Book List

<h2 style="text-align: center;">အခန်း ၁၁၆</h2> <h2 style="text-align: center;">*</h2> <p> </p> <p> </p> <p>ချန်ကျီရှင်း ပင်မတောင်ထိပ်သို့ ရောက်ရှိလာသောအခါ...</p> <p>ခန်းမဆောင်ကြီးမှာ ဟာလာဟင်းလင်း ဖြစ်နေပြီး ချန်တောက်ယန် တစ်ဦးတည်းသာ အေးစက်လှသော ကျောက်သားထိုင်ခုံပေါ်တွင် ထိုင်နေသည်။ သူသည် သူ၏ နားထင်ကို အသာအယာ နှိပ်နယ်နေပြီး အတန်ငယ် ပင်ပန်းနွမ်းနယ်နေပုံရ၏။ ချန်တောက်ယန်သည် အချိန်အတော်များများတွင် ဤအေးစက်သော ကျောက်ထိုင်ခုံပေါ်၌ တစ်ဦးတည်း တိတ်ဆိတ်စွာ ထိုင်နေတတ်ပြီး ဇီဝေတောင်တန်း တစ်ခုလုံးကို ငေးကြည့်နေလေ့ရှိသည်။</p> <p>“အဘိုး”</p> <p>ချန်ကျီရှင်းသည် အနားသို့ ဖြည်းညှင်းစွာ လျှောက်လှမ်းသွားရင်း ခပ်တိုးတိုး ခေါ်လိုက်သည်။</p> <p>“ပြန်ရောက်လာပြီလား”</p> <p>ချန်တောက်ယန်သည် မျက်လုံးများကို ဖွင့်ကာ ချန်ကျီရှင်းကို ကြည့်လိုက်သည်။ ထို့နောက် စိတ်သက်သာရာရစေမည့် အပြုံးတစ်ခုကို ဖော်ပြလျက် ခေါင်းညိတ်ကာ ပြောလိုက်သည်။</p> <p>“ဒီတစ်ခေါက်တော့... မင်း ကောင်းကောင်း လုပ်နိုင်ခဲ့တယ်။ သစ္စာဖောက်တွေကို ဒီလိုပဲ ကိုင်တွယ်ရမှာပဲ”</p> <p>သူသည် ကျောက်မိုင်းကိစ္စတွင် ချန်ကျီရှင်း လုပ်ဆောင်ခဲ့သမျှကို သိရှိပြီးဖြစ်ကြောင်းမှာ ထင်ရှားလှသည်။</p> <p>“ခုနက တောင်တံခါးစောင့်က အဘိုး ကျွန်တော်နဲ့ ဆွေးနွေးစရာ အရေးကြီးကိစ္စ ရှိတယ်လို့ ပြောတယ်။ အဲဒါ ဘာများလဲဟင်”</p> <p>ချန်ကျီရှင်းသည် ချန်တောက်ယန်၏ ဘေးတွင် ထိုင်လိုက်ရင်း ပြုံးလျက် မေးလိုက်သည်။</p> <p>“အင်း... ဒါကို တစ်ချက်လောက် ကြည့်လိုက်ဦး”</p> <p>ချန်တောက်ယန်က ခေါင်းညိတ်လိုက်ပြီး သူ၏ အင်္ကျီလက်အိတ်ထဲမှ စာအိတ်တစ်အိတ်ကို ထုတ်ကာ ချန်ကျီရှင်းထံသို့ ကမ်းပေးလိုက်သည်။</p> <p>“ဒါကို ကျန်းဟီးရဲ့ အလောင်းပေါ်မှာ တွေ့ခဲ့တာ”</p> <p>“အို”</p> <p>ချန်ကျီရှင်းသည် မျက်လုံးများကို ကျဉ်းမြောင်းလိုက်ပြီး စာအိတ်ကို ဖွင့်ကြည့်လိုက်သည်။ ခဏအကြာတွင်...</p> <p>ချန်ကျီရှင်းသည် ထိုစာအိတ်ကို ချန်တောက်ယန်ထံ ပြန်ပေးလိုက်ပြီး သူ၏ မျက်နှာမှာ တဖြည်းဖြည်း မည်းမှောင်လာကာ  “ဒါက ချင်းပြည်နယ် မုန့်မိသားစုက ကျန်းမိသားစုဆီ ပို့ထားတာလား”</p> <p>“ဟုတ်တယ်”</p> <p>ချန်တောက်ယန်၏ မျက်နှာမှာ ယခင်ကထက် ပို၍ပင် တည်ကြည်လေးနက်နေတော့သည်။ ချန်ကျီရှင်း၏ မျက်ဝန်းများမှာလည်း ဖြည်းဖြည်းချင်း ကျဉ်းမြောင်းသွားတော့၏။</p> <p>စာထဲတွင် ပါရှိသော အကြောင်းအရာမှာ ရိုးရှင်းလှသည်။ ကျန်းမိသားစုသည် မုန့်မိသားစုထံသို့ လျှို့ဝှက်စွာ သစ္စာခံခဲ့ပြီး လက်အောက်ခံ မိသားစုတစ်ခု ဖြစ်လာခဲ့ကြောင်း ထို့နောက် ချန်မိသားစု၏ ကျောက်မိုင်းများကို စောင့်ကြည့်ရန်နှင့် ချန်မိသားစုကို ကျူးကျော်မည့် မုန့်မိသားစု၏ လုပ်ဆောင်ချက်များကို ပူးပေါင်းကူညီရန် သဘောတူညီထားကြောင်းများပင်။</p> <p>တစ်နည်းအားဖြင့်ဆိုသော် ရွှီဖန်သာ ပေါ်မလာခဲ့လျှင်ပင် ကျန်းမိသားစု၏ သစ္စာဖောက်မှုမှာ အချိန်စောင့်ရန်သာ လိုတော့ခြင်းပင်။ ထို့ပြင် ရွှီဖန်နှင့် ပတ်သက်သည့် ဖြစ်ရပ်သာ မရှိခဲ့ပါက ဇီဝေချန်မိသားစုအနေဖြင့် ကျန်းမိသားစု၏ မရိုးသားသော အကြံအစည်များကို သိရှိနိုင်လိမ့်မည် မဟုတ်ပေ။ ထိုအချိန်ကျမှသာ ကျန်းမိသားစုကြောင့် ဖြစ်ပေါ်လာမည့် ဒုက္ခများမှာ ယခုထက်ပင် ပို၍ ကြီးမားနိုင်သည်။</p> <p>“အဘိုး... အဘိုး ဘယ်လိုလုပ်ဖို့ စီစဉ်ထားလဲ”</p> <p>ချန်ကျီရှင်းက မေးလိုက်သည်။</p> <p>မုန့်မိသားစုနှင့် ချန်မိသားစုတို့၏ ဆက်ဆံရေးမှာ လွန်ခဲ့သော နှစ်ပေါင်းထောင်ချီကတည်းက ရန်ဘက်များ ဖြစ်ခဲ့ကြသည်။ သို့သော် နှစ်ဖက်စလုံးရှိ ထာဝရရှင်သန်ခြင်းနယ်ပယ်အဆင့်ရှိ ပုဂ္ဂိုလ်များ ပျောက်ကွယ်သွားပြီးနောက်ပိုင်းတွင် အငြင်းပွားမှုများမှာ တဖြည်းဖြည်း လျော့နည်းသွားခဲ့သည်။</p> <p>ချန်ကျီရှင်း၏ ငယ်စဉ်ဘဝက မုန့်တုန်းချွန်းရောက်လာပြီး ချန်ထျန်းလျန်ကို သတ်ရန် ကြိုးစားရာမှ ချန်ထျန်းလျန်၏ လက်ချက်ဖြင့် အသေဆိုးနှင့် သေဆုံးသွားခဲ့ရသည့် ဖြစ်ရပ်မှလွဲ၍ ကျန်ရှိသော နှစ်များအတွင်း မိသားစုနှစ်ခု၏ ဆက်ဆံရေးမှာ အေးစက်နေသော်လည်း တွင်းရေနှင့် မြစ်ရေ မရောယှက်သကဲ့သို့ တစ်ဖက်နှင့်တစ်ဖက် မနှောင့်ယှက်ဘဲ နေခဲ့ကြသည်။ ယခုမူ မုန့်မိသားစုသည် ချန်ကျီရှင်းကို ဒုတိယအကြိမ်မြောက် ပစ်မှတ်ထားလာခြင်းပင်။</p> <p>“ကျီရှင်း... ငါ ငယ်ငယ်တုန်းကဆိုရင် အရက်သေစာအတွက် ငွေတွေကို အလဟဿ သုံးဖြုန်းခဲ့တယ်။ မဆင်မခြင် ပြုမူခဲ့တယ်။ ငါ့လုပ်ဆောင်ချက်တွေရဲ့ နောက်ဆက်တွဲ ရလဒ်တွေကို ဘယ်တုန်းကမှ ထည့်မတွက်ခဲ့ဘူး။ ရဲတင်းလွန်းပြီး မိုက်ရူးရဲ ဆန်ခဲ့တယ်။ ကိုယ့်ရဲ့ စိတ်အလိုကိုပဲ ဖြည့်ဆည်းဖို့ ကြိုးစားခဲ့တာပေါ့”</p> <p>ချန်တောက်ယန်သည် တိုက်ရိုက်ပြန်မဖြေဘဲ အဝေးတစ်နေရာသို့ ငေးကြည့်လိုက်ရာ သူ၏အကြည့်များမှာ ထူးထူးခြားခြား နူးညံ့သိမ်မွေ့သွားပြီး အတိတ်က ပုံရိပ်ဟောင်းများကို ပြန်လည်အမှတ်ရကာ ပြုံးနေသကဲ့သို့ပင်။</p> <p>“အဲဒီအချိန်တုန်းက ငါ အမှားတွေအများကြီး လုပ်ခဲ့မိတယ်။ ချန်မိသားစုအတွက် ဒုက္ခတွေအများကြီး ပေးခဲ့မိတာပေါ့။ အဲဒါကြောင့် ဒီနေ့အထိ ပြင်ပလောကမှာ ငါတို့မိသားစုရဲ့ နာမည်ဂုဏ်သတင်းက သိပ်မကောင်းလှဘူး”</p> <p>“နောက်ပိုင်း ငါ မိသားစုခေါင်းဆောင် ဖြစ်လာတဲ့အထိ ဒီရာထူးမှာ နှစ်ပေါင်း ရာနဲ့ချီပြီး နေလာခဲ့တာပေါ့”</p> <p>“မိသားစုခေါင်းဆောင် ဖြစ်လာပြီးတဲ့နောက်မှာတော့ ငါ့စိတ်ထဲမှာ အတွေးတွေ အများကြီး ဝင်လာခဲ့တယ်။ ငါ ဘာပဲလုပ်ချင်လုပ်ချင် မြင်မရတဲ့ ဘောင်တွေက ငါ့ကို ချည်နှောင်ထားသလိုပဲ။ အမြဲတမ်း နောက်ဆက်တွဲရလဒ်တွေနဲ့ အခြေအနေအရပ်ရပ်ကို ထည့်တွက်နေရတာပေါ့”</p> <p>“တဖြည်းဖြည်းနဲ့ ငါက ပိုပိုပြီး သတိကြီးလာခဲ့တယ်။ အမှားလုပ်မိမှာကို ကြောက်လာခဲ့တယ်။ ကိုယ့်ကိုယ်ကိုယ်တောင် မမှတ်မိတော့သလိုပဲ တစ်ခါတစ်လေ ငါ့ရဲ့ အရင်က ပုံစံလေး ဘယ်ရောက်သွားပါလိမ့်လို့ တွေးမိသေးတယ်”</p> <p>“ဟူး... လူတွေက အိုမင်းလာတယ်။ ပုခုံးပေါ်က ဝန်ထုပ်ဝန်ပိုးတွေက ပိုလေးလာတယ်။ အဲဒီအထဲမှာ စိတ်ဓာတ်တွေပါ ပျောက်ဆုံးသွားသလိုပဲ”</p> <p>ချန်တောက်ယန်သည် ပြုံးလိုက်ရင်း သူ၏အကြည့်ကို ပြန်ရုပ်သိမ်းလိုက်သည်။ သူသည် ချန်ကျီရှင်းဘက်သို့ လှည့်ကြည့်လိုက်ရာ သူ၏အပြုံးမှာ တဖြည်းဖြည်း ရက်စက်တည်ကြည်သော အသွင်သို့ ပြောင်းလဲသွားတော့၏။ အလွန်အမင်း အန္တရာယ်ရှိသော အရှိန်အဝါတစ်ခုမှာ ချန်တောက်ယန်ထံမှ အလိုအလျောက် ထွက်ပေါ်လာ၏။</p> <p>“ငါက ပြဿနာတွေ မရှာချင်ခဲ့ပါဘူး။ ငါတို့ ချန်မိသားစုသာ အေးအေးချမ်းချမ်း တိုးတက်နေမယ်ဆိုရင် တခြားဘာမှ အရေးမကြီးဘူးလို့ ထင်ခဲ့တာ”</p> <p>“ဒါပေမဲ့ ဒီလောကမှာ ငါ့ရဲ့ သည်းခံနိုင်စွမ်းကို ထပ်ခါတလဲလဲ လာစမ်းနေတဲ့သူတွေ ရှိနေစမြဲပဲ”</p> <p>“သူတို့က ငါ့ကို အိုသွားပြီလို့ ထင်နေကြတယ်။ အသုံးမကျတော့ဘူးလို့ ထင်နေကြတယ်။ ငါ့ကို မြင်းပေါ်ကနေ ဆွဲချပြီး သူတို့ခြေထောက်အောက်မှာ နင်းခြေပစ်ချင်နေကြတာပေါ့”</p> <p>ချန်ကျီရှင်း၏ ရင်ထဲ၌ အနည်းငယ် တုန်လှုပ်သွားမိသည်။ နှစ်ပေါင်း ရာချီအောင် မည်သည့်တိုက်ပွဲမှ မဆင်နွှဲဘဲ ဇီဝေတောင်တန်းမှ အပြင်မထွက်သလောက် ဖြစ်နေသော ဤချန်မိသားစုခေါင်းဆောင်ကြီးမှာ ယခုမူ အမှန်တကယ်ပင် ဒေါသထွက်နေ၏။</p> <p>“ငါ နှစ်ပေါင်း ရာနဲ့ချီပြီး မြိုသိပ်ထားခဲ့တဲ့ အရာတွေရှိတယ်။ နှစ်ပေါင်း ရာနဲ့ချီပြီး သည်းခံပေးခဲ့တဲ့ လူတွေရှိတယ်”</p> <p>“မုန့်မိသားစုက ဒီလောက်တောင် သေချင်နေမှတော့ ငါကပဲ သူတို့ဆန္ဒကို ဖြည့်ဆည်းပေးလိုက်ရတာပေါ့”</p> <p>ဝုန်း</p> <p>ချန်ကျီရှင်း၏ ရှေ့မှောက်ရှိ ချန်တောက်ယန်၏ ပုံရိပ်မှာ လုံးဝ ပြောင်းလဲသွားတော့သည်။ သူသည် အိပ်ပျော်နေသော အိုမင်းသည့် ကျားသစ်တစ်ကောင် နိုးထလာသကဲ့သို့ပင်။ သူ၏ အေးစက်သော မျက်လုံးများကို ဖွင့်ကာ ကမ္ဘာကြီးကို စိုက်ကြည့်လိုက်သည်။</p> <p>ကျားအိုသော်လည်း လူကိုတော့ စားနိုင်သေးသည်။</p> <p>“မှောင်မိုက်ခြင်းအဖွဲ့ ဘယ်မှာလဲ။ မဟူရာအကြီးအကဲတွေကော ဘယ်မှာလဲ”</p> <p>ချန်တောက်ယန်သည် မတ်တပ်ရပ်လိုက်သည်။</p> <p>ရှူး... ရှူး... ရှူး</p> <p>ကျောက်ထိုင်ခုံ၏ နောက်ကွယ်မှ သန်မာထက်မြက်လှသော ပုံရိပ် ဆယ်ဂဏန်းကျော် ထွက်ပေါ်လာပြီး ချန်တောက်ယန်၏ ရှေ့တွင် ဒူးထောက်လိုက်ကြသည်။</p> <p>“ကျွန်တော်မျိုးတို့ ရောက်ရှိနေပါပြီ”</p> <p>ချန်တောက်ယန်က ခေါင်းညိတ်လိုက်ရာ သူ၏ နက်မှောင်သော မျက်ဝန်းများတွင် အေးစက်သော အလင်းတန်းများ ပေါ်လာတော့၏။</p> <p>“မုန့်မိသားစုက ဇီဝေချန်မိသားစုဆီ လက်ဆန့်တန်းရတာကို ဒီလောက်တောင် ဝါသနာပါနေမှတော့ ငါကပဲ သူတို့လက်တွေကို ဖြတ်ပစ်မယ်။ သူတို့သွားတွေကိုလည်း ရိုက်ချိုးပစ်မယ်”</p> <p>“ဆယ်ရက်အတွင်းမှာပဲ... ဘယ်လိုနည်းလမ်းနဲ့ဖြစ်ဖြစ် ဘယ်လောက်ပဲ ကုန်ကျကုန်ကျ၊ ကောင်းကင်နဲ့မြေကြီးပဲ ပြောင်းပြန်ဖြစ်ဖြစ် သွေးတွေပဲ မြစ်ပမာစီးစီး... ငါမြင်ချင်တာက မုန့်မိသားစုရဲ့ မျိုးဆက်အားလုံးနဲ့ ပြင်ပမှာရှိတဲ့ သူတို့ရဲ့ ပိုင်ဆိုင်မှုတွေအားလုံး ပျက်စီးသွားတာကိုပဲ”</p> <p>ဤစကားကို ကြားသောအခါ...</p> <p>“အမိန့်တော်အတိုင်းပါ”</p> <p>နိဗ္ဗာန်နယ်ပယ် တစ်ဝက်အဆင့်ရှိ မဟူရာအကြီးအကဲများ ဦးဆောင်သော မှောင်မိုက်ခြင်းအဖွဲ့ဝင် အားလုံးသည် ညီညာလှသော ဟိန်းဟောက်သံဖြင့် တုံ့ပြန်လိုက်ကြသည်။ နောက်တစ်ခဏတွင် အကြီးအကဲများသည် သူတို့၏ ဝတ်ရုံလက်အင်္ကျီများကို ဝှေ့ယမ်းလိုက်ရာ အဖွဲ့ဝင်များအားလုံးကို ငုံ့လျှိုးသွားစေပြီး ဟင်းလင်းပြင်ကို ထိုးဖောက်ကာ ပျောက်ကွယ်သွားကြတော့သည်။</p> <p>ချန်တောက်ယန်သည် အဝေးက ကောင်းကင်ယံကို ကြည့်လိုက်ရာ သူ၏မျက်ဝန်းများတွင် အေးစက်လှသော တိုက်ပွဲဝင်လိုစိတ်များ လက်ခနဲ ဖြစ်သွားတော့သည်။</p> <p>ကစားချင်ကြတယ်ပေါ့လေ။</p> <p>ချန်တောက်ယန်အနေနဲ့ဆိုရင်တော့ သူတို့နဲ့အတူတူ ဒီကစားပွဲကြီးထဲ ဆင်းကစားပေးဖို့ အသင့်ဖြစ်နေပြီပဲ….</p> <p>...</p> <p>...</p> <p>ခဏအကြာတွင် ချန်ကျီရှင်းသည် ပင်မတောင်ထိပ်၏ ခန်းမဆောင်ကြီးထဲမှ လမ်းလျှောက်ထွက်လာခဲ့သည်။ ယနေ့၏ နေရောင်ခြည်မှာ ထူးထူးခြားခြား တောက်ပလွန်းလှသဖြင့် သူသည် လက်ဖြင့် မျက်လုံးကို အလိုအလျောက် ကာကွယ်လိုက်မိသည်။ အမည်မသိ တောင်လေပြည်တစ်ခုက ချန်ကျီရှင်း၏ ဆံနွယ်များနှင့် ဝတ်ရုံကို လွင့်ပျံစေခဲ့၏။</p> <p>ချန်တောက်ယန်၏ ယနေ့ဆုံးဖြတ်ချက်ကြောင့် ချန်မိသားစုနှင့် မုန့်မိသားစုတို့သည် တိုက်ပွဲခေါ်သံကို တရားဝင် ထုတ်လွှင့်လိုက်ပြီဖြစ်ကြောင်း သူ၏ရင်ထဲ၌ နားလည်ထားသည်။ နှစ်ပေါင်းတစ်ထောင်ကျော် ကြာမြင့်ခဲ့သော ဤမိသားစုနှစ်ခုကြားမှ ကံပါလာသည့် ထိပ်တိုက်</p> <p>ရင်ဆိုင်ပွဲမှာ ယခုဘဝတွင် အမှန်တကယ်ပင် စတင်ပေါ်ပေါက်လာခဲ့သည်။</p> <p>ချန်ကျီရှင်းအပါအဝင် မည်သူမျှ ဤတိုက်ပွဲကြီး၏ ရလဒ်ကို မသိနိုင်ကြပေ။ သို့သော် လွန်ခဲ့သော ဘဝ၌မူ မုန့်ဟယ်တုန်းဦးဆောင်သော မုန့်မိသားစု၏ လက်ချက်ဖြင့် ဇီဝေချန်မိသားစုမှာ ငြင်းမရအောင်ပင် ပျက်စီးခဲ့ရဖူးသည်။</p> <p>“ဒီဘဝမှာတော့ ငါလည်း မရှုံးစေရဘူး။ ချန်မိသားစုလည်း မရှုံးစေရဘူး”</p> <p>ချန်ကျီရှင်းက တိုးညှင်းစွာ ရေရွတ်လိုက်ရာ သူ၏မျက်ဝန်းများတွင် ပြင်းထန်လှသော ယုံကြည်မှုများ ထွက်ပေါ်လာသည်။ သူ့လက်ထဲတွင် ရွှေလက်ချောင်းများစွာ ရှိနေပါလျက်နှင့် မုန့်မိသားစုကို ရှုံးနိမ့်ဦးမည်ဆိုလျှင်တော့ တို့ဖူးတစ်တုံးနှင့်သာ ကိုယ့်ကိုယ်ကိုယ် ထုသတ်လိုက်ရုံရှိတော့မည်ပင်။</p> <p>...</p> <p>...</p> <p>နောက်ရက်အနည်းငယ်အတွင်း...</p> <p>နိဗ္ဗာန်နယ်ပယ်တစ်ဝက်ရှိ အစွမ်းထက်လှသော မဟူရာအကြီးအကဲ နှစ်ဦး၏ ဦးဆောင်မှုအောက်တွင် မုန့်မိသားစုအပေါ် တိုက်ခိုက်မှုများကို လျင်မြန်စွာ စတင်လိုက်တော့သည်။ ချင်းပြည်နယ် မုန့်မိသားစု၏ ကျောက်မိုင်းကြောများမှာ အလျင်အမြန် ဖျက်ဆီးခံလိုက်ရ၏။</p> <p>အပြင်သို့ ရောက်ရှိနေသော မုန့်မိသားစုတပည့်များမှာ တစ်ယောက်ပြီးတစ်ယောက် အသတ်ခံလိုက်ရပြီး သူတို့၏ ရုပ်အလောင်းများကို တောရိုင်းမြေပြင်များပေါ်တွင် ပစ်ထားခဲ့ကြသည်။ မုန့်မိသားစု၏ လက်အောက်ခံ မိသားစုများမှာလည်း တစ်ခုပြီးတစ်ခု အမြစ်ပြတ် သုတ်သင်ခံလိုက်ရတော့သည်။</p> <p>မျက်တောင်တစ်ခတ်အတွင်းမှာပင် အရှေ့ပိုင်းလျှို့ဝှက်နယ်မြေတစ်ခုလုံးမှာ သွေးချောင်းစီးပြီး ထိတ်လန့်တုန်လှုပ်ဖွယ်ရာ မုန်တိုင်းကြီးတစ်ခုအတွင်းသို့ ကျရောက်သွားတော့သည်။</p> <p>ချင်းပြည်နယ် မုန့်မိသားစုဆိုသည်မှာ တစ်ချိန်က ထာဝရရှင်သန်ခြင်းနယ်ပယ်ကျင့်ကြံသူများ ရှိခဲ့ဖူးသော ထာဝရရှင်သန်ခြင်းမိသားစုတစ်ခု ဖြစ်ခဲ့ဖူးသည်။ မိသားစု၏ အင်အားကြီး ပုဂ္ဂိုလ်များ ပျောက်ကွယ်သွားမှုကြောင့် အနည်းငယ် ကျဆင်းသွားခဲ့သော်လည်း မုန့်မိသားစု၏ အခြေခံအုတ်မြစ်မှာ အံ့သြလောက်အောင် ခိုင်မာနေဆဲပင်။</p> <p>သူတို့သည် ထိပ်တန်းအဆင့် ဂိုဏ်းကြီးတစ်ခု မဟုတ်တော့သော်လည်း အရှေ့ပိုင်းလျှို့ဝှက်နယ်မြေ၏ နာမည်ကျော်ကြားပြီး အင်အားကြီးမားသော အဖွဲ့အစည်းများထဲတွင် ပါဝင်နေဆဲဖြစ်ကာ အထင်သေး၍မရပေ။</p> <p>မကြာမီမှာပင် အရှေ့ပိုင်းလျှို့ဝှက်နယ်မြေအတွင်းရှိ မရေမတွက်နိုင်သော သတ္တဝါများမှာ အံ့အားသင့်ကုန်ကြပြီး မုန့်မိသားစုကို တိုက်ခိုက်နေသူများမှာ မည်သူဖြစ်နိုင်ကြောင်း ခန့်မှန်းနေကြတော့သည်။</p> <p>မဟူရာအကြီးအကဲများနှင့် အခြားသူများ၏ အမည်မှန်များ ထွက်ပေါ်လာသောအခါ သို့မဟုတ် မဟူရာအကြီးအကဲများ ကိုယ်တိုင်က မှောင်မိုက်ခြင်းအဖွဲ့ကို ထုတ်ဖော်ပြသလိုက်သောအခါ...</p> <p>ဝုန်း</p> <p>အရှေ့ပိုင်းလျှို့ဝှက်နယ်မြေတစ်ခုလုံးမှာ ငြိမ်သက်နေသော ရေကန်ထဲသို့ ကျောက်တုံးကြီးတစ်တုံး ပစ်ချလိုက်သကဲ့သို့ ပြင်းထန်လှသော လှိုင်းလုံးကြီးများ ထကြွလာတော့သည်။</p> <p>ဇီဝေချန်မိသားစုနှင့် ချင်းပြည်နယ် မုန့်မိသားစုကဲ့သို့ မိသားစုနှစ်ခုစလုံးသည် တစ်ချိန်က ထာဝရရှင်သန်ခြင်းနယ်ပယ်အဆင့်ရှိ ပုဂ္ဂိုလ်ထူးများကို မွေးထုတ်ပေးခဲ့ဖူးသည့် ထာဝရရှင်သန်ခြင်းမိသားစုများ ဖြစ်ကြသည်။ သူတို့၏ ရန်ငြိုးမှာ မိသားစုကို စတင်တည်ထောင်ခဲ့သည့် ဘိုးဘေးများလက်ထက်ကတည်းက အခြေတည်ခဲ့ခြင်းပင်။ သူတို့၏ အင်အားချင်းမှာလည်း ထိပ်တိုက်ရင်ဆိုင်လျှင် တစ်ဖက်နှင့်တစ်ဖက် အရှုံးအနိုင် မခွဲခြားနိုင်လောက်အောင် တူညီလှသည်။</p> <p>ဤမျှ ကြီးမားလှသော အင်အားစုကြီးနှစ်ခု ရုတ်တရက် ထိပ်တိုက်တွေ့ကြလိမ့်မည်ဟု မည်သူမျှ မမျှော်လင့်ထားခဲ့ကြပေ။ မျက်တောင်တစ်ခတ်အတွင်းမှာပင် အရှေ့ပိုင်းလျှို့ဝှက်နယ်မြေတစ်ခုလုံး တုန်လှုပ်ချောက်ချားသွားခဲ့ရပြီး ပြည်နယ် ၁၃ ခုစလုံးကို လွှမ်းမိုးသွားမည့် မုန်တိုင်းကြီးတစ်ခု စတင်အခြေတည်လာတော့သည်။</p> <p>လူအများမှာ ဇီဝေချန်မိသားစုနှင့် မုန့်မိသားစုတို့အကြား ကမ္ဘာပျက်မတတ် ပြင်းထန်လှသော တိုက်ပွဲကြီးကို မြင်တွေ့ရတော့မည်ဟု စိတ်လှုပ်ရှားစွာ စောင့်ဆိုင်းနေကြသော်လည်း မည်သူမျှ မထင်မှတ်ထားသည့် အရာတစ်ခု ဖြစ်ပေါ်လာခဲ့သည်။ ချင်းပြည်နယ် မုန့်မိသားစုသည် ထိပ်တိုက်ရင်ဆိုင်ခြင်းကို ရှောင်လွှဲကာ သူတို့၏ တောင်တံခါးများကို ပိတ်ဆို့၍ တုံ့ပြန်</p> <p>တိုက်ခိုက်ရန် ငြင်းဆန်လိုက်ခြင်းပင်။</p> <p>ဤသည်က လူအများကို အံ့အားသင့်စေသလို အနည်းငယ် စိတ်ပျက်သွားစေသည်။ အကယ်၍ ဤမိသားစုကြီးနှစ်ခုသာ တကယ့်ကို တိုက်ပွဲဝင်ကြမည်ဆိုလျှင် ၎င်းသည် ကျင့်ကြံခြင်းလောကတွင် နှစ်ပေါင်း ရာနှင့်ချီ၍ မမြင်ဖူးသော ခမ်းနားသည့် ဖြစ်ရပ်ကြီးတစ်ခု ဖြစ်လာပေလိမ့်မည်။</p> <p>ထိုသို့သော ရှုပ်ထွေးမှုများကြားမှာပင် မုန့်မိသားစု၏ မျိုးဆက်သစ်တပည့်တစ်ဦးဖြစ်သည့် မုန့်ဟယ်တုန်းဆိုသူမှာ နာမည်ကျော်ကြားလာခဲ့သည်။ အသက် ၁၆ နှစ်သာ ရှိသေးသော ထိုသူသည် နတ်ဘုရားခရီးသွားနယ်ပယ်သို့ ရောက်ရှိနေပြီဖြစ်ရာ တကယ့် ပါရမီရှင်တစ်ဦးပင်။</p> <p>အမှန်စင်စစ် ပါရမီရှင်ဆိုသည်မှာ နှစ်တိုင်း ပေါ်ထွက်နေကျဖြစ်သဖြင့် ဤမျှနှင့် လူအများ၏ အာရုံစိုက်မှုကို အပြည့်အဝ ရရှိရန် မလုံလောက်ပေ။ သူ့ကို တကယ့်ကို ထင်ပေါ်ကျော်ကြားသွားစေသည့် အချက်မှာ ချန်မိသားစု၏ တိုက်ခိုက်မှုများကို သူ ပြန်လည်ရင်ဆိုင်ခဲ့သည့် တိုက်ပွဲများကြောင့်ပင်။</p> <p>ပထမတိုက်ပွဲတွင် မုန့်ဟယ်တုန်းသည် နတ်ဘုရားခရီးသွားနယ်ပယ်အတွင်း ပြိုင်ဘက်ကင်းကြောင်း သက်သေပြခဲ့သည်။ သူသည် မီးလျှံတာအိုကို အသုံးပြုကာ ချန်မိသားစု၏ နတ်ဘုရားခရီးသွားနယ်ပယ် ကျွမ်းကျင်သူ ခြောက်ဦးကို တစ်ကိုယ်တည်း သတ်ဖြတ်နိုင်ခဲ့သည်။</p> <p>ဒုတိယတိုက်ပွဲတွင်မူ မုန့်ဟယ်တုန်းသည် သူ့ထက် အဆင့်မြင့်သောသူကို စိန်ခေါ်နိုင်ခဲ့သည်။ စစ်မှန်သောကိုယ်ပိုင်နယ်ပယ်ရှိ ကျွမ်းကျင်သူတစ်ဦး၏ တိုက်ခိုက်မှုကို ရင်ဆိုင်ရာတွင် သူသည် အကွက်ပေါင်း တစ်ရာကျော်အထိ မရှုံးနိမ့်ဘဲ ခုခံနိုင်ခဲ့သည်။ စစ်မှန်သောကိုယ်ပိုင်နယ်ပယ်နှင့် နတ်ဘုရားခရီးသွားနယ်ပယ်ကြားက ကွာဟချက်မှာ နတ်ဘုရားနှင့် လူသားကဲ့သို့ ကွာခြားလှသော်လည်း မုန့်ဟယ်တုန်းကမူ နတ်ဘုရားခရီးသွား ကိုယ်ခန္ဓာဖြင့်ပင် ခုခံနိုင်ခဲ့ခြင်းက လူအများကို အံ့အားသင့်စေခဲ့သည်။</p> <p>တတိယတိုက်ပွဲတွင်မူ မုန့်ဟယ်တုန်းသည် နိဗ္ဗာန်နယ်ပယ်တစ်ဝက်ရှိ မဟူရာအကြီးအကဲများ၏ တိုက်ခိုက်မှုကို ခံခဲ့ရသည်။ လူတိုင်းက မုန့်ဟယ်တုန်း သေပြီဟု ထင်မှတ်နေချိန်တွင် သူ၏ ကိုယ်ပေါ်မှ လျှို့ဝှက်ဆန်းပြားသော စွမ်းအားတစ်ခု ထွက်ပေါ်လာပြီး သူ့ကို လျင်မြန်စွာ ထွက်ပြေးလွတ်မြောက်စေခဲ့သည်။ ထို့နောက် ဆေးဘုရင်ချိုင့်ဝှမ်းမှ တစ်ကိုယ်တော်ကျင့်ကြံနေသော နိဗ္ဗာန်နယ်ပယ်အဆင့်ရှိ ပုဂ္ဂိုလ်ကြီးကိုယ်တိုင် ထွက်ပေါ်လာပြီး သူ့ကို ဆေးဘုရင်ချိုင့်ဝှမ်းအတွင်း၌ ကိုယ်တိုင်ကိုယ်ကျ အကာအကွယ် ပေးခဲ့သည်။</p> <p>ဤတိုက်ပွဲမှာ အလွန်တရာ အံ့သြစရာ ကောင်းလှသည်။ မုန့်ဟယ်တုန်း၏ သန်မာမှုနှင့် သူ၏ မယုံကြည်နိုင်လောက်သော ကံတရားကို လူအများက ချီးကျူးနေကြတော့သည်။ နတ်ဘုရားခရီးသွားနယ်ပယ် အဆင့်မျှဖြင့် လုပ်ကြံမှုများစွာကို ကျော်ဖြတ်နိုင်ခဲ့ရုံသာမက နိဗ္ဗာန်နယ်ပယ် ပုဂ္ဂိုလ်ကြီးတစ်ဦး၏ အကာအကွယ်ကိုပင် ရရှိခဲ့ခြင်းမှာ တကယ့်ကို ထူးခြားလှသည်။</p> <p>မျက်တောင်တစ်ခတ်အတွင်းမှာပင် မုန့်ဟယ်တုန်းသည် အရှေ့ပိုင်းလျှို့ဝှက်နယ်မြေ၏ ကောင်းကင်ယံတွင် အရှိန်အဝါ အတောက်ပဆုံးသော ကြယ်သစ်တစ်ပွင့် ဖြစ်လာခဲ့သည်။ သူ၏ အနာဂတ်မှာ အကန့်အသတ်မရှိ တိုးတက်လာတော့မည်ဟု လူတိုင်းက ယုံကြည်နေကြသည်။</p> <p>ထို့နောက်တွင် ဤရှုပ်ထွေးမှုများမှာ တဖြည်းဖြည်း ငြိမ်သက်သွားခဲ့ရာ အရာအားလုံးမှာ မုန့်ဟယ်တုန်းကို နာမည်ကြီးလာစေရန်အတွက်သာ ဖြစ်ပျက်ခဲ့သကဲ့သို့ပင်။ သို့သော် အခြေအနေကို နားလည်သော ပညာရှိများကမူ မုန့်မိသားစု၏ သဘာဝအရ ဤကိစ္စကို ဤမျှနှင့် လက်လျှော့မည်မဟုတ်ကြောင်း သိကြသည်။ လက်ရှိ သည်းခံနေခြင်းမှာ ပို၍ကြီးမားသော ပေါက်ကွဲမှုတစ်ခုအတွက် အစပျိုးနေခြင်းသာ ဖြစ်ပေလိမ့်မည်။</p> <p>ဇီဝေချန်မိသားစုနှင့် ချင်းပြည်နယ် မုန့်မိသားစုတို့၏ နောက်ဆုံး အဆုံးအဖြတ် တိုက်ပွဲမှာ မကြာမီမှာပင် ရောက်ရှိလာတော့မည် ဖြစ်သည်။ အရှေ့ပိုင်းလျှို့ဝှက်နယ်မြေ တစ်ခုလုံးတွင်မူ မုန်တိုင်းမလာမီ တိတ်ဆိတ်ခြင်းအလား စိုးရိမ်ထိတ်လန့်စရာ အခြေအနေများ ဖုံးလွှမ်းနေတော့သည်။</p> <p style="text-align: center;"> </p> <p style="text-align: center;"> </p> <p style="text-align: center;">***</p>


Save