Book List

<h2 style="text-align: center;">အခန်း (၅၈၄)</h2> <h2 style="text-align: center;">ဧရာမတောင် ရှီမိသားစု။ နေရာလွဲပြောင်း အစားထိုးနည်း (၂)</h2> <h2 style="text-align: center;">*</h2> <p> </p> <p> </p> <p>တစ်ချိန်တည်းမှာပင် ရှီမိသားစု၏ အကြီးအကဲတစ်ဦးသည် မိသားစု၏ လက်ရွေးစင် တပည့် ဒါဇင်ပေါင်းများစွာကို တိတ်တဆိတ် ညွှန်ကြားခဲ့ပြီး မည်သည့်အရာကိုမျှ ပေါ့ပေါ့တန်တန် မမှတ်ယူကြရန် သတိပေးခဲ့သည်။</p> <p>ရှီလန်နှင့် ရှီချင်းတို့သည် မြေကမ္ဘာပန်း နယ်ပယ်သို့ ရောက်ရှိထားသည့် အစွမ်းထက်သော ရှီမိသားစု၏ လက်ရွေးစင်များ ဖြစ်ကြသော်လည်း စာပေရနံ့တောင်သို့ စာသွားပို့ရာတွင် အသက်ဆုံးရှုံးခဲ့ရခြင်းက လီမိသားစုတွင် ခိုင်မာသော အခြေခံအုတ်မြစ်များ ရှိနေသေးကြောင်း ညွှန်ပြနေခြင်းပင်။</p> <p>"ယုတ်မာတဲ့ လီမိသားစု... ငါတို့ လူနှစ်ယောက်ကို သတ်ရဲတယ်ပေါ့။ သူတို့ တစ်မိသားစုလုံးကို ဖမ်းမိတာနဲ့ သူတို့ရဲ့ သွေးနဲ့ အဆီအနှစ်တွေကို အကုန်စုပ်ထုတ်ပစ်မယ်။ သူတို့ကို သေချင်စိတ် ပေါက်လာအောင်အထိ နှိပ်စက်ပစ်မယ်။"</p> <p>ရှီမိသားစု တပည့်တစ်စုသည် မျက်လုံးထဲတွင် အေးစက်သော အရောင်များ တောက်ပနေပြီး သတ်ဖြတ်လိုစိတ်များ ပြင်းထန်နေကြသည်။ လီမိသားစုကဲ့သို့ ဆုတ်ယုတ်နေသော မိသားစုလက်ထဲတွင် သူတို့၏ လက်ရွေးစင် နှစ်ဦး ဆုံးရှုံးခဲ့ရသည့်အတွက် ဒေါသအလွန်ထွက်နေကြပြီး လီမိသားစုကို အပြတ်အသတ် ခြေမှုန်းရန် လက်သီးများကို တင်းတင်းဆုပ်ကာ စောင့်ဆိုင်းနေကြတော့သည်။</p> <p>လျှို့ဝှက်ကျောက်တုံးမြို့၏ မြို့ဝန်မင်းသည် ကောင်းကင်ယံရှိ နေမင်းကို ကြည့်လိုက်ရာ မွန်းတည့်ချိန်သို့ ရောက်နေပြီဖြစ်ကြောင်း တွေ့လိုက်ရသည်။ သူက အသံအကျယ်ကြီးဖြင့် ကြေညာလိုက်သည်။ "အချိန်ကျပြီ... ရာဇဝတ်သားတွေကို ခေါ်ခဲ့ကြ။"</p> <p>မကြာမီမှာပင် သံခြေချင်းများ ခတ်ထားပြီး ခေါင်းစွပ်အမည်းများ စွပ်ထားသော ထောင်ဝတ်စုံနှင့် လူသုံးဦးကို တင်းကျပ်သော လုံခြုံရေးများကြားမှ ကွပ်မျက်စင်ဆီသို့ ခေါ်ဆောင်လာခဲ့ကြပြီး ခေါင်းစွပ်များကို ဖယ်ရှားလိုက်သည်။</p> <p>ခေါင်းစွပ်များအောက်တွင် ဖြူဖျော့နေသော လူငယ်မျက်နှာ သုံးခု ပေါ်လာသည်။</p> <p>ထိုသူ သုံးဦးမှာ ရှီမိသားစုက ဖမ်းဆီးထားသော လီမိသားစု၏ လူငယ် တပည့်များပင် ဖြစ်သည်။ သူတို့ သုံးဦးလုံးမှာ ထူးခြားသော ပါရမီရှိသည့် လီမိသားစု၏ မျိုးဆက်သစ်များ ဖြစ်ကြပြီး အပြင်တွင် အမြဲ ကျင့်ကြံနေကြသူများ ဖြစ်ရာ ရှီမိသားစုက သူတို့ကို ပစ်မှတ်ထားနေသည်ကို လုံးဝ မသိခဲ့ကြပေ။ မကြာမီကမှ သူတို့၏ သွားလာမှုကို ရှီမိသားစုက သိရှိသွားပြီး ကျွမ်းကျင်သူများ လွှတ်၍ အရှင်ဖမ်းဆီးကာ စာတစ်စောင်ကို အတင်းအကျပ် ရေးခိုင်းခဲ့ခြင်း ဖြစ်သည်။ ထို့နောက် ရှီမိသားစု ညီအစ်ကို နှစ်ယောက်ကို စာပေရနံ့တောင်သို့ စေလွှတ်ခဲ့ခြင်း ဖြစ်သည်။</p> <p>အမှန်ပင် ထိုသူ သုံးဦးမှာ လီမိသားစုဝင် အစစ်အမှန်များ ဖြစ်ကြပြီး အစားထိုးထားသူများ မဟုတ်ပေ။ အကြောင်းမှာ ပထမအချက်အနေဖြင့် ရှီမိသားစုသည် လာရောက် ကယ်တင်မည့်သူများကို ဖမ်းဆီးနိုင်မည်ဟု ယုံကြည်ချက်ရှိနေခြင်းကြောင့်ဖြစ်ပြီး ဒုတိယအချက်မှာ အကယ်၍ အစားထိုးသူများကို သုံးပါက တိတ်တဆိတ် စောင့်ကြည့်နေမည့် လီမိသားစုက လူအတုမှန်း သိသွားပါက ပေါ်လာတော့မည် မဟုတ်သောကြောင့် ကိစ္စများ ပိုမို ရှုပ်ထွေးသွားနိုင်သောကြောင့် ဖြစ်သည်။</p> <p>"ဒီရာဇဝတ်သားလေးတွေက... တော်တော် ငယ်ကြတာပဲ။ ပုံစံကလည်း နုနုနယ်နယ်နဲ့ ပညာတတ်လေးတွေလိုပါပဲ။ သူတို့က တကယ်ပဲ ရက်စက်တဲ့ ရာဇဝတ်မှုတွေ ကျူးလွန်ခဲ့ကြတာ ဟုတ်လို့လား။"</p> <p>ကွပ်မျက်မှုကို အဝေးမှ ကြည့်နေကြသော သာမန်ပြည်သူများသည် လီမိသားစုဝင် သုံးဦး၏ ရုပ်ရည်ကို မြင်သောအခါ တီးတိုး ပြောဆိုလာကြသည်။ ထိုသူ သုံးဦးမှာ ဂီတ၊ စစ်တုရင်၊ စာပေနှင့် ပန်းချီ အနုပညာများဖြင့် ကြီးပြင်းလာသူများ ဖြစ်သည့်အတိုင်း သူတို့၏ ပုံစံမှာ အလွန်အမင်း ရက်စက်ကြမ်းကြုတ်မည့်သူများဟု မထင်ရပေ။</p> <p>"လူဆိုတာ အပြင်ပန်းကိုပဲ ကြည့်လို့ မရဘူးလေ။ မျက်နှာကို သိပေမဲ့ စိတ်ကို သိဖို့ ခက်တယ်။ သူတို့ ပုံစံက အန္တရာယ်မရှိသလို ထင်ရပေမဲ့ စိတ်ထဲမှာတော့ ယုတ်မာမှုတွေ ပြည့်နေနိုင်တာပဲ။" ဟု ကြည့်ရှုသူတစ်ဦးက မှတ်ချက်ပေးနေသည်။ အခြားသူများကလည်း ထိုလူငယ်များ၏ အေးချမ်းသော ရုပ်ရည်နောက်ကွယ်တွင် သွေးစွန်းသော ရာဇဝတ်မှုများ ရှိနေလိမ့်မည်ဟု ယုံကြည်နေကြသည်။</p> <p>"ကျွန်တော့် အဖေနဲ့ တခြားလူတွေ... လုံးဝ မလာပါစေနဲ့လို့ပဲ ဆုတောင်းတယ်။"</p> <p>သူတို့ထဲတွင် အငယ်ဆုံးဖြစ်သော လီကျန့်ကောင်းသည် မျက်နှာဖြူဖျော့လျက် တိတ်တဆိတ် ဆုတောင်းနေမိသည်။ သူသည် လီစုန့်၏ သားဖြစ်ပြီး မိသားစုကြီးများမှ သိုင်းပညာ ကျွမ်းကျင်သူများစွာ သူတို့ ပတ်ပတ်လည်တွင် ပုန်းအောင်းနေကြသည်ကို ကောင်းကောင်း သိသည်။ အကယ်၍ လီစုန့်တို့ ပေါ်လာခဲ့ပါက ရလဒ်မှာ အလွန် ဆိုးဝါးပေလိမ့်မည်။</p> <p>"ဟင်.. ဘာလို့ မြူတွေ အုံ့ဆိုင်းလာတာလဲ။"</p> <p>ရုတ်တရက်ဆိုသလိုပင် ကွပ်မျက်စင် ပတ်ပတ်လည်တွင် မည်သည့်နေရာမှ ရောက်လာမှန်းမသိသော ထူထပ်သည့် မြူထုကြီးတစ်ခု ပေါ်လာသည်။ မြူမှာ အလွန် ထူထပ်သဖြင့် ရှေ့တွင်ရှိသော မိမိလက်ကိုပင် မမြင်ရလောက်အောင် ဖြစ်သွားရရာ ရောက်ရှိနေသူ အားလုံးမှာ အံ့အားသင့်သွားကြသည်။</p> <p>"သူတို့ တကယ် ရောက်လာပြီပဲ။"</p> <p>ရှီမိသားစု တပည့် ဒါဇင်ပေါင်းများစွာမှာ ဝမ်းသာသွားကြသည်။ ၎င်းမှာ လီမိသားစု ကျွမ်းကျင်သူများ ကယ်ဆယ်ရန် လာရောက်သည့် လက်ချက်မှန်း သူတို့ သိလိုက်ကြသည်။</p> <p>"ဝုန်း ဝုန်း ဝုန်း"</p> <p>ပန်းချီလိပ်တစ်ခုမှာ ကွပ်မျက်စင် အထက်တွင် ပျံဝဲလာပြီး လျှပ်စီးများ လက်ကာ မိုးခြိမ်းသံများ ဟိန်းထွက်လာသည်။ ထို့နောက် သည်းထန်စွာ ရွာသွန်းလာသော မိုးရေများကြောင့် စင်ပေါ်ရှိ တပ်သားများမှာ ပရမ်းပတာ ဖြစ်ကုန်ကြတော့သည်။</p> <p>လှုပ်ရှားလိုက်သူမှာ အခြားသူမဟုတ်ဘဲ လီစုန့်နှင့် အဖွဲ့သားများပင် ဖြစ်သည်။ လီမိသားစု၏ သွေးမျိုးဆက် နတ်ဘုရားစွမ်းရည်ဖြင့် ကြိုတင် ပြင်ဆင်ထားသရွေ့ လေ၊ မိုး၊ မိုးကြိုးနှင့် လျှပ်စီးများ အပါအဝင် တိရစ္ဆာန်များကိုပါ အလွယ်တကူ ဆင့်ခေါ်နိုင်ပေသည်။</p> <p>"အာ့ အာ့"</p> <p>မုန်တိုင်းများကြားတွင် မြူထုမှာ လှုပ်ရှားလာပြီး မည်သည့်နေရာမှ ရောက်လာမှန်းမသိသော ကျီးကန်းနက်များစွာ ပေါ်လာကာ လီကျန့်ကောင်းနှင့် အခြားနှစ်ဦးဆီသို့ ပျံသန်းသွားကြပြီး သူတို့ကို ထိုနေရာမှ သယ်ဆောင်သွားရန် ကြိုးစားကြတော့သည်။</p> <p>သို့သော် ၎င်းမှာ ထင်သလောက် လွယ်ကူပါမည်လော။</p> <p>"အိပ်မက်မက်မနေနဲ့။"</p> <p>ရုတ်ရုတ်သဲသဲ ဖြစ်နေသော်လည်း ရှီမိသားစု တပည့်များစွာမှာ အာရုံစိုက်ထားကြသည်။ သူတို့သည် လီမိသားစုဝင် သုံးဦးကိုသာ မျက်ခြေမပြတ် ကြည့်ထားရန် လိုအပ်သည်။</p> <p>ထိုအော်သံကြီးနှင့်အတူ ရှီမိသားစု သိုင်းပညာရှင်တစ်ဦးသည် ရှေ့သို့ တိုးဝင်လာပြီး သူ၏ ညာလက်သီးမှ လေထုတံတိုင်းကြီးတစ်ခုကဲ့သို့ ပြင်းထန်သော အားအင်များကို ထုတ်လွှတ်ကာ ရှေ့တွင် ရှိသမျှကို ဖိနှိပ်လိုက်တော့သည်။</p> <p>"ဖောင်း ဖောင်း ဖောင်း"</p> <p>တိုးဝင်လာသော ကျီးကန်းများသည် တစ်ကောင်ပြီးတစ်ကောင် ပေါက်ကွဲသွားပြီး မြေပြင်ပေါ်တွင် မင်ရည်အမည်းများ စွန်းထင်သွားတော့သည်။</p> <p>"ဘာ"</p> <p>သို့သော် မကြာမီမှာပင် ထိုသိုင်းပညာရှင်၏ မျက်နှာမှာ ပျက်သွားလေ၏။ မြူထုထဲမှ အနက်ရောင်ဝတ်စုံနှင့် လူငယ်တစ်ဦးမှာ ငှက်မွှေးကဲ့သို့ ပေါ့ပါးစွာ ထွက်ပေါ်လာပြီး ကျီးမည်းတစ်ကောင်ကို နင်းလျက် ရှိနေသည်။ သူသည် လက်သီးမှ ထွက်ပေါ်လာသော လေဖိအားကို အလွယ်တကူ ရှောင်တိမ်းလိုက်ပြီး ထိုသိုင်းပညာရှင်၏ ရှေ့သို့ ငြိမ့်ညောင်းစွာ ဆင်းသက်လိုက်သည်။</p> <p>"ဖွတ်"</p> <p>ရှီမိသားစု သိုင်းပညာရှင်မှာ တစ်စုံတစ်ခု လုပ်ဆောင်ရန် သူ၏ ဘယ်လက်ကို မြှောက်လိုက်စဉ်မှာပင် ထိုလူငယ်၏ အကြည့်နှင့် ဆုံသွားသည်။ လူငယ်၏ မျက်လုံးများမှာ ဓားတစ်စင်းကဲ့သို့ ထက်မြက်နေပြီး သူ၏ ဝိညာဉ်ကို တိုက်ရိုက် ထိုးဖောက်သွားသကဲ့သို့ ခံစားလိုက်ရသည်။</p> <p>သူ၏ သိစိတ်ပင်လယ်မှာ တုန်ခါသွားပြီး အမြင်အာရုံမှာ ခေတ္တမျှ မှောင်မိုက်သွားရသည်။ ထိုခဏအတွင်းမှာပင် သူ၏ ပင်မသွေးကြောနေရာတွင် စူးရှသော နာကျင်မှုကို ခံစားလိုက်ရသည်။ သံကို ရွှံ့ကဲ့သို့ ဖြတ်နိုင်သော ဓားထက်ပင် ပိုမို ထက်မြက်လှသည့် စူးချန်ခုန်း၏ လက်ဝါးမှာ သူ၏ ခန္ဓာကိုယ်ကို ထိုးဖောက်သွားခဲ့ပြီ ဖြစ်သည်။</p> <p>"နောက်ထပ် တစ်လှမ်း ထပ်လှမ်းရင် ငါ သူ့ကို သတ်ပစ်မယ်။"</p> <p>ရှီမိသားစု သိုင်းပညာရှင်၏ လည်ပင်းကို လက်တစ်ဖက်ဖြင့် ဆုပ်ကိုင်ထားရင်း စူးချန်ခုန်းက မိုးခြိမ်းသံကဲ့သို့ သတိပေးလိုက်ရာ ပတ်ဝန်းကျင်ရှိ လူအားလုံးမှာ ခေါင်းမူးသွားကြရသည်။ လူအုပ်ကြားထဲမှ ထွက်ပေါ်လာသော သံချပ်ကာဝတ် ရှီမိသားစု တပည့် ဒါဇင်ပေါင်းများစွာမှာ တစ်စုံတစ်ခု လုပ်ဆောင်ရန် တွန့်ဆုတ်လျက် တုံ့ခနဲ ရပ်သွားကြတော့သည်။</p> <p>"ဒီလူက... လီမိသားစုကလား။ သူက ရှီဖုန်းကို ဒီလောက် လွယ်လွယ်ကူကူ ဖမ်းနိုင်တာလား။" ရှီမိသားစု သိုင်းပညာရှင်များမှာ စိတ်ထဲမှ ထိတ်လန့်သွားကြသည်။ ဖမ်းဆီးခံလိုက်ရသော ရှီဖုန်းမှာ မြေကမ္ဘာပန်း နယ်ပယ်သို့ ရောက်ရှိထားသည့် လက်ရွေးစင် တစ်ဦး ဖြစ်သော်လည်း ဤအနက်ရောင်ဝတ်စုံနှင့် လူငယ်ရှေ့တွင်မူ ချက်ချင်းပင် အဖမ်းခံလိုက်ရသည်။ သူတို့မှာ အဆင့်ချင်း လုံးဝ မတူကြပေ။</p> <p>"အဖေ"</p> <p>ထိုအချိန်တွင် မြူထုထဲမှ လီစုန့်၏ ပုံရိပ် ပေါ်ထွက်လာသောအခါ လီကျန့်ကောင်းက တိုးတိုးလေး ရေရွတ်လိုက်မိသည်။ လီရွှယ်နှင့် လီမော့တို့မှာမူ ပေါ်မလာဘဲ ပုန်းအောင်းလျက် အဝေးမှနေ၍ လိုအပ်သည်များကို ပံ့ပိုးကူညီပေးနေကြသည်။</p> <p>တစ်ချိန်တည်းမှာပင် စူးချန်ခုန်း၏ မျက်နှာတွင် စိုးရိမ်မှုအရိပ်အယောင်အချို့ ပေါ်လာသည်။ သူ၏ အောက်ရှိ မြေပြင်မှာ အနည်းငယ် တုန်ခါနေသည်ကို သူ ခံစားလိုက်ရသည်။ မြူထုထဲမှ ကြီးမားလှသော ပုံရိပ်ကြီးတစ်ခု ရှေ့သို့ တိုးလာသည်။ အရပ် ခြောက်ပေကျော် မြင့်သော ထိုပုံရိပ်မှာ သံချပ်ကာအနက်ရောင် ဝတ်ဆင်ထားသော်လည်း ၎င်းအောက်ရှိ ကျောက်ခဲ သို့မဟုတ် သံမဏိထက်ပင် ပိုမို မာကျောမည့် ကြွက်သားကြီးများကို ဖုံးအုပ်ထားနိုင်ခြင်း မရှိပေ။</p> <p style="text-align: center;"> </p> <p style="text-align: center;"> </p> <p style="text-align: center;"> </p> <p style="text-align: center;">***</p>


Save