Book List

<h2 style="text-align: center;">အခန်း (၃၉၉)</h2> <h2 style="text-align: center;">တတိယအဆင့် အလယ်အလတ် ဆေးပညာရှင်၊ အဆောင်လက်ဖွဲ့ ပညာရှင် (အပိုင်း ၁)</h2> <h2 style="text-align: center;">*</h2> <p> </p> <p> </p> <p> </p> <p>~လော့ယွဲ့ မဟာမိတ်အဖွဲ့၏ ကောင်းကင်ဂူ လျှို့ဝှက်နယ်မြေ။</p> <p> </p> <p>ချင်းယွဲ့ တောင်ထွတ်အောက်ရှိ ဂူစံအိမ် အတွင်း၌...</p> <p> </p> <p>စုယွီသည် ကျောက်စိမ်းခုံတစ်ခု၏ ရှေ့တွင် ရပ်နေသည်။ သူ၏ လက်ထဲတွင် တတိယအဆင့် ထိပ်တန်း စုတ်တံတစ်ချောင်းကို ကိုင်ဆောင်ထား၏။ သူ၏ စိတ်ထဲတွင် ရွှေပုစဉ်းရင်ကွဲ ကျင့်စဉ်ကို လည်ပတ်ထားပြီး၊ အတွေးအာရုံများကို တည်ငြိမ်စေကာ တတိယအဆင့် အလယ်အလတ်တန်းစား ကြေးမုံလမင်း အဆောင်လက်ဖွဲ့၏ အမွေအနှစ် နည်းပညာများကို ဆင်ခြင်သုံးသပ်နေသည်။</p> <p> </p> <p> တတိယအဆင့် အလယ်အလတ်တန်းစား ကြေးမုံလမင်း အဆောင်လက်ဖွဲ့ ပြုလုပ်နည်းကို နားလည်သဘောပေါက်ထားသည်မှာ ကြာခဲ့ပြီ ဖြစ်၏။</p> <p> </p> <p>သို့သော် သူ တစ်ခါမှ စမ်းသပ် မပြုလုပ်ကြည့်ခဲ့ဖူးပေ။</p> <p> </p> <p>သူ မလုပ်တတ်၍ မဟုတ်။ တတိယအဆင့် အလယ်အလတ်တန်းစား အဆောင်လက်ဖွဲ့ကို ဖန်တီးချင်သော သူ့ဆန္ဒကို ထိန်းချုပ်ထားခဲ့၍ ဖြစ်သည်။</p> <p> </p> <p>အကြောင်းမှာ သူ့လက်ထဲတွင် ရှိသော တတိယအဆင့် အလယ်အလတ်တန်းစား အဆောင်လက်ဖွဲ့ ကုန်ကြမ်းပစ္စည်းများသည် အလွန် ရှားပါးသောကြောင့် ဖြစ်သည်။</p> <p> </p> <p>နှစ်များစွာ စုဆောင်းလာခဲ့သော်လည်း အဆောင်လက်ဖွဲ့ ပစ္စည်း (၅၀) စုံတောင် မပြည့်ပေ။</p> <p> </p> <p>တစ်ခု သုံးလိုက်လျှင် တစ်ခု လျော့သွားမှာ ဖြစ်ပြီး၊ ဒါတွေက အလွန် တန်ဖိုးကြီးလှ၏။</p> <p> </p> <p>သူ ဖြုန်းတီးပစ်လိုက်ရမှာကို နှမြောသဖြင့် တတိယအဆင့် အလယ်အလတ်တန်းစား အဆောင်လက်ဖွဲ့ ပညာရှင် ဖြစ်ချင်သည့် သူ့ဆန္ဒကို ထိန်းချုပ်ထားခဲ့ခြင်း ဖြစ်သည်။</p> <p> </p> <p>ယခုအချိန်တွင် သူ၏ ကျင့်ကြံခြင်း အဆင့်သည် ရွှေအမြုတေ အဆင့် (၄) သို့ ရောက်ရှိသွားခဲ့ချေပြီ။</p> <p> </p> <p>မန္တန်စွမ်းအား၊ ဝိညာဉ်စွမ်းအားနှင့် နတ်ဘုရား စိတ်အာရုံတို့သည် နောက်ထပ် အဆင့်တစ်ဆင့်သို့ ပြောင်းလဲသွားခဲ့ပြီ ဖြစ်သည်။</p> <p> </p> <p>ဒီအခြေအနေမှာ တတိယအဆင့် အလယ်အလတ်တန်းစား အဆောင်လက်ဖွဲ့ကို အောင်မြင်စွာ ဖန်တီးနိုင်မယ့် အခွင့်အလမ်းက ပိုများလာပြီ ဖြစ်၏။</p> <p> </p> <p>နာရီဝက်ခန့် ကြာပြီးနောက်...</p> <p> </p> <p>စုယွီ ရုတ်တရက် စုတ်တံကို လှုပ်ရှားလိုက်သည်။ တတိယအဆင့် အလယ်အလတ်တန်းစား ဝိညာဉ်အရည်နှင့် ရောစပ်ထားသော မင်ရည်ထဲသို့ စုတ်တံကို နှစ်လိုက်ပြီး၊ ကျောက်စိမ်းခုံပေါ်တွင် တင်ထားသော ကျောက်စိမ်းပြားပေါ်၌ ကြေးမုံလမင်း အဆောင်လက်ဖွဲ့ကို စတင် ရေးဆွဲလိုက်၏။</p> <p> </p> <p>မန္တန်စွမ်းအားနှင့် ဝိညာဉ်စွမ်းအင်များသည် စုတ်တံထဲသို့ စီးဝင်သွားသည်။ တတိယအဆင့် အလယ်အလတ်တန်းစား အဆောင်လက်ဖွဲ့၏ စုတ်ချက်တစ်ချက်ချင်းစီကို ရေးဆွဲတိုင်း၊ သူ၏ များပြားလှသော မန္တန်စွမ်းအားနှင့် ဝိညာဉ်စွမ်းအင်များကို ကုန်ခန်းသွားစေသည်။</p> <p> </p> <p>ပထမဆုံး အကြိမ် ကြိုးပမ်းမှုတွင် စုယွီ ရေးဆွဲနေစဉ် ဟင်းလင်းပြင် စွမ်းအားများ ကမောက်ကမ ဖြစ်သွားသဖြင့်၊ ပစ္စည်းများသည် အမှုန့်အဖြစ် ပြိုကွဲပျက်စီးသွားလေ၏။</p> <p> </p> <p>စုယွီသည် သူ၏ တတိယအဆင့် ထိပ်တန်း စုတ်တံ မပျက်စီးစေရန် ကာကွယ်လိုက်ပြီး၊ ပစ္စည်းများ ပျက်စီးသွားသည်ကို ဘာမှ မတုံ့ပြန်ဘဲ ကြည့်နေလိုက်သည်။ ထို့နောက် သူသည် ထိုဖြစ်ရပ်ကို ပြန်လည် သုံးသပ်ပြီး အဆောင်လက်ဖွဲ့ ဖန်တီးခြင်း လုပ်ငန်းစဉ်အပေါ် နားလည်မှုကို ရယူလိုက်၏။</p> <p> </p> <p>ခဏအကြာတွင် စုယွီ စုတ်တံကို ချထားလိုက်ပြီး ဘေးတွင် တင်ပျဉ်ခွေထိုင်ကာ သူ၏ ကျင့်စဉ်ကို အသုံးပြု၍ မန္တန်စွမ်းအားနှင့် ဝိညာဉ်စွမ်းအင်များကို ပြန်လည် ဖြည့်တင်းလိုက်သည်။</p> <p> </p> <p>တစ်နာရီကျော် ကြာပြီးနောက်...</p> <p> </p> <p>စုယွီ ပြန်လည် မတ်တတ်ရပ်လိုက်သည်။ နောက်ထပ် ကျောက်စိမ်းပြား တစ်ချပ်ကို ထုတ်ယူလိုက်ပြီး၊ တတိယအဆင့် အလယ်အလတ်တန်းစား ကြေးမုံလမင်း အဆောင်လက်ဖွဲ့ကို ဆက်လက် ကြိုးစား ရေးဆွဲလိုက်၏။</p> <p> </p> <p>ညရောက်သောအခါ...</p> <p> </p> <p>အမှောင်ထုကြီး လွှမ်းမိုးလာပြီး ငွေရောင် လရောင်သည် ပိုးသားပါးပါးလေး လွှမ်းခြုံထားသကဲ့သို့ ချင်းယွဲ့ တောင်ထွတ်ပေါ်သို့ ကျရောက်နေသည်။ ပိုးကောင်ငယ်လေးများ၏ အော်မြည်သံမှလွဲ၍ လျှို့ဝှက်နယ်မြေ တစ်ခုလုံး တိတ်ဆိတ်ငြိမ်သက်နေ၏။</p> <p> </p> <p>ဂူစံအိမ် အတွင်း၌မူ သဘာဝ ဝိညာဉ်စွမ်းအင်များသည် အလယ်ဗဟိုရှိ ကျောက်စိမ်းခုံဆီသို့ ရူးသွပ်စွာ တိုးဝင်နေကြသည်။</p> <p> </p> <p>ဂူစံအိမ် အတွင်းရှိ ဟင်းလင်းပြင် လေထုသည် လှိုင်းဂယက်များ ထကာ တုန်ခါနေ၏။</p> <p> </p> <p>စုယွီ ခြေလှမ်း အနည်းငယ် နောက်ဆုတ်လိုက်သည်။</p> <p> </p> <p>ကျောက်စိမ်းခုံ အပေါ်တွင် လေထဲ၌ တွဲလွဲခိုနေသော ကျောက်စိမ်းပြားကို ကြည့်ရင်း၊ စုယွီ၏ မျက်နှာပေါ်တွင် စိတ်လှုပ်ရှားသော အရိပ်အယောင်များ ဖြတ်သန်းသွား၏။</p> <p> </p> <p>“တတိယ အကြိမ်မြောက် ကြိုးစားမှု... တတိယမြောက် ပစ္စည်း... အောင်မြင်သွားပြီ...”</p> <p> </p> <p>သူ တတိယအဆင့် အလယ်အလတ်တန်းစား ကြေးမုံလမင်း အဆောင်လက်ဖွဲ့ကို ဖန်တီးနိုင်ခဲ့ပြီ။</p> <p> </p> <p>ဒီည ပြီးသွားလျှင် သူဟာ တတိယအဆင့် အလယ်အလတ်တန်းစား အဆောင်လက်ဖွဲ့ ပညာရှင် တစ်ယောက် ဖြစ်ပြီဟု သတ်မှတ်နိုင်လေပြီ။</p> <p> </p> <p>ကျောက်စိမ်းခုံပေါ်ရှိ ကျောက်စိမ်းပြားသည် မရေမတွက်နိုင်သော သဘာဝ ဝိညာဉ်စွမ်းအင်များနှင့် ဟင်းလင်းပြင် စွမ်းအားများကို စုပ်ယူနေ၏။ နာရီဝက်ခန့် ကြာပြီးနောက် တုန်ခါမှုများ တဖြည်းဖြည်း ငြိမ်သက်သွားပြီး၊ ကမ္ဘာလောကကြီး ပြန်လည် အေးချမ်းသွားသည်။ ကျောက်စိမ်းပြားသည် ကျောက်စိမ်းခုံပေါ်သို့ ဖြည်းညှင်းစွာ ကျဆင်းလာ၏။</p> <p> </p> <p>စုယွီ ရှေ့သို့ တိုးသွားပြီး သူ ဖန်တီးထားသော တတိယအဆင့် အလယ်အလတ်တန်းစား ကြေးမုံလမင်း အဆောင်လက်ဖွဲ့ကို ကြည့်လိုက်သည်။</p> <p> </p> <p>အပြာနုရောင် အပြစ်အနာအဆာ ကင်းစင်သော ဝိညာဉ်ကျောက်စိမ်းပြားပေါ်တွင် မမြင်နိုင်လောက်အောင် သေးငယ်သော ရွှေရောင် မျဉ်းကြောင်းလေးများ ယှက်သန်းနေ၏။</p> <p> </p> <p>ထိုရွှေရောင် မျဉ်းကြောင်းများသည် ဝိညာဉ်ကျောက်စိမ်းပြားနှင့် တစ်သားတည်း ပေါင်းစပ်သွားခဲ့ပြီ ဖြစ်သည်။ သို့မှသာ ပြီးပြည့်စုံသော တတိယအဆင့် အလယ်အလတ်တန်းစား ကြေးမုံလမင်း အဆောင်လက်ဖွဲ့ တစ်ခု ဖြစ်လာမည်။</p> <p> </p> <p>အဆောင်လက်ဖွဲ့ ဖန်တီးရတာ ဘာလို့ ပိုခက်ခဲလာရသနည်း။</p> <p> </p> <p>အဆင့်မြင့် အဆောင်လက်ဖွဲ့တွေမှာ ပိုမို ရှုပ်ထွေးနက်နဲသော လျှို့ဝှက်ချက်တွေ ပါဝင်နေ၍ပါပဲ။</p> <p> </p> <p>ဝိညာဉ်ကျောက်စိမ်းပြားပေါ်မှာ သင်္ကေတ အချို့ကို ရိုးရိုးလေး ရေးဆွဲလိုက်ရုံနှင့် အဆောင်လက်ဖွဲ့ ဖြစ်မလာပါချေ။</p> <p> </p> <p>ပထမအဆင့်၊ ဒုတိယအဆင့် နှင့် တတိယအဆင့် အဆောင်လက်ဖွဲ့တွေကြားက ကွာခြားချက်က မိုးနှင့် မြေလိုပါပင်။</p> <p> </p> <p>တတိယအဆင့် အလယ်အလတ်တန်းစား နှင့် တတိယအဆင့် အဆင့်နိမ့် ကြေးမုံလမင်း အဆောင်လက်ဖွဲ့ ကြားက ကွာခြားချက်ကတော့ ပိုပြီး ကြီးမားပါသည်။</p> <p> </p> <p>သင်္ကေတ လျှို့ဝှက်ချက်တွေ ကွာခြားတာ အပြင်၊ ဟင်းလင်းပြင် စွမ်းအားနှင့် ပုံရိပ်‌ယောင် စွမ်းအား  ကွာခြားချက်တွေလည်း ပါဝင်နေ၏။</p> <p> </p> <p>“ငါ့မှာသာ တတိယအဆင့် အလယ်အလတ်တန်းစား ကြေးမုံလမင်း အဆောင်လက်ဖွဲ့တွေ အများကြီး ရှိခဲ့ရင်... ရွှေအမြုတေ အဆင့် နှောင်းပိုင်း အရှင်သခင် တစ်ပါးတောင်မှ လွတ်မြောက်ဖို့ ခက်ခဲလိမ့်မယ်... နောက်ဆုံးတော့ အရှင်လတ်လတ် အချုပ်ခံရပြီး စိတ်ပျက်လက်ပျက်နဲ့ သေဆုံးသွားရမှာပဲ...”</p> <p> </p> <p>စုယွီ တိတ်တဆိတ် တွေးတောလိုက်၏။</p> <p> </p> <p>သူ၏ အဆောင်လက်ဖွဲ့ ဖန်တီးမှု အတွေ့အကြုံများကို ပြန်လည် သုံးသပ်ပြီးနောက်၊ စုယွီသည် နားလည်မှု အသစ်တစ်ခု ရရှိလိုက်သည်။</p> <p> </p> <p>ထို့နောက် ကျောက်စိမ်းခုံပေါ်မှ အဆောင်လက်ဖွဲ့ကို အစိမ်းရောင် သစ်သားလက်စွပ် အတွင်းသို့ သိမ်းဆည်းလိုက်၏။ ပြီးနောက် တင်ပျဉ်ခွေထိုင်ကာ ဓာတ်ကြီးငါးပါး ကျင့်စဉ်နှင့် ရွှေပုစဉ်းရင်ကွဲ ကျင့်စဉ်ကို လည်ပတ်၍ မန္တန်စွမ်းအားနှင့် ဝိညာဉ်စွမ်းအင်များကို ပြန်လည် ဖြည့်တင်းလိုက်သည်။</p> <p> </p> <p>နောက်ထပ် (၁၅) ရက်တာ ကာလအတွင်း စုယွီသည် ဂူစံအိမ်ထဲ၌ တံခါးပိတ် ကျင့်ကြံနေခဲ့၏။</p> <p> </p> <p>နေ့စဉ် ကျင့်ကြံခြင်း လုပ်ငန်းစဉ်များအပြင်၊ တတိယအဆင့် အလယ်အလတ်တန်းစား ကြေးမုံလမင်း အဆောင်လက်ဖွဲ့များကို ရေးဆွဲရင်း ဟင်းလင်းပြင်နှင့် ပုံရိပ်‌ယောင် စွမ်းအားများကို နားလည်သဘောပေါက်ရန် ကြိုးစားနေခဲ့သည်။</p> <p> </p> <p>ရွှေအမြုတေ အဆင့် (၄) သို့ ရောက်ရှိပြီးနောက် စုယွီ၏ စွမ်းရည်များသည် သိသိသာသာ တိုးတက်လာခဲ့၏။</p> <p> </p> <p>ယခုအချိန်တွင် တတိယအဆင့် အလယ်အလတ်တန်းစား အဆောင်လက်ဖွဲ့ ရေးဆွဲရာ၌ သူ ပင်ပန်းသည်ဟု မခံစားရတော့ပေ။ အမှန်တကယ်တော့ အောင်မြင်မှု နှုန်းထားကို မြှင့်တင်ရန် ပိုမို လွယ်ကူလာ၏။</p> <p> </p> <p>လက်ထဲရှိ ပစ္စည်းအစုံ (၅၀) နီးပါး ကုန်ခန်းသွားချိန်တွင်၊ စုယွီသည် တတိယအဆင့် အလယ်အလတ်တန်းစား ကြေးမုံလမင်း အဆောင်လက်ဖွဲ့ ဖန်တီးမှု ကျွမ်းကျင်မှုကို (၄၂) ရာခိုင်နှုန်း အထိ မြှင့်တင်နိုင်ခဲ့သည်။ ယေဘုယျအားဖြင့် ပစ္စည်း (၅) စုံလျှင် (၂) ခု အောင်မြင်အောင် ဖန်တီးနိုင်လာသည်။</p> <p> </p> <p>ပစ္စည်း (၄၈) စုံ အသုံးပြုပြီးနောက် သူသည် တတိယအဆင့် အလယ်အလတ်တန်းစား ကြေးမုံလမင်း အဆောင်လက်ဖွဲ့ (၁၁) ခုကို အောင်မြင်စွာ ဖန်တီးနိုင်ခဲ့၏။</p> <p> </p> <p>ထို့နောက် စုယွီသည် တံခါးပိတ် ကျင့်ကြံရာမှ ထွက်ခွာလာခဲ့သည်။</p> <p> </p> <p>အဆောင်လက်ဖွဲ့ ပစ္စည်းများ ကုန်သွားပြီ ဖြစ်သဖြင့်၊ စုယွီသည် အတိတ်က လော့ယွဲ့ မဟာမိတ်အဖွဲ့၏ အရင်းအမြစ် နေရာများကို စဉ်းစားလိုက်မိ၏။</p> <p> </p> <p>“ဒီ လျှို့ဝှက်နယ်မြေထဲက ဘယ်တောင်ထွတ်က လော့ယွဲ့ မဟာမိတ်အဖွဲ့ရဲ့ အရင်းအမြစ် နေရာ ဖြစ်မလဲ မသိဘူး...”</p> <p> </p> <p>လော့ယွဲ့ မဟာမိတ်အဖွဲ့ရဲ့ အရင်းအမြစ် နေရာတွေအကြောင်း သတင်းရနိုင်လျှင်၊ တတိယအဆင့် အဆောင်လက်ဖွဲ့ ပစ္စည်းတွေ ရနိုင်မည့် အရင်းအမြစ်တွေကို ရှာတွေ့နိုင်လောက်၏</p> <p> </p> <p> </p> <p>လော့ယွဲ့ မဟာမိတ်အဖွဲ့၏ အင်အားနှင့် ဩဇာအာဏာ အရ ဆိုချှင်၊ သူတို့မှာ ဒီလို ပစ္စည်းတွေ မရှိဘဲ မနေပါချေ။</p> <p> </p> <p>***</p> <p> </p>


Save