Book List

<h2 style="text-align: center;">အခန်း (၅၇၆)</h2> <h2 style="text-align: center;">ဧရာမတောင် သွေးမျိုးဆက် နတ်ဘုရားစွမ်းရည်များ။ ဝူကျိအင်ပါယာ၏ စာပေရနံ့တောင် (၄)</h2> <h2 style="text-align: center;">*</h2> <h2 style="text-align: center;"> </h2> <p> </p> <p>သိပ်မဝေးလှသော သစ်ပင်ကြီးတစ်ပင်၏ နောက်ကွယ်တွင် လူနှစ်ဦးသည် အချင်းချင်း အကြည့်ချင်း ဖလှယ်လိုက်ကြသည်။ သူတို့ ရှိနေသည်ကို သိသွားပြီဖြစ်၍ ဆက်လက် ပုန်းမနေတော့ဘဲ အပြင်သို့ ပြေးထွက်လာကာ စူးချန်ခုန်း ရှိရာသို့ ဖြည်းညှင်းစွာ ချဉ်းကပ်လာကြသည်။</p> <p>စူးချန်ခုန်းသည်လည်း ထိုလူနှစ်ဦး၏ ရုပ်သွင်ကို မြင်လိုက်ရသည်။ သူတို့သည် ရုပ်ချင်း အလွန်ဆင်တူကြရာ အမွှာညီအစ်ကိုများ ဖြစ်ပုံရသည်။ နှစ်ဦးစလုံးမှာ နဖူးပြင် ကျယ်ကျယ်၊ အသားအရောင်မှာ အဝါရင့်ရောင် ရှိပြီး အသက်သုံးဆယ်ကျော် အရွယ်ခန့် ရှိပုံရသည်။ တစ်ယောက်က အပြာရောင်ဝတ်စုံ၊ နောက်တစ်ယောက်က အစိမ်းရောင်ဝတ်စုံကို ဝတ်ဆင်ထားသည်။</p> <p>စူးချန်ခုန်းက သူတို့ကို လေ့လာနေသကဲ့သို့ ထိုနှစ်ဦးကလည်း စူးချန်ခုန်းကို အကဲခတ်နေကြသည်။</p> <p>အကြည့်ချင်း ဖလှယ်ပြီးနောက် အပြာရောင်ဝတ်စုံနှင့် အစ်ကိုဖြစ်သူက သူ၏ မျက်လုံးထဲတွင် ဖော်ပြမတတ်သော အဓိပ္ပာယ်များဖြင့် အသံနက်ကြီးဖြင့် မေးလိုက်သည် "မင်းက ဘယ်သူလဲ။ ဒီကို ဘာလို့ ရောက်နေတာလဲ။ မင်းရဲ့ ပုံစံအရဆိုရင် ဒီမှာ နေနေတာ တော်တော် ကြာပြီ ထင်တယ်။"</p> <p>စူးချန်ခုန်းသည် စိတ်ထဲမှ မျက်မှောင်ကြုတ်လိုက်မိသည်။ ထိုလူနှစ်ဦးထံမှ မနည်းလှသော ရန်လိုမှုကို ခံစားနေရသော်လည်း သူက ပြဿနာ မရှာလိုပေ။ ထို့ကြောင့် သူက ပြန်ဖြေလိုက်သည် "ကျွန်တော်က တစ်ကိုယ်တော် ကျင့်ကြံနေတဲ့ ခရီးသွား သိုင်းပညာရှင် တစ်ယောက်ပါ။ စာပေရနံ့တောင်ကို ဖြတ်လာရင်း အဆင့်တက်ချင်တဲ့ စိတ်ဆန္ဒ ဖြစ်ပေါ်လာတာနဲ့ ဒီမှာပဲ ထိုင်ပြီး ကျင့်ကြံနေတာပါ။ အခု အဆင့်တက်တာ ပြီးသွားပြီမို့ ထွက်သွားတော့မယ့် အချိန်မှာ ခင်ဗျားတို့နဲ့ ဆုံတာ..."</p> <p>"မင်းပြောတာ အဓိပ္ပာယ်မရှိဘူး။ တစ်ကိုယ်တော် သိုင်းပညာရှင် ဟုတ်လား။ မင်းကျင့်ကြံတုန်းက စုစည်းခဲ့တဲ့ သဘာဝ ဝိညာဉ်စွမ်းအင် ပမာဏက အဆင့်မြင့် သိုင်းပညာရပ်ကနေပဲ ရနိုင်တာ။ မင်းက လီမိသားစုရဲ့ မျိုးဆက်လက်ကျန်မလား။"</p> <p>စူးချန်ခုန်း စကားမဆုံးမီမှာပင် အစိမ်းရောင်ဝတ်စုံနှင့် လူက အော်ဟစ်ကာ ကြားဖြတ် ပြောလိုက်သည်။ သူ၏ အေးစက်သော အကြည့်များက စူးချန်ခုန်းကို ဖောက်ထွက်မတတ် စိုက်ကြည့်နေသည်။</p> <p>"လီမိသားစု မျိုးဆက်လက်ကျန်တဲ့လား။"</p> <p>စူးချန်ခုန်းသည် ထိုလူနှစ်ဦး၏ မည်သူမည်ဝါဖြစ်ကြောင်းကို နားမလည်သော်လည်း သူတို့က သူ့ကို လီမိသားစုဝင်တစ်ဦးဟု အထင်မှားနေပုံရသည်။</p> <p>"မိတ်ဆွေတို့... အမှန်အတိုင်း ပြောရရင် ကျွန်တော်က လီမိသားစုဝင်တွေကို လာရှာတာပါ။ ဒါပေမဲ့ သူတို့က ပြောင်းသွားကြပြီ ထင်တယ်။ ခင်ဗျားတို့က လီမိသားစုဝင်တွေကို သိလို့လား။" စူးချန်ခုန်းက သူတို့ မည်သူမည်ဝါဖြစ်ကြောင်းနှင့် ရည်ရွယ်ချက်ကို သိလိုသဖြင့် ထပ်မံ စုံစမ်းလိုက်သည်။</p> <p>"သေချာပြီ။ မင်းက လီမိသားစုဝင် မဟုတ်ရင်တောင် သူတို့နဲ့ တော်တော်လေး နီးစပ်တဲ့သူပဲ။ အစ်ကိုကြီး... သူ့ကို အမိဖမ်းပြီး သေချာ စစ်မေးရအောင်။"</p> <p>အပြာရောင်ဝတ်စုံနှင့် လူ၏ မျက်နှာတွင် ရက်စက်သော အမူအရာ ပေါ်ထွက်လာပြီး စူးချန်ခုန်းကို ဝံပုလွေတစ်ကောင်ကဲ့သို့ စိုက်ကြည့်လိုက်သည်။</p> <p>"မင်းတို့ စိတ်မနှံ့တာလား။ ငါတို့ ကောင်းကောင်းမွန်မွန် စကားပြောလို့ မရဘူးလား။"</p> <p>စူးချန်ခုန်းသည် မဆဲဘဲ မနေနိုင်တော့ပေ။ သူက ယဉ်ယဉ်ကျေးကျေး ပြောဆိုနေပြီး သူတို့ကို စော်ကားခြင်း မရှိပါလျက်နှင့် ဤလူနှစ်ဦးမှာ အခြားသူများကို အထင်သေးသည့် အမူအရာဖြင့် ရာဇဝတ်သားတစ်ဦးကဲ့သို့ ဆက်ဆံကာ ဖမ်းဆီးရန်ပင် ပြောဆိုနေကြသည်။</p> <p>"ဝုန်း"</p> <p>ထိုလူနှစ်ဦးမှာ နောက်ထပ် စကားမဆိုတော့ဘဲ ရှေ့သို့ လှမ်းတက်လာကြရာ သူတို့၏ ချီသွေးစွမ်းအင်များမှာ သောင်းကျန်းစွာ ပွက်လောရိုက်လာသည်။ အရိုးကျိုးသံများနှင့်အတူ သူတို့၏ ခန္ဓာကိုယ်များမှာ ထိတ်လန့်စရာ အရှိန်ဖြင့် ပိုမို မြင့်မားလာပြီး အရေပြားမှာ အဝါရင့်ရောင်သို့ ပြောင်းလဲသွားသည်။</p> <p>အသက်တစ်ရှူစာ အချိန်အတွင်းမှာပင် သူတို့၏ ရုပ်သွင်မှာ လုံးဝ ပြောင်းလဲသွားသည်။ သူတို့သည် နှစ်မီတာခွဲခန့် အမြင့်အထိ ကြီးထွားလာပြီး ဝတ်ဆင်ထားသော ဝတ်ရုံများမှာ စုတ်ပြဲသွားကာ သူတို့၏ ကြွက်သားများမှာ အဝါရင့်ရောင် ကျောက်ဆောင်များကဲ့သို့ ဖောင်းကားလာပြီး အင်အားကြီးမားသော စွမ်းပကားများ အပြည့်နှင့်။</p> <p>တစ်ဖက်တစ်ချက်စီတွင် ရှိနေသော သူတို့သည် ဧရာမ ဘီလူးကြီးနှစ်ကောင်နှင့် တူနေလေသည်။ ပြင်းထန်သော ဖိအားမှာ အံ့ဩစရာ ကောင်းလှပြီး သူတို့၏ ခြေထောက်အောက်ရှိ မြေပြင်မှာပင် မခံနိုင်ဘဲ အက်ကွဲသံများ ထွက်ပေါ်နေသည်။</p> <p>"ဒါက... သွေးမျိုးဆက် နတ်ဘုရားစွမ်းရည်လား။ မင်းတို့က ရှေးဟောင်းမိသားစုက တပည့်တွေလား။"</p> <p>ဒါကို မြင်လိုက်သောအခါ စူးချန်ခုန်းက သူတို့၏ အဆင့်အတန်းကို ရိပ်မိသွားပြီး မျက်လုံးထဲတွင် နားလည်မှု သဲလွန်စအချို့ ပေါ်လာသည်။ ဘာကြောင့် သူတို့ ဒီလောက်အထိ ဒေါသကြီးနေသည်ကို နားလည်သွားသည်။ စူးချန်ခုန်းသည် နှစ်ပေါင်းထောင်ချီ သက်တမ်းရှိသော မုမိသားစုမှ လူများနှင့် တွေ့ဖူးသဖြင့် ဤရှေးဟောင်းမိသားစုဝင်များသည် စိတ်အခြေအနေ တစ်မျိုးဖြစ်နေတတ်ပြီး စကားအနည်းငယ် အဆင်မပြေရုံနှင့်ပင် တုတ်ဆွဲဓားဆွဲ ဖြစ်တတ်ကြောင်း သိထားသည်။</p> <p>ဤလူနှစ်ဦး ပြသလိုက်သော အတတ်မှာ သိုင်းပညာ နယ်ပယ်အတွင်း မဟုတ်ဘဲ သွေးမျိုးဆက် နတ်ဘုရားစွမ်းရည်များ ဖြစ်နေသဖြင့် သူတို့မှာ မျိုးရိုးမြင့်မိသားစုများမှ ဖြစ်ကြောင်း ထင်ရှားလှသည်။ ထို့အပြင် စာပေရနံ့တောင်ပေါ်တွင် ကျင့်ကြံနေသော စူးချန်ခုန်းအား လီမိသားစုနှင့် ပတ်သက်သူဟု သံသယဝင်နေကြသဖြင့် တိုက်ရိုက် ဖမ်းဆီးရန် ကြိုးစားခြင်း ဖြစ်သည်။</p> <p>"ကောင်လေး... မင်းရဲ့ သိုင်းအဆင့်က မဆိုးပေမဲ့ ငါတို့ ညီအစ်ကို နှစ်ယောက်ကိုတော့ လုံးဝ မယှဉ်နိုင်ပါဘူး။ လိမ်လိမ်မာမာနဲ့ မင်းရဲ့အကြောကို ပိတ်ပြီး ပူးပေါင်းဆောင်ရွက်မယ်ဆိုရင် နာတာ သက်သာမယ်။ မဟုတ်ရင်တော့ မင်းရဲ့ အရိုးတွေကို ငါ တစ်ချောင်းမကျန် ရိုက်ချိုးပစ်မယ်။"</p> <p>ဝါကျင့်ကျင့် မြေဘီလူးကြီးကဲ့သို့ နှစ်မီတာခွဲခန့် မြင့်မားနေသော အပြာရောင်ဝတ်စုံနှင့် လူက အော်ပြောလိုက်သည်။ သူ၏ အကျည်းတန်လှသော မျက်နှာတွင် ရက်စက်မှုများ ပြည့်နှက်နေပြီး စူးချန်ခုန်းကို အထက်စီးမှ ငုံ့ကြည့်နေသည်။</p> <p>စူးချန်ခုန်းသည် ကောင်းကင်သွေးကြော ရှစ်ခု ပွင့်ထားပြီး မြေကမ္ဘာပန်းပွင့်နယ်ပယ်၏ အထိတ်အထိပ်တွင် ရှိနေကြောင်း သူတို့ သတိပြုမိထားသည်။ ၎င်းမှာ သူတို့နှင့် အဆင့်တူပင် ဖြစ်သည်။</p> <p>သို့သော် မျိုးရိုးမြင့်မိသားစုဝင်များအဖြစ် သွေးမျိုးဆက် နတ်ဘုရားစွမ်းရည်ကို အသက်သွင်းလိုက်ချိန်တွင် သူတို့သည် ထိုအဆင့်အတွင်း၌ ပြိုင်ဘက်ကင်း ဖြစ်သွားကြသည်ဟု ယုံကြည်ထားသည်။ နှစ်ယောက်တစ်ယောက် တိုက်တာဖြစ်သဖြင့် စူးချန်ခုန်းကို အလွယ်တကူ နှိမ်နင်းကာ စိတ်ကြိုက် နှိပ်စက်နိုင်မည်ဟု သူတို့ ထင်နေကြသည်။</p> <p>"ဟင်း... မင်းတို့လို အကန်းတွေကတော့ တကယ်ကို ချစ်စရာကောင်းတာပဲ။"</p> <p>စူးချန်ခုန်းက သက်ပြင်းချလိုက်ပြီး သူ၏ လက်များကို နောက်ပစ်ထားကာ နှုတ်ခမ်းထောင့်တွင် အပြုံးတစ်ခု ပေါ်လာသည် "မူလနယ်ပယ် သိုင်းပညာရှင် နှစ်ယောက်ဆိုတာ... မူလချီစွမ်းအင် နှစ်ခုပေါ့။"</p> <p>"သေလိုက်တော့"</p> <p>ထိုစကားကို ကြားလိုက်ရသောအခါ ကြေးခေါင်းလောင်းကဲ့သို့ မျက်လုံးကြီးများ ရှိသော အပြာရောင်ဝတ်စုံနှင့် လူ၏ မျက်လုံးများတွင် ရက်စက်သော အလင်းတန်းများ ဖျတ်ခနဲ ပေါ်လာပြီး လျှပ်စီးကဲ့သို့ လျင်မြန်စွာ တိုက်ခိုက်လိုက်သည်။ သူ၏ ယပ်တောင်ပုံစံ အဝါရောင် လက်ဝါးကြီးမှာ ပြင်းထန်သော စွမ်းအားများ အပြည့်နှင့်။ နှေးကွေးသည်ဟု ထင်ရသော်လည်း အမှန်တကယ်တွင် အလွန် လျင်မြန်လှရာ စူးချန်ခုန်း၏ ပခုံးကို ဖမ်းဆုပ်ရန် လှမ်းလိုက်သည်။ သူ့ကို အရင်ဆုံး နှိမ်နင်းပြီးမှ သူ၏ မည်သူမည်ဝါဖြစ်ကြောင်းကို စစ်မေးရန် ဖြစ်သည်။</p> <p>စူးချန်ခုန်းမှာ တုံ့ပြန်ရန် အချိန်မရလိုက်သကဲ့သို့ ဖြစ်နေစဉ် အပြာရောင်ဝတ်စုံနှင့် လူ၏ သန်မာလှသော လက်ချောင်းများက သူ၏ ပခုံးကို တိကျစွာ ဖမ်းဆုပ်လိုက်သည်။ စူးချန်ခုန်းကဲ့သို့ မြေပြင်ပန်းပွင့်နယ်ပယ် သိုင်းပညာရှင် တစ်ဦးက အဘယ်ကြောင့် ဤမျှအထိ အားနည်းနေသနည်းဟု သူက ဇဝေဇဝါ ဖြစ်သွားသော်လည်း တွန့်ဆုတ်မနေဘဲ ရက်စက်သော အပြုံးဖြင့် လက်ချောင်းများကို အင်အားသုံး၍ ညှစ်လိုက်သည်။ စူးချန်ခုန်း၏ ပခုံးအရိုးများကို အမှုန့်ဖြစ်အောင် ကြိတ်ခြေပစ်ရန် ကြိုးစားလိုက်ခြင်း ဖြစ်သည်။</p> <p>"မကောင်းတော့ဘူး။"</p> <p>သို့သော် သူ၏ လက်ချောင်းများကို အားစိုက်လိုက်သည့် ခဏမှာပင် အပြာရောင်ဝတ်စုံနှင့် လူ၏ မျက်နှာ အမူအရာမှာ သိသိသာသာ ပြောင်းလဲသွားသည်။ သူ ဖမ်းဆုပ်လိုက်ရသည်မှာ အသားနှင့် သွေးဖြင့် တည်ဆောက်ထားသော ခန္ဓာကိုယ် မဟုတ်ဘဲ ဓားအိမ်မှ ထုတ်ထားသော အလွန် ထက်မြက်လှသည့် ဓားတစ်စင်းကဲ့သို့ ခံစားလိုက်ရသည်။ သူက အမြန်ဆုံး နောက်ဆုတ်ရန် ကြိုးစားသော်လည်း နောက်ကျသွားခဲ့လေပြီ။</p> <p>စူးချန်ခုန်း၏ စိတ်ကူး တစ်ချက်အတွင်းမှာပင် သူ၏ စိတ်အာရုံထဲရှိ ဓားဝိညာဉ်မှာ တုန်ခါသွားပြီး မဖောက်ထွင်းနိုင်သော ဓားဝိညာဉ်အဖြစ် ပြောင်းလဲကာ ပေါက်ကွဲထွက်လာသည်။ ၎င်းသည် ထောင်ပေါင်းများသော နတ်ဘုရားလက်နက်များကို အိမ်မှ ထုတ်လိုက်သကဲ့သို့ အလင်းတန်းများ ဖြာထွက်လာတော့သည်။</p> <p>"ရွှီး... ရွှီး... ရွှီး"</p> <p>အသားနှင့် သွေးများ ဆုတ်ပြဲသွားသော အသံများနှင့်အတူ အပြာရောင်ဝတ်စုံနှင့် လူ၏ သန်မာလှသော လက်ချောင်းများမှာ အသားကြိတ်စက်ထဲ ရောက်သွားသကဲ့သို့ အပိုင်းပိုင်း ပြတ်ထွက်သွားသည်။ ဓားချီများမှာ အထက်သို့ စီးဆင်းသွားပြီး သူ၏ လက်မောင်းတစ်လျှောက်တွင် သွေးစင်းရာများစွာ ပေါ်လာကာ အပိုင်းပိုင်း ပြတ်၍ မြေပြင်ပေါ်သို့ ကျဆင်းသွားတော့သည်။</p> <p>"အားးးးး ငါ့လက်"</p> <p>အပြာရောင်ဝတ်စုံနှင့် လူသည် သူ၏ လက်မောင်း ပြတ်တောက်သွားသော နေရာမှ သွေးများ ပန်းထွက်လာစဉ် နာကျင်စွာ အော်ဟစ်နေတော့သည်။</p> <p>"ဒါက... ဓားဝိညာဉ်လား။ သူက... မူလဓာတ်ငါးပါးသိုင်းပညာရှင်လား။" ဘေးနားက အစိမ်းရောင်ဝတ်စုံနှင့် လူသည်လည်း ရင်ထဲထိတ်သွားလေ၏။ သူတို့ မိသားစု၏ 'ဧရာမတောင်' သွေးမျိုးဆက် နတ်ဘုရားစွမ်းရည်ကို အသက်သွင်းထားပါက သူတို့၏ ခန္ဓာကိုယ်မှာ တောင်တန်းများကဲ့သို့ ခိုင်ခံ့ပြီး ဓား၊ လှံ၊ လက်နက်များ မတိုးနိုင်ပေ။</p> <p>သို့သော် ဤအနက်ရောင်ဝတ်စုံနှင့် လူငယ်လေးမှာ မလှုပ်မယှက် ရှိနေပါလျက် ခဏအတွင်း ဓားချီများ ထွက်ပေါ်လာကာ အပြာရောင်ဝတ်စုံနှင့် လူ၏ လက်မောင်းကို တို့ဖူးကို လှီးဖြတ်သကဲ့သို့ အလွယ်တကူ အပိုင်းပိုင်း ပြတ်စေခဲ့သည်။ ဒါကို ဓားဝိညာဉ် ရှိသူများသာ လုပ်ဆောင်နိုင်ပေသည်။</p> <p>သို့သော် ဤလူငယ်သည် လွန်ခဲ့သော ရက်အနည်းငယ်ကမှ အဋ္ဌမမြောက် ကောင်းကင်သွေးကြောကို ဖွင့်နိုင်ခဲ့သည် မဟုတ်လော။ ဒါကို သူတို့ ကိုယ်တိုင် မျက်မြင်တွေ့ခဲ့ရသည်ပင်။</p> <p style="text-align: center;"> </p> <p style="text-align: center;"> </p> <p style="text-align: center;">***</p>


Save