Book List

<h2 style="text-align: center;">အခန်း ၁၆၄</h2> <h2 style="text-align: center;">မှင်သွေးကျောက်ပိုင်ရှင်၏ သား </h2> <h2 style="text-align: center;">*</h2> <p> </p> <p> </p> <p> </p> <p>နောက်ဆက်တွဲ ကိစ္စများမှာတော့ ရှင်းလင်း လွယ်ကူလှပေသည်။</p> <p>ချီယွီချန်၏ စီစဉ်မှုအောက်တွင် နာရီဝက် မပြည့်မီမှာပင် အလောင်း သုံးလောင်းစလုံးကို ဖယ်ရှား ရှင်းလင်းပြီး ဖြစ်၏။</p> <p>အလောင်းများကို မည်သည့် နေရာသို့ ယူသွားမည်၊ မည်သို့ ကိုယ်တွယ် ဖြေရှင်းမည် ဆိုသည်ကို လီယီတောင်း ပူပန်နေရန် မလိုအပ်ပေ။</p> <p>ချီယွီချန်က ဤကိစ္စကို သပ်သပ်ရပ်ရပ် ဖြေရှင်းပေးလိမ့်မည်။ မည်သို့ပင်ဖြစ်စေ ဤကမ္ဘာတွင် တပ်ဖွဲ့ ၃၆ က အတိုင်းအတာ တစ်ခုအထိ အာဏာ ရှိသည် မဟုတ်ပါလား။</p> <p>ဤကဲ့သို့သော ကိစ္စ သေးသေးမွှားမွှားလေးများမှာ ပြောစရာပင် မလိုပေ။</p> <p>လီယီတောင်း ရဲမတိုင်ခြင်း သို့မဟုတ် လီဟွေ့နှင့် အခြားသူများကို မဆက်သွယ်ရသည့် အကြောင်းရင်းမှာ ရိုးရှင်းလှ၏။</p> <p>ပြဿနာ မရှာချင်လို့လေ...။</p> <p>လီဟွေ့ကို အကူအညီ တောင်းခဲ့လျှင်ပင် ပြဿနာ တစ်စုံတစ်ရာ ရင်ဆိုင်ရမည် မဟုတ်ပေ။</p> <p>တစ်ဖက်လူက လီယီတောင်းကို အရင် လုပ်ကြံခဲ့ခြင်း ဖြစ်ပြီး လီယီတောင်း၏ လုပ်ရပ် အားလုံးက ကိုယ့်ကိုယ်ကိုယ် ခုခံကာကွယ်ခြင်းဟု ယူဆနိုင်ပေသည်။</p> <p>နောက်ထပ် အချက်တစ်ခုမှာ လီယီတောင်းက တိုက်ခိုက်သူများနှင့် တိုက်ရိုက် ထိတွေ့မှုပင် မရှိခဲ့ခြင်းပင်။</p> <p>ဆိုင်၏ CCTV က ဤအချက်ကို သက်သေပြနိုင်လေသည်။</p> <p>တိုက်ခိုက်သူများက တိုက်ခိုက်နေစဉ်အတွင်း စိုးရိမ်ပူပန်မှုကြောင့် နှလုံးရပ်ကာ သေဆုံးသွားခဲ့ကြခြင်း ဖြစ်သည်။</p> <p>၎င်းမှာ လီယီတောင်းနှင့် ဘာမှ မဆိုင်ပေ။</p> <p>လမ်းတစ်ဖက်မှ လူအတွက်ကတော့... လီယီတောင်းနှင့် လုံးဝ သက်ဆိုင်ခြင်း မရှိပေ။ သူ၏ အလောင်းက သီးခြား အမှုတစ်ခု ဖြစ်သွားပေလိမ့်မည်။</p> <p>အရာအားလုံးက တော်တော်လေး လွယ်ကူပါတယ်လေ...။</p> <p>လီယီတောင်း အိပ်ခန်းထဲသို့ ပြန်ရောက်ချိန်တွင် မနက် ၂ နာရီပင် ရှိနေလေပြီ။</p> <p>ပျက်စီးနေသော ကုတင်နှင့် အိပ်ရာခင်းများကို ခပ်မြန်မြန် ရှင်းလင်းလိုက်ပြီး အိပ်ရာခင်း အသစ် လဲကာ ထိုးအိပ်တော့သည်။ </p> <p>ဒီညအတွက်တော့ ဘာအန္တရာယ်ကိုမှ စိတ်ပူစရာ မလိုတော့ဘူးလေ...။</p> <p>ချီယွီချန်က အပြင်မှာ စောင့်ကြည့်ဖို့ လူတွေပဲ ဖြစ်ဖြစ်၊ အကာအကွယ်ပဲဖြစ်ဖြစ် စီစဉ်ပေးထားမှာပဲ...။</p> <p>မနက်ခင်း နေရောင်ခြည်က အလွန် တောက်ပနေ၏။</p> <p>အင်း... ကိုးနာရီတောင် ကျော်နေပြီပဲ...။<br /> အင်း… ပြင်ဆင်ဖို့ အချိန်လောက်ပါသေးတယ်…။ </p> <p>ဆယ်နာရီခွဲခန့်တွင် ဆိုင်ရှေ့သို့ လုပ်ငန်းသုံး ကားတစ်စီး ရောက်လာလေသည်။</p> <p>ပင်ပန်းနွမ်းနယ်နေဟန်ဖြင့် ဝေ့ဝမ်ချန် ကားပေါ်မှ ဆင်းလာ၏။</p> <p>မနေ့ညက သူ ကောင်းကောင်းမွန်မွန် မနားခဲ့ရမှန်း သိသာလှသည်။</p> <p>ဘာပဲဖြစ်ဖြစ်... သူက အသက်ကြီးနေပြီလေ...။ သေချာ မနားရရင် လူရော စိတ်ရော ကျသွားမှာ…။</p> <p>" အစ်ကိုယီတောင်း... အခု သွားကြမလား... ဟိုဘက်ကို ချိန်းထားပြီးပြီ... " </p> <p>ပင်ပန်းနေသော်လည်း ဝေ့ဝမ်ချန်က ပြုံးလျက် မေးလိုက်၏။</p> <p>" ဟုတ်ကဲ့... သွားကြတာပေါ့... ဒီနေ့တော့ အခြေအနေတွေ အကုန် ရှင်းသွားအောင် လုပ်ကြမယ်... "</p> <p>ပြောပြောဆိုဆိုဖြင့် ဆိုင်ထဲမှ ထွက်လာပြီး တံခါးကို ပိတ်ကာ ကားပေါ်သို့ တက်လိုက်ကြလေသည်။</p> <p>" ခင်ဗျားနဲ့ ခင်ဗျား မြေးလေး အတွက် ကျွန်တော် ပေးထားတဲ့ အဆောင်လေးတွေ ရှိသေးတယ် မဟုတ်လား... " </p> <p>အဆောင်လက်ဖွဲ့များ အကြောင်း ပြောလိုက်ချိန်တွင် ဝေ့ဝမ်ချန် ခဏတာ တိတ်ဆိတ်သွားလေသည်။ ထို့နောက် သူက လီယီတောင်းကို မယုံကြည်နိုင်သော မျက်နှာထားဖြင့် ကြည့်ကာ... <br /> " တကယ်ပဲ သူလား... " ဟု မေးလိုက်၏။</p> <p>လီယီတောင်း ခပ်ဖျော့ဖျော့ ပြုံးလိုက်ပြီး... <br /> " ခင်ဗျား အဖြေကို သိပြီးနေပြီ မဟုတ်လား... " ဟု ပြန်ဖြေလိုက်လေသည်။</p> <p>သူ ကြားချင်သည့် အဖြေကို မရလိုက်သဖြင့် ဝေ့ဝမ်ချန် သက်ပြင်းချကာ ပြတင်းပေါက် အပြင်ဘက်သို့ ငေးကြည့်နေလိုက်၏။</p> <p>ထို့နောက် ခပ်တိုးတိုး ရေရွတ်နေလေသည်။ </p> <p>" လင်းက ငါတို့ ဝေ့ မိသားစုနဲ့ အတူတူ နေလာတာ ငါးနှစ် ရှိပြီ... အဲဒီတုန်းက ဟန်ရဲ့ အမေ မတော်တဆမှုနဲ့ ဆုံးသွားတော့... ငါ့သားက စိတ်ဓာတ်ကျနေခဲ့တာ... ကံကောင်းချင်တော့ သူက လင်း နဲ့ တွေ့ပြီး လင်း က ငါ့သား ပြန်ကောင်းလာအောင် ကူညီပေးခဲ့တယ်... ပြီးတော့ သူက ဟန် ကိုလည်း အရမ်း ချစ်တာလေ... ဒါကြောင့် သူ့ကို ငါတို့ မိသားစုထဲ ဝင်ခွင့်ပြုဖို့ ဆုံးဖြတ်ခဲ့တာ... ဒါပေမဲ့ ငါ လုံးဝ မထင်ထားခဲ့ဘူး... ဟူး... "</p> <p>ဝေ့ဝမ်ချန် ခေါင်းခါလိုက်လေသည်။</p> <p>သူ သံသယ ဝင်နေပြီ ဆိုကတည်းက အချိန်တိုလေး အတွင်းမှာ သေချာ စုံစမ်းပြီးလောက်ပြီပေါ့...။</p> <p>ဒီအရာ အားလုံးရဲ့ နောက်ကွယ်က အမျိုးသမီးရဲ့ အကြောင်းတွေ ဖုံးကွယ်ထားလို့ ရနိုင်မှာ မဟုတ်တော့ဘူး...။</p> <p>ဘာပဲဖြစ်ဖြစ်... သူတို့လို ချမ်းသာတဲ့ မိသားစု အတွက် တချို့ ကိစ္စတွေကို စုံစမ်းဖို့ ဆိုတာ သိပ်ခက်ခဲတဲ့ ကိစ္စမှ မဟုတ်တာလေ...။</p> <p>ဝေ့ဝမ်ချန်က တစ်ယောက်တည်း ပြောချင်ရာ ပြောနေ၍ လီယီတောင်း ဝင်မမေးတော့ဘဲ ဖုန်း ထုတ်ပြီး ပွတ်နေလိုက်၏။</p> <p>လီယီတောင်း Live လွှင့်စဉ်က ရောင်းချခဲ့သော ဖယောင်းတိုင်များကို အချို့က စတင် အသုံးပြုနေကြပြီ ဖြစ်သည်။</p> <p>ထို့ကြောင့် ထိုသူများ၏ တုံ့ပြန်မှုများကို သူ ကြည့်နေခြင်း ဖြစ်၏။</p> <p>ထိုဖယောင်းတိုင်များနှင့် ပတ်သတ်၍ ဆွေးနွေးမှုလုပ်သည့် ဗီဒီယိုများပင် တင်ထားကြလေပြီ။</p> <p>" လခွမ်း... ငါ ဖယောင်းတိုင် ရရချင်းပဲ ထွန်းပြီး ထီပေါက်ပါစေလို့ ဆုတောင်းလိုက်တာ... ညီအစ်ကိုတို့... ဘာဖြစ်သွားလဲ ခန့်မှန်းကြည့်... "</p> <p>" ဘာဖြစ်လို့လဲ... ၅ သန်း ပေါက်သွားတာလား... "</p> <p>" ၅ ယွမ်ပဲ ပေါက်တယ်ကွာ... အီးဟီးဟီး... "</p> <p>" ဟားဟား... ရယ်ရလွန်းလို့ သေတော့မယ်... ဒါပေမဲ့ သူငယ်ချင်း... မင်းရဲ့ ဆုတောင်း ပြည့်သွားတာပဲလေ... မင်းက ထီပေါက်ချင်တယ်လို့ ဆုတောင်းတာလေ... ၅ သန်း ပေါက်ချင်တယ်လို့ ဆုမတောင်းခဲ့ဘူး မဟုတ်လား... "</p> <p>" ဟီးဟီး... ငါကတော့ ပိုပြီး ပွင့်ပွင့်လင်းလင်း ဆုတောင်းလိုက်တယ်... ရည်းစား ရပါစေလို့ ဆုတောင်းလိုက်တာ... ဒီနေ့ တွေ့တာ အောင်မြင်သွားတယ်ဟေ... ညီအစ်ကိုတို့... ငါ့ကို မြဲဖို့ ဆုတောင်းပေးကြပါဦး... အစ်ကိုယီတောင်း က တကယ့်ကို အမိုက်စားပဲ... "</p> <p>" အစ်ကိုယီတောင်း က တကယ့် နတ်ဘုရားပဲ... ဒီဖယောင်းတိုင်က တကယ် စွမ်းတယ်... ငါ့အဘိုးကို ငါ မြင်လိုက်ရတယ်... ကျေးဇူးပါ အစ်ကိုယီတောင်း... "</p> <p>" ဟင်... အပေါ်ကလူ ဘာပြောချင်တာလဲ... ဘာလို့ ငါ ကြက်သီးတွေ ထလာရတာလဲ... "</p> <p>" ကျေးဇူးပါ အစ်ကိုယီတောင်း... ငါလည်း အဘွားကို မြင်လိုက်ရတယ်... သူ ဟိုဘက်မှာ အဆင်ပြေတယ်လို့ ပြောတယ်... ကျေးဇူးပါ အစ်ကိုယီတောင်း... "</p> <p>" ရှစ်... ငါ့ဆီက ပိုက်ဆံချေးသွားတဲ့ ကောင်တွေ အကုန်လုံးက ဘာလို့ ဒီနေ့မှ လာဆပ်နေကြတာလဲ... သောက်သုံးမကျတဲ့ ဖယောင်းတိုင်... တောက်... "</p> <p>" ၅ သန်း ပေါက်မလားဆိုတဲ့ မျှော်လင့်ချက်နဲ့ အွန်လိုင်းက သူငယ်ချင်း တစ်ယောက်ဆီကနေ တစ်သိန်း ပေးပြီး အခုလေးတင် တစ်တိုင် ဝယ်လိုက်တာ... "</p> <p>" ဟားဟား... ငါ သုံးသောင်းပဲ ပေးလိုက်ရတယ်... "</p> <p>" ငါ ဒီမှာ ငါးထောင်ပဲ ပေးလိုက်ရတယ်... "</p> <p>" ငါကျ ခုနစ်သောင်း ပေးလိုက်ရတယ်... "</p> <p>ခဏတွင်းချင်းမှာပင် သူများဆီမှ ဖယောင်းတိုင်များကို သောင်းချီ ပေးပြီး ဝယ်ယူခဲ့ကြကြောင်း ပြောဆိုသူများဖြင့် ပြည့်နှက်သွားတော့၏။ လူတိုင်း ဇဝေဇဝါ ဖြစ်သွားကြလေသည်။</p> <p>အထူးသဖြင့် ဖယောင်းတိုင်များကို ဝယ်ယူရန် ငွေအမြောက်အမြား သုံးစွဲခဲ့သူများမှာ အလွန်အမင်း ဇဝေဇဝါ ဖြစ်နေကြ၏။</p> <p>' ဘာတွေ ဖြစ်နေတာလဲ... ဒီလောက် လူအများကြီးက ဖယောင်းတိုင် အစစ်တွေကို ဘယ်လိုလုပ် ရသွားကြတာလဲ... '</p> <p>ထိုအဖြစ်ကြောင့် လီယီတောင်း စကားမပြောနိုင်အောင် ဖြစ်သွားရလေသည်။</p> <p>တကယ်တမ်းတွင် သူ ပြုလုပ်ခဲ့သော ဖယောင်းတိုင် ၁၀၀၀ မှာ သူ၏ သက်တမ်း ဆယ်နှစ်သာ ကုန်ကျခဲ့ခြင်း ဖြစ်၏။</p> <p>ထို့ကြောင့် ကြီးမားသော အကျိုးသက်ရောက်မှု ရှိမည် မဟုတ်ပေ။</p> <p>သို့သော် ဆုတောင်းခြင်း သို့မဟုတ် သေဆုံးသွားသော ချစ်ရသူများကို အိပ်မက်ထဲတွင် မြင်တွေ့ရခြင်းကတော့ လုံးဝ ဖြစ်နိုင်လေသည်။</p> <p>ဒါတွေက ဖယောင်းတိုင်တွေရဲ့ မူလ ရည်ရွယ်ချက် အစစ်အမှန်တွေလေ...။</p> <p>ချက်ချင်း ၅ သန်း ပေါက်ဖို့ မျှော်လင့်နေတဲ့ သူတွေကတော့... ဆက်ပြီး စိတ်ကူးယဉ်နေလိုက်ဦးပေါ့...။</p> <p>ခဏလောက် ကြည့်ပြီးနောက် လီယီတောင်း စိတ်မဝင်စားတော့သဖြင့် ဖုန်းကို ပိတ်ကာ အနားယူရန် ရွေးချယ်လိုက်လေသည်။</p> <p>ထိုစဉ် ဝေ့ဝမ်ချန် နှုတ်ဆိတ်သွားလေသည်။</p> <p>သူ ခေါင်းငုံ့ကာ အတွေးထဲ နစ်မျောနေပြီး ဤကိစ္စ၏ နောက်ဆက်တွဲ ပြဿနာများကို မည်သို့ ဖြေရှင်းရမည်ကို စဉ်းစားနေပုံ ရလေသည်။</p> <p>ဘာပဲဖြစ်ဖြစ်... တစ်ဖက်လူက ဝေ့ မိသားစုကို အမြစ် ဖြတ်ဖို့ ကြိုးစားနေတာလေ...။</p> <p>ဤသို့ ပြောရသည့် အကြောင်းရင်းမှာ ဝေ့ဝမ်ချန်၏ ချွေးမ ဖြစ်သူမှာ ကျန်းမာရေး အခြေအနေကြောင့် ကလေး မရနိုင်သောကြောင့်ပင်။</p> <p>ဤအကြောင်းရင်းကြောင့်ပင် သူ၏ သားနှင့် လက်ထပ်ရန် ဝေ့ဝမ်ချန် အစကတည်းက သဘောတူခဲ့ခြင်း ဖြစ်၏။</p> <p>ဘာပဲဖြစ်ဖြစ်... သူမက ကလေး မရနိုင်ဘူး ဆိုရင် မိသားစု အမွေဆက်ခံရေး အတွက် အငြင်းပွားစရာ မရှိတော့ဘူးလေ...။</p> <p>သို့သော်... တစ်ဖက်လူက ဤမျှလောက်အထိ ယုတ်မာနိုင်လိမ့်မည်ဟု သူ လုံးဝ မထင်ထားခဲ့ပေ။ ယခုအခါ ထိုအမျိုးသမီးက သူ့သားနှင့် နီးစပ်အောင် ချဉ်းကပ်ခဲ့ခြင်းမှာ သူတို့ မိသားစုကို ပစ်မှတ်ထားသော ကြိုတင် စီစဉ်ထားသည့် အစီအစဉ် တစ်ခုများလား ဟုပင် သူ စဉ်းစားနေမိလေပြီ။</p> <p>ပထမ ချွေးမလေး ရုတ်တရက် အဖြစ်ဆိုးနဲ့ ကြုံခဲ့ရတာကကော... သူမရဲ့ လက်ချက်များလား...။</p> <p>ဖြစ်နိုင်ခြေက တကယ်ကို များနေပြီ...။</p> <p>နာရီဝက်ခန့် သွားပြီးနောက် ဇိမ်ခံကားကြီးက အဆင့်မြင့် လူနေအိမ်ရာ တစ်ခုသို့ ရောက်ရှိလာခဲ့၏။</p> <p>ပတ်ဝန်းကျင် တစ်ခုလုံးတွင် သီးသန့် နှစ်ထပ်တိုက်များနှင့် ဗီလာများဖြင့် ပြည့်နှက်နေလေသည်။</p> <p>ယာဉ်မောင်းက လုံခြုံရေးနှင့် စကားပြောပြီးနောက် ကားကို သတ်မှတ်ထားသော ဗီလာ တစ်လုံးရှေ့တွင် ရပ်လိုက်လေသည်။</p> <p>လူလတ်ပိုင်း အမျိုးသား တစ်ဦးက တံခါးကို ဖွင့်ကာ ဝေ့ဝမ်ချန်ကို ကြိုဆိုလိုက်၏။</p> <p>" မစ္စတာဝေ့ မဟုတ်လား... ကြိုဆိုပါတယ်ဗျ... " </p> <p>သူက ပြုံးလျက် ပြောလိုက်သည်။ ဖော်ရွေသော်လည်း ပင်ပန်းနွမ်းနယ်နေသည့် အရိပ်အယောင်များ ရှိနေလေသည်။</p> <p>ဝေ့ဝမ်ချန် ပြန်ပြုံးပြလိုက်၏။</p> <p>မှင်သွေးကျောက်နှင့် ပတ်သက်သည့် ပြဿနာကို အမြန်ဆုံး ဖြေရှင်းရန် လိုအပ်နေသည် မဟုတ်ပါလား။</p> <p>သို့သော် ဝေ့ဝမ်ချန် ဘေးမှ လီယီတောင်း မျက်နှာထားကတော့ သိသိသာသာကို ညိုမည်းနေလေသည်။</p> <p>“ ဒီလူလတ်ပိုင်း အမျိုးသား ပြဿနာ အကြီးကြီး တက်နေပြီ “ ဟု သူ တွေးနေပုံ ရ၏။</p> <p> </p> <p> </p> <p> </p> <p> </p> <p style="text-align: center;">***</p>


Save