p> <p style="text-align:justify">အနှီ ဖရီးဂိတ်စစ်သင်္ဘောသည် ဘင်္ဂလားပင်လယ်အော် ရေတပ်တိုက်ပွဲတွင် သင်္ဘောဖျက် ဒုံးကျည် ထိမှန်ခဲ့ပြီး ပင်လယ်ပြင်တွင် မလှုပ်မရှားနိုင်ဖြစ်နေစဉ် ကျဲခယ်အဖွဲ့ ရေတပ်က သိမ်းဆည်းခဲ့ခြင်း ဖြစ်သည်။ လာအိုနိုင်ငံသား အများအပြားသည် ထိုစစ်သင်္ဘောပေါ်သို့ စိတ်လှုပ်ရှားစွာ ပြေးတက်သွားကြပြီး မှတ်တမ်းတင် ဓာတ်ပုံများ ရိုက်ကာ အင်တာနက်ပေါ်သို့ တင်လိုက်ကြသည်။</p> <p style="text-align:justify">ဤဓာတ်ပုံများနှင့် ဗီဒီယိုများ ပြန့်နှံ့သွားသည်နှင့်တပြိုင်နက် အခြားနိုင်ငံမှ အင်တာနက် အသုံးပြုသူများမှာ မနာလိုဖြစ်ကာ ကြည့်နေကြသော်လည်း အိန္ဒိယနိုင်ငံအတွက်မူ အခြေအနေက ပိုမို ဆိုးရွားလှသည်။ မိမိတို့၏ စစ်သင်္ဘောများကို ကျဲခယ်အဖွဲ့က ဖမ်းဆီးရုံတင်မကဘဲ ဘန်ကောက်ဆိပ်ကမ်းတွင် လူသိရှင်ကြား ပြသထားကြောင်း သိရှိလိုက်ရသောအခါ အိန္ဒိယသားများသည် ဒေါသအလိပ်လိပ် ထွက်သွားကြသည်။ </p> <p style="text-align:justify">သူတို့သည် အွန်လိုင်းတွင် ဆဲဆိုကြပြီး ထိုမှတ်တမ်းတင် ဓာတ်ပုံများ၏ မှတ်ချက်များတွင် ကျဲခယ်အဖွဲ့ နိုင်ငံသားများနှင့် အချေအတင် စကားများ ကြတော့သည်။</p> <p style="text-align:justify">"မနက်ဖြန်ကျရင် အဲဒီ မီဒီယာသတင်းထောက်တွေက ကျွန်မတို့က ကြွားလုံးထုတ်ပြီး ဗိုလ်ကျနေတယ် ဆိုပြီး အဓိပ္ပာယ် မရှိတာတွေ အများကြီး ရေးကြဦးမှာပဲ”</p> <p style="text-align:justify">လျူယင်းယင်းသည် စုကျဲ၏ ဘေးတွင်ရပ်ကာ သုံ့ပန်းများကို လမ်းလျှောက်ပြနေသည်ကို ကြည့်ရင်း စိုးရိမ်တကြီး ပြောလိုက်သည်။ စုကျဲက ပြုံးလိုက်ပြီး ဘေးပတ်လည်ရှိ လူအုပ်ကြီးကို လက်ညှိုးထိုးပြကာ လျူယင်းယင်းအား ပြန်လည်ပြောကြားလိုက်သည်။</p> <p style="text-align:justify">"ကြွားလုံးထုတ်တယ် ဟုတ်လား။ ငါတို့က စစ်နိုင်ထားတာလေ။ ဘာလို့ နည်းနည်းပါးပါး ကြွားလုံး မထုတ်ရမှာလဲ။ ဒါက ငါတို့ရဲ့ ဂုဏ်သိက္ခာပဲ။ ပတ်ဝန်းကျင်ကို ကြည့်လိုက်စမ်းပါ။ လူတိုင်းက ငါတို့အတွက် အားပေးနေကြတယ်။ ဒါက ငါတို့ မှန်ကန်တဲ့ အလုပ်ကို လုပ်နေတယ်ဆိုတာ ပြနေတာပဲ။ စစ်ရှုံးတဲ့အခါကျမှသာ လိပ်ခွံထဲ ခေါင်းဝှက်ထားသလိုမျိုး လူလုံးမပြရဲဘဲ နှိမ့်ချနေရမှာပေါ့။ ငါတို့ရဲ့ အသံကို တစ်ကမ္ဘာလုံး ကြားစေချင်တယ်။ အခုကစပြီး ဒီကျယ်ပြောလှတဲ့ သမုဒ္ဒရာကြီးမှာ ငါတို့ ကျဲခယ် အဖွဲ့ ရေတပ်အတွက် နေရာတစ်ခု ရှိလာပြီ။ ဘယ်သူမှ ငါတို့ကို လျစ်လျူရှုလို့ မရတော့ဘူး”</p> <p style="text-align:justify">ဒါတူဟောက်သည် စုကျဲ၏ စကားများကို ကြားသော်လည်း ဝင်ရောက်မပြောရဲပေ။ သူ၏ ရင်ထဲတွင်မူ ပြင်းထန်သော နာကြည်းမှု အသွယ်သွယ်သာ ပေါ်ပေါက်လာသည်။ </p> <p style="text-align:justify">ဤမျှ ခမ်းနားကြီးကျယ်သော မြင်ကွင်းမျိုး သူတို့ မလေးရှားတွင် ဖြစ်ပေါ်လာစေရန် သူ မည်မျှလောက် ဆန္ဒရှိလိုက်သနည်း။ အကယ်၍သာ ဖြစ်လာခဲ့လျှင် မည်မျှ ကောင်းလိုက်မည်နည်းဟု တွေးတောနေမိသည်။ </p> <p style="text-align:justify">သို့သော် ကံမကောင်းစွာဖြင့် ထိုကဲ့သို့သောအရာမျိုးမှာ အိပ်မက်ထဲတွင်သာ ဖြစ်နိုင်ပေလိမ့်မည်။ လက်တွေ့ဘဝတွင်မူ မလေးရှားသည် ကျဲခယ်အဖွဲ့၏ အနိုင်ကျင့် ဗိုလ်ကျမှုကို ခံနေရသည့် အားနည်းသော နိုင်ငံငယ်လေးတစ်ခုမျှသာ ဖြစ်နေဆဲပင်။</p> <p style="text-align:justify">"ဒါ အမှန်တရားပဲ”</p> <p style="text-align:justify">လျူယင်းယင်းသည် စုကျဲ၏ စကားကြောင့် ရင်ထဲတွင် တုန်လှုပ်သွားရသည်။ ပတ်ဝန်းကျင်ရှိ လူအုပ်ကြီးကို ကြည့်ကာ စုကျဲပြောသော စကားသည် စစ်မှန်သော လောကနိယာမ အမှန်တရား ဖြစ်နိုင်ကြောင်း သူမ ခံစားလိုက်ရသည်။</p> <p style="text-align:justify">စစ်သင်္ဘောများ၏ အသွင်အပြင်၊ ဆုတံဆိပ်များ ချီးမြှင့်ခြင်းနှင့် သုံ့ပန်းများကို ပြသခြင်းတို့တွင် ကျဲခယ်အဖွဲ့သည် မည်သည့်အရာကိုမျှ ဖုံးကွယ်မထားခဲ့ပေ။ အရာအားလုံးကို ကမ္ဘာ့မီဒီယာများရှေ့တွင် ပွင့်လင်းစွာ ပြသခဲ့သည်။ သတင်းထောက်များမှာမူ သတင်းကြီးများ အမြဲဖန်တီးလေ့ရှိသော ကျဲခယ်အဖွဲ့၏ လုပ်ရပ်များကို စိတ်ဝင်စားစွာဖြင့် မှတ်တမ်းတင်နေကြသည်။</p> <p style="text-align:justify"> </p> <p style="text-align: center;">***</p>


Save