Book List

<h2 style="text-align: center;">အခန်း (၁၆၉)</h2> <h2 style="text-align: center;">ဆက်တိုက် ကန့်သတ်ချက် ဖောက်ထွင်းခြင်းနှင့် နတ်ဘုရား ကျွမ်းကျင်မှု ဝိသေသလက္ခဏာ</h2> <h2 style="text-align: center;">*</h2> <p> </p> <p>ရေအောက် လိုဏ်ဂူထဲတွင်...</p> <p>[ကျွမ်းကျင်မှု] : ရေကူးခြင်း (ပထမအကြိမ် ကန့်သတ်ချက် ဖောက်ထွင်းမှု ၁၈၅၅/၂၀၀၀) (ဝိသေသလက္ခဏာ - ရေအောက် အသက်ရှူခြင်း)</p> <p>"အသက်ရှူကြိမ် ခဏအကြာတွင် အတွေ့အကြုံ အမှတ် တစ်ရာကျော်တောင် တက်လာတာပဲ"</p> <p>"တကယ့်ကို ပစ္စည်းကောင်းပဲ..."</p> <p>ကျန်းနင်က ကျေနပ်စွာ ခေါင်းညိတ်လိုက်၏။</p> <p>ဆန်စေ့ခန့်သာ ရှိသော ရေတစ်စက်က ပေးစွမ်းသည့် အာနိသင်ကို ကြည့်ခြင်းအားဖြင့် ဤအရာမှာ အလွန် တန်ဖိုးကြီးမားကြောင်း သက်သေပြနေလေသည်။</p> <p>ထို့အပြင် ရေကူး ကျွမ်းကျင်မှု အတွေ့အကြုံ တိုးလာသည့်အပြင် သူ့ခန္ဓာကိုယ် အတွင်း၌လည်း ပြောင်းလဲမှု တချို့ကို ခံစားနေရ၏။ သို့သော် ထိုပြောင်းလဲမှုများမှာ အလွန် သေးငယ်လွန်းသဖြင့် မည်သည့် အရာဖြစ်ကြောင်း အတိအကျ မဆုံးဖြတ်နိုင်သေးချေ။</p> <p>အချိန်အနည်းငယ် ကြာပြီးနောက်...</p> <p>သူ့ခန္ဓာကိုယ်တွင် မည်သည့် ဆိုးရွားသော တုံ့ပြန်မှုမျှ မရှိကြောင်း သေချာသွားသောအခါ ကျန်းနင်က သတိထားနေမှုကို လုံးဝ လျှော့ချလိုက်တော့သည်။ အကျိုးကျေးဇူးသာရှိပြီး အန္တရာယ် မရှိသဖြင့် တကယ့်ကို ရတနာကောင်း တစ်ပါးပင်။</p> <p>စိတ်ချသွားပြီးနောက် ကျန်းနင်က သူ၏ လက်ကို ရေအိုင်လေးထဲသို့ နှစ်လိုက်သည်။</p> <p>ငွေရောင် တလက်လက် တောက်ပနေသော ရေအိုင်ထဲ လက်ရောက်သွားသည်နှင့် ရေခဲနှင့် ရေ ရောနှောထားသည့် အထဲသို့ ထည့်လိုက်ရသည်ထက် ပိုမို ပြင်းထန်သော အေးစက်မှုကို ချက်ချင်း ခံစားလိုက်ရ၏။ သို့သော် ဤအအေးဓာတ်က ယခုအချိန်တွင် သူ့အပေါ် သိပ်ပြီး လွှမ်းမိုးနိုင်စွမ်း မရှိတော့ပေ။</p> <p>နောက်တစ်ခဏတွင်...</p> <p>သူက ရေအိုင်ထဲမှ အရိုးကွဲမတတ် အေးစက်နေသော ရေအနည်းငယ်ကို ခပ်ယူလိုက်သည်။ ဤထူးခြားသော ရေမှာ သာမန် ကန်ရေနှင့် ကွဲပြားခြားနားကြောင်း သိသာထင်ရှားပြီး သိပ်သည်းဆမှာလည်း ပိုများနေလေသည်။</p> <p>ထို့နောက် တွေဝေမနေဘဲ ပါးစပ်ဆီသို့ ယူဆောင်ကာ ကန်ရေကို ရှိုက်သွင်းလိုက်တော့၏။</p> <p>ဂလု...</p> <p>ဤထူးခြားသော ရေများ အစာအိမ်ထဲ ရောက်သွားသည်နှင့် တစ်ပြိုင်နက် သူ့ဝမ်းဗိုက်ထဲမှ အအေးဓာတ်များ ရုတ်တရက် ပေါက်ကွဲထွက်လာသည်ကို ချက်ချင်း ခံစားလိုက်ရသည်။</p> <p>ရေခဲတိုက်အတွင်း ရောက်သွားသကဲ့သို့ ခန္ဓာကိုယ် အပူချိန်မှာ လျင်မြန်စွာ ထိုးကျသွား၏။ တစ်ချိန်တည်းမှာပင် သူ့မျက်စိရှေ့၌ စနစ်စာတန်းများ လျင်မြန်စွာ လက်ခနဲ ပေါ်လာတော့သည်။</p> <p>[ရေကူးခြင်း အတွေ့အကြုံ +၁]</p> <p>[ရေကူးခြင်း အတွေ့အကြုံ +၁]</p> <p>[ရေကူးခြင်း အတွေ့အကြုံ +၁]</p> <p>[...]</p> <p>ဤစာတန်းများ ပေါ်လာသည့် အကြိမ်ရေမှာ ယခင်ကထက်ပင် ပိုမို မြန်ဆန်နေပြီဖြစ်သည်။</p> <p>တစ်ခဏ အကြာတွင်...</p> <p>[ကျွမ်းကျင်မှု] : ရေကူးခြင်း+ (ပထမအကြိမ် ကန့်သတ်ချက် ဖောက်ထွင်းမှု ၂၀၀၀/၂၀၀၀) (ဝိသေသလက္ခဏာ - ရေအောက် အသက်ရှူခြင်း)</p> <p>ဤကျွမ်းကျင်မှုအတွက် အတွေ့အကြုံ အမှတ်များ အပြည့် ပြည့်သွားသော်လည်း စာတန်းများမှာ ရပ်တန့်မသွားခဲ့ချေ။</p> <p>[ရေကူးခြင်း အတွေ့အကြုံ +၁]</p> <p>[...]</p> <p>ဤအခြေအနေတွင် ကျန်းနင်က အလောတကြီး မလှုပ်ရှားခဲ့ပေ။ အတွေ့အကြုံ အမှတ်များ ပြည့်သွားသော်လည်း ပိုလျှံနေသော အမှတ်များမှာ အလဟဿ ဖြစ်သွားမည် မဟုတ်ပါလား။</p> <p>ထို့အပြင် သူ့ခန္ဓာကိုယ် အတွင်း၌လည်း သိသာထင်ရှားသော အအေးဓာတ်များ ကိန်းအောင်းနေသဖြင့် ခန္ဓာကိုယ်ကို နွေးထွေးစေရန် ချီနှင့် သွေးများကို လှည့်ပတ်ဖို့ လိုအပ်နေသည်။</p> <p>မျက်တောင်တစ်ခတ် အတွင်းမှာပင်...</p> <p>သူ့ခန္ဓာကိုယ်ရှိ အအေးဓာတ်များ တဖြည်းဖြည်း ပျောက်ကွယ်သွားရာ ဤထူးခြားသော ကောင်းကင်နှင့် မြေကြီး၏ သဘာဝရတနာကို ခန္ဓာကိုယ်မှ အပြည့်အဝ စုပ်ယူပြီးစီးသွားကြောင်း ညွှန်ပြနေ၏။</p> <p>"ဟူး..."</p> <p>နောက်ဆုံးတွင် ကျန်းနင်က သက်ပြင်းရှည်ကြီး တစ်ချက်ချလိုက်ပြီး အအေးဓာတ်များ ရောနှောနေသော လေတစ်ပိုက်ကို ဖြည်းညှင်းစွာ မှုတ်ထုတ်လိုက်သည်။</p> <p>ပလုံ... ပလုံ... ပလုံ...</p> <p>သူ့ပါးစပ်နားမှ ရေပူပေါင်းလေးများ တစ်သီတစ်တန်းကြီး ထွက်ပေါ်လာပြီး အထက်ဘက် ရေမျက်နှာပြင်ဆီသို့ လျင်မြန်စွာ တက်သွားကြတော့သည်။</p> <p>"စောစောက စိတ်မြန်လက်မြန် မလုပ်မိတာ ကံကောင်းသွားတယ်။ သောက်လိုက်တဲ့ ပမာဏ နည်းလို့သာပေါ့... မဟုတ်ရင် ဒီအအေးဓာတ်ကို ဖယ်ရှားပစ်ဖို့ ဒီလောက် လွယ်ကူမှာ မဟုတ်ဘူး" ကျန်းနင်က စိတ်ထဲ တိတ်တဆိတ် တွေးတောမိသည်။</p> <p>ထို့နောက် သူက ချီနှင့် သွေးများကို ဆက်လက် လှည့်ပတ်လိုက်ပြီး ခြေလက် အင်္ဂါများနှင့် အရိုးများ တစ်လျှောက် စီးဆင်းစေကာ ခန္ဓာကိုယ်အတွင်း ကျန်ရှိနေသေးသော အအေးဓာတ် အကြွင်းအကျန်များကို လုံးဝ ဖယ်ရှားပစ်ရင်း တစ်ကိုယ်လုံးကို နွေးထွေးသွားစေ၏။</p> <p>ထိုအချိန်ရောက်မှသာ ကျန်းနင်က မျက်လုံးများကို ဖြည်းညှင်းစွာ ပိတ်လိုက်တော့သည်။ သူ့အသိစိတ်က ခန္ဓာကိုယ်ထဲသို့ နစ်မြုပ်သွားပြီး အပြောင်းအလဲများကို တိတ်ဆိတ်စွာ အာရုံခံကြည့်လိုက်၏။</p> <p>တစ်ခဏ အကြာတွင်…</p> <p>သူက မျက်လုံး ပြန်ဖွင့်လိုက်ပြီး ဤထူးခြားသော ရေ၏ လုပ်ဆောင်ချက်ကို ချက်ချင်း နားလည် သဘောပေါက်သွားပြီဖြစ်သည်။</p> <p>ခန္ဓာကိုယ်မှ စုပ်ယူပြီးနောက် တစ်ဖက်တွင် ဤထူးခြားသော ရေက ရေနှင့် ပတ်သက်သည့် သူ၏ အာရုံခံနိုင်စွမ်းကို တိုးမြှင့်ပေးခဲ့ပြီး အခြားတစ်ဖက်တွင်တော့ သူ့အုပ်မြစ်ကို ပိုမို ခိုင်မာစေကာ မွေးရာပါ ပါရမီကို အခြေခံမှစ၍ မြှင့်တင်ပေးခဲ့ခြင်းပင်။</p> <p>"ဒါက သေချာပေါက် နဂါးငါးဖြူ အသွင်ပြောင်းလဲခြင်းရဲ့ ဇာစ်မြစ်ပဲ" ကျန်းနင်က စိတ်ထဲ ရေရွတ်လိုက်မိသည်။</p> <p>သူ့အပေါ် သက်ရောက်သည့် ထိုအာနိသင်မျိုးကိုသာ နဂါးငါးဖြူ ကဲ့သို့သော ဝိညာဉ်သတ္တဝါ တစ်ကောင်အပေါ် အသုံးပြုလိုက်မည် ဆိုပါက ၎င်း၏ ဘဝအဆင့်အတန်း တစ်ခုလုံး ဆင့်ကဲ ပြောင်းလဲသွားစေမည်မှာ ယုံမှားသံသယ ဖြစ်ဖွယ်မရှိချေ။</p> <p>နောက်တစ်ခဏတွင်...</p> <p>သူ့အကြည့်က စနစ်မျက်နှာပြင်ပေါ်သို့ ပြန်လည် ရောက်ရှိသွား၏။</p> <p>[ကျွမ်းကျင်မှု] : ရေကူးခြင်း+ (ပထမအကြိမ် ကန့်သတ်ချက် ဖောက်ထွင်းမှု ၂၀၀၀/၂၀၀၀) (ဝိသေသလက္ခဏာ - ရေအောက် အသက်ရှူခြင်း)</p> <p>ယခုအခါ ရေကူး ကျွမ်းကျင်မှု အနောက်တွင် အပေါင်းလက္ခဏာတစ်ခု ပေါ်လာပြီး ကန့်သတ်ချက် ဖောက်ထွင်းရန် လိုအပ်ချက်များ ပြည့်မီသွားပြီ ဖြစ်ကြောင်း ညွှန်ပြနေလေသည်။</p> <p>[ပင်မစွမ်းအင်] : ၉၆.၇</p> <p>သူ့ပင်မစွမ်းအင် အမှတ်များကို တစ်ချက် ကြည့်လိုက်၏။</p> <p>ထို့နောက် ကျန်းနင်က ရေကူး ကျွမ်းကျင်မှု ဘေးရှိ အပေါင်းလက္ခဏာပေါ်သို့ စိတ်စွမ်းအင် ပို့လွှတ်လိုက်သည်။</p> <p>ထိုခဏတာအတွင်း...</p> <p>ပင်မစွမ်းအင် အမှတ်များ လျင်မြန်စွာ လျော့ကျသွားပြီး မျက်တောင်တစ်ခတ်အတွင်း အမှတ် ၂၀ ခန့် ကျဆင်းသွားတော့သည်။</p> <p>[ပင်မစွမ်းအင်] : ၇၆.၇</p> <p>ရေကူး ကျွမ်းကျင်မှု အပိုင်းမှာလည်း ချက်ချင်း အပြောင်းအလဲများ ဖြစ်ပေါ်လာလေပြီ။</p> <p>[ကျွမ်းကျင်မှု] : ရေကူးခြင်း (ဒုတိယအကြိမ် ကန့်သတ်ချက် ဖောက်ထွင်းမှု ၈၉၉/၃၀၀၀) (ဝိသေသလက္ခဏာ - ရေအောက် အသက်ရှူခြင်း၊ ရေထိန်းချုပ်မှု နည်းစနစ်)</p> <p>[ရေထိန်းချုပ်မှု နည်းစနစ်] : ရေ၏ ပင်မစွမ်းအင်ကို သိမ်မွေ့စွာ ထိန်းချုပ်နိုင်စွမ်း မွေးရာပါ ပါရှိသော နတ်ဘုရား ကျွမ်းကျင်မှုတစ်ခု။</p> <p>"နတ်ဘုရား ကျွမ်းကျင်မှု..."</p> <p>"ရေရဲ့ ပင်မစွမ်းအင်ကို ထိန်းချုပ်နိုင်စွမ်းတဲ့လား..."</p> <p>ကျန်းနင်က မျက်လုံးများ ပြူးကျယ်သွားပြီး သူ့မျက်နှာပေါ်တွင် မယုံကြည်နိုင်သော အရိပ်အယောင်များ ထင်ဟပ်လာတော့သည်။ အသစ်ပေါ်လာသော ဤဝိသေသလက္ခဏာမှာ သူ မျှော်လင့်ထားသည်ထက် လုံးဝ ကျော်လွန်နေခဲ့လေပြီ။</p> <p>ဤအခိုက်အတန့်တွင်... သူက ခြားနားချက်ကို ရုတ်တရက် ခံစားလိုက်ရ၏။</p> <p>ပတ်ဝန်းကျင်ရှိ ရေစီးကြောင်းများကို သူ၏ ဆန္ဒအလျောက် ထိန်းချုပ်နိုင်စွမ်း ရှိနေကြောင်း သိသာထင်ရှားစွာ အာရုံခံလိုက်မိသည်။</p> <p>နောက်တစ်ခဏတွင်... စိတ်အာရုံတစ်ချက် လှုပ်ရှားလိုက်ရုံဖြင့်...</p> <p>မူလက တည်ငြိမ်ပြီး ငြိမ်သက်နေသော သူ့ပတ်လည်ရှိ ကန်ရေများမှာ ရုတ်တရက် ထိုနေရာတွင်ပင် ရေဝဲကြီး တစ်ခုအဖြစ် ပုံဖော်လာတော့သည်။</p> <p>ရေဝဲကြီး ဖြစ်ပေါ်လာသည်နှင့် လိုဏ်ဂူ ကြမ်းပြင်ပေါ်ရှိ သဲများနှင့် ကျောက်စရစ်ခဲများမှာ ရေစီးကြောင်းနှင့်အတူ ချက်ချင်း လွင့်စင်ပါလာကြ၏။ သူ့စိတ်စွမ်းအင် အမိန့်ပေးမှု အောက်တွင် ရေဝဲကြီးက ဘယ်ညာ ပြေးလွှားနေပြီး သူ့ဆန္ဒရှိသည့်အတိုင်း ပြောင်းလဲနေတော့သည်။</p> <p>"တကယ်ပဲ ရေစီးကြောင်းကို အားစိုက်စရာ မလိုဘဲ လွယ်လွယ်ကူကူ ထိန်းချုပ်နိုင်နေပြီ..."</p> <p>"ပြီးတော့ အာနိသင်က အတော်ကောင်းတာပဲ..."</p> <p>သူ ထိန်းချုပ်ထားသော ရေစီးကြောင်းဖြင့် ပေါင်ဒါဇင်ပေါင်းများစွာ လေးသည့် ကျောက်တုံးကြီး တစ်တုံးကို မ,တင်လိုက်သည်အားကြည့်ရင်း ဤဝိသေသလက္ခဏာ အသစ်၏ အာနိသင်ကို ကျန်းနင် ခန့်မှန်းကြည့်လိုက်သည်။</p> <p>သိမ်မွေ့သော ထိန်းချုပ်မှုဟု ဖော်ပြထားသော်လည်း ဤသတ်မှတ်ချက်မှာ သူ့လက်ရှိ စွမ်းအားနှင့် နှိုင်းယှဉ်ထားခြင်း မဟုတ်ဘဲ နတ်ဘုရား ကျွမ်းကျင်မှုများနှင့် ချိန်ထိုးထားခြင်းသာ ဖြစ်ပေသည်။</p> <p>ယခင်ကမ္ဘာမှ ဒဏ္ဍာရီ မှတ်တမ်းများအရ နတ်ဘုရား ကျွမ်းကျင်မှုတိုင်းတွင် ကြောက်မက်ဖွယ် အာနိသင်များ ပိုင်ဆိုင်ထားကြသည် မဟုတ်ပါလား။</p> <p>အချို့သော နတ်ဘုရား ကျွမ်းကျင်မှုများဆိုလျှင် ပင်လယ်ရေပြင်ကို ပြောင်းပြန်လှန်ပြီး တောင်တန်းများကိုပင် ရွှေ့ပြောင်းနိုင်သည့်၊ သို့မဟုတ် ကောင်းကင်နှင့် မြေကြီးကိုပင် ပြောင်းလဲပစ်နိုင်စွမ်း ရှိသည့် ကမ္ဘာမြေကို တုန်လှုပ်စေသော စွမ်းအားများပင် ရှိကြ၏။</p> <p>ထို့ကြောင့် ဤရေစီးကြောင်းများကို ထိန်းချုပ်နိုင်သည့် စွမ်းရည်မှာ ထိုကဲ့သို့သော နတ်ဘုရား ကျွမ်းကျင်မှုများနှင့် နှိုင်းယှဉ်လျှင် အမှန်တကယ်ပင် သိမ်မွေ့သော ထိန်းချုပ်မှုဟု ထင်ရပေလိမ့်မည်။</p> <p>သို့သော် လက်ရှိ ကျန်းနင်အတွက်မူ ၎င်းမှာ လုံလောက်အောင် အစွမ်းထက်နေပြီ ဖြစ်၏။</p> <p>ပေါင်ဒါဇင်ပေါင်းများစွာ လေးသော အရာဝတ္ထုများကို မ,တင်နိုင်စွမ်းရှိသည့် လွှမ်းမိုးမှုတစ်ခု... အကယ်၍ ၎င်းကိုသာ လူတစ်ယောက်၏ နှာခေါင်း သို့မဟုတ် နားပေါက်များမှတစ်ဆင့် ခန္ဓာကိုယ်အတွင်းသို့ ရေများ ဝင်ရောက်သွားစေရန် အသုံးပြုလိုက်မည် ဆိုပါက မည်သို့သော ရလဒ်မျိုး ထွက်ပေါ်လာမည်နည်း။</p> <p>End</p> <p style="text-align: center;"> </p> <p style="text-align: center;"> </p> <p style="text-align: center;">***</p>


Save