Book List

<h2 style="text-align: center;">အခန်း ၂၀၉</h2> <h2 style="text-align: center;">ရာထူးဆက်ခံခြင်း</h2> <h2 style="text-align: center;">*</h2> <p>အချိန်တွေက မျက်စိတစ်မှိတ်အတွင်းမှာပဲ ကုန်ဆုံးသွားခဲ့လေသည်။</p> <p>တစ်လခန့် အချိန်ကာလမှာ ထိုသို့ပင် ကုန်လွန်သွားခဲ့၏။ ကျင်းယွမ်ဂိုဏ်း ၏ ဂိုဏ်းချုပ် ရာထူးဆက်ခံပွဲ အခမ်းအနားမှာ သတ်မှတ်ထားသည့်အတိုင်း ရောက်ရှိလာခဲ့ပြီး နတ်ဘုရားနယ်မြေတစ်ခုလုံးရှိ အထက်လမ်းဂိုဏ်းများ မှာလည်း တက်ရောက်ရန် အပြေးအလွှား ရောက်ရှိလာကြသည်။ တစ်ဖက်တွင်မူ မိစ္ဆာဂိုဏ်း ၏ အုပ်စုအချို့မှာလည်း အခွင့်အရေးကို ချောင်းမြောင်းနေကြလေသည်။</p> <p>အဘယ်ကြောင့်ဆိုသော်...</p> <p>သတင်းများအရ...</p> <p>ကျင်းယွမ်ဂိုဏ်း မှ ဂျိချန်းဖန်သည် ဒဏ္ဍာရီလာ ထိုက်ကျင်းအဆင့် သို့ အောင်မြင်စွာ တက်လှမ်းနိုင်ခဲ့သည်ဟု ဆိုကြသောကြောင့် ဖြစ်လေသည်။</p> <p>ယခုအခါ ကျင်းယွမ်ဂိုဏ်း သည် ထိုက်ကျင်းအဆင့် ကျင့်ကြံသူ နှစ်ဦးရှိသည့် ဂိုဏ်းတစ်ခု ဖြစ်သွားခဲ့ပြီလားဆိုသည်ကို သိချင်နေကြသောကြောင့်ဖြစ်သည်။</p> <p>ဤသတင်းသည် နတ်ဘုရားဒေသတစ်ခုလုံးကို တုန်လှုပ်သွားစေသည်။ များပြားလှစွာသော အထက်လမ်းဘက်တော်သားများသည် ဖိတ်ကြားချက်ကို လက်ခံပြီး ကျင်းယွမ်ဂိုဏ်း သို့ လာရောက်ကြသည်။</p> <p>တစ်ချက်မှာ ကျင်းယွမ်ဂိုဏ်း ၏ ရာထူးဆက်ခံပွဲကို မျက်မြင်တွေ့ရှိရန်ဖြစ်ပြီး... နောက်တစ်ချက်မှာမူ ဂျိချန်းဖန်သည် တကယ်ပင် ထိုက်ကျင်းအဆင့် သို့ တက်လှမ်းနိုင်ခဲ့ခြင်း ရှိ၊ မရှိကို အတည်ပြုရန် ဖြစ်ပေသည်။</p> <p>'ဒေါင်...... ဒေါင်...... ဒေါင်......'</p> <p> ခေါင်းလောင်းသံများသည် ကျင်းယွမ်ဂိုဏ်း တစ်ခုလုံးတွင် ပဲ့တင်ထပ်နေလေသည်။</p> <p>တောင်ထိပ်ခုနစ်ခု မှ တပည့်များအားလုံးသည် သူတို့၏ သက်ဆိုင်ရာ တောင်ထိပ်သခင်များနှင့် ဂရန်းမာစတာများ၏ အနောက်မှနေ၍ ထုံထျန်းတောင်ထိပ် ဆီသို့ လိုက်ပါလာကြသည်။ ဤပွဲသည် အမှန်တကယ်ပင် ဂိုဏ်းချုပ် ရာထူးဆက်ခံပွဲ ဖြစ်ပေသည်............။</p> <p>လုံးဝ လက်လွတ်မခံသင့်သည့် အခမ်းအနားကြီး ဖြစ်ပေသည်။</p> <p>အချိန်တိုအတွင်းမှာပင် များပြားလှသော တပည့်များနှင့် ပြင်ပဧည့်သည်များသည် ထုံထျန်းတောင်ထိပ် ပေါ်တွင် စုရုံးရောက်ရှိလာကြရာ လူချင်းပုခုံးချင်း တိုက်မိလုနီးပါးပင် စည်ကားနေတော့သည်။</p> <p>ကံကောင်းသည်မှာ ဤရာထူးဆက်ခံပွဲမှာ နေ့တစ်ဝက်စာခန့်သာ အချိန်ယူရခြင်း ဖြစ်သည်။ မဟုတ်လျှင်မူ... ဤမျှလောက် များပြားသော လူအုပ်ကြီး ထုံထျန်းတောင်ထိပ် ပေါ်တွင် စုဝေးနေခြင်းက မည်သို့သော ပြဿနာများ ဖြစ်လာစေမည်ကို မည်သူမျှ မခန့်မှန်းနိုင်ပေ။</p> <p>...</p> <p>ယွင်ဟိုင်ရင်ပြင်။</p> <p>ဤနေရာသည် ကျင်းယွမ်ဂိုဏ်း ၏ တောင်ထိပ်အသီးသီးမှ ထူးချွန်သော တပည့်များ စုဝေးရာနေရာ ဖြစ်သည်။ ထို့ပြင် အခမ်းအနားကို စောင့်ကြည့်ရန် ကြိုတင်ရောက်ရှိနေသော အခြားသော အထက်လမ်းစဥ်ဘက်တော်သားများ လည်း ရှိနေကြသည်။</p> <p>သူတို့သည် တစ်ဦးနှင့်တစ်ဦး စကားစမြည်ပြောဆိုခြင်း၊ အတွေးအခေါ်များ နှီးနှောဖလှယ်ခြင်းများ ပြုလုပ်နေကြရာ အကြီးစား တာအိုနှီးနှောဖလှယ်ပွဲတစ်ခုပမာပင် ဖြစ်နေတော့သည်။</p> <p>လုရွယ်ချီနှင့် ကျန့်လင်းအာတို့မှာ ကျင်းယွမ်ဂိုဏ်း ၏ တပည့်များဖြစ်သည့်အတွက် ဤနေရာတွင်သာ စောင့်ဆိုင်းနေရသည်။ သို့သော် ကံကောင်းထောက်မစွာဖြင့် ကျင့်ပင်အာ ၏ အဆင့်အတန်းမှာ သာမန်မဟုတ်ပေ။</p> <p>သူမ၏ ရွှမ်ချာဂိုဏ်း ၏ ဂိုဏ်းချုပ်ဆိုသော အဆင့်အတန်းမှာ တောင်ထိပ်သခင်တစ်ဦးနှင့် ညီမျှလေသည်။ ထို့ကြောင့် သူမသည် လုရွယ်ချီနှင့် ကျန့်လင်းအာတို့ကို ယွင်ဟိုင်ရင်ပြင် မှ ခေါ်ထုတ်လာခဲ့ပြီး စောင့်ဆိုင်းရန်အတွက် ခန်းမကြီးတစ်ခုသို့ ခေါ်ဆောင်လာခဲ့တော့သည်။</p> <p>ဤအခိုက်အတန့်တွင်...</p> <p>ကျင်းယွမ်ဂိုဏ်း ၏ တောင်ထိပ်သခင်များသည်လည်း ဤနေရာတွင် စုရုံးရောက်ရှိနေကြပြီ ဖြစ်သည်။</p> <p>'ထျန်းယင်းဘုရားကျောင်း ရဲ့ ကျောင်းထိုင်ဆရာတော် ပူဟုန်နဲ့ သူ့တပည့်တွေ ရောက်ပြီလား......'</p> <p>'ရောက်ပါပြီ......'</p> <p>'ဂျူနီယာညီလေး ကျန့်... ငါ့ကိုယ်စား ဆရာတော် ပူဟုန်ကို သွားရောက်ကြိုဆိုပေးပါဦး...'</p> <p>'ဖန်ရှန်းဂူ က လူတွေရော......'</p> <p>'မရောက်သေးဘူးလား......'</p> <p>'မလောပါနဲ့......'</p> <p>'ရာထူးဆက်ခံပွဲက နောက်ထပ် နာရီဝက်နေမှ တရားဝင်စမှာပါ......'</p> <p>ခန်းမထဲရှိ တောင်ထိပ်သခင်များသည် အချင်းချင်း စကားပြောနေကြသည်။ တာဝန်ယူထားသည့် တောက်ရွှမ်းမှာမူ အရာအားလုံးကို တည်ငြိမ်စွာ စီစဉ်ပေးနေလေသည်။</p> <p>ကျင့်ပင်အာ ရောက်လာသည်ကို မြင်သောအခါ  ပြုံး၍ နှုတ်ဆက်လိုက်၏။</p> <p> 'ဂျူနီယာတူမလေး ကျင့် ရောက်ပြီလား...... အမြန်ပဲ ထိုင်ပါဦး......'</p> <p>'ရွယ်ချီနဲ့ လင်းအာတို့လည်း ထိုင်စရာနေရာ ရှာထိုင်ကြပေါ့......'</p> <p>တောက်ရွှမ်းက ကြင်နာတတ်သော အမူအရာဖြင့် ပြောလိုက်သည်။</p> <p>ဒါကို ကြားတော့ လုရွယ်ချီနှင့် ကျန်လူများက တောက်ရွှမ်းကို အမြန်ပင် ဦးညွှတ်လိုက်ကြသည်။ 'ကျေးဇူးတင်ပါတယ် ဂိုဏ်းချုပ် စီနီယာဦးလေး......'</p> <p>အမျိုးသမီး သုံးဦးစလုံးသည် ထိုင်ခုံများတွင် အတူတူ ထိုင်လိုက်ကြလေသည်။ ကျန့်ပူယီနှင့် ဇနီးသည်တို့မှာ ကျန့်လင်းအာ ရောက်လာသည်ကို သတိထားမိသော်လည်း ဘာမှမပြောကြပေ။</p> <p>တောက်ရွှမ်းအား အရာအားလုံး စီစဉ်ရာတွင် ကူညီပေးရန်အတွက်သာ အာရုံစိုက်နေကြလေသည်။</p> <p>ဘာပဲဖြစ်ဖြစ် ဂိုဏ်းချုပ်ရာထူးကို ဆက်ခံမည့်သူမှာ သူတို့၏ တပည့်ရင်း မဟုတ်ပါလား။</p> <p>ဂရန်းမာစတာ ရွှယ်ယွဲ့သည်လည်း လုရွယ်ချီ ရောက်လာသည်ကို သတိထားမိသော်လည်း ဘာမှမပြောဘဲ မျက်လုံးများကိုသာ မှိတ်ထားသည်။ သူမထံမှ အလွန်အေးစက်သော အငွေ့အသက်များ ထွက်ပေါ်နေလေသည်။</p> <p>'ဂျူနီယာညီလေး ကျန့်......'</p> <p>'ကျန်တဲ့ ဧည့်ခံရေးတာဝန်တွေကို မင်းကိုပဲ လွှဲခဲ့မယ်......'</p> <p>'ငါကတော့ အနောက်ဘက်ကိုသွားပြီး ဂိုဏ်းချုပ် ဂျိချန်းဖန် ဘယ်လိုတွေ ပြင်ဆင်နေလဲဆိုတာ သွားကြည့်လိုက်ဦးမယ်......'</p> <p>တောက်ရွှမ်းက ဖြည်းဖြည်းချင်း ပြောလိုက်သည်။</p> <p>ဒါကို ကြားတော့ ကျန့်ပူယီက အမြန်မတ်တတ်ရပ်ကာ ပြောလိုက်၏။ 'ဂိုဏ်းချုပ် စီနီယာအကို... ထားခဲ့လိုက်ပါ..... ကျွန်တော်နဲ့ တစ်ခြားညီအစ်ကိုတွေ အရာအားလုံးကို အကောင်းဆုံး စီစဉ်ထားပါ့မယ်......'</p> <p>'ကောင်းပြီ......'</p> <p>တောက်ရွှမ်းက ပြုံးလျက် ခေါင်းငြိမ့်ပြလိုက်သည်။ သူသည် လိုအပ်သော ညွှန်ကြားချက်များအားလုံး ပေးပြီးသားဖြစ်ရာ ကျန်ရှိသော ကိစ္စရပ်များမှာ စိုးရိမ်စရာ မရှိတော့ပေ။ သူကိုယ်တိုင်လည်း ဤရာထူးဆက်ခံပွဲ၏ အဓိက ပုဂ္ဂိုလ်တစ်ဦး မဟုတ်ပါလော။</p> <p>သူ လုပ်ဆောင်ရမည့် တခြားသော အရာများလည်း ရှိနေသေးသည်။</p> <p>ခန်းမထဲမှ ထွက်လာပြီးနောက် တောက်ရွှမ်းသည် ဘိုးဘေးသင်္ချိုင်း ဆီသို့ ရောက်ရှိလာခဲ့သည်။</p> <p>ဤအခိုက်အတန့်တွင်...</p> <p>ဂျိချန်းဖန်သည် ဝမ်ကျန့်ယီ၊ ချန်စုန့်တို့နှင့်အတူ သေရည်သောက်ရင်း စကားကောင်းနေကြလေသည်။</p> <p>'မင်းတို့ သုံးယောက်ကတော့...'</p> <p>'ငါကတော့ အရှေ့ရော အနောက်ရော အလုပ်ရှုပ်နေတာ၊ မင်းတို့ သုံးယောက်ကတော့ ဒီမှာ သေရည်သောက်နေကြတယ်ပေါ့......'</p> <p>တောက်ရွှမ်းက စိတ်ဆိုးချင်ယောင် ဆောင်ကာ ပြောလိုက်သည်။</p> <p>ဂျိချန်းဖန်က ပြုံး၍ မတ်တတ်ရပ်ကာ ဦးညွှတ်လိုက်ပြီး ' ဂိုဏ်းချုပ် စီနီယာဦးလေး... ကျွန်တော်က အပြင်မှာ လူလုံးပြဖို့ အဆင်မပြေသေးလို့ပါ' ဟု ပြောလိုက်သည်။</p> <p>တောက်ရွှမ်းက ခေါင်းခါရင်း ရယ်မောလိုက်သည်။ သူ၏ အမူအရာမှာ အနည်းငယ် စဉ်းစားခန်းဝင်သွားပြီး ပြောလိုက်လေသည်။ 'ဖန်ရှန်းဂူ က လူတွေ အခုထိ မရောက်သေးဘူး။ သူတို့က အကြံဆိုးတွေနဲ့ လာတာများလား......'</p> <p>ဂျိချန်းဖန်က လက်ကာပြလိုက်ပြီး တည်ငြိမ်စွာ ပြောလိုက်၏။ 'တောင်ပိုင်းနယ်စပ်က ဒီနတ်ဘုရားဒေသကို ဘယ်လောက်တောင် ဝေးတာလဲ...... သူတို့ ဒီကို အပြေးအလွှား လာရတာ မလွယ်လှပါဘူး။ အကြံဆိုးတွေနဲ့ ဆိုတာကတော့...'</p> <p>'ဟီးဟီး......'</p> <p>'သူတို့ မလာမှာကိုပဲ ငါ စိုးရိမ်နေတာ......'</p> <p>စကားအဆုံးတွင်... ဂျိချန်းဖန်၏ မျက်ဝန်းများထဲတွင် အေးစက်သော အလင်းတန်းတစ်ခု လက်သွားလေသည်။</p> <p>ကျင့်ကြံခြင်းလောကသည် နောက်ဆုံးတွင် အင်အားကိုသာ အလေးထားလေသည်။ အမှန်တရား ဆိုသည်မှာလား...... သူ၏ ကျင်းယွမ်ဂိုဏ်း တွင် အမှန်တရားဟူသည် လိုလေသေးမရှိ ရှိနေပြီးသား ဖြစ်ပေသည်။</p> <p>ဤထိပ်တိုက်တွေ့ဆုံမှုတွင်... ဖန်ရှန်းဂူ က လူတွေကို ကြီးလေးသော တန်ဖိုးတစ်ခု ပေးဆပ်စေရမည် ဖြစ်၏။</p> <p>တောက်ရွှမ်းက အသာအယာ ခေါင်းငြိမ့်လိုက်ပြီး စဉ်းစားကာ မေးလိုက်သည်။ 'အဲဒီ မိတ်ဆွေ ကိုးမြှီး (ရှောင်ပိုင်) အတွက်ရော ဘယ်လို စီစဉ်ထားလဲ...... သူမကို ရှေ့ထွက် လူလုံးပြခိုင်းမှာလား......'</p> <p>ကျင်းယွမ်ဂိုဏ်း သည် ဖန်ရှန်းဂူ နှင့် ထိပ်တိုက်တွေ့မည်မှာ မြေကြီးလက်ခတ်မလွဲ ဖြစ်ပေသည်။</p> <p>ထို့ကြောင့် ရှောင်ပိုင် လူလုံးပြသည်ဖြစ်စေ၊ မပြသည်ဖြစ်စေ ရလဒ်မှာ အတူတူပင် ဖြစ်လေသည်။</p> <p>ဂျိချန်းဖန်က ဖြည်းဖြည်းချင်း ပြောလိုက်သည်။</p> <p>'လူလုံးပြမှာပေါ့...... ဘာလို့ မပြရမှာလဲ...... သူမက ငါတို့ ကျင်းယွမ်ဂိုဏ်း ကို ကာကွယ်ပေးနေတဲ့ ဂရန်းမာစတာ တစ်ယောက်ပဲ။ ဒီလို အရေးကြီးလှတဲ့ ဂိုဏ်းချုပ် ရာထူးဆက်ခံပွဲမှာ သူမကို လူလုံးမပြခိုင်းစရာ အကြောင်းမရှိဘူး......'</p> <p>ဒါကို ကြားတော့... တောက်ရွှမ်း ဘာမှထပ်မပြောတော့ပေ။</p> <p>တိုက်ခိုက်ဖို့ ဆုံးဖြတ်ပြီးသားဖြစ်ရာ တွန့်ဆုတ်နေရန် မလိုတော့ပေ။ ဝေခွဲမရ ဖြစ်နေခြင်းက မိမိကိုသာ အားနည်းချက် ဖြစ်စေလိမ့်မည် ဖြစ်သည်။</p> <p>ထိုသို့ ဖြစ်မည့်အစား...ဦးအောင် လက်ဦးမှုယူလိုက်ခြင်းက ပိုကောင်းပေသည်............ လက်ဦးမှု ရယူခြင်းက ရန်သူကို အငိုက်မိသွားစေနိုင်သည်။</p> <p>ဝမ်ကျန့်ယီနှင့် ချန်စုန့်တို့မှာ ဘေးတွင် ထိုင်နေကြပြီး ဘာမှမပြောကြပေ။ သူတို့နှစ်ဦးကို လူအများကြားတွင် တွေ့ရခဲသော်လည်း တကယ်တမ်း တိုက်ပွဲဖြစ်လာလျှင်မူ...</p> <p>တစ်ဦးက ထိုက်ကျင်းအဆင့် ဖြစ်ပြီး နောက်တစ်ဦးက ရှန်ကျင်း အထွတ်အထိပ် အဆင့် ဖြစ်လေသည်။</p> <p>ချောင်းမြောင်း တိုက်ခိုက်ရုံနှင့်ပင် ဖန်ရှန်းဂူ က လူတွေကို ကစဉ့်ကလျား ထွက်ပြေးရအောင် ပြုလုပ်နိုင်ပေသည်။</p> <p>ဂျိချန်းဖန်နှင့် တောက်ရွှမ်းတို့သည် သူတို့၏ မဟာဗျူဟာ အသေးစိတ်များကို အတော်ကြာအောင် ဆွေးနွေးပြီးနောက် ဘိုးဘေးသင်္ချိုင်း မှ ထွက်ခွာလာခဲ့ကြတော့သည်။</p> <p>ထို့နောက် ယွီချင်းခန်းမ ၏ အနောက်ဘက်ဆောင်သို့ သွားရောက် စောင့်ဆိုင်းနေလိုက်ကြသည်။</p> <p>တစ်နာရီ အချိန်မှာ မျက်စိတစ်မှိတ်အတွင်း ကုန်ဆုံးသွားလေသည်။</p> <p>ဖန်ရှန်းဂူ မှ လူများသည် ကျင်းယွမ်ဂိုဏ်း သို့ အချိန်ကိုက်ပင် ရောက်ရှိလာခဲ့ကြသည်။</p> <p>ယွမ်ယီလန်သည် ဖန်ရှန်းဂူ မှ ထူးချွန်သော တပည့်တစ်အုပ်ကို ဦးဆောင်ကာ ကျင်းယွမ်ဂိုဏ်း တောင်ခြေသို့ တည်ငြိမ်သော အမူအရာဖြင့် ရောက်ရှိလာခဲ့သည်။</p> <p>လမ်းတစ်လျှောက်တွင်... သူသည် သတင်းအချက်အလက်များစွာကို စုဆောင်းခဲ့လေသည်။ တစ်ချိန်တည်းမှာပင် သူ သိရှိထားသော အချက်အလက်များနှင့် ပေါင်းစပ်ကာ အရာအတော်များများကိုလည်း ခန့်မှန်းတွက်ချက်ထားခဲ့သည်။</p> <p>ဥပမာအားဖြင့်...</p> <p>တစ်ကိုယ်တော် ကျင့်ကြံသူဖြစ်သော ဟုန်လူဓားနတ်ဘုရား သည် ဗဟိုပြင်တွင် ရုတ်တရက် ပေါ်ထွက်လာခဲ့ပြီး ပထမဆုံးအကြိမ်မှာပင် ရှန်ကျင်း အထွတ်အထိပ်၏ တိုက်ခိုက်ရေးစွမ်းရည်ကို ပြသခဲ့လေသည်။</p> <p>ထို့နောက်တွင် သူသည် ကိုးနှစ်တိုင်တိုင် လျှို့ဝှက်စွာ ပျောက်ကွယ်သွားခဲ့သည်။ သူသည် ဖန်ရှန်းဂူ တွင် ပြန်လည်ပေါ်ထွက်လာသော အခါတွင်မူ...</p> <p>သူသည် ထိုက်ကျင်းအဆင့် သို့ ရောက်ရှိနေပြီ ဖြစ်၏။</p> <p>အတိအကျဆိုရလျှင် ဟုန်လူဓားနတ်ဘုရား ပေါ်ထွက်လာသည့် အချိန်ဝန်းကျင်၌ပင် ကျင်းယွမ်ဂိုဏ်း မှ ဂျိချန်းဖန်သည်လည်း ထိုက်ကျင်းအဆင့် သို့ အောင်မြင်စွာ တက်လှမ်းနိုင်ခဲ့သည်ဟူသော သတင်းများ ထွက်ပေါ်လာခဲ့သည်။</p> <p>ဂျိချန်းဖန်၏ တည်ရှိမှုနှင့် ပတ်သက်၍... ယွမ်ယီလန်မှာ အနည်းငယ် တုန်လှုပ်နေမိသည်။</p> <p>ကောလာဟလများအရ သူသည် အသက် ၁၂ နှစ်တွင် ကျင်းယွမ်ဂိုဏ်း သို့ ဝင်ရောက်ခဲ့ပြီး ၁၄ နှစ်ကြာ ကျင့်ကြံပြီးနောက်မှာပင် ထိုက်ကျင်းအဆင့် သို့ တက်လှမ်းနိုင်ခဲ့သည်ဟု ဆိုကြသည်။</p> <p>ဤသည်မှာ ဒုတိယမြောက် ရှီရဲ ပေါ်ထွက်လာခြင်း မဟုတ်ပါလော............</p> <p>ယွမ်ယီလန်၏ မျက်နှာမှာ အနည်းငယ် ပျက်ယွင်းနေသည်။ သူသည် နှစ်ပေါင်း ရာချီအောင် ကျင့်ကြံခဲ့ပြီးမှ နောက်ဆုံးတွင် ထိုက်ကျင်းအဆင့် သို့ ရောက်ရှိခဲ့ခြင်း ဖြစ်သည်။</p> <p>သို့သော် ယခုအခါ ကျင်းယွမ်ဂိုဏ်း တွင် ထိုက်ကျင်းအဆင့် မာစတာ နှစ်ဦးတောင် ရှိနေပြီဟု ကြားရသောအခါ ဘယ်လိုလုပ် စိတ်ချမ်းသာနိုင်ပါ့မည်နည်း......</p> <p>သို့သော် ထိုအရာက အရေးမကြီးပေ။</p> <p>ဤခရီးစဉ်၏ အဓိက ရည်ရွယ်ချက်မှာ ထိုအချက် မဟုတ်ပေ။</p> <p>ယွမ်ယီလန်၏ မျက်ဝန်းများမှာ အနည်းငယ် လက်သွားသည်။ သူသည် ဟုန်လူဓားနတ်ဘုရား ၏ တကယ့်အထောက်အထားကို ခန့်မှန်းမိပုံ ရလေသည်။</p> <p>ဤ ကျင်းယွမ်ဂိုဏ်း သို့ လာရောက်သည့် ခရီးစဉ်မှာ... အခမ်းအနားကို စောင့်ကြည့်ရန်အတွက်သာမကဘဲ ရှင်းလင်းချက်တစ်ခုကို တောင်းဆိုရန်အတွက်လည်း ဖြစ်ပေသည်............</p> <p>ဟုန်လူဓားနတ်ဘုရား သည် ကျင်းယွမ်ဂိုဏ်း ၏ လက်အောက်ခံ အင်အားစုဖြစ်သော ရွှမ်ချာဂိုဏ်း နှင့် ပုံမှန်မဟုတ်သော ဆက်ဆံရေး ရှိနေကြောင်း သူ ကြားသိထားသည် ......ထို့ပြင် ကျင်းယွမ်ဂိုဏ်း သည် မိစ္ဆာမြေခွေး နှစ်ကောင်ကို လက်ခံထားကြောင်းလည်း သူ ထပ်မံသိထားသည်။</p> <p>ဟီးဟီး......။</p> <p> </p> <p> </p> <p style="text-align: center;">***</p> <p> </p>


Save