Book List

<h2 style="text-align: center;">အခန်း (၇၀၃)</h2> <h2 style="text-align: center;">*</h2> <p> </p> <p style="text-align:justify">လွတ်လပ်သော နိုင်ငံတစ်ခုမှ ရုတ်တရက် ကျဲခယ် အဖွဲ့၏ ထိန်းချုပ်မှုအောက် ရောက်သွားသည်ကို ပြည်သူများက လက်မခံနိုင်ကြပေ။ ဤကဲ့သို့ ဆန္ဒပြမှုများကို ရင်ဆိုင်ရချိန်တွင် မလေးရှားအစိုးရက ပြတ်သားစွာ တန်ပြန်အရေးယူမှုများ ပြုလုပ်ခဲ့ပြီး ဆန္ဒပြသူများကို လူစုခွဲရန် စစ်ရဲများကို စေလွှတ်ခဲ့သည်။ မလေးရှား စစ်တပ်က ကျဲခယ် အဖွဲ့ကို မတိုက်ခိုက်နိုင်သော်လည်း ပြည်တွင်း ဆန့်ကျင်သူများကို နှိမ်နင်းရာတွင်တော့ အလွယ်တကူပင် အောင်မြင်ခဲ့ကြသည်။</p> <p style="text-align:justify">မလေးရှားက နှိမ်နင်းနေစဉ် သမ္မတ ဒါတူဟောက်ကလည်း ကျဲခယ် အဖွဲ့သည် ဝင်ရောက်စွက်ဖက်ရန် မဟုတ်ဘဲ ကူညီရန် ရောက်လာခြင်းဖြစ်ကြောင်းနှင့် မလေးရှားကို မိမိတို့ လူမျိုးများကသာ ဆက်လက် ဦးဆောင်နေဆဲဖြစ်ကြောင်း အဆက်မပြတ် ရှင်းလင်းပြောကြားနေခဲ့သည်။ သို့သော် ထိုစကားများကို ပြင်ပကမ္ဘာက လှောင်ပြောင် သရော်ခဲ့ကြပါသည်။ </p> <p style="text-align:justify">မလေးရှားသည် ကျဲခယ် အဖွဲ့နှင့် ပထဝီဝင်အရ နီးကပ်စွာ တည်ရှိနေပြီး ယခုအခါ တပ်များပါ လာရောက် တပ်စွဲထားပြီဖြစ်ရာ အရာရာတိုင်းတွင် ကျဲခယ် အဖွဲ့၏ မျက်နှာကို ထောက်ထားရတော့မည်မှာ အမှန်ပင် ဖြစ်သည်။ အကယ်၍ ကျဲခယ် အဖွဲ့က ဝင်ရောက် စွက်ဖက်ချင်သည် ဆိုလျှင် မလေးရှားက ငြင်းဆန်ရန် အင်အားမရှိတော့ပေ။</p> <p style="text-align:justify">ဒါတူဟောက်သည် သူ၏ ရှင်းလင်းချက်များ အားနည်းကြောင်း သိသော်လည်း သူ့တွင် အခြား ရွေးချယ်စရာ မရှိခဲ့ပေ။ မလေးရှားသည် နိုင်ငံငယ်လေးတစ်ခုမျှသာ ဖြစ်ပြီး ဤမျှ သေးငယ်သော နိုင်ငံလေးသည် ကျဲခယ် အဖွဲ့ရှေ့တွင် အကြောက်တရားဖြင့် တုန်ရီနေရုံမှလွဲ၍ ဘာမျှ မတတ်နိုင်ခဲ့ချေ။ </p> <p style="text-align:justify">အမေရိကန်၏ ကျောထောက်နောက်ခံ မရှိဘဲ ကျဲခယ် အဖွဲ့ကို ဆန့်ကျင်ပါက ပြင်းထန်သော တိုက်ခိုက်မှုများကိုသာ ရင်ဆိုင်ရမည်ဖြစ်ပြီး ထိုအချိန်ကျလျှင် နိုင်ငံသည် သိမ်းပိုက်ခံရမည့်အပြင် အဆင့်မြင့် အရာရှိများပါ ရှင်းလင်းခံရမည်ဖြစ်သောကြောင့် သူတို့၏ ရာထူးများအတွက် ကျဲခယ် အဖွဲ့နှင့် ပူးပေါင်းရန် ရွေးချယ်ခဲ့ခြင်း ဖြစ်သည်။ သို့သော် ပြည်သူအများစုမှာမူ ယခင်က သူတို့ကြား၌ နတ်ဆိုးတစ်ပါး အဖြစ် ပုံဖော်ခံခဲ့ရသော ကျဲခယ်အဖွဲ့၏ အုပ်ချုပ်မှုကို လက်ခံရန် ခက်ခဲနေကြဆဲပင်။</p> <p style="text-align:justify">သို့သော် ကျဲခယ် အဖွဲ့အတွက်မူ မလေးရှား ပြည်သူများ၏ အတွေးမှာ အရေးမကြီးလှပေ။ သူတို့ လိုအပ်သည်မှာ မလေးရှား၏ သယံဇာတများနှင့် မဟာဗျူဟာမြောက် တည်နေရာပင် ဖြစ်သည်။ </p> <p style="text-align:justify">မလေးရှားသည် ကရာတူးမြောင်း၏ အောက်ဘက်တွင် တည်ရှိပြီး မလက္ကာ ရေလက်ကြားကို ထိန်းချုပ်ထားနိုင်သောကြောင့် ၎င်းကို သိမ်းပိုက်ခြင်းက ကျဲခယ်အဖွဲ့အတွက် အဆုံးမဲ့ စည်းစိမ်နှင့် ဩဇာအာဏာကို ယူဆောင်လာပေးမည် ဖြစ်သည်။ ထို့အပြင် မလေးရှားကို ထိန်းချုပ်လိုက်ခြင်းဖြင့် ကျဲခယ် အဖွဲ့၏ ဩဇာလွှမ်းမိုးမှု နယ်ပယ်မှာ ပိုမိုကျယ်ပြန့်လာပြီး မလေးရှား၏ ပင်လယ်ပြင် ဧရိယာများကို သူတို့၏ ပြည်တွင်းပင်လယ်တစ်ခုအဖြစ် ပြောင်းလဲနိုင်မည် ဖြစ်သည်။</p> <p style="text-align:justify">ကျဲခယ် အဖွဲ့၏ စစ်တပ်သည် မလေးရှား ပြည်တွင်းမှ ဆူပူမှုများကို ဂရုမစိုက်ဘဲ စစ်စခန်းများ တည်ဆောက်ခြင်းကို ဆက်လက် လုပ်ဆောင်ခဲ့သည်။ မလေးရှားရှိ ဆန္ဒပြလူအုပ်ကြီးမှာမူ ကျဲခယ်အဖွဲ့ကို ရက်စက်သော လူသတ်ကောင်များအဖြစ် ယုံကြည်နေကြသဖြင့် သူတို့၏ စစ်တပ်ကို ထိပ်တိုက်ရင်ဆိုင်ရန် မဝံ့ရဲကြပေ။ </p> <p style="text-align:justify">ဤသို့ဖြင့် ကျဲခယ် အဖွဲ့သည် မလေးရှား နယ်မြေအားလုံးကို "မိတ်ဆွေဖြစ် လုံခြုံရေး စာချုပ်" ဟူသော အမည်လှလှလေးဖြင့် အလွယ်တကူ သိမ်းပိုက်နိုင်ခဲ့သည်။ ကျဲခယ်အဖွဲ့က ၎င်းတို့သည် မလေးရှားကို ဆိုးသွမ်းသော အိမ်နီးချင်း ၏ ခြိမ်းခြောက်မှုမှ ကာကွယ်ရန် ရောက်လာခြင်းဖြစ်သည်ဟု ဆိုလေသည်။ ထိုဆိုးသွမ်းသော အိမ်နီးချင်းမှာ စင်ကာပူပင် ဖြစ်သည်။</p> <p style="text-align:justify">မလေးရှားနှင့် စင်ကာပူသည် သမိုင်းကြောင်းအရရော ပထဝီအရပါ အလွန်နီးကပ်သော ဆက်ဆံရေး ရှိကြသည်။ ၁၉၂၃ ခုနှစ်တွင် တည်ဆောက်ပြီးစီးခဲ့သော စင်ကာပူ-မလေးရှား တံတားသည် နိုင်ငံနှစ်ခုကို ဆက်သွယ်ပေးထားပြီး နိုင်ငံသားများသည် ထိုတံတားကို ဖြတ်သန်းသွားလာလေ့ ရှိကြသည်။ </p> <p style="text-align:justify">သို့သော် ဧပြီလ ၁၂ ရက်နေ့ ညတွင်မူ အမြောက်သံများက ထိုငြိမ်းချမ်းရေးကို ဖျက်ဆီးပစ်လိုက်သည်။ ရုတ်တရက် ဝင်ရောက် တိုက်ခိုက်ခဲ့သော တပ်ဖွဲ့မှာ မလေးရှား၏ အကောင်းဆုံး အထူးတပ်ဖွဲ့ ဖြစ်သော အမှတ် ၁၀ လေထီးတပ်မဟာပင်ဖြစ်သည်။ သူတို့သည် လက်ရွေးစင် တပ်ဖွဲ့များ ဖြစ်ကြပြီး ညအမှောင်ကို အကာအကွယ်ယူကာ စင်ကာပူဘက်သို့ စတင် တိုက်ခိုက်ခဲ့ကြသည်။</p> <p style="text-align:justify">"တိုက်... တိုက်... ရှေ့ကို တိုး ငါတို့ မြေကို ပြန်ယူမယ်"</p> <p style="text-align:justify">"သူတို့ကို အသေသာ ကြိတ်။ ငရဲပြည်ရောက်အောင် ဗုံးကြဲပစ်"</p> <p style="text-align:justify">"မလေးရှားအတွက်… ကျဲခယ် အဖွဲ့အတွက်ဟေ့…"</p> <p style="text-align:justify">မလေးရှား စစ်သားများသည် အမြောက်များနှင့် လက်နက်ကိုင် ရဟတ်ယာဉ်များ၏ ကူညီမှုဖြင့် စင်ကာပူ-မလေးရှား တံတား၏ တစ်ဖက်ကမ်းသို့ လျင်မြန်စွာ ဝင်ရောက်တိုက်ခိုက်ခဲ့ကြသည်။ အိပ်မောကျနေသော စင်ကာပူ စစ်သားများသည် ပေါက်ကွဲသံများကြောင့် လန့်နိုးလာကြသော်လည်း တုံ့ပြန်ရန် အချိန်မရလိုက်ပေ။ </p> <p style="text-align:justify">ရဟတ်ယာဉ်များ၏ ဒုံးကျည်များနှင့် အော်တိုအမြောက်များကြောင့် စင်ကာပူ စစ်သားများ အကြီးအကျယ် သေဆုံးခဲ့ရသည်။ လေထီးတပ်သားများကလည်း အဆောက်အဦးများပေါ်သို့ ဆင်းသက်ကာ ကျန်ရှိနေသော ရန်သူများကို ရှင်းလင်းခဲ့ကြသည်။ Alvis Scorpion သံချပ်ကာယာဉ်များ တံတားကို ဖြတ်ကျော်လာချိန်တွင် တိုက်ပွဲသည် မလေးရှား၏ အောင်ပွဲအဖြစ် အဖြေ ပေါ်သွားခဲ့ပြီး စင်ကာပူ စစ်သားများမှာ လက်နက်ချခြင်း သို့မဟုတ် ထွက်ပြေးခြင်းသာ ပြုလုပ်နိုင်တော့သည်။</p> <p style="text-align:justify">စင်ကာပူ-မလေးရှား တံတားကို သိမ်းပိုက်ပြီးနောက် မလေးရှား စစ်တပ်ကြီးသည် စင်ကာပူ နယ်မြေ အတွင်းသို့ အလုံးအရင်းနှင့် ဝင်ရောက်လာခဲ့သည်။ ဤသတင်းသည် စင်ကာပူ တစ်နိုင်ငံလုံးကို တုန်လှုပ်သွားစေခဲ့သည်။ </p> <p style="text-align:justify">စင်ကာပူသည် မြို့တစ်မြို့ အရွယ်အစားသာ ရှိသဖြင့် သတင်းများမှာ လျင်မြန်စွာ ပျံ့နှံ့သွားပြီး ပြည်သူများမှာ ဒေါသထွက်ခဲ့ကြသည်။ သူတို့ အမြဲ အထင်သေးခဲ့သော မလေးရှားက သူတို့ကို တိုက်ခိုက်လိမ့်မည်ဟု ဘယ်သူမှ ထင်မထားခဲ့ကြပေ။ </p> <p style="text-align:justify">တိုက်ပွဲအပြီးတွင် ဒါတူဟောက်သည် ရုပ်မြင်သံကြားမှတစ်ဆင့် မိန့်ခွန်းပြောကြားခဲ့သည်။</p> <p style="text-align:justify">"စင်ကာပူက နှစ်ပေါင်းများစွာ အတွင်း ကျွန်တော်တို့နိုင်ငံကို အကြိမ်ကြိမ် ရန်စခဲ့တယ်။ ဒီတစ်ကြိမ်မှာ သူတို့က လွန်လွန်းသွားပြီ။ ကျွန်တော်တို့ရဲ့ နယ်မြေဖြစ်တဲ့ ပက်ဒရာ ဘရန်ကာကိုတောင် သိမ်းပိုက်ဖို့ ကြိုးစားလာတယ်။ ကျွန်တော်တို့ ထပ်ပြီး သည်းမခံနိုင်တော့တဲ့အတွက် တရားမျှတတဲ့ တန်ပြန် တိုက်ခိုက်မှုကို စတင်ခဲ့တာ ဖြစ်ပါတယ်”</p> <p style="text-align:justify">ဒါတူဟောက်၏ စကားများသည် သတင်းထောက်များကို အံ့အားသင့်သွားစေသည်။ အကြောင်းမှာ သူ အကြောင်းပြချက် ပေးထားသော ပက်ဒရာ ဘရန်ကာ ကျွန်းမှာ ဘောလုံးကွင်း အရွယ်သာရှိပြီး ရေတက်ချိန်တွင် မြုပ်သွားတတ်သော ကျောက်တန်းလေး တစ်ခုသာ ဖြစ်သောကြောင့်ပင်။ ထိုကဲ့သို့သော နေရာလေးကို အကြောင်းပြကာ စစ်ကြေညာခြင်းမှာ လုံးဝ မျက်နှာပြောင် တိုက်လွန်းသော လုပ်ရပ်တစ်ခု ဖြစ်သည်။</p> <p style="text-align:justify">အမှန်တရားမှာမူ စင်ကာပူကို တိုက်ခိုက်ချင်နေသူမှာ မလေးရှား မဟုတ်ဘဲ နောက်ကွယ်မှ ကျဲခယ် အဖွဲ့ပင် ဖြစ်သည်။ ကျဲခယ် အဖွဲ့ကမူ မည်သည့် ရှင်းလင်းချက်မျှ မပေးဘဲ သူတို့၏ စစ်စခန်းများကိုသာ အစီအစဉ်အတိုင်း ဆက်လက် တည်ဆောက်နေခဲ့လေတော့သည်။</p> <p style="text-align:justify">ပူပြင်းလှသော နေမင်းကြီးသည် ကောင်းကင်ယံတွင် ထိန်ထိန် သာနေသည်။ အပူပိုင်းဒေသတွင် တည်ရှိသော စင်ကာပူနိုင်ငံ၏ အပူချိန်သည် ဤအချိန်တွင် ၃၄ ဒီဂရီ စင်တီဂရိတ်ထက်ပင် ကျော်လွန်နေပြီ ဖြစ်သည်။ </p> <p style="text-align:justify">လမ်းမပေါ်တွင် သံချပ်ကာတပ်ဖွဲ့ အနည်းငယ်ပါဝင်သော အဓိကအားဖြင့် ခြေလျင်တပ်မကြီးတစ်ခု ချီတက်နေသည်။ ဤသည်မှာ မလေးရှား၏ အဓိက တပ်ဖွဲ့များထဲမှ တစ်ခုဖြစ်သော မလေးရှား အမှတ် ၂ ခြေလျင်တပ်မကြီးပင် ဖြစ်သည်။</p> <p style="text-align:justify">မလေးရှားသည် လူဦးရေများပြားသော်လည်း ၎င်း၏ စီးပွားရေးမှာ နှေးကွေးလှသည်။ နိုင်ငံတွင် အမြဲတမ်း တပ်မ လေးခုနှင့် တပ်မဟာ ဆယ်ခုသာ ရှိပြီး စစ်တပ်တွင် PT-91 တင့်ကား ၆၀ စီး၊ တွဲဆွဲအမြောက် ၁၉၆ လက်၊ ဒုံးပျံလောင်ချာ ၅၄ ခုသာ ပိုင်ဆိုင်ကာ ရွေ့လျား အမြောက်များ လုံးဝ မရှိချေ။</p> <p style="text-align:justify">ယခုတစ်ကြိမ် စင်ကာပူကို တိုက်ခိုက်ရန်အတွက် မလေးရှားရှိ အမှတ် ၂ ခြေလျင်တပ်မကြီးနှင့် အမှတ် ၃ ခြေလျင်တပ်မကြီးတို့သည် တပ်မဟာ ငါးခုနှင့်အတူ စုစုပေါင်း အင်အား လေးသောင်းနီးပါးဖြင့် စစ်ကြောင်း နှစ်ကြောင်း ခွဲကာ စင်ကာပူ၏ နယ်မြေအတွင်းသို့ ခမ်းနားထည်ဝါစွာ ချီတက် ဝင်ရောက်လာကြသည်။</p> <p style="text-align:justify">မလေးရှား စစ်သားများမှာ ချွေးသံတရွဲရွဲ ဖြစ်နေကြသည်။ လေ့ကျင့်မှု အားနည်းသော သူတို့အတွက် ဤမျှ ပူပြင်းလှသော နေရောင်အောက်တွင် ချီတက်ရခြင်းက တကယ်ကို ငရဲကျနေသကဲ့သို့ပင်။</p> <p style="text-align:justify">စစ်သားအများအပြားသည် အရာရှိများ သတိလွတ်ချိန်ကို အခွင့်ကောင်းယူကာ အရိပ်ရသော နေရာများသို့ ခိုးပြေးပြီး အနားယူနေကြသည်။ ဤတပ်ဖွဲ့၏ စစ်စည်းကမ်းသည် လုံးဝ စည်းကမ်းမဲ့နေခြင်းမျိုး အထိ မဟုတ်သော်လည်း ပျက်ယွင်းနေပြီ ဟု ဆိုရပေမည်။</p> <p style="text-align:justify">အမှတ် ၂ ခြေလျင်တပ်မကြီး၏ တပ်မမှူး တီကပူးသည် ကွပ်ကဲရေးယာဉ်ပေါ်တွင် ထိုင်လျက် နှေးကွေးစွာ ချီတက်နေသော တပ်ဖွဲ့များကို ကြည့်ကာ မျက်မှောင်ကြုတ်ပြီး ပြောလိုက်သည် - "တပ်တွေကို အရှိန်တင်ဖို့ ပြောလိုက်။ စင်ကာပူဘက်က တုံ့ပြန်မှု မလုပ်နိုင်ခင် သူတို့ရဲ့ စစ်တန်းလျားတွေနဲ့ မြို့တွေကို ငါတို့ သိမ်းပိုက်နိုင်မှ ရမယ်။ ဒီစစ်ဆင်ရေးမှာ အမြန်နှုန်းက အသက်ပဲ”</p> <p style="text-align:justify">တပ်မဌာနချုပ်မှ စစ်ဦးစီးအရာရှိက အနည်းငယ် အခက်တွေ့နေပုံဖြင့် - "တပ်မမှူး... ကျွန်တော်တို့ရဲ့ သံချပ်ကာယာဉ်တွေနဲ့ တင့်ကားတွေ အများအပြား ချို့ယွင်းနေပါတယ်။ စစ်သားတွေရဲ့ ပင်ပန်းနွမ်းနယ်မှုနဲ့ပါ ပေါင်းလိုက်ရင် ဒီလိုမျိုး အလောတကြီး ချီတက်မယ်ဆိုရင် တိုက်ပွဲမှာ ကျွန်တော်တို့ အသာစီးရမှာ မဟုတ်ဘူးဗျ"</p> <p style="text-align:justify">တီကပူး၏ မျက်ခမ်းစပ် အနည်းငယ် လှုပ်သွားသည်။ စစ်ဦးစီးအရာရှိ ပြောနေသည်မှာ အမှန် ဖြစ်ကြောင်း သူ သိနေသည်။</p> <p style="text-align:justify">သူတို့၏ အမှတ် ၂ တပ်မကြီး... </p> <p style="text-align:justify">ပို၍ တိတိကျကျ ပြောရလျှင် လက်ရွေးစင် အမှတ် ၁၀ လေထီးတပ်မဟာမှ လွဲ၍ ကျန်သော မလေးရှား စစ်တပ်သည် ပုံမှန် လေ့ကျင့်မှု အားနည်းခြင်းကြောင့် ဤကဲ့သို့ လက်နက်အပြည့်အစုံဖြင့် အဝေးပြေး ချီတက် တိုက်ခိုက်မှုမျိုးနှင့် လုံးဝ မကိုက်ညီပေ။</p> <p style="text-align:justify">သံချပ်ကာယာဉ်များနှင့် တင့်ကားများသည်လည်း ပြုပြင်ထိန်းသိမ်းမှု လစ်ဟင်းခြင်းကြောင့် စင်ကာပူသို့ ရောက်ချိန်တွင် မကြာခဏ ချို့ယွင်းရပ်တန့်ကုန်ပြီး စက်ကိရိယာများကို လမ်းတစ်လျှောက် စွန့်ပစ်ခဲ့ရသည်။</p> <p style="text-align:justify">"ဒါပေမဲ့..."</p> <p style="text-align:justify">တီကပူးက အတင်းအကျပ် ဆက်သွားရန် ပြောမလို့ ရှိသေးသည်။ ဆက်သွယ်ရေး စစ်သားတစ်ယောက် အပြေးအလွှား ရောက်လာပြီး အရေးတကြီး ပြောလိုက်သည်။</p> <p style="text-align:justify">"တပ်မမှူး... ကျဲခယ် အဖွဲ့က သတင်းပို့လာပါတယ်။ ရှေ့မှာ စင်ကာပူ တပ်ဖွဲ့တွေကို ဂြိုဟ်တုကနေ တွေ့ထားတယ်တဲ့”</p> <p style="text-align:justify">"ဘာ... ဒီလောက် မြန်မြန်လား”</p> <p style="text-align:justify">တီကပူး အလွန်အမင်း အံ့ဩသွားသည်။ သူတို့၏ ဝင်ရောက်တိုက်ခိုက်မှုသည် ကြိုတင် ကြံစည်ထားခြင်း ဖြစ်သည်။ </p> <p style="text-align:justify">မနေ့က အမှတ် ၁၀ လေထီးတပ်မဟာသည် စင်ကာပူ၏ အသက်သွေးကြောဖြစ်သော စင်ကာပူ-မလေးရှား တံတားကို သိမ်းပိုက်ခဲ့ပြီးနောက် ဒုံးပျံလောင်ချာ တပ်ဖွဲ့များက စင်ကာပူရှိ လေဆိပ်များနှင့် စစ်တန်းလျား အများအပြားကို တိုက်ခိုက်ခဲ့သည်။ စင်ကာပူ စစ်လေယာဉ် အများအပြားကို ဖျက်ဆီးကာ လေဆိပ် ပြေးလမ်းများကို ပျက်စီးစေခဲ့သဖြင့် စင်ကာပူ၏ လေကြောင်းအသာစီးရမှုကို အသုံးချခွင့် မပေးဘဲ စစ်တန်းလျားများကို ကစဉ့်ကလျား ဖြစ်စေခဲ့ကာ ၎င်းတို့၏ မြေပြင်တပ်ဖွဲ့များအတွက် အချိန်ဆွဲပေးခဲ့ခြင်း ဖြစ်သည်။</p> <p style="text-align:justify">"ဂြိုဟ်တုပုံရိပ်တွေအရ စင်ကာပူဘက်က ခံစစ်ပြင်နေပါတယ်။ သူတို့ရဲ့ တပ်အင်အားက သုံးထောင်ခန့် ရှိပြီး လက်နက်ကြီး အထောက်အပံ့ မတွေ့ရသေးပါဘူး”</p> <p style="text-align:justify">"လူ သုံးထောင်တည်းလား။ ထိပ်တိုက်တွေ့ဖို့ ပြင်ထား။ သူတို့ကို ထိုးဖောက်သွားမယ်”</p> <p style="text-align:justify">လူ သုံးထောင်သာ ရှိသည်ဟု ကြားသောအခါ တီကပူး ချက်ချင်း စိတ်အားထက်သန်သွားသည်။</p> <p style="text-align:justify">သူ၏ မလေးရှား အမှတ် ၂ ခြေလျင်တပ်မကြီးသည် အင်အား ၁၂,၀၀၀ ရှိရာ ရန်သူထက် လေးဆခန့် အင်အား သာလွန်နေသည်။ သူ အလွန်ဝမ်းသာသွားသည်။ အကယ်၍ စင်ကာပူ တပ်ဖွဲ့ကို ချေမှုန်းပြီး ပထမဆုံး အောင်ပွဲကို ရယူနိုင်ပါက ပြည်တွင်းတွင် သူ၏ ဂုဏ်သတင်းသည် သေချာပေါက် ကောင်းကင်အထိ ထိုးတက်သွားမည် ဖြစ်သည်။</p> <p style="text-align:justify">တီကပူး၏ အမိန့်ပေးမှုအောက်တွင် အမှတ် ၂ ခြေလျင်တပ်မကြီးသည် ပုံစံပြောင်းလဲကာ သံချပ်ကာယာဉ်များနှင့် တင့်ကားများ ရှေ့သို့ စတင် ရွေ့လျားလာကြသည်။</p> <p style="text-align:justify">စစ်ကြောင်း၏ နောက်ပိုင်းတွင်ရှိသော ဒုံးပျံလောင်ချာများနှင့် တွဲဆွဲအမြောက်များကလည်း အမြောက်စခန်းများ စတင် တည်ဆောက်ကြသည်။ တစ်နာရီအကြာတွင် မလေးရှား အမှတ် ၂ ခြေလျင်တပ်မကြီးသည် စင်ကာပူ တပ်ဖွဲ့များကို မြင်တွေ့ရပြီ ဖြစ်သည်။</p> <p style="text-align:justify">ဤသည်မှာ စင်ကာပူ၏ အင်အားဖြည့် ခြေလျင်တပ်ရင်း တစ်ရင်း ဖြစ်သည်။ သူတို့သည် ခံစစ်မျဉ်းများကို အရေးပေါ် တည်ဆောက်နေကြသော်လည်း အချိန် ကန့်သတ်ချက်နှင့် စင်ကာပူ၏ ပြန့်ကျဲသော မြေမျက်နှာပြင် အနေအထားကြောင့် သဘာဝ အကာအကွယ် နည်းပါးသဖြင့် သူတို့၏ ခံစစ်မျဉ်းများသည် အကြမ်းဖျင်း ပုံစံသာ ရှိသေးသည်။</p> <p style="text-align:justify"> </p> <p style="text-align: center;">***</p>


Save