Book List

<h2 style="text-align: center;">အပိုင်း ၁၂၇</h2> <h2 style="text-align: center;">လီကျဲခိုင်</h2> <h2 style="text-align: center;">*</h2> <p> </p> <p> </p> <p> </p> <p> </p> <p> </p> <p>​"မိတ်ဆွေတို့... အချိန်တွေ ပြောင်းလဲသွားပါပြီ"</p> <p> </p> <p>​ဟောင်ကောင် သတင်းထောက်အားလုံးရဲ့ မိုက်ခရိုဖုန်းတွေရှေ့မှာ လီကျဲခိုင် က တည်ကြည်ပြတ်သားစွာ ပြောကြားလိုက်သည်။</p> <p> </p> <p>- "ကျွန်တော်တို့ တရုတ်ပြည်မကြီးက အရာရာကို အမြင်ဟောင်းတွေနဲ့ ကြည့်နေလို့ မရတော့ပါဘူး ဘယ်ကဏ္ဍမှာပဲဖြစ်ဖြစ် တရုတ်ပြည်ဟာ အခုဆိုရင် ဝင့်ဝင့်ထည်ထည် မတ်တပ်ရပ်နိုင်နေပြီ ဖြစ်ပါတယ်"</p> <p> </p> <p>​"ကျွန်တော်တို့ ကုမ္ပဏီနဲ့ လုံထန်အုပ်စု ပူးပေါင်းဆောင်ရွက်မှုမှာတင် ကြည့်ပါ နီဗားနားအိတ်ဟာ အလုံးရေ သန်း ၃၀၀ ရောင်းချရမှုနဲ့အတူ သူ့ရဲ့ အရည်အသွေးကို သက်သေပြပြီးသားပါ ဘယ်ဘက်ကကြည့်ကြည့် အပြစ်ပြောစရာ မရှိပါဘူး"</p> <p> </p> <p>​သူ့စကားအဆုံးမှာ ပရိသတ်အားလုံး စင်မြင့်ထက်ကို အာရုံစိုက်သွားကြသည်။ ဟောင်ကောင်သားတွေရဲ့ စိတ်ထဲမှာ ပြည်မကြီးထွက် ပစ္စည်းဆိုရင် 'ဈေးပေါရမယ်၊ အရည်အသွေး ညံ့ရမယ်' ဆိုတဲ့ အစွဲရှိနေဆဲပါ။ ဒါပေမဲ့ ဟောင်ကောင်ရဲ့ အချမ်းသာဆုံးသူဌေးကြီး လီကျားချိန်ရဲ့ သားဖြစ်သူ 'စူပါမင်းလေး' လီကျဲခိုင်အပေါ်မှာတော့ သူတို့က အလွန်အမင်း ယုံကြည်ကိုးစားကြသည်။</p> <p> </p> <p>​"တန်ရွမ်စနစ်စမတ်ဖုန်း Operating System ဟာ Apple ရဲ့ iOS တို့၊ Android တို့နဲ့ ရင်ပေါင်တန်းနိုင်တဲ့ တရုတ်ပြည်ရဲ့ တစ်ခုတည်းသော ကိုယ်ပိုင်စနစ်ဖြစ်ကြောင်း သက်သေပြခဲ့ပြီးပါပြီ အချက်အလက် လုံခြုံမှုအတွက် စိုးရိမ်နေတယ်ဆိုရင် ဝိုင်ဗန်စနစ် သုံးထားတဲ့ နီဗားနားအိတ် ဟာ အကောင်းဆုံး ရွေးချယ်မှုပါပဲ အချိန်ကပဲ အဖြေပေးသွားပါလိမ့်မယ်"</p> <p> </p> <p>လို့ လီကျဲခိုင်က ဆက်ပြောလိုက်သည်။</p> <p> </p> <p>​သတင်းထောက်တစ်ဦးက</p> <p> </p> <p>"မစ္စတာလီ... ကျွန်တော်တို့ သိရသလောက် နီဗားနားအိတ် ရဲ့ ဈေးနှုန်းက အလယ်အလတ်တန်းစားပဲ ရှိတာပါ ဒါပေမဲ့ အဆင့်မြင့်ဖုန်းလို့ ကြေညာထားတော့ လူတွေက သံသယဖြစ်နေကြတယ်"</p> <p> </p> <p>လို့ ထိုးစစ်ဆင် မေးမြန်းလာသည်။</p> <p> </p> <p>​လီကျဲခိုင်က အေးအေးဆေးဆေး ပြုံးရင်း</p> <p> </p> <p>"သေချာ စဉ်းစားကြည့်ပါ၊ Apple ဖုန်းတွေ ဒီလောက် ဈေးကြီးနေတာက ထုတ်လုပ်မှုစရိတ် ကြီးလို့လား မဟုတ်ပါဘူး၊ သူတို့က ဈေးကြီးကြီးရောင်းမှ အမြတ်အများကြီး ရမှာမို့လို့ပါ ဒါပေမဲ့ လုံထန်အုပ်စုကတော့ မတူပါဘူး နီဗားနားအိတ်ကို လူတိုင်း သုံးနိုင်အောင် ဈေးနှုန်းကို လျှော့ချထားတာပါ ကိုယ့်လူမျိုးအချင်းချင်း လိမ်ညာပါ့မလား... မဖြစ်နိုင်တာ"</p> <p> </p> <p>ဖြေကြားမှုပြီးနောက် တစ်ခဲနက် လက်ခုပ်တီး အားပေးကြတော့သည်။</p> <p> </p> <p>​နံနက် ၁ နာရီမှ နှစ်နာရီကျော်ကြာမြင့်ပြီးနောက် သတင်းစာရှင်းလင်းပွဲ ပြီးဆုံးသွားခဲ့သည်။</p> <p> </p> <p>၂၀၁၉ ခုနှစ်၊ ဧပြီလ ၁၈ ရက်နေ့ ပေါက်ဈေးအရ ဟောင်ကောင်ဒေါ်လာ ၁ ဒေါ်လာဟာ ယွမ် ၀.၈၉၆၂ ရှိသည်။ ဟောင်ကောင်မှာ နီဗားနားအိတ်ကို ဟောင်ကောင်ဒေါ်လာ ၄,၉၉၉ (ယွမ် ၄,၅၀၀ ခန့်) နဲ့ ဈေးနှုန်းသတ်မှတ်ထားသည်။</p> <p> </p> <p>ဒါက ပြည်မကြီးထက် ယွမ် ၁,၅၀၀ ပိုများပေမဲ့ Apple ဖုန်းတွေရဲ့ ဈေးနှုန်းကွာဟချက်နဲ့ ယှဉ်ရင်တော့ အများကြီး သက်သာနေပါသေးသည်။</p> <p> </p> <p>​ထိုနေ့ မွန်းလွဲပိုင်း၌ ဟောင်ကောင်သတင်းစာတွေရဲ့ မျက်နှာဖုံးမှာတော့ လီကျဲခိုင်ရဲ့ ဓာတ်ပုံနဲ့အတူ "တရုတ်ပြည် ဝင့်ထည်စွာ မတ်တပ်ရပ်နိုင်ပြီ" ဆိုတဲ့ ခေါင်းကြီးပိုင်းတွေနဲ့ ဝေဝေဆာဆာ ဖော်ပြလာကြသည်။</p> <p> </p> <p>နီဗားနားအိတ်ဟာ ဟောင်ကောင်မှာ တကယ့်ကို ဂယက်ထသွားခဲ့ပါပြီ။</p> <p> </p> <p>​ထိုနေ့ မွန်းလွဲပိုင်း၊ ရှန်းကျန့်မြို့ လုံထန်အဆောက်အအုံ အစည်းအဝေးခန်းမ။</p> <p> </p> <p>​"မင်္ဂလာပါ မစ္စတာလီ"</p> <p> </p> <p>​သူ့ရှေ့က ဝတ်စုံပြည့် ဝတ်ဆင်ထားတဲ့ အသက် ၅၀ ကျော် အရွယ်ရှိပေမဲ့ ၄၀ လောက်သာ ထင်ရတဲ့ ခန့်ညားထည်ဝါသူ လီကျဲခိုင်ကို လင်းဖန်က ပြုံးရွှင်စွာ နှုတ်ဆက်ပြီး လက်ဆွဲလိုက်သည်။</p> <p> </p> <p>လီကျဲခိုင်ဟာ သူဌေးကြီး လီကျားချိန်ရဲ့ သားဖြစ်ရုံတင်မကဘဲ ကိုယ်ပိုင်အရည်အချင်းနဲ့ ဟောင်ကောင်ရဲ့ ဆက်သွယ်ရေးလောကကို လက်ဝါးကြီးအုပ်ထားနိုင်သူ ဖြစ်လို့ လင်းဖန်က လေးလေးစားစား ဆက်ဆံသည်။</p> <p> </p> <p>​"ဒါရိုက်တာလင်း... ခင်ဗျားရဲ့ နာမည်ကို ကြားနေရတာ ကြာပါပြီ"</p> <p> </p> <p>လီကျဲခိုင်ကလည်း လင်းဖန်ရဲ့ လက်ကို တင်းတင်းဆုပ်ကိုင်ရင်း</p> <p> </p> <p>- "တကယ့်ကို လူငယ်သူရဲကောင်းပဲဗျာ ကျွန်တော် ဒီအရွယ်တုန်းက မိန်းကလေးတွေနဲ့ လျှောက်လည်နေတုန်းရှိသေးတယ်၊ ဒါရိုက်တာလင်းကတော့ တရုတ်ပြည်အတွက် ဒီလောက်ကြီးမားတဲ့ အောင်မြင်မှုတွေ ယူဆောင်ပေးနေပြီပဲ"</p> <p> </p> <p>လို့ ချီးကျူးလိုက်သည်။</p> <p> </p> <p>​လင်းဖန်ကတော့ ဒါကို ခပ်ပြုံးပြုံးပဲ တုံ့ပြန်လိုက်သည်။ လီကျဲခိုင်လို လူမျိုးက အကြောင်းမရှိဘဲ လာရောက် ပူးပေါင်းမှာ မဟုတ်ဘူးဆိုတာ သူ ကောင်းကောင်း သိထားသည်။</p> <p> </p> <p>၂၀၀၂ ခုနှစ်တုန်းက Tencent (Penguin) ရဲ့ ရှယ်ယာ ၂၀ ရာခိုင်နှုန်းကို ရောင်းချပြီး အဆ ၁၀ ကျော် အမြတ်ထုတ်ခဲ့တဲ့ လီကျဲခိုင်ဟာ စီးပွားရေးမှာ အလွန်ပါးနပ်သူတစ်ဦး မဟုတ်ပါလား။</p> <p>​***</p> <p> </p>


Save