Book List

<h2 style="text-align: center;">အပိုင်း(၄၆၂)</h2> <h2 style="text-align: center;">ဝန်ထုပ်ဝန်ပိုး အဖြစ်မခံခြင်း</h2> <h2 style="text-align: center;">*</h2> <p> </p> <p> </p> <p>ထိုက်ယန်တောင်... ရေပေါ်တံတားဆိပ်ကမ်း။</p> <p>တင်းယန်က မျက်မှောင်ကြုတ်ထားပြီး အဝေးသို့ ထွက်ခွာသွားပြီဖြစ်သော ရွက်လှေကို ကြည့်ကာ မျက်နှာပေါ်တွင် လေးလံမှိုင်းညို့သည့် အရိပ်အယောင်တစ်ခု ပေါ်လွင်နေ၏။</p> <p>ကျောက်ခိုင်က အနားသို့ လျှောက်လာပြီး "အမတင်း... ပြန်ကြရအောင်... အစ်ကိုလင်းက အဝေးကြီး ရောက်သွားလောက်ပြီ" ဟု ပြောလိုက်သည်။</p> <p>တင်းယန်က ကျောက်ခိုင်ဘက်သို့ လှည့်ကြည့်လိုက်ပြီး "နင် မျိုးရိုးဗီဇမျိုးစေ့ကို ရောက်သွားပြီလား" ဟု ရုတ်တရက် မေးလိုက်သည်။</p> <p>ကျောက်ခိုင်က ခေါင်းညိတ်လိုက်ပြီး "အင်း... အစ်ကိုလင်းက ကျွန်တော့်ကို စောင့်ကြပ်ပေးတာလေ... ဒီမနက်တင် ရောက်သွားပြီး မျိုးရိုးဗီဇမျိုးစေ့ကို စုစည်းနိုင်သွားတာပါ"</p> <p>တင်းယန်က ကျောက်ခိုင်ကို စူးစိုက်ကြည့်နေရင်း "ငါနဲ့ တစ်ပွဲလောက် ယှဉ်ရအောင်" ဟု ရုတ်တရက် ပြောလိုက်၏။</p> <p>ကျောက်ခိုင် ကြောင်အမ်းသွားပြီး "ဗျာ"</p> <p>"ငါနဲ့ တစ်ပွဲလောက် ယှဉ်ရအောင်လို့ ပြောတာ... မျိုးရိုးဗီဇမျိုးစေ့ နိုးထလာပြီးတဲ့နောက် ဘယ်လောက်တောင် အစွမ်းထက်လာလဲဆိုတာ ငါ ကြည့်ချင်တယ်"</p> <p>"မဖြစ်ဘူး မဖြစ်ဘူး... ဒါ ဘယ်လိုလုပ် ဖြစ်နိုင်မှာလဲ"</p> <p>ကျောက်ခိုင်က ခေါင်းကို တရစပ် ခါယမ်းလိုက်ပြီး အလျင်အမြန် နောက်ဆုတ်သွားသည်။</p> <p>သူတို့အဖွဲ့ မိန်တုဥယျာဉ်မှာ စတင်ရှိနေစဉ်ကတည်းက တင်းယန်က အနည်းငယ် အေးစက်စက်နိုင်ပြီး လူရာမဝင်သည့် ပုံစံ ပေါက်နေခဲ့သည်။</p> <p>အေးစက်ခက်ထန်သော အသွင်အပြင်အောက်တွင် မည်သူ့ကိုမဆို အဝေးသို့ တွန်းထုတ်ထားသကဲ့သို့ ရှိနေခဲ့၏။</p> <p>သို့သော် အမတင်းက ဤနည်းလမ်းကို အသုံးပြုကာ သူမ၏ အားနည်းချက်များကို ဖုံးကွယ်ရန်အတွက် မာကျောသော အကာအကွယ်တစ်ခုကို ဖန်တီးထားခြင်းသာ ဖြစ်ကြောင်း ကျောက်ခိုင်က သိထားသည်။</p> <p>ယခင်က သူ အစွမ်း မနိုးထသေးချိန်၌ လက်တစ်ဖက် ပြတ်သွားခဲ့ဖူး၏။</p> <p>လင်းယွမ်တို့အဖွဲ့၏ စွန့်ပစ်ခြင်းကို ခံရတော့မည်ဟု သူ ထင်မှတ်ခဲ့သော်လည်း လင်းယွမ်က သူ့ကို မစွန့်ပစ်ခဲ့သည့်အပြင် လျှောက်လမ်း တံခါးဝကို စောင့်ကြပ်ရန်ပင် စီစဉ်ပေးခဲ့သည်။</p> <p>သူ လျှောက်လမ်း၌ စောင့်ကြပ်နေရသည့် အချိန်တိုင်းတွင် အမတင်းက ဘာမှမပြောသော်လည်း ရည်ရွယ်ချက်ရှိရှိဖြင့်ဖြစ်စေ ရည်ရွယ်ချက်မပါဘဲဖြစ်စေ အခန်းတံခါးကို ဖွင့်ထားပေးကာ သူ့ကို စောင့်ရှောက်ပေးခဲ့သည်။</p> <p>ထိုအချိန်က သူသည် လက်တစ်ဖက် ပြတ်နေပြီး အစွမ်းလည်း မနိုးထသေးပေ။</p> <p>လျှောက်လမ်းပေါ်တွင် မသမာသူများသာ ရှိလာခဲ့ပါက သူက ခုခံနိုင်စွမ်း ရှိမည်မဟုတ်ချေ။</p> <p>ထို့ကြောင့် ယနေ့အချိန်အထိ အမတင်း၏ စောင့်ရှောက်မှုများကို သူ အမြဲတမ်း မှတ်သားထားခဲ့သည်။</p> <p>ဒါကြောင့် သူက အမတင်းကို ဘယ်လိုလုပ်ပြီး လက်ပါနိုင်မည်နည်း။</p> <p>တင်းယန်က မျက်မှောင်ကို တင်းကျပ်စွာ ကုတ်လိုက်ပြီး "အခြောက်လိုလုပ်မနေနဲ့... ချမှာဖြင့်ချစမ်းပါ" ဟု အော်ဟစ်လိုက်၏။</p> <p>"မလုပ်ပါနဲ့ အမတင်းရယ်... ကျွန်တော်က..."</p> <p>"နင် မချရင် ငါ စမယ်"</p> <p>"ဝှစ်"</p> <p>တင်းယန်က ပြောသည့်အတိုင်း လုပ်ဆောင်လိုက်ပြီး နောက်တစ်ခဏတွင် သူမ၏ ခြေဖဝါးအောက်၌ အစွမ်းသွင်းခြင်း အလင်းရောင် နှစ်ခုက ရုတ်တရက် ပေါက်ကွဲထွက်လာတော့သည်။</p> <p>ဘုန်းခနဲ မြည်သံနှင့်အတူ သူမက လျှပ်စီးတစ်တန်းအလား အရှိန်ပြင်းပြင်းဖြင့် ပြေးထွက်သွား၏။</p> <p>ကျောက်ခိုင်က ကိုယ်ကို အလျင်အမြန် လျှပ်တစ်ပြက် ရှောင်တိမ်းလိုက်ရာ တင်းယန်၏ လက်သီးချက်မှ သီသီလေး လွတ်မြောက်သွားခဲ့သည်။</p> <p>တင်းယန်၏ လက်သီးအားက လေဟာနယ်ထဲတွင် ပေါက်ကွဲသွားပြီး လေဖိအားအမြောက်လက်သီး က ပေါက်ကွဲထွက်လာကာ ကျယ်လောင်သော လေလှိုင်းများ ထွက်ပေါ်လာသည်။</p> <p>ကျောက်ခိုင်က အလွန် စိုးရိမ်သွားပြီး "အမတင်း... ဘာလုပ်တာလဲဗျာ" ဟု အလျင်အမြန် အော်ဟစ်လိုက်၏။</p> <p>"ချစမ်း... ဟိုတုန်းက မော်ရှောင်ချန်ကို သတ်ခဲ့တဲ့ နင်ရဲ့ သတ္တိတွေကို ထုတ်ပြစမ်းပါ" တင်းယန်က ဒေါသတကြီး အော်ဟစ်လိုက်သည်။</p> <p>ကျောက်ခိုင်က ပြန်လည် မတိုက်ခိုက်ရဲသော်လည်း တင်းယန်က နောက်တစ်ကြိမ် ထပ်မံ ဝင်ရောက်လာခဲ့ပြီ ဖြစ်သည်။</p> <p>သူမက ပေါက်ကွဲအားသုံးသည့် အစွမ်းတစ်မျိုးကို ကျွမ်းကျင်ပိုင်နိုင်ထားပုံ ရ၏။</p> <p>အစွမ်းသွင်းခြင်း အလင်းရောင်၏ ပံ့ပိုးမှုအောက်တွင် ထူးခြားသော သင်္ကေတ လမ်းကြောင်းများ ဖြစ်ပေါ်လာပြီး သူမ၏ ခြေဖဝါးအောက်၌ ပေါက်ကွဲထွက်လာသည်။</p> <p>အကြိမ်တိုင်းတွင် သူမက အမြောက်ဆံတစ်စင်းကဲ့သို့ ပစ်လွှတ်ခြင်း ခံရပြီး အလွန်တရာ ပြင်းထန်ကြမ်းကြုတ်လှသည်။</p> <p>ကျောက်ခိုင်က ပေါ့ပေါ့ဆဆ မနေရဲတော့ဘဲ သူ၏ အစွမ်းကို အလျင်အမြန် လည်ပတ်လိုက်၏။</p> <p>ခန္ဓာကိုယ်အတွင်းမှ အေးစိမ့်သော လေထုများ ချက်ချင်း ထွက်ပေါ်လာပြီး ပတ်ဝန်းကျင်ကို လွှမ်းခြုံသွားတော့သည်။</p> <p>သူ၏ ခန္ဓာကိုယ်ပေါ်တွင် ရေခဲဝတ်စုံ များ တစ်လွှာပြီးတစ်လွှာ ပေါ်ထွက်လာသည်။</p> <p>ထို့နောက်တွင်လည်း သူက ပြန်လည် မတိုက်ခိုက်ခဲ့ပေ။</p> <p>ဆန့်ကျင်ဘက်အနေဖြင့် တင်းယန်ကသာ အဆက်မပြတ် တိုက်ခိုက်နေပြီး ကျောက်ခိုင်၏ ခန္ဓာကိုယ်ပေါ်သို့ အကြိမ်ကြိမ် ထိမှန်ခဲ့သည်။</p> <p>သို့သော် ကျောက်ခိုင်က တစ်ချက်လေးမျှ မတုန်မလှုပ် ရှိနေသည့်အပြင် သူ၏ ခန္ဓာကိုယ်ပေါ်ရှိ အေးစိမ့်သော လေထုများက ပြန်လည် ရိုက်ခတ်သွားရာ တင်းယန်၏ လက်ခြေများကို ထုံကျင်သွားစေပြီး ရေခဲလွှာများ အများအပြား ဖြစ်ပေါ်သွားစေသည်။</p> <p>တင်းယန်က ခန္ဓာကိုယ်ကို အစွမ်းသွင်းခြင်း ဖြင့် ကာကွယ်ထားသော်လည်း ဤအေးစိမ့်သော လေထုကိုတော့ ခုခံနိုင်စွမ်း မရှိခဲ့ပေ။</p> <p>မကြာမီမှာပင် သူမ၏ ခန္ဓာကိုယ်ပေါ်တွင် ရေခဲလွှာ တစ်ထပ် ဖုံးလွှမ်းသွားခဲ့၏။</p> <p>ကျောက်ခိုင်က လုံးဝ မလှုပ်ရှားတော့ဘဲ နေရာမှာပင် ရပ်နေရင်း "အမတင်း... အမ မြင်တဲ့အတိုင်းပဲ... မျိုးရိုးဗီဇမျိုးစေ့အဆင့်ကို ရောက်ပြီးတဲ့နောက် ကျွန်တော်က အကာအကွယ် အမျိုးအစား မျိုးရိုးဗီဇမြေပုံကို နိုးထနိုင်ခဲ့တယ်"</p> <p>"ကျွန်တော် ဒီနေရာမှာ မလှုပ်မယှက် ရပ်နေရင်တောင်... အမက ကျွန်တော့်ရဲ့ ရေခဲဝတ်စုံ ကို ခွဲနိုင်မှာ မဟုတ်ဘူး"</p> <p>တင်းယန်ကလည်း ရပ်တန့်သွားပြီး ကျောက်ခိုင်ကို စူးစိုက်ကြည့်ကာ သူ၏ ခန္ဓာကိုယ်ပေါ်ရှိ ချပ်ဝတ်တန်ဆာကို အကဲခတ်နေလိုက်သည်။</p> <p>အချိန်အတော်ကြာပြီးနောက် သူမက ရုတ်တရက် ရယ်မောလိုက်၏။</p> <p>"မဆိုးဘူး... အခု နင်က လင်းယွမ်ရဲ့ အလေးထားတာနဲ့ တကယ်ကို ထိုက်တန်သွားပြီ"</p> <p>ကျောက်ခိုင် ကြောင်အမ်းသွားပြီး "အမတင်း... အမ..."</p> <p>တင်းယန်က ရေပြင်ကြီးဘက်သို့ လှည့်ကြည့်လိုက်ပြီး "ငါသိတယ်... သူ မသွားခင်က ထိုက်ယန်တောင်ကို နင်လက်ထဲ အပ်ခဲ့တာ သေချာတယ်"</p> <p>ကျောက်ခိုင်မှာ ဘာလုပ်ရမှန်းမသိ ဖြစ်သွားပြီး ဘယ်လို ပြောရမည်ကိုပင် မသိတော့ချေ။</p> <p>တင်းယန်က ပြောလိုက်သည်။ "ငါတို့တွေက သုံးစားမရတာပါ... ဒီလောက် အချိန်ကြာနေတာတောင် သာမန် အစွမ်းပိုင်ရှင် အဆင့်မှာပဲ လည်ပတ်နေကြတုန်းပဲ"</p> <p>"ဘာကိစ္စပဲ ဖြစ်ဖြစ် သူ့ကိုပဲ ရှေ့ဆုံးကနေ ရင်ဆိုင်ခိုင်းနေရတယ်"</p> <p>"အဖွဲ့တစ်ဖွဲ့ဆိုတာ ဒီလိုမျိုး မဖြစ်သင့်ဘူးလေ... ဟုတ်တယ်မလား"</p> <p>ကျောက်ခိုင်က တစ်စုံတစ်ရာကို နားလည်သွားပြီး တင်းယန်ကို ကြည့်ကာ မနေနိုင်ဘဲ ပြောလိုက်သည်။ "အမတင်း... အစ်ကိုလင်းက ကျွန်တော်တို့ကို ဘယ်တုန်းကမှ အပြစ်မတင်ခဲ့ဖူးပါဘူး..."</p> <p>တင်းယန်က ခေါင်းလှည့်ကာ ကျောက်ခိုင်ကို ကြည့်လိုက်ပြီး "မဟုတ်ဘူး... သူက ငါတို့ကို အပြစ်မတင်ဘူး ဆိုပေမယ့် ငါတို့ကိုယ်တိုင်ကတော့ ဒါကို သဘာဝကျတယ်လို့ သတ်မှတ်ထားလို့ မရဘူး"</p> <p>"ငါက မိန်းမတစ်ယောက်ပါ... အားနည်းသူတွေရဲ့ အခြေအနေကို ငါ ကောင်းကောင်းကြီး သိတယ်"</p> <p>"ငါက သူ့အတွက် ဝန်ထုပ်ဝန်ပိုး မဖြစ်ချင်ဘူး... အထူးသဖြင့် တစ်နေ့နေ့ ရန်သူနဲ့ ရင်ဆိုင်ရတဲ့ အချိန်ကျရင် သူများလာကယ်ဖို့ကိုပဲ ထိုင်စောင့်နေရတဲ့ အဖြစ်မျိုးကို မလိုချင်ဘူး"</p> <p>"ငါ့ကိုယ်ငါ အဲ့ဒီလို အခြေအနေမျိုးကို ရောက်အောင် ဘယ်တော့မှ အဖြစ်မခံနိုင်ဘူး"</p> <p>ကျောက်ခိုင်က ပါးစပ်ဟသွားပြီး "အမတင်း... အမ... အမ ဘာလုပ်မလို့လဲ"</p> <p>"ငါ ထိုက်ယန်တောင်ကနေ ထွက်သွားတော့မယ်"</p> <p>"ဘာ" ကျောက်ခိုင်က ချက်ချင်းပင် အလွန် အံ့အားသင့်သွားသည်။</p> <p>ထို့နောက် သူက အလျင်အမြန် ပြောလိုက်၏။ "မဖြစ်ဘူး... လုံးဝ မဖြစ်ဘူး... အစ်ကိုလင်းက သဘောတူမှာ မဟုတ်ဘူး"</p> <p>တင်းယန်က ပြုံးလိုက်ပြီး "သူမှ ဒီမှာ မရှိတာ"</p> <p>"ငါ အပြင်ထွက်ပြီး ခန္ဓာကိုယ်ကြံ့ခိုင်မှု အမျိုးအစား မျိုးရိုးဗီဇမျိုးစေ့ သန္ဓေပြောင်း သတ္တဝါတွေကို သွားရှာမယ်"</p> <p>"ခန္ဓာကိုယ်ကြံ့ခိုင်မှု အမျိုးအစား မျိုးရိုးဗီဇမျိုးစေ့ကို ရဖို့ နည်းလမ်းရှာရမယ်... ဒါမှ စောစောစီးစီး မျိုးရိုးဗီဇမျိုးစေ့ အဆင့် အစွမ်းထက်သူ ဖြစ်လာပြီး သူ့ကို ကူညီနိုင်မှာ"</p> <p>"အမတင်း" ကျောက်ခိုင်က အလွန် စိုးရိမ်သွားပြီး ဖျောင်းဖျရန် ပြင်လိုက်သည်။</p> <p>သို့သော် တင်းယန်က သူ့ကို အခွင့်အရေး မပေးတော့ဘဲ တိုက်ရိုက်ပင် ပြောလိုက်၏။ "ငါ ဆုံးဖြတ်ပြီးသွားပြီ ကျောက်ခိုင်... နင်ရဲ့ လက်ရှိ အစွမ်းနဲ့ဆိုရင် ထိုက်ယန်တောင်ကို ကာကွယ်ထားဖို့ ပြဿနာ မရှိဘူး... ဒီမှာ ငါတစ်ယောက် လျော့သွားလို့လည်း ဘာမှ မဖြစ်ဘူး"</p> <p>"ငါ့ရဲ့ ကိုယ်ပိုင် လမ်းကြောင်းကို ရှာဖွေဖို့ လိုနေပြီ... အရာရာတိုင်းကို လင်းယွမ်ကိုပဲ အားကိုးနေလို့ မရဘူး"</p> <p>ထိုစကားကို ပြောပြီးသည်နှင့် သူမ၏ ကိုယ်ဟန်က လျှပ်တစ်ပြက် လှုပ်ရှားသွားပြီး မိုးရေစက်များကြားထဲသို့ လျင်မြန်စွာ ပျောက်ကွယ်သွားတော့သည်။</p> <p>ကျောက်ခိုင်မှာ အလွန် စိုးရိမ်သွားပြီး အလျင်အမြန် လိုက်သွားခဲ့သည်။</p> <p>သို့သော် သူက အလျင်နှုန်းတွင် အားသာသူ မဟုတ်ဘဲ တင်းယန်၏ ပေါက်ကွဲအားက အလွန် ပြင်းထန်သဖြင့် မိနစ်အနည်းငယ် အကြာတွင် လုံးဝ အရိပ်အယောင်ပင် မတွေ့ရတော့ချေ။</p> <p>ကျောက်ခိုင်မှာ ရင်ထဲတွင် မီးလောင်နေသကဲ့သို့ စိုးရိမ်ပူပန်နေသော်လည်း ဘာမှ မတတ်နိုင်တော့ပေ။</p> <p>......</p> <p>နာရီဝက် ကြာပြီးနောက်...</p> <p>လင်းယွင်ကုန်း၊ လီရှင်းဟွာ စက္ကူစက်ရုံ။</p> <p>လီရှင်းဟွာ၊ ကျိုးချင်းမင်၊ အမဝမ် နှင့် အခြားသူများက ဤနေရာတွင် စုဝေးနေကြသည်။</p> <p>သူတို့အပြင် မိန်တောင်မှ လီရှန်ယန်၊ ကျန်းရုံရုံ နှင့် ယခင် ဟန်ရှန်းမန် အဖွဲ့မှ ဦးလေးကော၊ ရှမင် တို့ နှစ်ဦးလည်း ပါဝင်သည်။</p> <p>ကျန်းရုံရုံက မနေနိုင်ဘဲ "ကျွန်မတို့က ဘယ်သူ့ကို စောင့်နေတာလဲ" ဟု မေးလိုက်သည်။</p> <p>လီရှင်းဟွာက ဘာမှမပြောသော်လည်း ဘေးနားရှိ အမဝမ်က ပြုံးလျက် "အရေးကြီးတဲ့ ပုဂ္ဂိုလ်တစ်ယောက်ပေါ့" ဟု ဖြေလိုက်၏။</p> <p>ကျန်းရုံရုံက မျက်မှောင်ကြုတ်သွားပြီး "ဘယ်လို အရေးကြီးတဲ့ ပုဂ္ဂိုလ်မျိုးလဲ" ဟု မနေနိုင်ဘဲ ထပ်မေးလိုက်သည်။</p> <p>"ရောက်လာရင် သိရမှာပေါ့" ကျိုးချင်းမင်က ဝင်ပြောလိုက်သည်။</p> <p>လီရှန်ယန်က စကားစလိုက်သည်။ "ဘယ်သူ့ကို စောင့်နေလဲဆိုတာကို ကျွန်တော် စိတ်မဝင်စားပါဘူး... ကျွန်တော် တစ်ခုပဲ မေးချင်တယ်... ခင်ဗျားတို့ ပြောတဲ့ အဲ့ဒီ သတ္တဝါက တကယ်ပဲ အလင်းဓာတ် ခန္ဓာကိုယ်ကြံ့ခိုင်မှု အမျိုးအစားလား"</p> <p>ကျိုးချင်းမင်က ပြန်ပြောသည်။ "သူက အလင်းဓာတ် အစွမ်းကို ထုတ်သုံးတာ ကျွန်တော် မြင်ဖူးတယ်... ခန္ဓာကိုယ်ကြံ့ခိုင်မှု အမျိုးအစား ဟုတ်မဟုတ် ကိုတော့ ကျွန်တော် သေချာ မသိဘူး"</p> <p>ဦးလေးကောက ရုတ်တရက် ဝင်ပြောလိုက်၏။ "အလင်းဆိုတာလည်း ဓာတ်သဘာဝ တစ်ခုပဲ မဟုတ်လား... ဓာတ်သဘာဝ အမျိုးအစားထဲမှာ မပါသင့်ဘူးလား"</p> <p>လီရှန်ယန်က သူ့ကို တစ်ချက်ကြည့်လိုက်ပြီး ခေါင်းယမ်းကာ ပြောလိုက်သည်။ "အလင်းနဲ့ အမှောင်က ရိုးရိုး ဓာတ်ကြီးငါးပါးနဲ့ မတူဘူး... ကျွန်တော့်ရဲ့ အလင်းဓာတ် အစွမ်းက ကျွန်တော့်ရဲ့ ခန္ဓာကိုယ်ကြံ့ခိုင်မှုနဲ့ အများကြီး သက်ဆိုင်နေတယ်ဆိုတာ ကျွန်တော် ခံစားလို့ရတယ်"</p> <p>ကျန်းရုံရုံက ရုတ်တရက် ဦးလေးကောနှင့် ရှမင်တို့ကို ကြည့်ကာ သိချင်စိတ်ဖြင့် မေးလိုက်သည်။ "ကျွန်မတို့က အဲ့ဒီ အလင်းဓာတ် သန္ဓေပြောင်း သတ္တဝါအတွက် သွားတာလေ... ရှင်တို့ နှစ်ယောက်က ဓာတ်သဘာဝ အမျိုးအစားတွေ မဟုတ်ဘူးလား... ဘာလို့ လိုက်လာကြတာလဲ"</p> <p>ဦးလေးကောက ပြုံးလိုက်ပြီး ဆေးတံကို တစ်ချက်ဖွာကာ ပြောလိုက်၏။ "အဲ့ဒီနေရာမှာ အဲ့ဒီ ဘီလူးကောင် တစ်ကောင်တည်း ရှိတာမှ မဟုတ်တာ"</p> <p>လီရှန်ယန်က လီရှင်းဟွာကို ကြည့်ကာ မနေနိုင်ဘဲ မေးလိုက်ပြန်သည်။ "တကယ်ပဲ အဲ့ဒီလို နေရာမျိုး ရှိနေတာ သေချာရဲ့လား"</p> <p>လီရှင်းဟွာက သူ့ကို တစ်ချက်ကြည့်လိုက်ပြီး "မယုံဘူးဆိုရင် ခင်ဗျား မလိုက်လို့ ရပါတယ်"</p> <p>ရှမင်က ရုတ်တရက် ဝင်ပြောလိုက်သည်။ "ခင်ဗျားက ဘာလို့ ဆရာလင်းကို အတူတူသွားဖို့ မခေါ်တာလဲ... သူသာ ပါမယ်ဆိုရင် ကျွန်တော်တို့ မျိုးရိုးဗီဇမျိုးစေ့ ဘီလူးကောင်တွေကို သတ်ရတာ အများကြီး လွယ်ကူသွားမှာ မဟုတ်ဘူးလား"</p> <p>လီရှင်းဟွာက သူ့ကို တစ်ချက်ကြည့်လိုက်ပြီး ပြောလိုက်သည်။ "အစကတော့ ဆရာလင်းကို ခေါ်မလို့ပါပဲ... ဒါပေမယ့် အခု ထိုက်ယန်တောင်မှာ ဒီလိုကိစ္စမျိုး ဖြစ်နေတော့... အချိန်တိုအတွင်း သူလည်း အားဦးမှာ မဟုတ်လောက်ဘူး"</p> <p>"အခု ထိုက်ယန်တောင်မှာ လူတိုင်း သီးသန့်ခွဲနေရတဲ့ အချိန်နဲ့ အံကိုက်ဖြစ်နေတော့... ဒီအခွင့်အရေးကို ယူပြီး ကျွန်တော်တို့ အဲ့ဒီနေရာကို သွားစူးစမ်းကြည့်တာကလည်း ကောင်းပါတယ်"</p> <p>ရှမင်က သဘောပေါက်သွားပြီး ထပ်မေးရန် ပြင်လိုက်သည်။</p> <p>ရုတ်တရက် လီရှင်းဟွာက ဝါးတောဘက်သို့ ခေါင်းမော့ကြည့်လိုက်ပြီး သူ၏ မျက်နှာပေါ်တွင် အပြုံးတစ်ခု ပေါ်လာကာ "ရောက်လာပြီ" ဟု ပြောလိုက်၏။</p> <p>ဝါးတောထဲမှ သန်မာဖျတ်လတ်သော ကိုယ်ဟန်တစ်ခုက လျှပ်တစ်ပြက် ထွက်ပေါ်လာသည်ကို မြင်လိုက်ရသည်။</p> <p>"ခေါင်းဆောင်တင်း... ခင်ဗျား နောက်ကျနေပြီ" လီရှင်းဟွာက ပြုံးလျက် ပြောလိုက်သည်။</p> <p>တင်းယန်က လူအများကို တစ်ချက်ကြည့်လိုက်ပြီး "ကျွန်မ လာမယ်ဆိုတာ ရှင်က အဲ့ဒီလောက်တောင် သေချာနေတာလား" ဟု ပြောလိုက်သည်။</p> <p>"ဟားဟား... သေချာတာပေါ့... ဘာလို့လဲဆိုတော့ ထိုက်ယန်တောင်ကို ဆရာလင်း တစ်ယောက်တည်းကပဲ အားပြုနေရတာ မဖြစ်သင့်မှန်း ကျွန်တော်တို့ အားလုံး သိထားကြတယ်လေ"</p> <p>"ကျွန်တော်တို့က တိုးတက်မှု မရှိဘူးဆိုရင်... ဆရာလင်းအတွက် ဝန်ထုပ်ဝန်ပိုးပဲ ဖြစ်နေမှာလေ... မဟုတ်ဘူးလား" လီရှင်းဟွာက ပြုံးကာ ပြောလိုက်သည်။</p> <p>တင်းယန်က သူ့ကို တစ်ချက်ကြည့်လိုက်ပြီး ဘာမှမပြောတော့ဘဲ "အဲ့ဒီ သင်္ဘောကပ္ပတိန် ပြောတဲ့ သတင်းက သေချာတယ်ဆိုတာ ရှင် အတည်ပြုနိုင်လား" ဟုသာ မေးလိုက်၏။</p> <p>လီရှင်းဟွာက ခေါင်းညိတ်လိုက်သည်။ "သေချာပါတယ်... ကိုကျိုး ကိုယ်တိုင် သွားကြည့်ပြီးပြီ... အဲ့ဒီနေရာက ဟင်းလင်းပြင်က တကယ် ပြဿနာ ရှိနေတယ်... ဆယ်ပုံ ကိုးပုံလောက်ကတော့ ဟင်းလင်းပြင် ခေါက်ချိုးဖြစ်စဉ် ပဲ ဖြစ်ရမယ်"</p> <p>"ဒါပေမယ့် ခေါက်ချိုးဖြစ်နေတဲ့ ဟင်းလင်းပြင် ဧရိယာက ဘယ်လောက်ကျယ်လဲ ဆိုတာကိုတော့ ကျွန်တော် အတည်မပြုနိုင်သေးဘူး... အထဲကို ဝင်ကြည့်မှပဲ သိရမှာ"</p> <p>"ဒါပေမယ့် တစ်ဖက်လူ ပြောပုံအရဆိုရင်တော့... အထဲမှာ မျိုးရိုးဗီဇမျိုးစေ့ အဆင့်ရှိတဲ့ သန္ဓေပြောင်း သတ္တဝါတွေ သေချာပေါက် ရှိနေတယ်"</p> <p>"ဟုတ်ပြီ... ဒါဆို သွားကြမယ်"</p> <p>တင်းယန်က ချက်ချင်းပင် လေးနက်သော အသံဖြင့် ပြောလိုက်သည်။</p> <p>လီရှင်းဟွာက ရယ်မောလိုက်ပြီး "သင်္ဘောကို အစောကတည်းက ပြင်ဆင်ထားပြီးပြီ... သွားကြစို့" ဟု ပြောလိုက်၏။</p> <p>တကယ်တော့ လွန်ခဲ့သည့် အချိန်ကာလ တစ်ခုက ထိုက်ယန်တောင် ရေပေါ်တံတားဆိပ်ကမ်းမှာ စည်ကားလာခဲ့ပြီး အနီးအနားရှိ သင်္ဘောပုံစံ ခိုလှုံရေးစခန်း အချို့က ထိုက်ယန်တောင်၏ ရေပေါ်တံတားဆိပ်ကမ်းသို့ လာရောက်ကာ ရိက္ခာများ ဖြည့်တင်းလေ့ ရှိကြသည်။</p> <p>သို့မဟုတ် တချို့ကလည်း ထိုက်ယန်တောင်သို့ ဝင်ရောက်ကာ ထိုက်ယန်တောင်၏ အဖွဲ့ဝင်တစ်ဦး ဖြစ်လာရန်ပင် ဆန္ဒရှိနေကြသည်။</p> <p>သို့သော် တစ်လတိတိ တာဝန်ထမ်းဆောင်ရမည် ဟူသော စည်းကမ်းချက်က သင်္ဘောအချို့ကို တွေဝေသွားစေခဲ့သည်။</p> <p>ထို့အပြင် သင်္ဘောအတော်များများကလည်း ထိုက်ယန်တောင်သို့ ဝင်ရောက်ပြီးပါက သူတို့၏ သင်္ဘောများမှာ သိမ်းဆည်းခံရမည်ကို စဉ်းစားနေကြသည်။</p> <p>နောက်ထပ် အချက်တစ်ချက်မှာ ရေများ လွှမ်းမိုးကာ ဆက်လက် မြင့်တက်နေဆဲဖြစ်ရာ ထိုက်ယန်တောင်က မည်မျှ ကြာကြာ တောင့်ခံထားနိုင်မည်ကို မည်သူကမျှ မသိနိုင်ပေ။</p> <p>အနာဂတ်တွင် အကယ်၍ ထိုက်ယန်တောင်သာ ရေလွှမ်းခံရမည်ဆိုပါက သူတို့က ထိုက်ယန်တောင်သို့ ဝင်ရောက်ခြင်းသည် ကျဆုံးခါနီးစစ်တပ်ထဲ ဝင်သလို ဖြစ်မသွားပေဘူးလား။</p> <p>ထိုသို့ဆိုလျှင် ကိုယ့်သင်္ဘောကိုယ် စောင့်ပြီး ဆက်လက် စောင့်ကြည့်နေတာကမှ ပိုကောင်းပေလိမ့်မည်။</p> <p>သို့သော်လည်း သင်္ဘော ခိုလှုံရေးစခန်း အချို့၏ ခေါင်းဆောင်များက ထိုက်ယန်တောင်၏ ဖွံ့ဖြိုးတိုးတက်မှုကို အလေးထားကြပြီး ဤနေရာရှိ ပတ်ဝန်းကျင် အခြေအနေကိုလည်း သဘောကျကာ ဝင်ရောက်ရန် တစ်ခဲနက် ဆန္ဒရှိနေကြသည်။</p> <p>သို့သော် ထိုက်ယန်တောင် ဘက်တွင်လည်း စိစစ်ရေး သတ်မှတ်ချက်များ ရှိနေပြီး မည်သူမဆို အလွယ်တကူ ဝင်ရောက်သည်တော့ မဟုတ်ပေ။</p> <p>သတ်မှတ်ထားသော အထူးကျွမ်းကျင်မှု တစ်ခုခု ရှိမှသာ စိစစ်မှုကို အလွယ်တကူ အောင်မြင်နိုင်မည် ဖြစ်သည်။</p> <p>အချို့သော သူများက ဤစိစစ်ရေးကို မြင်တွေ့ရသောအခါ ထိုက်ယန်တောင် အတွင်းပိုင်းရှိ လူများထံမှ အကူအညီ ရယူရန် နည်းလမ်းရှာကြသည်။</p> <p>သေချာသည်ကတော့ ဤသည်မှာလည်း ထိုက်ယန်တောင်၏ စည်းမျဉ်း ဘောင်အတွင်း၌ပင် ရှိနေသည်။</p> <p>လီရှင်းဟွာ၏ စက္ကူစက်ရုံက ယခုအခါ ထိုက်ယန်တောင်တွင် နာမည်အတော်လေး ရနေပြီ ဖြစ်သည်။</p> <p>ထို့ကြောင့် လီရှင်းဟွာထံသို့ လာရောက်ကာ အကူအညီ တောင်းခံသူများ ရှိလာခဲ့သည်။</p> <p>လီရှင်းဟွာက သဘာဝကျကျပင် အလကား ကူညီပေးမည် မဟုတ်ဘဲ အများအားဖြင့် ထိုသို့ လာရောက် အကူအညီ တောင်းခံသူများကို ဂရုစိုက်လေ့ မရှိပေ။</p> <p>သို့သော် လွန်ခဲ့သည့်လက သင်္ဘောခေါင်းဆောင် တစ်ယောက်က ဟင်းလင်းပြင် ခေါက်ချိုးခြင်း နှင့် ပတ်သက်သည့် သတင်းတစ်ခုကို အသုံးပြုကာ ထိုက်ယန်တောင်သို့ ဝင်ရောက်ခွင့် တစ်နေရာကို တောင်းဆိုလာခဲ့သည်။</p> <p>လီရှင်းဟွာ ကိုယ်တိုင်ကလည်း ဟင်းလင်းပြင် အစွမ်းပိုင်ရှင် တစ်ဦးဖြစ်ရာ ဟင်းလင်းပြင် နှင့် ပတ်သက်သည့် သတင်းကို ကြားလိုက်ရချိန်တွင် အလိုအလျောက်ပင် စိတ်ဝင်စားသွားခဲ့သည်။</p> <p>ထို့ကြောင့် အပေးအယူ တစ်ခု ပြုလုပ်ပြီးနောက် ထို ဟင်းလင်းပြင် ခေါက်ချိုးခြင်း ရှိရာ တည်နေရာကို သူ ရရှိခဲ့ပြီး ကျိုးချင်းမင်နှင့် အတူ ကိုယ်တိုင် သွားရောက်ခဲ့သည်။</p> <p>ထိုသို့ သွားရောက် စုံစမ်းကြည့်ရှုလိုက်မှသာ ဤ ဟင်းလင်းပြင် ခေါက်ချိုးခြင်း က အလွန် ထူးခြားနေကြောင်း သူ တွေ့ရှိလိုက်ရသည်။</p> <p>ဤနေရာရှိ ခေါက်ချိုးဖြစ်နေသော ဟင်းလင်းပြင် နယ်ပယ်က အလွန် ကြီးမားပုံရပြီး သူက ချက်ချင်းပင် သူ၏ အစွမ်းကို အသုံးပြုကာ ကျိုးချင်းမင်ကို အတွင်းသို့ ပို့ဆောင်ပေးလိုက်သည်။</p> <p>ကျိုးချင်းမင်၏ သွေးမြူခိုး အစွမ်းက ဤ ဟင်းလင်းပြင် ခေါက်ချိုးခြင်း အတွင်းသို့ ပြီးပြည့်စုံစွာ ထိုးဖောက် ဝင်ရောက်သွားနိုင်ခဲ့သည်။</p> <p>အတွင်း၌ ကြီးမားလှသော ကုန်းမြေကျွန်းကြီးများ ရှိနေရုံသာမက မျိုးရိုးဗီဇမျိုးစေ့ အဆင့်ရှိ အစွမ်းထက် သန္ဓေပြောင်း သတ္တဝါ အများအပြားလည်း ရှင်သန် နေထိုင်နေကြကြောင်း တွေ့ရှိလိုက်ရသည်။</p> <p>ထိုမျှမက ထိုနေရာက သီးခြား ဟင်းလင်းပြင် ဖြစ်နေသဖြင့် မိုးသက်မုန်တိုင်းများ မရှိသောကြောင့် ထိုနေရာရှိ ကုန်းမြေများက လုံးဝ ရေလွှမ်းမိုးခံရခြင်း မရှိသေးပေ။</p> <p>အများစုမှာ ကျွန်းများအဖြစ် ပြောင်းလဲသွားပြီး ရေလွှမ်းမိုးမှုက ဆက်လက် ပြန့်နှံ့နေဆဲ ဖြစ်သော်လည်း အတွင်း၌ ခြေကုပ်ယူစရာ နေရာ ရှိနေသေးသည်။ တစ်ခုတည်းသော ပြဿနာမှာ ဤ ဟင်းလင်းပြင် ခေါက်ချိုးခြင်း က မည်မျှ ကြာကြာ တည်ရှိနေနိုင်မည်ကို မသိရခြင်းပင် ဖြစ်သည်။</p> <p>သူတို့နှစ်ယောက် ပြန်ရောက်လာပြီးနောက် လင်းယွမ်ကို သတင်းပို့ရန် ရည်ရွယ်ထားခဲ့ကြသည်။</p> <p>သို့သော် တိုက်ဆိုင်စွာပင် လင်းယွမ်က ထိုက်ယန်တောင်မှ ထွက်ခွာသွားပြီး မြူခိုးမြို့တော် သို့ သွားရောက်ခဲ့သည်။</p> <p>ထို့ကြောင့် ဤကိစ္စက နှောင့်နှေးသွားခဲ့ရသည်။</p> <p>နောက်ပိုင်းတွင် လင်းယွမ် ပြန်ရောက်လာပြီးနောက် မျိုးရိုးဗီဇမျိုးစေ့ နှင့် ပတ်သက်သည့် သတင်းများကို ယူဆောင်လာခဲ့ပြီး မျိုးရိုးဗီဇမျိုးစေ့ကို ရောက်ရန် သက်ဆိုင်ရာ ဓာတ်သဘာဝရှိသော မျိုးရိုးဗီဇမျိုးစေ့ သန္ဓေပြောင်း သတ္တဝါ၏ သွေးစစ်စစ်ကို ရယူရန် လိုအပ်ကြောင်း ရှင်းပြခဲ့သည်။</p> <p>ထိုအချက်က လီရှင်းဟွာ၊ ကျိုးချင်းမင် နှင့် အခြားသူများကို ချက်ချင်းပင် စိတ်အား ထက်သန်သွားစေခဲ့သည်။</p> <p>ထို ဟင်းလင်းပြင် အက်ကွဲကြောင်းအတွင်းရှိ အစွမ်းထက် သန္ဓေပြောင်း သတ္တဝါများမှာ ဆယ်ပုံ ကိုးပုံခန့် မျိုးရိုးဗီဇမျိုးစေ့ အဆင့်ရှိ သန္ဓေပြောင်း သတ္တဝါများ ဖြစ်ကြောင်းကို သူတို့က ခန့်မှန်းမိပြီး ဖြစ်သည်။</p> <p>သို့သော် သူတို့၏ စွမ်းအားက အမှတ် ၅၀ သို့ မရောက်ရှိသေးသောကြောင့် ကိုယ်ကျိုးရှာလိုစိတ်များ လွှမ်းမိုးလာကာ လင်းယွမ်ကို သတင်းမပို့ခဲ့ကြပေ။</p> <p>လွန်ခဲ့သည့် ရက်အနည်းငယ်က လီရှင်းဟွာနှင့် ကျိုးချင်းမင်တို့ အဖွဲ့ နောက်ဆုံးတွင် အဓိက အရည်အသွေး အမှတ် ၅၀ ကို ရောက်ခဲ့ချိန်၌ ထိုက်ယန်တောင်တွင် ရုတ်တရက် ကူးစက်ရောဂါ ကျရောက်လာခဲ့သည်။</p> <p>လင်းယွမ်မှာ လုံးဝ အားမလပ်နိုင် ဖြစ်နေသဖြင့် သူတို့ကလည်း လင်းယွမ်ကို အနှောင့်အယှက် ပေးရန် အခက်တွေ့နေခဲ့ကြသည်။</p> <p>ထို့ကြောင့် လီရှင်းဟွာက တင်းယန်ကို ကိုယ်တိုင် သွားရောက် ရှာဖွေခဲ့ပြီး အဓိက အရည်အသွေး အမှတ် ၅၀ ပြည့်နေပြီဖြစ်သော အစွမ်းပိုင်ရှင် အချို့ကိုပါ ထပ်မံ ရှာဖွေခဲ့သည်။</p> <p>ထို့ကြောင့် ယခုကဲ့သို့ စုဝေးမှု ဖြစ်ပေါ်လာရခြင်း ဖြစ်သည်။</p> <p>ဤတစ်ကြိမ် မျိုးရိုးဗီဇမျိုးစေ့ ဘီလူးကောင်များကို သတ်ဖြတ်ရန်အတွက် သူတို့က အပြည့်အဝ ပြင်ဆင်ထားခဲ့ကြသည်။</p> <p>သုတေသနနှင့် ဖွံ့ဖြိုးတိုးတက်ရေး ဌာနမှ နောက်ဆုံးပေါ် ကိရိယာများဖြစ်သော စွမ်းအင်တိုင်းမျက်မှန်... ချိတ်ပိတ် သင်္ကေတ အစီအရင် ကို ယူဆောင်လာခဲ့ရုံသာမက အမျိုးမျိုးသော အစွမ်း လက်နက်သစ်များကိုပါ ယူဆောင်လာခဲ့ကြသည်။</p> <p>တကယ်တော့ အသေချာဆုံး နည်းလမ်းမှာ လင်းယွမ်ကို သူတို့နှင့် အတူတူ လိုက်သွားခိုင်းခြင်း ဖြစ်ကြောင်း တင်းယန်၏ စိတ်ထဲတွင် ကောင်းကောင်းကြီး သိနေသည်။</p> <p>သို့သော် ယခုအချိန်တွင် ထိုက်ယန်တောင်က လင်းယွမ်ကို လိုအပ်နေပြီး သူမကလည်း ဝန်ထုပ်ဝန်ပိုး တစ်ခု မဖြစ်ချင်ပေ။</p> <p>လီရှင်းဟွာတို့က ကိုယ့်ဘာသာကိုယ် တိုးတက်ကြီးထွားနိုင်တယ် ဆိုရင်... သူမ တင်းယန်ကရော ဘာလို့ မရနိုင်ရမှာလဲ။</p> <p>......</p> <p>ယခုအချိန်တွင်တော့ လင်းယွမ်က တင်းယန်နှင့် လီရှင်းဟွာတို့၏ အစီအစဉ်များကို မသိရှိသေးပေ။</p> <p>သူ စီးနင်းလာသော ထိုက်ယန်တောင် စက်လှေမှာ ရေပြင်ပေါ်တွင် အလွန် လျင်မြန်သော အရှိန်နှုန်းဖြင့် ပြေးလွှားနေသည်။</p> <p>သို့သော် ဆယ်မိုင်ခန့်မျှသာ မောင်းနှင်ရသေးချိန်တွင် လင်းယွမ်၏ အမြန်ယာဉ်က အခက်အခဲနှင့် ကြုံတွေ့ရလေတော့သည်။</p> <p>ရှေ့ရှိ ရေပြင်ပေါ်တွင် လှိုင်းလုံးကြီးများ လိမ့်တက်နေပြီး အရိုးခေါင်း ပုံသဏ္ဍာန်ရှိသော ဧရာမ သင်္ဘောကြီး တစ်စင်းက ရေပေါ်တွင် ပေါလောပေါ်နေကာ လင်းယွမ်တို့၏ လမ်းကြောင်းကို ပိတ်ဆို့ထားသည်ကို တွေ့လိုက်ရလေသည်။</p> <p>ဆက်ရန်...</p> <p style="text-align: center;"> </p> <p style="text-align: center;"> </p> <p style="text-align: center;">***</p>


Save