Book List

<h2 style="text-align:center">အခန်း ၁၁၂</h2> <h2 style="text-align:center">*</h2> <p> </p> <p>“တတိယသခင်လေး”</p> <p>ဝတ်ရုံပြာကို ဆင်မြန်းထားပြီး နတ်ဘုရားအလား အရှိန်အဝါများ တောက်ပနေသော အကြီးအကဲတစ်ဦးသည် သင်္ဘောခန်းအတွင်းမှ ထွက်ပေါ်လာသည်။</p> <p>“သတ္တမတောင်ထိပ်သခင်”</p> <p>ချန်ကျီရှင်းက ထိုအကြီးအကဲကို ကြည့်ကာ ပြုံးပြလိုက်သည်။ သူသည် ချန်မိသားစု၏ သတ္တမတောင်ထိပ်ကို အုပ်ချုပ်သူဖြစ်ပြီး ကျင့်ကြံမှုအဆင့်မှာ စစ်မှန်သောကိုယ်ပိုင်နယ်ပယ် တတိယအဆင့်သို့ ရောက်ရှိနေသူဖြစ်သည်။ ချန်ကျီရှင်း၏ ယခုခရီးစဉ်အတွက် အားကိုးရဆုံးသော လက်ရုံးတစ်ဦးလည်း ဖြစ်သည်။</p> <p>“တတိယသခင်လေး... သခင်လေး စုံစမ်းခိုင်းထားတဲ့ သတင်းအချက်အလက်တွေကို ကျွန်တော်မျိုး အသေအချာ စုံစမ်းစစ်ဆေးပြီးပါပြီ”</p> <p>ဝတ်ရုံပြာနှင့် အကြီးအကဲက တည်ကြည်လေးနက်စွာ ပြောလိုက်သည်။</p> <p>“ကျန်းမိသားစုမှာ တကယ့်ကို ကြီးမားတဲ့ အပြောင်းအလဲတွေ ဖြစ်ပျက်နေတာပါ”</p> <p>“လွန်ခဲ့တဲ့ တစ်လလောက်က သားရေဝတ်ရုံဝတ်ထားတဲ့ လျှို့ဝှက်ဆန်းပြားတဲ့ အဘိုးအိုတစ်ယောက် ကျန်းမိသားစုဆီကို ရောက်လာခဲ့တယ်။ သူက သူ့မျိုးရိုးနာမည်က ရွှီလို့ ပြောခဲ့တယ်။ စကားအနည်းငယ် ပြောရုံနဲ့တင် နောက်သုံးရက်အတွင်း ကျန်းမိသားစုမှာ ဖြစ်လာမယ့် အရာအားလုံးကို သူက ကြိုတင်ဟောကိန်းထုတ်ခဲ့တာ။ အဲဒီကိစ္စက ကျန်းမိသားစုကို လုံးဝ မှင်တက်သွားစေခဲ့တယ်”</p> <p>“ကျန်းမိသားစုရဲ့ ကျန်းဟီးကိုယ်တိုင်တောင် သူ့ကို အထူးဧည့်သည်တော်ကြီးလို ဆက်ဆံနေပြီး ဒီစီနီယာရွှီက တိုင်းတာလို့မရနိုင်တဲ့ အစွမ်းအစတွေ ပိုင်ဆိုင်ထားတယ်လို့ ပြောနေကြတာ”</p> <p>“ဒီစီနီယာရွှီကို စိတ်ကျေနပ်မှုရစေဖို့အတွက် ကျန်းဟီးက သူရဲ့ အငယ်ဆုံးသမီးလေးကိုတောင် အဲဒီလူဆီ ဆက်သခဲ့သေးတယ်”</p> <p>“အဲဒီနောက်ပိုင်းမှာတော့ ကျန်းမိသားစုဟာ အန်းကျန်းမြို့ကနေ ထွက်ခွာသွားပြီး ကျွန်တော်တို့ရဲ့ ဝိညာဉ်ကျောက်တုံးကြောတွေကို အကြိမ်ကြိမ် တိုက်ခိုက်ခဲ့တာပဲ။ ချန်မိသားစု တပည့်အတော်များများကိုလည်း သတ်ဖြတ်ခဲ့ပြီး ဝိညာဉ်ကျောက်တုံး တစ်သန်းကျော်လောက်အထိ ဆုံးရှုံးအောင် လုပ်ဆောင်ခဲ့ကြတယ်”</p> <p>ဤစကားကို ကြားသောအခါ ချန်ကျီရှင်းက ခေါင်းညိတ်လိုက်သည်။</p> <p>“မျိုးရိုးနာမည် ရွှီ... အနာဂတ်ကို ကြိုမြင်နေတာ...”</p> <p>ချန်ကျီရှင်း၏ မျက်ဝန်းများ လက်ခနဲ ဖြစ်သွားပြီး သူ၏ အဆုံးအဖြတ်မှာ မှန်ကန်ကြောင်း အသေအချာ သိလိုက်ရသည်။</p> <p>ဤရွှီဆိုသူမှာ ကောင်းကင်ဘုံရွေးချယ်ခံ ဇာတ်လိုက်ကိုးဦးအနက် တစ်ဦးဖြစ်ရန် သေချာသလောက် ရှိနေသည်။ အဘိုးအိုပုံစံ ဖန်တီးထားခြင်းမှာလည်း ရုပ်ဖျက်ထားသည့် နည်းလမ်းတစ်ခုသာ ဖြစ်ပေလိမ့်မည်။</p> <p>“အခု ကျန်းမိသားစုဝင်တွေ ဘယ်မှာ ပုန်းနေကြလဲဆိုတာကိုရော သိရပြီလား”</p> <p>ချန်ကျီရှင်းက သူ၏အတွေးများကို ပြန်လည်စုစည်းကာ မေးမြန်းလိုက်သည်။</p> <p>“သူတို့တွေဟာ တောင်နက်တောအုပ်ထဲမှာ ရှိနေဆဲပဲလို့ ယူဆရပေမဲ့ သူတို့ ပုန်းနေတဲ့ နေရာအတိအကျကို သိဖို့ကတော့ အခုအချိန်မှာ ခက်ခဲနေပါသေးတယ်”</p> <p>ဝတ်ရုံပြာနှင့် အကြီးအကဲက မျက်မှောင်ကြုတ်လျက် ပြောလိုက်သည်။</p> <p>“တောင်နက်တောအုပ်ဟာ ဝိညာဉ်ကျောက်တုံးကြောနဲ့ အလွန်နီးကပ်နေတာပါ။ အကယ်လို့ ကျွန်တော်တို့က အဲဒီတောအုပ်ကို အတင်းအဓမ္မ ဖျက်ဆီးပစ်မယ်ဆိုရင် ကျောက်တုံးကြောတစ်ခုလုံး ပျက်စီးသွားနိုင်သလို ကျောက်တုံးကြောရဲ့ စွမ်းအင်သက်ရောက်မှုတွေကလည်း ကျွန်တော်တို့ရဲ့ နတ်ဘုရားအာရုံတွေကို နှောင့်ယှက်နေနိုင်ပါတယ်”</p> <p>“ပြောရမယ်ဆိုရင်တော့ ကျန်းမိသားစုက ပုန်းကွယ်ဖို့အတွက် တကယ့်ကို ပါးနပ်တဲ့ နေရာတစ်ခုကို ရွေးချယ်ခဲ့တာပဲ”</p> <p>“ကောင်းပြီ... ငါနားလည်ပြီ”</p> <p>ချန်ကျီရှင်းက ခေါင်းညိတ်ပြလိုက်ပြီးနောက် မျက်လုံးများကိုမှိတ်ကာ အနားယူနေလိုက်တော့သည်။</p> <p>အချိန်များမှာ တရွေ့ရွေ့ ကုန်ဆုံးသွားခဲ့၏။</p> <p>မွန်းလွဲပိုင်းသို့ ရောက်သောအခါ...</p> <p>ချန်မိသားစု၏ လွင့်ပျံသင်္ဘောသည် ဝိညာဉ်ကျောက်တုံးကြောရှိရာသို့ ဆိုက်ရောက်လာခဲ့သည်။ ထိုကျောက်တုံးကြောတစ်ခုလုံးကို တာဝန်ယူထားရသူမှာ နတ်ဘုရားခရီးသွားနယ်ပယ်အထွတ်အထိပ်အဆင့်ရှိ အကြီးအကဲတစ်ဦး ဖြစ်သည်။</p> <p>ချန်ကျီရှင်းနှင့် အခြားသူများ ရောက်ရှိလာသည်ကို မြင်လျှင်ပင် ထိုအကြီးအကဲမှာ အဝေးမှနေ၍ အလျင်အမြန် လာရောက်ကြိုဆို၏။</p> <p>“သတ္တမတောင်ထိပ်သခင်... ကျွန်တော်မျိုး တာဝန်ကျေပွန်အောင် မဆောင်ရွက်နိုင်ခဲ့ပါဘူး။  သေဒဏ်နဲ့ပဲ ထိုက်တန်ပါတယ်ခင်ဗျာ”</p> <p>နတ်ဘုရားခရီးသွားနယ်ပယ် အကြီးအကဲမှာ ဘုန်းခနဲမြည်အောင် ဒူးထောက်ချလိုက်တော့သည်။</p> <p>“ကျောက်တုံးကြောကို စောင့်ကြပ်ရာမှာ မင်းရဲ့ တာဝန်ပျက်ကွက်မှုနဲ့ ပတ်သက်ပြီး မိသားစုကို ပြန်ရောက်တာနဲ့ ဥပဒေစိုးမိုးရေးခန်းမက အရေးယူဆောင်ရွက်ပါလိမ့်မယ်”</p> <p>သတ္တမတောင်ထိပ်သခင်က လေးလံသောလေသံဖြင့် ပြောလိုက်ပြီးနောက် နောက်သို့တစ်လှမ်းဆုတ်ကာ မိတ်ဆက်ပေးလိုက်သည်။</p> <p>“ဒါကတော့ တတိယသခင်လေးပဲ။ ကျန်းမိသားစုကိစ္စကို သူကပဲ အဓိက တာဝန်ယူကိုင်တွယ်မှာ။ ငါကတော့ သူ့ကို ကူညီပေးဖို့ပဲ လိုက်လာတာ။ တတိယသခင်လေးကိုပဲ လျှောက်တင်လိုက်တော့”</p> <p>ထိုအကြီးအကဲမှာ ဤစကားကို ကြားလိုက်ရသောအခါ အနည်းငယ် မှင်တက်သွားပြီး ချန်ကျီရှင်းကို ကြည့်လိုက်မိသည်။</p> <p>ဇီဝေချန်မိသားစုနှင့် ဝေးကွာသောနေရာတွင် ရှိနေသော်လည်း တတိယသခင်လေး၏ အသုံးမကျပုံ၊ ပျော်ပါးမှုတွင်သာ နစ်မွန်းနေပြီး ရည်မှန်းချက်ကင်းမဲ့ပုံ သတင်းများကို သူ ကြားဖူးနားဝ ရှိသည်။ သို့သော်လည်း ချန်ကျီရှင်းကို ကိုယ်တိုင်ကိုယ်ကျ မြင်တွေ့လိုက်ရသောအခါ သူ အနည်းငယ် ဝေခွဲမရ ဖြစ်သွားခဲ့သည်။</p> <p>သူ့ရှေ့မှောက်ရှိ တတိယသခင်လေးမှာ ထူးခြားလှသော အရှိန်အဝါရှိပြီး တည်ငြိမ်ရင့်ကျက်လှသည်။ မျက်ဝန်းများမှာလည်း အလင်းရောင်များ ဝန်းရံထားသကဲ့သို့ တောက်ပနေပြီး ကောလာဟလများထဲက အသုံးမကျသော ဒုတိယမျိုးဆက် သူဌေးသားတစ်ဦးနှင့် လုံးဝ မတူညီပေ။</p> <p>“တတိယသခင်လေး...”</p> <p>သူက စကားစရန် ပြင်လိုက်သော်လည်း...</p> <p>“အကြီးအကဲဝူ ဟုတ်တယ်မလား။ အပိုစကားတွေ ပြောနေဖို့ မလိုပါဘူး။ အရင်ဆုံး ကျောက်တုံးကြောကို သွားကြည့်ရအောင်”</p> <p>ချန်ကျီရှင်းက တည်ကြည်စွာ ပြောလိုက်သည်။</p> <p>“ဟုတ်... ဟုတ်ကဲ့ပါ ဒီဘက်က ကြွပါ တတိယသခင်လေး”</p> <p>အကြီးအကဲဝူသည် ချန်ကျီရှင်းကို ကျောက်တွင်းဆီသို့ အလျင်အမြန် လမ်းပြကာ ခေါ်ဆောင်သွားတော့သည်။</p> <p>ကျောက်တွင်းကြီးမှာ အေးစိမ့်ကာ မှောင်မှိုင်နေသည်။ ချန်ကျီရှင်းက ပတ်ဝန်းကျင်ကို ဝေ့ဝဲကြည့်လိုက်ရာ ဝိညာဉ်ကျောက်တုံးများ မြှုပ်နှံထားသော ကျောက်နံရံများမှာ ကြမ်းတမ်းရက်စက်စွာ ဖျက်ဆီးခံထားရသည်ကို တွေ့လိုက်ရသည်။</p> <p>ဝိညာဉ်ကျောက်တုံး တစ်တုံးချင်းစီကို အတင်းအဓမ္မ တူးထုတ်ထားကြခြင်းပင်။ အချို့မှာ မြေကြီးထဲတွင် တစ်ဝက်တစ်ပျက် ကျန်ရစ်နေပြီး အချို့မှာမူ ပေါက်ကွဲမှုဒဏ်ကြောင့် အမှုန့်များပင် ဖြစ်နေချေပြီ။ ကြမ်းပြင်ပေါ်တွင်မူ အလောင်းပေါင်း ဆယ်ဂဏန်းကျော်ကို စီတန်းချထားသည်ကို တွေ့လိုက်ရ၏။</p> <p>“ဒီယုတ်မာတဲ့ ခွေးကောင်တွေ... ဝိညာဉ်ကျောက်တုံးတွေကို လုယူရုံတင်မကဘဲ ငါတို့ ချန်</p> <p>မိသားစုရဲ့ တပည့်တွေကိုပါ သတ်ဖြတ်သွားကြတယ်။ သူတို့တွေက ငါတို့မိသားစုရဲ့ အလားအလာရှိတဲ့ လူငယ်လေးတွေဗျာ”</p> <p>အကြီးအကဲဝူမှာ အံကြိတ်ရင်း ဒေါသတကြီး ပြောဆိုနေပြီး သူ၏မျက်နှာတွင် အတိုင်းအဆမဲ့သော နာကျည်းမှုများဖြင့် ပြည့်နှက်နေသည်။</p> <p>ချန်ကျီရှင်းက အောက်သို့ ငုံ့ကြည့်လိုက်သည်။</p> <p>စီတန်းထားသော အလောင်း ဆယ်ဂဏန်းကျော်ထဲတွင် လူငယ်အတော်များများ ပါဝင်နေသည်။ သူတို့၏ မျက်နှာများမှာ နုပျိုလန်းဆန်းနေဆဲဖြစ်သော်လည်း မျက်လုံးများမှာမူ မကျေမနပ်ဖြစ်စွာ ပြူးကျယ်လျက်ရှိသည်။ အချို့မှာ နှလုံးသွေးကြောများ အပိုင်းပိုင်းပြတ်နေပြီး အချို့မှာမူ ခန္ဓာကိုယ်တစ်ဝက်ခန့် ပေါက်ကွဲပျက်စီးနေသည့်အတွက် ကြည့်မကောင်းလှပေ။</p> <p>ဤလူငယ်များထဲမှ ထက်ဝက်ကျော်မှာ ပြီးခဲ့သည့် တောင်ပိုင်းနယ်စပ် စမ်းသပ်ပွဲတုန်းက သူ မြင်ဖူးခဲ့သော ရင်းနှီးသည့် မျက်နှာများ ဖြစ်ကြသည်။ သူတို့သည် ချန်မိသားစု၏ အနာဂတ်မျှော်လင့်ချက်များပင်။</p> <p>မမျှော်လင့်ဘဲ သူတို့သည် ပြီးခဲ့သည့်အကြိမ်က တိုက်ခိုက်ခဲ့သောအဖွဲ့အစည်း၏ လက်ချက်ဖြင့် မသေဆုံးခဲ့ကြသော်လည်း ယခုမူ ကျန်းမိသားစုကြောင့် အသက်ဆုံးရှုံးခဲ့ကြရသည်။</p> <p>“ကောင်းရာမွန်ရာ ရောက်ပါစေ...”</p> <p>ချန်ကျီရှင်းသည် မည်သည့်အမူအရာမျှ မပြဘဲ လက်ကို ဆန့်ထုတ်ကာ ပြူးကျယ်နေသော ထိုမျက်လုံးများကို ညင်သာစွာ ပိတ်ပေးလိုက်သည်။</p> <p>“လူတွေ လာကြစမ်း သူတို့ကို လွင့်ပျံသင်္ဘောပေါ် တင်ဆောင်ပြီး ဇီဝေတောင်တန်းဆီ ပြန်ပို့ပေးလိုက်ပါ။ ငါတို့ ချန်မိသားစုရဲ့ သားသမီးတွေက သေသွားရင်တောင် မိသားစုမြေမှာပဲ အနားယူရမယ်”</p> <p>“အမိန့်တော်အတိုင်းပါ”</p> <p>နတ်ဘုရားခရီးသွားနယ်ပယ်မှ အကြီးအကဲနှစ်ဦးက ကျယ်လောင်စွာ ထူးလိုက်ပြီး အလောင်းများကို ဂူအတွင်းမှ မယူကာ ထွက်ခွာသွားကြတော့သည်။</p> <p>ချန်ကျီရှင်း ပြန်လည် မတ်တပ်ရပ်လိုက်ချိန်တွင်...</p> <p>သူ၏ ချောမောသော မျက်နှာထက်၌ အမှောင်ရိပ်တစ်ခု ဖုံးလွှမ်းသွားတော့၏။</p> <p>သူ၏ ရင်ဘတ်အတွင်းမှ မကြုံစဖူး ပြင်းထန်လှသော သတ်ဖြတ်လိုစိတ်များ တိုးဝှေ့ထွက်ပေါ်လာခဲ့သည်။</p> <p>“တတိယသခင်လေး... အခု ဘာဆက်လုပ်ကြမလဲခင်ဗျာ”</p> <p>သတ္တမတောင်ထိပ်သခင်က တိုးညှင်းစွာ မေးမြန်းလိုက်သည်။</p> <p>ချန်ကျီရှင်းက ပြန်လည်မဖြေကြားဘဲ ဂူအတွင်းမှ ထွက်ခွာကာ ကောင်းကင်ယံသို့ ပျံတက်သွားခဲ့သည်။ သူသည် ဝေဟင်တွင် ရပ်တန့်လျက် မိုးကုပ်စက်ဝိုင်းအထိ ကျယ်ပြန့်လှသော တောင်နက်တောအုပ်ကြီးကို အထက်စီးမှ ငုံ့ကြည့်လိုက်တော့သည်။</p> <p>“ဒါဆို သူတို့က ပုန်းနေရတာကို သဘောကျတယ်ပေါ့လေ...”</p> <p>ချန်ကျီရှင်း၏ အကြည့်များမှာ လျှပ်စစ်စီးကြောင်းအလား တောက်ပနေပြီး တောအုပ်တစ်ခုလုံးကို ဝေ့ဝဲကြည့်ရှုနေသည်။</p> <p>“လွင့်ပျံပန်းမန်”</p> <p>သူ တိုးညှင်းစွာ ရေရွတ်လိုက်သည်နှင့်အမျှ မရေမတွက်နိုင်သော ပန်းပွင့်ဖတ်များမှာ ဟင်းလင်းပြင်အတွင်း စုစည်းလာတော့သည်။ ထို့နောက် ထိုပန်းပွင့်ဖတ်များသည် တောင်</p> <p>နက်တောအုပ်တစ်ခုလုံးအတွင်းသို့ လွင့်ပျံကာ ပျံ့နှံ့သွားတော့၏။</p> <p>နေဝင်ရိုးရီ အချိန်သို့ ရောက်ရှိလာခဲ့သည်။</p> <p>တောင်နက်တောအုပ်ရှိ မြင့်မားလှသော သစ်ပင်ကြီးများမှာ ညမှောင်ရိပ်၏ ဝါးမြိုခြင်းကို စတင်ခံနေရပြီ ဖြစ်သည်။ ကောင်းကင်ယံ၌ ထိန်ထိန်သာနေသော လပြည့်ဝန်းကြီးမှာ အောက်ဘက်သို့ နူးညံ့သော အလင်းတန်းများကို ဖြာကျပေးထားသည်။</p> <p>တောအုပ်အတွင်းရှိ ကွင်းပြင်တစ်ခု၌...</p> <p>ကျန်းမိသားစု ခေါင်းဆောင် ကျန်းဟီးသည် လက်နှစ်ဖက်ကို နောက်ပစ်လျက် ရပ်နေရင်း တရားထိုင်ကျင့်ကြံနေကြသော မိသားစုဝင်များကို ကြည့်ကာ ကျေနပ်အားရစွာ ပြုံးနေမိသည်။</p> <p>“ဖေဖေ... ကျွန်တော် ကြည်လင်ခြင်းနယ်ပယ်ကို ချိုးဖျက်နိုင်ခဲ့ပြီ။ ဒီဝိညာဉ်ကျောက်တုံးတွေရဲ့ အကူအညီနဲ့ဆိုရင် ကျင့်ကြံတဲ့အရှိန်က တကယ်ကို မြန်ဆန်လွန်းတယ်”</p> <p>ကျန်းမိသားစု၏ သားကြီး ကျန်းခိုင်ဖုန်းက စိတ်လှုပ်ရှားစွာဖြင့် ချဉ်းကပ်လာကာ ပြောလိုက်သည်။</p> <p>“တည်တည်ငြိမ်ငြိမ် နေစမ်းပါ ဒါက အစပဲ ရှိသေးတာ။ စီနီယာရွှီရဲ့ နောက်ကို လိုက်နေသရွေ့ ငါတို့ရဲ့ အနာဂတ်က အကန့်အသတ်မရှိ တောက်ပနေမှာပဲ”</p> <p>ကျန်းဟီးက တည်ငြိမ်စွာ ပြောလိုက်သည်။</p> <p>“ဟားဟား... ဖေဖေကတော့ တကယ်ကို ရင့်ကျက်တည်ငြိမ်တာပဲ”</p> <p>ကျန်းခိုင်ဖုန်းက ရယ်မောလိုက်ရင်း ပြီးခဲ့သည့် တစ်လအတွင်း ကျန်းမိသားစု၏ ပြောင်းလဲမှုများကို ပြန်လည်စဉ်းစားကာ အံ့သြမဆုံး ဖြစ်နေမိသည်။</p> <p>မှန်ကန်သော မဟာမိတ်ကို ရွေးချယ်နိုင်ခြင်းမှာ အမှန်တကယ်ပင် အရေးကြီးလှသည်။</p> <p>“ဒါနဲ့ ဖေဖေ... ဒီနေ့ မွန်းလွဲပိုင်းမှာ ချန်မိသားစုရဲ့ နောက်ထပ် လွင့်ပျံသင်္ဘောတစ်စင်း ဆိုက်ရောက်လာတာကို ကျွန်တော် သတိထားမိတယ်။ သူတို့ကို ခဏလောက် ရှောင်နေသင့်</p> <p>လား...”</p> <p>ကျန်းခိုင်ဖုန်းက တစ်စုံတစ်ခုကို သတိရဟန်ဖြင့် မျက်မှောင်ကြုတ်ကာ မေးမြန်းလိုက်သည်။</p> <p>“ငါသိပါတယ်။ ဇီဝေတောင်တန်း တတိယတောင်ထိပ်က ချန်ကျီရှင်းဆိုတဲ့ ကောင်လေးပဲ မဟုတ်လား။ လူငယ်လေးတစ်ယောက်ပါပဲ”</p> <p>ကျန်းဟီးက အေးဆေးစွာပင်  “ဇီဝေချန်မိသားစုရဲ့ လှုပ်ရှားမှုတိုင်းက စီနီယာရွှီရဲ့ ဟောကိန်းတွေထဲမှာ ရှိပြီးသားပဲ ဘာမှ စိုးရိမ်စရာမရှိဘူး”</p> <p>သူက ခဏမျှ ရပ်လိုက်ပြီးနောက် စကားလမ်းကြောင်း ပြောင်းလိုက်သည်။</p> <p>“ဇီဝေချန်မိသားစုဆိုတာ မနေ့ကပွင့်ခဲ့တဲ့ ပန်းတစ်ပွင့်လိုပဲ ထည့်တွက်နေစရာ မလိုတော့ပါဘူး။ နိဗ္ဗာန်နယ်ပယ်အဆင့်ရှိတဲ့ ချန်တောက်ယန်သာ သေသွားရင် သူတို့က ငါတို့ထက် သိပ်ပြီး အင်အားမသာတော့ဘူး”</p> <p>“ဒါပေမဲ့ စီနီယာရွှီကတော့ မတူဘူး။ သူ့ရဲ့ နောက်ခံက ထူးခြားသလို အစွမ်းအစကလည်း အံ့မခန်းပဲ။ တစ်နေ့ကျရင် သူက ဒီလောကကြီးရဲ့ အရှင်သခင် ဖြစ်လာနိုင်တယ်”</p> <p>“သူ့ဘေးနားမှာသာ ငါတို့ ကပ်နေနိုင်မယ်ဆိုရင် သူနဲ့အတူ ငါတို့လည်း အမြင့်ဆုံးနေရာကို တက်လှမ်းနိုင်မှာပဲ”</p> <p>ကျန်းခိုင်ဖုန်းကလည်း ထောက်ခံသည့်အနေဖြင့် ခေါင်းညိတ်လိုက်သည်။</p> <p>ကျန်းဟီးက ရယ်မောလျက်  “မှတ်ထားပါ ခိုင်ဖုန်း... ဒီလောကကြီးမှာ တစ်ခါတလေကျရင် ကြိုးစားအားထုတ်မှုထက် ရွေးချယ်မှုက ပိုပြီး အရေးကြီးတယ်”</p> <p>“မှန်ကန်တဲ့လူကို ရွေးချယ်နိုင်တာက ဘဝအတွက် ဖြတ်လမ်းတစ်ခုကို ရလိုက်သလိုပဲ”</p> <p style="text-align:center"> </p> <p style="text-align:center"> </p> <p style="text-align:center"> </p> <p style="text-align:center">***</p>


Save