Book List

<h2 style="text-align:center">အပိုင်း (၁၇၂၂)</h2> <h2 style="text-align:center">သူရဲကောင်းများ စုဝေးခြင်း</h2> <h2 style="text-align:center">*</h2> <p> </p> <p> </p> <p>လူလေးယောက်လုံး၏ မျက်လုံးများတွင် တိုက်ခိုက်လိုစိတ် အရိပ်အယောင်တစ်ခု လင်းလက်သွားသည်။ ထင်ရှားခြင်းမရှိသော်လည်း ယွင်ရှောင်မှာ အလွယ်တကူ ဖမ်းယူနိုင်ခဲ့သည်။ ဤဂိုဏ်းလေးဂိုဏ်းမှာ ထိပ်ဆုံးဆယ့်နှစ်ယောက်ထဲသို့ ဝင်ရောက်ရန် စိတ်ပိုင်းဖြတ်ထားပုံရသည်။</p> <p>မီဟုန်၏ အကြည့်မှာ လူအုပ်ထဲမှ မူဖုန်းဟွာထံသို့ ရောက်သွား၏။ သူက ပြုံးလိုက်သည်။</p> <p>"သခင်လေးဖုန်းဟွာက ဘယ်လောက်တောင် ပြင်ဆင်ထားလဲ မသိဘူးနော်။ ချန်ပီယံဆုကို ဆွတ်ခူးဖို့ အခွင့်အရေး ဘယ်လောက်ရှိလဲ”</p> <p>မူဖုန်းဟွာ၏ မျက်နှာအမူအရာ အနည်းငယ် ပြောင်းလဲသွားပြီး သူ တိတ်ဆိတ်နေလိုက်သည်။</p> <p>မူကျွမ်းက ညင်သာစွာ ရယ်မောလိုက်သည်။</p> <p>"ဒီတစ်ခါ တိုက်ခိုက်မယ့်သူက ဖုန်းဟွာ မဟုတ်ဘူး”</p> <p>"ဘာ”</p> <p>လူလေးယောက်လုံး အံ့အားသင့်သွားပြီး သူတို့၏ နားမလည်သော အကြည့်များမှာ လူအုပ်ထဲတွင် ဝေ့ဝဲသွားပြီးနောက် နောက်ဆုံးတွင် ယွင်ရှောင်အပေါ်သို့ ကျရောက်သွားသည်။</p> <p>ယွင်ရှောင်၏ ငယ်ရွယ်မှုနှင့် အမူအရာသာ သိုင်းပြိုင်ပွဲ၏ လိုအပ်ချက်များနှင့် ကိုက်ညီသော်လည်း သူ၏ရုပ်ရည်မှာ ထူးထူးခြားခြား မရင်းနှီးပေ။</p> <p>ချိုက်ကျွင်းက ပြောလိုက်သည်။</p> <p>"မူမျိုးနွယ်စုက အပြင်လူ အကူအညီ ငှားထားတာများလား”</p> <p>မူကျွမ်းက ခေါင်းညိတ်ပြီး ပြုံးလိုက်သည်။</p> <p>"မင်းတို့ လေးယောက်လုံးရဲ့ ဆုံးဖြတ်ချက်က ထူးချွန်ပါတယ် ဟုတ်ပါတယ်”</p> <p>လူလေးယောက်လုံးမှာ ယွင်ရှောင်ကို နောက်ထပ် အကြိမ်အနည်းငယ် ကြည့်ရှုခြင်းမှ မတားဆီးနိုင်ခဲ့ပေ။ သူက တည်ငြိမ်အေးဆေးနေပြီး သူတို့ ကြည့်လေလေ ပို၍ ထိတ်လန့်လေလေ ဖြစ်လာသည်။</p> <p>ချိုက်ကျွင်းက ပြောလိုက်သည်။</p> <p>"ဒီသိုင်းပြိုင်ပွဲရဲ့ အရေးပါမှုက အရမ်းကြီးမားတယ်၊ ဂိုဏ်းအားလုံးက အစွမ်းကုန် ကြိုးစားနေကြတော့ အဆင့်ပြိုင်ပွဲက အရမ်းပြင်းထန်တယ်။</p> <p>ကျွန်တော်သိသလောက်တော့ နဂါးစွယ်အိမ်တော်ကလည်း အပြင်လူ အကူအညီ တောင်းထားတယ်။ အဲဒီလူကို အဆင့်အတန်းတစ်ခုပေးဖို့အတွက် အိမ်တော်သခင် ကျွယ်ထျန်းဟန်က သူ့ရဲ့ အချစ်ဆုံး အမွှာသမီးနှစ်ယောက်ကို အဲဒီကောင်လေးနဲ့ လက်ထပ်ပေးလိုက်တယ်”</p> <p>"အိုး”</p> <p>မူကျွမ်း၏ မျက်နှာအမူအရာ အနည်းငယ် တင်းမာသွား၏။</p> <p>"နဂါးစွယ်အိမ်တော်ရဲ့ စွမ်းအားကို လျှော့မတွက်သင့်ဘူး။ အဲဒီအမွှာသမီးနှစ်ယောက်ကိုလည်း ငါ မြင်ဖူးတယ်။ သူတို့က တကယ်ပဲ ပြိုင်ဘက်ကင်း အလှပဂေးတွေပဲ။</p> <p>ကျွယ်ထျန်းဟန်က ဒီလောက်တောင် အရင်းအနှီးအများကြီး သုံးရဲမှတော့ သူ့ကို ကူညီဖို့လာတဲ့သူက အရမ်းကို ထူးခြားတဲ့သူ ဖြစ်ရမယ်”</p> <p>သူ၏မျက်နှာအမူအရာတွင် အနည်းငယ် လှုပ်ရှားမှု ပြသသော်လည်း သူ လုံးဝ မစိုးရိမ်ပေ။ တစ်ဖက်လူ ဘယ်လို အပြင်လူအကူအညီပဲ ခေါ်လာပါစေ ဒီသိုင်းပြိုင်ပွဲမှာ လီယွင်ရှောင်ကို အနိုင်ယူဖို့ အခွင့်အရေး လုံးဝမရှိပေ။</p> <p>ဤသို့တွေးလိုက်သောအခါ မူကျွမ်းမှာ အနည်းငယ် ပြုံးလိုက်ပြီး မွှေးကြိုင်သော လက်ဖက်ရည်ကို ကောက်ယူကာ တစ်ငုံသောက်လိုက်သည်။ လက်ဖက်ရည်မှာ ထူးထူးခြားခြား မွှေးကြိုင်သည်ကို သူတွေ့ရှိလိုက်ရပြီး သူ၏နှလုံးသားမှာ ပျော်ရွှင်မှုများဖြင့် ပြည့်နှက်သွားသည်။</p> <p>ချိုက်ကျွင်းက ပြောလိုက်သည်။</p> <p>"ကျွန်တော်သိသလောက်တော့ အဲဒီအပြင်လူ အကူအညီက လီယွင်ရှောင်လို့ ခေါ်တယ်၊ သူက မကြာသေးမီက ကောင်းကင်သိုင်းပညာကုန်းမြေကြီးမှာ ထင်ရှားကျော်ကြားလာတဲ့ ထူးချွန်တဲ့ ပညာရှင်တစ်ယောက်ပဲ”</p> <p>"ဖွီး”</p> <p>မူကျွမ်းမှာ မွှေးကြိုင်သော လက်ဖက်ရည်တစ်ငုံကို ချိုက်ကျွင်း၏ မျက်နှာပေါ်သို့ တိုက်ရိုက် ပက်ထုတ်လိုက်ပြီး အဆက်မပြတ် ချောင်းဆိုးနေတော့သည်။</p> <p>မူမျိုးနွယ်စုဝင်အားလုံးမှာ ဆူညံပွက်လောရိုက်သွားပြီး အားလုံးက ယွင်ရှောင်ကို ကြည့်လိုက်ကြသည်။</p> <p>ချိုက်ကျွင်းမှာ သူ၏မျက်နှာမှ လက်ဖက်ရည်များကို သုတ်လိုက်ပြီး နားမလည်နိုင်စွာဖြင့် လူတိုင်းကို အံ့အားသင့်စွာ စိုက်ကြည့်နေသည်။</p> <p>ယွင်ရှောင်မှာ စကားမပြောနိုင်ဖြစ်သွားပြီး မေးလိုက်သည်။</p> <p>"ခင်ဗျားပြောတဲ့ အဲဒီအပြင်လူကစားသမား နာမည်က ဘာလဲ”</p> <p>ချိုက်ကျွင်းက ပြောသည်။</p> <p>"လီယွင်ရှောင်”</p> <p>ယွင်ရှောင့် မျက်နှာ မည်းမှောင်သွား၏။ သူက မေးလိုက်သည်။</p> <p>"ခင်ဗျား ဒီလူရဲ့ နောက်ကြောင်းကို သိသလား”</p> <p>ချိုက်ကျွင်းက ပြောသည်။</p> <p>"ဒီလူက မကြာသေးမီက ကောင်းကင်သိုင်းပညာကုန်းမြေကြီးမှာ ထင်ရှားကျော်ကြားလာတဲ့ ပါရမီရှင်တစ်ယောက်ပဲ။ သူက အားကောင်းတဲ့ လူအများအပြားကို အနိုင်ယူခဲ့တယ်လို့ ဆိုတယ်။</p> <p>လွန်ခဲ့တဲ့ နှစ်အနည်းငယ်တုန်းက မြောက်ပင်လယ်နဂါးနန်းတော် သခင်လေး ရွင်ရှန်းက သွေးလမြို့တိုက်ပွဲမှာ ဒီလူရဲ့ အနိုင်ယူတာကို ခံခဲ့ရတယ်။</p> <p> ပြီးတော့ သူက ခန့်ညားတယ်၊ ကာမဂုဏ်လိုက်စားတယ်၊ တဏှာကြီးတယ်လို့ ဆိုတယ်။ သူ ကျွယ်ထျန်းဟန်ရဲ့ အမွှာသမီးနှစ်ယောက်ကို မြင်လိုက်တာနဲ့ ချက်ချင်း သူ့ကို သစ္စာခံခဲ့တယ်။ သူက သူ့ရဲ့ မျိုးရိုးနာမည်ကို ကျွယ် လို့တောင် ပြောင်းလုနီးပါးပဲ”</p> <p>ယွင်ရှောင် ချက်ချင်းဆိုသလို မူမျိုးနွယ်စုဝင်များ၏ ထူးဆန်းသော အကြည့်များကို ခံစားလိုက်ရပြီး သူ၏နဖူးမှာ ချွေးစေးများဖြင့် ဖုံးလွှမ်းသွားသည်။ သူက ဒေါသတကြီး ပြောလိုက်သည်။</p> <p>"ဂိုဏ်းချုပ်ချိုက် ခင်ဗျားရဲ့ ဂိုဏ်းထဲက ထောက်လှမ်းရေးတာဝန်ခံ တပည့်ကို ထုတ်ပြီး သေဒဏ်ပေးဖို့ ကျုပ် အကြံပေးတယ်။ မဟုတ်ရင် ခင်ဗျားရဲ့ ဂိုဏ်းက မကြာခင်မှာ ထောက်လှမ်းရေးကြောင့် သေဆုံးသွားလိမ့်မယ်”</p> <p>ချိုက်ကျွင်းမှာ ခဏမျှ ကြောင်သွားပြီး လုံးဝ နားမလည်နိုင်ဖြစ်သွားသည်။</p> <p>မီဟုန်က လှောင်ပြောင်ရယ်မောလိုက်သည်။</p> <p>"ဒီလို ကာမဂုဏ်လိုက်စားပြီး ပျက်စီးနေတဲ့လူမျိုးက ဘယ်လိုလုပ်ပြီး အစွမ်းအစ ရှိနိုင်မှာလဲ။ အဘိုးကြီး ကျွယ်ထျန်းဟန်က ဒီတစ်ခါတော့ လှည့်စားခံရတော့မှာပဲ”</p> <p>မူကျွမ်းက မူကျန့်ကို ကြည့်လိုက်ပြီး သူ၏ရှေ့မှ လီယွင်ရှောင်မှာ တကယ်ပဲ လီယွင်ရှောင် ဟုတ် မဟုတ် မေးနေသည့်အလားပင်။</p> <p>မူကျန့်မှာ ခဏမျှ စကားမပြောနိုင်ဖြစ်သွားပြီးနောက် အမှန်တကယ်ဖြစ်ကြောင်း သေချာစေရန် အလျင်အမြန် ခေါင်းညိတ်လိုက်သည်။</p> <p>မူကျွမ်းမှာ စိတ်သက်သာရာရသွားသော်လည်း သူ၏ရှေ့မှ လူမှာ အစစ်ဖြစ်စေ အတုဖြစ်စေ သူ မူမျိုးနွယ်စုအတွက် တိုက်ခိုက်ရန် ဆန္ဒရှိသမျှ ကာလပတ်လုံး အရေးမကြီးဟု သူ တွေးလိုက်သည်။</p> <p>ချိုက်ကျွင်းက အလျင်အမြန် ပြောလိုက်သည်။</p> <p>"ငါတို့ ပေါ့ဆလို့မဖြစ်ဘူး။ လူတိုင်း ပြင်ဆင်ထားနိုင်ဖို့ ငါက သတင်းအချက်အလက်ကို မျှဝေတာပါ။</p> <p>ငါတို့ ဂိုဏ်းလေးဂိုဏ်းက နဂါးစွယ်အိမ်တော်ကို အနိုင်ယူဖို့ မမျှော်လင့်ဘူး။ ဒါကြောင့် ဒီသခင်လေးက အထူးသတိထားရမယ်။ စကားမစပ် သခင်လေးရဲ့ နာမည်ကို မေးလို့ရမလား”</p> <p>ယွင်ရှောင်၏ မျက်နှာမှာ ရှုံ့တွသွား၏။ သူ ဘယ်လိုဖြေရမှန်း မသိတော့ပေ။</p> <p>သူ၏အမူအရာကို ကြည့်ပြီး မူဝမ်ရှန်းမှာ မရယ်ဘဲ မနေနိုင်တော့ပေ။ သို့သော် သူမ၏ တည်ငြိမ်မှုကို ဆုံးရှုံးသွားကြောင်း ချက်ချင်း သိလိုက်ရပြီး အလျင်အမြန် ပါးစပ်ကို အုပ်လိုက်ရာ သူမ၏ မျက်နှာမှာ ရှက်ရွံ့မှုကြောင့် နီရဲသွားသည်။</p> <p>ကံကောင်းစွာပင် သူမက ခိုးကြောင်ခိုးဝှက် ပတ်ဝန်းကျင်ကို ကြည့်လိုက်ရာ မည်သူမျှ သူမကို အာရုံစိုက်နေခြင်း မရှိသည်ကို တွေ့ရှိလိုက်ရသဖြင့် သူမ စိတ်သက်သာရာရသွားသည်။</p> <p>"အဟမ်း အဟမ်း”</p> <p>မူကျန့်က နှစ်ကြိမ် ချောင်းဆိုးပြီး မိတ်ဆက်ပေးလိုက်သည်။</p> <p>"ဒါက လီယွင်ရှောင်… အရင်တုန်းက သွေးလမြို့မှာ ရွင်ရှန်းကို အနိုင်ယူခဲ့တဲ့ သူရဲကောင်းလူငယ်လေးပဲ”</p> <p>ချိုက်ကျွင်း "..."</p> <p>အခြားဂိုဏ်းချုပ်သုံးယောက်မှာ တစ်ယောက်ကိုတစ်ယောက် ကြည့်လိုက်ကြပြီး အားလုံးက သူတို့၏ အကြည့်များကို ချိုက်ကျွင်းထံသို့ လှည့်လိုက်ကြသည်။</p> <p>ချိုက်ကျွင်းမှာ တစ်ကိုယ်လုံး စေးကပ်နေသလို ခံစားလိုက်ရပြီး ချွေးစေးများဖြင့် ရွှဲနစ်နေသည်။ သူက သူ၏မျက်နှာကို လက်ဖြင့် သုတ်ပြီး ဒေါသတကြီး ပြောလိုက်သည်။</p> <p>"ငါပြန်ရောက်ရင် အဲဒီ ထောက်လှမ်းရေးတာဝန်ခံ တပည့်ကို ချက်ချင်း သတ်ပစ်မယ်။ ဒီလူကို မသတ်ရင် ငါတို့ ဂိုဏ်းက မကြာခင်မှာ သူ့ကြောင့် သေဆုံးသွားလိမ့်မယ်”</p> <p>မူကျွမ်းက ပြောလိုက်သည်။</p> <p>"အဲဒါ မဖြစ်နိုင်ပါဘူး။ တစ်ယောက်ယောက်က တစ်ယောက်ယောက်ကို အယောင်ဆောင်နေတာလည်း ဖြစ်နိုင်တယ်။ မကြာခင်မှာ အမှန်တရားကို ငါတို့ သိရမှာပါ”</p> <p>ယွင်ရှောင် ရုတ်တရက် တစ်ခုခု မှားနေသည်ဟု ခံစားလိုက်ရသည်။ ယုံရှန်းမြို့တွင် တစ်စုံတစ်ယောက်က သူ့အယောင်ဆောင်ပြီး မြို့အရှင်၏ သမီးကို လှည့်စားခဲ့သည်။</p> <p>ယခု သူ တူညီသော လူနှင့် ထပ်မံတွေ့ဆုံလိုက်ရသောအခါတွင် တစ်ခုခု မှားနေသည်ဟု သူ ခံစားလိုက်ရသည်။</p> <p>ထို့အပြင် ယုံရှန်းမြို့၏ မြို့အရှင်မှာ အလွန်အားမကောင်းသောကြောင့် သူ ယာယီ လှည့်စားခံရသည်မှာ နားလည်နိုင်သည်။</p> <p>ယုတ္တိတန်သောအားဖြင့် အကယ်၍ နဂါးစွယ်အိမ်တော်က ထိုမျှ အားကောင်းခဲ့လျှင် သူတို့ လှည့်စားခံရမည် မဟုတ်ပေ။ ဘာတွေဖြစ်ခဲ့တာလဲ။ သူ လုံးဝ နားမလည်နိုင်ဖြစ်သွားသည်။</p> <p>ချိုက်ကျွင်းက ထပ်ခါထပ်ခါ သဘောတူပြီး ပြောလိုက်သည်။</p> <p>"အထူး အကြောင်းပြချက်မရှိရင် ကျွန်တော် သူ့ကို သေချာပေါက် သတ်ပစ်မယ်”</p> <p>ဤအချိန်တွင် လော့ဖူကျွန်းပေါ်တွင် လူ ပိုများလာသည်။</p> <p>အဝေးဆုံးမိုးကုပ်စက်ဝိုင်းတွင် လှိုင်းများ ရုတ်တရက် ထကြွလာပြီး နံရံတစ်ခုကဲ့သို့ ရှေ့သို့ တွန်းတိုက်လာသည်။</p> <p>ယွင်ရှောင်က ထိုအရာကို စူးစိုက်ကြည့်လိုက်ပြီးနောက် အနည်းငယ် ပြုံးလိုက်သည်။</p> <p>လှိုင်းများ၏ အလယ်ဗဟိုတွင် ဧရာမလိပ်ကြီးတစ်ကောင်မှာ အရှိန်ပြင်းစွာဖြင့် ရှေ့သို့ ရွေ့လျားနေသည်။</p> <p>အလောင်းကောင်မိစ္ဆာဂိုဏ်း၏ မလှုပ်ရှားနိုင်သောတောအုပ် ကျွန်းတစ်ကျွန်းဖြစ်သော်လည်း လော့ဖူကျွန်းထက် အများကြီး နိမ့်ကျတယ်။</p> <p>"အလောင်းကောင်မိစ္ဆာဂိုဏ်းရဲ့ မလှုပ်ရှားနိုင်တဲ့တောအုပ်ပဲ”</p> <p>လိပ်ကြီး ပိုမိုနီးကပ်လာသောအခါတွင် လူတိုင်း နောက်ဆုံးတွင် ရှင်းရှင်းလင်းလင်း မြင်လိုက်ရပြီး အံ့အားသင့်စွာ အော်ပြောကြသည်။</p> <p>"အလောင်းကောင်မိစ္ဆာဂိုဏ်းက သူတို့ရဲ့ အခြေစိုက်စခန်းတစ်ခုလုံးကို ဒီကို သယ်လာလိမ့်မယ်လို့ မထင်ထားဘူး။ သူတို့က ဒီသိုင်းပြိုင်ပွဲကို အနိုင်ယူဖို့ စိတ်ပိုင်းဖြတ်ထားတာ ရှင်းနေတာပဲ”</p> <p>"အလောင်းကောင်မိစ္ဆာဂိုဏ်းက အမြဲတမ်း အရမ်းလျှို့ဝှက်ဆန်းကြယ်တယ်။ အတွင်းထဲမှာ ဘယ်လို ပညာရှင်တွေ ရှိလဲဆိုတာ ဘယ်သူမှ မသိဘူး၊</p> <p> ဒါပေမဲ့ သူတို့က ထိပ်ဆုံးသုံးယောက်အတွက် အားကောင်းတဲ့ ပြိုင်ဘက်တစ်ယောက်ဆိုတာ သေချာတယ်”</p> <p>လူတိုင်း စိတ်လှုပ်ရှားလာကြသည်။ ဤသိုင်းပြိုင်ပွဲမှာ လျှို့ဝှက်ဂိုဏ်းများအတွက် နှစ်ပေါင်း ရာနှင့်ချီ ထောင်နှင့်ချီ၍ပင် ကျင်းပခဲ့သော ရှားပါးသည့် ကြီးကျယ်ခမ်းနားသော ပွဲတော်တစ်ခု ဖြစ်သည်မှာ ရှင်းနေသည်။</p> <p>လူတိုင်း အဝေးမှ အရှိန်ပြင်းစွာ ဖြတ်သန်းသွားသော ဧရာမလိပ်ကြီးကို စူးစိုက်ကြည့်နေစဉ်တွင် အစိမ်းရောင်အရွက်များစွာ ရုတ်တရက် ကောင်းကင်ယံမှ ကျဆင်းလာပြီး လူသူကင်းမဲ့သော ကျွန်းကို သက်ဝင်လှုပ်ရှားစေကာ တက်ကြွနေသည့်အလား ဖြစ်စေသည်။</p> <p>"ဒါက......"</p> <p>တစ်စုံတစ်ယောက်က အံ့အားသင့်စွာ အော်ပြောပြီး အလျင်အမြန် မော့ကြည့်လိုက်ရာ ဧရာမအစိမ်းရောင်အရွက်တစ်ရွက် ကောင်းကင်ယံမှ ဖြည်းညှင်းစွာ ကျဆင်းလာသည်ကို မြင်လိုက်ရသည်။</p> <p>အရွက်၏ ထိပ်ဖျားတွင် အနီရောင်ပန်းကြီးတစ်ပွင့်ကို တင်ထားပြီး လိုက်ဖက်ညီကာ လှပသော ပေါင်းစပ်မှုတစ်ခုကို ဖန်တီးထားသည်။</p> <p>အရွက်များမှ အမျိုးသမီးများစွာ၏ ရယ်မောသံ လွင်လွင်လေးများ ထွက်ပေါ်လာသည်။ ထိုအရွက်မှာ စစ်သင်္ဘောတစ်စင်းဖြစ်ပြီး ဦးပိုင်းတွင် အမျိုးသမီးသုံးယောက်မှာ စကားစမြည်ပြောကာ ရယ်မောနေကြ၏။</p> <p>"သူတို့က ရွက်တစ်ထောင်ကျွန်း ဖူယောင်မြင့်မြတ်နန်းတော်ကပဲ”</p> <p>လူအုပ်ထဲမှ တစ်စုံတစ်ယောက်က အော်ပြောလိုက်သည်။</p> <p>ဂိုဏ်းနှစ်ဂိုဏ်းကြားတွင် နက်ရှိုင်းသော ရန်ငြိုးတစ်ခု ရှိနေသည့်အလား မူမျိုးနွယ်စုဝင်များအားလုံးမှာ အတော်လေး မည်းမှောင်နေကြပြီး တစ်ဖက်ကို စူးစိုက်ကြည့်နေကြသည်။</p> <p>ယွင်ရှောင်လည်း သူ၏နတ်ဘုရားအာရုံကို ဖွင့်ပြီး ချုပ်တည်းမှုမရှိဘဲ ပတ်ဝန်းကျင်ကို ဝေ့ကြည့်လိုက်သည်။</p> <p>အမှန်တကယ်ပင် ရွက်စိမ်းစစ်သင်္ဘောကို ထိတွေ့လိုက်သည်နှင့် သူတို့မှာ မမြင်နိုင်သော စွမ်းအားတစ်ခုဖြင့် ချက်ချင်း ပိတ်ဆို့ခံလိုက်ရပြီး အတွင်းသို့ မမြင်နိုင်တော့ပေ။</p> <p>သူက သူ၏နတ်ဘုရားအာရုံကို ပြန်ရုပ်သိမ်းလိုက်ပြီး သူ၏အချည်းနှီးသော ကြိုးပမ်းမှုများကို ရပ်တန့်လိုက်သည်။</p> <p>ရွက်စိမ်းစစ်သင်္ဘောမှာ ဖြည်းညှင်းစွာ ဆင်းသက်လာပြီး တောင်ထိပ်တစ်ခုပေါ်တွင် ညင်သာစွာ ဆင်းသက်လိုက်သည်။</p> <p>ဖူယောင်မြင့်မြတ်နန်းတော်မှ အမျိုးသမီးသုံးယောက်မှာ လူအုပ်၏ တီးတိုးပြောဆိုနေကြသည်ကို ကြည့်ပြီး အခါအားလျော်စွာ ပါးစပ်ကို အုပ်ကာ ရယ်မောနေကြသည်။</p> <p>မူကျန့်က အေးစက်စက် နှာခေါင်းရှုံ့လိုက်သည်။</p> <p>"ဟမ့် ဘာတွေရယ်နေကြတာလဲ ‌ောက်တင်းတုတ်တဲ့ ကောင်မတွေ”</p> <p>ယွင်ရှောင် အလွန်အမင်း ရှက်ရွံ့သွား၏။ သူ့ကဲ့သို့ လေးစားခံရသော လူတစ်ယောက်ထံမှ ဤသို့သော စကားများ ထွက်လာသည်ကို ကြားရသည်မှာ တကယ်ပင် မသင့်တော်ဟု ခံစားလိုက်ရသည်။</p> <p>သို့သော် မူမျိုးနွယ်စုဝင်များမှာ မည်သည့် ထူးခြားသော အပြုအမူကိုမျှ မပြသပေ။ တည်ငြိမ်နေသော မူကျွမ်းမှလွဲ၍ အခြားသူများအားလုံးမှာ ရန်လိုမူန်းတီးမှုကို ပြသကြသည်။</p> <p>ဤအချိန်တွင် မလှုပ်ရှားနိုင်သောတောအုပ်မှာလည်း လော့ဖူကျွန်းအနီးသို့ ရောက်ရှိလာပြီး ဧရာမလှိုင်းလုံးများမှာ ကမ်းခြေပေါ်သို့ တစ်ခုပြီးတစ်ခု ရိုက်ခတ်လာသည်။</p> <p>ဧရာမလိပ်ကြီးမှာ ကမ်းခြေမှ မိုင်အနည်းငယ်အကွာတွင် မလှုပ်မယှက် ရပ်နေလိုက်သည်။</p> <p>အလောင်းကောင်မိစ္ဆာဂိုဏ်းမှ လူများမှာ ကမ်းခြေသို့ တက်ရန် အလျင်မလိုပုံရသည်။ မလှုပ်ရှားနိုင်သောတောအုပ်ကျွန်းပေါ်ရှိ ကာကွယ်ရေးအကာအကွယ်များ ဖွင့်ထားပြီး မည်သူမျှ အတွင်းသို့ မမြင်နိုင်ပေ။</p> <p>"ဟမ့် တစ်ယောက်က တစ်ယောက်ထက် ပိုပြီး လျှို့ဝှက်ဆန်းကြယ်နေကြတယ်။ အကြီးအကဲဝမ်ချန်နဲ့ အကြီးအကဲယွီရုံတို့ရဲ့ သွေးကြွေးကို သွေးနဲ့ပြန်ဆပ်ရမယ်”</p> <p>မူကျန့်၏ မျက်လုံးများမှာ ဒေါသများဖြင့် ပြည့်နှက်နေသည်။ သူ ကျင်းချီ၏ လိုက်လံသတ်ဖြတ်ခြင်းကို ခံရပုံ၊ အသံနိမ့်ဖြင့် ကရုဏာတောင်းခံခဲ့ရပုံနှင့် ဂုဏ်သိက္ခာမဲ့စွာ ထွက်ပြေးခဲ့ရပုံတို့ကို တွေးလိုက်သောအခါတွင် ဒေါသလှိုင်းတစ်ခု သူ၏နှလုံးသားထဲတွင် ထကြွလာသည်။</p> <p>"ဘယ်လို”</p> <p>ချိုက်ကျွင်းနှင့် အခြားသုံးယောက်လုံးမှာ ထိတ်လန့်သွားကြပြီး ဂိုဏ်းနှစ်ဂိုဏ်းကြားတွင် ဘာတွေဖြစ်ခဲ့သည်ကို နားမလည်နိုင်ဖြစ်သွားကြသည်။</p> <p> သူတို့သည် မူမျိုးနွယ်စုဝင်များထံမှ သတ်ဖြတ်လိုသော အငွေ့အသက်တစ်ခု ထွက်ပေါ်လာသည်ကိုသာ ခံစားမိပြီး မူကျွမ်းပင်လျှင် မည်းမှောင်သော မျက်နှာအမူအရာ ရှိနေသည်။</p> <p>မူရိထုံက အေးစက်စက် ပြောလိုက်သည်။</p> <p>"ကျင်းချီက ငါ့ မူမျိုးနွယ်စုက အကြီးအကဲတွေဖြစ်တဲ့ ဝမ်ချန်နဲ့ ယွီရုံတို့ကို သတ်ခဲ့တယ်”</p> <p>"ဘာ”</p> <p>လေးယောက်လုံးမှာ အလွန်အမင်း အံ့အားသင့်သွားပြီး သူတို့၏ နှလုံးသားများမှာ စိတ်လှုပ်ရှားမှုကြောင့် ခုန်ပေါက်နေသည်။</p> <p>ဤနေရာရှိ လူတိုင်းမှာ ကောင်းကင်မဟာမိတ်အဖွဲ့ဝင်များဖြစ်ကြပြီး မူမျိုးနွယ်စုနှင့် အလောင်းကောင်မိစ္ဆာဂိုဏ်းမှာ မဟာမိတ်အဖွဲ့အတွင်းတွင် ကြီးမားသော ဩဇာအာဏာရှိကြသည်။</p> <p>အကယ်၍ ဂိုဏ်းနှစ်ဂိုဏ်းသာ သေရေးရှင်ရေး ပဋိပက္ခဖြစ်ပွားခဲ့လျှင် ၎င်းသည် ကြီးမားသော ပြဿနာတစ်ခုဖြစ်ပြီး သူတို့ကဲ့သို့ ဂိုဏ်းငယ်လေးများကိုပင် သက်ရောက်မှုရှိနိုင်သည်။</p> <p>လေးယောက်လုံးမှာ ခိုးကြောင်ခိုးဝှက် အကြည့်များ ဖလှယ်လိုက်ကြပြီး အားလုံး စိုးရိမ်ပူပန်မှုများဖြင့် ပြည့်နှက်နေ၏။</p> <p>လော့ဖူကျွန်းပေါ်ရှိ လူအရေအတွက်မှာ တိုးများလာပြီး လျှို့ဝှက်ဂိုဏ်းတစ်ခုလုံးနီးပါးကို ထိတ်လန့်စေကာ အင်အားစုအသီးသီးမှာ ပေါ်ထွက်လာကြသည်။</p> <p>ယွင်ရှောင် အထူးအာရုံစိုက်ခဲ့သည်မှာ နဂါးစွယ်အိမ်တော်မှ လူများဖြစ်သည်။ ဤလူများမှာလည်း စစ်သင်္ဘောဖြင့် ပို့ဆောင်ခြင်းခံခဲ့ရသည်။</p> <p>အပြင်ဘက်မှကြည့်လျှင် သူတို့မှာ မည်သည့်လက္ခဏာမျှ မပြသဘဲ စစ်သင်္ဘော၏ ကိုယ်ထည်ပေါ်တွင် ထွင်းထုထားသော ဧရာမနဂါးစွယ်တစ်ချောင်းသာ ရှိပြီး ရက်စက်ကြမ်းကြုတ်ကာ ကြောက်မက်ဖွယ်ကောင်းနေသည်။</p> <p>အပန်းဖြေစခန်းတစ်ခုလုံးမှာ ဧရာမနဂါးစွယ်တစ်ချောင်းအတွင်းတွင် ပုန်းအောင်းနေပြီး ရည်ရွယ်ချက်မဲ့စွာ လွင့်မျောနေကာ ရှာဖွေရန် ခက်ခဲသည်ဟု ဆိုသည်။</p> <p>လူအုပ်ထဲမှ ဆူညံသံများကြားတွင် ချိုက်ကျွင်းအပါအဝင် ဂိုဏ်းချုပ်လေးယောက်မှာ အခြားဂိုဏ်းများကို နှုတ်ဆက်ရန် ထွက်ခွာသွားကြသည်။</p> <p>မူမျိုးနွယ်စု၊ ရွက်တစ်ထောင်ကျွန်းနှင့် အလောင်းကောင်မိစ္ဆာဂိုဏ်းကဲ့သို့ အဓိကဂိုဏ်းကြီးများသာ တည်ငြိမ်စွာ နေနိုင်ပြီး အခြားဂိုဏ်းများ လာရောက် အရိုအသေပေးသည်ကို စောင့်ဆိုင်းနေနိုင်သည်။</p> <p>ရုတ်တရက် ဆူညံနေသော လူအုပ်မှာ ရူးသွပ်သွားပြီး လူတိုင်း အံ့အားသင့်စွာ အော်ပြောကြသည်။</p> <p>"အောင်းမျိုးနွယ်စု အောင်းမျိုးနွယ်စုက လူတွေ ရောက်လာပြီ”</p> <p>သိုင်းပညာရှင်တစ်ဦးက ကျယ်လောင်စွာ အော်ပြောပြီး ပင်လယ်ကို ကြည့်ရန် လည်ပင်းကို ဆန့်တန်းလိုက်ရာ အလွန် စိတ်လှုပ်ရှားနေသည်။</p> <p>လော့ဖူကျွန်းပေါ်တွင် တိခနဲ တိတ်ဆိတ်သွားပြီး လူတိုင်း ပင်လယ်ကို လှမ်းကြည့်လိုက်ကြသည်။ မူမျိုးနွယ်စုဝင်များပင်လျှင် အံ့အားသင့်သွားပြီး အခြေအနေကို လေးလေးနက်နက် ထားရတော့သည်။</p> <p>ယွင်ရှောင်က စူးစိုက်ကြည့်လိုက်ရာ ပင်လယ်ပေါ်တွင် ရွှေရောင်အလင်း ပေါ်ထွက်လာသည်ကို မြင်လိုက်ရသည်။ သိုင်းပညာရှင်သုံးယောက်မှာ လှိုင်းများပေါ်တွင် တိုက်ရိုက် လျှောက်လှမ်းလာပြီး ပင်လယ်ကို ဖြတ်ကျော်ကာ သူ့ထံသို့ တဟုန်ထိုး ပြေးလာကြသည်။</p> <p>သူ၏အရှိန်မှာ အလွန်လျင်မြန်ပြီး ပျံသန်းခြင်းနှင့်ပင် မနှိုင်းယှဉ်နိုင်တော့ပေ။</p> <p>"ဝိုး သူတို့ အရမ်းခန့်ညားတာပဲ။ သူတို့ အောင်းမျိုးနွယ်စုကနေ တိုက်ရိုက် လာတာလား”</p> <p>"ဖြစ်နိုင်ခြေများတယ်။ အောင်းမျိုးနွယ်စုက အဓိကအားဖြင့် ခန္ဓာကျင့်စဉ်တွေကို အာရုံစိုက်ကြတယ်၊ ပင်လယ်ကို ဖြတ်ကျော်ပျံသန်းတာကလည်း ကျင့်ကြံခြင်းပုံစံတစ်မျိုးပဲ”</p> <p>"အောင်းချန်ခုံး ရောက်လာပြီလား မသိဘူး။ သူက ကမ္ဘာပေါ်မှာ အားအကောင်းဆုံးလူပဲ။ သူ့ကို တွေ့ချင်လိုက်တာ”</p> <p>အမျိုးမျိုးသော ဆွေးနွေးမှုများ ပေါ်ထွက်လာပြီး လူအုပ်၏ စိတ်လှုပ်ရှားမှုမှာ အထွတ်အထိပ်သို့ ရောက်ရှိသွားသည်။</p> <p>ယွင်ရှောင်က ခါးသက်သက် ပြုံးကာ ခေါင်းခါလိုက်သည်။ အောင်းချန်ခုံး၏ အရိပ်အယောင်ပင် မရှိပေ။</p> <p> သုံးယောက်ထဲတွင် နှစ်ယောက်မှာ ဝဝ ပိန်ပိန် ကိုယ်တော်များဖြစ်ကြပြီး အခြားတစ်ယောက်မှာ ရွှေရောင်အလင်းဖြင့် ဖုံးလွှမ်းနေသော လူငယ်တစ်ယောက်ဖြစ်သည်။ ထိုလူငယ်မှာ ဤတစ်ကြိမ်တွင် ပြိုင်ပွဲဝင် ဖြစ်နိုင်ခြေအများဆုံးဖြစ်သည်။</p> <p style="text-align:center"> </p> <p style="text-align:center"> </p> <p style="text-align:center"> </p> <p style="text-align:center">***</p>


Save