Book List

<h2 style="text-align: center;">အခန်း (၇၁၇)</h2> <h2 style="text-align: center;">*</h2> <p> </p> <p style="text-align:justify">တီ တီ</p> <p style="text-align:justify">ဖုန်း အနည်းငယ် မြည်ပြီးနောက် တစ်ဖက်မှ ထူးလာသည်။ ကုန်းကော်ခိုင်က ချက်ချင်းပင် အပြုံးတစ်ခု ဆင်မြန်းလိုက်ပြီး - "ဗိုလ်ချုပ် ဒီဘန်... ဟုတ်ကဲ့။ ဟုတ်ကဲ့။ ကျွန်တော်ပါဗျ။ ကျွန်တော့်ဆီမှာ ဝိုင်ကောင်းကောင်း အသစ် ရောက်နေလို့။ ဒီနေ့ည ဦးလေးကို ဖိတ်ပြီး ဂုဏ်ပြုချင်လို့ပါ..."</p> <p style="text-align:justify">"မြို့တော်ဝန် မိဝူ... ဟုတ်ကဲ့။ ကျွန်တော်တို့ မဆုံဖြစ်တာ ကြာပြီနော်။ ဒီနေ့ည... ဒီနေ့ညပဲ လုပ်ကြရအောင် မူးတဲ့အထိ မပြန်ကြေးနော်”</p> <p style="text-align:justify">"အကောက်ခွန် ကြီးကြပ်ရေးမှူး ကဲတု... ဘာတွေ ပြောတာလဲဗျာ။ ကျွန်တော် ခင်ဗျားကို ဘယ်လိုလုပ် မေ့မှာလဲ။ အခုတလော အချိန်မရလို့ပါဗျာ။ နေ့တိုင်း အလုပ်ရှုပ်နေလို့။ ဒီမှာ... အားတာနဲ့ ခင်ဗျားဆီ အရင်ဆုံး လာတာ မဟုတ်လား။ တခြားသူကို မေ့ရင် မေ့မယ်။ အကောက်ခွန် ဌာနက မိတ်ဆွေဟောင်းကြီးတွေကိုတော့ ဘယ်တော့မှ မမေ့ပါဘူးဗျာ"</p> <p style="text-align:justify">ဖုန်း ဆယ်ကြိမ်ကျော် ခေါ်ဆိုပြီးနောက် ကုန်းကော်ခိုင်က ဖုန်းချလိုက်ပြီး လက်ဆောင်စာအိတ်များ စတင် ပြင်ဆင်တော့သည်။ သို့သော် စာအိတ်များအတွင်း၌ ငွေသားများ မဟုတ်ဘဲ ချက်လက်မှတ်များ ပါဝင်နေသည်။</p> <p style="text-align:justify">ချက်လက်မှတ်များပေါ်တွင် ရေးထားသော ကိန်းဂဏန်းများမှာ သာမန်လူများကို မျက်လုံး ပြူးသွားစေရန် လုံလောက်လှပြီး သာမန်လူ တစ်ယောက် တစ်သက်လုံး အလုပ်လုပ်လျှင်ပင် မရနိုင်သော ဓနဥစ္စာများကို ကိုယ်စားပြုနေသည်။</p> <p style="text-align:justify">ထို့အပြင် ယနေ့ညအတွက် ကြီးမားသော အသုံးစရိတ် တစ်ခုကို ပြင်ဆင်ပြီးနောက် ကုန်းကော်ခိုင်က သူ၏ အတွင်းရေးမှူးအား ညစာစားပွဲကို စီစဉ်ရန် ညွှန်ကြားလိုက်သည်။</p> <p style="text-align:justify">တစ်ညလုံး အသေအလဲ သောက်စားပြီးနောက် ကုန်းကော်ခိုင်သည် လက်ဆောင်စာအိတ် အားလုံးကို ဝေငှခဲ့ပြီး သူ၏ စီးပွားရေးကို နောက်ထပ် မနှောင့်ယှက်တော့ပါဟူသော ကတိများကို ရရှိခဲ့သည်။</p> <p style="text-align:justify">ကုန်းကော်ခိုင်ကမူ ကိစ္စရပ်များ ပြေလည်သွားပြီဟု မူလက ထင်ခဲ့သည်။ မည်သို့ပင်ဆိုစေကာမူ သူသည် အကြီးအကျယ် အကုန်အကျ ခံခဲ့ရပြီး ညစာစားပွဲ တက်ရောက်လာသူများ မည်မျှပင် အစားကြီးပါစေ ယခုအချိန်တွင် ဗိုက်ဝနေသင့်ပြီ မဟုတ်ပါလား…။</p> <p style="text-align:justify">သို့သော် ကုန်းကော်ခိုင် လုံးဝ ထင်မထားသောအရာမှာ တတိယမြောက်နေ့တွင် သူသည် ကြောက်မက်ဖွယ် ကောင်းသော သတင်းတစ်ခုကို လက်ခံရရှိခဲ့ခြင်းပင်။</p> <p style="text-align:justify">သူ၏ တူဖြစ်သူသည် အင်ဒိုနီးရှား ရေပြင်ကျယ်တွင် အင်ဒိုနီးရှား မှောင်ခိုနှိမ်နင်းရေး ရေကြောင်း ရဲတပ်ဖွဲ့၏ ဖမ်းဆီးခြင်းကို ခံလိုက်ရပြီး တရားမဝင် မှောင်ခိုကူးမှု၊ လက်နက် ထုတ်လုပ်မှုနှင့် ဥပဒေကို အင်အားသုံး ခုခံမှု စသည့် စွဲချက်များဖြင့် တရားစွဲဆိုခံရကာ မှောင်ခို ပစ္စည်းအားလုံးကိုလည်း သိမ်းဆည်းခြင်း ခံလိုက်ရသည်။</p> <p style="text-align:justify">ကုန်းကော်ခိုင်သည် ယင်းသတင်းကို ကြားသောအခါ ဒေါသကြောင့် မျက်နှာမှာ ပြာနှမ်းသွားတော့သည်။</p> <p style="text-align:justify">"ခွေးသူတောင်းစားတွေ ပိုက်ဆံယူပြီး အလုပ်မလုပ်တဲ့ကောင်တွေ။ လူကို အရိုးတောင် မကျန်အောင် ဝါးစားမယ့် ခွေးကောင်တွေ”</p> <p style="text-align:justify">ကုန်းကော်ခိုင်က ဒေါသတကြီးဖြင့် စားပွဲကို ကန်ချလိုက်ပြီး ထိုညက ညစာစားပွဲတွင် ရင်ဘတ်ကို ပုတ်ကာ သူ၏ စီးပွားရေးကို ကာကွယ်ပေးပါ့မည်ဟု ကတိပေးခဲ့သော ကောင်များကို ပါးရိုက်ချင်စိတ် ပေါက်သွားသည်။</p> <p style="text-align:justify">သို့သော် လက်တွေ့ဘဝက ကုန်းကော်ခိုင်ကို စိတ်အေးအေးထားရန် ဖိအားပေးနေသည်။ သူသည် ဖုန်းဖြင့် အကြိမ်ကြိမ် ဆက်သွယ်ခဲ့သည်။</p> <p style="text-align:justify">ဖုန်းထဲတွင် သူ့ကို ညီအစ်ကိုလို ခေါ်ခဲ့သော အရာရှိများမှာ ယခုအခါတွင်မူ သူတို့ မသိရှိကြောင်း၊ အခက်အခဲ ရှိကြောင်း သို့မဟုတ် ပြဿနာကို မဖြေရှင်းနိုင်ကြောင်း စသည့် အကြောင်းပြချက် အမျိုးမျိုး ပေးနေကြတော့သည်။</p> <p style="text-align:justify">နောက်ဆုံးတွင် ငွေကြေးဖြင့် လုံလောက်အောင် ဖျောင်းဖျပြီးနောက် ကုန်းကော်ခိုင်သည် သူ၏ အဆက်အသွယ်များကို အလုပ်လုပ်အောင် လုပ်နိုင်ခဲ့သည်။</p> <p style="text-align:justify">နှစ်ရက်အကြာတွင် ကုန်းကော်ခိုင်သည် သူ၏ တူဖြစ်သူကို အင်ဒိုနီးရှားရှိ ထောင်တစ်ခုတွင် တွေ့ခွင့်ရခဲ့သည်။</p> <p style="text-align:justify">သံတိုင်များ ခြားထားသော်လည်း သူ၏ တူဖြစ်သူကို မြင်လိုက်ရချိန်တွင် ကုန်းကော်ခိုင်၏ မျက်လုံးများ ချက်ချင်း နီရဲသွားသည်။</p> <p style="text-align:justify">သူ၏ တူဖြစ်သူ၏ မျက်နှာမှာ ညိုမည်း စုတ်ပြတ်နေပြီး ညာဘက်ခြေထောက်မှာ ထော့နဲ့ထော့နဲ့ ဖြစ်နေကာ မျက်နှာနှင့် ခန္ဓာကိုယ်ပေါ်တွင် ကြိမ်ရာများ ရှိနေခြင်းက ထောင်အတွင်း၌ နှိပ်စက် ညှဉ်းပန်းမှုများကို ခံစားခဲ့ရကြောင်း ပြသနေသည်။</p> <p style="text-align:justify">"ဦးလေး"</p> <p style="text-align:justify">ဆုံဆည်းသည်နှင့် တူဖြစ်သူ၏ မျက်ရည်များမှာ အထိန်းအကွပ်မဲ့ စီးကျလာပြီး သူ၏ မျက်နှာတွင် နာကြည်းမှုနှင့် ဒေါသများ ပြည့်နှက်နေသည်။</p> <p style="text-align:justify">"သူတို့... သူတို့ ဘယ်လိုတောင် ဒီလို လုပ်ရဲတာလဲ”</p> <p style="text-align:justify">ကုန်းကော်ခိုင်က သံတိုင်များကို တင်းတင်းကြပ်ကြပ် ဆုပ်ကိုင်လိုက်ရာ သူ၏ လက်ဆစ်များမှာ ဖြူလျော့သွားသည်။ ကျန်းမာရေး အခြေအနေကြောင့် သူ့တွင် ကိုယ်ပိုင် သားသမီး မရှိဘဲ တူဖြစ်သူကို သူ၏ သားအရင်းကဲ့သို့ သဘောထားသူ ဖြစ်သည်။</p> <p style="text-align:justify">သူ၏ တူဖြစ်သူကို ဤအခြေအနေမျိုးတွင် မြင်လိုက်ရသဖြင့် သူ၏ ဒေါသတို့ ဟုန်းခနဲ ထတောက်လာ၏။</p> <p style="text-align:justify">"ဦးလေး... အဲဒီ အင်ဒိုနီးရှား မှောင်ခိုနှိမ်နင်းရေး အရာရှိတွေက ကျွန်တော်တို့ကို တားပြီးတာနဲ့ ဘာမှမပြောဘဲ စတင်ပြီး ဝိုင်းရိုက်ကြတာ။ ကျွန်တော့်ရဲ့ ဘယ်ဘက်ခြေထောက်ကို သူတို့ ချိုးပစ်ခဲ့တယ်။ ရှောင်လုံ… တတိယအစ်ကိုနဲ့ ရှောင်ရွှီ... သူတို့ သုံးယောက်ကိုတော့ အဲဒီ တိရစ္ဆာန်တွေက သေတဲ့အထိ ရိုက်သတ်လိုက်ကြတယ် ဦးလေး”</p> <p style="text-align:justify">တူဖြစ်သူက အံတင်းတင်းကြိတ်ကာ မလျှော့သော အာဃာတများဖြင့် ပင်လယ်ပြင်တွင် သူ ကြုံတွေ့ခဲ့ရသည်များကို ကုန်းကော်ခိုင်အား ပြန်လည် ပြောပြနေသည်။</p> <p style="text-align:justify">"ဘာ"</p> <p style="text-align:justify">ကုန်းကော်ခိုင်၏ အသက်ရှူသံများ ပြင်းထန်လာပြီး သူ၏ ရင်ဘတ်ထဲတွင် စည်တီးနေသကဲ့သို့ ဒိန်းဒိန်း ခုန်နေကာ ခေါင်းများပင် မူးနောက်သွားသည်။</p> <p style="text-align:justify">သေဆုံးသွားသော လူသုံးယောက်မှာ သူ ငယ်စဉ်ကတည်းက ကြည့်ရှု စောင့်ရှောက်လာခဲ့သော လူငယ်လေးများ ဖြစ်ကြသည်။ သူတို့ သေဆုံးသွားကြောင်း ကြားလိုက်ရသဖြင့် ကုန်းကော်ခိုင်သည် သူ၏ ရင်တွင်း ဒေါသကို မထိန်းချုပ်နိုင်တော့ဘဲ သံတိုင်များကို သူ၏ လက်သီးဖြင့် ခပ်ကြမ်းကြမ်း ထိုးနှက်လိုက်တော့သည်။</p> <p style="text-align:justify">"ဦးလေး... ဒီတစ်ခါ သူတို့က အရင်နဲ့ မတူဘူး။ ကျွန်တော်တို့ကို တမင် သီးသန့် လာဖမ်းသလိုပဲ။ ဦးလေး အပြင်မှာ သတိထားပါ”</p> <p style="text-align:justify">တူဖြစ်သူက ဘယ်ညာကြည့်ကာ အသံကို နှိမ့်ပြောလိုက်သည်။ ယခင်က မှောင်ခိုနှိမ်နင်းရေး အရာရှိများနှင့် တွေ့လျှင် အဆိုးဆုံးမှာ ပစ္စည်း သိမ်းဆည်းခံရပြီးနောက် မကြာမီ ပြန်လွှတ်ပေးလေ့ ရှိသည်။</p> <p style="text-align:justify">ယခုကဲ့သို့ တိုက်ရိုက် အင်အားသုံးပြီး လူသတ်သည် အထိ လုပ်ဆောင်သည့် ပုံစံမှာ လုံးဝ ကွဲပြား ခြားနားနေသည်။</p> <p style="text-align:justify">ကုန်းကော်ခိုင် အသက်ကို ပြင်းပြင်းတစ်ချက် ရှူလိုက်ပြီး ယခုကာလအတွင်း ဖြစ်ပျက်နေသော အခြေအနေများကို သူ၏ စိတ်ထဲတွင် လျင်မြန်စွာ စဉ်းစားလိုက်ရာ တစ်ခုခုကို သတိပြုမိသွားပုံရပြီး သူ၏ မျက်နှာ အမူအရာမှာ ပို၍ပင် ခက်ထန်သွားတော့သည်။</p> <p style="text-align:justify">ကုန်းကော်ခိုင်က တူဖြစ်သူနှင့် မိနစ်အနည်းငယ်မျှပင် စကားမပြောရသေးမီမှာပင် ထောင်စောင့် တစ်ယောက်က သူတို့ကို အပြင်ထွက်ရန် လာရောက် မောင်းထုတ်သည်။</p> <p style="text-align:justify">"လူတွေ့ချိန် ကုန်ပြီ။ မြန်မြန် ထွက်ကြတော့”</p> <p style="text-align:justify">ကုန်းကော်ခိုင်က စိတ်ကို ပြန်လည် ထိန်းချုပ်လိုက်ပြီး သူ၏ တူဖြစ်သူအား ပြောလိုက်သည် - "မင်း အထဲမှာ ကိုယ့်ကိုယ်ကိုယ် ဂရုစိုက်ပါ။ သူတို့ တစ်ခုခု မေးရင် ဘာပြောရမယ်။ ဘာမပြောရဘူးဆိုတာ မင်း သိပါတယ်။ ငါ မင်းကို အမြန်ဆုံး ထွက်လာနိုင်အောင် လုပ်ပေးပါ့မယ်”</p> <p style="text-align:justify">"ဦးလေး... ကျွန်တော် နားလည်ပါတယ်။ ကျွန်တော့်ကို သတ်ရင်တောင် ဘာမှ ပြောမှာ မဟုတ်ပါဘူး”</p> <p style="text-align:justify">တူဖြစ်သူ၏ ကတိကို ရရှိပြီးနောက် ကုန်းကော်ခိုင်သည် ထောင်အတွင်းမှ ထွက်ခွာလာခဲ့သည်။</p> <p style="text-align:justify">အပြင်ဘက်တွင် မိုးများ သည်းထန်စွာ ရွာသွန်းနေပြီး ကုန်းကော်ခိုင်၏ မျက်နှာ အမူအရာမှာလည်း အဆက်မပြတ် ပြောင်းလဲနေသည်။ သူ၏ တရုတ်လူမျိုး စုစည်းမှုကို လွှမ်းမိုးမည့် မုန်တိုင်းတစ်ခု ကျရောက်လာတော့မည် ဖြစ်ကြောင်း သူ ကြိုတင် ခံစားမိနေပြီ ဖြစ်သည်။</p> <p style="text-align:justify">နောက်နှစ်ရက်အတွင်း စုံစမ်းစစ်ဆေးမှုများစွာ ပြုလုပ်ပြီးနောက် ကုန်းကော်ခိုင်သည် ပြဿနာကို တဖြည်းဖြည်း နားလည်လာခဲ့သည်။</p> <p style="text-align:justify">အင်ဒိုနီးရှား၏ အမြင့်ဆုံးအဆင့် နိုင်ငံရေး အခြေအနေမှာ လှုပ်ခတ်နေပြီး ခေါင်းဆောင်သစ် သမ္မတ ဝါယန်မန် အာဏာရရှိလာခဲ့သည်။ သူသည် အင်ဒိုနီးရှားကို အရှေ့တောင်အာရှတွင် အင်အားအကြီးဆုံး နိုင်ငံ ၊ အရှေ့တောင်အာရှ ဒေသ၏ အာဏာရှင်ငယ်လေး အဖြစ် အမြဲတမ်း မြှင့်တင်နေသော အင်ဒိုနီးရှား အမျိုးသားရေးဝါဒီ တစ်ဦး ဖြစ်သည်။</p> <p style="text-align:justify">သူ၏ ရာထူးသက်တမ်းအတွင်း တရုတ် ဆန့်ကျင်ရေး စကားများကို အကြိမ်ကြိမ် ပြောဆိုခဲ့ပြီး အင်ဒိုနီးရှား အမျိုးသားရေးဝါဒကို မြှင့်တင်ရန် ရည်ရွယ်ထားသူ ဖြစ်သည်။</p> <p style="text-align:justify">တိုက်တိုက်ဆိုင်ဆိုင်ပင် ကျဲခယ် အဖွဲ့က မကြာသေးမီက မြှင့်တင်လိုက်သော နဂါးငွေကြေးသည် အင်ဒိုနီးရှားကို ၎င်း၏ စီးပွားရေး စနစ်အတွင်းသို့ သွတ်သွင်းရန် ရည်မှန်းချက်ကို ထုတ်ပြန် ကြေညာခဲ့သည်။</p> <p style="text-align:justify">အင်ဒိုနီးရှားသည် နဂါးငွေကြေး မြှင့်တင်မှုကို လက်ခံရန် မရွေးချယ်ခဲ့ဘဲ ကျဲခယ် အဖွဲ့၏ ထိန်းချုပ်မှုကို မခံလိုကြပေ။ ထို့ကြောင့် သူတို့သည် ကျဲခယ် အဖွဲ့အား သူတို့၏ ပြတ်သားမှုကို ပြသရန်အတွက် ခုခံဖို့ ရွေးချယ်ခဲ့ကြခြင်း ဖြစ်သည်။</p> <p style="text-align:justify">ပို၍ အရေးကြီးသည်မှာ အိန္ဒိယသမုဒ္ဒရာတွင် အမေရိကန်၏ လေယာဉ်တင်သင်္ဘော အုပ်စု ငါးခုက ဖိအားပေးနေခြင်းသည် အင်ဒိုနီးရှားအား ယုံကြည်မှုကို ပေးစွမ်းနေပြီး ကျဲခယ် အဖွဲ့အနေဖြင့် ထပ်မံ လှုပ်ရှားရဲမည် မဟုတ်ဟု သူတို့က ယုံကြည်နေကြခြင်း ဖြစ်သည်။</p> <p style="text-align:justify">ကုန်းကော်ခိုင် ဤအချက်ကို သိရှိသွားချိန်တွင် သူ တုံ့ပြန်ရန် ကြိုးစားသော်လည်း နောက်ကျသွားခဲ့ပြီ ဖြစ်သည်။</p> <p style="text-align:justify">ဆီလွန်မြို့ တောင်ဘက် ဆင်ခြေဖုံးရှိ စက်ရုံတွင် စစ်ရဲ အမြောက်အမြားက တံခါးများကို ရိုက်ချိုးကာ စက်ရုံကို ဝိုင်းရံထားကြပြီ ဖြစ်သည်။</p> <p style="text-align:justify">ကုန်းကော်ခိုင်သည် ရုံးခန်း ပြတင်းပေါက်နားတွင် ရပ်လျက် စစ်ရဲများက တရုတ် ဝန်ထမ်းများကို တစ်ယောက်ပြီး တစ်ယောက် ရက်စက်စွာ ဖမ်းဆီးနေသည်ကို ကြည့်နေရသည်။ မည်သည့် ခုခံမှုမဆို ရိုက်နှက်ခြင်း သို့မဟုတ် သေနတ်ဖြင့် ပစ်ခတ်ခြင်းများကို ခံရမည် ဖြစ်သည်။</p> <p style="text-align:justify">စက်ရုံအတွင်း၌ လက်နက်ကိုင် အစောင့်များ ရှိသော်လည်း အင်ဒိုနီးရှား စစ်ရဲများကို ရင်ဆိုင်ရာတွင်မူ သူတို့၏ ပစ်ခတ်မှု အင်အားမှာ အားနည်းလှသည်။ ခုခံမှုမှာ ကြာရှည်မခံဘဲ စက်ရုံကို အင်ဒိုနီးရှား စစ်ရဲများက လုံးဝ သိမ်းပိုက်လိုက်ကြသည်။</p> <p style="text-align:justify">တရုတ် ဝန်ထမ်းများမှာ မြေပြင်ပေါ်တွင် ဖိနှိပ်ခံထားရပြီး အချို့မှာ ခေါင်းများ သွေးစုတ်နေကာ အချို့မှာ ရဲတုတ်များကြောင့် အရိုးများ ကျိုးကုန်ကြပြီး အချို့မှာမူ သေနတ်မှန်ကာ ဒဏ်ရာများကို ကိုင်လျက် ညည်းတွားနေကြသည်။</p> <p style="text-align:justify">တစ်ချိန်က စည်းကမ်းတကျရှိသော စက်ရုံသည် ယခုအခါ ဒဏ်ရာရသူများနှင့် အော်ဟစ်သံများ နေရာအနှံ့ ပျံ့နှံ့နေသော ကစဉ့်ကလျား မြင်ကွင်းတစ်ခုအဖြစ် ပြောင်းလဲသွားခဲ့သည်။ ထုပ်ပိုးထားသော သွေးအိတ်များမှာ မြေပြင်ပေါ်သို့ ပစ်ချခံထားရပြီး ကျဲခယ် အဖွဲ့၏ အရောင်းရဆုံး ထုတ်ကုန်များကိုလည်း သေတ္တာလိုက် သိမ်းဆည်းသွားကြသည်။</p> <p style="text-align:justify"> </p> <p style="text-align: center;">***</p>


Save