Book List

<h2 style="text-align: center;">အခန်း (၇၀၅)</h2> <h2 style="text-align: center;">*</h2> <p> </p> <p style="text-align:justify">ဝုန်း…</p> <p style="text-align:justify">စစ်လေယာဉ်များမှ ဗုံးများ ကြဲချလိုက်သည်နှင့် မလေးရှား၏ အမြောက်တပ်စခန်းများသည် မီးတောက်များ လောင်ကျွမ်းကာ လုံးဝ ပျက်စီးသွားတော့သည်။</p> <p style="text-align:justify">မြေပြင်တွင်လည်း စင်ကာပူ၏ သံချပ်ကာ တပ်ဖွဲ့များ တိုက်ပွဲမြေပြင်သို့ ရောက်ရှိလာသည်။ ရှေ့ဆုံးမှ ဦးဆောင်လာသည်မှာ မီးခိုးရင့်ရောင် Leopard 2 တင့်ကားများ ဖြစ်သည်။</p> <p style="text-align:justify">PT-91 ပင်မ တိုက်ပွဲဝင် တင့်ကားသည် စွမ်းဆောင်ရည်ပိုင်းတွင်ဖြစ်စေ၊ အမှုထမ်းများ၏ လေ့ကျင့်မှု အဆင့်အတန်းတွင်ဖြစ်စေ Leopard 2 တင့်ကားကို မမီပေ။ စတင်တိုက်ခိုက်သည်နှင့် တိုက်ပွဲဝင် စွမ်းရည်မှာ အလွန်အမင်း ကွာဟသွားပြီး မလေးရှား တင့်ကားများနှင့် သံချပ်ကာယာဉ် အများအပြားမှာ F-15 တိုက်လေယာဉ်များ၏ ဖျက်ဆီးမှုကို ခံလိုက်ရသည်။</p> <p style="text-align:justify">မျှော်လင့်ထားသည့်အတိုင်း မလေးရှား အမှတ် ၂ ခြေလျင်တပ်မကြီး၏ စစ်သားများသည် လျင်မြန်စွာ ပြိုကွဲသွားတော့သည်။</p> <p style="text-align:justify">စစ်သားများ နေရာအနှံ့ ထွက်ပြေးနေကြသည်။ မူလက စင်ကာပူကို သိမ်းပိုက်ရန် ရည်ရွယ်ခဲ့သော စစ်တပ်ကြီးသည် သူတို့၏ ပထမဆုံး တိုက်ပွဲတွင်ပင် အကြီးအကျယ် ရှုံးနိမ့်သွားခဲ့သည်။</p> <p style="text-align:justify">မလေးရှား အမှတ် ၂ ခြေလျင်တပ်မကြီး၏ ရှုံးနိမ့်မှုနှင့်အတူ မလေးရှားသည် ပိုမို ခါးသီးသော အကျိုးဆက်များကို မျိုချလိုက်ရသည်။</p> <p style="text-align:justify">စင်ကာပူ၏ နယ်မြေအတွင်း အခြားသော မလေးရှား တပ်ဖွဲ့များသည်လည်း စင်ကာပူနှင့် တိုက်ပွဲများတွင် အများစု ရှုံးနိမ့်ခဲ့ကြသည်။</p> <p style="text-align:justify">စင်ကာပူ၏ နယ်မြေအတွင်းသို့ ဝင်ရောက်လာသော မလေးရှား၏ တပ်ဖွဲ့များသည် မူလက ထိုးစစ် ဆင်နေခဲ့သော်လည်း စင်ကာပူ၏ အဆက်မပြတ် တိုက်ထုတ်မှုကြောင့် သိမ်းပိုက်ထားသော နယ်မြေများကို စွန့်လွှတ်ခဲ့ရသည်။</p> <p style="text-align:justify">စင်ကာပူသည် အရှေ့တောင်အာရှရှိ စစ်ရေးအင်အားကြီး နိုင်ငံတစ်ခုအဖြစ် ၎င်း၏ အင်အားကို အပြည့်အဝ ပြသလိုက်ခြင်းပင်။ လူဦးရေ အလွန်နည်းပါးသော်လည်း စင်ကာပူ ပုံမှန်စစ်တပ်၏ အရည်အသွေးမှာ မလေးရှားထက် ပိုမိုမြင့်မားလေသည်။</p> <p style="text-align:justify">ထို့အပြင် စင်ကာပူရှိ အသက် ၁၈ နှစ်ပြည့်ပြီးသော နိုင်ငံသားတိုင်း စစ်မှုထမ်းရမည် ဖြစ်သည်။ မလေးရှား ကျူးကျော်ပြီးနောက် စင်ကာပူ နိုင်ငံသား အများအပြားသည် အရံအင်အားအဖြစ် ပြောင်းလဲသွားခဲ့ရာ အမှန်တကယ် စစ်သားအရေအတွက်မှာ မလေးရှားထက်ပင် ကျော်လွန်သွားခဲ့သည်။</p> <p style="text-align:justify">ထို့အပြင် စင်ကာပူသည် ချမ်းသာကြွယ်ဝပြီး ရွှေလမ်းကြောင်းဖြစ်သော မလက္ကာ ရေလက်ကြားကို ထိန်းချုပ်ထားသောကြောင့် အနောက်နိုင်ငံများ အထူးသဖြင့် အမေရိကန်၏ မျက်နှာသာပေးမှုကို ရရှိကာ အစွမ်းထက်သော စစ်လက်နက် ကိရိယာမျိုးစုံကို အကန့်အသတ်မရှိ ထောက်ပံ့ခံရလေသည်။</p> <p style="text-align:justify">စင်ကာပူ၏ လေတပ်သည် အရှေ့တောင်အာရှ နိုင်ငံများအားလုံးတွင် အကောင်းဆုံးများထဲမှ တစ်ခု ဖြစ်နေသေးသည်။ စင်ကာပူ၏ စစ်ရေးဘတ်ဂျက်မှာလည်း အရှေ့တောင်အာရှတွင် အမြင့်ဆုံးဖြစ်ကာ အမေရိကန်ဒေါ်လာ ၁၅ ဘီလီယံအထိ ရှိသည်။ ဤသည်မှာ ကျဲခယ် အဖွဲ့ မပေါ်ပေါက်မီက အခြေအနေ ဖြစ်သည်။</p> <p style="text-align:justify">ချမ်းသာကြွယ်ဝသောကြောင့် စင်ကာပူသည် ဂျာမနီ၏ Leopard 2 တင့်ကားများ၊ ပြင်သစ်၏ AMX-13 အပေါ့စား တင့်ကားများနှင့် အမျိုးမျိုးသော သံချပ်ကာယာဉ် အစီးရေ ၃,၀၀၀ ကျော်ကဲ့သို့သော အဆင့်မြင့် အမြောက်များနှင့် ဒုံးပျံလောင်ချာများ တပ်ဆင်ထားသည်။ ၎င်း၏ လေတပ်တွင် အမေရိကန်မှ အဆင့်မြင့် F-15SG နှင့် F-16C/D တိုက်လေယာဉ် ၁၅၀ ခန့်၊ ကြိုတင်သတိပေး လေယာဉ်၊ ကင်းလှည့် လေယာဉ်၊ လေကြောင်း ဆီဖြည့်လေယာဉ်၊ သယ်ယူပို့ဆောင်ရေး လေယာဉ်နှင့် လေ့ကျင့်ရေး လေယာဉ် အမျိုးအစားပေါင်း ၆၀ ကျော်နှင့် အမျိုးမျိုးသော ရဟတ်ယာဉ် ၈၀ ကျော် ပိုင်ဆိုင်ထားသည်။</p> <p style="text-align:justify">ပြိုင်ဘက်အနေဖြင့် မလေးရှားတွင် တင့်ကား အစီးတစ်ရာမပြည့်သလို တိုက်လေယာဉ် အစီး သုံးဆယ်ပင် မရှိချေ။</p> <p style="text-align:justify">အမှန်တကယ်တော့ မလေးရှားတွင် အောင်နိုင်ချေ လုံးဝမရှိသည်တော့ မဟုတ်ပေ။ စင်ကာပူကဲ့သို့ နိုင်ငံငယ်လေး၌ ဗျူဟာမြောက် တိုက်ပွဲဝင်နိုင်သည့် နေရာ များများစားစား မရှိချေ။ သူတို့က မြို့ပြင်များ၌သာ တိုက်ပွဲများကို ဆင်နွှဲနိုင်၏။ သို့မှသာ သူတို့၏ သေးငယ်လှသော နိုင်ငံငယ်လေး အတွင်းရှိ ပြည်သူလူထုများကို ကာကွယ်နိုင်မည် မဟုတ်ပါလား…။</p> <p style="text-align:justify">အကယ်၍သာ မလေးရှားက အမြန်တိုက်ပွဲ ဆင်နွှဲနိုင်ခဲ့ပါက လုံးဝ အံ့ဩမှင်တက်သွားစေနိုင်ပြီး စင်ကာပူ တုံ့ပြန်မှု မလုပ်နိုင်မီ သိမ်းပိုက်မှုကို အပြီးသတ်နိုင်မည် ဖြစ်သည်။</p> <p style="text-align:justify">သို့သော်လည်း မလေးရှား၏ ညံ့ဖျင်းလှသော စစ်ရေးစံနှုန်းနှင့် နှေးကွေးသော စွမ်းဆောင်ရည်က နောက်ဆုံးတွင် ရွှေရောင် အခွင့်အရေးကို လက်လွတ်သွားစေခဲ့သည်။</p> <p style="text-align:justify">စင်ကာပူက ၎င်း၏ လေဆိပ်များနှင့် စစ်တန်းလျားများကို ပြုပြင်ပြီးသွားသည်နှင့် မလေးရှား၏ ထိုးစစ်ကို ကြိုတင်မြင်နိုင်ပေသည်။</p> <p style="text-align:justify">ရှေ့တန်းမှ ရှုံးနိမ့်မှု သတင်းများသည် မလေးရှား သမ္မတ ဒါတူဟောက်ထံ တစ်ခုပြီး တစ်ခု ရောက်ရှိလာသည်။ အလွန် ယုံကြည်မှုရှိခဲ့ပြီး စင်ကာပူကို သိမ်းပိုက်ကာ ကျဲခယ် အဖွဲ့ထံ ဆက်သလိုသော ဒါတူဟောက်မှာမူ အကြီးအကျယ် ထိတ်လန့်သွားလေတော့သည်။</p> <p style="text-align:justify">ယခုအခါ သူသည် ကျဲခယ် အဖွဲ့ထံမှ အရေးပေါ် အကူအညီ တောင်းခံရုံသာ တတ်နိုင်တော့သည် - "မြန်မြန် သွား... ကျဲခယ် အဖွဲ့ကို သွားပင့်ချေ။ တပ်မှူးစုကို သတင်းပို့လိုက်။ စင်ကာပူကို ငါတို့ မနိုင်တော့ဘူးလို့”</p> <p style="text-align:justify">…………………..</p> <p style="text-align:justify">စင်ကာပူ တိုက်ပွဲ၏ ရလဒ်သည် အလှည့်အပြောင်းများစွာဖြင့် ပြည့်နှက်နေပြီး ပြင်ပမှ စောင့်ကြည့်နေသူများကို ဆွံ့အသွားစေခဲ့သည်။</p> <p style="text-align:justify">အစပိုင်းတွင် မလေးရှားသည် အောင်မြင်စွာ ရုတ်တရက် ဝင်ရောက်တိုက်ခိုက်နိုင်ခဲ့ပြီး ၎င်း၏ စစ်တပ်ကို စေလွှတ်လိုက်သောကြောင့် စင်ကာပူ တစ်ခွင်ကို ရှင်းလင်းပစ်တော့မည်ဟု ထင်ရသည်။</p> <p style="text-align:justify">သို့သော် ရက်အနည်းငယ်အတွင်း တိုက်ပွဲ၏ ဒီရေသည် သိသိသာသာ ပြောင်းပြန် ဖြစ်သွားခဲ့သည်။</p> <p style="text-align:justify">စင်ကာပူကို ရန်လိုစွာ ကျူးကျော်ခဲ့သော မလေးရှားသည် အကြီးအကျယ် ရှုံးနိမ့်သွားကာ ၎င်း၏ သံချပ်ကာများနှင့် လက်နက်များကို စွန့်ပစ်ခဲ့ရပြီး စင်ကာပူက ဆုံးရှုံးခဲ့ရသော နယ်မြေအားလုံးကို ပြန်လည်သိမ်းပိုက်နိုင်ခဲ့သည်။</p> <p style="text-align:justify">ယခုအခါ အနောက်တိုင်း အသိုင်းအဝိုင်းက သူတို့ကို လှောင်ပြောင်ရန် ဤအခွင့်အရေးကို လက်လွတ်ခံမည် မဟုတ်ပေ။</p> <p style="text-align:justify">"မောက်မာတဲ့ မလေးရှားသားတွေ သူတို့ရဲ့ မောက်မာမှုအတွက် တန်ဖိုးပေးဆပ်လိုက်ရပြီ။ ဒါက လွတ်လပ်ပြီး တရားမျှတတဲ့ နိုင်ငံတစ်ခုကို ကျူးကျော်တဲ့အတွက် ပေးဆပ်ရတဲ့ တန်ဖိုးပဲ”</p> <p style="text-align:justify">"မလေးရှားရဲ့ လစ်ဟင်းနေတဲ့ စစ်ရေးပြင်ဆင်မှုတွေက သူတို့ရဲ့ ရှုံးနိမ့်မှု မျိုးစေ့တွေကို စိုက်ပျိုးထားခဲ့ပြီးသားပါ”</p> <p style="text-align:justify">"အမေရိကန်က မလေးရှားအပေါ် ပိတ်ဆို့အရေးယူမှုတွေ ပြုလုပ်ကြောင်း ကြေညာလိုက်ပါတယ်။ အမေရိကန် ပြောရေးဆိုခွင့်ရှိသူက ရိုင်းစိုင်းကြမ်းကြုတ်တဲ့ နိုင်ငံတစ်ခုအနေနဲ့ အခြားနိုင်ငံတွေကို ဒီလောက် ဗြောင်ကျကျ ကျူးကျော်ပြီး ကျယ်ပြန့်တဲ့ ဒုက္ခတွေ ဖြစ်စေတာကို ခွင့်ပြုမှာ မဟုတ်ဘူးလို့ ပြောကြားခဲ့ပါတယ်။ သူတို့ရဲ့ ပိတ်ဆို့အရေးယူမှုတွေဟာ မလေးရှားက စစ်ပွဲကို မရပ်မချင်း ရပ်တန့်သွားမှာ မဟုတ်ပါဘူး”</p> <p style="text-align:justify">မလေးရှားသည် ကျဲခယ် အဖွဲ့နှင့် အပြည့်အဝ ပူးပေါင်းကာ ၎င်း၏ လက်အောက်ခံ ဖြစ်သွားသောကြောင့် အနောက်တိုင်း မီဒီယာများသည်လည်း မလေးရှားအပေါ် ပြင်းထန်သော ရန်ငြိုးများ ဖွဲ့တည်လာပြီး မရေမတွက်နိုင်သော လှောင်ပြောင် သရော်သည့် သတင်းဖော်ပြမှုများကို ဖြစ်ပေါ်စေခဲ့သည်။</p> <p style="text-align:justify">မကြာမီ အချိန်လေးကမှ အနောက်တိုင်း မီဒီယာများ၏ အရေးအသားများတွင် မလေးရှားအား ကမ္ဘာ့စည်းမျဉ်းစည်းကမ်းနှင့် တရားမျှတမှုကို ထိန်းသိမ်းသော မိတ်ဆွေနိုင်ငံတစ်ခုအဖြစ်၊ ဆိုးသွမ်းသော အင်အားစုများကို တိုက်ဖျက်ရာတွင် ရှေ့တန်း မဟာမိတ်တစ်ခုအဖြစ် ပုံဖော်ထားခဲ့သော်လည်း ယခုတော့ ပြောင်းလဲသွားခဲ့ပြီ ဖြစ်သည်။</p> <p style="text-align:justify">မလေးရှားက ဆက်တိုက် ရှုံးနိမ့်မှုများကို ရင်ဆိုင်ရသည်နှင့်အမျှ အကူအညီတောင်းခံမှုများသည် နှင်းပွင့်များကဲ့သို့ ကျဲခယ် အဖွဲ့ထံသို့ အစုလိုက်အပြုံလိုက် ရောက်ရှိလာသည်။</p> <p style="text-align:justify">သမ္မတ ဒါတူဟောက်သည် လာအိုနိုင်ငံသို့ ကိုယ်တိုင် ကိုယ်ကျ လေယာဉ်ဖြင့် သွားရောက်ကာ မျက်ရည်များ ဖြိုင်ဖြိုင်ကျလျက် နှစ်ဖက်ကြားရှိ ကာလကြာရှည် မိတ်ဆွေဖြစ်မှုကို ပြန်လည် ပြောပြခဲ့သည်။</p> <p style="text-align:justify">နောက်ဆုံးတွင် မလေးရှားက သတ်မှတ်ထားသော တန်ဖိုးတစ်ခု ပေးဆပ်ရန်နှင့် အချို့သော စည်းကမ်းချက်များကို လိုက်နာရန် သဘောတူပြီးနောက် မလေးရှား၏ အကူအညီ တောင်းခံမှုကို တုံ့ပြန်သည့်အနေဖြင့် ကျဲခယ် အဖွဲ့က စတင် လှုပ်ရှားလာခဲ့သည်။</p> <p style="text-align:justify">"စင်ကာပူဟာ မလေးရှားရဲ့ နယ်မြေဖြစ်တဲ့ ပက်ဒရာ ဘရန်ကာကို ဗြောင်ကျကျ သိမ်းပိုက်ခဲ့ပါတယ်။ ကျဲခယ် အဖွဲ့နဲ့ မလေးရှားကြား ချုပ်ဆိုထားတဲ့ လုံခြုံရေး သဘောတူညီချက်အရ ကျဲခယ် အဖွဲ့က စင်ကာပူကို စစ်ကြေညာလိုက်ပါတယ်”</p> <p style="text-align:justify">ကျဲခယ် အဖွဲ့က သိပ်ပြီး ကြီးကြီးကျယ်ကျယ် ကြေညာခြင်း သို့မဟုတ် ဝါဒဖြန့်ခြင်း မရှိဘဲ တိုတောင်းပြီး သာမန်ကာလျှံကာ ကြေညာချက်တစ်ခုကိုသာ ထုတ်ပြန်ခဲ့သည်။</p> <p style="text-align:justify">သို့သော် ဤကဲ့သို့ ကြေညာချက် ထွက်ပေါ်လာသည့် အခိုက်အတန့်တွင် ကမ္ဘာတစ်ဝှမ်းရှိ နိုင်ငံများအကြား နောက်ထပ် ကြီးမားသော တုန်လှုပ်မှုကြီးကို ဖြစ်ပေါ်စေခဲ့သည်။</p> <p style="text-align:justify">အကြောင်းမှာ ကျဲခယ် အဖွဲ့နှင့် အနောက်ဘက်ရှိ အိန္ဒိယတို့၏ စစ်ပွဲက မပြီးဆုံးသေးဘဲ ယခု တောင်ဘက်တွင် နောက်ထပ် စစ်မျက်နှာတစ်ခု ထပ်ဖွင့်ကာ စစ်မျက်နှာ နှစ်ခုဖွင့်ပြီး စစ်တိုက်နေသောကြောင့်ပင်။</p> <p style="text-align:justify">စစ်မျက်နှာ နှစ်ခုဖွင့်၍ တိုက်ခိုက်ခြင်းသည် စစ်ရေး မဟာဗျူဟာတွင် အမြဲတမ်း ကြီးမားသော တားမြစ်ချက် တစ်ခု ဖြစ်သည်။ စင်ကာပူသည် နိုင်ငံငယ်လေးတစ်ခု ဖြစ်သော်လည်း အရှေ့တောင် အာရှတွင် အလတ်စား စစ်ရေးအင်အားကြီး နိုင်ငံတစ်ခု ဖြစ်နေဆဲပင်။ </p> <p style="text-align:justify">ကျဲခယ် အဖွဲ့က တကယ်ပဲ ဒီလောက်တောင် စည်းမဲ့ကမ်းမဲ့ ဖြစ်နေတာလား။</p> <p style="text-align:justify">ကမ္ဘာတစ်လွှားရှိ နိုင်ငံများသည် အမေရိကန်၏ တုံ့ပြန်မှုကို ချက်ချင်း စတင် စောင့်ကြည့်လာကြသည်။</p> <p style="text-align:justify">သတင်းထောက်များသည်လည်း ပျားများ၊ လိပ်ပြာများအလား အိမ်ဖြူတော်ဆီသို့ အုံနှင့်ကျင်းနှင့် ပြေးသွားကြသည်။</p> <p style="text-align:justify">မလေးရှားသည် ယခုအခါ ကျဲခယ် အဖွဲ့ဘက်သို့ အပြည့်အဝ ကူးပြောင်းသွားပြီး ၎င်း၏ ရှေ့ပြေးတပ် အဖြစ် တာဝန်ထမ်းဆောင်နေချိန်တွင် စင်ကာပူကမူ အမေရိကန်၏ လက်အောက်ခံ ဖြစ်နေသည်။</p> <p style="text-align:justify">ယခု ကျဲခယ် အဖွဲ့က ၎င်း၏ လက်အောက်ခံ အတွက် ဝင်ပါလာချိန်တွင် အမေရိကန်ကရော စင်ကာပူအတွက် ဝင်ပါလာမည်လော။</p> <p style="text-align:justify">အကယ်၍ အမေရိကန်ကသာ ဝင်ရောက်စွက်ဖက်ရန် ရွေးချယ်ခဲ့ပါက ၎င်းသည် ကျဲခယ် အဖွဲ့နှင့် တိုက်ရိုက် ထိပ်တိုက်ရင်ဆိုင်မှုနှင့် ပဋိပက္ခကို မလွဲမသွေ ဖြစ်ပေါ်စေမည် ဖြစ်သည်။ နှစ်ဖက် စစ်ဖြစ်ကြပြီ ဆိုပါက ရာစုနှစ်၏ သတင်းကြီး ဖြစ်လာမည်မှာ သေချာသည်။</p> <p style="text-align:justify">သို့သော်လည်း ပြင်ပကမ္ဘာ၏ မျှော်လင့်ချက်များကို စိတ်ပျက်စေလျက် သတင်းထောက်များနှင့် မီဒီယာများက ဖိအားပေး မေးမြန်းသောအခါ အမေရိကန် ပြောရေးဆိုခွင့်ရှိသူက ဝေ့လည်ကြောင်ပတ်သာ ဖြေကြားခဲ့သည်။ </p> <p style="text-align:justify">တစ်ခါတစ်ရံတွင် ကွန်ဂရက်နှင့် စစ်တပ်က တိုက်ခိုက်ရေး အစီအစဉ်တွေကို လေ့လာနေပါတယ် ဟု ပြောပြီး နောက်တစ်ခါတွင် စင်ကာပူအပေါ် ကျွန်တော်တို့ရဲ့ လုံခြုံရေး ကတိကဝတ်က ကျောက်ဆောင်လို ခိုင်မာပါတယ်။ ဒါပေမဲ့ လက်ရှိ အခြေအနေတွေက မသင့်လျော်သေးပါဘူး ဟု ပြောပြန်သည်။ </p> <p style="text-align:justify">ထို့နောက် အကယ်၍ ကျဲခယ် အဖွဲ့က အခြားနိုင်ငံတွေအပေါ် ကျူးကျော်မှုကို အရှိန်မြှင့်လာရင် ကျွန်တော်တို့ နိုင်ငံရဲ့ ဖျက်ဆီးပစ်နိုင်တဲ့ တိုက်ခိုက်မှုနဲ့ ရင်ဆိုင်ရပါလိမ့်မယ် ဟု ထပ်မံ ပြောဆိုခဲ့သည်။</p> <p style="text-align:justify">အမေရိကန်သည် ပြင်းထန်သော စကားလုံးများစွာကို ပြောဆိုခဲ့သော်လည်း တကယ့် လက်တွေ့တွင် လူသိရှင်ကြား စစ်ကြေညာခြင်း မရှိသလို စင်ကာပူအတွက် တပ်များ သို့မဟုတ် စစ်ကူများ စေလွှတ်ခြင်းလည်း မရှိခဲ့ပေ။</p> <p style="text-align:justify">ဤအချိန်တွင် တစ်ကမ္ဘာလုံးက အမေရိကန်၏ ရပ်တည်ချက်ကို နားလည်သွားကြပြီ ဖြစ်သည်။</p> <p style="text-align:justify">အမေရိကန်သည် စင်ကာပူ ဟူသော ရွှံ့နွံတောထဲသို့ တပ်များ စေလွှတ်ကာ ကုန်းပေါ်ရော ရေထဲမှာပါ ကျဲခယ် အဖွဲ့နှင့် မယှဉ်ပြိုင်ချင်သည်မှာ ထင်ရှားနေသည်။</p> <p style="text-align:justify">နယ်ရုပ်တစ်ခုဖြစ်သော စင်ကာပူကို အမေရိကန်က စွန့်ပစ်လိုက်ပြီ ဖြစ်သည်။</p> <p style="text-align:justify"> </p> <p style="text-align: center;">***</p>


Save