Book List

<h2 style="text-align: center;">အခန်း (၃၉၇)</h2> <h2 style="text-align: center;">မိစ္ဆာကျဆုံးခြင်း၊ ရွှေအမြုတေ အလယ်အလတ်အဆင့် (အပိုင်း ၅)</h2> <h2 style="text-align: center;">*</h2> <p> </p> <p> </p> <p> </p> <p> </p> <p>~မာရှီချင်းသည် စုယွီကို ကြည့်ကာ ပြောလိုက်သည်။</p> <p> </p> <p>“တာအိုမိတ်ဆွေ စု... ကျွန်တော်တော့ ထျန်းလင်လေးကို တပည့်အဖြစ် လက်ခံပေးဖို့ တောင်းဆိုချင်ပါသေးတယ်...”</p> <p> </p> <p>စုယွီ ခေါင်းကို ဖြည်းညှင်းစွာ ယမ်းလိုက်ပြီး ငြင်းဆိုလိုက်၏။</p> <p> </p> <p>“တပည့်အဖြစ် လက်ခံတာမျိုးကို ကျွန်တော် ရှောင်ချင်ပါတယ်... ဒါပေမဲ့ ခင်ဗျား ကျွန်တော့်ကို ယုံကြည်တယ် ဆိုရင်တော့... သူ့ကို ကျွန်တော်နဲ့အတူ ကျင့်ကြံခွင့်ပြုပါ... နောင်တစ်ချိန်ကျရင် သူ ဘယ်အဆင့်ထိ ရောက်နိုင်မလဲ ဆိုတာကတော့ သူ့ကံတရားပေါ်မှာပဲ မူတည်ပါစေ...”</p> <p> </p> <p>“ဒီနည်းနဲ့ဆိုရင်... ကျွန်တော် ဒီကနေ ထွက်ခွာသွားတဲ့အချိန်ကျရင် သူ မာမိသားစုဆီ ပြန်လာနိုင်မှာပေါ့...”</p> <p> </p> <p>အချိန်အတန်ကြာ ဆွေးနွေးပြီးနောက်...</p> <p> </p> <p>စုယွီသည် တတိယအဆင့် အဆင့်နိမ့် အခင်းအကျင်း ပညာရှင် အမွေအနှစ်ကို လက်ခံရရှိခဲ့ပြီး၊ မာထျန်းလင်ကိုလည်း မာမိသားစုမှ ခေါ်ဆောင်သွားခွင့် ရရှိခဲ့သည်။</p> <p> </p> <p>မထွက်ခွာမီ စုယွီသည် မာရှီချင်းကို သတိပေးလိုက်၏။</p> <p> </p> <p>“တာအိုမိတ်ဆွေ မာ... မိစ္ဆာဘုရင် ရွှမ်မင် ကိုတော့ သတိထားဖို့ လိုလိမ့်မယ်... ကိုးဝိညာဉ် မိစ္ဆာ နန်းတော် နဲ့ ထိုက်ရွှီ အင်မော်တယ် မဟာမိတ်အဖွဲ့တို့ရဲ့ လက်ထဲကနေတောင် ထွက်ပြေးလွတ်မြောက်လာနိုင်တဲ့ ဒီမိစ္ဆာကောင်က သေချာပေါက် သာမန်ကောင်တော့ မဟုတ်ဘူး...”</p> <p> </p> <p>“အခု ဝိညာဉ်ကြွေ တောင်တန်း သခင်နဲ့ သူ့လက်အောက်ငယ်သား နှစ်ယောက်က ဒီမှာ သေသွားကြပြီ ဆိုတော့... အဲဒီ မိစ္ဆာဘုရင်က ကလဲ့စားချေဖို့ ကြိုးစားလာနိုင်ခြေ ရှိတယ်...”</p> <p> </p> <p>“ဒါကြောင့် ကြိုတင်ပြင်ဆင်ထားဖို့ လိုပါလိမ့်မယ်...”</p> <p> </p> <p>ထိုသတိပေးစကားကို ချန်ထားရစ်ခဲ့ပြီးနောက်၊ စုယွီသည် မာထျန်းလင်ကို ခေါ်ဆောင်၍ မာမိသားစုမှ ထွက်ခွာလာခဲ့သည်။</p> <p> </p> <p>မာထျန်းလင်ကို အစိမ်းရောင် သစ်သား နန်းတော်ထဲသို့ ဝင်ရောက်စေပြီးနောက်၊ ပျံသန်းရေး ယာဉ်ပျံကို ထုတ်ယူလိုက်၏။ ယာဉ်ပျံပေါ်သို့ တက်ရောက်ပြီး တာ့ယွဲ့ တောင်တန်းရှိရာသို့ ဦးတည် မောင်းနှင် ထွက်ခွာသွားလေသည်။</p> <p> </p> <p>အဝေးတစ်နေရာရှိ ကိုးဝိညာဉ် မိစ္ဆာ တောင်တန်း။</p> <p> </p> <p>မြေအောက်ရှိ ရှေးဟောင်း မိစ္ဆာနန်းတော် အပျက်အစီး တစ်ခုအတွင်း၌၊ နှင်းကဲ့သို့ ဖြူဖွေးသော အသားအရေနှင့် လှပလွန်းသော ရုပ်ရည်ရှိသည့် လူငယ်တစ်ဦးသည် နန်းတော်၏ အနက်ရှိုင်းဆုံး နေရာရှိ ပလ္လင်ပေါ်တွင် ထိုင်နေ၏။ နန်းတော် တစ်ခုလုံးသည် မိစ္ဆာချီစွမ်းအင်များနှင့် ပြင်းထန်သော သွေးညှီနံ့များဖြင့် ပြည့်နှက်နေသည်။</p> <p> </p> <p>ထိုလူငယ်၏ ကိုယ်ပေါ်မှ ထွက်ပေါ်နေသော အသက်ရှူကျပ်ဖွယ်ရာ မိစ္ဆာအရှိန်အဝါသည် လူတိုင်းကို ကြောက်ရွံ့တုန်လှုပ်သွားစေနိုင်၏။</p> <p> </p> <p>သူသည် မူလဝိညာဉ် အဆင့် မိစ္ဆာ  အဖြစ်သို့ မရောက်ရှိသေးသော်လည်း၊ ထိုအဆင့်သို့ ရောက်ရန် သိပ်မလိုတော့ပေ။</p> <p> </p> <p>ရုတ်တရက်...</p> <p> </p> <p>ထိုလူငယ်သည် မျက်လုံးများကို ဖွင့်လိုက်သည်။ သူ၏ မျက်ဝန်းနက်နက်ထဲတွင် သွေးရောင် အလင်းတန်း တစ်ချက် ဖြတ်သန်းသွား၏။ သွေးရောင် မိစ္ဆာအင်းကွက်များသည် သူ၏ အရေပြားအောက်မှ ထိုးထွက်လာသကဲ့သို့ ဖြစ်ပေါ်လာပြီး၊ ခဏအကြာတွင် ပြန်လည် ပျောက်ကွယ်သွားကြသည်။ သူ မျက်ခုံးပင့်လိုက်၏။</p> <p> </p> <p>“ဟင်...”</p> <p> </p> <p>လက်ကို ဝှေ့ယမ်းလိုက်ရာ လက်ဖဝါး အရွယ်အစားရှိသော ဝိညာဉ်ကတ်ပြား သုံးခု လက်ထဲတွင် ပေါ်လာသည်။ ထိုကတ်ပြား သုံးခုစလုံးသည် အက်ကွဲနေလေပြီ။</p> <p> </p> <p>ဝိညာဉ်ကြွေ တောင်တန်း သခင်နှင့် အခြားနှစ်ဦးတို့၏ ဝိညာဉ်စွမ်းအားများသည် အချိန်တိုလေး အတွင်းမှာပင် ပျောက်ကွယ်သွားခဲ့ကြ၏။</p> <p> </p> <p>ဆိုလိုတာက ဝိညာဉ်ကြွေ တောင်တန်းက သုံးကောင်စလုံး သေဆုံးသွားကြလေပြီ။</p> <p> </p> <p>“သေကုန်ကြပြီလား...”</p> <p> </p> <p>လူငယ်၏ မျက်လုံးများထဲတွင် ရက်စက်သော အရိပ်အယောင်များ ဖြတ်သန်းသွားပြီး၊ ကြီးမားသော လူသတ်ချင်စိတ်များ နန်းတော်တစ်ခုလုံး ပြည့်နှက်သွားသည်။ သိပ်သည်းသော မိစ္ဆာချီစွမ်းအင်များ လှုပ်ရှား ဆူပွက်လာသဖြင့် နန်းတော်ထဲရှိ အစေခံများသည် ကြောက်လန့်တကြား ဒူးထောက် ဦးညွှတ်လိုက်ကြရသည်။</p> <p> </p> <p>“ဘယ်ကောင်က ငါ့လူတွေကို လက်ဖျားနဲ့ တို့ရဲတာလဲ...”</p> <p> </p> <p>မိစ္ဆာဘုရင် ရွှမ်မင် သည် တိတ်တဆိတ် ဒေါသထွက်နေသည်။</p> <p> </p> <p>“ငါ့လူတွေကို သတ်ရဲတဲ့ကောင် ဘယ်သူမဆို သေလမ်းရှာတာပဲ...”</p> <p> </p> <p>သူက အနိုင်ကျင့်ခံရတာကို ဘယ်တုန်းကမှ သည်းမခံခဲ့ဖူးပေ။ အရင်တုန်းက ကိုးဝိညာဉ် မိစ္ဆာ နန်းတော်၏ ခြုံခိုတိုက်ခိုက်တာ ခံရတုန်းကတောင်၊ သူတို့ကို ပြန်သတ်ပြီးမှ ထွက်ပြေး လွတ်မြောက်လာခဲ့သူ ဖြစ်သည်။</p> <p> </p> <p>ထိုက်ရွှီ အင်မော်တယ် မဟာမိတ်အဖွဲ့ နယ်မြေထဲမှာလည်း အင်မော်တယ် မြို့နှစ်မြို့ကို သွေးယဇ်ပူဇော်ပြီး၊ ကျင့်ကြံသူ မိသားစု သုံးစုကို မျိုးဖြုတ်သတ်ဖြတ်ပြီးမှ ဒီနေရာကို ပြန်လာခဲ့တာ ဖြစ်၏။</p> <p> </p> <p>မူလက သူ ဒီနေရာမှာ ခဏလောက် အနားယူပြီးမှ၊ မူလဝိညာဉ် အဆင့် တက်လှမ်းနိုင်မည့် အခွင့်အရေးကို ရှာဖွေဖို့ ကိုးဝိညာဉ် မိစ္ဆာ တောင်တန်း၏ ရှေးဟောင်း နယ်မြေထဲကို ဝင်ရောက် စူးစမ်းရန် စီစဉ်ထားခြင်းပင်။</p> <p> </p> <p>ဒါကြောင့်လည်း ဝိညာဉ်ကြွေ တောင်တန်း သခင်နှင့် သူ့လူတွေကို လွှတ်ပြီး၊ သူ့အတွက် အလုပ်လုပ်ပေးမည့် မြေဆရာ တချို့ကို သွားရောက် စုဆောင်းခိုင်းလိုက်၏။</p> <p> </p> <p>သို့သော်၊ ယခုတော့ ဝိညာဉ်ကြွေ တောင်တန်းက သုံးကောင်စလုံး သေဆုံးသွားခဲ့ပြီ။</p> <p> </p> <p>“တာ့ယွဲ့ နယ်မြေ... တာ့ယွဲ့ နန်းတော်ကများ ငါ့လူတွေကို သတ်ရဲတာလား... ကောင်းပြီလေ...”</p> <p> </p> <p>မိစ္ဆာဘုရင် ရွှမ်မင် နှာခေါင်းရှုံ့လိုက်သည်။ အရင်တုန်းကတော့ သူ တာ့ယွဲ့ နယ်မြေကို သွားဖို့ စိတ်ကူးမရှိခဲ့။ ယခုတော့ သူ ထိုနေရာကို သွားလည်ချင်စိတ် ပေါက်သွားပြီပင်။</p> <p> </p> <p> တာ့ယွဲ့ နယ်မြေကို မသွားခင်၊ ဝိညာဉ်ကြွေ တောင်တန်းက သုံးကောင် ဘယ်လို သေသွားသလဲ ဆိုတာကို အရင် စုံစမ်းရပေဦးမည်။</p> <p> </p> <p>(၁၅) ရက် ကြာပြီးနောက်...၊</p> <p>ချင်းယွဲ့ တောင်ထွတ်၊ လော့ယွဲ့ မဟာမိတ်အဖွဲ့ ကောင်းကင်ဂူ လျှို့ဝှက်နယ်မြေ အတွင်း၌...</p> <p> </p> <p>စုယွီက မိန်းကလေးငယ် တစ်ဦးကို ခေါ်ဆောင်ပြီး ပြန်ရောက်လာသည်ကို မြင်သောအခါ၊ ယွီခယ်အာ၊ ယွီချန်ချင်း၊ စုချီ၊ လော့ချင်းယာနှင့် အခြားသူများ အားလုံး အံ့အားသင့်သွားကြ၏။</p> <p> </p> <p>မာထျန်းလင်၏ သေးသေးကွေးကွေးနှင့် ချစ်စဖွယ်ကောင်းသော ပုံစံလေးကို မြင်လိုက်ရသောအခါ ယွီခယ်အာ သဘောကျသွားသည်။ သူမကို အနားသို့ အမြန် ခေါ်ယူလိုက်ပြီးနောက် စုယွီဘက်သို့ လှည့်ကာ မေးလိုက်သည်။</p> <p> </p> <p>“ဘယ်က ကလေးမလေးကို ပြန်ပေးဆွဲလာတာလဲ...”</p> <p> </p> <p>စုယွီ ခပ်ဖျော့ဖျော့ ရယ်မောလိုက်ပြီး ခေါင်းယမ်းလိုက်သည်။</p> <p> </p> <p>“သူ့နာမည်က မာထျန်းလင်... မာမိသားစုက ကလေးမလေးပါ... တာအိုမိတ်ဆွေ မာရှီချင်းရဲ့ သမီးလေ... အသက်က (၁၁) နှစ် ရှိပြီ... မြေကမ္ဘာအဆင့် ရေဝိညာဉ်အမြစ် ပါရမီရှင်လေးပေါ့...”</p> <p> </p> <p>“တာအိုမိတ်ဆွေ မာ က သူ့သမီးကို မြေဆရာ တစ်ယောက် အဖြစ် မကြီးပြင်းစေချင်လို့၊ ကျွန်တော့်ကို တပည့်အဖြစ် လက်ခံပေးပါလို့ တောင်းဆိုလာတာ... ဒါပေမဲ့ ကျွန်တော် စဉ်းစားပြီး ငြင်းလိုက်ပါတယ်...”</p> <p> </p> <p>“ဒါပေမဲ့ တပည့်အဖြစ် လက်မခံတာက ကိစ္စမရှိပါဘူး... ထျန်းလင်လေးက ပါရမီ ကောင်းပါတယ်... ဒါကြောင့် ဒီကို ခေါ်လာခဲ့တာ... နောက်ဆိုရင် ကျွန်တော် ဖြစ်ဖြစ်၊ မင်းတို့ ဖြစ်ဖြစ် သူ့ကို ကျင့်ကြံခြင်းနဲ့ ပတ်သက်ပြီး သင်ကြားပေးလို့ ရတာပေါ့...”</p> <p> </p> <p>မြေကမ္ဘာအဆင့် ဝိညာဉ်အမြစ် ပါရမီရှင်တဲ့လား...</p> <p> </p> <p>စုချီ၊ လန်ရှီး၊ လန်ကုန်း၊ ယွီချန်ချင်း နှင့် အခြားသူများ အားလုံး အံ့သြတကြီး ရေရွတ်လိုက်မိကြသ၏</p> <p> </p> <p> </p> <p> </p> <p>သူမတို့ထဲက ဘယ်သူမှ ဒီကလေးမလေးရဲ့ ပါရမီလောက် မကောင်းကြပေ။</p> <p> </p> <p>ခဏကြာသောအခါ...</p> <p> </p> <p>မာထျန်းလင်လေးသည် ယွီခယ်အာ၊ ယွီချန်ချင်း၊ စုချီ တို့၏ ဝိုင်းရံခြင်းကို ခံလိုက်ရပြီး၊ သူတို့အားလုံး စကားတွေ ဖောင်ဖွဲ့နေကြတော့၏။ မကြာခင်မှာပင် မာထျန်းလင်၏ အကြောင်းစုံကို သူတို့အားလုံး သိရှိသွားကြသည်။</p> <p> </p> <p>ထိုအခါ မျက်လုံးများ အရောင်လက်နေသော စုချီက အကြံတစ်ခု ပေးလိုက်၏။</p> <p> </p> <p> </p> <p> </p> <p> </p> <p>စုယွီကသာ မာထျန်းလင်ကို တပည့်အဖြစ် လက်မခံဘူး ဆိုလျှင်၊ ယွီခယ်အာ ဦးဆောင်ပြီး သူတို့အားလုံး ဝိုင်းပြီး တပည့်အဖြစ် လက်ခံကြမည် ပေါ့။ သို့သော် စုချီ၏ အကြံပြုချက်ကို ယွီခယ်အာနှင့် ယွီချန်ချင်းတို့က ချက်ချင်း ပယ်ချလိုက်သည်။</p> <p> </p> <p>အကြောင်းကတော့ ယွီချန်ချင်းက စုချီရဲ့ ဆရာလေ။ တကယ်လို့ သူတို့အားလုံးကသာ မာထျန်းလင်ရဲ့ ဆရာတွေ ဖြစ်လာကြလျှင်၊ စုချီက မာထျန်းလင်နဲ့ ဆရာတူ အစ်မ ဖြစ်လာမှာ မဟုတ်ဘူးလား။ ရယ်စရာ ကောင်းလိုက်တာ။</p> <p> </p> <p>အကြိမ်ကြိမ် ကန့်ကွက်သော်လည်း စုချီ မအောင်မြင်ခဲ့ပေ။ စိတ်ကောက်ပြီး ကျန်ရစ်ခဲ့ရ၏။</p> <p> </p> <p>ကံကောင်းသည်မှာ မာထျန်းလင်လေးက အပြောအဆို ချိုသာပြီး၊ "အစ်မကြီး... အစ်မကြီး..." ဟု တတွတ်တွတ် ခေါ်နေသဖြင့် စုချီ သဘောကျသွား၏။ သူမက မာထျန်းလင်ထက် ဆယ်စုနှစ်ပေါင်းများစွာ အသက်ကြီးတယ် ဆိုသော အချက်ကိုတောင် မေ့သွားပြီး ပျော်ရွှင်နေလေသည်။</p> <p> </p> <p>ယွီခယ်အာ၊ စုချီနှင့် အခြားသူများ၏ ဂရုစိုက်မှုအောက်တွင် မာထျန်းလင်သည် ချင်းယွဲ့ တောင်ထွတ်ရှိ အရာရာတိုင်းနှင့် လျင်မြန်စွာ ရင်းနှီးကျွမ်းဝင်သွား၏။</p> <p> </p> <p>ရက်အနည်းငယ် ကြာပြီးနောက်...</p> <p> </p> <p>စုယွီသည် မာထျန်းလင်ကို သူ့အနားသို့ ခေါ်ယူလိုက်သည်။ မာရှီချင်း၏ ပြုစုပျိုးထောင်မှုကြောင့် မာထျန်းလင်တွင် ခိုင်မာသော အခြေခံအုတ်မြစ် ရှိနေပြီး၊ စိတ်ဓာတ်ပိုင်းဆိုင်ရာရော ဗဟုသုတပိုင်းဆိုင်ရာပါ ထပ်မံ သင်ကြားပေးစရာ မလိုတော့ပေ။ သို့သော် ကျင့်ကြံခြင်းဆိုင်ရာ အခြေခံ ဗဟုသုတများကိုတော့ သင်ကြားပေးရန် လိုအပ်သေးသည်ဒး။</p> <p> </p> <p>လက်ရှိအချိန်တွင် စုယွီ အဓိက လေ့ကျင့်နေသော ရေဝိညာဉ်အမြစ် ကျင့်စဉ်မှာ "နေရောင်ခြည် မူလသစ်သား အစစ်အမှန် ကျင့်စဉ်"ပင် ဖြစ်သည်။</p> <p> </p> <p> </p> <p> </p> <p>***</p> <h2> </h2>


Save