Book List

<h2 style="text-align: center;">အခန်း (၇၀၄)</h2> <h2 style="text-align: center;">*</h2> <p> </p> <p style="text-align:justify">"ပစ်"</p> <p style="text-align:justify">တီကပူးက စိတ်လှုပ်ရှားစွာ အမိန့်ပေးလိုက်သည်။ နောက်တန်းရှိ တပ်မ အမြောက်တပ်ရင်းမှ အမြောက်သမား တစ်ယောက်ချင်းစီသည် အမြောက်ကျည်များကို အမြောက်ပြောင်းထဲသို့ ထည့်ကာ ပစ်ခတ်ရန် ကြိုးကို ဆွဲလိုက်ကြသည်ကို သူ မြင်တွေ့ရသည်။ အမြောက်ပြောင်းဝများမှ မီးတောက်များ လင်းလက်သွားပြီး ၁၀၅ မီလီမီတာနှင့် ၁၅၅ မီလီမီတာ အမြောက်ကျည်များ လွင့်စင်ထွက်သွားကာ စင်ကာပူ၏ တပ်စခန်းများဆီသို့ ဦးတည်သွားကြသည်။</p> <p style="text-align:justify">ဘုန်း ဘုန်း ဘုန်း ဘုန်း ဘုန်း</p> <p style="text-align:justify">ဆက်တိုက် ပေါက်ကွဲသံများ ထွက်ပေါ်လာပြီး တီကပူး၏ မျက်နှာက မည်းမှောင်သွားသည်။ အကြောင်းမှာ အမြောက်ကျည် အများအပြားမှာ ပစ်မှတ်များကို လွဲချော်သွားသောကြောင့်ပင်။</p> <p style="text-align:justify">"အမြောက်တပ်တွေ ဘာလုပ်နေကြတာလဲ။ ချိန်ခွင်ကို ချက်ချင်း ပြန်ချိန်ပြီး ပစ်စမ်း"</p> <p style="text-align:justify">တီကပူး ကျိန်ဆဲလိုက်သည်။ တုံ့ပြန်မှု မြန်ဆန်သော စင်ကာပူ တပ်ဖွဲ့များသည် ယခုအခါ ပေါက်ပြားများကို ပစ်ချကာ အမြောက်ဒဏ်ခံ ဗုံးခိုကျင်းများထဲသို့ အပြေးအလွှား ဝင်ရောက် ပုန်းအောင်းသွားကြသဖြင့် ရုတ်တရက် တိုက်ခိုက်မှု၏ ဖျက်ဆီးနိုင်စွမ်းကို ဆုံးရှုံးသွားရသည်ကို သူ မြင်လိုက်ရသည်။</p> <p style="text-align:justify">ဒုတိယအကြိမ် အမြောက်ကျည်များ အလျင်အမြန် ကျရောက်လာသည်။ ဤတစ်ကြိမ်တွင်မူ များစွာ ပိုမို တိကျလာသော်လည်း စင်ကာပူ စစ်သားအများစုမှာ ဘန်ကာများနှင့် အမြောက်ဒဏ်ခံ ဗုံးခိုကျင်းများထဲတွင် ပုန်းအောင်းနေကြပြီ ဖြစ်သည်။</p> <p style="text-align:justify">ဘန်ကာ အများအပြားမှာ အကြမ်းဖျင်း တူးထားပြီး အနက်မလုံလောက်သလို အချို့သော အမြောက်ဒဏ်ခံ ဗုံးခိုကျင်းများမှာ ပေါက်ကွဲမှုများကြောင့် ပြိုကျသွားသော်လည်း သူတို့ကို အကာအကွယ် ပေးထားနိုင်ဆဲဖြစ်ကာ ကွင်းပြင်တွင် ဗုံးကြဲခံရခြင်းမှ ကာကွယ်ပေးထားသဖြင့် သေဆုံးဒဏ်ရာရသူ အရေအတွက်မှာ မများပြားလှပေ။</p> <p style="text-align:justify">သူ့အမြောက်တပ်၏ စွမ်းဆောင်ရည် ညံ့ဖျင်းမှုကြောင့် တီကပူး၏ မျက်နှာမှာ ပြာနှမ်းနေပြီး ဒေါသကြောင့် မျက်နှာကြီးပင် နီရဲလာသည်။ ဤမျှ ကောင်းမွန်သော အခွင့်အရေးကြီး နှမြောစရာကောင်းလောက်အောင် အလဟဿ ဖြစ်သွားရသည်။ </p> <p style="text-align:justify">အမြောက်တပ်ရင်းမှူး၏ ပေါင်ကြားကို သူ ခပ်ကြမ်းကြမ်း ကန်ပစ်လိုက်ချင်စိတ် ပေါက်သွားသည်။ အမြောက်ကိုတောင် သေချာမချိန်တတ်ရင် အမြောက်တပ် ဆိုတာ ဘယ်နေရာမှာ အသုံးကျမှာလဲ။</p> <p style="text-align:justify">အမြောက်တပ်က အခြေခံ ကျည်ခဲယမ်းများကို ပစ်ခတ်ပြီးနောက် စင်ကာပူ တပ်စွဲထားသော မြေပြင်သည် မီးကျွမ်းနေသော ဗုံးကျင်းများဖြင့် ပြည့်နှက်သွားသည်။ အမြောက်ဖြင့် ပစ်ခတ်မှု ပြီးဆုံးပြီးနောက် မလေးရှား အမှတ် ၂ ခြေလျင်တပ်မကြီးသည် တရားဝင် မြေပြင်တိုက်ခိုက်မှုကို စတင်လိုက်သည်။</p> <p style="text-align:justify">ရှေ့ဆုံးမှ ဦးဆောင်လာသည်မှာ မလေးရှား စစ်တပ်၏ အဖိုးတန်ရတနာများ ဖြစ်သော PT-91 ပင်မ တိုက်ပွဲဝင် တင့်ကားများ ဖြစ်သည်။</p> <p style="text-align:justify">အနှီ ပင်မ တိုက်ပွဲဝင် တင့်ကားသည် အမှုထမ်း ၃ ဦး ပါဝင်ပြီး တိုက်ပွဲဝင် အလေးချိန် ၄၅.၃ တန် ရှိပြီး အမြင့်ဆုံး အမြန်နှုန်း တစ်နာရီလျှင် ၆၀ ကီလိုမီတာ သွားနိုင်ကာ ၁၂၅ မီလီမီတာ အမြောက်တစ်လက်၊ ၇.၆၂ မီလီမီတာ စက်သေနတ်တစ်လက်နှင့် ၁၂.၇ မီလီမီတာ စက်သေနတ်တစ်လက် တပ်ဆင်ထားသည်။</p> <p style="text-align:justify">တင့်ကားများ၏ နောက်တွင် သံချပ်ကာယာဉ်များနှင့် ခြေလျင် တိုက်ခိုက်ရေး ယာဉ်များ ရောနှော ပါဝင်နေသည်။ စစ်သားများသည် တင့်ကားများနှင့် အရှိန်တူ လိုက်ပါနိုင်ရန် ခြေလျင် တိုက်ခိုက်ရေး ယာဉ်များပေါ်တွင် စီးနင်းလိုက်ပါလာပြီး အနီးသို့ ရောက်သောအခါ ကာကွယ်ပေးရန် ယာဉ်ပေါ်မှ ဆင်းကာ ပုံမှန်မဟုတ်သော ခြေလျင်-တင့်ကား ပေါင်းစပ် နည်းဗျူဟာကို စတင်လိုက်ကြသည်။</p> <p style="text-align:justify">ပုံမှန်မဟုတ်ရခြင်း အကြောင်းရင်းမှာ တင့်ကားများနှင့် သံချပ်ကာယာဉ်များ၏ တိုက်ခိုက်ရေး ပုံစံသည် စည်းကမ်းမဲ့နေသောကြောင့်ပင်။ အလွန်အမင်း စိတ်လှုပ်ရှားနေသောကြောင့်လားတော့ မသိ။ တင့်ကားနှင့် သံချပ်ကာယာဉ် အများအပြားသည် ကြိုတင်သတ်မှတ်ထားသော တိုက်ခိုက်ရေး လမ်းကြောင်းများအတိုင်း မလိုက်နာကြဘဲ မိမိတို့၏ ခြေလျင်စစ်သားများကိုပင် ပြန်လည် တိုက်မိ ကြိတ်မိသည့် အမှားမျိုးများပင် ရှိနေသည်။</p> <p style="text-align:justify">ဘန်း</p> <p style="text-align:justify">PT-91 ပင်မ တိုက်ပွဲဝင် တင့်ကားတစ်စီးက ပြင်းထန်စွာ ပစ်ခတ်လိုက်ရာ ၎င်း၏ ၁၂၅ မီလီမီတာ ချောမွေ့ပြောင်း အမြောက်မှ မီတာနှစ်မီတာနီးပါးရှည်သော မီးတောက်တစ်ခု ထွက်ပေါ်လာပြီး ပေါက်ကွဲမှု လှိုင်းကြောင့် ဖုန်တိမ်တိုက်ကြီး တစ်ခု ထလွင့်သွားသည်။</p> <p style="text-align:justify">ရှေ့တွင် ပေါက်ကွဲအားပြင်း အမြောက်ကျည်တစ်လုံး ပေါက်ကွဲသွားသည်။ PT-91 ပင်မ တိုက်ပွဲဝင် တင့်ကားသည် စက်သေနတ်ကြီး စခန်းတစ်ခုကို ချိန်ရွယ်ထားခြင်း ဖြစ်သော်လည်း အမြောက်ကျည် လွဲချော်သွားကာ မီတာ ဒါဇင်ပေါင်းများစွာ အကွာတွင် ပေါက်ကွဲသွားသည်။ သို့သော်လည်း ၎င်းသည် စင်ကာပူ စစ်သားများကို ထိတ်လန့်သွားစေပြီး သူတို့၏ စက်သေနတ်ကြီးများကို ချက်ချင်း စွန့်ခွာကာ နေရာပြောင်းသွားကြသည်။</p> <p style="text-align:justify">ဘန်း ဘန်း ဘန်း ဘန်း ဘန်း</p> <p style="text-align:justify">သံချပ်ကာယာဉ်များပေါ်ရှိ အော်တိုအမြောက်များက ပစ်ခတ်လိုက်ရာ အလင်းတန်း ကျည်ဆန်များက လေထုထဲတွင် ရှင်းလင်းသော လမ်းကြောင်းများ ဖြတ်သန်းသွားသည်။ ခေါင်းပြူထွက်လာသော အချို့သော စင်ကာပူ စစ်သားများသည် သူတို့၏ ဘန်ကာများထဲသို့ အလျင်အမြန် ပြန်ဝင်သွားကြသည်။</p> <p style="text-align:justify">တုံ့ပြန်မှု အနည်းငယ် နှေးကွေးသွားသူများသည် အော်တိုအမြောက်ကျည်များ တိုက်ရိုက်ထိမှန်ကာ သူတို့၏ ခန္ဓာကိုယ် အပေါ်ပိုင်းသည် ချက်ချင်း တစ်စစီ ဆုတ်ဖြဲခံလိုက်ရပြီး အောက်ပိုင်းနှင့် ကွဲကွာသွားကာ အတွင်းကလီစာ အပိုင်းအစများက အနီးရှိ ရဲဘော်များအပေါ်သို့ စင်ကျလာပြီး ဘန်ကာတစ်ခုလုံး သွေးများဖြင့် ရဲရဲနီသွားတော့သည်။</p> <p style="text-align:justify">ဘန်ကာထဲတွင် ကြီးမားသော ဆူပူအုံကြွမှုတစ်ခု ဖြစ်ပေါ်လာပြီး ထွက်ပြေးနေသော သို့မဟုတ် မှင်တက်နေသော စင်ကာပူ စစ်သားများကို မြင်တွေ့ရသည်။</p> <p style="text-align:justify">"ပြန်တိုက်။ ဝင်လာတဲ့ ဒီ မလေးရှား ခွေးကောင်တွေကို ပြင်းပြင်းထန်ထန် ပြန်ချစမ်း။ ဒီငမွဲကောင်တွေ ငါတို့ကို အထင်မသေးစေနဲ့”</p> <p style="text-align:justify">ဘန်ကာထဲတွင် စင်ကာပူ အရာရှိတစ်ယောက်က စိတ်ဓာတ်ခွန်အား မြှင့်တင်ပေးလိုက်သည်။</p> <p style="text-align:justify">လက်ရှိ၌ စင်ကာပူ စစ်သားများအားလုံး ဒေါသများဖြင့် ပြည့်နှက်နေကြသည်။ မိမိတို့၏ အမိမြေကို ကာကွယ်လိုသော ဆန္ဒကြောင့် ကျူးကျော်လာသော မလေးရှား စစ်သားများကို အလွန်အမင်း မုန်းတီးနေကြပြီး သူတို့၏ တိုက်ခိုက်လိုစိတ်က ပိုမို အားကောင်းလာသည်။ အချို့သော သေဆုံးဒဏ်ရာရမှုများက သူတို့ကို နောက်ဆုတ်မသွားစေပေ။</p> <p style="text-align:justify">မကြာမီ မလေးရှား တိုက်ခိုက်ရေး တပ်ဖွဲ့များ အနီးသို့ ရောက်လာသည်နှင့်အမျှ စင်ကာပူ၏ တန်ပြန်တိုက်ခိုက်မှု လျင်မြန်စွာ ရောက်ရှိလာသည်။</p> <p style="text-align:justify">ရွှစ်</p> <p style="text-align:justify">ဒုံးပျံလောင်ချာ တစ်လက်ကို ကိုင်ဆောင်ထားသော စင်ကာပူ စစ်သားတစ်ယောက်သည် ဘန်ကာထဲမှ ခေါင်းပြူထွက်လာပြီး လေးငါးစက္ကန့်ခန့် ချိန်ရွယ်ကာ PT-91 ပင်မ တိုက်ပွဲဝင် တင့်ကားတစ်စီးဆီသို့ ခလုတ်နှိပ်လိုက်သည်။</p> <p style="text-align:justify">ဒုံးပျံလောင်ချာ၏ ပစ်ခတ်နိုင်စွမ်း အကွာအဝေးမှာ အလွန် တိုတောင်းလှသည်။ ဤအချိန်သည် တင့်ကားများနှင့် ပေါင်းစပ်ထားသော ခြေလျင်စစ်သားများ သူတို့၏ အခန်းကဏ္ဍမှ ပါဝင်ရမည့် အချိန်ဖြစ်သင့်သည်။</p> <p style="text-align:justify">အကြောင်းမှာ တင့်ကားများသည် ထူထဲသော သံချပ်ကာနှင့် အစွမ်းထက်သော ပစ်ခတ်နိုင်စွမ်း ရှိသော်လည်း ပြင်ပပတ်ဝန်းကျင်ကို အာရုံခံနိုင်စွမ်းမှာ အားနည်းသောကြောင့်ပင်။ တိုက်ပွဲမြေပြင်တွင် တင့်ကားမှူးသည် အကန့်အသတ်ရှိသော အမြင်အာရုံ စူးစမ်းရေး ကိရိယာများမှတစ်ဆင့်သာ လေ့လာနိုင်လေသည်။</p> <p style="text-align:justify">ဤအချိန်တွင် ပေါင်းစပ်ထားသော ခြေလျင်စစ်သားများ၏ တာဝန်မှာ တင့်ကားများကို ကာကွယ်ပေးရန်နှင့် တင့်ကားများကို တိတ်တဆိတ် ချုံခိုတိုက်ခိုက်နေသော ရန်သူ့ ခြေလျင်စစ်သားများကို ရှင်းလင်းရန် ဖြစ်သည်။</p> <p style="text-align:justify">သို့သော်လည်း PT-91 ပင်မ တိုက်ပွဲဝင် တင့်ကားနှင့် လိုက်ပါလာသော ခြေလျင်စစ်သားများသည် အလွန်အမင်း ကြောက်ရွံ့နေသဖြင့် တင့်ကားနောက်တွင်သာ ပုန်းကွယ်နေကြပြီး တင့်ကားကို ဒိုင်းလွှားတစ်ခု အဖြစ် လုံးဝ အသုံးပြုနေကြသဖြင့် တင့်ကားအား မည်သည့် အကာအကွယ်မှ မပေးနိုင်ခဲ့ပေ။</p> <p style="text-align:justify">ဒုံးကျည်သည် တင့်ကား၏ ဘီးခွေကို ဝင်တိုက်သွားပြီး ဘုန်းခနဲ ပေါက်ကွဲကာ PT-91 ပင်မ တိုက်ပွဲဝင် တင့်ကား၏ ဘီးခွေ ပြုတ်ထွက်သွားပြီး တင့်ကားမှနေ၍ ချွင်ခနဲ အသံမည်ကာ လွတ်ထွက်သွားသည်။ ထိုကြောင့် တင့်ကားသည် ၎င်း၏ ရွေ့လျားနိုင်စွမ်းကို ဆုံးရှုံးသွားပြီး ပို၍ပင် လွယ်ကူသော ပစ်မှတ်တစ်ခု ဖြစ်လာတော့သည်။</p> <p style="text-align:justify">နောက်ထပ် ဒုံးကျည် တစ်ခု ထပ်မံ ပစ်ခတ်လာပြီး ဘေးဘက်မှ ပစ်ခတ်လိုက်သော ဒုံးကျည်များသည် PT-91 ပင်မ တိုက်ပွဲဝင် တင့်ကား၏ အားနည်းသော ဘေးဘက် သံချပ်ကာကို အောင်မြင်စွာ ဖောက်ထွင်းသွားသည်။ သတ္တု အပူလှိုင်းများက တင့်ကားအတွင်းပိုင်းသို့ ထိုးဖောက်ဝင်ရောက်သွားကာ အတွင်းရှိ အမှုထမ်းများကို သတ်ဖြတ်ပစ်လိုက်သည်။</p> <p style="text-align:justify">အလားတူ မြင်ကွင်းမျိုး မကြာခဏ ဖြစ်ပေါ်နေသည်။ ဒုံးကျည်များ၊ တင့်ကားဖျက် ဒုံးကျည်များနှင့် အသေခံ တိုက်ခိုက်ရေး ဒရုန်းများကို အသုံးပြုနေသော စင်ကာပူ ခြေလျင်တပ်များ၏ အကြိမ်ကြိမ် ချုံခိုတိုက်ခိုက်မှုအောက်တွင် တိုက်ခိုက်နေသော မလေးရှား စစ်တပ်သည် ပြင်းထန်သော ဆုံးရှုံးမှုများကို ခံစားလိုက်ရသည်။</p> <p style="text-align:justify">တင့်ကား အများအပြားနှင့် သံချပ်ကာယာဉ် ဆယ်စီးကျော် ဆုံးရှုံးပြီးနောက် သံချပ်ကာ တပ်ဖွဲ့များသည် စတင် ရပ်တန့်လာပြီး ကြောက်ရွံ့၍ နောက်ဆုတ်လာကြသည်။ လိုက်ပါလာသော မလေးရှား ခြေလျင်စစ်သားများမှာမူ ပို၍ပင် ထိတ်လန့်နေကြသည်။</p> <p style="text-align:justify">PT-91 ပင်မ တိုက်ပွဲဝင် တင့်ကားတစ်စီးသည် တင့်ကားဖျက် ဒုံးကျည် ထိမှန်ကာ ပေါက်ကွဲသွားပြီး ပေါက်ကွဲမှုကြောင့် နောက်မှ လိုက်ပါလာသော မလေးရှား စစ်သားတစ်စု လဲကျသွားသည်။ စစ်သားများ နေရာအနှံ့ လဲကျနေပြီး နာကျင်စွာ အော်ဟစ် ငိုယိုနေကြသည်။</p> <p style="text-align:justify">ဘန်း ဘန်း ဘန်း</p> <p style="text-align:justify">တင့်ကား၏ ပစ်ခတ်နိုင်စွမ်း ပျောက်ဆုံးသွားမှုကို အခွင့်ကောင်းယူကာ ပုန်းကွယ်နေသော စင်ကာပူ စစ်သားများက စက်သေနတ်ကြီးများကို ချက်ချင်း ပစ်ခတ်လာကြတော့သည်။ ပစ်ခတ်ရန် အသင့် နေရာယူထားသော စက်သေနတ်ကြီးများက မလေးရှား စစ်သား အမြောက်အမြားကို မြေပြင်ပေါ် လှဲသိပ်ပစ်လိုက်သည်။</p> <p style="text-align:justify">ဤသည်က အနီးအနားရှိ မလေးရှား စစ်သားများကို ချက်ချင်း ထိတ်လန့်သွားစေပြီး အများအပြားက နောက်လှည့်ကာ ထွက်ပြေးကြတော့သည်။ ထွက်ပြေးမှုလှိုင်းက ပတ်ဝန်းကျင်သို့ ချက်ချင်း ပျံ့နှံ့သွားပြီး ပိုမိုများပြားသော မလေးရှား စစ်သားများမှာ ကြောက်ရွံ့လာကာ အဆက်မပြတ် နောက်ဆုတ်လာကြသည်။</p> <p style="text-align:justify">ခြေလျင်စစ်သားများ ဆုတ်ခွာသွားသောအခါ တင့်ကားများနှင့် သံချပ်ကာယာဉ်များကဲ့သို့ ကို့ရိုးကားယား နိုင်သော သံမဏိယာဉ်များကို ပိုမို ပစ်မှတ်ထားခံရစေသည်။</p> <p style="text-align:justify">ခြေလျင်စစ်သားများ၏ ပေါင်းစပ်မှုနှင့် အကာအကွယ် မရှိတော့သောအခါ စင်ကာပူ စစ်သား အများအပြားသည် တင့်ကားများနှင့် သံချပ်ကာယာဉ်များ၏ မျက်ကွယ် နေရာများမှ တိုက်ခိုက်လာကြရာ ပိုမို အောင်မြင်သော ထိမှန်မှုများကို ရရှိလာကြသည်။</p> <p style="text-align:justify">ဤအချိန်တွင် တင့်ကားများနှင့် သံချပ်ကာယာဉ်များကလည်း ကြောက်ရွံ့လာကာ အဆက်မပြတ် နောက်ဆုတ်နေကြသည်။ ခြေလျင်စစ်သားများ ပြေးသလို တင့်ကားများလည်း ပြေးကုန်ကြသည်။ တိုက်ခိုက်နေသော မလေးရှား စစ်တပ်သည် ဘန်ကာများနှင့် မီတာ တစ်ရာအကွာသို့ပင် မရောက်မီမှာပင် နောက်ဆုတ်သွားရတော့သည်။</p> <p style="text-align:justify">ပထမလှိုင်း တိုက်ခိုက်မှုသည် ဤမျှ အလျင်စလို ပြီးဆုံးသွားခဲ့သည်။ </p> <p style="text-align:justify">ရလဒ်များကို ရေတွက်ကြည့်သောအခါ ပစ်ခတ်မှု အင်အား သာလွန်သော မလေးရှား စစ်တပ်သည် စင်ကာပူထက် ပိုမိုကြီးမားသော ဆုံးရှုံးမှုများကို ခံစားခဲ့ရပြီး တန်ဖိုးကြီးမားသော သံမဏိယာဉ် အများအပြားကို ဆုံးရှုံးခဲ့ရသည်။</p> <p style="text-align:justify">တီကပူးသည် သံချပ်ကာ ကွပ်ကဲရေးယာဉ်တွင် ထိုင်လျက် ဒရုန်းမှတစ်ဆင့် ပေးပို့လာသော တိုက်ပွဲ မြင်ကွင်းများကို ကြည့်နေသည်။ သူ့တပ်ဖွဲ့များ၏ ဆိုးရွားလှသော စွမ်းဆောင်ရည်က သူ၏ မျက်နှာကို ကြောက်မက်ဖွယ်ကောင်းလောက်အောင် မည်းမှောင်သွားစေသည်။</p> <p style="text-align:justify">"ရန်သူက လူ သုံးထောင်ပဲ ရှိတာ။ ပြီးတော့ အားလုံးက ခြေလျင်တပ်တွေချည်းပဲ။ ဒါတောင် ငါတို့က သူတို့ကို မချနိုင်ဘူးလား”</p> <p style="text-align:justify">တီကပူး ကျိန်ဆဲချင်စိတ် ပေါက်သွားသည်။ တိုက်ခိုက်မှုက အလွန် ညံ့ဖျင်းလှသည်။ သူတို့၏ ပစ်ခတ်မှု အင်အား သာလွန်မှုကို လုံးဝ အသုံးမချနိုင်ခဲ့ဘဲ သံချပ်ကာ တပ်ဖွဲ့များနှင့် စစ်သားများ အားလုံးက သတ္တိကြောင်နေကြသည်။</p> <p style="text-align:justify">"ဒုတိယလှိုင်း တိုက်ခိုက်မှုကို ချက်ချင်း စီစဉ်မယ်။ နောက်သုံးနာရီအတွင်း ဒီခံစစ်စခန်းကို ငါတို့ သိမ်းကို သိမ်းရမယ်”</p> <p style="text-align:justify">စစ်ဦးစီးအရာရှိကလည်း အရှက်ရနေသဖြင့် ဒုတိယအကြိမ် ထိုးစစ်ကို စီစဉ်ရန် သွားရောက်ခဲ့သည်။</p> <p style="text-align:justify">သုံးနာရီ လျင်မြန်စွာ ကုန်ဆုံးသွားသည်... ထို့နောက် ငါးနာရီ... ခုနစ်နာရီ... ဆယ်နာရီကြာသည့် တိုင်အောင် ထိုခံစစ်စခန်းသည် စင်ကာပူ စစ်သားများ၏ လက်ထဲတွင် ခိုင်မြဲစွာ ရှိနေဆဲပင်။</p> <p style="text-align:justify">မလေးရှား စစ်သားများသည် ဖတ်စာအုပ်ထဲကအတိုင်း ဆုတ်ခွာမှုများကို အကြိမ်ကြိမ် ပြသခဲ့ကြသည်။ တိုက်ခိုက်သည်။ ပစ်ခတ်သည်။ ထို့နောက် ထွက်ပြေးသည်။ </p> <p style="text-align:justify">မလေးရှား စစ်သားများသည် အကြိမ်တစ်ထောင်ခန့် လေ့ကျင့်ထားသကဲ့သို့ ကျွမ်းကျင်စွာဖြင့် သူတို့၏ ဆုတ်ခွာမှုများကို အလွန် ပညာရှင်ဆန်ဆန် လုပ်ဆောင်ခဲ့ကြသည်။</p> <p style="text-align:justify">ဆယ်နာရီအကြာတွင် မလေးရှား အမှတ် ၂ ခြေလျင်တပ်မကြီးသည် နောက်ထပ် တိုက်ခိုက်မှုကို မစတင်တော့ပေ။ အကြောင်းမှာ စင်ကာပူ တပ်ဖွဲ့အမြောက်အမြား စစ်ကူအဖြစ် ရောက်ရှိလာသောကြောင့်ပင်။</p> <p style="text-align:justify">ကောင်းကင်ယံတွင် စင်ကာပူ၏ F-15 နှင့် F-16 တိုက်လေယာဉ် ခုနစ်စင်း ရှစ်စင်းခန့် အခင်းဖြစ်ပွားရာသို့ ရောက်ရှိလာသည်။ လေဆိပ်ကို အရေးပေါ် ပြုပြင်ပြီးဖြစ်သောကြောင့် တိုက်လေယာဉ်များသည် ပျံသန်းနိုင်ခဲ့ခြင်း ဖြစ်သည်။</p> <p style="text-align:justify"> </p> <p style="text-align: center;">***</p>


Save