Book List

<h2 style="text-align: center;">အခန်း (၃၉၃)</h2> <h2 style="text-align: center;">မိစ္ဆာကျဆုံးခြင်း၊ ရွှေအမြုတေ အလယ်အလတ်အဆင့်</h2> <h2 style="text-align: center;">*</h2> <p> </p> <p> </p> <p> </p> <p>~မီယွင် တောင်တန်း၏ အပြင်ဘက်။</p> <p> </p> <p>အနက်ရောင် အလင်းတန်း သုံးခု ကောင်းကင်မှ ရုတ်တရက် သက်ဆင်းလာပြီးနောက်၊ ခန္ဓာကိုယ် ထွားကျိုင်းသော လူသန်ကြီး တစ်ဦး၊ ဆံပင်ဖြူဖြူ အဘိုးအို တစ်ဦးနှင့် အနက်ရောင် ဇာပါး ဝတ်ရုံတိုလေးကို ဝတ်ဆင်ထားသော ညှို့ဓာတ်ပြင်းသည့် အမျိုးသမီး တစ်ဦးတို့ ပေါ်ထွက်လာကြ၏။</p> <p> </p> <p>ထိုလူသန်ကြီး၏ မျက်နှာထားသည် အေးစက်ခက်ထန်နေသည်။ သူ ပေါ်လာသည်နှင့် တပြိုင်နက် ဖိနှိပ်ထားသော မိစ္ဆာချီစွမ်းအင်များသည် ဒီရေလှိုင်းလုံးကြီး ပမာ သူ့ခန္ဓာကိုယ်မှ ပေါက်ကွဲထွက်ပေါ်လာပြီး ရှေ့ရှိ မီယွင် တောင်တန်းဆီသို့ တိုးဝင်ရိုက်ခတ်သွားလေ၏။</p> <p> </p> <p>“ဝုန်း...”</p> <p> </p> <p>မျက်စိတစ်မှိတ် အတွင်းမှာပင်...</p> <p> </p> <p>ကြောက်မက်ဖွယ် ကောင်းလှသော မိစ္ဆာချီစွမ်းအင်များသည် မီယွင် တောင်တန်း တစ်ခုလုံးကို လွှမ်းခြုံသွားသည်။ သိပ်သည်းသော တိမ်မည်းကြီးများ ပမာ မီယွင် တောင်တန်း တစ်ခုလုံးကို ကြီးမားသော မိစ္ဆာစွမ်းအားနှင့် သွေးညှီနံ့ ရနေသော မကောင်းဆိုးဝါး အရှိန်အဝါများဖြင့် ဖိနှိပ်လိုက်၏။</p> <p> </p> <p>မြေကြီးများ တုန်ခါသွားသည်။</p> <p> </p> <p>မရေမတွက်နိုင်သော ငှက်များသည် ကြောက်လန့်တကြားဖြင့် တောအုပ်ထဲမှ ပျံသန်း ထွက်ပြေးကြပြီး ဆွေးမြေ့ဖွယ်ရာ အော်ဟစ်မြည်တမ်း နေကြလေ၏။</p> <p> </p> <p>လွန်ခဲ့သော နှစ်များစွာက မိစ္ဆာဘုရင် ရွှမ်မင် စတင် ပေါ်ပေါက်လာစဉ်က၊ ပထမဆုံး သစ္စာခံခဲ့သူမှာ ဤလူသန်ကြီးပင် ဖြစ်သည်။ သူသည် တစ်ချိန်က ကိုးဝိညာဉ် မိစ္ဆာ နန်းတော်၏ လက်အောက်ခံ ဝိညာဉ်ကြွေ တောင်တန်း ၏ သခင် ဖြစ်ခဲ့ဖူးသည်။</p> <p> </p> <p>နှစ်များစွာ ကြာလာသောအခါ သူသည် မိစ္ဆာဘုရင် ရွှမ်မင် နောက်သို့ လိုက်ပါကာ တိုက်ပွဲများစွာ ဆင်နွှဲခဲ့၏။ ကိုးဝိညာဉ် မိစ္ဆာ နန်းတော်နှင့် ထိုက်ရွှီ အင်မော်တယ် မဟာမိတ်အဖွဲ့တို့၏ လုပ်ကြံ တိုက်ခိုက်မှုများမှ အကြိမ်ကြိမ် အသက်ရှင် လွတ်မြောက်ခဲ့သူ ဖြစ်သည်။</p> <p> </p> <p>ထို့အတူ ခရီးသွားလာရင်း သူသည် အထူးပါရမီရှင်များနှင့် ကောင်းကင်ဘုံ၏ မျက်နှာသာပေးခံရသူများကို စုဆောင်းခဲ့သည်။</p> <p> </p> <p>ဥပမာအားဖြင့်... ထိုက်ရွှီ အင်မော်တယ် မဟာမိတ်အဖွဲ့ နယ်မြေထဲမှ ဝိညာဉ်ဆေးလုံး ဖော်စပ်နိုင်သော တတိယအဆင့် ဆေးပညာရှင် တစ်ဦးနှင့် ဝိညာဉ်အဆောင် လက်ဖွဲ့ ပြုလုပ်နိုင်သော တတိယအဆင့် အဆင့်နိမ့် အဆောင်လက်ဖွဲ့ ပညာရှင် တစ်ဦးတို့ကို ဖမ်းဆီး ခေါ်ဆောင်လာခဲ့၏။</p> <p> </p> <p>ယခုတစ်ကြိမ်တွင်မူ ဝိညာဉ်ကြွေ တောင်တန်း သခင်သည် မိစ္ဆာဘုရင် ရွှမ်မင် အတွက် မာမိသားစုမှ လူတစ်ဦးကို လာရောက် စုဆောင်းခြင်း ဖြစ်သည်။ ကောင်းကင်နှင့် မြေကြီးကို တုန်လှုပ်စေနိုင်သော တတိယအဆင့် အဆင့်နိမ့် မြေဆရာ မာရှီချင်းကို မျက်စိကျနေခြင်း ဖြစ်သည်။</p> <p> </p> <p>အကယ်၍သာ သူတို့ အောင်မြင်ခဲ့လျှင် ရွှမ်မင်၏ လက်အောက်ခံ အင်အားစုများသည် သေချာပေါက် အင်အားကြီးမားလာပေလိမ့်မည်။</p> <p> </p> <p>မြေဆရာ တစ်ယောက်၏ စွမ်းရည်ဖြင့် အရင်းအမြစ်များကို ရှာဖွေရသည်မှာ မခဲယဉ်းတော့ပေ။</p> <p> </p> <p>အရင်းအမြစ်များနှင့် အခွင့်အရေးများ ပေါများလာပါက သူတို့၏ ကျင့်ကြံခြင်း စွမ်းအားနှင့် မိစ္ဆာဘုရင်၏ တကယ့် စွမ်းရည်များသည် လျင်မြန်စွာ တိုးတက်လာနိုင်သည် မဟုတ်ပါလော။</p> <p> </p> <p>ထို့ပြင် မြေဆရာများသည် အာဏာလုပွဲများတွင် အရေးပါသော အခန်းကဏ္ဍမှ ပါဝင်ကြသည်။</p> <p> </p> <p>မြေကမ္ဘာ သွေးကြော အသီးသီး၏ စွမ်းအားကို အသုံးချခြင်းဖြင့်၊ နှစ်ဖက် တိုက်ခိုက်ကြသောအခါ စစ်ပွဲ၏ အဖြေကို အဆုံးအဖြတ် ပေးနိုင်သော အလှည့်အပြောင်းကို ဖန်တီးနိုင်စွမ်း ရှိကြသည်။</p> <p> </p> <p>ထိုအကြောင်းပြချက်များကြောင့် ဝိညာဉ်ကြွေ တောင်တန်း သခင်သည် မီယွင် တောင်တန်းသို့ ရောက်ရှိလာပြီး၊ မာရှီချင်းအား မိစ္ဆာဘုရင် ရွှမ်မင် ထံတွင် အမှုထမ်းရန် "ဖိတ်ခေါ်" လိုက်ခြင်း ဖြစ်၏။</p> <p> </p> <p>ယခုအချိန်တွင် ဝိညာဉ်ကြွေ တောင်တန်း သခင်၏ ကြီးမားလှသော မိစ္ဆာစွမ်းအားများသည် ရှေ့ရှိ မီယွင် တောင်တန်းကို တုန်လှုပ်သွားစေသည်။</p> <p> </p> <p>မီယွင် တောင်တန်းကို လွှမ်းခြုံထားသော ထူထဲသည့် မြူခိုးများသည် ချက်ချင်းပင် ပြင်းထန်စွာ လှုပ်ရှား ဆူပွက်သွားသော်လည်း လွင့်ပါးပျောက်ကွယ်သွားခြင်း မရှိပေ။ မီယွင် တောင်တန်းသည် မြူခိုးများထဲတွင် ဖုံးကွယ်နေဆဲ ဖြစ်ပြီး မည်သည့် လှုပ်ရှားမှုမျှ မပြပေ။</p> <p> </p> <p>“ဟင်...”</p> <p> </p> <p>ဝိညာဉ်ကြွေ တောင်တန်း သခင် အနည်းငယ် အံ့သြသွားရ၏။</p> <p> </p> <p> </p> <p> ဒီအခင်းအကျင်းရဲ့ စွမ်းအားက သိပ်မကြီးမားပါဘူး။ အလွန်ဆုံးရှိမှ တတိယအဆင့် အဆင့်နိမ့်လောက်ပါပဲ။</p> <p> </p> <p>ဒါပေမဲ့ ငါ့ရဲ့ ရွှေအမြုတေ အဆင့် (၆) ရှိတဲ့ မိစ္ဆာစွမ်းအားနဲ့တောင် ဒီအခင်းအကျင်းရဲ့ မြူခိုးတွေကို မဖြိုခွင်းနိုင်ဘူး ဟုတ်လား။</p> <p> </p> <p>ခဏမျှ အာရုံခံလိုက်ပြီးနောက် ဝိညာဉ်ကြွေ တောင်တန်း သခင်၏ မျက်လုံးများ အရောင်လက်သွားပြီး ရေရွတ်လိုက်၏။</p> <p> </p> <p>“စိတ်ဝင်စားစရာပဲ... အခင်းအကျင်း အများအပြားကို တောင်တန်းတစ်ခုလုံးနဲ့ ချိတ်ဆက်ပြီး တစ်သားတည်း ဖြစ်အောင် ပေါင်းစပ်ထားတာကိုး...”</p> <p> </p> <p>“ဒီမြေဆရာက သာမန် အခင်းအကျင်း ပညာရှင်တွေထက် ကိုင်တွယ်ရ ပိုခက်တာပဲ...”</p> <p> </p> <p>သို့သော် ဒီအခင်းအကျင်းလောက်နဲ့ သူ့ကို တားဆီးနိုင်မယ်လို့ ထင်နေရင်တော့ လျှော့တွက်ရာ ကျလိမ့်မည်။</p> <p> </p> <p>“ဝုန်း...”</p> <p> </p> <p>ဝိညာဉ်ကြွေ တောင်တန်း သခင်၏ စိတ်အာရုံ လှုပ်ရှားလိုက်သည်နှင့် တပြိုင်နက်၊ သူ့ဘေးတွင် အလံတစ်ခု ပေါ်လာ၏။ ထိုအလံသည် (၁၀) ပေခန့် ရှည်လျားပြီး အလံတိုင်ပေါ်တွင် သွေးရောင် အင်းကွက်များ ထွင်းထုထားရာ သရဲခေါင်းခွံများသဖွယ် ဖြစ်နေသည်။ အလံပေါ်တွင်မူ ကြောက်မက်ဖွယ်ကောင်းသော သရဲမျက်နှာများစွာ ပေါ်နေသည်။</p> <p> </p> <p>၎င်းသည် ဝိညာဉ်ကြွေ တောင်တန်း သခင်၏ "ဝိညာဉ်နုတ် သရဲတစ်သောင်း အလံ" ဖြစ်ပြီး သူ၏ အသက်ဝိညာဉ် လက်နက်လည်း ဖြစ်သည်။</p> <p> </p> <p>နှစ်ပေါင်း (၃၀၀) နီးပါး အတူတကွ ကျင့်ကြံလာခဲ့ပြီး၊ အစွမ်းထက် ကျင့်ကြံသူများနှင့် မိစ္ဆာ (၁၀၀၀) ကျော်၏ ဝိညာဉ်များကို သရဲများအဖြစ် သန့်စင် ထည့်သွင်းထား၏။</p> <p> </p> <p>သရဲတစ်သောင်း ပြည့်ရန် လိုအပ်နေသေးသော်လည်း၊ ဤအလံ၏ စွမ်းအားသည် သာမန် ထိပ်တန်း လက်နက်များထက် ကျော်လွန်နေပြီ ဖြစ်သည်။</p> <p> </p> <p>ဝိညာဉ်နုတ် သရဲတစ်သောင်း အလံ ပေါ်လာသည်နှင့် တပြိုင်နက် မီယွင် တောင်တန်း အပြင်ဘက် ကောင်းကင်ယံသည် သွေးရောင် တိမ်မည်းများ ဖုံးလွှမ်းသွား၏။ လေပြင်းများ တိုက်ခတ်လာပြီး စူးရှသော သရဲအော်သံများ ကောင်းကင်နှင့် မြေကြီးကြား ပဲ့တင်ထပ်သွားရာ၊ ဤနေရာသည် သရဲဘုံတစ်ခု အဖြစ်သို့ ပြောင်းလဲသွားသကဲ့သို့ပင်။</p> <p> </p> <p>“ဘုန်း...”</p> <p> </p> <p>ဝိညာဉ်ကြွေ တောင်တန်း သခင်သည် လက်သင်္ကေတ တစ်ခု ပြုလုပ်လိုက်ပြီး၊ ချက်ချင်းပင် အလံကြီးသည် အောက်ဘက် မြေကြီးပေါ်သို့ ထိုးကျသွားသည်။</p> <p> </p> <p>အလံ မြေစိုက်လိုက်သည်နှင့် တပြိုင်နက် မြေကြီး တုန်ခါသွား၏။</p> <p> </p> <p>ကြီးမားသော မိစ္ဆာချီစွမ်းအင်များ ကောင်းကင်သို့ ထိုးတက်သွားပြီး၊ အလံထဲမှ မရေမတွက်နိုင်သော သရဲများ အော်ဟစ်ကာ ပြေးထွက်လာကြသည်။</p> <p> </p> <p>သရဲကောင်ရေ သောင်းချီ ထွက်ပေါ်လာပြီး ဝိညာဉ်ကြွေ တောင်တန်း သခင်ကို ခဏတာ ဝန်းရံပြီးနောက်၊ ရှေ့ရှိ မီယွင် တောင်တန်းဆီသို့ တိုးဝင်သွားကြ၏။</p> <p> </p> <p>မီယွင် တောင်တန်း အတွင်း၌...</p> <p> </p> <p>မာရှီချင်း၏ မျက်နှာ ပျက်သွားသည်။ မီယွင် တောင်တန်းတွင် သူ ခင်းကျင်းထားသော အခင်းအကျင်းကြီး ရှိသည်။ တတိယအဆင့် အလယ်အလတ်တန်းစား အခင်းအကျင်း အဆင့် မရောက်သေးသော်လည်း၊ ရွှေအမြုတေ အဆင့် အလယ်အလတ်တန်းစား အရှင်သခင် တစ်ပါးကို ခုခံရန် ပြဿနာ မရှိဟု သူ ယုံကြည်ထား၏။</p> <p> </p> <p>သို့သော် ဤအခင်းအကျင်းကြီးသည် သရဲတစ္ဆေများ၏ စွမ်းအားကိုတော့ မခုခံနိုင်ပေ။</p> <p> </p> <p>သူ့မျက်နှာချင်းဆိုင်တွင် ထိုင်နေသော တာအိုရုပ်သေး၏ မျက်ဝန်းများ နက်မှောင်သွားသော်လည်း၊ မျက်နှာပေါ်တွင် "နေရောင်ခြည်" ကဲ့သို့ တောက်ပသော အပြုံးတစ်ခု ပေါ်လာသည်။</p> <p> </p> <p>ကမ္ဘာကြီးက ကျဉ်းလိုက်တာ။</p> <p> </p> <p>အရင်တုန်းက ဝိညာဉ်ကြွေ တောင်တန်းက မိစ္ဆာကျင့်ကြံသူရဲ့ ခြေရာကို ရှာမတွေ့ခဲ့။</p> <p> </p> <p>အခုတော့ သူတို့ကိုယ်တိုင် တံခါးဝထိ လာပို့နေကြပါလား။</p> <p> </p> <p>မာရှီချင်း၏ လေးနက်သော မျက်နှာထားနှင့် ကြောက်လန့်နေသော မိန်းကလေးငယ် မာထျန်းလင် တို့ကို ကြည့်ရင်း၊ စုယွီက တည်ငြိမ်စွာ ပြောလိုက်၏။</p> <p> </p> <p>“လွန်ခဲ့တဲ့ နှစ်တွေတုန်းက ထိုက်ရွှီ အင်မော်တယ် မဟာမိတ်အဖွဲ့က လူတွေ ကျွန်တော့် စုမိသားစုက ချန်ချင်း နဲ့ ချီလေး တို့ကို ဖမ်းဆီးသွားတုန်းက၊ ကျွန်တော့်ဆီက ရွှေပုစဉ်းရင်ကွဲ ကျင့်စဉ် ရဖို့ ခြိမ်းခြောက်ခဲ့ကြတာလေ...”</p> <p> </p> <p>“ကိုးဝိညာဉ် မိစ္ဆာ နန်းတော်က မိစ္ဆာတွေက အဲဒါကို မြင်ပြီး လိုက်တုကြတာ... ဒါပေမဲ့ သူတို့က ကျွန်တော့် မိသားစုရဲ့ တိုက်ရိုက် သွေးမျိုးဆက်တွေကို မဖမ်းနိုင်ခဲ့ကြဘူး... ဘာလို့လဲဆိုတော့ တာအိုမိတ်ဆွေ လော့ က ယွင်ကျန်းဂိုဏ်းကို ခေါ်သွားခဲ့လို့လေ...”</p> <p> </p> <p>“ဒါကြောင့် နောက်ဆုံးတော့ ကိုးဝိညာဉ် မိစ္ဆာ နန်းတော်က လူတွေက စုမိသားစုရဲ့ သာမန် ဆွေမျိုးတွေကို ဖမ်းဆီးသွားခဲ့ကြတယ်...”</p> <p> </p> <p>“ကျွန်တော့် စုံစမ်းမှုအရတော့... အဲဒီလို လုပ်ခဲ့တဲ့ မိစ္ဆာကျင့်ကြံသူတွေက ဝိညာဉ်ကြွေ တောင်တန်း က လူတွေပဲ...”</p> <p> </p> <p>မာရှီချင်း ထိုစကားကို ကြားပြီး အနည်းငယ် အံ့သြသွားရ၏။</p> <p> </p> <p>“ဝူး... ဝူး... ဝူး...”</p> <p> </p> <p>ထိုအချိန်တွင် မာမိသားစု စံအိမ်ကြီး၏ အပြင်ဘက်မှ မကောင်းဆိုးဝါး အရှိန်အဝါ ပြင်းထန်သော သရဲတစ္ဆေများ တစ်ကောင်ပြီး တစ်ကောင် တိုးဝင်လာကြသည်။</p> <p> </p> <p> </p> <p> </p> <p>ကောင်းကင်ကို ဖုံးလွှမ်းပြီး မြေကြီးကို မည်းမှောင်သွားစေကာ၊ အကောင်အထည် မမြင်ရဘဲ အဆုံးမဲ့ သရဲချီစွမ်းအင်များကို သယ်ဆောင်လာကြ၏။ ဆာလောင်နေသော ဝံပုလွေအုပ်ကြီး ပမာ သူတို့သည် စံအိမ်ကြီးဆီသို့ စတင် တိုက်ခိုက် လာကြလေတော့သည်။</p> <p> </p> <p> </p> <p>***</p> <p> </p>


Save