Book List

<h2 style="text-align: center;">​အပိုင်း ၁၃၀</h2> <h2 style="text-align: center;">ICBC</h2> <h2 style="text-align: center;">*</h2> <p> </p> <p> </p> <p> </p> <p> </p> <p>​"ငါတို့ အဖွဲ့အစည်းရဲ့ ဒါရိုက်တာဘုတ်အဖွဲ့က ကုမ္ပဏီသုံးခုပေါင်းပြီး ကျိဖူးဘောင် တည်ထောင်ဖို့ သဘောတူထားတယ်ဆိုပေမဲ့ ဒါက သေးငယ်တဲ့ကိစ္စမဟုတ်တော့ အသေးစိတ်အချက်အလက်တွေကို သေချာစဉ်းစားဖို့ လိုတယ်"</p> <p> </p> <p>​လျူယွီတုန်က လုံထန်နဲ့လီကျဲခိုင်တို့ရဲ့ လျှို့ဝှက်ချက်တွေကို စိတ်ဝင်စားပေမဲ့ လင်းဖန်က ပြောပြမှာမဟုတ်မှန်းသိ၍ စကားလမ်းကြောင်းကို တိုက်ရိုက်ပဲ ပြောင်းလိုက်သည်။</p> <p> </p> <p>​"ဟုတ်တယ်... ကျွန်တော်တို့ဘက်က အကဲဖြတ်အဖွဲ့ကလည်း သေချာလေ့လာပြီးပြီ အကယ်၍ ကျွန်တော်တို့ချည်းပဲ သီးသန့်လုပ်မယ်ဆိုရင် ဒီစီမံကိန်းက ရေရှည်တည်တံ့ဖို့ မလွယ်ဘူး"</p> <p> </p> <p>လို့ မာဟွာထန်ကလည်း ထောက်ခံပြောဆိုလာသည်။</p> <p> </p> <p>​"ဘာကို ဆိုလိုတာလဲ"</p> <p> </p> <p>​လင်းဖန်ရဲ့ မျက်ဝန်းတွေ ကျဉ်းမြောင်းသွားပြီး မျက်နှာက ပုတ်သိုးသွားသည်။ လုံထန်၊ ပင်ဂွင်းနဲ့ ကျင်းတုန်တို့ရဲ့ လူအင်အား၊ ငွေအင်အားနဲ့ဆိုရင် အလီဘာဘာ (Alibaba) ကိုတောင် ယှဉ်နိုင်စွမ်း ရှိနေသည်။ ဒါပေမဲ့ အခုမှ လျူယွီတုန်နဲ့ မာဟွာထန်တို့က ဘာလို့ သံသယစကား ပြောလာရသနည်း။ တစ်ခုခုတော့ မှားနေပြီဆိုတာ သူသတိပြုမိသွားသည်။</p> <p> </p> <p>​လျူနဲ့ မာတို့ နှစ်ယောက်စလုံး တစ်ဦးကိုတစ်ဦး ကြည့်ကာ သက်ပြင်းချလိုက်ပြီး</p> <p> </p> <p>"ICBC (တရုတ်စက်မှုနှင့် ကူးသန်းရောင်းဝယ်ရေးဘဏ်) က လူကြီးတွေက ငါတို့ကို လာပြီး နှုတ်ဆက်ထားတယ်"</p> <p> </p> <p>ဟု လျူယွီတုန်က ခါးခါးသီးသီး ဖွင့်ပြောလာသည်။</p> <p> </p> <p>​"ဒီလူတွေ... ကျုပ်အကွက်ထဲကို အလကားဝင်စားဖို့ ကြံနေတာလား"</p> <p> </p> <p>လင်းဖန် ဒေါသတကြီးနဲ့ စားပွဲကို ရိုက်ချလိုက်သည်။</p> <p> </p> <p>"ကျုပ်က ပင်ပင်ပန်းပန်း စီမံကိန်းချထားတာကို သူတို့က ဘာမှမလုပ်ဘဲ အသားဟင်းထဲ ဝင်နှိုက်စားချင်နေတာလား ICBC က ဘာမို့လို့လဲ"</p> <p> </p> <p>​လင်းဖန်ရဲ့ ဒေါသက မာဟွာထန်နဲ့ လျူယွီတုန်တို့ကိုပါ တုန်လှုပ်သွားစေသည်။ အမှန်တော့ ကျိဖူးဘောင် (Jifubao) ဆိုတာ မိုဘိုင်းဘဏ်လုပ်ငန်းသစ်တစ်ခုပါပဲ။ တရုတ်ပြည်၌ ငွေကြေးဟာ နိုင်ငံရဲ့ အသက်သွေးကြောဖြစ်သလို ဘဏ်လုပ်ငန်းအားလုံးကို နိုင်ငံတော်က ထိန်းချုပ်ထားရသည်။ အလီဘာဘာရဲ့ 'ကျိဖူးပေါင်' (Alipay) တောင်မှ နောက်ဆုံးမှာတော့ နိုင်ငံတော်ရဲ့ ထိန်းချုပ်မှုအောက် ရောက်သွားခဲ့ရသည် မဟုတ်လား။</p> <p> </p> <p>​ဒါပေမဲ့ လင်းဖန်ကတော့ ဒါကို လက်မခံနိုင်ပါချေ။ နိုင်ငံတော်ပိုင်ဘဏ်တစ်ခုသာ ပါဝင်လာရင် 'ကျိဖူးဘောင်' ဟာ ဒုတိယမြောက် 'ကျိဖူးပေါင်' (Alipay) ပဲ ဖြစ်သွားမှာပါ။ အဲဒါဆိုရင် ဘာထူးတော့မှာလဲ။ အဆိုးဆုံးကတော့ နိုင်ငံခြားဈေးကွက်ကို ထိုးဖောက်တဲ့အခါ တခြားနိုင်ငံတွေက သူတို့ရဲ့ ငွေကြေးစနစ်ကို တရုတ်အစိုးရ ထိန်းချုပ်ထားတဲ့ App တစ်ခုကတစ်ဆင့် ခွင့်ပြုပေးပါ့မလား။ ဒါဟာ လုံထန်ရဲ့ နိုင်ငံတကာခြေဆန့်မှုအတွက် အကြီးမားဆုံး အဟန့်အတား ဖြစ်လာမှာပါ။</p> <p> </p> <p>​"လင်းညီလေး... ICBC မဟုတ်ရင်တောင် တခြားဘဏ်တွေက ပါဝင်လာမှာပဲ ကျိဖူးဘောင်ဆိုတာ လူအချို့ရဲ့မျက်စိထဲမှာ ငွေတွင်းကြီးဖြစ်နေတာ အထက်က လူကြီးတွေက ဒီစီမံကိန်းကို လွှတ်ထားပေးမှာ မဟုတ်ဘူး"</p> <p> </p> <p>လျူယွီတုန်က လေးလေးနက်နက် ပြောလာသည်။</p> <p> </p> <p>"အခု ငါတို့ လျစ်လျူရှုထားလို့ ရပေမဲ့ ကုမ္ပဏီတရားဝင်ထောင်တဲ့အခါ ICBC က ကန့်ကွက်လိုက်ရင် ကျိဖူးဘောင်က မမွေးခင်ကတည်းက သေသွားလိမ့်မယ်"</p> <p> </p> <p>​မာဟွာထန်ကလည်း ထပ်လောင်းပြောလာသည်။</p> <p> </p> <p>- "ဟုတ်တယ်... ဒါက ငါတို့နိုင်ငံရဲ့ အခြေအနေပဲ"</p> <p> </p> <p>ပင်ဂွင်းအုပ်စုဟာလည်း ICBC နဲ့ ငွေကြေးလည်ပတ်မှုတွေ အများကြီးရှိနေတာကြောင့် သူတို့စကားကို နားမထောင်လို့ မရပေ။</p> <p> </p> <p>​လင်းဖန်က သက်ပြင်းရှည်ကြီးကို ချလိုက်ပြီး</p> <p> </p> <p>"အရင်တုန်းက မာယွင် (Jack Ma) က သူတို့ကို သင်ခန်းစာ ပေးခဲ့နိုင်ရင် ကျွန်တော်တို့လည်း ပေးနိုင်ရမှာပေါ့"</p> <p> </p> <p>လို့ ပြတ်ပြတ်သားသား ပြောလိုက်တော့သည်။ အခုအချိန်မှာ ပင်ဂွင်း၊ ကျင်းတုန်နဲ့ လုံထန်တို့ ပေါင်းလိုက်ရင် ICBC ကို ကြောက်နေစရာ မလိုဟု သူယူဆသည်။</p> <p> </p> <p>​ဒါပေမဲ့ လျူယွီတုန်ကတော့ တွန့်ဆုတ်နေဆဲပင်။</p> <p> </p> <p>"အကယ်၍ မင်းက ICBC ကို လက်မခံဘူးဆိုရင် ငါတို့ကျင်းတုန်ဘက်က ဒီစီမံကိန်းမှာ ပါဝင်ဖို့ ခက်လိမ့်မယ်"</p> <p> </p> <p>မာဟွာထန်ကလည်း ခေါင်းငြိမ့်ပြလာသည်။ သူတို့က လုံထန်လို မဟုတ်ဘဲ ပြည်တွင်းဘဏ်တွေရဲ့ ချေးငွေနဲ့ ထိန်းချုပ်မှုအောက်မှာ ရှိနေကြတာပါ။ လုံထန်ကတော့ ယခုအထိ ချေးငွေတစ်ပြားမှ မယူဘဲ ကိုယ်ပိုင်ငွေနဲ့တင် လည်ပတ်နေတာ ဖြစ်သည်။</p> <p> </p> <p>​လင်းဖန်က စားပွဲကို လက်ထောက်ပြီး လျူနဲ့ မာတို့ကို စိုက်ကြည့်ကာ လှောင်ပြုံးပြုံးလိုက်သည်။</p> <p> </p> <p>- "ခင်ဗျားတို့ နှစ်ယောက် ကျွန်တော့်ကို နောက်နေတာလား လုံထန်ရဲ့ နိုင်ငံတကာ မဟာဗျူဟာကို ခင်ဗျားတို့ သိရဲ့သားနဲ့ အကယ်၍ ICBC သာ ပါဝင်လာရင် ကမ္ဘာ့ဈေးကွက်က ကျုပ်တို့ကို လက်ခံပါ့မလား"</p> <p> </p> <p>​"Warwick (Huawei) တောင်မှ အမေရိကန်ရဲ့ ပိတ်ဆို့မှုကို ခံနေရတာ အကယ်၍ ကျွန်တော်ကသာ ဒီဘဏ်တွေကို လက်ခံလိုက်ရင် နိုင်ငံတကာဈေးကွက်ကို ဝင်ဖို့ဆိုတာ ဝေးလာဝေးပဲ ခင်ဗျားတို့ ရွေးချယ်ကြပါ... ဘယ်သူ့ဘက်က ရပ်တည်မလဲဆိုတာ"</p> <p> </p> <p> </p> <p> </p>


Save