Book List

<h2 style="text-align: center;">အခန်း ၆၇၉</h2> <h2 style="text-align: center;">တာအိုအထွတ်အထိပ် တာလော့အမတ အဆင့်သို့ ထိုးဖောက်ဝင်ရောက်ခြင်း</h2> <h2 style="text-align: center;">*</h2> <p> </p> <p> </p> <p>[သင်သည် အမတဧကရာဇ် မျက်လုံး ကို ကျင့်ကြံရန်အတွက် သက်တမ်း ၁၀ ဘီလီယံ  ကို ရင်းနှီးမြှုပ်နှံလိုက်သည်]</p> <p> </p> <p>[သင်သည် အမတဧကရာဇ် မျက်လုံး ကို ကျင့်ကြံရန် သက်တမ်းနှစ်ပေါင်းသန်း ၁၀၀ အသုံးပြုလိုက်ပြီး အကြောင်းအကျိုး မဟာတာအို အပေါ် သင်၏ နားလည်သဘောပေါက်မှုက တိုးတက်လာသည်]</p> <p> </p> <p>[သင်သည် အမတဧကရာဇ် မျက်လုံး ကို ကျင့်ကြံရန် သက်တမ်း နှစ် ၁ ဘီလီယံ အသုံးပြုလိုက်ပြီး ပုံရိပ်ယောင်နှင့် အစစ်အမှန် မဟာတာအို အပေါ် သင်၏ နားလည်သဘောပေါက်မှုက တိုးတက်လာသည်]</p> <p> </p> <p>[သင်သည် အမတဧကရာဇ် မျက်လုံး ကို ကျင့်ကြံရန် သက်တမ်းနှစ် ၅ ဘီလီယံ အသုံးပြုလိုက်ပြီး သင်၏ အမတဧကရာဇ် မျက်လုံး ၏ စွမ်းအားက ပိုမို အားကောင်းလာသည်]</p> <p> </p> <p>...</p> <p>အသိပေးချက်များက ကုအန်၏ မျက်စိရှေ့တွင် လက်ခနဲ ပေါ်လာသော်လည်း သက်တမ်း နှစ်  ၁၀ ဘီလီယံ အပြည့်အဝ အသုံးပြုလိုက်ခြင်းကပင် အမတဧကရာဇ် မျက်လုံး ကို အဆင့်မြှင့်တင်ရန် မလုံလောက်ခဲ့ပေ။</p> <p> </p> <p>ကုအန်က အံ့အားမသင့်ခဲ့ချေ။ မည်သို့ပင်ဆိုစေကာမူ ဤအရာက ကောင်းကင်နန်းတော် ပင် ကြောက်ရွံ့ရသော အစွမ်းထက် နတ်ဘုရားကျင့်စဉ် တစ်ခု ဖြစ်သည် မဟုတ်ပါလား။</p> <p> </p> <p>သူက သက်တမ်းများကို ဆက်လက် ရင်းနှီးမြှုပ်နှံလိုက်ပြီး တစ်ကြိမ်လျှင် နှစ် ဘီလီယံ ၁၀ စီ ထပ်မံ အသုံးပြုလိုက်၏။</p> <p>ကျရှုံးသည်...</p> <p> </p> <p>နောက်ထပ် နှစ် ဘီလီယံ ၁၀ ထပ်သုံးမည်။</p> <p> </p> <p>ကုအန်တွင် ကျန်ရှိနေသော သက်တမ်းမှာ နှစ် ၄ ထရီလီယံ ကျော် ရှိနေသေးသဖြင့် နှစ် ၁၀ ဘီလီယံ ၁ဆိုသည်မှာ သူ့အတွက် ဘာမှ မဟုတ်ပေ။</p> <p> </p> <p>အဆက်မပြတ် ကျရှုံးနေသော်လည်း အဆက်မပြတ် ရင်းနှီးမြှုပ်နှံနေခဲ့၏။</p> <p> </p> <p>ရင်းနှီးမြှုပ်နှံလိုက်သော သက်တမ်းမှာ နှစ် ဘီလီယံ ၁၀၀ ကျော်သွားသောအခါ ကုအန်၏ မျက်လုံးများထဲတွင် သိမ်မွေ့သော အပြောင်းအလဲတစ်ခု ပေါ်လာသည်။</p> <p> </p> <p>အမတဧကရာဇ် မျက်လုံး အဆင့်တက်သွားသည့် အချိန်ကျမှသာ သူက နောက်ဆုံးတွင် သက်ပြင်းချနိုင်တော့၏။</p> <p> </p> <p>စုစုပေါင်း သက်တမ်း နှစ် ဘီလီယံ ၁၈၀ ကုန်ကျသွားခဲ့ပြီး အမတဧကရာဇ် မျက်လုံး က အကြွင်းမဲ့ဟင်းလင်းပြင်မျက်လုံး အဖြစ်သို့ အဆင့်တက်သွားသည်။</p> <p> </p> <p>အဆုံးအစမဲ့သော မှတ်ဉာဏ်များက ကုအန်၏ စိတ်ထဲသို့ အလုံးအရင်းနှင့် ဝင်ရောက်လာသဖြင့် သူ၏ မျက်လုံးများကို မှိတ်၍ ၎င်းတို့ထဲတွင် နစ်မြောသွားစေ၏။ မဟာတာအို သုံးထောင် ၏ ကြီးမားလှသော အချက်အလက်များက သူ၏ စိတ်ထဲသို့ အတင်းအဓမ္မ ဝင်ရောက်လာသည့်အလား ဖြစ်နေပြီး မြောင်ကျန်း တာလော့အမတ အဆင့်၏ အထွတ်အထိပ် တွင် ရှိနေသူ တစ်ယောက်ကိုပင် ဖရိုဖရဲ ဖြစ်သွားစေသည်။</p> <p> </p> <p>အကြွင်းမဲ့ ဟင်းလင်းပြင် မျက်လုံး သည် အစစ်အမှန်နှင့် ပုံရိပ်ယောင်များကို ခြယ်လှယ်နိုင်ရုံသာမက ၎င်းတို့ကို ဖန်တီးနိုင်စွမ်းလည်း ရှိပြီး အရာအားလုံးကို တတ်စွမ်းနိုင်သော မျက်လုံးတစ်ခု ဖြစ်၏။ အသုံးပြုသူ၏ ကျင့်စဉ်စွမ်းအင်များ ကုန်ခမ်းသွားသည့်အခါ ၎င်း၏ ဖန်တီးမှုများက ပျောက်ကွယ်သွားမည် ဖြစ်သည်။</p> <p> </p> <p>တိုက်ပွဲအတွင်း၌ ပြိုင်ဘက်၏ နတ်ဘုရားကျင့်စဉ်များ၊ ဂါထာမန္တန်များနှင့် ကျင့်စဉ်စွမ်းအင်များကိုပင် သုညအဖြစ်သို့ ပြောင်းလဲပစ်နိုင်၏။</p> <p> </p> <p>ဤသည်က အားနည်းသူများအပေါ် ဖိနှိပ်နိုင်စွမ်း သက်သက်သာ မဟုတ်ဘဲ ကျင့်စဉ်အဆင့် ပိုမို မြင့်မားသူများအပေါ်တွင်ပင် ဖိနှိပ်နိုင်စွမ်း အတိုင်းအတာ တစ်ခုအထိ ရှိနေသည်။</p> <p> </p> <p>အကြွင်းမဲ့ ဟင်းလင်းပြင် မျက်လုံး ကြောင့် ဖြစ်ပေါ်လာသော မဟာတာအို ဖြစ်စဉ်များက ယခင်ကထက် များစွာ သာလွန်နေပြီး အဆုံးမဲ့ တာအိုတောင် မှာ ပြင်းထန်သော လေမုန်တိုင်းများ၏ ဖျက်ဆီးမှုကို ခံနေရဆဲ ဖြစ်ကာ အဝေးရှိ တာအိုတောင်ပေါ်တွင် လူရိပ်များ ဆက်တိုက် ပေါ်ထွက်လာကြ၏။</p> <p> </p> <p>အနီးအနားရှိ တာအိုတောင်ထိပ် တစ်ခုပေါ်တွင်ပင် မီးခိုးရောင် မြူခိုးများ ဖုံးလွှမ်းနေသော လူရိပ်တစ်ခု ပေါ်လာပြီး ၎င်း၏ အစစ်အမှန် ပုံသဏ္ဌာန်ကို မဖော်ပြထားချေ။</p> <p> </p> <p>ထိုမီးခိုးရောင် မြူခိုး လူရိပ်က ဖြစ်စဉ်၏ အရင်းအမြစ်ကို ရှာဖွေနေသည့်အလား မှောင်မိုက်နေသော ကောင်းကင်ယံသို့ မော့ကြည့်လိုက်သော်လည်း အရင်းအမြစ်မှာ သူ့ဘေးရှိ တာအိုတောင်ပေါ်တွင် ရှိနေသည်ကိုမူ သူ မသိရှိခဲ့ပေ။</p> <p> </p> <p>တာအိုတောင် နှစ်ခုက တစ်ခုနှင့်တစ်ခု ဆက်စပ်နေသော်လည်း ၎င်းတို့၏ တောင်ထိပ်များကြား အကွာအဝေးမှာ မိုင်ပေါင်း သန်းဆယ်ချီ ဝေးကွာလှ၏။ ယင်းက သာမန်လူများအတွက် တစ်သက်တာလုံး ကျော်ဖြတ်၍ မရနိုင်သော အကွာအဝေး ဖြစ်သော်လည်း မီးခိုးရောင် မြူခိုး လူရိပ်အတွက်မူ ခြေတစ်လှမ်း အကွာအဝေးမျှသာ ဖြစ်သည်။</p> <p> </p> <p>အချိန်တွေ လျင်မြန်စွာ ကုန်လွန်သွား၏။</p> <p> </p> <p>တစ်နာရီကြာပြီးနောက်...</p> <p> </p> <p>ကုအန်က မျက်လုံးများကို ဖွင့်လိုက်ရာ သူ၏ ခရမ်းရောင် မျက်ဝန်းများမှာ ရွှေရောင်နှင့် အနီရောင်များအဖြစ် ပြောင်းလဲသွားပြီး သူ၏ ဖိနှိပ်နိုင်စွမ်းရှိသော အရှိန်အဝါကို ပိုမို မြင့်မားသွားစေသည်။</p> <p> </p> <p>သူ၏ အကြွင်းမဲ့ ဟင်းလင်းပြင် မျက်လုံး သည် အဝေးရှိ တောင်ထိပ်ပေါ်မှ မီးခိုးရောင် မြူခိုး လူရိပ်ကို ဦးစွာ အာရုံစိုက်လိုက်၏။</p> <p> </p> <p>ထိုမျှ နီးကပ်သော အကွာအဝေးတွင် ရှိနေသည့်တိုင် ကုအန်က သူ့အပေါ် သက်တမ်း ရှာဖွေခြင်း ကို အသုံးပြု၍ မရခဲ့ပေ။ ယင်းက ဤလောကရှိ ကျင့်ကြံသူများကို စွမ်းအားတစ်ခုခုက ကာကွယ်ပေးထားသည့်အလား ဖြစ်နေ၏။</p> <p> </p> <p>သို့သော်လည်း သက်တမ်း ရှာဖွေခြင်း မပါဘဲနှင့်ပင် တစ်ဖက်လူ၏ ကျင့်စဉ်အဆင့်ကို ကုအန် အာရုံခံသိရှိနိုင်သည်။</p> <p> </p> <p>ကောင်းကင်ဖွင့်တာလော့အမတ အဆင့်၏ နှောင်းပိုင်း...</p> <p> </p> <p>ကောင်းကင်ဖွင့် တာလော့အမတ တစ်ပါးက အဆုံးမဲ့ တာအိုတောင် တွင် ကျင့်ကြံနိုင်သည်က ကုအန်၏ ရင်ထဲတွင် အတွေးများ ရုတ်တရက် ပေါ်ထွက်လာတော့၏။</p> <p> </p> <p>အဆင့်တက်ပြီးသွားရင် ငါ ဒီမှာ ခဏလောက် နေပြီး စောင့်ကြည့်သင့်သလား...</p> <p> </p> <p>အရင်ဆုံး အဆင့်တက်ခြင်းကို ပြီးစီးအောင် လုပ်ပြီး သူ ဘယ်လောက်တောင် အစွမ်းထက်လာမလဲ ဆိုတာကို ကြည့်လိုက်ဦးမယ်...</p> <p> </p> <p>ကုအန်က သူ၏ အချက်အလက် မျက်နှာပြင်ကို ပြန်ဖွင့်လိုက်သည်။ သက်တမ်း ဆင့်ကဲပြောင်းလဲခြင်း တွင် ကုန်ကျခဲ့သည့်အပြင် သက်တမ်း အတားအဆီး ကလည်း သက်တမ်းများကို အဆက်မပြတ် စားသုံးနေခဲ့သဖြင့် သူ့ထံတွင် သက်တမ်း နှစ် ၄.၅ ထရီလီယံ  ကျော်သာ ကျန်ရှိတော့၏။</p> <p> </p> <p>သူက ကျင့်စဉ်အဆင့်အတွက် သက်တမ်းများကို စတင် ရင်းနှီးမြှုပ်နှံလိုက်သည်။</p> <p> </p> <p>[သင်သည် ချီစုပ်ယူခြင်းကို နှစ် ၂ ဘီလီယံ ကြာ ကျင့်ကြံပြီး မဟာတာအိုများ ချေမှုန်းခြင်း ကျင့်စဉ် ၏ ပြီးပြည့်စုံသော အဆင့်ကို အသုံးပြု၍ တာအိုအထွတ်အထိပ် တာလော့အမတ အဆင့်သို့ အတင်းအဓမ္မ ထိုးဖောက် ဝင်ရောက်ရန် ကြိုးပမ်းကာ ကပ်ဘေးကို စတင် ကျော်ဖြတ်ခဲ့သော်လည်း အဆုံးအစမဲ့ ကောင်းကင်ဟင်းလင်းပြင် မဟာကပ်ဘေး ကို မကျော်ဖြတ်နိုင်ခဲ့ဘဲ ကျရှုံးသွားသည်...]</p> <p> </p> <p>[သင်သည် ချီစုပ်ယူခြင်းကို နှစ် ၄ ဘီလီယံ ကြာ ကျင့်ကြံပြီး မဟာတာအိုများ ချေမှုန်းခြင်း ကျင့်စဉ် ၏ ပြီးပြည့်စုံသော အဆင့်ကို အသုံးပြု၍ တာအိုအထွတ်အထိပ် တာလော့အမတ အဆင့်သို့ အတင်းအဓမ္မ ထိုးဖောက် ဝင်ရောက်ရန် ကြိုးပမ်းကာ ကပ်ဘေးကို စတင် ကျော်ဖြတ်ခဲ့သော်လည်း အဆုံးအစမဲ့ ကောင်းကင်ဟင်းလင်းပြင် မဟာကပ်ဘေး ကို မကျော်ဖြတ်နိုင်ခဲ့ဘဲ ကျရှုံးသွားသည်...]</p> <p> </p> <p>...</p> <p> </p> <p>ကပ်ဘေး တစ်ခုတည်းကို ကျော်ဖြတ်ဖို့ ဘာလို့  နှစ် ၂ ဘီလီယံ တောင် ကြာရတာလဲ</p> <p> </p> <p>အဲဒါတောင် ငါ့ရဲ့ တာအိုနည်းစနစ်တွေနဲ့ ခန္ဓာကိုယ်ကို အဆင့်မြှင့်တင်ထားပြီးတဲ့ နောက်မှာတောင်မှနော်..</p> <p> </p> <p> </p> <p>နောက်ထပ် မဟာအဆင့်၏ အထွတ်အထိပ်သို့ တက်လှမ်းရန် ဤတစ်ကြိမ်တွင်မူ အတော်လေး ခက်ခဲလိမ့်မည်ဟု ကုအန် ရုတ်တရက် ခံစားလိုက်ရလေ၏။</p> <p> </p> <p> </p> <p>ဘာပဲဖြစ်ဖြစ် အရင်ဆုံး တာအိုအထွတ်အထိပ် တာလော့အမတ ဆိုတဲ့ အဆင့်ကို ရောက်အောင် လုပ်ရမယ်...</p> <p> </p> <p>နှစ် ၁၀ ဘီလီယံ က အဆင့်တက်ရန် ငါးကြိမ်သာ ကြိုးပမ်းနိုင်ခဲ့ပြီး ထိုငါးကြိမ်စလုံး ကျရှုံးသွားပြီးနောက် ကုအန်က သက်တမ်း နှစ် ၁၀၀ ဘီလီယံ  ကို တိုက်ရိုက် ရင်းနှီးမြှုပ်နှံလိုက်သည်။</p> <p>အသိပေးချက်များက ဆက်တိုက် ပေါ်လာပြီး အားလုံးက ကျရှုံးကြောင်းကိုသာ ဖော်ပြနေ၏။</p> <p> </p> <p>ကပ်ဘေး အကြိမ် ငါးဆယ်စလုံး ကျရှုံးမှုဖြင့် အဆုံးသတ်သွားသည်။</p> <p> </p> <p>ကုအန်က ဆက်လက်၍ ရင်းနှီးမြှုပ်နှံလိုက်၏။</p> <p> </p> <p>နှစ် ၁၀၀ ဘီလီယံ .... နောက်ထပ် နှစ် ၁၀၀ ဘီလီယံ</p> <p> </p> <p>ကျရှုံးသည်...</p> <p> </p> <p>ကျရှုံးသည်...</p> <p> </p> <p>ကျရှုံးသည်...</p> <p> </p> <p>ကုအန်က ပြင်းပြင်းထန်ထန် အာရုံစိုက်လိုက်ရာ အကြွင်းမဲ့ ဟင်းလင်းပြင် မျက်လုံး ထဲတွင် ကြောက်မက်ဖွယ်ကောင်းသော အကြည့်များက လက်ခနဲ ဖြစ်သွား၏။</p> <p>အဆုံးမဲ့ တာအိုတောင် ၏ မဟာတာအို ဖြစ်စဉ်များက စတင် အားနည်းလာသည်။ တောင်ထိပ်များပေါ်တွင် ရပ်နေသော လူရိပ်များမှာ ဆက်တိုက် ပျောက်ကွယ်သွားကြသော်လည်း အချို့မှာမူ စောင့်ကြည့်နေဆဲ ဖြစ်၏။</p> <p> </p> <p>အနီးအနားရှိ တာအိုတောင်ပေါ်မှ မီးခိုးရောင် မြူခိုး လူရိပ်က ပျောက်ကွယ်မသွားခဲ့ပေ။ သူက ပတ်ဝန်းကျင်ကို ကြည့်ရှုနေသော်လည်း ကုအန် ရပ်နေသော တာအိုတောင်ပေါ်သို့မူ သူ၏ အကြည့်များက တစ်ခါမျှ ရောက်မလာခဲ့ချေ။</p> <p> </p> <p>ကုအန်က သူ့ကို ဂရုမစိုက်တော့ဘဲ မိမိရှေ့ရှိ အသိပေးချက်များအပေါ်၌သာ အပြည့်အဝ အာရုံစိုက်လိုက်၏။</p> <p> </p> <p>သက်တမ်း နှစ် ၁ ထရီလီယံ  ဖြင့် ကျရှုံးသွားပြီးနောက် ပြဿနာမှာ ကြီးမားနေပြီ ဖြစ်ကြောင်း သူ သတိပြုမိလိုက်သည်။</p> <p> </p> <p>တာအိုအထွတ်အထိပ် တာလော့အမတ အဆင့်ကို ထိုးဖောက် ဝင်ရောက်ဖို့က တကယ်ပဲ ဒီလောက် ခက်ခဲနေတာလား...</p> <p> </p> <p>ဒါမှမဟုတ် အဆုံးအစမဲ့ ကောင်းကင်ဟင်းလင်းပြင် မဟာကပ်ဘေး က သူ ထင်ထားတာထက် ပိုပြီး ကြောက်စရာ ကောင်းနေလို့လား...</p> <p> </p> <p>ကုအန်က တွေးတောနေရင်းနှင့် သက်တမ်းများကို ဆက်လက် ရင်းနှီးမြှုပ်နှံနေခဲ့၏။</p> <p> </p> <p>သို့သော်လည်း ဒုတိယမြောက် သက်တမ်း နှစ် ၁ ထရီလီယံ  ကို အသုံးပြုလိုက်သောလည်း အောင်မြင်မည့် အရိပ်အယောင်များ မတွေ့ရသေးချေ။</p> <p> </p> <p>သူက မျက်မှောင်အနည်းငယ် ကြုတ်လိုက်ပြီး ဆက်လက်၍ ရင်းနှီးမြှုပ်နှံလိုက်သည်။</p> <p> </p> <p>အတန်ကြာပြီးနောက်...</p> <p> </p> <p>နောက်ဆုံးတွင် အဆင့်တက်ခြင်းကို သူ အောင်မြင်သွားတော့၏။</p> <p> </p> <p>[သင်သည် ချီစုပ်ယူခြင်းကို နှစ် ၅၈ ဘီလီယံကြာ ကျင့်ကြံပြီး မဟာတာအိုများ ချေမှုန်းခြင်း ကျင့်စဉ် ၏ ပြီးပြည့်စုံသော အဆင့်ကို အသုံးပြု၍ တာအိုအထွတ်အထိပ် တာလော့အမတ အဆင့်သို့ အတင်းအဓမ္မ ထိုးဖောက် ဝင်ရောက်ရန် ကြိုးပမ်းကာ ကပ်ဘေးကို စတင် ကျော်ဖြတ်ခဲ့ရာ အဆုံးအစမဲ့ ကောင်းကင်ဟင်းလင်းပြင် မဟာကပ်ဘေး ကို အောင်မြင်စွာ ကျော်ဖြတ်နိုင်ခဲ့သည်။ သင်၏ ကျင့်စဉ်အဆင့်က တာအိုအထွတ်အထိပ် တာလော့အမတ အဆင့်၏ အစောပိုင်း သို့ ထိုးဖောက် ဝင်ရောက်သွားပါပြီ]</p> <p> </p> <p>[သင်သည် ချီစုပ်ယူခြင်းကို နှစ် ၁ ဘီလီယံ ကြာ ကျင့်ကြံပြီး သင်၏ ကျင့်စဉ်အဆင့်က တိုးတက်လာသည်]</p> <p> </p> <p>အသိပေးချက် ကျဆင်းသွားသည်နှင့်အမျှ သက်တမ်း အတားအဆီး က တစ်ဖန် ပြန်လည် စတင်လာပြီး ယခင်ကထက် များစွာ ခမ်းနားထည်ဝါလာ၏။ တာအို ဝိညာဉ်ချီများက ကုအန်ကို လွှမ်းခြုံသွားပြီး သူ့အား မဟာတာအို၏ အလင်းရောင်များထဲတွင် နစ်မြောသွားစေသည်။</p> <p> </p> <p>အစောပိုင်း အဆင့်သို့ ရောက်ရှိရန်အတွက်ပင် ကုအန်၏ သက်တမ်း နှစ် ၂.၃ ထရီလီယံ ကုန်ကျသွားခဲ့၏။</p> <p> </p> <p>သူသည် ဆက်လက်၍ အဆင့်တက်ရန် မဝံ့ရဲတော့ချေ။ မည်သို့ပင်ဆိုစေကာမူ သက်တမ်း အတားအဆီး အတွက် သက်တမ်းများကို ချန်လှပ်ထားရန် လိုအပ်သေးသည် မဟုတ်ပါလား။</p> <p> </p> <p>အရင်ဆုံး တာအိုအထွတ်အထိပ် တာလော့အမတ အဆင့်ကို ကျွမ်းကျင်အောင် လုပ်ရမယ်...</p> <p> </p> <p>ဘုန်း...</p> <p> </p> <p>မှောင်မိုက်နေသော ကောင်းကင်ယံတွင် ရုတ်တရက် မိုးခြိမ်းသံကြီး တစ်ခု ထွက်ပေါ်လာပြီး ကောင်းကင်နှင့် မြေကြီးကြားရှိ မည်သည့် တောင်ကြောထက်မဆို ပိုမို ကြီးမားသော မဟာနဂါးကြီး တစ်ကောင် ကောင်းကင်ယံတွင် ရစ်ခွေနေသည့်အလား ဖြစ်သွားကာ တာအိုတောင်များ အတွင်း၌ ကျင့်ကြံနေကြသော ကျင့်ကြံသူများကို လန့်ဖြန့်သွားစေ၏။</p> <p> </p> <p>ကုအန်၏ အာရုံခံနိုင်စွမ်း အတွင်း၌ ကျင့်ကြံသူ ပိုမို များပြားလာသော အရှိန်အဝါများ ပေါ်ထွက်လာပြီး ညကောင်းကင်ယံမှာ လင်းထိန်သွားကာ ကြယ်များ ပေါ်လာသည့်အလား ဖြစ်နေသည်။</p> <p> </p> <p> </p> <p>သူ အံ့အားသင့်သွား၏။</p> <p> </p> <p>ဒီနေရာမှာ အစွမ်းထက်တဲ့ သတ္တဝါ ဘယ်လောက်တောင် ပုန်းအောင်းနေတာလဲ...</p> <p> </p> <p>အနိမ့်ဆုံး အရှိန်အဝါကပင် ဟန်ထျန်း ရွှေအမတ အဆင့် ဖြစ်ပြီး အများစုမှာ ထိုက်ချင်း ရွှေအမတ များ ဖြစ်ကြကာ အချို့သော အရှိန်အဝါများက သူ၏ ရင်ကိုပင် တုန်လှုပ်သွားစေ၏။</p> <p> </p> <p>သူတို့က တာအိုအထွတ်အထိပ် တာလော့အမတ တွေ ဖြစ်ရမယ်...</p> <p> </p> <p>ဒီ အဆုံးမဲ့ တာအိုတောင် က ဉာဏ်အလင်းရရှိခြင်း အတွက် သန့်ရှင်းသော နယ်မြေ တစ်ခုများလား...</p> <p> </p> <p>သူ နေထိုင်ရာ တာအိုတောင်ကို မည်သူကမျှ အာရုံစိုက်ခြင်း မရှိကြောင်း မြင်သောအခါ ကုအန်က တွေးတောရင်း သူ၏ အသိစိတ်ကို အမွေအနှစ် မှတ်ဉာဏ်များထဲသို့ နစ်မြုပ်လိုက်၏။</p> <p>တာအိုအထွတ်အထိပ် တာလော့အမတ ဆိုသည်မှာ တာလော့ တာအိုအသီး ၏ အထွတ်အထိပ် ဖြစ်ပြီး သတ္တဝါများ ရောက်ရှိနိုင်သော နောက်ဆုံး နယ်နိမိတ်ပင် ဖြစ်သည်။ ပိုမို အစွမ်းထက်လာစေရန်အတွက် ကျင့်ကြံခြင်းနှင့် ဉာဏ်အလင်းရရှိခြင်းတို့အပေါ် မှီခို၍ မရနိုင်တော့ဘဲ မိမိ၏ ကိုယ်ပိုင် မဟာတာအိုကို ဖန်တီး၍ ဖွံ့ဖြိုးတိုးတက်အောင် လုပ်ဆောင်ရမည် ဖြစ်၏။</p> <p> </p> <p>တစ်နည်းအားဖြင့် ဆိုရလျှင် တာအိုအထွတ်အထိပ် တာလော့အမတ ဆိုသည်မှာ အမတ လမ်းစဉ် ၏ အမြင့်ဆုံး အထွတ်အထိပ် ပင် ဖြစ်သည်။</p> <p> </p> <p>ယင်း၏ အလွန်တွင် အမတ လမ်းစဉ် မဟုတ်တော့ဘဲ မဟာတာအို သာ ဖြစ်တော့၏။</p> <p> </p> <p>ကုအန်၏ တာလော့ တာအိုအသီး က တာအိုအထွတ်အထိပ် ပုံစံများ ကို စတင် ပုံနှိပ်လာပြီး ပုံစံတစ်ခုစီတိုင်းတွင် ဖျောက်ဖျက်၍ မရနိုင်သော လျှို့ဝှက်ချက်များ ပါဝင်နေသည်။</p> <p>တာအိုအထွတ်အထိပ် ပုံစံများ ရှိနေသရွေ့ တာအိုအထွတ်အထိပ် တာလော့အမတ က ကျဆုံးသွားမည် မဟုတ်ဘဲ တာအိုအထွတ်အထိပ် ပုံစံများ မှာ တာအိုအသီး ပေါ်တွင်သာ မကဘဲ မဟာတာအို၏ အဆုံးအစမဲ့သော နယ်ပယ်များ အတွင်း၌လည်း ရောယှက် ဖွဲ့စည်းနေမည် ဖြစ်၏။</p> <p> </p> <p>တာလော့ တာအိုအသီး ဖျက်ဆီးခံရလျှင်ပင် ပြန်လည် ရှင်သန်နိုင်စွမ်း ရှိသော်လည်း ပြန်လည် ရှင်သန်လာသည့် အခါတိုင်း တာအိုအထွတ်အထိပ် ပုံစံ တစ်ခု လျော့နည်းသွားမည် ဖြစ်သည်။</p> <p> </p> <p>စုစုပေါင်း တာအိုအထွတ်အထိပ် ပုံစံ ၄၉ ခု ရှိပြီး ယင်းမှာ တာအိုအထွတ်အထိပ် တာလော့အမတ တစ်ပါးက ၄၉ ကြိမ် ပြန်လည် ရှင်သန်နိုင်သည်ဟု ဆိုလိုခြင်း ဖြစ်၏။ အမှုန်အမွှားအဖြစ် ပျောက်ကွယ်သွားလျှင်ပင် ပြန်လည် မွေးဖွားနိုင်စွမ်း ရှိပေသည်။</p> <p> </p> <p>တာအိုအထွတ်အထိပ် ပုံစံများ ရှိနေသော တာအိုအထွတ်အထိပ် တာလော့အမတ တစ်ပါးမှာ သေမျိုးကင်းလွတ်သော တည်ရှိမှု တစ်ခုနှင့် နီးပါး တူညီနေ၏။ တာအိုအထွတ်အထိပ် တာလော့အမတ တစ်ပါးကို လုံးဝ ပျက်စီးသွားအောင် ချေမှုန်းပစ်ရန် အလွန် ခက်ခဲလှသည်။ သတ်ဖြတ်ခံရလျှင်ပင် ပြန်လည် ရှင်သန်လာနိုင်စွမ်း ရှိပေသည်။ တာအိုအထွတ်အထိပ် တာလော့အမတ တစ်ပါးနှင့် ရင်ဆိုင်ရပါက မည်မျှအထိ မျှော်လင့်ချက် ကင်းမဲ့သွားမည်ကို မှန်းဆကြည့်နိုင်ပေသည်။</p> <p> </p> <p>ထို့အပြင် ကုအန်၏ ကျင့်စဉ်စွမ်းအင်များကလည်း ပြောင်းလဲသွားပြီး အမတ လမ်းစဉ် ၏ အမြင့်ဆုံး စွမ်းအားဆီသို့ ဆင့်ကဲပြောင်းလဲလာ၏။</p> <p> </p> <p>ဤလုပ်ငန်းစဉ် အတွင်း သူ၏ ကိုယ်ပိုင် မဟာနတ်ဘုရားစွမ်းရည် ဖြစ်သော သက်တမ်း အမှန်တရား စကားလုံးများ မှာလည်း အရည်အသွေးပိုင်းဆိုင်ရာ အသွင်ပြောင်းလဲမှု တစ်ခု ဖြစ်ပေါ်နေသည်။</p> <p> </p> <p style="text-align: center;"> </p> <p style="text-align: center;">***</p>


Save