Book List

<h2 style="text-align: center;">အခန်း (၄၀၅)</h2> <h2 style="text-align: center;">အဆင့်ထိုးဖောက်ခြင်းနှင့် ကောင်းကင်ဖီးနစ် ဖြစ်စဉ် (အပိုင်း ၁)</h2> <h2 style="text-align: center;">*</h2> <h2 style="text-align: center;"> </h2> <p> </p> <p> </p> <p> </p> <p>~လော့ယွဲ့ မဟာမိတ်အဖွဲ့ လျှို့ဝှက်နယ်မြေ၏ အနောက်မြောက် ထောင့်ရှိ တောင်တန်းငယ်လေး တစ်ခု အတွင်း၌...</p> <p> </p> <p>အနက်ရောင် ကြေးခွံများ ဖုံးအုပ်ထားသော ဧရာမ ချပ်ဝတ် သင်းခွေချပ် မိစ္ဆာသားရဲကြီး တစ်ကောင်သည်၊ ကြောက်မက်ဖွယ် ကောင်းသော အရှိန်အဝါများ ထုတ်လွှတ်ရင်း နှစ်ခြိုက်စွာ အိပ်ပျော်နေသည်။ ၎င်း၏ ခန္ဓာကိုယ် တစ်ခုလုံးကို ကွေးခွေထားသည်။</p> <p> </p> <p>ထူထပ်သော ကြေးခွံများဖြင့် ကာကွယ်ထားသော ဤသားရဲမျိုးသည် ကိုင်တွယ်ရ အခက်ခဲဆုံး ဖြစ်၏။</p> <p> </p> <p>တောင်တန်းငယ်လေး၏ ထိပ်ပိုင်းတွင် ရှေးဟောင်း အခင်းအကျင်းများနှင့် တားမြစ်ပိတ်ဆို့မှု အကြွင်းအကျန်များ ရှိနေပြီး၊ ထူထပ်သော တောအုပ် အတွင်း၌ သေစေနိုင်သော အန္တရာယ်များ ပုန်းအောင်းနေကြောင်း သတိပေးနေသကဲ့သို့ ရှိသည်။</p> <p> </p> <p>ဤ ရှေးဟောင်း အခင်းအကျင်းများနှင့် တားမြစ်ပိတ်ဆို့မှု အကြွင်းအကျန်များကြောင့်၊ ကောင်းကင်မိုးကြိုး ကြွက်အုပ်စု အနေဖြင့် လျှို့ဝှက်နယ်မြေကို ရှာဖွေရာတွင် အခက်အခဲများ ကြုံတွေ့နေရခြင်း ဖြစ်၏။</p> <p> </p> <p>မှန်ကန်သော မိစ္ဆာသားရဲကို ရှာဖွေရသည်မှာ မလွယ်ကူလှပေ။</p> <p> </p> <p>စုယွီသည် ကောင်းကင်မိုးကြိုး ကြွက်အုပ်စု နောက်မှ လိုက်ပါလာပြီး၊ အခင်းအကျင်း သို့မဟုတ် တားမြစ်ပိတ်ဆို့မှု ကြားမှ ဟာကွက်တစ်ခု ရှာဖွေကာ တောင်ပေါ်သို့ တက်ရောက်ရန် ရည်ရွယ်ထားသည်။ သို့သော် ခဏကြာ ရှာဖွေပြီးနောက် ပျံ့နှံ့နေသော အန္တရာယ် အငွေ့အသက်များကြောင့် သူ စိတ်ပြောင်းသွားရ၏။</p> <p> </p> <p>ရှေးဟောင်း သစ်ပင်ကြီးများသည် ကောင်းကင်ယံအထိ မြင့်မားစွာ ပေါက်ရောက်နေပြီး၊ ဆန်းကြယ်သော မြူခိုးများသည် တောင်ပေါ်ရှိ အရာအားလုံးကို ဖုံးလွှမ်းထားသည်။</p> <p> </p> <p>ရှေးဟောင်း အခင်းအကျင်းများနှင့် တားမြစ်ပိတ်ဆို့မှု အကြွင်းအကျန်များကို ဖြတ်သန်း၍ အာရုံခံလိုက်သောအခါ၊ တောင်အတွင်း၌ အိပ်ပျော်နေသော တတိယအဆင့် အလယ်အလတ်တန်းစား မိစ္ဆာသားရဲ၏ အရှိန်အဝါကို စုယွီ ခံစားမိလိုက်သည်။</p> <p> </p> <p>အစွမ်းထက်တယ်။</p> <p> </p> <p>ရွှေအမြုတေ အဆင့် (၅) သို့မဟုတ် (၆) လောက် ရှိမည့်ပုံပင်။</p> <p> </p> <p>ခဏမျှ စဉ်းစားပြီးနောက် စုယွီသည် မြေကြီးကို ရုတ်တရက် ဆောင့်နင်းလိုက်၏။</p> <p> </p> <p>“ဘုန်း...”</p> <p> </p> <p>ကိုယ်ခန္ဓာ သန့်စင်ခြင်း ကျင့်စဉ် အဆင့် (၂၃) နီးပါး ရှိသော စွမ်းအားတစ်ခု ပေါက်ကွဲထွက်ပေါ်လာသည်။ သူ ခြေဆောင့်နင်းလိုက်သည့် အခိုက်အတန့်တွင် စုယွီ၏ ပတ်ဝန်းကျင်ရှိ မြေပြင်သည် ပြင်းထန်စွာ တုန်ခါသွား၏။ သဘာဝ စွမ်းအင် လှိုင်းတံပိုးကြီး တစ်ခု အရပ်မျက်နှာ အနှံ့သို့ ပျံ့နှံ့သွားသကဲ့သို့ ဖြစ်ပေါ်လာပြီး၊ ဟင်းလင်းပြင်နှင့် မြေကြီးကိုပါ တုန်ခါသွားစေသည်။</p> <p> </p> <p>“ဝုန်း... ဝုန်း... ဝုန်း...”</p> <p> </p> <p>မြေကြီးများ အက်ကွဲ ပြိုကျကုန်ပြီး၊ ရှေးဟောင်း သစ်ပင်ကြီးများပင် ပြင်းထန်သော တုန်ခါမှုကြောင့် ထက်ပိုင်းကျိုးကုန်ကြ၏။</p> <p> </p> <p>စုယွီ၏ ဘေးနားရှိ သစ်ပင်များနှင့် ကျောက်တုံးကြီးများသည် ချက်ချင်းပင် အမှုန့်ကြေသွားပြီး ဓာတ်ငွေ့အဖြစ်သို့ ပြောင်းလဲသွားကြသည်။</p> <p> </p> <p>တောင်အတွင်း၌ အိပ်ပျော်နေသော ချပ်ဝတ် သင်းခွေချပ် မိစ္ဆာသားရဲကြီးသည် လန့်နိုးသွား၏။ မျက်လုံးများကို ဖွင့်လိုက်သည်နှင့် တပြိုင်နက်၊ ရိုင်းစိုင်းကြမ်းကြုတ်ပြီး ကြောက်မက်ဖွယ် ကောင်းသော အရှိန်အဝါ တစ်ခု နိုးထလာသည်။ ၎င်း၏ မျက်လုံးများ နီရဲတောက်ပလာပြီး အသက်ကို ပြင်းပြင်းရှူလိုက်၏။</p> <p> </p> <p>အိပ်ပျော်နေတာကို အနှောင့်အယှက် ပေးခံလိုက်ရသဖြင့်၊ မီးတောင်ပေါက်ကွဲသကဲ့သို့ ပြင်းထန်သော ဒေါသများ ၎င်း၏ ရင်ထဲတွင် ဆူပွက်လာပြီး ထိန်းချုပ်၍ မရနိုင်အောင် ဖြစ်လာသည်။</p> <p> </p> <p>တောင်အပြင်ဘက်ရှိ စုယွီ၏ အရှိန်အဝါကို အာရုံခံမိပြီး တရားခံကို တွေ့ရှိလိုက်သောအခါ၊ ၎င်း၏ ခန္ဓာကိုယ် လှုပ်ရှားသွားပြီး အဝါရောင် အလင်းတန်းများ ခန္ဓာကိုယ်မှ ဖြာထွက်လာသည်။ ကျန်ရစ်နေသော အခင်းအကျင်းများနှင့် တားမြစ်ပိတ်ဆို့မှုများကို မထိခိုက်စေဘဲ၊ တောင်ပေါ်မှ ဆင်းသက်နိုင်သော အထူးလမ်းကြောင်း တစ်ခုအတိုင်း လျင်မြန်စွာ ရွေ့လျားလာ၏။</p> <p> </p> <p>“ဝုန်း...”</p> <p> </p> <p>ချပ်ဝတ် သင်းခွေချပ်ကြီးသည် တောင်ပေါ်မှ ပြေးဆင်းလာပြီး သစ်တောအုပ်ထဲသို့ ဝင်ရောက်လာရာ၊ လမ်းတစ်လျှောက်ရှိ သစ်ပင်များကို တိုက်ခိုက် အဆင့်ချိုးဖြတ်ပစ်လိုက်သည်။ သစ်စ အပိုင်းအစများသည် အရပ်မျက်နှာ အနှံ့သို့ လွင့်စဉ်သွားပြီး ပတ်ဝန်းကျင် တစ်ခုလုံးကို ဖုံးလွှမ်းသွားသည်။</p> <p> </p> <p>မျက်စိတစ်မှိတ် အတွင်းမှာပင်...</p> <p> </p> <p>အနီးနားရှိ အပင်များ ပျက်စီးသွားပြီး မြေကန္တာရ တစ်ခု ဖြစ်ပေါ်လာ၏။ ဖုန်မှုန့်များ နေရာအနှံ့ ပျံ့လွင့်နေသည်။</p> <p> </p> <p>အသက်ကို ပြင်းပြင်းရှူရှိုက်နေသော ချပ်ဝတ် သင်းခွေချပ်ကြီးသည် အနီရောင် သမ်းနေသော မျက်လုံးများဖြင့်၊ မလှမ်းမကမ်းတွင် ပုရွက်ဆိတ်လေး တစ်ကောင်ပမာ သေးငယ်စွာ ရပ်နေသော စုယွီကို စိုက်ကြည့်လိုက်ပြီး၊ စူးရှအေးစက်သော အသံဖြင့် ဟိန်းဟောက်လိုက်၏။</p> <p> </p> <p>“ဝူး...”</p> <p> </p> <p>နောက်တစ်ခဏ၌...</p> <p> </p> <p>စုယွီသည် သူ့အောက်ခြေရှိ မြေကြီး၏ ပြောင်းလဲမှုကို ချက်ချင်း ခံစားလိုက်ရ၏။</p> <p> </p> <p>မြေကမ္ဘာဓာတ် မိစ္ဆာစွမ်းအားများ သည် တတိယအဆင့် အလယ်အလတ်တန်းစား မိစ္ဆာသားရဲကြီး၏ ခြေသည်းများမှတဆင့် မြေကြီးထဲသို့ စီးဝင်သွားသည်။ ရုတ်တရက် သူ့အောက်ရှိ မြေကြီးများ ကွဲအက်သွားပြီး၊ စိတ်ကူးဖြင့် မှန်းဆ၍ မရနိုင်လောက်အောင် ပြင်းထန်သော ဆွဲငင်အား တစ်ခု စုယွီ အပေါ်သို့ ဖိနှိပ် ကျရောက်လာ၏။</p> <p> </p> <p>ထိုစွမ်းအားသည် စုယွီကို ဖိနှိပ်ထားပြီး မြေကြီးအောက်တွင် ချုပ်နှောင်ထားလိုပုံ ရသည်။ သားကောင်ကို မြေကြီးထဲတွင် ဖမ်းချုပ်ထားရန် ကြိုးစားနေသကဲ့သို့ပင်။</p> <p> </p> <p>သို့သော် တတိယအဆင့် အလယ်အလတ်တန်းစား မိစ္ဆာသားရဲ တစ်ကောင်၏ စွမ်းအားလောက်နှင့် စုယွီကို ဖိနှိပ် တုန်လှုပ်စေနိုင်မည် ဟူသော အတွေးသည် အိပ်မက်မက်နေခြင်း သက်သက်သာ ဖြစ်၏။</p> <p> </p> <p>စုယွီ ပြုံးလိုက်သည်။ မန္တန်စွမ်းအားကို အသုံးမပြုဘဲ အဆင့် (၁၀၈) ကိုယ်ခန္ဓာ သန့်စင်ခြင်း ကျင့်စဉ်၏ စွမ်းအားကို လည်ပတ်လိုက်သည်။ ချက်ချင်းပင် အနီရောင် မျဉ်းကြောင်းများ သူ့ခန္ဓာကိုယ် အပေါ်ယံတွင် ပေါ်လာပြီး၊ ကြောက်မက်ဖွယ် ကြေးခွံများ အဖြစ် ပြောင်းလဲကာ တစ်ကိုယ်လုံးကို ဖုံးအုပ်သွား၏။</p> <p> </p> <p>ရှေးဟောင်း မိကျောင်းကြီး တစ်ကောင်၏ ကြောက်မက်ဖွယ် အရှိန်အဝါ ပေါက်ကွဲထွက်ပေါ်လာပြီး ကောင်းကင်နှင့် မြေကြီးကို လွှမ်းခြုံသွားသည်။ ထိုအခိုက်အတန့်တွင် စုယွီ၏ ခန္ဓာကိုယ်သည် ဖောင်းကားလာပြီး၊ (၁၀) မီတာခန့် မြင့်မားသော လူသားပုံစံ မိကျောင်းကြီး အဖြစ် ပြောင်းလဲသွားလေ၏။</p> <p> </p> <p>တစ်ချိန်တည်းမှာပင်...</p> <p> </p> <p>နှစ်ပေါင်းများစွာ စွမ်းအား စုဆောင်းထားခဲ့သော "သွေးဝေလငါး လမင်းမြို နည်းစနစ်" ၏ အမြုတေကို လှုံ့ဆော်လိုက်ရာ၊ ပိုမို ရိုင်းစိုင်းကြမ်းကြုတ်သော စွမ်းအားလှိုင်းလုံးကြီး တစ်ခု သူ့ခန္ဓာကိုယ် အတွင်း၌ ဆူပွက်လာသည်။</p> <p> </p> <p>“ဘုန်း...”</p> <p> </p> <p>သူ နောက်ထပ် ခြေတစ်လှမ်း လှမ်းလိုက်သည်နှင့် တပြိုင်နက်၊ ပေါက်ကွဲထွက်ပေါ်လာသော စွမ်းအားကြောင့် ချပ်ဝတ် သင်းခွေချပ်၏ မိစ္ဆာစွမ်းအားနယ်ပယ် သည် ချက်ချင်း ပျက်စီးသွား၏။</p> <p> </p> <p>သူ့အပေါ်သို့ ဖိနှိပ်ထားသော စွမ်းအားများသည် နင်းချေခံလိုက်ရသကဲ့သို့ ချက်ချင်း ပေါက်ကွဲ ပျက်စီးသွားကြသည်။</p> <p> </p> <p>“လာစမ်း... တိုက်ကြမယ်...”</p> <p> </p> <p>စုယွီ ဟိန်းဟောက်လိုက်သည်။ သွေးဝေလငါး လမင်းမြို နည်းစနစ် ပေါက်ကွဲထွက်ပေါ်လာ၏။ သူ၏ ကိုယ်ခန္ဓာ သန့်စင်ခြင်း စွမ်းအားသည် မျက်စိတစ်မှိတ် အတွင်းမှာပင် သုံးဆခန့် မြင့်တက်လာသည်။ ကြောက်မက်ဖွယ် မိကျောင်း အရှိန်အဝါသည် ကောင်းကင်နှင့် မြေကြီးကို ဖိနှိပ်ထားပြီး၊ ကမ္ဘာလောက တစ်ခုလုံးကို တုန်ခါသွားစေသော လှိုင်းဂယက်များ ပျံ့နှံ့သွား၏။</p> <p> </p> <p>အဆုံးမဲ့ သဘာဝ ဝိညာဉ်စွမ်းအင်များသည် ဧရာမ လှိုင်းလုံးကြီး ပမာ တိုးဝင်လာသည်။ စုယွီသည် အနီရောင် ပုံရိပ်တစ်ခု အသွင် လျင်မြန်စွာ ပြောင်းလဲကာ ချပ်ဝတ် သင်းခွေချပ်ဆီသို့ ပြေးဝင် တိုက်ခိုက်လိုက်၏။</p> <p> </p> <p>“ဘုန်း...”</p> <p> </p> <p>ထူထပ်သော သစ်တောအုပ်ကြီးထဲတွင် အနီရောင်နှင့် အဝါရောင် ခန္ဓာကိုယ်ကြီး နှစ်ခု ခေါင်းချင်းဆိုင် ဝင်တိုက်မိကြသည်။</p> <p> </p> <p>မျက်စိတစ်မှိတ် အတွင်းမှာပင် ဘယ်ခန္ဓာကိုယ်က ပိုသန်မာသလဲ ဆိုတာ အဖြေပေါ်သွား၏။</p> <p> </p> <p>အဝါရောင် ပုံရိပ်ကြီးသည် အနီရောင် ပုံရိပ်ကြီးနှင့် ဝင်တိုက်မိပြီးနောက် လွင့်ထွက်သွားပြီး၊ မြေကြီးပေါ်သို့ ပြုတ်ကျကာ မြေပြင်ကို တုန်ခါ အက်ကွဲသွားစေသည်။</p> <p> </p> <p>ရေတွက်၍ မရနိုင်သော မြေကြီး အပိုင်းအစများသည် ကောင်းကင်သို့ ထိုးတက်နေသော မြေနဂါးများ ပမာ ပေါက်ကွဲ လွင့်စဉ်ကုန်ကြ၏။</p> <p> </p> <p>အဝါရောင် ပုံရိပ်ကြီး မြေပေါ်သို့ မကျရောက်မီမှာပင် စုယွီ ထပ်မံ ခုန်အုပ်လိုက်သည်။ သူ၏ ကြောက်မက်ဖွယ် ပုံသဏ္ဍာန်သည် ရှေးဟောင်း မိကျောင်းကြီး တစ်ကောင် ကဲ့သို့ပင်။ သူ၏ တိုက်ခိုက်မှုတိုင်းတွင် မြေကြီးကို တုန်ခါသွားစေနိုင်သော ကြောက်မက်ဖွယ် စွမ်းအားများ ပါဝင်နေသည်။</p> <p> </p> <p>မိကျောင်း မိစ္ဆာ (၁၀၈) ကွက် ကိုယ်ခန္ဓာ သန့်စင်ခြင်း ကျင့်စဉ် နှင့် သွေးဝေလငါး လမင်းမြို နည်းစနစ်တို့ ပေါင်းစပ်လိုက်သောအခါ၊ စုယွီ၏ ရုပ်ခန္ဓာ စွမ်းအား သက်သက်သည် တတိယအဆင့် အလယ်အလတ်တန်းစား ချပ်ဝတ် သင်းခွေချပ်ကို အပြတ်အသတ် ချေမှုန်းပစ်ရန် လုံလောက်နေပြီ ဖြစ်သည်။</p> <p> </p> <p>“ဘုန်း...”</p> <p> </p> <p>လက်သီးတစ်ချက်တည်းနှင့်တင် မိကျောင်းကြီး တစ်ကောင်၏ ခြေသည်းများက မြေကြီးကို ကုတ်ခြစ် ဆွဲဖြဲလိုက်သကဲ့သို့ ဖြစ်သွား၏။</p> <p> </p> <p>ချပ်ဝတ် သင်းခွေချပ်ကြီးသည် စူးရှစွာ အော်ဟစ်လိုက်သည်။ မည်သည့်အရာမှ မထိုးဖောက်နိုင်ဟု ယူဆထားသော ၎င်း၏ ချပ်ဝတ် ကြေးခွံများသည်၊ စုယွီ၏ လက်သီးချက်ကြောင့် ကွဲအက် ပေါက်ထွက်သွားပြီး ပူနွေးသော သွေးများ ပန်းထွက်လာ၏။</p> <p> </p> <p>၎င်း၏ ဧရာမ ခန္ဓာကိုယ်ကြီး လွင့်စဉ်သွားပြီး တစ်မိုင်ခန့် အကွာရှိ တောင်ကုန်းငယ်လေး တစ်ခုနှင့် ပစ်ဆောင့်မိသွားသည်။ တောင်ကုန်းလေး ပြိုကျသွားပြီး ဖုန်မှုန့်များက ၎င်းကို ချက်ချင်း ဖုံးလွှမ်းသွားလေ၏။</p> <p> </p> <p> </p>


Save