Book List

<h2 style="text-align: center;">အပိုင်း ၁၂၆</h2> <h2 style="text-align: center;">ဟောင်ကောင်မိတ်ဆက်ပွဲ</h2> <h2 style="text-align: center;">*</h2> <h2 style="text-align: center;"> </h2> <p> </p> <p> </p> <p> </p> <p> </p> <p>​ဧပြီလရဲ့ မိုးရွာနေတဲ့ မနက်ခင်းတစ်ခုမှာ ပတ်ဝန်းကျင်တစ်ခုလုံး မိုးနံ့သင်းပျံ့နေသည်။</p> <p> </p> <p>နံနက်စာ စားသောက်ပြီးစ လင်းဖန်ဟာ စာကြည့်ခန်းထဲကို ဝင်လာပြီး ခပ်တိုးတိုး ခေါ်လိုက်သည်။</p> <p> </p> <p>- "ရှုံ့တာ... ထွက်ခဲ့ဦး"</p> <p> </p> <p>​"လာပါပြီ"</p> <p> </p> <p>​အဲဒီအချိန်မှာပဲ ကွန်ပျူတာစကရင်ပေါ်မှာ ချစ်စရာကောင်းတဲ့ ပန်ဒါရုပ်လေးတစ်ရုပ် အလိုအလျောက် ပေါ်လာပြီး ကလေးသံလေးနဲ့ ပြန်တုန့်ပြန်သည်။</p> <p> </p> <p>​"ရှုံ့တာ... မင်း အသိပညာတွေ တိုးလာပြီလား ဘာလို့ အခုထိ အရွယ်မကြီးသေးတာလဲ"ယ</p> <p> </p> <p>လင်းဖန်က ပြုံးရင်း မေးလိုက်သည်။</p> <p> </p> <p>​"သူဌေး... ကျွန်တော်က မကြီးချင်လို့ မဟုတ်ပါဘူး၊ ကြီးလို့မရတာပါ အင်တာနက်ရှိတဲ့ ဘယ်နေရာကိုမဆို ကျွန်တော် ထိန်းချုပ်လို့ရတယ်လေ"</p> <p> </p> <p>ဟု ပန်ဒါလေးက ဂုဏ်ယူဝင့်ကြွားစွာ ပြောလာသည်။</p> <p> </p> <p>​ထိုစကားကြောင့် လင်းဖန် ကျောချမ်းမိသွားရသည်။ ဒီအဆင့်မြင့် အသိဉာဏ်တု (AI) ဟာ တော်တော်လေး ရင့်ကျက်လာပြီဆိုတာ သူ သဘောပေါက်လိုက်ပြီး အင်တာနက်ရှိသမျှ နေရာတိုင်းကို ထိန်းချုပ်နိုင်တယ်ဆိုခြင်းက တစ်ကမ္ဘာလုံးကို သူ စောင့်ကြည့်နိုင်တာပဲ မဟုတ်လား။ ဒါကြောင့်လည်း လူတွေက AI ကမ္ဘာကြီးကို ဖျက်ဆီးမှာကို စိုးရိမ်နေကြခြင်း ဖြစ်ပေမည်။</p> <p> </p> <p>​"ငါ့ဖုန်းထဲကို မင်း ဝင်လို့ရလား"</p> <p> </p> <p>လင်းဖန်က စမ်းသပ်မေးမြန်းရန် စိတ်ကူးလိုက်သည်။</p> <p> </p> <p>​"သူဌေးက ခွင့်ပြုချက်ပေးလိုက်တာနဲ့ ချက်ချင်း ဝင်လို့ရပါတယ်"</p> <p> </p> <p>​ခဏအကြာမှာတော့ လင်းဖန်ရဲ့ Nirvana Xဖုန်းဟာ အလိုအလျောက် ပြန်ပွင့်လာပြီး ကွန်ပျူတာပေါ်က ပန်ဒါရုပ်လေးဟာ ဖုန်းစကရင်ပေါ်ကို ရောက်ရှိသွားသည်။ ဖုန်းရဲ့ လုပ်ဆောင်ချက်တွေဟာလည်း AI ရဲ့ ထိန်းချုပ်မှုကြောင့် ပိုမိုမြန်ဆန် ချောမွေ့သွားတာကို တွေ့ရသည်။</p> <p> </p> <p>​ဒီနေရာမှာ လင်းဖန်ရဲ့ ခေါင်းထဲကို အကြံသစ်တစ်ခု ဝင်လာသည်။ ဒုတိယမျိုးဆက် Nirvana Sဖုန်းကို ထုတ်လုပ်တဲ့အခါ ဒီ AI စနစ်ကို အခြေခံပြီး 'စမတ်အိမ်ဖော်' တစ်ယောက် ထည့်သွင်းပေးလိုက်မယ်ဆိုရင် တစ်ကမ္ဘာလုံးကို တုန်လှုပ်သွားစေမှာ အသေအချာပါပဲ။</p> <p> </p> <p>​"ဒေါက် ဒေါက် ဒေါက်"</p> <p> </p> <p>​"ဝင်ခဲ့ပါ"</p> <p> </p> <p>​အတွင်းရေးမှူးမလေး မိုရှင်းယာက ရုံးဝတ်စုံနဲ့ ဝင်ရောက်လာပြီး</p> <p> </p> <p>- "သူဌေး... ကျင်းလင်မြို့တော် ကော်မတီ အတွင်းရေးမှူး ကျန်းက သူဌေးကို 'ကျင်းလင် ကုန်သည်ကြီးများအသင်း' ထဲ ဝင်ဖို့ ဖိတ်ခေါ်ထားပါတယ်"</p> <p> </p> <p>လို့ တင်ပြလာသည်။</p> <p> </p> <p>​လင်းဖန်က အံ့သြသွားသည်။ ကျင်းလင် (နန်ကျင်း) ဟာ ရှေးယခင်ကတည်းက တောင်ဘက်ပိုင်းရဲ့ ဗဟိုချက်ဖြစ်သလို ဒီအသင်းထဲဝင်ခြင်းဟာ စီးပွားရေးအဆက်အသွယ်ကောင်းတွေ ရရှိစေမှာဖြစ်သည်။</p> <p> </p> <p>- "ကောင်းပြီ... အတွင်းရေးမှူးကျန်းကို ကျွန်တော် သဘောတူတယ်လို့ ပြန်ပြောလိုက်ပါ"</p> <p> </p> <p>လို့ ညွှန်ကြားလိုက်သည်။</p> <p> </p> <p>​"ဒါနဲ့... ကျန်းဖန်တို့ဘက်က အခြေအနေ ဘယ်လိုရှိလဲ"</p> <p> </p> <p>​ဟောင်ကောင်ဈေးကွက်ထဲဝင်ဖို့ App Store ထဲမှာ App တွေ အစုံအလင်ရှိဖို့ လိုအပ်သည်။ လက်ရှိမှာတော့ App အချို့က တန်ရွမ်OS ထဲဝင်ဖို့ သဘောတူထားကြပြီး နီဗားနားအိတ်ကို စောင့်မျှော်နေသူ ၃ သန်းကျော် ရှိနေပါပြီ။</p> <p> </p> <p>​"သူဌေး... ဟောင်ကောင်ရုံးခွဲက အားလုံးအသင့်ဖြစ်နေပါပြီ မနက်ဖြန်မှာ တရားဝင် အရောင်းစတင်ပါတော့မယ်"</p> <p> </p> <p>မော့ရှင်းယက ပြန်ဖြေသည်။</p> <p> </p> <p>​"ကောင်းပြီ... ငါတို့ ကမ္ဘာ့ထိပ်တန်းကို ရောက်မလား၊ ဒီအတိုင်းပဲ နစ်မြုပ်သွားမလားဆိုတာ စောင့်ကြည့်ရမှာပေါ့"</p> <p> </p> <p>လင်းဖန်က ရည်မှန်းချက်ကြီးစွာနဲ့ ဆိုလိုက်တော့သည်။</p> <p> </p> <p>​၂၀၁၉ ခုနှစ်၊ ဧပြီလ ၁၈ ရက်။</p> <p> </p> <p>ဟောင်ကောင်၌ မိတ်ဆက်ပွဲကို တရားဝင် ကျင်းပခဲ့သည်။ လုံထိန်ရဲ့ မဟာမိတ် လီကျဲခိုင် (Li Zekai) ဟာ သူ့ရဲ့ ဆက်သွယ်ရေးကုမ္ပဏီအင်အားနဲ့ ဒီပွဲကို အကြီးအကျယ် စီစဉ်ပေးထားခြင်း ဖြစ်သည်။</p> <p> </p> <p>​သတင်းထောက်တွေကတော့ အင်အားကြီး Warwick (Huawei) ဒါမှမဟုတ် Rice (Xiaomi) တို့ကို မရွေးချယ်ဘဲ နာမည်မရှိသေးတဲ့ လုံထန်ကို ဘာလို့ ရွေးချယ်ရတာလဲဆိုတာကို လီကျဲခိုင်ကို ဝိုင်းဝန်းမေးမြန်းကြသည်။</p> <p> </p> <p>​"မစ္စတာလီ... ဘာလို့ လုံထန်အုပ်စုနဲ့ ပူးပေါင်းဖို့ ဆုံးဖြတ်ခဲ့တာလဲခင်ဗျာ"</p> <p> </p> <p>"Warwick တို့လို နာမည်ကြီးကုမ္ပဏီတွေ ရှိပါလျက်နဲ့ ဘာလို့ လုံထန်ကိုမှ ရွေးရတာလဲ ဒီနောက်ကွယ်မှာ လျှို့ဝှက်ချက်တွေ ရှိနေလို့လား"</p> <p> </p> <p>​ဟောင်ကောင်လူမျိုးအချို့ဟာ အခုထိ Apple ကိုပဲ အထင်ကြီးနေကြပြီး တရုတ်ပြည်မကြီးက ထွက်တဲ့ပစ္စည်းတွေကို အထင်သေးနေကြဆဲပါ။ ဒါကြောင့် ဟောင်ကောင်သူဌေးကြီးရဲ့သား လီကျဲခိုင်က ဒီဖုန်းကို ရွေးချယ်လိုက်တာဟာ လူတိုင်းကို အံ့အားသင့်စေခဲ့သည်။</p> <p>​​***</p> <p> </p>


Save