Book List

<h2 style="text-align: center;">အခန်း (၄၀၁)</h2> <h2 style="text-align: center;">တတိယအဆင့် အလယ်အလတ် ဆေးပညာရှင်၊ အဆောင်လက်ဖွဲ့ ပညာရှင် (အပိုင်း ၃)</h2> <h2 style="text-align: center;">*</h2> <p> </p> <p> </p> <p> </p> <p> </p> <p>~“ကျွန်တော်သာ ရှာချင်တယ် ဆိုရင်တော့... ခင်ဗျားကို တွေ့ဖို့က မခက်ခဲပါဘူး...”</p> <p> </p> <p>စကားကို ခေတ္တရပ်လိုက်ပြီး တာအိုမိတ်ဆွေ ရှုယွီသည် စုယွီကို ကြည့်ကာ ပြောလိုက်သည်။</p> <p> </p> <p>“ခင်ဗျား နဲ့ တာအိုမိတ်ဆွေ မာ တို့က မိစ္ဆာခေါင်းဆောင် သုံးကောင်ကို မီယွင် တောင်တန်း အပြင်ဘက်မှာ သတ်ပစ်ခဲ့ကြတာကိုး... လွန်ခဲ့တဲ့ ခြောက်လလောက်က ရှေးဟောင်း မိစ္ဆာဘုရင် ဝင်စားသူလို့ ကြွေးကြော်ထားတဲ့ တာအိုမိတ်ဆွေ ရွှမ်မင် ဆိုတဲ့ကောင် မီယွင် တောင်တန်းကို ရောက်လာခဲ့သေးတယ်...”</p> <p> </p> <p>စုယွီ မျက်နှာပျက်သွားပြီး အလျင်အမြန် မေးလိုက်၏။</p> <p> </p> <p>“တာအိုမိတ်ဆွေ မာ အဆင်ပြေရဲ့လား...”</p> <p> </p> <p>တာအိုမိတ်ဆွေ ရှုယွီက ခေါင်းညိတ်လိုက်သည်။</p> <p> </p> <p>“သူ အဆင်ပြေပါတယ်... မာမိသားစုက မီယွင် တောင်တန်းကနေ စောစောစီးစီး ပြောင်းရွှေ့သွားပြီး... အခု တာ့ယွဲ့ အင်မော်တယ် မြို့တော်မှာ ယာယီ ခိုလှုံနေကြပါတယ်...”</p> <p> </p> <p>“တာအိုမိတ်ဆွေ ရွှမ်မင် က မီယွင် တောင်တန်းကို ရောက်သွားပေမယ့် ဘယ်သူ့ကိုမှ မတွေ့တော့ဘူး... အဲဒါကြောင့် မီယွင် တောင်တန်းကို ဖျက်ဆီးပစ်လိုက်ပြီး တာ့ယွဲ့ မှောင်ခိုဈေးကွက် ဘက်ကို ရောက်လာခဲ့တာ...”</p> <p> </p> <p>“ဒါပေမဲ့ ရွှေအမြုတေ အဆင့်လောက်ပဲ ရှိတဲ့ မိစ္ဆာကျင့်ကြံသူ တစ်ယောက်က တာ့ယွဲ့ မှောင်ခိုဈေးကွက်မှာ ဘယ်လိုလုပ် ထင်ရာစိုင်းလို့ ရပါ့မလဲ...”</p> <p> </p> <p>စုယွီ မျက်ခုံးပင့်လိုက်ပြီး မေးလိုက်သည်။</p> <p> </p> <p>“သူ သေသွားပြီလား...”</p> <p> </p> <p>“အဲ...”</p> <p> </p> <p>တာအိုမိတ်ဆွေ ရှုယွီ စကားမပြောနိုင် ဖြစ်သွားပြီး ရယ်မောကာ ခေါင်းယမ်းလိုက်၏။</p> <p> </p> <p>“တကယ်တမ်းတော့ သူ မသေပါဘူး... ဒဏ်ရာရပြီး ထွက်ပြေးသွားတာပါ...”</p> <p> </p> <p>ထိုစကားကို ကြားလိုက်ရသောအခါ စုယွီ သဘောပေါက်သွားသည်။ ကောင်းကင် အပျက်အစီး ခန်းမဆောင်၏ အင်အားအစစ်အမှန်ကို သူ မသိသော်လည်း၊ ဒီခန်းမဆောင်ထဲမှာ မူလဝိညာဉ် အဆင့် အရှင်သခင်ကြီး တစ်ပါး ရှိနေနိုင်ခြေ များသည်ဟု သူ ခန့်မှန်းမိသည်။</p> <p> </p> <p>‘စာကြည့်တိုက်  မှာတောင် စီနီယာ တစ်ယောက် ရှိနေတာပဲ... ကောင်းကင် အပျက်အစီး ခန်းမဆောင်မှာလည်း အစွမ်းထက် ပုဂ္ဂိုလ်ကြီးတွေ မရှိဘဲ နေပါ့မလား။</p> <p> </p> <p>တကယ်လို့ ကောင်းကင် အပျက်အစီး ခန်းမဆောင်ကသာ တကယ် လှုပ်ရှားခဲ့မယ် ဆိုရင်၊ တာအိုမိတ်ဆွေ ရှုယွီ ပြောသလို ရွှေအမြုတေ အဆင့်မှာပဲ ရှိနေသေးတဲ့ မိစ္ဆာကျင့်ကြံသူ ရွှမ်မင်က လွတ်မြောက်နိုင်ပါ့မလား။</p> <p> </p> <p>မဖြစ်နိုင်ဘူး ထင်တာပဲ’</p> <p> </p> <p> </p> <p> </p> <p> </p> <p>လက်ဖက်ရည်ခွက်ကို မော့သောက်လိုက်ပြီး စုယွီက မေးလိုက်၏။</p> <p> </p> <p>“ထိုက်ရွှီ အင်မော်တယ် နယ်မြေ နဲ့ ဖီးနစ် နယ်မြေ တို့ အခြေအနေက ဘယ်လိုလဲ... ဘာလို့ ရုတ်တရက်ကြီး ပြန်လှုပ်ရှားလာကြတာလဲ...”</p> <p> </p> <p>တာအိုမိတ်ဆွေ ရှုယွီက ပြန်ဖြေသည်။</p> <p> </p> <p>“ရုတ်တရက်တော့ မဟုတ်ပါဘူး... ခန့်မှန်းပြီးသားပါ...”</p> <p> </p> <p>“ပြီးတော့ လက်ရှိ အခြေအနေကို ကြည့်ရတာ... ထိုက်ရွှီ အင်မော်တယ် နယ်မြေ နဲ့ ဖီးနစ် နယ်မြေ တို့က သိသိသာသာ သတိထားနေကြပုံပဲ... စစ်ပွဲကြီး ဖြစ်မယ့် ပုံစံမျိုးထိ မလုပ်ကြသေးဘူး...”</p> <p> </p> <p>“လက်ရှိ အနေအထား အရ ဆိုရင်တော့ အားလုံး အဆင်ပြေနေပါသေးတယ်...”</p> <p> </p> <p>“မိစ္ဆာဘုရင် ရွှမ်မင် လည်း ထွက်ပြေးသွားပြီ ဆိုတော့... သူ ကိုးဝိညာဉ် မိစ္ဆာ တောင်တန်းကို ပြန်ရောက်သွားလောက်ပြီ... အနည်းဆုံးတော့ ကိုးဝိညာဉ် မိစ္ဆာ နန်းတော် အနေနဲ့ ထင်ရာစိုင်းရဲတော့မှာ မဟုတ်ဘူး...”</p> <p> </p> <p>ထိုစကားကို ကြားလိုက်ရမှ စုယွီ နည်းနည်း နားလည်သွားရသည်။</p> <p> </p> <p>‘ရွှမ်မင် ကိုးဝိညာဉ် မိစ္ဆာ တောင်တန်းကို ပြန်သွားပြီ ဟုတ်လား။</p> <p> </p> <p>ဆိုလိုတာက... သူတို့က မိစ္ဆာဘုရင် ရွှမ်မင် ကို အသုံးချပြီး ကိုးဝိညာဉ် မိစ္ဆာ နန်းတော်ရဲ့ အင်အားကို ထိန်းချုပ်ခိုင်းလိုက်တာများလား။</p> <p> </p> <p>တကယ်လို့ ဒီလိုသာ ဆိုရင်တော့... ဒါက တကယ့်ကို ပြောင်မြောက်တဲ့ နည်းလမ်းပဲ’</p> <p> </p> <p>ခဏမျှ စဉ်းစားပြီးနောက် စုယွီက မေးလိုက်သည်။</p> <p> </p> <p>“ကျွန်တော် ကြားတာတော့ ထိုက်ရွှီ အင်မော်တယ် နယ်မြေ နဲ့ တိုက်ခိုက်နေတာက... ပုန်းအောင်းနေတဲ့ အင်မော်တယ် ကျင့်ကြံသူ မိသားစု ဖြစ်တဲ့ ချန် မိသားစု ဆို...”</p> <p> </p> <p>တာအိုမိတ်ဆွေ ရှုယွီက ခေါင်းညိတ်လိုက်၏။</p> <p> </p> <p>“ဟုတ်တယ်... မှန်ပါတယ်... ချန် မိသားစု ဆိုတာ တာအိုဆရာ ရှုဟိုင် ရဲ့ မိသားစု ပေါ့...”</p> <p> </p> <p>“ချန် မိသားစုက ထိုက်ရွှီ အင်မော်တယ် နယ်မြေရဲ့ ပဉ္စမ ဂိုဏ်းခွဲ ဖြစ်တဲ့ လန်ယွီ ဂိုဏ်းခွဲ နဲ့ တိုက်ခိုက်နေကြတာ... သူတို့ရဲ့ အဓိက အားသာချက်က အဆောင်လက်ဖွဲ့တွေ ဖန်တီးတာပဲ... တာအိုဆရာ ရှုဟိုင်ရဲ့ မိသားစုကလည်း အဲဒီပညာရပ်မှာ ကျွမ်းကျင်ပြီး တတိယအဆင့် ဝိညာဉ်ကျောက်စိမ်း သွေးကြော တစ်ခုကို ပိုင်ဆိုင်ထားတယ်...”</p> <p> </p> <p>“အဲဒီ လန်ယွီ ဂိုဏ်းခွဲက ချန် မိသားစု လက်ထဲက တတိယအဆင့် ဝိညာဉ်ကျောက်စိမ်း သွေးကြောကို မျက်စိကျနေတာ ဖြစ်လောက်တယ်...”</p> <p> </p> <p>ထိုစကားကို ကြားလိုက်ရသောအခါ စုယွီ စိတ်လှုပ်ရှားသွား၏။</p> <p> </p> <p> </p> <p>‘တတိယအဆင့် ဝိညာဉ်ကျောက်စိမ်း သွေးကြော လား။</p> <p> </p> <p>ဒါဆိုရင် ချန် မိသားစု လက်ထဲမှာ တတိယအဆင့် အဆောင်လက်ဖွဲ့ ကုန်ကြမ်းပစ္စည်းတွေ အများကြီး ရှိနေမှာ သေချာတယ်’</p> <p> </p> <p>စုယွီက တည်ငြိမ်စွာဖြင့် မေးလိုက်သည်။</p> <p> </p> <p>“လက်ရှိ တိုက်ပွဲ အခြေအနေက ဘယ်လိုလဲ...”</p> <p> </p> <p>တာအိုမိတ်ဆွေ ရှုယွီက အချိန်အတော်ကြာ စဉ်းစားပြီးမှ ပြောလိုက်၏။</p> <p> </p> <p>“လောလောဆယ်တော့ အခြေအနေကို စောင့်ကြည့်နေတဲ့ အဆင့်ပဲ ရှိပါသေးတယ်... ထိုက်ရွှီ အင်မော်တယ် နယ်မြေက တာ့ယွဲ့ နန်းတော်ရဲ့ တုံ့ပြန်မှု နဲ့ တာ့ယွဲ့ နယ်မြေရဲ့ အင်အားကို စမ်းသပ်နေတာ... တာ့ယွဲ့ နယ်မြေကလည်း သူတို့ အင်အားကို ပြန်စမ်းသပ်နေတာပါ...”</p> <p> </p> <p>“ဒီလို အခြေအနေက အချိန်အတော်ကြာ ဆက်ဖြစ်နေနိုင်တယ်...”</p> <p> </p> <p>“ဘယ်တော့ ပြီးမလဲ ဆိုတာတော့ ပြောဖို့ ခက်တယ်...”</p> <p> </p> <p>သူတို့နှစ်ဦး စကားစမြည် ပြောဆိုကြရင်း၊ စုယွီသည် ချန် မိသားစု အကြောင်းနှင့် လက်ရှိ အခြေအနေများကို တာအိုမိတ်ဆွေ ရှုယွီ ထံမှ အများအပြား သိရှိလိုက်ရသည်။</p> <p> </p> <p>ထို့နောက် စကားဝိုင်းသည် သဘာဝကျကျ ပိုင်ယွဲ့ အင်မော်တယ် မြို့တော် ဘက်သို့ ရောက်ရှိသွားသည်။</p> <p> </p> <p>တာအိုမိတ်ဆွေ ရှုယွီက ပြောပြသည်။</p> <p> </p> <p>“ပိုင်ယွဲ့ အင်မော်တယ် မြို့တော်က လောလောဆယ် ဝိုင်းရံပိတ်ဆို့ ခံထားရတယ်... ဖီးနစ် အင်မော်တယ် တောင်ကြား ရဲ့ အင်အားက မသေးလှဘူး... သူတို့က ဖီးနစ် နယ်မြေ လက်အောက်ခံ အင်အားစုတွေထဲမှာ သွေးဖီးနစ် အင်မော်တယ် ဂိတ်တံခါး ပြီးရင် ဒုတိယ အကြီးဆုံးပဲ... သူတို့ဆီမှာ ရွှေအမြုတေ အဆင့် (၈) ရှိတဲ့ ဝါရင့် အရှင်သခင်ကြီး တစ်ပါး ရှိတယ်...”</p> <p> </p> <p>“အရှင်သခင် ပိုင်ယွဲ့ ကတော့ ပိုင်ယွဲ့ အင်မော်တယ် မြို့တော်ကို အမှီပြုပြီး ခုခံနေရတယ်... အနည်းဆုံးတော့ လောလောဆယ် ဖီးနစ် အင်မော်တယ် တောင်ကြားရဲ့ တိုက်ခိုက်မှုတွေကို သူတို့ တောင့်ခံထားနိုင်ပါသေးတယ်...”</p> <p> </p> <p>စဉ်းစားသုံးသပ်ပြီးနောက် စုယွီက မေးလိုက်သည်။</p> <p> </p> <p>“တာ့ယွဲ့ နန်းတော်ရဲ့ သဘောထားကရော ဘယ်လိုလဲ... သူတို့ကို ဒီအတိုင်း လွှတ်ထားပြီး ခံစစ်ပဲ ကစားနေတော့မှာလား...”</p> <p> </p> <p>တာအိုမိတ်ဆွေ ရှုယွီက ပြုံးပြီး ခေါင်းယမ်းလိုက်၏။</p> <p> </p> <p>“ကျွန်တော်တော့ အဲဒီကိစ္စကို သိပ်စိတ်မပူပါဘူး... မိုးပြိုရင် အရပ်ရှည်တဲ့သူ အရင်ထိမှာပဲလေ... ဘယ်လိုထင်လဲ တာအိုမိတ်ဆွေ စု...”</p> <p> </p> <p>တာအိုမိတ်ဆွေ ရှုယွီ၏ စကားကို ကြားသောအခါ စုယွီ အံ့သြသွားပြီး ရယ်မောလိုက်သည်။</p> <p> </p> <p> </p> <p> </p> <p>‘ဟုတ်သားပဲ။</p> <p> </p> <p>အသေးအမွှား ကိစ္စတွေကို တွေးပူနေစရာ မလိုပါဘူး။</p> <p> </p> <p>တာ့ယွဲ့ နန်းတော်တောင် စိတ်မပူမှတော့၊ သူက ဘာလို့ ပူပန်နေရမှာလဲ။ အဆိုးဆုံး အခြေအနေ ရောက်လာရင်တောင်မှ၊ သူက စုမိသားစုကို ခေါ်ပြီး လော့ယွဲ့ မဟာမိတ်အဖွဲ့ လျှို့ဝှက်နယ်မြေထဲမှာ ပုန်းအောင်းနေလိုက်ရုံပဲ။ အခြေအနေ ငြိမ်သက်သွားမှ ပြန်ထွက်လာလို့ ရတာပဲ။</p> <p> </p> <p>ဒါမှမဟုတ် သူ မူလဝိညာဉ် အဆင့် အရှင်သခင်ကြီး ဖြစ်လာတဲ့ အချိန်ထိ စောင့်လိုက်လို့ ရသည်။ အဲဒီအချိန်ကျရင် ဘယ်သူကများ စုမိသားစုကို ရန်စရဲဦးမှာလဲ။</p> <p> </p> <p>တာ့ယွဲ့ နန်းတော်၊ ထိုက်ရွှီ အင်မော်တယ် နယ်မြေ၊ သွေးဖီးနစ် အင်မော်တယ် ဂိတ်တံခါး စတဲ့ အင်အားကြီး ဂိုဏ်းတွေ အနေနဲ့ ပဋိပက္ခ ဖြစ်တိုင်း အသေအကြေ တိုက်ခိုက်ကြမှာ မဟုတ်ပါဘူး။ မဟုတ်ရင် သူတို့ ဒီလောက်ကြာကြာ ရပ်တည်နိုင်ခဲ့မှာ မဟုတ်ဘူး။</p> <p> </p> <p>ဆယ်နှစ်၊ ရှစ်နှစ်လောက် စစ်ခင်းပြီးရင် အားလုံး ပြန်ငြိမ်သက်သွားကြမှာပါ’</p> <p> </p> <p>သူတို့နှစ်ဦး အချိန်အတော်ကြာ စကားစမြည် ပြောဆိုပြီးနောက်...</p> <p> </p> <p>စုယွီက တာအိုမိတ်ဆွေ ရှုယွီကို ကြည့်ကာ ပြောလိုက်၏။</p> <p> </p> <p>“တာအိုမိတ်ဆွေ... ခင်ဗျား ချန် မိသားစု နဲ့ ဆက်သွယ်လို့ ရမလား... သူတို့ အဆောင်လက်ဖွဲ့တွေ လိုမလို မေးပေးလို့ ရမလား... ကြေးမုံလမင်း အဆောင်လက်ဖွဲ့ ၊ ခရမ်းရောင် လမင်း အဆောင်လက်ဖွဲ့ ၊ ဝိညာဉ်အိုး အဆောင်လက်ဖွဲ့ စသဖြင့်ပေါ့... ဒုတိယအဆင့် နဲ့ တတိယအဆင့် အဆင့်နိမ့် အဆောင်လက်ဖွဲ့တွေ လိုသလောက် ရနိုင်တယ်လို့ ပြောပေးပါ...”</p> <p> </p> <p>“ကျွန်တော် လိုချင်တာက တတိယအဆင့် အဆင့်နိမ့် နဲ့ အလယ်အလတ်တန်းစား အဆောင်လက်ဖွဲ့ ကုန်ကြမ်းပစ္စည်းတွေပဲ...”</p> <p> </p> <p>တာအိုမိတ်ဆွေ ရှုယွီ အံ့သြသွားပြီး မေးလိုက်၏။</p> <p> </p> <p>“တတိယအဆင့် အလယ်အလတ်တန်းစား ကုန်ကြမ်းပစ္စည်းတွေ ဟုတ်လား... ခင်ဗျားက အခု တတိယအဆင့် အလယ်အလတ်တန်းစား အဆောင်လက်ဖွဲ့ ပညာရှင် ဖြစ်သွားပြီလား...”</p> <p> </p> <p>စုယွီ ခေါင်းယမ်းလိုက်ပြီး ပြောလိုက်သည်။</p> <p> </p> <p>“မဖြစ်သေးပါဘူး... ဒါပေမဲ့ ပစ္စည်းတချို့ စုဆောင်းထားချင်လို့ပါ... ခင်ဗျားလည်း သိတဲ့အတိုင်းပဲ... တတိယအဆင့် ပစ္စည်းတွေ ရှာရတာ အရမ်း ခက်တယ်လေ...”</p> <p> </p> <p>ခဏအကြာတွင်...</p> <p> </p> <p>စုယွီသည် ဝန်ဆောင်ခ အဖြစ် အလယ်အလတ်အဆင့် ဝိညာဉ်ကျောက်တုံး (၅၀၀) ပေးချေခဲ့ပြီး၊ ချန် မိသားစုနှင့် အရောင်းအဝယ် ကိစ္စကို ကူညီ စီစဉ်ပေးရန် ကောင်းကင် အပျက်အစီး ခန်းမဆောင်ကို အကူအညီ တောင်းလိုက်၏။</p> <p> </p> <p>လက်ရှိအချိန်တွင် ချန် မိသားစု ဘက်၌ စစ်ပွဲဖြစ်ပွားနေသဖြင့်၊ သူ ကိုယ်တိုင် အဲဒီကို မသွားချင်ပေ။</p> <p> </p> <p>နောက်တစ်နေ့တွင်...</p> <p> </p> <p>တာ့ယွဲ့ မှောင်ခိုဈေးကွက်၊ ယွီ မိသားစု နေအိမ်၌...</p> <p> </p> <p>တာအိုဆရာ ရှုဟိုင်၊ တာအိုမိတ်ဆွေ ရှုယွီ နှင့် တာအိုဆရာမ ချင်းချွမ် တို့ သုံးဦး ရောက်ရှိလာကြသည်။</p> <p> </p> <p> </p> <p> တာအိုဆရာ ရှုဟိုင် သည် ပုံမှန်အတိုင်း ရိုးရှင်းသော ဝတ်ရုံကို ဝတ်ဆင်ထားပြီး၊ သူ၏ စွမ်းအားအရှိန်အဝါကို ထိန်းသိမ်းထားကာ သာမန်လူ ပုံစံဖြင့် နေထိုင်လေ၏။</p> <p> </p> <p>***</p> <h2> </h2>


Save