Book List

<h2 style="text-align: center;">အခန်း (၇၁၅)</h2> <h2 style="text-align: center;">*</h2> <p> </p> <p style="text-align:justify">စုကျဲ၏ မျက်လုံး နှစ်လုံးစလုံး ပွင့်လာပြီး တီးတိုး ရေရွတ်လိုက်သည် - "မဟာ တာအိုမြစ်ကြီးနဲ့ ဆက်သွယ်နိုင်တဲ့ နတ်ဘုရား မျက်လုံး စွမ်းရည်က ပိုပြီး အားကောင်းလာတယ်။ ဒါက သွေးကြောဆုံမှတ်တွေကို ဖွင့်လိုက်တဲ့ စွမ်းအားလား”</p> <p style="text-align:justify">သူ၏ မျက်ခွံကို ဖွဖွလေး မှိတ်လိုက်ရာ ဘယ်ဘက် မျက်လုံးမှ ဝိညာဉ်စွမ်းအားများသည် ခန္ဓာကိုယ်မှ ထွက်ခွာသွားပြီး ချည်မျှင်လေးများကို ထိတွေ့သွားသည်။ ထိတွေ့လိုက်သည့် အခိုက်အတန့်တွင်ပင် မဟာတာအို မြစ်ကြီး ပွင့်သွားသည်။</p> <p style="text-align:justify">လူ့လောကကို စောင့်ကြည့်နေသော ဧရာမ နတ်ဘုရား မျက်လုံးကြီးတစ်ခုကဲ့သို့ပင် စုကျဲ၏ ဘယ်ဘက် မျက်လုံးသည် မဟာတာအိုမြစ်ကြီး၏ စွမ်းအားများ နှိုးဆွလိုက်ပြီး ဖော်ပြ၍ မရနိုင်သော ကောင်းကင်နှင့် မြေကြီး၏ ဖိအားများ သူ့အပေါ်သို့ ပုံကျလာသည်။ သွေးပင်လယ်သည်လည်း ချက်ချင်း ဖိသိပ်ခံလိုက်ရပြီး မြေကြီးထဲတွင် အက်ကွဲကြောင်းကြီး တစ်ခု ပေါ်လာသည်။</p> <p style="text-align:justify">အကယ်၍ စုကျဲက အချိန်မီ မထိန်းချုပ်နိုင်ခဲ့လျှင် ၊ ဤနေရာ၌ မန္တန်စက်ဝန်း အများအပြား မရှိခဲ့လျှင် မြေပြင်ပေါ်ရှိ ဘေးပတ်လည် အဆောက်အအုံများ ပြိုကျသွားမည် ဖြစ်သည်။</p> <p style="text-align:justify">ယခင်က စုကျဲ၏ မူလဝိညာဉ် နတ်ဘုရား မျက်လုံးက မဟာ တာအိုမြစ်ကြီးကို ဖွင့်ကာ ၎င်း၏ စွမ်းအားကို ဆင့်ခေါ်သည့်အခါ ဆယ်စင်တီမီတာ အကျယ်ရှိသော အက်ကွဲကြောင်း တစ်ခုကိုသာ ဖွင့်နိုင်ခဲ့သည်ဆိုပါက ယခုအခါတွင်မူ စုကျဲ ဖွင့်လိုက်သော အက်ကွဲကြောင်းသည် တစ်မီတာအထိ ကျယ်ပြန့်လာခဲ့ပြီ ဖြစ်သည်။</p> <p style="text-align:justify">သေချာသည်မှာ ဤသည်မှာ မဟာတာအိုမြစ်ကြီး အားနည်းသော ကမ္ဘာမြေပေါ်တွင်သာ ဖြစ်သည်။ အကယ်၍ သူသာ ထျန်းယွမ် ကမ္ဘာသို့ ပြန်သွားပါက ယခုကဲ့သို့ လုပ်ဆောင်နိုင်မည် မဟုတ်ချေ။</p> <p style="text-align:justify">စုကျဲက ဘယ်ဘက် မျက်လုံးမှ စွမ်းအားများကို ဖျက်သိမ်းလိုက်သောအခါ သူ၏ မျက်လုံးအိမ်မှ သွေးမျက်ရည် တစ်ပေါက် စီးကျလာပြီး သူ၏ ဘယ်ဘက် မျက်လုံးသည် နာကျင် ကိုက်ခဲလာကာ မသိမသာ တုန်ခါနေသည်။</p> <p style="text-align:justify">"နည်းနည်း လွန်သွားတာပဲ။ ဒါပေမဲ့ နောက်ဆုံးတော့ နည်းလမ်းကို ငါ တွေ့သွားပြီ။ အခုက ကြိတ်မှိတ်ပြီး ကျင့်ဖို့ပဲ လိုတော့တယ်”</p> <p style="text-align:justify">သို့သော် စုကျဲသည် နာကျင်မှု အရိပ်အယောင်မျှ မပြဘဲ ၎င်းအစား သူ၏ မျက်နှာတွင် အပြုံးတစ်ခု တည်ရှိနေသည်။ အကြောင်းမှာ စုကျဲသည် တာအိုစင်မြင့် အဆင့်သို့ ထိုးဖောက် ဝင်ရောက်ရန် သော့ချက်ကို ရှာတွေ့သွားသောကြောင့်ပင်။</p> <p style="text-align:justify">စုကျဲ၏ ကျင့်ကြံအဆင့်သည် လျို့ဝှက်နယ်ပယ်အဆင့်၏ ပဉ္စမအဆင့်သို့ ရောက်ရှိနေပြီ ဖြစ်ပြီး သူ၏ ခန္ဓာကိုယ်ရှိ အတွင်းကလီစာ ငါးခုစလုံးအား ပြီးပြည့်စုံသော အနေအထားမျိုး အထိ ရောက်အောင် သန့်စင်ပြီးသား ဖြစ်ကာ လျို့ဝှက်နယ်ပယ်အဆင့်၏ အထွတ်အထိပ်သို့ ရောက်ရှိနေပြီ ဟု ဆိုရပေမည်။</p> <p style="text-align:justify">သို့သော် သူသည် မကြာသေးမီက စမ်းသပ်မှု မပြုလုပ်မီအထိ တာအိုစင်မြင့် အဆင့်သို့ ထိုးဖောက် ဝင်ရောက်ရန် နည်းလမ်းကို မရှာတွေ့သေးချေ။ ထိုစမ်းသပ်မှုက စုကျဲအား တာအိုစင်မြင့် အဆင့်သို့ ထိုးဖောက် ဝင်ရောက်ရန် သူလျှောက်လှမ်းရမည့် လမ်းကြောင်းကို နားလည်သွားစေခဲ့သည်။</p> <p style="text-align:justify">တာအိုစင်မြင့် အဆင့်၏ အလွှာ ခုနစ်လွှာသည် လူ့ခန္ဓာကိုယ်ရှိ မျက်နှာပေါက် ခုနစ်ပေါက်နှင့် သက်ဆိုင်သည်။</p> <p style="text-align:justify">စုကျဲသည် သူ၏ ဘယ်ဘက် မျက်လုံး၏ မျက်လုံးပေါက်ကို အရင်ဆုံး ဖွင့်လှစ်ခဲ့ပြီး ယခုလေးတင် သူ ပြသခဲ့သော နတ်ဘုရား မျက်လုံးသည် ထိုအရာ၏ ပြယုဂ်တစ်ခု ဖြစ်သည်။</p> <p style="text-align:justify">တာအိုစင်မြင့် အဆင့်သို့ ထိုးဖောက် ဝင်ရောက်ရန်အတွက် အတွင်းကလီစာ ငါးခုမှ စွမ်းအင်များဖြင့် မျက်နှာပေါက် ခုနစ်ပေါက်ကို သန့်စင်ရန် လိုအပ်ရုံသာမက မဟာတာအိုမြစ်ကြီး၏ အရှိန်အဝါများနှင့် ပေါင်းစပ်ကာ မူလဝိညာဉ်၏ မျက်လုံးပေါက်များကိုပါ တစ်ပြိုင်နက် သန့်စင်ရန် လိုအပ်သည်။</p> <p style="text-align:justify">လျို့ဝှက်နယ်ပယ်အဆင့်တွင် ကျင့်ကြံထားသော အတွင်းကလီစာ ငါးခုမှ သန့်စင်ထားသော စွမ်းအင်များဖြင့် မျက်နှာပေါက် ခုနစ်ပေါက်ကို သန့်စင်ခြင်းနှင့် မဟာ တာအိုစွမ်းအင်များက မူလဝိညာဉ်၏ မျက်နှာပေါက် ခုနစ်ပေါက်ကို သန့်စင်ခြင်းတို့ကို တပြိုင်ထဲ လုပ်ရသည်။</p> <p style="text-align:justify">မူလဝိညာဉ်နှင့် ခန္ဓာကိုယ် နှစ်ခုစလုံးကို သန့်စင်ပြီး ပေါင်းစပ်လိုက်သောအခါ ၎င်းသည် တာအိုစင်မြင့် အဆင့်သို့ သွားသော လမ်းကြောင်းပင် ဖြစ်သည်။</p> <p style="text-align:justify">"ကမ္ဘာမြေရဲ့ မဟာ တာအိုမြစ်ကြီးရဲ့ ပတ်ဝန်းကျင်က ပိုပြီး နူးညံ့တယ်။ ငါ့ရဲ့ ကျင့်ကြံမှုအတွက် သင့်လျော်တယ်”</p> <p style="text-align:justify">စုကျဲသည် စိတ်ခံစားချက် ကောင်းမွန်နေသည်။ ထျန်းယွမ် ကမ္ဘာရှိ ကြောက်မက်ဖွယ်ကောင်းသော မဟာ တာအိုမြစ်ကြီးနှင့် နှိုင်းယှဉ်ပါက ကမ္ဘာမြေပေါ်ရှိ မဟာ တာအိုမြစ်ကြီးသည် များစွာ ပိုမို နူးညံ့ပြီး စုကျဲအား တာအိုစင်မြင့် အဆင့်သို့ ပိုမို မြန်ဆန်စွာ တက်လှမ်းနိုင်စေသည်။</p> <p style="text-align:justify">မူလက စုကျဲသည် အရှိန်တင်ကာ ဆက်လက် ခိုင်မာအောင် လုပ်ဆောင်ပြီး သူ၏ ဘယ်ဘက် မျက်လုံးပေါက်ကို အမြန်ဆုံး သန့်စင်မှု ပြီးစီးအောင် လုပ်ဖို့ စီစဉ်ထားခဲ့သည်။</p> <p style="text-align:justify">သို့သော် ထိုအချိန်တွင် အပြင်ဘက်ရှိ မန္တန်စက်ဝန်း ထိတွေ့ခံလိုက်ရသည်။ စုကျဲက သူ၏ နတ်ဘုရား အာရုံ ဖြင့် လှမ်းကြည့်လိုက်ရာ လျူယင်းယင်း သူ့ကို လာရှာကြောင်း တွေ့လိုက်ရသည်။</p> <p style="text-align:justify">ကျင့်ကြံမှုသည် အလျင်စလို လုပ်၍ မရသဖြင့် စုကျဲသည် မတ်တတ်ရပ်ကာ ကိုးဆင့်မြင့် မြင့်မြတ်ကြာပန်းကို သိမ်းဆည်းလိုက်ပြီး မြေအောက် ကူအင်းဆက် စခန်းမှ ထွက်ခွာရန် လှည့်ထွက်လာခဲ့သည်။</p> <p style="text-align:justify">ကျဲခယ် အဖွဲ့ ကုမ္ပဏီသို့ ပြန်သွားသော ကားထဲတွင် လျူယင်းယင်းက စုကျဲအား နောက်ဆုံး အခြေအနေများကို သတင်းပို့နေသည်။</p> <p style="text-align:justify">"... အဲဒီလိုပါပဲ။ အမေရိကန်ရဲ့ လေယာဉ်တင်သင်္ဘော သုံးစင်းက သူတို့ရဲ့ ဆုံရပ်ကို ရောက်သွားပြီး အိန္ဒိယသမုဒ္ဒရာ အနီးမှာ စုဝေးနေကြပါပြီ။ အခြား လေယာဉ်တင်သင်္ဘော နှစ်စင်းကတော့ ဩစတြေးလျ ဒေသမှာ တပ်စွဲထားပြီး တည်နေရာတွေကတော့..."</p> <p style="text-align:justify">လျူယင်းယင်းက အမေရိကန်၏ စစ်ရေး တပ်ဖြန့်မှုများကို အဓိကထားကာ စုကျဲအား အခြေအနေများကို ဖြည်းဖြည်းချင်း ရှင်းပြနေသည်။</p> <p style="text-align:justify">ကျဲခယ် အဖွဲ့က အဘယ်ကြောင့် ဤမျှ ရှင်းလင်းစွာ သိနေသနည်း ဆိုရလျှင် လေယာဉ်တင်သင်္ဘော တိုက်ခိုက်ရေးအုပ်စုများ အထက်တွင် ကျဲခယ် အဖွဲ့၏ ဂြိုဟ်တုများ စောင့်ကြည့်နေလေ့ ရှိသောကြောင့်ပင်။</p> <p style="text-align:justify">လေယာဉ်တင်သင်္ဘောများကို စူးစမ်းထောက်လှမ်းသော သူလျှိုဂြိုဟ်တုများသည် လူများ ထင်သကဲ့သို့ ကျယ်ပြောလှသော သမုဒ္ဒရာကြီးထဲတွင် ရည်ရွယ်ချက် မရှိဘဲ ရှာဖွေနေပြီး ရေပြင်ကို အဆက်မပြတ် စကန် ဖတ်နေခြင်း မဟုတ်ပေ။</p> <p style="text-align:justify">၎င်းအစား လေယာဉ်တင်သင်္ဘောတစ်စင်း ဆိပ်ကမ်းမှ ထွက်ခွာသည်နှင့်တပြိုင်နက် ဂြိုဟ်တုများက အချိန်နှင့်တပြေးညီ စောင့်ကြည့်မှုကို စတင်ကာ သူလျှိုဂြိုဟ်တုများက သတင်းအချက်အလက်များကို အဆက်မပြတ် ပေးပို့လျက် လေယာဉ်တင်သင်္ဘော အုပ်စု၏ လှုပ်ရှားမှုများကို ခြေရာခံကြခြင်း ဖြစ်သည်။</p> <p style="text-align:justify">ကျဲခယ် အဖွဲ့၏ ခွန်းဖုန် ဒုံးပျံများသည် အာကာသထဲသို့ ဂြိုဟ်တုများကို လွှတ်တင်နေဆဲ ဖြစ်သော်လည်း မကြာသေးမီက အကြိမ်ရေ သိသိသာသာ လျော့ကျသွားခဲ့သည်။ အကြောင်းမှာ ကျဲခယ် အဖွဲ့တွင် ကမ္ဘာပတ်လမ်းထဲ၌ ဂြိုဟ်တု အလုံအလောက် ရှိနေပြီ ဖြစ်ပြီး စုစုပေါင်း ဂြိုဟ်တု နှစ်သောင်းကျော် ရှိလေသည်။</p> <p style="text-align:justify">၎င်းတို့အနက် အများစုမှာ အသေးစားနှင့် မိုက်ခရို ဂြိုဟ်တုများ ဖြစ်ကြသော်လည်း သူလျှိုနှင့် စစ်ရေး ရည်ရွယ်ချက်များအတွက် အသုံးပြုသော ဧရာမ ဂြိုဟ်တု အများအပြားလည်း ပါဝင်သည်။</p> <p style="text-align:justify">ဂြိုဟ်တု အရေအတွက် များပြားခြင်းက ကျဲခယ် အဖွဲ့ကို တည်ငြိမ်စွာ တပ်ဖြန့်နိုင်စေပြီး ပတ်လမ်းထဲရှိ ကျဲခယ် အဖွဲ့၏ သူလျှိုဂြိုဟ်တုများသည် အမေရိကန် စစ်ဆိပ်ကမ်းတိုင်းလိုလိုကို အချိန်တိုင်း စောင့်ကြည့်နေကြသည်။</p> <p style="text-align:justify">အမေရိကန်ကလည်း ဤအချက်ကို ကောင်းကောင်း သိထားသည်။ အကြောင်းမှာ အမေရိကန်ကလည်း ကျဲခယ် အဖွဲ့အပေါ် ထိုနည်းတူ ပြုလုပ်နေသောကြောင့်ပင်။</p> <p style="text-align:justify">သို့သော် မျိုစင်္ကြာ အတန်းအစား ရေနက်ပိုင်း ခရူဇာစစ်သင်္ဘောကြီးများက ရေငုပ်နိုင်ပြီး ၎င်းတို့ သမုဒ္ဒရာထဲသို့ ငုပ်လျှိုးသွားသည်နှင့် ဂြိုဟ်တုများက ၎င်းတို့ကို ခြေရာခံ၍ မရနိုင်တော့ပေ။</p> <p style="text-align:justify">ဤသည်မှာလည်း အမေရိကန်က ကျဲခယ် အဖွဲ့ကို အလွန်အမင်း သတိထားနေရပြီး ၎င်း၏ အစွမ်းထက်သော လေယာဉ်တင်သင်္ဘော တိုက်ခိုက်ရေးအုပ်စုများက ဘင်္ဂလားပင်လယ်အော်သို့ အလွယ်တကူ မဝင်ရောက်ရဲသည့် အကြောင်းရင်းလည်း ဖြစ်သည်။</p> <p style="text-align:justify">"စုကျဲ... အမေရိကန်က နောက်ဆုံးတော့ ကျွန်မတို့ကို မတိုက်ဘဲ မနေနိုင်တော့ဘဲ စစ်ပွဲ စတင်တော့မှာလား”</p> <p style="text-align:justify">လျူယင်းယင်းက စာရွက်စာတမ်းများကို ကိုင်လျက် စုကျဲ၏ အကဲဖြတ်မှုကို မေးမြန်းလိုက်သည်။</p> <p style="text-align:justify">အမေရိကန်က ဤမျှ ကြီးမားသော စစ်ရေးလှုပ်ရှားမှုကို လုပ်ဆောင်နေသဖြင့် လျူယင်းယင်းပင်လျှင် စိတ်လှုပ်ရှားလာသည်။ မည်သို့ပင်ဆိုစေကာမူ အမေရိကန်သည် ဒုတိယ ကမ္ဘာစစ် ပြီးဆုံးကတည်းက ကမ္ဘာပေါ်တွင် အင်အားအကောင်းဆုံး ဖြစ်နေသည် မဟုတ်ပါလား…။</p> <p style="text-align:justify">"အဲဒီလို မဟုတ်လောက်ပါဘူး။ အကယ်၍ အမေရိကန်ကသာ ငါတို့နဲ့ စစ်တိုက်ချင်တယ်ဆိုရင် သူတို့ရဲ့ စုဆောင်းလှုံ့ဆော်မှုတွေက ဒီထက် ပိုကြီးမားနေမှာဖြစ်ပြီး ငါတို့ရဲ့ ဂြိုဟ်တုတွေကို ကောင်းကင်ယံကနေ သူတို့ရဲ့ လေယာဉ်တင်သင်္ဘောတွေကို ဒီလိုမျိုး စောင့်ကြည့်ခွင့် ပေးထားမှာ မဟုတ်ဘူး။ သူတို့ဆီမှာ ဂြိုဟ်တုဖျက် လက်နက်တွေ မရှိတာမှ မဟုတ်တာ။ အနည်းဆုံးတော့ သူတို့ ငါတို့ဆီက သင်ခန်းစာယူပြီး ဂြိုဟ်တု အသေခံ တိုက်ခိုက်မှုတွေကို အသုံးပြုနိုင်သေးတယ်”</p> <p style="text-align:justify">စုကျဲက ခေါင်းယမ်းကာ ရှင်းပြလိုက်သည်။ "ငါထင်တာတော့ အမေရိကန်က ငါတို့ကို တမင်သက်သက် ဟန်ပြနေတာပဲ။ ငါတို့ရဲ့ ဂြိုဟ်တုတွေက သူတို့ ခေါင်းပေါ်မှာ တွဲလောင်းကျနေပြီး သူတို့ရဲ့ လေယာဉ်တင် သင်္ဘော တိုက်ခိုက်ရေးအုပ်စုတွေကို ကြည့်နေမှန်း သိသိရက်နဲ့ ဒီလောက် ကြီးကြီးကျယ်ကျယ် တပ်တွေ စုဆောင်းပြနေတာက တကယ်တော့ သူတို့ ငါတို့နဲ့ စစ်မတိုက်ချင်ဘူး ဆိုတာကို သက်သေပြနေတာပဲ။ အနည်းဆုံးတော့ ဒီအချိန်မှာပေါ့။ သူတို့ လုပ်နေတာက ငါတို့ကို ခြောက်လှန့်ပြီး ငါတို့ဘာသာ ငါတို့ နောက်ဆုတ်သွားအောင် ၊ ငါတို့ရဲ့ ချဲ့ထွင်မှုတွေကို ထိန်းချုပ်သွားအောင် လုပ်ပြီး အသာစီးရဖို့ မျှော်လင့်နေတာ သက်သက်ပဲ”</p> <p style="text-align:justify">"အမေရိကန်က အဲဒီလောက်တောင် သတ္တိကြောင်တာလား”</p> <p style="text-align:justify">စုကျဲ၏ အမြင်ကို ကြားသောအခါ လျူယင်းယင်းက ရုတ်တရက် လွှတ်ခနဲ ပြောလိုက်မိသည်။</p> <p style="text-align:justify">စုကျဲက လျူယင်းယင်း၏ ပါးကို ဆွဲလိမ်ကာ ရယ်မောလျက် ပြောလိုက်သည်။ "မင်းက အမေရိကန်ကို အရမ်း သတ္တိရှိတယ်လို့ ထင်နေတာလား။ အဲဒါက မင်းရဲ့ အစွဲအလမ်းနဲ့ အထင်အမြင်လွဲမှားမှု သက်သက်ပဲ။ အမေရိကန်က ဘယ်တုန်းကများ ကြီးမားတဲ့ စစ်ပွဲတစ်ခုကို အရင်ဆုံး ဝင်တိုက်ဖူးလို့လဲ”</p> <p style="text-align:justify">“ပထမ ကမ္ဘာစစ်တုန်းက အမေရိကန်က မြောက်အမေရိကကနေ အဝေးကနေ စောင့်ကြည့်နေခဲ့တာ။ အောင်ပွဲခံဖို့ နီးစပ်လာတဲ့ နောက်ဆုံးအချိန်ရောက်မှ အကျိုးအမြတ် ရိတ်သိမ်းဖို့ ဝင်လာခဲ့တာလေ”</p> <p style="text-align:justify">“ဒုတိယ ကမ္ဘာစစ်တုန်းက ဂျပန်ကသာ ပုလဲဆိပ်ကမ်းကို ဗုံးမကြဲခဲ့ရင် အမေရိကန်ကလည်း အကျိုးအမြတ်တွေ ကောက်ယူဖို့ နောက်ဆုံးအချိန်အထိ စောင့်နေဦးမှာပဲ”</p> <p style="text-align:justify">“ဒုတိယ ကမ္ဘာစစ်အပြီး သူတို့ တိုက်ခဲ့တဲ့ စစ်ပွဲတိုင်းမှာ အောင်နိုင်ချေ အရမ်းများတယ်လို့ ယုံကြည်မှသာ ဝင်တိုက်ခဲ့တာ မဟုတ်ဘူးလား။ ပြီးတော့ သူတို့က သူတို့ရဲ့ လက်အောက်ခံတွေကို ခေါ်ပြီး အားနည်းတဲ့ နိုင်ငံငယ်လေးတွေကို ဝိုင်းအုံတိုက်ခိုက်ရတာ ဒါမှမဟုတ် အင်အားစုတွေကို ထောက်ခံ အားပေးပြီး ကြားခံစစ်ပွဲတွေ ဆင်နွှဲရတာကို သဘောကျတယ်။ သူတို့ကိုယ်တိုင်ကတော့ နောက်ဆုတ်နေပြီး အကျိုးအမြတ်တွေကို ခံစားကြတာလေ”</p> <p style="text-align:justify">“အမေရိကန်က ခက်ခဲတဲ့ စိန်ခေါ်မှုတွေကို ရင်ဆိုင်ဖို့ ရှေ့တန်းကို ထွက်လာလေ့ အရမ်းနည်းတယ်။ ဒါက အားနည်းသူကို အနိုင်ကျင့်ပြီး အားကြီးသူကို ကြောက်တတ်တဲ့ သူတို့ရဲ့ နက်ရှိုင်းစွာ အမြစ်တွယ်နေတဲ့ အင်္ဂလို-ဆက်ဆွန် ဓားပြ အကျင့်စရိုက်ကြောင့်ပဲ”</p> <p style="text-align:justify"> </p> <p style="text-align: center;">***</p>


Save