Book List

<h2 style="text-align: center;">အခန်း (၇၁၈) </h2> <h2 style="text-align: center;">*</h2> <p> </p> <p style="text-align:justify">"အရာအားလုံးကို မှတ်တမ်းတင်ပြီးပြီလား”</p> <p style="text-align:justify">ကုန်းကော်ခိုင်အပြင် ရုံးခန်းထဲတွင် အမျိုးသား အတွင်းရေးမှူး တစ်ယောက် ရှိနေသည်။ သူ၏ ခန္ဓာကိုယ်မှာ အနည်းငယ် တုန်ယင်နေသော်လည်း ခေါင်းကို ခပ်ပြင်းပြင်း ညိတ်ပြကာ သူ၏ ဖုန်းကို ကိုင်လျက် ပြောလိုက်သည်။ </p> <p style="text-align:justify">"ဦးလေး... ဦးလေး ညွှန်ကြားတဲ့အတိုင်း အားလုံးကို ရိုက်ထားပါတယ်။ စောင့်ကြည့်ရေး ကင်မရာတွေထဲက ဗီဒီယိုတွေကိုလည်း ထုတ်ယူထားပြီးပါပြီ”</p> <p style="text-align:justify">"အဲဒီ ဗီဒီယိုကို အင်တာနက်ပေါ် တင်လိုက်။ ဖြစ်နိုင်သမျှ ကျယ်ကျယ်ပြန့်ပြန့် ပျံ့နှံ့အောင် လုပ်။ မြန်မြန်လုပ်။ အပြင်မှာ ငါတို့ အကြာကြီး တောင့်မခံနိုင်တော့ဘူး”</p> <p style="text-align:justify">ကုန်းကော်ခိုင်၏ အသံမှာ အလွန် တည်ငြိမ်နေသည်။ မည်သို့ပင်ဖြစ်စေ သူသည် စီးပွားရေးသမား တစ်ယောက်သာ ဖြစ်ပြီး သူ့တွင် ရှိသော အင်အားသည် စစ်တပ်ကို မယှဉ်နိုင်ပေ။ အင်ဒိုနီးရှား စစ်ရဲများ ပေါ်လာသည်ကို မြင်ကတည်းက ယနေ့ ဘေးဒုက္ခမှ သူ မလွတ်မြောက်နိုင်တော့မှန်း သူ သိထားပြီး ဖြစ်သည်။</p> <p style="text-align:justify">"အခု တင်နေပါပြီ။ ပြည်တွင်းရော ပြည်ပ ပလက်ဖောင်းတွေ အားလုံးကိုပါ တင်လိုက်မယ်။ အဲဒါမှ လူတိုင်းက အင်ဒိုနီးရှား လူမျိုးတွေရဲ့ ရက်စက်မှုကို မြင်နိုင်မှာ”</p> <p style="text-align:justify">အတွင်းရေးမှူးက ခေါင်းကို အဆက်မပြတ် ညိတ်ကာ ကွန်ပျူတာကို အလုပ်ပေးနေသည်။ ခဏအကြာတွင် ရုံးခန်း တံခါးမှာ အတင်းအဓမ္မ ရိုက်ဖွင့်ခြင်း ခံလိုက်ရပြီး အင်ဒိုနီးရှား စစ်ရဲများ ပြေးဝင်လာကြသည်။</p> <p style="text-align:justify">ကုန်းကော်ခိုင်က မခုခံဘဲ သူ၏ လက်များကို ဆန့်တန်းကာ အဖမ်းခံလိုက်သည်။</p> <p style="text-align:justify">"ငြိမ်ငြိမ်နေစမ်း”</p> <p style="text-align:justify">အင်ဒိုနီးရှား စစ်ရဲတစ်ယောက်က နှာခေါင်းရှုံ့ကာ ကုန်းကော်ခိုင်၏ တည်ငြိမ်မှုကို မနှစ်မြို့သဖြင့် ကုန်းကော်ခိုင်၏ ကျောကို ရဲတုတ်ဖြင့် ရိုက်လိုက်ရာ သူသည် ဟန်ချက်ပျက်ကာ မြေပြင်ပေါ်သို့ လဲကျသွားတော့သည်။</p> <p style="text-align:justify">"သူ့ကို ချည်ထားလိုက်”</p> <p style="text-align:justify">ကုန်းကော်ခိုင်ကို စက်ရုံထဲမှ ဆွဲထုတ်သွားချိန်တွင် အပြင်ဘက်၌ ဖမ်းဆီးရေး စစ်ဆင်ရေးကို ကွပ်ကဲနေသော စစ်ရဲ အရာရှိကို သူ တွေ့လိုက်ရသည်။ ထိုသူမှာ သူ၏ ညစာစားပွဲသို့ တစ်ခါက တက်ရောက်ခဲ့ဖူးသော အရာရှိ ဖြစ်သည်။</p> <p style="text-align:justify">"အကောက်ခွန် ကြီးကြပ်ရေးမှူး ကဲတု... ခင်ဗျားကိုး”</p> <p style="text-align:justify">ကုန်းကော်ခိုင်၏ မျက်လုံးများတွင် မုန်းတီးမှုများ တောက်လောင်နေသည်။ အကောက်ခွန် ကြီးကြပ်ရေးမှူး ကဲတုသည် အင်ဒိုနီးရှား အကောက်ခွန် မှောင်ခိုနှိမ်နင်းရေး ဌာန၏ ညွှန်ကြားရေးမှူး ဖြစ်ပြီး အင်ဒိုနီးရှား အကောက်ခွန်၏ အကျိုးအမြတ် အများဆုံး နေရာကို စီမံခန့်ခွဲသူ ဖြစ်သည်။ </p> <p style="text-align:justify">သူသည် ကုန်းကော်ခိုင်ထံမှ ပိုက်ဆံ အများဆုံး ယူခဲ့သူ ဖြစ်သော်လည်း အပြန်အလှန်အနေဖြင့် ပြန်ပြီး ကိုက်သူမှာလည်း သူပင် ဖြစ်နေသည်။</p> <p style="text-align:justify">"ငါလည်း အမိန့်အရ လုပ်ရတာပါ ဘော့စ်ကုန်း။ ငါ့ကို အပြစ်မတင်ပါနဲ့။ မင်းတို့ဘာသာ တရုတ်လူမျိုး ဖြစ်နေပြီး ကျဲခယ် အဖွဲ့အတွက် အလုပ်လုပ်နေတာကိုပဲ အပြစ်တင်လိုက်ပါ။ ငါ ကိုယ်တိုင်ကတော့ မင်းလို မိတ်ဆွေဟောင်းတစ်ယောက်ကို လက်ဖျားနဲ့တောင် မထိချင်ပါဘူး”</p> <p style="text-align:justify">အကောက်ခွန် ကြီးကြပ်ရေးမှူး ကဲတုက ကုန်းကော်ခိုင်ထံ လျှောက်လာပြီး ဟန်ဆောင်ကာ ပြောလိုက်သည်။</p> <p style="text-align:justify">"ထွီ…"</p> <p style="text-align:justify">ကုန်းကော်ခိုင်က အကောက်ခွန် ကြီးကြပ်ရေးမှူး ကဲတုကို တံတွေးဖြင့် ထွေးလိုက်ပြီး အံတင်းတင်း ကြိတ်ကာ ပြောလိုက်သည် - "ငါ့ကို အဲဒီ အဓိပ္ပာယ်မရှိတာတွေ လာမပြောနဲ့။ ခင်ဗျားက ငါ့ရဲ့ စည်းစိမ်ကို မနာလိုဖြစ်ပြီး ကျဲခယ် အဖွဲ့ရဲ့ နဂါးငွေကြေး ဩဇာလွှမ်းမိုးမှုကို ဖယ်ရှားချင်လို့ ငါ့ကို တမင် ပစ်မှတ်ထားတာ မဟုတ်လား။ ငါ့ကို ဒီလို မိကျောင်းမျက်ရည်တွေ လာပြမနေနဲ့”</p> <p style="text-align:justify">"ဟွန်း... သတ္တိရှိသားပဲ။ သူ့ကို ငါတို့ မှောင်ခိုနှိမ်နင်းရေး နယ်မြေထဲ ခေါ်သွားလိုက်။ ငါ သူ့ကို ကောင်းကောင်းလေး ဧည့်ခံ ပေးမယ်”</p> <p style="text-align:justify">သူ၏ ကော်လာပေါ်ရှိ တံတွေးကို ကြည့်ရင်း အကောက်ခွန် ကြီးကြပ်ရေးမှူး ကဲတု၏ အပြုံးမှာ ချက်ချင်း ပျောက်ကွယ်သွားပြီး သူ၏ မျက်လုံးများက ကုန်းကော်ခိုင်ကို အေးစက်စွာ စိုက်ကြည့်နေသည်။</p> <p style="text-align:justify">"အကောက်ခွန် ကြီးကြပ်ရေးမှူး ကဲတု... ခင်ဗျား ဒီနေ့ ငါ့ကို ဒီလို ဆက်ဆံရဲရင် နောင်ကျရင် ကျဲခယ် အဖွဲ့က ခင်ဗျားကို လွှတ်ထားမှာ မဟုတ်ဘူး”</p> <p style="text-align:justify">ကုန်းကော်ခိုင်သည် သူ ဒုက္ခရောက်နေပြီမှန်း သိသော်လည်း ဤသို့ လုပ်ခဲ့သည့်အတွက် သူ နောင်တမရပေ။</p> <p style="text-align:justify">"ကျဲခယ် အဖွဲ့ ဟုတ်လား... မင်းက အမေရိကန် စစ်တပ်က ဟန်ပြ သက်သက်လို့ ထင်နေတာလား”</p> <p style="text-align:justify">ကဲတုက လှောင်ပြုံး ပြုံးလိုက်သည်။ အမေရိကန်၏ ဖျက်ဆီးရေး ရေတပ်စုသည် ယခုအခါ အိန္ဒိယသမုဒ္ဒရာတွင် လှည့်လည်သွားလာနေပြီး အင်ဒိုနီးရှားနှင့် ခြေတစ်လှမ်းသာ ကွာဝေးတော့သည်။</p> <p style="text-align:justify">ဤကဲ့သို့သော အရေးကြီးသည့် အချိန်တွင် ကျဲခယ် အဖွဲ့က အင်အားသုံးရန် ဝံ့ရဲလိမ့်မည်ဟု သူ မယုံကြည်ပေ။ သူတို့က တကယ်ပဲ အမေရိကန် လေယာဉ်တင်သင်္ဘော တိုက်ခိုက်ရေးအုပ်စု ငါးခုကို ဟန်ပြ သက်သက်လို့ ထင်နေတာလား။</p> <p style="text-align:justify">"ခေါ်သွားလိုက်"</p> <p style="text-align:justify">ကဲတုက ထပ်မပြောတော့ဘဲ ကုန်းကော်ခိုင်ကို ခေါ်သွားရန် သူ၏ လူများကို ညွှန်ကြားလိုက်သည်။ သူသည် စက်ရုံမှ သိမ်းဆည်းရမိသော ရွှေများ၊ ငွေသားများနှင့် ကုန်ပစ္စည်း သေတ္တာများကို လှည့်ကြည့်လိုက်ရာ သူ၏ မျက်လုံးများတွင် လောဘဇောများကို ဖုံးကွယ်၍ မရနိုင်တော့ပေ။</p> <p style="text-align:justify">မေလနှောင်းပိုင်းတွင် ဗီဒီယိုတစ်ခု အင်တာနက်ပေါ်၌ စတင် ပျံ့နှံ့လာခဲ့သည်။</p> <p style="text-align:justify">ဗီဒီယိုအတွင်း၌ အင်ဒိုနီးရှား စစ်ရဲ အမြောက်အမြားသည် စက်မှုဇုန် စက်ရုံတစ်ခုအတွင်းသို့ အတင်းအဓမ္မ ဝင်ရောက်ကာ ရိုက်နှက် ဖျက်ဆီးခြင်း၊ လုယက်ခြင်းနှင့် မီးရှို့ခြင်းများကို လုပ်ဆောင်နေကြပြီး ဝန်ထမ်းများကို အစုလိုက်အပြုံလိုက် ဖမ်းဆီးကာ ပိုင်ဆိုင်မှုများကို သိမ်းဆည်းနေကြသည်ကို မြင်တွေ့ရသည်။</p> <p style="text-align:justify">စက်ရုံ၏ မူလ လုံခြုံရေး အစောင့်များက ပြန်လည် တုံ့ပြန်ခဲ့သဖြင့် နေရာတွင် ပြင်းထန်သော ပစ်ခတ်မှုများ ဖြစ်ပွားခဲ့ပြီး အဆုံးတွင် အင်ဒိုနီးရှား စစ်ရဲများက အောင်နိုင်သွားခဲ့သည်။</p> <p style="text-align:justify">မည်သို့ပင်ဆိုစေကာမူ အင်ဒိုနီးရှားသည် ရဲများသာမက စစ်တပ်ကိုပါ စေလွှတ်ခဲ့ခြင်း ဖြစ်သည်။ စစ်တပ်၏ ပါဝင်မှုကို စက်ရုံ လုံခြုံရေး အစောင့်များအနေဖြင့် ခုခံရန် ခက်ခဲလှသည်။ ဤသည်မှာ မက္ကဆီကို မဟုတ်ပေ။ အင်ဒိုနီးရှား စစ်တပ်သည် အနည်းဆုံးတော့ လူမိုက်ဂိုဏ်းတစ်ခုကို ရင်ဆိုင်ရန် ပြဿနာ မရှိချေ။ ကုန်းကော်ခိုင်၏ အင်အားမှာလည်း မက္ကဆီကိုရှိ ဂိုဏ်းများကဲ့သို့ ကြောက်မက်ဖွယ် မကောင်းလှပေ။</p> <p style="text-align:justify">ဗီဒီယိုအရ စက်ရုံအတွင်းရှိ ဝန်ထမ်း အနည်းဆုံး ဒါဇင်ပေါင်းများစွာ သေဆုံးခဲ့ပြီး ဒဏ်ရာရသူ အရေအတွက်မှာ ပို၍ပင် များပြားလှသည်။</p> <p style="text-align:justify">အဓိကအားဖြင့် စက်ရုံမှ သိမ်းဆည်းသွားသော ကုန်ပစ္စည်းများမှာ ကျဲခယ် အဖွဲ့၏ ဆံပင်ပေါက် အဆီအနှစ်၊ အသားဖြူအရည်နှင့် အလားတူ ပစ္စည်းများ ဖြစ်နေသောကြောင့် လူအများအပြား စိတ်ဝင်စားကာ ပျံ့နှံ့သွားခြင်း ဖြစ်သည်။</p> <p style="text-align:justify">ထို့အပြင် ဤဖြစ်ရပ်သည် ကျဲခယ် အဖွဲ့၏ ဩဇာလွှမ်းမိုးမှု နယ်မြေနှင့် အလွန် နီးကပ်သော အင်ဒိုနီးရှားတွင် ဖြစ်ပွားခဲ့ခြင်းကလည်း လူများ၏ စူးစမ်းလိုစိတ်ကို နှိုးဆွပေးခဲ့သည်။</p> <p style="text-align:justify">ဗီဒီယို ပျံ့နှံ့သွားပြီးနောက် အင်ဒိုနီးရှား အစိုးရက ချက်ချင်း ရှေ့ထွက်၍ ရှင်းလင်းချက် ပေးခဲ့သည်။ ရဲတပ်ဖွဲ့က သတင်းစာ ရှင်းလင်းပွဲတစ်ခု ပြုလုပ်ခဲ့ပြီး ရဲမင်းကြီးက ရှင်းပြသည်။ </p> <p style="text-align:justify">"ဒါဟာ တရားဥပဒေနဲ့အညီ နှိမ်နင်းရေး စစ်ဆင်ရေးတစ်ခု ဖြစ်ပါတယ်။ ကုန်းကော်ခိုင် ဦးဆောင်တဲ့ ရာဇဝတ်ဂိုဏ်းတစ်ခုဟာ ဆီလွန်မြို့ တောင်ဘက် ဆင်ခြေဖုံးမှာ အခြေစိုက်ပြီး မှောင်ခိုကူးမှု၊ လက်နက် ထုတ်လုပ်မှု၊ အရာရှိတွေနဲ့ ပူးပေါင်း အဂတိလိုက်စားမှု စတဲ့ တရားမဝင် လုပ်ရပ်တွေကို လုပ်ဆောင်နေခဲ့တာ ဖြစ်ပါတယ်”</p> <p style="text-align:justify">"အင်ဒိုနီးရှား ရဲတပ်ဖွဲ့ရဲ့ ရက်ပေါင်းများစွာ ကြိုးပမ်း စုံစမ်းစစ်ဆေးမှုတွေအပြီးမှာ ဒီ ရာဇဝတ်ဂိုဏ်းကို နောက်ဆုံးမှာ ဖမ်းဆီးနိုင်ခဲ့ပြီး လုံးဝ အမြစ်ပြတ် ချေမှုန်းနိုင်ခဲ့ပါတယ်”</p> <p style="text-align:justify">"ဒီလုပ်ငန်းစဉ်အတွင်း ရာဇဝတ်ဂိုဏ်းရဲ့ ခုခံမှုကြောင့် ဂိုဏ်းကို လုံးဝ ချေမှုန်းနိုင်ဖို့အတွက် စစ်တပ်ရဲ့ အကူအညီကို တောင်းခံခဲ့ရပါတယ်။ ပစ်ခတ်မှု ဖြစ်ပွားစဉ်အတွင်း သေဆုံးဒဏ်ရာရမှုတွေကတော့ ရှောင်လွှဲလို့ မရနိုင်ခဲ့ပါဘူး။ ဒါပေမဲ့ သေဆုံးသူ အရေအတွက်ကတော့ အင်တာနက်မှာ ပျံ့နှံ့နေသလို များပြားခြင်း မရှိပါဘူး”</p> <p style="text-align:justify">အင်ဒိုနီးရှားသည် အနှီ ဖြစ်ရပ်ကို ရာဇဝတ်မှု နှိမ်နင်းခြင်းအဖြစ် အမည်တပ်ကာ အဓိက အချက်အလက်များကို လျှော့ပေါ့ ဖော်ပြခဲ့သည်။ သူတို့သည် စက်ရုံ ဝန်ထမ်းများ၏ မည်သူမည်ဝါ ဖြစ်ကြောင်း သို့မဟုတ် ၎င်းမှာ ကျဲခယ် အဖွဲ့၏ အောက်ခြေ ဖြန့်ချိသူ ဖြစ်ကြောင်းကို လုံးဝ ထည့်မပြောဘဲ ရှောင်ကွင်းသွားခဲ့ကြသည်။ သေဆုံးဒဏ်ရာရမှုများကိုလည်း ဝေဝါးသော စကားလုံးများဖြင့် ဖုံးကွယ်သွားခဲ့ကြသည်။</p> <p style="text-align:justify">ဖြစ်ရပ်အပြီးတွင် အင်ဒိုနီးရှား၌ ပိုမိုသော ကစဉ့်ကလျားမှုများ ပေါ်ပေါက်လာခဲ့သည်။</p> <p style="text-align:justify">ဆီလွန်မြို့ရှိ အင်ဒိုနီးရှား လူမျိုးများသည် ကုန်းကော်ခိုင်အပေါ် စစ်ရဲများ၏ လုပ်ရပ်ကို မြင်သောအခါ အခွင့်အရေး တစ်ခု ရှိနေသည်ဟု ခံစားလိုက်ကြသည်။ နောက်သုံးရက်အတွင်း သူတို့သည် ထိုလုပ်ရပ်များကို အတုယူကာ ဒေသတွင်း၌ အမျိုးမျိုးသော ရာဇဝတ်မှုများကို စတင် လုပ်ဆောင်လာကြသည်။ တရုတ်လူမျိုးများပိုင် ဈေးဝယ်စင်တာနှင့် ဆိုင်ခန်း အများအပြား မီးရှို့ လုယက်ခံရပြီး ဆူပူအုံကြွမှုနှင့် ရာဇဝတ်မှုနှုန်းများ မြင့်တက်လာကာ ပိုမို ပျံ့နှံ့မည့် အလားအလာ ရှိလာခဲ့သည်။</p> <p style="text-align:justify">ဆက်စပ် ဗီဒီယိုများ အင်တာနက်ပေါ်တွင် တစ်စထက်တစ်စ ပိုမို ပျံ့နှံ့လာသည်။ အင်ဒိုနီးရှား အစိုးရက အွန်လိုင်း လူထုအမြင်ကို ထိန်းချုပ်ရန်နှင့် သက်သေများကို ဖျောက်ဖျက်ရန် အတတ်နိုင်ဆုံး ကြိုးစားခဲ့သော်လည်း သူတို့သည် သူတို့၏ ပြည်တွင်း အင်တာနက်ကိုသာ ထိန်းချုပ်နိုင်ပြီး နိုင်ငံတကာ အင်တာနက်ကိုတော့ မထိန်းချုပ်နိုင်ခဲ့ပေ။</p> <p style="text-align:justify">ပို၍ အရေးကြီးသည်မှာ အင်ဒိုနီးရှား အစိုးရကိုယ်တိုင် ဆူပူမှုများကို ရပ်တန့်ရန် စေလွှတ်လိုက်သော အင်ဒိုနီးရှား စစ်ရဲများမှာမူ ထိုအရာများကို လုံးဝ လျစ်လျူရှုထားခဲ့ကြပြီး အချို့ဆိုလျှင် လုယက်မှုများတွင် ကိုယ်တိုင်တောင် ပါဝင်ခဲ့ကြသေးသည်။</p> <p style="text-align:justify">ဤသည်မှာ အင်ဒိုနီးရှား အစိုးရကိုယ်တိုင်ပင် မမျှော်လင့်ထားသောအရာ ဖြစ်သည်။ အခြေအနေက ဤမျှအထိ ကြီးထွားလာလိမ့်မည်ဟု သူတို့ မထင်ထားခဲ့ကြပေ။</p> <p style="text-align:justify">ရာထူးသစ် တက်လာသော အင်ဒိုနီးရှား သမ္မတ၏ ရပ်တည်ချက် ကိုယ်တိုင်ကပင် ဤအရာအတွက် အထောက်အပံ့ ဖြစ်စေခဲ့သည်။ စကားပုံအတိုင်း ဆိုလျှင် အထက်က မိုး ရွာလျှင် အောက်က ရေ တင်သည် မဟုတ်ပါလား…။</p> <p style="text-align:justify">အင်ဒိုနီးရှားသည် အနှီ ပြဿနာကို လုံးဝ မဖြေရှင်းနိုင်တော့ဘဲ ဆီလွန်မြို့တွင် ဆူပူအုံကြွမှုကြီး တစ်ခု ပေါ်ပေါက်လာခဲ့ရာ ပြင်ပသို့ ပျံ့နှံ့မည့် အလားအလာ ရှိနေတော့သည်။ သတင်းများ ထွက်ပေါ်လာသောအခါ တရုတ်လူမျိုး အများအပြားမှာ အလွန်အမင်း ဒေါသထွက်ကြပြီး နေရာအနှံ့အပြားတွင် ဆန္ဒပြပွဲများ ပြုလုပ်ကြသည်။</p> <p style="text-align:justify">ပြင်ပ လူထုအမြင်များက အင်ဒိုနီးရှားအပေါ် ကြီးမားသော ဖိအားများ ပေးလာသည်။ သူတို့သည် အဖြစ်မှန်များကို အဆက်မပြတ် လျှော့ပေါ့ ဖော်ပြကာ ဖုံးကွယ်နေခဲ့ကြသည်။ </p> <p style="text-align:justify">ဆူပူအုံကြွမှုတွင် ရာဇဝတ်သား အမြောက်အမြား ပါဝင်နေသော်လည်း သူတို့သည် လူတစ်ဒါဇင်ခန့်သာ ဖမ်းဆီးပြခဲ့ပြီး အခြားသော ရာဇဝတ်သား အမြောက်အမြားကိုမူ မျက်ကွယ်ပြုထားလျက် ပြီးစလွယ် လုပ်ဆောင်ရန် ကြိုးစားခဲ့ကြသည်။</p> <p style="text-align:justify">သို့သော် အကယ်၍ အင်ဒိုနီးရှား ကိုယ်တိုင်က မလုပ်ဆောင်လျှင်တော့ တစ်စုံတစ်ယောက်က သူတို့ကို ဘယ်လို လုပ်ဆောင်ရမည်ဆိုသည်ကို သင်ခန်းစာ ပေးလာလိမ့်မည် ဖြစ်သည်။</p> <p style="text-align:justify"> </p> <p style="text-align: center;">***</p>


Save