Book List

<h2 style="text-align: center;">အခန်း (၁၇၀)</h2> <h2 style="text-align: center;">ဆက်တိုက် ကန့်သတ်ချက် ဖောက်ထွင်းခြင်းနှင့် နတ်ဘုရား ကျွမ်းကျင်မှု ဝိသေသလက္ခဏာ (၂)</h2> <h2 style="text-align: center;">*</h2> <p> </p> <p> </p> <p>ဤရွေ့လျားမှု နည်းစနစ်အကြောင်း တွေးလိုက်ရုံဖြင့် နတ်ဘုရား စွမ်းရည်မှာ အလွန် အသုံးဝင်လှကြောင်း ကျန်းနင် ခံစားမိလိုက်၏။</p> <p>အထူးသဖြင့် ရေအောက်တွင် ဆိုပါက အတိုင်းထက်အလွန် အကျိုးရှိကြောင်း သက်သေပြနေသည် မဟုတ်ပါလား။</p> <p>ရေကို ထိန်းချုပ် ကြိုးကိုင်နိုင်စွမ်း ရှိခြင်းက သူ့အတွက် အကောင်းဆုံး အသုံးချနိုင်မည့် အရာပင်ဖြစ်သည်။</p> <p>ဤကဲ့သို့သော အခြေအနေမျိုးတွင် ရေအောက်ရှိ သူ၏ အမြန်နှုန်းမှာ မလွဲမသွေ မြင့်တက်လာပေလိမ့်မည်။</p> <p>ထိုအချက်ကို တွေးမိသည်နှင့် ကျန်းနင်၏ စိတ်ထဲတွင် မျှော်လင့်ချက်များ အပြည့်အဝ ဖြစ်ပေါ်လာတော့သည်။</p> <p>အစောပိုင်းက သူ စုပ်ယူခဲ့သော အမည်မသိ ကောင်းကင်နှင့် မြေကြီး ရတနာ အစိတ်အပိုင်းလေးကပင် သူ့အား ရေကူးခြင်း အတွေ့အကြုံ အမှတ်ပေါင်း များစွာကို ယူဆောင်လာပေးခဲ့သည် မဟုတ်ပါလား။</p> <p>ယခုတိုင် အများအပြား ကျန်ရှိနေသေး၏။</p> <p>ထိုကျန်ရှိနေသော အမည်မသိ ကောင်းကင်နှင့် မြေကြီး ရတနာများ အားလုံးကိုသာ စုပ်ယူပြီးပါက သူ၏ ရေကူးခြင်း အတွေ့အကြုံ အမှတ်များမှာ ထောင်ဂဏန်းမျှ သေချာပေါက် တက်လာပေလိမ့်မည်။</p> <p>"ဒီနေ့တော့ ငါ့ရဲ့ ရေကူးခြင်း ကျွမ်းကျင်မှုကို နောက်ထပ် ကန့်သတ်ချက် တစ်ကြိမ် နှစ်ကြိမ်လောက် ဖောက်ထွင်းနိုင်လောက်တယ်"</p> <p>ကျန်းနင်၏ ရင်ထဲတွင် စိတ်လှုပ်ရှားမှု လှိုင်းတံပိုးများ ရုတ်တရက် ဆူပွက်လာတော့သည်။</p> <p>ရေကူးခြင်း ကျွမ်းကျင်မှု၏ ဒုတိယမြောက် ကန့်သတ်ချက် ဖောက်ထွင်းမှုကပင် သူ့အား မထင်မှတ်ထားသော အံ့ဩဖွယ်ရာများကို ယူဆောင်လာပေးခဲ့ပြီ မဟုတ်ပါလား။</p> <p>ဤအချက်က သူ့ကို ရေကူးခြင်း ကျွမ်းကျင်မှု၏ နောက်ထပ် ကန့်သတ်ချက် ဖောက်ထွင်းမှုများအပေါ် ပို၍ပင် မျှော်လင့်လာစေတော့၏။</p> <p>ထို့နောက် သူက ပတ်ဝန်းကျင်ရှိ ရေစီးကြောင်းအပေါ် ထိန်းချုပ်ထားမှုအား ဖြေလျော့လိုက်သည်။</p> <p>သူ ဖန်တီး ကြိုးကိုင်ထားသော ရေဝဲကြီးမှာလည်း လျင်မြန်စွာ ပျောက်ကွယ်သွားလေပြီဖြစ်သည်။</p> <p>ရေဝဲနှင့်အတူ မြောက်တက်နေသော ပေါင်ဆယ်ဂဏန်းခန့် လေးလံသည့် ကျောက်တုံးကြီးမှာလည်း အောက်ခြေသို့ ပြန်လည် ကျဆင်းသွားလေ၏။</p> <p>ထိုအခိုက်အတန့်တွင် သူ့ခန္ဓာကိုယ် အခြေအနေ ပြောင်းလဲသွားမှု အချို့ကိုလည်း သူ ခံစားလိုက်ရ၏။</p> <p>ရေကို ထိန်းချုပ်ခြင်း ရပ်တန့်လိုက်သည်နှင့် ခန္ဓာကိုယ်မှ အနည်းငယ် ပင်ပန်းနွမ်းနယ်မှုကို ချက်ချင်း ခံစားလိုက်ရပြီး ခေါင်းထဲတွင်လည်း မူးဝေနောက်ကျိသွားတော့သည်။</p> <p>"ကြည့်ရတာ ဒီနတ်ဘုရား စွမ်းရည်ကို အသုံးပြုခြင်းက ရုပ်ပိုင်းဆိုင်ရာ ခွန်အားရော၊ ဝိညာဉ် စွမ်းအားကိုပါ ကုန်ခမ်းစေပုံရတယ်"</p> <p>"ဒါကြောင့် ငါ အခုလို ပင်ပန်းပြီး မူးဝေနေတာပဲ"</p> <p>သူ့ခန္ဓာကိုယ်အတွင်းရှိ အပြောင်းအလဲများကို အာရုံခံကြည့်ပြီးနောက် ကျန်းနင်က စိတ်ထဲ တိတ်တဆိတ် တွေးတောမိ၏။</p> <p>ထို့နောက် သူက ရေအိုင်ငယ်လေးထဲမှ ငွေရောင်သန်းနေသော ရေမှုန်လေးများကို ဆက်လက် စုပ်ယူလိုက်သည်။</p> <p>[ရေကူးခြင်း အတွေ့အကြုံ +၁]</p> <p>[ရေကူးခြင်း အတွေ့အကြုံ +၁]</p> <p>[ရေကူးခြင်း အတွေ့အကြုံ +၁]</p> <p>[...]</p> <p>သူ့ခန္ဓာကိုယ်က ဤအထူး ရေမှုန်များကို စုပ်ယူလိုက်သည်နှင့်အမျှ ရေကူးခြင်း ကျွမ်းကျင်မှု၏ အတွေ့အကြုံ အမှတ်များမှာလည်း အံ့မခန်း အမြန်နှုန်းဖြင့် တစ်ဟုန်ထိုး တက်လာတော့၏။</p> <p>မျက်တောင်တစ်ခတ်စာ အချိန်အတွင်းမှာပင်…</p> <p>[ကျွမ်းကျင်မှု] - ရေကူးခြင်း + (ဒုတိယအကြိမ် ကန့်သတ်ချက် ဖောက်ထွင်းမှု ၃၀၀၀/၃၀၀၀) (ထူးခြားချက် - ရေအောက် အသက်ရှူခြင်း၊ ရေကို ထိန်းချုပ် ကြိုးကိုင်ခြင်း နည်းစနစ်)</p> <p>သူ့အတွေ့အကြုံ အမှတ်များ နောက်တစ်ကြိမ် ပြည့်ဝသွားခဲ့လေပြီ။</p> <p>ကျန်းနင်က အနည်းငယ်မျှပင် တွေဝေနေခြင်း မရှိဘဲ ရေကူးခြင်း ကျွမ်းကျင်မှု ဘေးရှိ အပေါင်းလက္ခဏာကို ပြတ်ပြတ်သားသား နှိပ်ချလိုက်၏။</p> <p>တစ်ခဏ အတွင်းမှာပင်…</p> <p>မူလအရင်းအမြစ် စွမ်းအင် အမှတ်များ လျင်မြန်စွာ လျော့ကျသွားတော့၏။</p> <p>ပြောင်းလဲသွားပြီးနောက်။</p> <p>[မူလအရင်းအမြစ် စွမ်းအင်] - ၂၆.၇</p> <p>"တတိယအကြိမ် ကန့်သတ်ချက် ဖောက်ထွင်းတာက မူလအရင်းအမြစ် စွမ်းအင် အမှတ် ငါးဆယ် တိတိ ကုန်ဆုံးသွားတာပဲ" ပြောင်းလဲသွားသော စနစ်မျက်နှာပြင်ကို ကြည့်ရင်း ကျန်းနင်က စိတ်ထဲ တိတ်တဆိတ် ရေရွတ်လိုက်၏။</p> <p>ထို့နောက် စနစ်မျက်နှာပြင်ပေါ်ရှိ အခြားသော အစိတ်အပိုင်း တစ်ခုကို လှမ်းကြည့်လိုက်ပြန်၏။</p> <p>[ကျွမ်းကျင်မှု] - ရေကူးခြင်း (တတိယအကြိမ် ကန့်သတ်ချက် ဖောက်ထွင်းမှု ၂၃/၄၀၀၀) (ထူးခြားချက် - ရေအောက် အသက်ရှူခြင်း၊ ရေကို ထိန်းချုပ် ကြိုးကိုင်ခြင်း နည်းစနစ်၊ ရေဝိညာဉ်နှင့် ရင်းနှီးကျွမ်းဝင်မှု)</p> <p>[ရေဝိညာဉ်နှင့် ရင်းနှီးကျွမ်းဝင်မှု] - သဘာဝအလျောက် ရေနှင့် ထူးကဲစွာ ရင်းနှီးကျွမ်းဝင်မှု ရှိခြင်း၊ ရေထဲတွင် အာရုံခံနိုင်စွမ်းများ မြင့်တက်လာခြင်း၊ ပြန်လည် နာလန်ထူသည့် နှုန်းထား နှစ်ဆ မြင့်တက်လာခြင်း။</p> <p>ထိုအခိုက်အတန့်တွင်…</p> <p>ကျန်းနင်၏ ခန္ဓာကိုယ်၌ ပြောင်းလဲမှုများကို နောက်တစ်ကြိမ် ထပ်မံ အာရုံခံမိလိုက်ပြန်သည်။</p> <p>အစောပိုင်းက ရေစီးကြောင်းကို ထိန်းချုပ် အသုံးပြုခဲ့ခြင်းကြောင့် အနည်းငယ် ပင်ပန်းနွမ်းနယ်နေခဲ့ပြီး ဦးနှောက်မှာလည်း ထိုင်းမှိုင်းကာ ပို၍ အိပ်ချင်မူးတူး ဖြစ်လာခဲ့သည် မဟုတ်ပါလား။</p> <p>သို့သော် ယခု ရေထဲတွင် စိမ်နေသည့် အချိန်၌ သူ၏ ရုပ်ပိုင်းဆိုင်ရာ ခွန်အားများ လျင်မြန်စွာ ပြန်လည် ပြည့်ဝလာသည်ကို သတိပြုမိလိုက်၏။</p> <p>ထိုမျှသာမက သူ၏ ဦးနှောက်မှာလည်း ထိုင်းမှိုင်းနေသော အခြေအနေမှ ကင်းလွတ်သွားပြီး ပိုမို ကြည်လင် လန်းဆန်းလာလေသည်။</p> <p>"ေဩာ်... ဒါက ပြန်လည် နာလန်ထူတဲ့ နှုန်းထား နှစ်ဆ ဖြစ်သွားခြင်းရဲ့ အကျိုးသက်ရောက်မှုကိုး"</p> <p>ကျန်းနင်က ချက်ချင်းပင် ဉာဏ်အလင်းပွင့်သွားသကဲ့သို့ နားလည်သွားတော့၏။</p> <p>ထိုအချိန်၌ပင် နောက်ထပ် ပြောင်းလဲမှု အချို့ကိုလည်း သူ သတိထားမိလိုက်ပြန်သည်။</p> <p>အစောပိုင်းက ရေအောက် လိုဏ်ဂူမှာ ၎င်းတည်ရှိရာ နေရာအနေအထားကြောင့် အလွန် မှောင်မိုက်နေခဲ့၏။</p> <p>အကယ်၍ မှိန်ဖျော့သော အလင်းရောင်များ ထုတ်လွှတ်ပေးနေသည့် ကျောက်တုံးများနှင့် ရေမှော်ပင် ကဲ့သို့သော အပင်များသာ မရှိပါက ရေအောက် လိုဏ်ဂူကို သူ လုံးဝ မြင်တွေ့နိုင်မည် မဟုတ်ပေ။</p> <p>ထိုအရာများ ရှိနေသည့်တိုင် အစောပိုင်းက သူ့အမြင်အာရုံမှာ အလွန် မှုန်ဝါးနေခဲ့သည် မဟုတ်ပါလား။</p> <p>ပတ်ဝန်းကျင်ရှိ အရာဝတ္ထုများ၏ ပုံသဏ္ဌာန်ကိုပင် မသဲမကွဲသာ မြင်တွေ့ခဲ့ရခြင်းပင်။</p> <p>သို့သော် ယခုအခါတွင်မူ အရာအားလုံးက လုံးဝကို ကွဲပြား ခြားနားသွားလေသည်။</p> <p>သူ့အမြင်အာရုံမှာ အံ့မခန်း မြင့်တက်လာကြောင်း တွေ့လိုက်ရ၏။</p> <p>အလင်းရောင် မှိန်ဖျော့နေဆဲ ဖြစ်သော်လည်း သူက အကွာအဝေး ငါးမီတာခန့်အထိ ကောင်းစွာ မြင်တွေ့နေနိုင်ပြီ ဖြစ်၏။</p> <p>ဤသည်မှာ ယခင်ကနှင့် နှိုင်းယှဉ်လျှင် ကောင်းကင်နှင့် မြေကြီးပမာ ကွာခြားလွန်းလှပေ၏။</p> <p>"ဒါက အာရုံခံနိုင်စွမ်း မြင့်တက်လာခြင်းရဲ့ အကျိုးသက်ရောက်မှုများလား"</p> <p>ကျန်းနင်က စိတ်ထဲ တွေးလိုက်ပြီးနောက် မျက်လုံးများကို မှိတ်ကာ သူ့ခန္ဓာကိုယ် အတွင်းရှိ အပြောင်းအလဲများကို တိတ်ဆိတ်စွာ အာရုံခံကြည့်လိုက်၏။</p> <p>မကြာမီမှာပင် သူ့အခြေအနေမှာ အထွတ်အထိပ်သို့ ရောက်ရှိသွားကြောင်း ခံစားလိုက်ရတော့၏။</p> <p>ခွန်အားများ အပြည့်အဝဖြင့် လန်းဆန်း တက်ကြွနေပြီး အဆုံးမရှိသော စွမ်းအင်များ ပိုင်ဆိုင်ထားသကဲ့သို့ပင်။</p> <p>"တကယ့်ကို အားကောင်းလွန်းတဲ့ အကျိုးသက်ရောက်မှုပဲ"</p> <p>ကျန်းနင်က မျက်လုံးများကို ဖြည်းညှင်းစွာ ဖွင့်လိုက်ရာ မျက်ဝန်းများတွင် အံ့အားသင့်မှုများ အပြည့်အဝ ဖုံးလွှမ်းနေတော့၏။</p> <p>ရေထဲတွင် စိမ်နေခြင်း၏ အကျိုးသက်ရောက်မှုကို ကိုယ်တိုင်ကိုယ်ကျ ခံစားကြည့်လိုက်မှသာ ဤမြင့်တက်လာသော နာလန်ထူသည့် နှုန်းထားမှာ မည်မျှ အထင်ကြီး လေးစားဖွယ် ကောင်းကြောင်း သူ သဘောပေါက်သွားခြင်း ဖြစ်ပေ၏။</p> <p>ထိုကဲ့သို့သော နာလန်ထူသည့် နှုန်းထားဖြင့် ဆိုပါက ရေထဲတွင် သူ့ရုပ်ပိုင်းဆိုင်ရာ ခွန်အားနှင့် ဝိညာဉ်စွမ်းအားများမှာ အဆုံးအစမဲ့လုနီးပါး ဖြစ်နေပြီ မဟုတ်ပါလား။</p> <p>"တကယ်ကို စွမ်းအားကြီးလွန်းတယ်" သူက စိတ်ထဲမှ ထပ်မံ ချီးကျူးလိုက်မိပြန်၏။</p> <p>နောက်တစ်ခဏတွင် သူက တစ်စုံတစ်ရာကို စဉ်းစားမိသွားဟန်ဖြင့် အောက်ခြေရှိ ဝိညာဉ်လက်နက်ကို ကောက်ယူကာ ဓားကို ဓားအိမ်ထဲမှ ဆွဲထုတ်လိုက်လေသည်။</p> <p>ထို့နောက် သူက ဓားရှည်ကို တင်းကျပ်စွာ ဆုပ်ကိုင်၍ ဓားသွားဖြင့် သူ့လက်မောင်းအား ညင်သာစွာ ပွတ်ဆွဲလိုက်၏။</p> <p>သူ၏ လက်ရှိ အရေပြား သန့်စင်ခြင်း အဆင့်တွင် ရှိနေသည့်တိုင် သူ့လက်ထဲရှိ ဝိညာဉ်လက်နက်၏ ထက်မြက်သော ဓားသွားရှေ့တွင်မူ မည်သို့မျှ ခြားနားခြင်း မရှိခဲ့ပေ။</p> <p>မျက်တောင်တစ်ခတ် အတွင်းမှာပင် ထင်ရှားသော ပြတ်ရှဒဏ်ရာ တစ်ခုက မျက်စိရှေ့တွင် ပေါ်လာတော့၏။</p> <p>နီရဲသော သွေးများက ဒဏ်ရာထဲမှ စိမ့်ထွက်လာ၏။</p> <p>ကျန်းနင်၏ မျက်ဝန်းများတွင်မူ အံ့အားသင့်သည့် အရိပ်အယောင်များကို ဖုံးကွယ်ထားနိုင်စွမ်း မရှိတော့ချေ။</p> <p>သူ့အကြည့်အောက်တွင် လက်မောင်းပေါ်ရှိ ပုစဉ်းတောင်ပံပမာ ပါးလွှာသော ဓားဒဏ်ရာလေးမှာ လျင်မြန်စွာ ကျက်လာနေသည်အား အထင်အရှား မြင်တွေ့လိုက်ရသည် မဟုတ်ပါလား။</p> <p>ဒဏ်ရာ ကျက်သွားသည့် အမြန်နှုန်းမှာ သာမန်မျက်စိဖြင့်ပင် မြင်နိုင်လောက်အောင် သိသာလွန်းလှ၏။</p> <p>ခန္ဓာကိုယ် နှစ်ခြမ်းကွဲလုနီးပါး ဖြစ်ခဲ့သည့်တိုင် လျင်မြန်စွာ နာလန်ထူနိုင်ခဲ့သော ရှီရှောင်ယွမ် ကဲ့သို့ ပုံမှန်မဟုတ်သည့် အခြေအနေမျိုး မဟုတ်သော်ငြား။</p> <p>ဤအမြန်နှုန်းမှာ ကျန်းနင် အမြင်တွင်တော့ ထူးကဲစွာ လျင်မြန်နေခဲ့လေသည်။</p> <p>ငါးစင်တီမီတာမှ ခြောက်စင်တီမီတာခန့် ရှည်လျားသော ဒဏ်ရာမှာ အသက်ရှူချိန် ဆယ်ကြိမ်ခန့် မပြည့်ခင် လုံးဝ ကျက်သွားခဲ့လေပြီဖြစ်သည်။</p> <p>ဓားဖြင့် ခုတ်ရှခံထားရကြောင်း သက်သေပြနေသည့် မှေးမှိန်သော သွေးကွက်များသာ မရှိပါက ကျန်းနင် ကိုယ်တိုင်ပင် အာရုံမှားနေသည်ဟု ထင်မှတ်သွားနိုင်ပေမည်။</p> <p>ထို့နောက် သူ လက်မြှောက်ကာ လက်မောင်းပေါ် ကျန်ရှိနေသော သွေးကွက်များကို သုတ်ပစ်လိုက်ရာ အရေပြားမှာ အသစ်ကဲ့သို့ ချောမွေ့သွားပြီး ပြတ်ရှဒဏ်ရာ၏ အရိပ်အယောင်မျှပင် မတွေ့ရတော့ချေ။</p> <p>သွေးကွက်များ၏ သက်သေပြမှုသာ မရှိလျှင် အစောပိုင်းက ပြတ်ရှဒဏ်ရာမှာ ပုံရိပ်ယောင် တစ်ခုနှင့်ပင် တူနေတော့၏။</p> <p>"အံ့မခန်းပါပဲ" ကျန်းနင်က စိတ်ထဲမှ ထပ်မံ ရေရွတ်မိလိုက်ပြန်၏။</p> <p>ဤစမ်းသပ်မှုမှ တစ်ဆင့် ထိုထူးခြားချက်၏ စွမ်းအားကို သူ အမှန်တကယ် သဘောပေါက် နားလည်သွားလေပြီ။</p> <p>ရေထဲ ရောက်သည်နှင့် ပင်ပန်းနွမ်းနယ်မှုကို ခံစားရမည် မဟုတ်တော့ဘဲ သူ့စွမ်းအင်နှင့် ရုပ်ပိုင်းဆိုင်ရာ ခွန်အားများမှာ အလွန် လျင်မြန်သော အရှိန်အဟုန်ဖြင့် ပြန်လည် နာလန်ထူလာမည် မဟုတ်ပါလား။</p> <p>ထို့အပြင် မည်သည့် ဒဏ်ရာမျိုးမဆို အလားတူပင် ချဲ့ကားထားသကဲ့သို့သော အမြန်နှုန်းဖြင့် ပျောက်ကင်းသွားပေလိမ့်မည်။</p> <p>ထိုကဲ့သို့သော အခြေအနေမျိုးဖြင့် ဆိုပါက ရေထဲတွင် ရှိနေချိန်သည်သာ သူ၏ အသန်မာဆုံးသော အခြေအနေ ဖြစ်နေတော့၏။</p> <p>နောက်တစ်ခဏတွင် ကျန်းနင်က သူ့ရှေ့ရှိ ရေအိုင်ငယ်လေးဆီ အကြည့်ရောက်သွားသည်။</p> <p>သူ မကြာသေးမီက သန့်စင် စုပ်ယူမှုများ ပြုလုပ်ပြီးနောက် ရေအိုင်ငယ်လေးထဲရှိ အမည်မသိ ကောင်းကင်နှင့် မြေကြီး ရတနာ အများအပြား ကုန်ဆုံးသွားခဲ့သော်လည်း ယခုတိုင် အတော်များများ ကျန်ရှိနေသေးဆဲပင်။</p> <p>"ဒီအရာတွေက ငါ့ရဲ့ ရေကူးခြင်း ကျွမ်းကျင်မှု အတွေ့အကြုံ အမှတ်ကို ထောင်ဂဏန်းလောက်အထိ တိုးမြှင့်ပေးနိုင်စွမ်း ရှိသေးတယ်" ကျန်းနင်က စိတ်ထဲ တိတ်တဆိတ် ရေရွတ်လိုက်၏။</p> <p>ထို့နောက် သူက ထိုရေမှုန်များကို ဆက်လက် သန့်စင်လိုက်လေ၏။</p> <p>[ရေကူးခြင်း အတွေ့အကြုံ +၁]</p> <p>[ရေကူးခြင်း အတွေ့အကြုံ +၁]</p> <p>[ရေကူးခြင်း အတွေ့အကြုံ +၁]</p> <p>[...]</p> <p>သူ ရေမှုန်များကို သန့်စင်လိုက်သည်နှင့်အမျှ ရေကူးခြင်း ကျွမ်းကျင်မှု၏ အတွေ့အကြုံ အမှတ်များမှာ အဆက်မပြတ် တစ်ဟုန်ထိုး မြင့်တက်လာပေ၏။</p> <p>အချိန် သိပ်မကြာလိုက်ချေ။</p> <p>[ကျွမ်းကျင်မှု] - ရေကူးခြင်း (တတိယအကြိမ် ကန့်သတ်ချက် ဖောက်ထွင်းမှု ၄၀၀၀/၄၀၀၀) (ထူးခြားချက် - ရေအောက် အသက်ရှူခြင်း၊ ရေကို ထိန်းချုပ် ကြိုးကိုင်ခြင်း နည်းစနစ်၊ ရေဝိညာဉ်နှင့် ရင်းနှီးကျွမ်းဝင်မှု)</p> <p>အတွေ့အကြုံ အမှတ်များ နောက်တစ်ကြိမ် ပြည့်ဝသွားခဲ့ပြန်သည်။</p> <p>စနစ်မျက်နှာပြင်ပေါ်ရှိ အပြောင်းအလဲများကို ကြည့်ရင်း ကျန်းနင် အလွန်တရာ ကျေနပ် အားရသွားလေသည်။</p> <p>[မူလအရင်းအမြစ် စွမ်းအင်] - ၂၆.၇</p> <p>သူ့တွင် ရေကူးခြင်း ကျွမ်းကျင်မှုအား စတုတ္ထအကြိမ် ကန့်သတ်ချက် ဖောက်ထွင်းရန် မူလအရင်းအမြစ် စွမ်းအင် အမှတ်များ လုံလောက်စွာ မရှိသေးသော်ငြား။</p> <p>မည်သို့ပင်ဆိုစေ စတုတ္ထအကြိမ် ကန့်သတ်ချက် ဖောက်ထွင်းမှုအတွက် မူလအရင်းအမြစ် စွမ်းအင် အမှတ် တစ်ရာတိတိ လိုအပ်သည် မဟုတ်ပါလား။</p> <p>ထို့အပြင် ယခု သူ၏ လက်ကျန် မူလအရင်းအမြစ် စွမ်းအင် အမှတ်မှာ နှစ်ဆယ့်ခြောက်ဒသမခုနစ်သာ ရှိသေး၏။</p> <p>သို့သော် အမှတ်တစ်ရာ ကွာဟချက်မှာ ကျန်းနင် အမြင်တွင်တော့ အလွန် သေးငယ်သွားသယောင် ထင်မှတ်နေရလေပြီ။</p> <p>ယနေ့ပြီးနောက် သူ့မူလအရင်းအမြစ် စွမ်းအင် အမှတ်များမှာ ယုံမှားသံသယဖြစ်ဖွယ် မရှိလောက်အောင် တစ်ဟုန်ထိုး တက်လာပေလိမ့်မည်။</p> <p>ဤအထူး ရေမှုန်များက သူ့ရေကူးခြင်း ကျွမ်းကျင်မှု အတွေ့အကြုံ အမှတ်များကို အများအပြား တိုးမြှင့်ပေးခဲ့သဖြင့် ထောက်ပံ့ပေးမည့် မူလအရင်းအမြစ် စွမ်းအင် အမှတ်များမှာလည်း မလွဲမသွေ များပြားနေမည်မှာ အသေအချာပင်။</p> <p>ထို့နောက် ကျန်းနင်က ကျန်ရှိနေသော ရေမှုန်များကို ဆက်လက် သန့်စင်လိုက်တော့၏။</p> <p>[ရေကူးခြင်း အတွေ့အကြုံ +၁]</p> <p>[ရေကူးခြင်း အတွေ့အကြုံ +၁]</p> <p>[ရေကူးခြင်း အတွေ့အကြုံ +၁]</p> <p>[...]</p> <p>သူ့ရေကူးခြင်း ကျွမ်းကျင်မှု၏ အတွေ့အကြုံ အမှတ်များမှာ အဆက်မပြတ် မြင့်တက်လာပေ၏။</p> <p>အချိန်အတန်ကြာပြီးနောက် ထိုရေအိုင်ငယ်လေး အတွင်း၌ ငွေရောင်ရေစက် တစ်စက်မျှပင် မကျန်ရှိတော့ဘဲ ရေမှုန်များ အားလုံး သူ့ဗိုက်ထဲသို့ ရောက်ရှိသွားလေပြီဖြစ်သည်။</p> <p>[အမည်] - ကျန်းနင်</p> <p>[မူလအရင်းအမြစ် စွမ်းအင်] - ၂၆.၇</p> <p>[ကျွမ်းကျင်မှုများ] -</p> <p>စာဖတ်ခြင်းနှင့် စာရေးခြင်း (ဒုတိယအကြိမ် ကန့်သတ်ချက် ဖောက်ထွင်းမှု ၁၄၉၄/၃၀၀၀) (ထူးခြားချက် - မေ့ပျောက်ရန် ခက်ခဲခြင်း၊ ထူးကဲသော အာရုံငါးပါး)</p> <p>သတ္တဝါငါးမျိုး လက်သီးသိုင်း (ပထမအကြိမ် ကန့်သတ်ချက် ဖောက်ထွင်းမှု ၂၃၅/၂၀၀၀) (ထူးခြားချက် - ကလီစာငါးခု အတွင်း အနှစ်သာရများ သိုလှောင်ခြင်း)</p> <p>ထင်းခွဲဓားသိုင်း (စတုတ္ထအကြိမ် ကန့်သတ်ချက် ဖောက်ထွင်းမှု ၅၀၀၀/၅၀၀၀) (ထူးခြားချက် - အတွေ့အကြုံမှ နားလည်ခြင်း၊ လေကဲ့သို့ လျင်မြန်သော ဓား၊ နတ်ဘုရားဆန်သော ဓားထိန်းချုပ်မှု၊ လူနှင့် ဓား တစ်သားတည်း ဖြစ်တည်မှု)</p> <p>အတွင်းအမြုတေ ကျင့်စဉ် (သခင်အဆင့် ၁၅၁၃/၂၀၀၀)</p> <p>ချန်လန် ဓားသိုင်း (အောင်မြင်မှု ကြီးမားသော အဆင့် ၄၈/၁၀၀၀)</p> <p>ဝရဇိန် အင်မော်တယ် ခန္ဓာကျင့်စဉ် (အောင်မြင်မှု အငယ်စား အဆင့် ၁/၅၀၀၀)</p> <p>ရေကူးခြင်း (တတိယအကြိမ် ကန့်သတ်ချက် ဖောက်ထွင်းမှု ၄၀၀၀/၄၀၀၀) (ထူးခြားချက် - ရေအောက် အသက်ရှူခြင်း၊ ရေကို ထိန်းချုပ် ကြိုးကိုင်ခြင်း နည်းစနစ်၊ ရေဝိညာဉ်နှင့် ရင်းနှီးကျွမ်းဝင်မှု)</p> <p>"လန်းဆန်းလိုက်တာ"</p> <p>စနစ်မျက်နှာပြင်ကို ကြည့်ရင်း ကျန်းနင် အပြည့်အဝ ကျေနပ် အားရသွားတော့၏။</p> <p>ယခုတစ်ကြိမ် ရရှိမှုများက သူ့မျှော်လင့်ထားချက်များကို လုံးဝ ကျော်လွန်သွားခဲ့ပြီ မဟုတ်ပါလား။</p> <p>များပြားလှသော စည်းစိမ်ချမ်းသာများ လက်တစ်ကမ်းတွင် ရောက်ရှိလာရုံသာမက နဂါးငါးဖြူ ကဲ့သို့သော အဖိုးတန် သားကောင်ကြီးကိုပါ ဖမ်းဆီးနိုင်ခဲ့ခြင်းပင်။</p> <p>ဤအသွင်ပြောင်း နဂါးငါးဖြူမှာ သူ့သိုင်းပညာ တိုးတက်မှုအတွက် အံ့မခန်း အထောက်အကူများ ပေးစွမ်းနိုင်မည်မှာ အသေအချာပင်။</p> <p>သို့သော် အရေးအကြီးဆုံးသော ရရှိမှုမှာ စနစ်မျက်နှာပြင်ပေါ်ရှိ ပြောင်းလဲမှုများပင် ဖြစ်သည်။</p> <p>နှစ်နာရီမျှသာ ကြာမြင့်သော အချိန်အတွင်း သူ့ရေကူးခြင်း ကျွမ်းကျင်မှုက ကန့်သတ်ချက် နှစ်ကြိမ်တိုင်တိုင် ဖောက်ထွင်းနိုင်ခဲ့ပြီး ထူးခြားချက် အသစ်နှစ်ခုကိုပါ ယူဆောင်လာပေးခဲ့သည် မဟုတ်ပါလား။</p> <p>ရေကို ထိန်းချုပ် ကြိုးကိုင်ခြင်း ကဲ့သို့သော နတ်ဘုရား စွမ်းရည်ဖြစ်စေ၊ ရေဝိညာဉ်နှင့် ရင်းနှီးကျွမ်းဝင်မှု ထူးခြားချက်မှ ယူဆောင်လာပေးသော အကျိုးသက်ရောက်မှုများဖြစ်စေ... ဤအရာများက ကျန်းနင်၏ ခရီးစဉ်ကို အချည်းနှီး မဖြစ်စေခဲ့ကြောင်း သက်သေပြနေလေသည်။</p> <p>ထို့အပြင် သူ့ရေကူးခြင်း ကျွမ်းကျင်မှု၏ အတွေ့အကြုံ အမှတ်များမှာလည်း စတုတ္ထအကြိမ် ကန့်သတ်ချက် ဖောက်ထွင်းရန် လိုအပ်ချက်များ ပြည့်မီနေပြီ ဖြစ်ချေပြီ။</p> <p>မူလအရင်းအမြစ် စွမ်းအင်အမှတ် တစ်ရာတိတိ ပြည့်လာမည့် အချိန်ကို စောင့်ဆိုင်းပြီးနောက် ရေကူးခြင်း ကျွမ်းကျင်မှုကို စတုတ္ထအကြိမ်မြောက် ကန့်သတ်ချက် ဖောက်ထွင်းမှု ပြုလုပ်နိုင်တော့မည်သာ။</p> <p>End</p> <p style="text-align: center;"> </p> <p style="text-align: center;"> </p> <p style="text-align: center;">***</p>


Save