Book List

<h2 style="text-align: center;">အပိုင်း ၁၂၂</h2> <h2 style="text-align: center;">နှစ်ကျပ်ကွက်</h2> <h2 style="text-align: center;">*</h2> <h1 style="text-align: center;"> </h1> <p> </p> <p> </p> <p> </p> <p>မနက်ခင်း ၈ နာရီခွဲ၊ ရှန်ကျန်မြို့ရဲ့ ကောင်းကင်ယံ လုံထန်အဆောက်အအုံရဲ့ အမြင့်ဆုံးထပ်...</p> <p> </p> <p>မြင်ကွင်းကတော့ မြို့ပြရဲ့ တိုက်တာအဆောက်အအုံတွေ စီစီရီရီနဲ့ ခန့်ညားလို့နေသည်။</p> <p>​</p> <p>​</p> <p>​"ရှင်းယာ... လျူနဲ့ မာတို့ ရောက်ကြပြီလား"</p> <p> </p> <p>​နံရံကပ်မှန်ပြတင်းကြီးရဲ့ရှေ့မှာ ရပ်၍ ရှန်ကျန်မြို့ပြရဲ့ အစီအရီ တည်ရှိနေတဲ့ မိုးမျှော်တိုက်ကြီးတွေကို ငေးမောကြည့်ရှုရင်း လင်းဖန် က ခပ်အေးအေးပဲ မေးလိုက်သည်။</p> <p> </p> <p>​"သူဌေး... ကျင်းတုန်အဖွဲ့ကတော့ ရှန်ဂရီလာဟိုတယ်ကနေ ထွက်လာပြီလို့ အကြောင်းကြားထားပါတယ် ပဲန်ကွင်းဘက်ကတော့ မစ္စတာမာနဲ့ သူ့လူတွေဟာ ရုံးချုပ်ကနေ ထွက်လာကြပြီမို့ မကြာခင် ရောက်လာကြပါလိမ့်မယ်"</p> <p> </p> <p>​ဘေးနားမှာရှိနေတဲ့ မိုရှင်းယာက သူမရဲ့လက်ကိုင်ဖုန်းကို အမြန်ထုတ်ပြီး ကျင်းတုန်နဲ့ ပဲန်ကွင်းအဖွဲ့တွေရဲ့ ခရီးစဉ်အခြေအနေကို လှမ်းမေးလိုက်သည်။</p> <p> </p> <p>​"အင်း..."</p> <p> </p> <p>လင်းဖန် က ခေါင်းငြိမ့်ပြလိုက်ပြီး</p> <p> </p> <p>"ကျန်ဖန်တို့အဖွဲ့ကို အသင့်ပြင်ထားခိုင်းလိုက် အစည်းအဝေးခန်းကို တိုက်ရိုက်သွားပြီး စောင့်နေကြတော့"</p> <p> </p> <p>​တကယ်တော့ ဒီနေ့ပူးပေါင်းမှုဟာ ကုမ္ပဏီနှစ်ခုတည်း မဟုတ်ဘဲ အင်အားကြီးသုံးခု ဆုံတွေ့ကြမှာဖြစ်လို့ ပြင်ဆင်စရာတွေက အထုပ်လိုက်အပိုးလိုက်ပါပဲ။ ဆော့ဖ်ဝဲလ်ကအစ ဟတ်ဒ်ဝဲလ်အဆုံး အဘက်ဘက်ကနေ ရှင်းရှင်းလင်းလင်း ရှိနေဖို့ လိုသည်။ ဒီနေရာမှာ လုံထန်အုပ်စုဟာ အထက်က ပဲန်ကွင်း (လူမှုကွန်ရက်ဘုရင်) နဲ့ အောက်က ကျင်းတုန် (အွန်လိုင်းဈေးဝယ်လုပ်ငန်းဘုရင်) တို့ကို ပေါင်းကူးပေးမယ့် ကြားခံတံတားအဖြစ် တာဝန်ယူရမှာပါ။</p> <p> </p> <p>​သေချာတဲ့ စီမံကိန်းနဲ့ မှန်ကန်တဲ့ ညှိနှိုင်းမှုဗျူဟာသာ မရှိရင် ဒီပူးပေါင်းမှုဟာ အချိန်မရွေး ပျက်ပြားသွားနိုင်သည်။</p> <p> </p> <p>​"ဟုတ်ကဲ့ သူဌေး၊ ကျွန်မ အခုပဲ ကျန်းဖန်တို့ကို အစည်းအဝေးခန်းဆီ လွှတ်လိုက်ပါ့မယ်"</p> <p> </p> <p>​ခဏအကြာမှာတော့...</p> <p> </p> <p>​လင်းဖန် အစည်းအဝေးခန်းထဲကို ဝင်လိုက်တာနဲ့ ပြေးလွှားသွားလာနေတဲ့ ခြေသံတွေကို ကြားလိုက်ရသည်။ ရှေ့တန်းဧည့်ကြိုဌာနက ဝန်ထမ်းတွေဟာ ဝတ်စုံပြည့် ဝတ်ဆင်ထားတဲ့ လူလတ်ပိုင်းအရွယ် လူကြီးလူကောင်းတစ်စုကို ဦးဆောင်ခေါ်လာကြသည်။ အဲဒီအထဲမှာ ထိပ်ဆုံးက ပါလာသူတွေကတော့ မာဟွာထန် နဲ့ လျူယွီတုန်တို့ပါပဲ။</p> <p> </p> <p>​"ဟားဟား... သူဌေးလေးလင်း၊ ငါတို့ သိပ်တော့ မနောက်ကျဘူးမလား"</p> <p> </p> <p>​လျူယွီတုန်က လင်းဖန် ကို မြင်မြင်ချင်းပဲ အားရပါးရ ရယ်မောရင်း နှုတ်ဆက်လာသည်။</p> <p> </p> <p>​"လာကြပါ ၊ ကျွန်တော် စောင့်နေတာ... အမြန်ထိုင်ကြပါဦး"</p> <p> </p> <p>​လင်းဖန် က ပဲန်ကွင်းနဲ့ ကျင်းတုန်အဖွဲ့တွေကို ဘယ်ဘက်နဲ့ ညာဘက် အသီးသီး နေရာချပေးလိုက်ပြီး သူတို့နဲ့ မျက်နှာချင်းဆိုင်မှာတော့ လုံထန်အုပ်စုရဲ့ တာဝန်ရှိသူတွေက နေရာယူထားကြသည်။</p> <p> </p> <p>​"အရင်ဆုံး ကျွန်တော်တို့ ပြင်ဆင်ထားတဲ့ စီမံကိန်းမူကြမ်းကို ကြည့်ရှုပေးကြပါဦး၊ ပြီးမှ အသေးစိတ် ဆွေးနွေးကြတာပေါ့"</p> <p> </p> <p>လို့ လုံထန်အုပ်စုရဲ့ စီအီးအို ကျန်းဖန်က ဆိုလိုက်ပြီး ဝန်ထမ်းတွေက အသင့်ပြင်ထားတဲ့ စာချုပ်မူကြမ်းတွေကို ကမ်းပေးလိုက်ကြသည်။</p> <p> </p> <p>​ဆယ်မိနစ်လောက် အကြာမှာတော့ လျူယွီတုန်နဲ့ မာဟွာထန်တို့ရဲ့ မျက်နှာတွေဟာ ညိုမှောင်သွားပါတော့သည်။ ဒီစီမံကိန်းစာအုပ်ဟာ ပူးပေါင်းဆောင်ရွက်မယ့် စာချုပ်နဲ့ မတူဘဲ တစ်ဖက်သတ် 'ဓားပြတိုက်' နေသလိုမျိုး ခံစားနေရလို့ပါ။</p> <p> </p> <p>​"မစ္စတာကျန်... ခင်ဗျား စာချုပ်ကိုများ မှားပေးမိတာလား"</p> <p> </p> <p>​လျူယွီတုန်က မျက်မှောင်ကြုတ်ရင်း ကျန်းဖန်ကို စူးစူးဝါးဝါး ကြည့်ပြီး မေးလိုက်သည်။ ဘေးနားက မာဟွာထန်ကတော့ ဘာမှမပြောပေမဲ့ သူ့မျက်နှာကို ကြည့်ရုံနဲ့ လျူယွီတုန်နဲ့ စိတ်တူကိုယ်တူ ဖြစ်နေမှန်း သိသာနေသည်။</p> <p> </p> <p>​ဒါဟာ နောက်ပြောင်စရာမှ မဟုတ်တာ။ ကျင်းတုန်ဘဏ္ဍာရေးရော၊ ဝေရွှမ်းပေးရောဆိုတာ သူတို့ ကုမ္ပဏီနှစ်ခုက သွေးနဲ့ချွေး ရင်းပြီး တည်ဆောက်ထားရတဲ့ အွန်လိုင်းငွေပေးချေမှု စနစ်တွေလေ။ ဒီစနစ်တွေကို တစ်ဖက်သားလက်ထဲ အလွယ်တကူ ထိုးအပ်လိုက်ဖို့ဆိုတာ နှစ်ပေါင်းများစွာ ကြိုးစားလာသမျှကို အလဟဿ အဖြစ်ခံလိုက်တာနဲ့ မတူဘူးလား။</p> <p> </p> <p>​"လျူ၊ မာ..အစ်ကိုကြီးတို့. စိတ်ကို အေးအေးထားကြပါဦး"</p> <p> </p> <p>​ကျန်းဖန်မဖြေခင်မှာပဲ လင်းဖန် က ကြားဖြတ်ပြီး စကားပြောလိုက်သည်။</p> <p> </p> <p>"ခင်ဗျားတို့ ဘာကြောင့် သီးခြားငွေပေးချေမှုစနစ်တွေ တည်ထောင်ခဲ့ကြသလဲဆိုတာ ကျွန်တော် နားလည်ပါတယ် အဓိကကတော့ အလီအုပ်စုရဲ့ လက်အောက်ကနေ လွတ်မြောက်ချင်လို့ မဟုတ်လား"</p> <p> </p> <p>​"ဒါပေမဲ့ ခင်ဗျားတို့ရဲ့ စနစ်တွေဟာ အလီရဲ့ 'ရွှီပေါင်' ကို ယှဉ်နိုင်ပြီလို့ ထင်သလား"</p> <p> </p> <p>​ကျင်းတုန်အုပ်စုဟာ အလီနဲ့ အကြီးမားဆုံး ပြိုင်ဘက်တွေပါ။ တစ်ဦးနဲ့တစ်ဦး ဘယ်တော့မှ ပေါင်းလို့မရတဲ့အတွက် လျူယွီတုန်းအနေနဲ့ သူ့ဘာသာသူ ကျင်းတုန်းဘဏ္ဍာရေးကို တည်ထောင်ခဲ့ရတာပါ။ ပဲန်ကွင်းအုပ်စုကတော့ အစောပိုင်းမှာ အလီနဲ့ ပူးပေါင်းခဲ့ဖူးပေမဲ့ အလီက လုပ်ငန်းနယ်ပယ်ပေါင်းစုံကို နယ်ချဲ့လာတဲ့အခါမှာတော့ လမ်းခွဲခဲ့ကြပြီး ကိုယ်ပိုင် ဝေရွှမ်းပေးကို ဖော်ထုတ်ခဲ့ရခြင်း ဖြစ်သည်။</p> <p> </p> <p>​"သူဌေးလင်း... မင်းဘာကို ဆိုလိုချင်တာလဲ"</p> <p> </p> <p>လျူယွီတုန်က ပွင့်ပွင့်လင်းလင်းပဲ မေးလိုက်သည်။</p> <p> </p> <p>​"ဟုတ်တယ် မင်းမှာ ဒီထက်ကြီးမားတဲ့ အကြံအစည် ရှိပုံရတယ်"</p> <p> </p> <p>လို့ မာဟွာထန်ကလည်း သူ့မျက်မှန်ကို ပင့်တင်ရင်း ခပ်တိုးတိုး ဆိုသည်။ စီးပွားရေးလောကရဲ့ ထိပ်သီးတွေပီပီ လင်းဖန် ရဲ့ နောက်ကွယ်က ဗျူဟာကို ရိပ်မိနေကြတာပါ။</p> <p> </p> <p>​"ကျွန်တော်တို့ ဥက္ကဌကြီး ဆိုလိုတာကတော့ အင်အားတွေကို ခွဲထုတ်ထားမယ့်အစား အတူတူပေါင်းစည်းပြီး အလီကို တိုက်ခိုက်တာက ပိုမကောင်းဘူးလား ဆိုတာပါပဲ"</p> <p> </p> <p>လို့ ကျန်းဖန်က ပြုံးပြီး ဝင်ပြောလိုက်သည်။</p> <p> </p> <p>"ကျင်းတုန်မှာ ဘဏ္ဍာရေးစနစ်ရှိတယ်၊ ပဲန်ကွင်းမှာ ဝေရွှမ်းပေးရှိတယ်၊ ကျွန်တော်တို့ လုံထန်မှာတော့ နည်းပညာပလက်ဖောင်းရှိတယ် ဒီသုံးခုသာ ပေါင်းစည်းသွားရင် ထူးခြားတဲ့ တုံ့ပြန်မှုတစ်ခု ထွက်ပေါ်လာမှာ အသေအချာပါပဲ"</p> <p> </p> <p>​ဒီစကားအဆုံးမှာတော့ တစ်ခန်းလုံး တိတ်ဆိတ်သွားပါတော့သည်။ ကျင်းတုန်နဲ့ ပဲန်ကွင်းအဖွဲ့သားတွေဟာ ဒီစကားရဲ့ အဓိပ္ပာယ်ကို အသေအချာ စဉ်းစားနေကြတော့သည်။</p> <p> </p> <p>​တကယ်တော့ လုံထန်းက ပေးလိုက်တဲ့ ရွေးချယ်မှုဟာ သူတို့ ငြင်းလို့မရတဲ့ အခြေအနေပါ။ သူတို့နှစ်ခုရဲ့ အင်အားကို ပေါင်းလိုက်ရင် အလီရဲ့ 'ရွှီပေါင်' ကို ယှဉ်နိုင်ရုံတင်မကဘဲ လုံထန်ရဲ့ မျက်ကြည်လွှာစနစ်က 'ရွှီပေါင်' ရဲ့ လုံခြုံရေးထက် အပြတ်အသတ် သာလွန်နေပြန်သည်။</p> <p> </p> <p>​"စိတ်ကူးကတော့ ကောင်းပါတယ် ဒါပေမဲ့ ခင်ဗျားတို့ လုံထန်ကတော့ ဘာမှမလုပ်ရဘဲ ကျွန်တော်တို့ နှစ်ယောက်လုံးကို ဓားပြတိုက်လိုက်တာပဲ"</p> <p> </p> <p>လို့ လျူယွီတုန်းက အားမလိုအားမရ ပြောလိုက်သည်။</p> <p> </p> <p>​လင်းဖန် က အကြံသစ်တစ်ခု ထပ်ပေးလိုက်သည်။</p> <p> </p> <p>— "ကဲ... ဒီလိုလုပ်ကြရအောင် ကျွန်တော်တို့ ကုမ္ပဏီသုံးခု ပေါင်းပြီး ဟောင်ကောင်ကနေ စတင်ပြီး ပြည်ပငွေပေးချေမှု ကုမ္ပဏီတစ်ခု အရင်ထောင်ကြမယ် ရှယ်ယာကတော့ မူလအတိုင်းပဲ ကျွန်တော်တို့က ၄၀၊ ခင်ဗျားတို့က ၃၀ စီ ယူကြပေါ့ အဲဒီမှာ အကျိုးသက်ရောက်မှု ကောင်းတယ်ဆိုရင်တော့ ခင်ဗျားတို့ရဲ့ ပြည်တွင်းစနစ်တွေကိုပါ ဒီပုံစံအတိုင်း ပေါင်းစည်းဖို့ ထပ်မံစဉ်းစားကြတာပေါ့"</p> <p> </p> <p>​အခုချိန်မှာ သူတို့အတွက် အရေးကြီးဆုံးက ပြည်ပစီးပွားရေး ပူးပေါင်းမှုပါပဲ။ ဒီကုမ္ပဏီအသစ်သာ အောင်မြင်သွားရင် ပဲန်ကွင်းရော ကျင်းတုန်းအတွက်ပါ နိုင်ငံတကာဈေးကွက်မှာ အွန်လိုင်းငွေပေးချေမှုအတွက် အခက်အခဲ မရှိတော့ချေ။</p> <p> </p> <p>​​***</p> <p> </p>


Save