Book List

<h2 style="text-align: center;">အခန်း (၃၉၂)</h2> <h2 style="text-align: center;">ထိပ်တန်း ဝိညာဉ်အမြစ်၊ အထူး ခန္ဓာကိုယ်ဖွဲ့စည်းပုံ (အပိုင်း ၆)</h2> <h2 style="text-align: center;">*</h2> <p> </p> <p> </p> <p> </p> <p> </p> <p>~ဤနေရာသည် မြေဆရာ မာမိသားစု ၏ မျိုးနွယ်စု ပိုင်နက်ဖြစ်သော "မီထျန်းလင်" ဖြစ်သည်။</p> <p> </p> <p>စုယွီသည် အတင်းအဓမ္မ ကျူးကျော်ဝင်ရောက်ခြင်း မပြုဘဲ တလေးတစား အော်ဟစ်လိုက်သည်။</p> <p> </p> <p>“တာအိုမိတ်ဆွေ ရှီချင်း... ကျွန်တော် စုယွီပါ... မမျှော်လင့်ဘဲ ရောက်လာမိတဲ့အတွက် တောင်းပန်ပါတယ်... ခင်ဗျားကို တွေ့ခွင့်တောင်းခံချင်လို့ပါ...”</p> <p> </p> <p>“ဝှစ်”</p> <p> </p> <p>သိပ်မကြာခင်မှာပင်...</p> <p> </p> <p>ထူထပ်သော မြူခိုးများ ဖုံးလွှမ်းနေသည့် တောင်တန်းကြီးတွင် ဝင်ပေါက်တစ်ခု ရုတ်တရက် ပေါ်လာ၏။ မြူခိုးများ နှစ်ခြမ်းကွဲသွားပြီး၊ တောင်ပေါ်သို့ တက်ရောက်နိုင်သော ကျောက်ခင်းလမ်းလေး တစ်လမ်း ပေါ်လာလေသည်။</p> <p> </p> <p>တစ်ချိန်တည်းမှာပင် မာရှီချင်း၏ အသံ ထွက်ပေါ်လာသည်။</p> <p> </p> <p>“တာအိုမိတ်ဆွေ စု ပါလား... ရှားရှားပါးပါး ဧည့်သည်တော်ကြီးကို ကြိုဆိုပါတယ်... မြန်မြန် ဝင်လာခဲ့ပါ...”</p> <p> </p> <p>တာအိုရုပ်သေး၏ ပုံရိပ်သည် တစ်ချက် လက်ခနဲ ဖြစ်သွားပြီး မီထျန်းလင် အတွင်းသို့ ဝင်ရောက်သွားလေ၏။</p> <p> </p> <p>စုယွီ ဝင်ရောက်သွားသည်နှင့် တပြိုင်နက် နှစ်ခြမ်းကွဲနေသော မြူခိုးများသည် ပြန်လည် ပိတ်ဆို့သွားပြီး၊ ပြင်ပကမ္ဘာနှင့် အဆက်အသွယ် ပြတ်တောက်ကာ တိတ်ဆိတ်ငြိမ်သက်သွားပြန်သည်။</p> <p> </p> <p>စုယွီ ရှေ့ဆက် လျှောက်သွားလိုက်၏။ ခြေတစ်လှမ်း လှမ်းလိုက်တိုင်း ပေတစ်ရာခန့် ရွေ့လျားသွားသကဲ့သို့ ဖြစ်နေသည်။ မည်သည့် ထွက်ပြေးခြင်း နည်းစနစ်ကိုမျှ အသုံးပြုမထားသော်လည်း သူ၏ သွားနှုန်းသည် မနှေးကွေးလှပေ။</p> <p> </p> <p>မကြာမီ အချိန်အတွင်းမှာပင် သိပ်မကြီးမားလှသော စံအိမ်ကြီး တစ်ခု စုယွီ၏ ရှေ့တွင် ပေါ်လာသည်။</p> <p> </p> <p>ဒီစံအိမ်ကြီးသည် (၁) မိုင်ခန့်သာ ကျယ်ဝန်းပြီး၊ တောင်ကြားထဲတွင် တည်ဆောက်ထားသော သာမန် သူဌေးကြီး တစ်ယောက်၏ အိမ်နှင့် မခြားနားလှပေ။</p> <p> </p> <p>စံအိမ်၏ ပတ်ပတ်လည်တွင် ရှေးဟောင်း သစ်ပင်ကြီးများ ဝန်းရံထားသည်။</p> <p> </p> <p>စံအိမ်ကို ကြည့်ရင်း စုယွီ၏ မျက်လုံးထဲတွင် အံ့သြရိပ် အနည်းငယ် ယှက်သန်းသွားသည်။</p> <p> </p> <p>‘သေးလိုက်တာ...’</p> <p> </p> <p>ဒါသည် သူ၏ မာမိသားစုသို့ ပထမဆုံး အကြိမ် လာရောက်လည်ပတ်ခြင်း ဖြစ်သည်။</p> <p> </p> <p>ယခင်က မာမိသားစုတွင် မိသားစုဝင် အနည်းငယ်သာ ရှိသည်ဟု ကြားဖူးသော်လည်း၊ ဒီလောက်ထိ နည်းလိမ့်မည်ဟု ထင်မထားခဲ့ပေ။</p> <p> </p> <p>စံအိမ်တစ်ခုလုံး၏ အရှိန်အဝါအရ လူဦးရေ (၁၀၀) ပင် ပြည့်မည့်ပုံ မပေါ်ပေ။</p> <p> </p> <p>စုယွီ စံအိမ်ရှေ့သို့ ရောက်သောအခါ မာရှီချင်းသည် တံခါးဝတွင် စောင့်ဆိုင်းနေလေပြီ။ မီးခိုးရောင် ဝတ်ရုံပါးပါးလေးကို ဝတ်ဆင်ထားပြီး၊ ငွေရောင် ဆံပင်များနှင့် မျက်နှာပေါ်မှ အရေးအကြောင်းများကြောင့် အဝေးမှ ကြည့်လျှင် သာမန် အဘိုးအို တစ်ယောက်နှင့် တူနေ၏။</p> <p> </p> <p>သို့သော် မာရှီချင်း၏ တကယ့် အသက်အရွယ်သည် စုယွီနှင့် သိပ်မကွာခြားလှပေ။</p> <p> </p> <p>မာရှီချင်း တစ်ယောက်တည်း စောင့်နေခြင်း မဟုတ်ဘဲ၊ သူ့နောက်တွင် မိသားစုဝင် အနည်းငယ် ပါရှိသည်။ ဆံပင်ဖြူဖြူနှင့် အဘိုးအိုများ ပါဝင်သလို၊ ဆံပင်နက်နက်နှင့် လူလတ်ပိုင်းများလည်း ရှိနေ၏။ လူငယ်မျိုးဆက် အနေဖြင့် ဆယ်ကျော်သက် အရွယ် မိန်းကလေးငယ် တစ်ဦးသာ ပါဝင်သည်။</p> <p> </p> <p>မာရှီချင်း၏ နောက်တွင် ပုန်းနေသော ထိုမိန်းကလေးငယ်သည် စုယွီ ရောက်လာသောအခါ ခေါင်းတစ်ဝက်လောက် ပြူထွက်ကြည့်ရဲရုံသာ ရှိ၏။ အသက်အရွယ် ငယ်ရွယ်သော်လည်း သူမ၏ ကြီးထွားနှုန်းက မဆိုးလှပေ။ ခြေတံရှည်ရှည်လေးများ ပိုင်ဆိုင်ထားသည်။</p> <p> </p> <p>စုယွီ ရောက်လာသည်ကို မြင်သောအခါ မာရှီချင်း၏ မျက်လုံးထဲတွင် အံ့သြရိပ် အနည်းငယ် ဖြတ်သန်းသွားပြီး ပြောလိုက်သည်။</p> <p> </p> <p>“တာအိုမိတ်ဆွေ စု... ဒါ ခင်ဗျားရဲ့ ခန္ဓာကိုယ် အစစ် မဟုတ်ဘူး ထင်တယ်...”</p> <p> </p> <p>ထိုအခါ၊ စုယွီသည် မာရှီချင်းနှင့် အခြားသူများ ရှေ့သို့ ရောက်ရှိသွားပြီး ပြုံးကာ နှုတ်ဆက်လိုက်၏။</p> <p> </p> <p>“တွေ့ရတာ ဝမ်းသာပါတယ် တာအိုမိတ်ဆွေတို့...”</p> <p> </p> <p>မာရှီချင်း၏ နောက်တွင် ရပ်နေသော မာမိသားစုဝင် အားလုံးသည် ရိုသေစွာဖြင့် ဦးညွှတ်လိုက်ကြသည်။</p> <p> </p> <p>“စီနီယာ စု ကို ဂါရဝပြုပါတယ် ခင်ဗျာ...”</p> <p> </p> <p>မာရှီချင်းမှလွဲ၍ ကျန်သူအားလုံးသည် အခြေခံတည်ဆောက်ခြင်း အဆင့် တွင်သာ ရှိကြသေးသည်။</p> <p> </p> <p>ထို့ကြောင့် သူတို့သည် ရိုင်းပျစွာ မပြုမူရဲကြပေ။</p> <p> </p> <p>မိန်းကလေးငယ်လေးကလည်း လူကြီးများ နည်းတူ စုယွီကို လေးလေးနက်နက် ဦးညွှတ်လိုက်၏။ သူမ၏ အသံလေးမှာ ကလေးဆန်နေဆဲပင်။</p> <p> </p> <p>“ထျန်းလင် က စီနီယာ စု ကို ဂါရဝပြုပါတယ် ရှင်...”</p> <p> </p> <p>“ရပါတယ်... အခမ်းအနားတွေ လုပ်မနေပါနဲ့...”</p> <p> </p> <p>စုယွီက ပြုံးရွှင်စွာ လက်ကာပြလိုက်ပြီး မာရှီချင်းဘက်သို့ ခေါင်းညိတ်ပြလိုက်သည်။</p> <p> </p> <p>“တာအိုမိတ်ဆွေ မာရဲ့ မျက်လုံးတွေက ထက်မြက်သားပဲ... ဟုတ်ပါတယ်... ဒါ ကျွန်တော့်ရဲ့ ရုပ်သေး ကိုယ်ခန္ဓာပါ...”</p> <p> </p> <p>“ဪ... ဒါကြောင့်ကိုး...”</p> <p> </p> <p>မာရှီချင်း သဘောပေါက်သွားပြီး ပြောလိုက်သည်။</p> <p> </p> <p>“တာအိုမိတ်ဆွေ စု က ရုပ်သေး ပညာရှင် တစ်ယောက်လို့ ကြားဖူးပါတယ်... ဒီနေ့မှပဲ မျက်မြင်ကိုယ်တွေ့ တွေ့ဖူးတော့တယ်... ခင်ဗျားရဲ့ ရုပ်သေးပညာက တကယ့်ကို အံ့မခန်းပါပဲဗျာ...”</p> <p> </p> <p>ထို့နောက် သူသည် လက်ဖြင့် လမ်းပြကာ ဖိတ်ခေါ်လိုက်သည်။</p> <p> </p> <p>“တာအိုမိတ်ဆွေ စု... အထဲ ဝင်ကြတာပေါ့...”</p> <p> </p> <p>စုယွီသည် မာရှီချင်း၏ နောက်မှ လိုက်ပါ၍ မာမိသားစု စံအိမ်ကြီး အတွင်းသို့ ဝင်ရောက်လာခဲ့၏။ တံခါးခုံကို ကျော်ဖြတ်လိုက်သည်နှင့် တတိယအဆင့် ဝိညာဉ်သွေးကြော နီးပါး သိပ်သည်းလှသော ဝိညာဉ်စွမ်းအင်များ ဆီးကြို ဝင်ရောက်လာသည်ကို ခံစားလိုက်ရသည်။</p> <p> </p> <p>မာရှီချင်းက ရှင်းပြသည်။</p> <p> </p> <p>“တကယ်တော့ မီထျန်းလင် ဆိုတာ သာမန် ဒုတိယအဆင့် ဝိညာဉ်သွေးကြော ရှိတဲ့ နေရာလေးပါ... ဒါပေမဲ့ ကံကောင်းတာက ကျွန်တော်တို့ မာမိသားစုက မီထျန်းလင်ကို မျိုးဆက်ပေါင်းများစွာ ပြုပြင်မွမ်းမံလာခဲ့ကြတာလေ... ဒါကြောင့် စံအိမ်ကြီး အတွင်းမှာတော့ ကျင့်ကြံဖို့အတွက် ကောင်းချီးမင်္ဂလာ မြေနေရာ တစ်ခုလို့ ပြောလို့ ရတာပေါ့...”</p> <p> </p> <p>စံအိမ်အတွင်းသို့ ရောက်ရှိပြီး ဧည့်ခန်းမဆောင်သို့ ရောက်သောအခါ၊ မာရှီချင်းသည် စုယွီအား မာမိသားစု ခေါင်းဆောင်နှင့် အကြီးအကဲ အချို့ကို မိတ်ဆက်ပေးသည်။</p> <p> </p> <p>မိတ်ဆက်ပေးပြီးနောက် သူတို့အားလုံး ယဉ်ကျေးစွာဖြင့် ပြန်လည် ထွက်ခွာသွားကြ၏။</p> <p> </p> <p>သို့သော် မာမိသားစုမှ မိန်းကလေးငယ် "မာထျန်းလင်"ကိုတော့ မာရှီချင်းက လက်ဖက်ရည် တည်ခင်းဧည့်ခံရန် ချန်ထားရစ်ခဲ့သည်။</p> <p> </p> <p>မာရှီချင်းသည် စုယွီကို ကြည့်ကာ မေးလိုက်သည်။</p> <p> </p> <p>“တာအိုမိတ်ဆွေ စု လာရောက်လည်ပတ်တဲ့ အကြောင်းရင်းကို ကျွန်တော် မသိရသေးဘူး... ဘာကိစ္စများ ရှိလို့လဲ ခင်ဗျာ...”</p> <p> </p> <p>စုယွီ ခဏမျှ စဉ်းစားလိုက်ပြီး မာရှီချင်းကို ကြည့်ကာ ပြောလိုက်၏။</p> <p> </p> <p>“ကျွန်တော် ဒီကို လာခဲ့တာက တာအိုမိတ်ဆွေ မာ ဆီမှာ တတိယအဆင့် အခင်းအကျင်း ပညာရှင် အမွေအနှစ်များ ရှိမလားလို့ မေးချင်လို့ပါ... တကယ်လို့ ရှိတယ်ဆိုရင် ကုန်ပစ္စည်းချင်း လဲလှယ်တာမျိုး လုပ်လို့ ရမလားလို့ပါ...”</p> <p> </p> <p>မာရှီချင်း မျက်ခုံးအနည်းငယ် ပင့်သွားသည်။ ဒါက နည်းနည်းတော့ ရိုင်းပျသည််ဟု ဆိုနိုင်ပေမယ့်၊ သူက စိတ်မဆိုးသည့်အပြင် စုယွီကို အံ့သြစွာ ကြည့်လိုက်မိသည်။</p> <p> </p> <p>“တာအိုမိတ်ဆွေ စု က တတိယအဆင့် အဆင့်နိမ့် ဆေးပညာရှင်၊ တတိယအဆင့် အဆင့်နိမ့် အဆောင်လက်ဖွဲ့ ပညာရှင်... ပြီးတော့ ရုပ်သေး ပညာရှင် တစ်ယောက် ဖြစ်တယ်လို့ ကျွန်တော် ကြားဖူးပါတယ်... အခု တတိယအဆင့် အခင်းအကျင်း ပညာရှင် အမွေအနှစ်ကို လိုချင်တယ် ဆိုတော့... ခင်ဗျားက အခင်းအကျင်း ပညာရှင်လည်း ဖြစ်နေသေးတာလား...”</p> <p> </p> <p>စုယွီက ပြန်ဖြေလိုက်၏။</p> <p> </p> <p>“ရယ်စရာ ဖြစ်သွားပြီ ဗျာ... ကျွန်တော်က တံခါးပိတ် ကျင့်ကြံနေတာ ကြာပြီဆိုတော့ လုပ်စရာ မရှိတာနဲ့ အခင်းအကျင်း လမ်းစဉ်ကို လေ့လာဖြစ်သွားတာပါ...”</p> <p> </p> <p>“လောလောဆယ်တော့ ကျွန်တော်က ဒုတိယအဆင့် အခင်းအကျင်း ပညာရှင် အဆင့်လောက်ပဲ ရှိပါသေးတယ်...”</p> <p> </p> <p>မာရှီချင်း: “...”</p> <p> </p> <p>အားလပ်ချိန်မှာ အပျင်းပြေ လေ့လာတာတဲ့လား။</p> <p> </p> <p>လက်ဖက်ရည် ငှဲ့ပေးနေသော မာထျန်းလင်လေးသည် စုယွီကို မျက်လုံးပြူးကာ ငေးကြည့်နေမိ၏။</p> <p> </p> <p> </p> <p> </p> <p> </p> <p>သူမ၏ ခေါင်းထဲတွင် "ဆေးပညာရှင်" ၊ "အဆောင်လက်ဖွဲ့ ပညာရှင်" ၊ "ရုပ်သေး ပညာရှင်" နှင့် ယခု "အခင်းအကျင်း ပညာရှင်" ဆိုသော စကားလုံးများ တန်းစီ ပေါ်လာသည်။</p> <p> </p> <p>ဒီ စီနီယာကြီးက ဘယ်လိုတောင် ကျင့်ကြံတာပါလိမ့်။</p> <p> </p> <p>မာရှီချင်း အချိန်အတော်ကြာ စဉ်းစားနေသည်။</p> <p> </p> <p> </p> <p> </p> <p>သူ့အမူအရာက စုယွီကို မျှော်လင့်ချက် ရှိစေသည်။ မာမိသားစုမှာ တတိယအဆင့် အခင်းအကျင်း ပညာရှင် အမွေအနှစ် တကယ်ပဲ ရှိနေတာများလား။</p> <p> </p> <p>ထိုအချိန်တွင် မာရှီချင်းသည် မာထျန်းလင်ကို တစ်ချက် လှမ်းကြည့်လိုက်ပြီး စုယွီဘက်သို့ လှည့်ကာ ပြောလိုက်၏။</p> <p> </p> <p>“ကျွန်တော့်ဆီမှာ တတိယအဆင့် အဆင့်နိမ့် အခင်းအကျင်း ပညာရှင် အမွေအနှစ် တစ်ခုတော့ ရှိပါတယ်... ဒါပေမဲ့ တာအိုမိတ်ဆွေ စု က တကယ် လိုချင်တယ် ဆိုရင်တော့... ကျွန်တော့်မှာ ရဲတင်းတဲ့ တောင်းဆိုမှု တစ်ခု ရှိပါတယ်...”</p> <p> </p> <p>စုယွီ အံ့သြသွားပြီး ပြန်ပြောလိုက်သည်။</p> <p> </p> <p>“တာအိုမိတ်ဆွေ မာ... ပြောပါ ခင်ဗျာ...”</p> <p> </p> <p>မာရှီချင်းက မာထျန်းလင်ကို လက်ညှိုးထိုးပြပြီး ပြောလိုက်သည်။</p> <p> </p> <p>“ထျန်းလင်လေးက ကျွန်တော်တို့ မာမိသားစု မျိုးဆက်တွေထဲမှာ ပါရမီ အရှိဆုံးပဲ... သူက အခု (၁၁) နှစ် ရှိပြီ... မြေကမ္ဘာအဆင့် ရေဝိညာဉ်အမြစ်ကို ပိုင်ဆိုင်ထားပြီး၊ ထူးခြားတဲ့ ဝိညာဉ်ခန္ဓာကိုယ် တစ်ခုဖြစ်တဲ့ ‘ဟွိုင်ယင်း ဝိညာဉ်ခန္ဓာ’ ကိုလည်း ပိုင်ဆိုင်ထားတယ်...”</p> <p> </p> <p>“သူ့ကို မြေဆရာ တစ်ယောက် ဖြစ်လာဖို့ ဘဝမြှုပ်နှံခိုင်းရမှာ ကျွန်တော် နှမြောမိတယ်... ဒါကြောင့် အခုထိ သူ့ကျင့်ကြံခြင်း အတွက် အခြေခံလောက်ပဲ ကျွန်တော် သင်ပေးထားတာပါ...”</p> <p> </p> <p>“ဒါကြောင့် ကျွန်တော် တောင်းဆိုချင်တာက... ထျန်းလင်လေးကို တပည့်အဖြစ် လက်ခံပေးပါ... တတိယအဆင့် အဆင့်နိမ့် အခင်းအကျင်း ပညာရှင် အမွေအနှစ်ကိုတော့ တပည့်လက်ခံတဲ့ လက်ဆောင် အနေနဲ့ ကျွန်တော် ပေးပါ့မယ်...”</p> <p> </p> <p>မြေကမ္ဘာအဆင့် ဝိညာဉ်အမြစ်... ပြီးတော့ အထူး ခန္ဓာကိုယ်ဖွဲ့စည်းပုံ ဟွိုင်ယင်း ဝိညာဉ်ခန္ဓာ လား...</p> <p> </p> <p>စုယွီ အလွန်အမင်း အံ့သြသွားပြီး လက်ဖက်ရည် ငှဲ့ပေးနေသော မိန်းကလေးငယ်ကို လှမ်းကြည့်လိုက်၏။</p> <p> </p> <p>မာထျန်းလင်၏ ခန္ဓာကိုယ်မှ ကျင့်ကြံခြင်း အရှိန်အဝါ ဘာလို့ မထွက်ပေါ်နေသလဲ ဆိုတာကို သူ အစကတည်းက ထူးဆန်းနေခဲ့၏။</p> <p> </p> <p>သူမက ကျင့်ကြံခြင်း မစရသေးလို့ကိုး။</p> <p> </p> <p>မြေကမ္ဘာအဆင့် ဝိညာဉ်အမြစ် ရှိတာကို ခဏထားလိုက်။</p> <p> </p> <p>တာ့ယွဲ့ နယ်မြေမှာ မြေကမ္ဘာအဆင့် ဝိညာဉ်အမြစ် ရှိသူတွေ ရှိပါသည်။ လော့ချန်ယွီ၊ နတ်သမီး ဖုန်းလင်း နှင့် တာအိုဆရာ ရှုဟိုင် တို့အားလုံး မြေကမ္ဘာအဆင့် ဝိညာဉ်အမြစ် ပါရမီရှင်တွေ ဖြစ်လောက်၏။</p> <p> </p> <p>သို့သော်၊ အထူး ခန္ဓာကိုယ်ဖွဲ့စည်းပုံ ဆိုတာကတော့... ဒါ စုယွီ ပထမဆုံး အကြိမ် ကြုံဖူးခြင်း ဖြစ်သည်။</p> <p> </p> <p>‘ဒါပေမဲ့ သူမကို တပည့်အဖြစ် လက်ခံရမယ် လား’</p> <p> </p> <p>စုယွီ မျက်မှောင် အနည်းငယ် ကြုတ်သွားပြီး တွန့်ဆုတ်နေမိသည်။</p> <p> </p> <p>မာရှီချင်းသည် နားမလည်နိုင် ဖြစ်နေသော မာထျန်းလင်ကို ကြည့်ရင်း ဆက်ပြောလာ၏။</p> <p> </p> <p>“ဟွိုင်ယင်း ခန္ဓာကိုယ် ဆိုတာ တော်တော်လေး ထူးခြားတယ်... ကျွန်တော့် သုတေသန အရ ဆိုရင်တော့ အကျိုးကျေးဇူးတွေ အများကြီး ရှိတယ်... အထူးသဖြင့်...”</p> <p> </p> <p>မာရှီချင်း စကားကို ခဏရပ်လိုက်ပြီး အသံလွှဲပြောင်းစနစ်ဖြင့် စုယွီကို တိတ်တဆိတ် ပြောလိုက်သည်။</p> <p> </p> <p>“အထူးသဖြင့် စုံတွဲကျင့်ကြံခြင်း မှာပေါ့... ရှေးဟောင်း မှတ်တမ်းတွေအရ ဟွိုင်ယင်း ဝိညာဉ်ခန္ဓာ ပိုင်ရှင်တွေက မူလဝိညာဉ် အဆင့် အရှင်သခင်ကြီး ဖြစ်လာမှ သူတို့ရဲ့ ဝိညာဉ်ခန္ဓာကို အပြည့်အဝ ထိန်းချုပ်နိုင်ကြတာ... သူတို့ရဲ့ ခန္ဓာကိုယ် ဖွဲ့စည်းပုံက ကျင့်ကြံခြင်းအတွက် အများကြီး အထောက်အကူ ဖြစ်စေတယ်...”</p> <p> </p> <p>“တကယ်လို့ ထျန်းလင်လေးသာ မြေဆရာ တစ်ယောက် အနေနဲ့ ကျင့်ကြံလိုက်ရင် သူ့ပါရမီတွေ ပျောက်ဆုံးသွားလိမ့်မယ်...”</p> <p> </p> <p>“ဒါပေမဲ့ တာအိုမိတ်ဆွေ စု လည်း ကျွန်တော့် အခြေအနေကို သိမှာပါ... ကျွန်တော့် သက်တမ်းက ဘယ်လောက် ကျန်တော့မယ်မှန်း မသိဘူး... ဒါကြောင့် ထျန်းလင်လေး အတွက် ဆရာကောင်း တစ်ယောက် ရှာပေးချင်တာပါ...”</p> <p> </p> <p>“တာအိုမိတ်ဆွေ စု က ဓာတ်ကြီးငါးပါး ကျင့်စဉ်ကို ကျင့်ကြံတယ်... ထျန်းလင်လေးက မြေကမ္ဘာအဆင့် ရေဝိညာဉ်အမြစ် ရှိတယ်... ဒါကြောင့် တာအိုမိတ်ဆွေ စု က သူ့အတွက် ဆရာကောင်း တစ်ယောက် ဖြစ်လာမယ်လို့ ကျွန်တော် ယုံကြည်တယ်...”</p> <p> </p> <p>“ခင်ဗျားရဲ့ စိတ်ဓာတ်နဲ့ ပတ်သက်ပြီးတော့လည်း ကျွန်တော် သံသယ မရှိပါဘူး...”</p> <p> </p> <p>“ခင်ဗျားရဲ့ စွမ်းအားနဲ့ ဆိုရင် ထျန်းလင်လေး ကြီးပြင်းလာတဲ့အထိ ကာကွယ် စောင့်ရှောက်ပေးနိုင်မှာပါ...”</p> <p> </p> <p>“ဒါ ကျွန်တော့်ရဲ့ တစ်ခုတည်းသော တောင်းဆိုမှုပါပဲ...”</p> <p> </p> <p>စုယွီ အနေဖြင့် ထိုခန္ဓာကိုယ် ဖွဲ့စည်းပုံ အကြောင်း သိပ်မသိပေ။ သို့သော် မာမိသားစုမှ မိန်းကလေးငယ်၏ ပါရမီကတော့ ငြင်းမရနိုင်လောက်အောင် ကောင်းမွန်လွန်း၏။</p> <p> </p> <p>သို့သော်၊...</p> <p> </p> <p>စုယွီသည် မာရှီချင်းကို ကြည့်ကာ ခဏမျှ စဉ်းစားပြီးနောက် ဂရုတစိုက် ပြောလိုက်သည်။</p> <p> </p> <p>“ကျွန်တော်က တပည့် လက်မခံချင်တာ မဟုတ်ပါဘူး... ဒါပေမဲ့ တစ်နေ့ကျရင် ကျွန်တော် တာ့ယွဲ့ နယ်မြေကနေ ထွက်ပြီး တခြားနေရာတွေမှာ သွားကျင့်ကြံ ဖြစ်ချင် ဖြစ်ဦးမှာ...”</p> <p> </p> <p>“အဲဒီအချိန်ကျရင် သူ့ကို စောင့်ရှောက်ဖို့ ခက်ခဲလိမ့်မယ်...”</p> <p> </p> <p>မာရှီချင်း အံ့သြသွား၏။ ခဏမျှ တိတ်ဆိတ်သွားပြီးနောက် မေးလိုက်သည်။</p> <p> </p> <p>“တာအိုမိတ်ဆွေ က ဘယ်အချိန်လောက် ထွက်ခွာဖို့ စိတ်ကူးထားလဲ...”</p> <p> </p> <p>စုယွီ ခေါင်းကို ဖြည်းညှင်းစွာ ယမ်းလိုက်ပြီး ပြန်ပြောလိုက်၏။</p> <p> </p> <p>“ကျွန်တော်လည်း မသိသေးဘူး... ဖြစ်နိုင်တာကတော့ ဆယ်စုနှစ် အနည်းငယ်လောက် ကြာဦးမယ် ထင်တယ်...”</p> <p> </p> <p>ထိုအချိန်တွင် မာရှီချင်း မတ်တတ်ထရပ်လိုက်သည်။ သူ့လက်ထဲတွင် ကျောက်စိမ်းပြား တစ်ခု ပေါ်လာ၏။ သူသည် စုယွီကို ဦးညွှတ်ပြီး ကျောက်စိမ်းပြားကို ကမ်းပေးလိုက်သည်။</p> <p> </p> <p>“ဒါဆိုရင်လည်း... တာအိုမိတ်ဆွေ အနေနဲ့ ထျန်းလင်လေးကို တပည့်အဖြစ် လက်ခံပေးပါလို့ ကျွန်တော် မျှော်လင့်ပါတယ်... ဆယ်စုနှစ် အနည်းငယ်လောက်ပဲ လမ်းပြပေးရင်တောင် လုံလောက်ပါပြီ...”</p> <p> </p> <p>“အဲဒီအချိန်ကျရင် ခင်ဗျားရဲ့ ကျင့်ကြံခြင်း အဆင့်နဲ့ ဩဇာအာဏာကြောင့်၊ ထျန်းလင်လေး တာ့ယွဲ့ နယ်မြေထဲမှာ ကျန်ရစ်ခဲ့ရင်တောင် လုံခြုံမှု ရှိနေမှာပါ...”</p> <p> </p> <p>စုယွီ စကားပြန်ပြောရန် ပြင်လိုက်စဉ်မှာပင်၊ သူနှင့် မာရှီချင်းတို့၏ မျက်နှာထားများ ရုတ်တရက် ပြောင်းလဲသွားပြီး၊ မီထျန် တောင်တန်း၏ အပြင်ဘက်သို့ ရုတ်တရက် လှမ်းကြည့်လိုက်ကြ၏။</p> <p> </p> <p>မီထျန် တောင်တန်း၏ အပြင်ဘက်တွင် အလွန်တရာ အစွမ်းထက်သော မိစ္ဆာအရှိန်အဝါကြီး သုံးခု ရုတ်တရက် ပေါက်ကွဲထွက်ပေါ်လာသည်ကို သူတို့ အာရုံခံမိလိုက်ကြ၏။</p> <p> </p> <p>မိုးထိအောင် မြင့်မားသော မိစ္ဆာချီစွမ်းအင် လှိုင်းလုံးကြီးများသည် မီထျန် တောင်တန်း တစ်ခုလုံးကို ချက်ချင်း ဖိနှိပ် လွှမ်းမိုးလိုက်သည်။</p> <p> </p> <p>တစ်ချိန်တည်းမှာပင် အေးစက်သော နှာခေါင်းရှုံ့သံ တစ်ခု ပဲ့တင်ထပ်သွား၏။</p> <p> </p> <p>“ဟွန့်...”</p> <p> </p> <p>“မာမိသားစုရဲ့ မြေဆရာ...”</p> <p> </p> <p>အိုမင်းသော အသံကြီး တစ်သံ ထွက်ပေါ်လာသည်။</p> <p> </p> <p>“တာအိုမိတ်ဆွေ မာရှီချင်း အထဲမှာ ရှိနေမယ်လို့ ကျုပ် ယူဆပါတယ်... ကျွန်တော်က ကိုးဝိညာဉ် မိစ္ဆာ တောင်တန်း (မိစ္ဆာ တောင်ထွတ် ကိုးခု) ၊ ဝိညာဉ်ကြွေ တောင်တန်းရဲ့ သခင် ဖြစ်ပါတယ်... မိစ္ဆာဘုရင်ကြီး ရွှမ်မင် ရဲ့ အမိန့်တော်အရ တာအိုမိတ်ဆွေ မာ ကို လာရောက် ဖိတ်ခေါ်ခြင်း ဖြစ်ပါတယ်...”</p> <p> </p> <p>“တာအိုမိတ်ဆွေ မာ... ကိုယ့်သဘောနဲ့ကိုယ် ထွက်လာတာ ပိုကောင်းပါလိမ့်မယ်... မဟုတ်ရင် ကျုပ်တို့ သုံးယောက် အတင်း ဝင်လာရရင်တော့ ယဉ်ကျေးနိုင်တော့မှာ မဟုတ်ဘူး...”</p> <p> </p> <p>“တာအိုမိတ်ဆွေ မာ အနေနဲ့ မာမိသားစု ပျက်စီးသွားတာကို မြင်ချင်မယ် မထင်ပါဘူး…”</p> <p> </p> <p> </p> <p> </p> <p> </p> <p>***</p> <p> </p>


Save