Book List

<h2 style="text-align: center;">အခန်း (၇၁၉)</h2> <h2 style="text-align: center;">*</h2> <p> </p> <p style="text-align:justify">မေလ ၂၆ ရက်…</p> <p style="text-align:justify">ကုန်းကော်ခိုင် အဖမ်းခံရပြီး သုံးရက်အကြာတွင် ကျဲခယ် အဖွဲ့က ကြေညာချက်တစ်စောင် ထုတ်ပြန်ခဲ့သည် - “ဒါဟာ ကျဲခယ် အဖွဲ့ရဲ့ ဝန်ထမ်းတွေကို ရည်ရွယ်ချက်ရှိရှိ ပစ်မှတ်ထားပြီး ကျူးလွန်တဲ့ ရာဇဝတ်မှု ဖြစ်သလို ကျွန်တော်တို့ ကျဲခယ် အဖွဲ့ရဲ့ အကျိုးစီးပွားကိုလည်း ပြင်းပြင်းထန်ထန် ထိခိုက်စေပါတယ်။ ဒါကြောင့် ကျဲခယ် အဖွဲ့အနေနဲ့ အင်ဒိုနီးရှားမှာရှိတဲ့ ပြည်ပရောက် တရုတ်လူမျိုးတွေကို လက်နက်ကိုင် အကာအကွယ် ပေးသွားမှာဖြစ်ကြောင်း ကြေညာလိုက်ပါတယ်”</p> <p style="text-align:justify">ဤကဲ့သို့ ကြေညာချက်က တစ်ကမ္ဘာလုံး၏ အာရုံစိုက်မှုကို ဆွဲဆောင်သွားခဲ့ပြီး အထူးသဖြင့် တုန်လှုပ် ချောက်ချားသွားသူမှာ အင်ဒိုနီးရှားပင် ဖြစ်သည်။</p> <p style="text-align:justify">“ဒါဟာ နားလည်မှု လွဲတာပါ။ ငါတို့ဘာသာ ငါတို့ ဖြေရှင်းနိုင်ပါတယ်။ အရာအားလုံးကို ငါတို့ ကိုင်တွယ်နိုင်ပါတယ်”</p> <p style="text-align:justify">အင်ဒိုနီးရှားက တစ်ဖက်၌ အမေရိကန်ကို အဆက်မပြတ် ဆက်သွယ်ရင်း ကျဲခယ်အဖွဲ့ကိုလည်း အသည်းအသန် ရှင်းပြနေတော့သည်။</p> <p style="text-align:justify">ဤကဲ့သို့သော အရေးကြီးသည့် အချိန်တွင် ကျဲခယ် အဖွဲ့က ပြဿနာရှာရဲလိမ့်မည်ဟု သူတို့ လုံးဝ ထင်မထားခဲ့ကြပေ။ အမေရိကန်၏ ရေတပ်စုကြီး အိန္ဒိယသမုဒ္ဒရာတွင် စုဝေးနေချိန်၌ပင် ကျဲခယ် အဖွဲ့က အင်ဒိုနီးရှားတွင် ဆူပူသောင်းကျန်းရန် ကြိုးစားနေ၏။ </p> <p style="text-align:justify">သူတို့က အမေရိကန် ရေတပ်စုကြီးက သူတို့ကို ဖျက်ဆီးပစ်မှာ မကြောက်ကြဘူးလား။</p> <p style="text-align:justify">ပြင်ပကမ္ဘာက မည်သို့ပင် ထင်မြင်ယူဆစေကာမူ ကျဲခယ် အဖွဲ့၏ လှုပ်ရှားမှုများကမူ စက္ကန့်ပိုင်းမျှပင် နှောင့်နှေးခြင်း မရှိခဲ့ပေ။</p> <p style="text-align:justify">ကြေညာချက် ထုတ်ပြန်ပြီး နောက်တစ်နေ့၊ မေလ ၂၇ ရက် လာအိုစံတော်ချိန် နံနက် ၈ နာရီတွင် မလေးရှားရှိ စစ်အခြေစိုက် လေဆိပ်အသီးသီး၌ မိစ္ဆာငှက် တိုက်လေယာဉ်များတွင် ဒုံးကျည်များနှင့် တိကျသေချာသော လမ်းညွှန်ဗုံးများကို တပ်ဆင်ပြီး လေကြောင်း ဝန်ထမ်းများက ဆီဖြည့်တင်းပေးနေကြသည်။</p> <p style="text-align:justify">လေသူရဲက မောင်းတံကို ဆွဲလိုက်သည်နှင့် မိစ္ဆာငှက် တိုက်လေယာဉ်များသည် ပြေးလမ်းပေါ်မှ ပျံတက်သွားကြတော့သည်။ ကောင်းကင်ယံတွင် လူစုဖွဲ့ပြီးနောက် မြောက်မြားစွာသော မိစ္ဆာငှက် တိုက်လေယာဉ်များသည် အုပ်စုလိုက်ကြီး အင်ဒိုနီးရှားဆီသို့ ခမ်းနားစွာ ပျံသန်းသွားကြသည်။</p> <p style="text-align:justify">မလေးရှားနှင့် အင်ဒိုနီးရှားကို မလက္ကာ ရေလက်ကြားကသာ ပိုင်းခြားထားသည်။ ထိုနေ့က မလက္ကာ ရေလက်ကြား နှစ်ဖက်စလုံးရှိ ဒေသခံ အများအပြားသည် သူတို့၏ ခေါင်းပေါ်မှ ဖြတ်သန်းသွားသော ထူထပ်လှသည့် တိုက်လေယာဉ် အုပ်စုကြီး၏ ဟိန်းဟောက်သံများကို ကြားခဲ့ရသည်။</p> <p style="text-align:justify">မိစ္ဆာငှက် တိုက်လေယာဉ် အမြောက်အမြား မလက္ကာ ရေလက်ကြားကို ဖြတ်ကျော်ပြီးနောက် တပ်စုကြီးသည် ကွဲထွက်သွားပြီး သတ်မှတ်ထားသော တိုက်ခိုက်ရေး ပစ်မှတ်များအလိုက် အင်ဒိုနီးရှား နေရာအနှံ့အပြားသို့ ထိုးဆင်းသွားကြတော့သည်။</p> <p style="text-align:justify">အင်ဒိုနီးရှား တစ်နိုင်ငံလုံးရှိ မြို့တိုင်းတွင် လေကြောင်းရန် သတိပေး ဥဩသံများ ထွက်ပေါ်လာခဲ့ပြီး လေကြောင်း တိုက်ခိုက်မှု အရိပ်အယောင်များက တစ်နိုင်ငံလုံးကို လွှမ်းမိုးသွားခဲ့သည်။</p> <p style="text-align:justify">ဘုန်း…</p> <p style="text-align:justify">မိစ္ဆာငှက် တိုက်လေယာဉ်များ၏ ဝမ်းဗိုက်အောက်မှ ဒုံးကျည်များ လွတ်ထွက်သွားပြီးနောက် အရှိန်မြှင့် စက်နှိုးကာ အင်ဒိုနီးရှား၏ စစ်ဘက်ဆိုင်ရာ ကွပ်ကဲရေး စခန်းများ၊ ဆက်သွယ်ရေး စင်တာများ၊ ဒုံးကျည် အခြေစိုက် စခန်းများ၊ စစ်လက်နက် သိုလှောင်ရုံများ၊ သယ်ယူပို့ဆောင်ရေး အချက်အချာ နေရာများနှင့် စစ်လေဆိပ်များကို ပစ်မှတ်ထားကာ ဖျက်ဆီးပစ်လိုက်ကြသည်။</p> <p style="text-align:justify">မိစ္ဆာငှက် တိုက်လေယာဉ်များ၏ လေကြောင်း တိုက်ခိုက်မှုသည် အင်ဒိုနီးရှား၏ စစ်ဘက်ဆိုင်ရာ ကွပ်ကဲမှု၊ ဆက်သွယ်ရေး၊ ထောက်လှမ်းရေး စွမ်းရည်နှင့် စစ်အင်အားစုများကို များစွာ အားနည်းသွားစေခဲ့သည်။</p> <p style="text-align:justify">အင်ဒိုနီးရှား လေတပ်သည် သူတို့၏ အမိမြေထက်တွင် ပျံသန်းနေသော တိုက်လေယာဉ်များကို ကြည့်ကာ တုန်လှုပ်နေကြသည်။ အကြောင်းမှာ အင်အား ကွာဟချက်က အလွန်အမင်း ကြီးမားလွန်းလှသောကြောင့်ပင်။</p> <p style="text-align:justify">အင်ဒိုနီးရှား လေတပ်တွင် လက်ရှိ၌ အမှုထမ်း ၃၀,၀၀၀ ခန့်ရှိပြီး တိုက်လေယာဉ်နှင့် ရဟတ်ယာဉ် စုစုပေါင်း ၂၉၀ ခန့် ရှိသည်။ တိုက်လေယာဉ် အရေအတွက်မှာ များပြားပုံရသော်လည်း အများစုမှာ ခေတ်နောက်ကျနေသော မော်ဒယ်ဟောင်းများသာ ဖြစ်ပြီး လေတပ်၏ အစစ်အမှန် အင်အားမှာ စင်ကာပူကိုပင် မမီပေ။</p> <p style="text-align:justify">ပျံတက်ပြီး မိစ္ဆာငှက် တိုက်လေယာဉ်များကို ရင်ဆိုင်ရန် ကြိုးစားသော မည်သည့် လေယာဉ်မဆို လေထဲတွင်ပင် လျင်မြန်စွာ ပစ်ချခံလိုက်ရပြီး မိစ္ဆာငှက် တိုက်လေယာဉ်များ၏ စာရင်းသွင်းစရာ အောင်မြင်မှု တစ်ခု ဖြစ်လာခဲ့သည်။</p> <p style="text-align:justify">ကျဲခယ် အဖွဲ့၏ မိစ္ဆာငှက် တိုက်လေယာဉ်များသည် မဟာဗျူဟာမြောက် လေကြောင်းစိုးမိုးမှု တာဝန်ကို ပြီးမြောက်အောင် ထမ်းဆောင်နိုင်ခဲ့သည်။ အမှန်တကယ်တော့ မိစ္ဆာငှက် တိုက်လေယာဉ်များကို စေလွှတ်ချိန်မှာပင် ရေတပ်ကလည်း စတင် လှုပ်ရှားနေခဲ့ပြီ ဖြစ်သည်။</p> <p style="text-align:justify">ဆူရာဘာယား ရေတပ်စခန်း။</p> <p style="text-align:justify">ဤနေရာသည် အင်ဒိုနီးရှား၏ အမှတ် ၁ ရေတပ်စု ကွပ်ကဲမှု ဌာနချုပ် ဖြစ်သလို အင်ဒိုနီးရှား၏ အကြီးဆုံး ရေတပ်စခန်းလည်း ဖြစ်သည်။</p> <p style="text-align:justify">အင်ဒိုနီးရှား ရေတပ်သည် အရှေ့တောင်အာရှ နိုင်ငံများအကြား အမြဲတမ်း ပထမအဆင့်တွင် ရှိနေခဲ့ပြီး ဖရီးဂိတ်စစ်သင်္ဘော ၃၀ ကျော် ပိုင်ဆိုင်ထားသည်။ အရှေ့တောင်အာရှရှိ အရေးပါသော ရေလမ်းကြောင်း အားလုံးနီးပါးကို ၎င်းတို့က ထိန်းချုပ်ထားသဖြင့် ၎င်းတို့၏ ရေတပ်ပမာဏမှာ အရှေ့တောင်အာရှတွင် အကြီးဆုံး ဖြစ်နေခြင်းက သဘာဝကျလှသည်။</p> <p style="text-align:justify">သို့သော်လည်း ယနေ့တွင်မူ အင်ဒိုနီးရှား ရေတပ်သည် ကပ်ဆိုးကြီးတစ်ခုနှင့် ရင်ဆိုင်လိုက်ရတော့သည်။</p> <p style="text-align:justify">မေလ ၂၈ ရက်၊ နံနက် ၅ နာရီ</p> <p style="text-align:justify">မျိုစင်္ကြာ အတန်းအစား ရေနက်ပိုင်း ခရူဇာစစ်သင်္ဘောကြီး တစ်စင်း ရေပေါ်သို့ ပေါ်ထွက်လာသည်။ ထို့နောက် မည်သည့် နှောင့်နှေးမှုမျှ မရှိဘဲ သင်္ဘောဖျက် ဒုံးကျည်များကို ချက်ချင်း ပစ်လွှတ်လိုက်တော့သည်။</p> <p style="text-align:justify">ဒုံးကျည်များသည် ပင်လယ်ရေမျက်နှာပြင်နှင့် ကပ်၍ ပျံသန်းသွားကြပြီး အင်ဒိုနီးရှား၏ ရေဒါများကို အနိမ့်ဆုံး အမြင့်မှနေ၍ ထိုးဖောက်သွားကြသည်။ ကျဲခယ် အဖွဲ့သည် အနှီ နည်းဗျူဟာကို အိန္ဒိယ၏ ကပ္ပလီပင်လယ် လေတပ်စခန်းကို တိုက်ခိုက်စဉ်က အသုံးပြုခဲ့ဖူးပြီး အလွန်ကောင်းမွန်သော ရလဒ်များ ရရှိခဲ့သည်။</p> <p style="text-align:justify">ယနေ့ ထပ်မံ အသုံးပြုရာတွင်လည်း ထိုနည်းတူ ထိရောက်လှသည်။</p> <p style="text-align:justify">အိန္ဒိယ ရေတပ်ပင်လျှင် မျိုစင်္ကြာ အတန်းအစား ခရူဇာစစ်သင်္ဘောကြီး၏ ညအချိန် ဝင်ရောက် တိုက်ခိုက်မှုကို မခုခံနိုင်ခဲ့ပါက အင်ဒိုနီးရှား ရေတပ်ကလည်း ထူးမည် မဟုတ်ပေ။ သူတို့၏ ရေတပ်သည် အရှေ့တောင်အာရှတွင် ပထမ ဖြစ်သော်လည်း အိန္ဒိယနှင့် နှိုင်းယှဉ်ပါက ကွာဟချက် ရှိနေဆဲပင်…။</p> <p style="text-align:justify">“ဒုံးကျည်တွေ... ဒုံးကျည်တွေ လာနေပြီ”</p> <p style="text-align:justify">သတိပေး ဥဩသံများ ထွက်ပေါ်လာချိန်တွင် ဆူရာဘာယား ရေတပ်စခန်းရှိ အင်ဒိုနီးရှား စစ်သား အများစုမှာ အိပ်မောကျနေဆဲ ဖြစ်သည်။</p> <p style="text-align:justify">ဘုန်း…</p> <p style="text-align:justify">ဆိပ်ခံတံတားတွင် ဆိုက်ကပ်ထားသော မာတာဒီနာတာ အတန်းအစား ဖရီးဂိတ်စစ်သင်္ဘော တစ်စင်းကို အသံထက်မြန်သော ဓားရှည်ငါး သင်္ဘောဖျက် ဒုံးကျည်တစ်လုံး တိုက်ရိုက် ထိမှန်သွားသည်။ မာတာဒီနာတာ အတန်းအစားသည် အင်ဒိုနီးရှား၏ အဆင့်မြင့်ဆုံး ဖရီးဂိတ်စစ်သင်္ဘော ဖြစ်ပြီး တန်ချိန် ၂,၃၆၅ ရှိကာ လက်နက်မျိုးစုံ တပ်ဆင်ထားသည်။</p> <p style="text-align:justify">သို့သော် အင်ဒိုနီးရှား၏ အဆင့်မြင့်ဆုံး စစ်သင်္ဘောကြီးသည် ဓားရှည်ငါး သင်္ဘောဖျက် ဒုံးကျည်ရှေ့တွင်တော့ စက္ကူတစ်ချပ်လိုပင် ပါးလွှာနေခဲ့သည်။</p> <p style="text-align:justify">ဒုံးကျည်သည် မာတာဒီနာတာ ဖရီးဂိတ်စစ်သင်္ဘော၏ အလယ်ပိုင်းကို ထိုးဖောက်ဝင်ရောက်သွားပြီး တိုက်ရိုက် ထိမှန်ခဲ့သည်။ ကီလိုဂရမ် ၉၀၀ အလေးချိန်ရှိသော ထိပ်ဖူး ပေါက်ကွဲသွားချိန်တွင် ထိုစွမ်းအားကို တန်ချိန် နှစ်ထောင်ကျော်သာရှိသော သင်္ဘောလေးက မည်သို့ တောင့်ခံနိုင်မည်နည်း။</p> <p style="text-align:justify">ပေါက်ကွဲမှုအတွင်း မာတာဒီနာတာ ဖရီးဂိတ်စစ်သင်္ဘော၏ အလယ်ပိုင်းမှာ မြင့်တက်သွားပြီး သင်္ဘောကိုယ်ထည်ကြီး တစ်ခုလုံးမှာ လက်ဖြင့် ချိုးလိုက်သော တူတစ်ချောင်းလိုပင် သံမဏိများ တွန့်လိမ်ပြတ်တောက်သံများနှင့်အတူ နှစ်ခြမ်းကွဲသွားတော့သည်။</p> <p style="text-align:justify">ဘုန်း ဘုန်း ဘုန်း</p> <p style="text-align:justify">ထို့နောက် ဓားရှည်ငါးနှင့် ငါးပျံ သင်္ဘောဖျက် ဒုံးကျည်များသည် ဆူရာဘာယား စစ်ဆိပ်ကမ်းအတွင်းသို့ ထိုးဖောက်ဝင်ရောက်လာပြီး သူတို့၏ သတ်ဖြတ်မှုများကို စတင်ကြတော့သည်။ အင်ဒိုနီးရှားတို့ ဂုဏ်ယူရသော စစ်သင်္ဘောများသည် သင်္ဘောဖျက် ဒုံးကျည်များ၏ တိုက်ခိုက်မှုအောက်တွင် ထူးထူးခြားခြားကို အားနည်းနေခဲ့သည်။</p> <p style="text-align:justify">ဆိပ်ကမ်းတွင် ဆိုက်ကပ်ထားခြင်းက ငြိမ်နေသော ပစ်မှတ်ကို ပစ်ရသကဲ့သို့ ဖြစ်နေပြီး မည်သည့် ဒုံးကျည် ထိမှန်မှုမဆို သင်္ဘောကို ချက်ချင်း နစ်မြုပ်စေခြင်း သို့မဟုတ် အကြီးအကျယ် ပျက်စီးစေခြင်းများကို ဖြစ်ပေါ်စေသည်။</p> <p style="text-align:justify">ဆိပ်ခံတံတားတွင် ဆိုက်ကပ်ထားသော စစ်သင်္ဘောများအပြင် ကုန်းပေါ်ရှိ ရေတပ် အဆောက်အအုံများနှင့် မရိန်းတပ်သားများလည်း တိုက်ခိုက်ခြင်း ခံခဲ့ရသည်။ လူအများအပြားမှာ အိပ်မောကျနေစဉ်မှာပင် ပေါက်ကွဲမှု လှိုင်းများကြောင့် ငရဲပြည်သို့ တိုက်ရိုက် ပို့ဆောင်ခံလိုက်ရပြီး အေးအေးချမ်းချမ်းပင် ထွက်ခွာသွားကြရရှာသည်။</p> <p style="text-align:justify">တိုက်ခိုက်မှု ပြီးဆုံးချိန်တွင် ဆူရာဘာယား စခန်း၌ ဆိုက်ကပ်ထားသော ဖရီးဂိတ်စစ်သင်္ဘော ၁၀ စင်းစလုံး နစ်မြုပ်သွားခဲ့ပြီး အင်ဒိုနီးရှား ပင်မ ရေတပ်အင်အား၏ သုံးပုံတစ်ပုံ ပျက်စီးသွားခဲ့သည်။</p> <p style="text-align:justify">ဤသည်မှာ မျိုစင်္ကြာ အတန်းအစား ခရူဇာစစ်သင်္ဘောကြီး၏ လွှမ်းမိုးမှုပင် ဖြစ်သည်။ ၎င်း၏ အစွမ်းထက်သော ပစ်ခတ်မှု အင်အားရှေ့တွင် သင်္ဘောတစ်စင်းတည်းကပင် နိုင်ငံငယ်လေးတစ်ခု၏ ရေတပ်အတွက် ခုခံ၍မရနိုင်သော ကြောက်မက်ဖွယ် တည်ရှိမှု ဖြစ်နေတော့သည်။</p> <p style="text-align:justify">မျိုစင်္ကြာ အတန်းအစား ခရူဇာစစ်သင်္ဘောကြီး၏ စွမ်းအားက ပင်လယ်ပြင်တွင်သာမက ကုန်းပြင်မြင့် စစ်ဆင်ရေးများတွင်လည်း တစ်ပြိုင်နက်တည်း လုပ်ဆောင်နေခဲ့သည်။</p> <p style="text-align:justify">ဆူမားတြားကျွန်းနှင့် ဂျာဗားကျွန်းကြား ရေပြင်တွင် ရေပြင်က ကွဲဟသွားပြီး မျိုစင်္ကြာ အတန်းအစား ခရူဇာစစ်သင်္ဘောကြီးတစ်စင်း ခုန်ထွက်လာသည်။ သင်္ဘောကိုယ်ထည်မှ ရေများမှာ ရေတံခွန်လို စီးကျလာပြီး လေထုထဲတွင် ရေမှုန်ရေမွှားများ ပြည့်နှက်သွားကာ နေရောင်အောက်တွင် သက်တန့် တစ်ခု ပေါ်ထွန်းလာသည်။</p> <p style="text-align:justify">“ပစ်မှတ် ဂျကာတာ... ခရုစ်ဒုံးကျည်များ ပစ်လွှတ်မယ်”</p> <p style="text-align:justify">ခရူဇာစစ်သင်္ဘောကြီးပေါ်ရှိ ဒုံးကျည် ပစ်လွှတ်ပေါက်များ တစ်ခုပြီးတစ်ခု ပွင့်လာပြီး ဖြူလွနေသော ခရုစ်ဒုံးကျည်များသည် မီးတောက်များဖြင့် ထွက်ပေါ်လာကာ အင်ဒိုနီးရှား၏ အကြီးဆုံးမြို့ဖြစ်သော ဂျကာတာဆီသို့ ၊ ပို၍ တိတိကျကျ ပြောရလျှင် ဂျကာတာကို ဝန်းရံထားသော အခိုင်အမာ တည်ဆောက်ထားသည့် စစ်အခြေစိုက် စခန်းများဆီသို့ ဦးတည် ပျံသန်းသွားကြသည်။</p> <p style="text-align:justify">ကုန်းပြင်မြင့် တိုက်ခိုက်ရေး တာဝန်ကို ထမ်းဆောင်နေခြင်းဖြစ်သဖြင့် ခရူဇာစစ်သင်္ဘောကြီးတွင် ကုန်းပြင်မြင့် တိုက်ခိုက်ရေး ခရုစ်ဒုံးကျည်များကိုသာ အဓိက တင်ဆောင်လာပြီး ဂျကာတာ ပတ်ဝန်းကျင်ရှိ စစ်စခန်းများကို တိုက်ခိုက်ရန်အတွက် ခရုစ်ဒုံးကျည် ရာပေါင်းများစွာကို တစ်ပြိုင်နက်တည်း ပစ်လွှတ်လိုက်ခြင်း ဖြစ်သည်။</p> <p style="text-align:justify">ခရုစ်ဒုံးကျည်များသည် ပုံမှန်အားဖြင့် ၁၅ မီတာမှ ၅၀ မီတာ အမြင့်တွင်သာ ပျံသန်းလေ့ရှိသဖြင့် ဂျကာတာ ပတ်ဝန်းကျင်ရှိ ရေဒါများအတွက် ကြိုတင်သတိပေးရန် အလွန် ခက်ခဲလှသည်။ အကယ်၍ တုံ့ပြန်မှု နှေးကွေးသွားပါက ထိုဒုံးကျည်များ၏ တာဝန်မှာ အောင်မြင်ပြီးသားပင် ဖြစ်သည်။</p> <p style="text-align:justify">ဂျကာတာ၏ အကြီးဆုံး စစ်အခြေစိုက် စခန်းတွင် သတိပေး ဥဩသံ ထွက်ပေါ်လာချိန်၌ စစ်သားများစွာမှာ ဇဝေဇဝါ ဖြစ်နေစဉ်မှာပင် ခရုစ်ဒုံးကျည်များ၏ ဗုံးကြဲတိုက်ခိုက်မှုကို ခံလိုက်ရတော့သည်။</p> <p style="text-align:justify"> </p> <p style="text-align: center;">***</p>


Save