Book List

<h2 style="text-align: center;">အခန်း (၉၁၈)</h2> <h2 style="text-align: center;">ဝံပုလွေကိုမျိုဖို့ ကျားကိုဆွယ်</h2> <h2 style="text-align: center;">*</h2> <p> </p> <p> </p> <p> </p> <p> </p> <p>"မီးနိုင်ငံ..ဟုတ်လား"</p> <p>ယင်ထန် မျက်မှောင်ကျုံ့သွားသည်။ ထိုနိုင်ငံအကြောင်း သူတစ်ခါမှမကြားဖူး။</p> <p>လုယန်က ဖြေးဖြေးချင်းပြောသည်။</p> <p>"ရှေးဟောင်းခေတ်မှာ ရှေးဟောင်းမသေမျိုးလေးယောက်က ကြယ်ကမ္ဘာတွေကို တိုက်နယ်အဖြစ်ဖန်တီးတယ်။ ပြီးတော့ အဓိပဓိူမသေမျိုးစွမ်းအားနဲ့ ယုံကြည်မှုစွမ်းအားကိုစုစည်းပြီး မီးနိုင်ငံကို တည်ထောင်ခဲ့တယ်။</p> <p>ဒီမသေမျိုးနိုင်ငံရဲ့စွမ်းအားက နောက်ပိုင်းပေါ်လာတဲ့ မဟာချန်၊ မဟာယု၊ မဟာရှားနိုင်ငံတွေထက် အများကြီးသာတယ်။ မီးနိုင်ငံမှာ အုပ်ချုပ်ရေးအဖွဲ့အစည်းနှစ်ခုရှိတယ်။ ကောင်းကင်ရုံးတော်နဲ့ ကိုးငရဲတဲ့။</p> <p>ကောင်းကင်ရုံးတော်က သက်ရှိလောကကိစ္စတွေကို စီမံတယ်။ ကိုးငရဲက မြေအောက်လောကကို အုပ်ချုပ်တယ်။</p> <p>ကောင်းကင်ရုံးတော်က အမြင့်ဆုံးအဖွဲ့အစည်းပဲ။ သက်ရှိလောကရဲ့ နယ်ပယ်အားလုံးကို ထိန်းချုပ်တယ်။ မသေမျိုးဖြစ်ဖြစ် သေမျိုးဖြစ်ဖြစ် ဘယ်လိုကျင့်စဉ်အဆင့်ပဲဖြစ်ဖြစ် ကောင်းကင်ဥပဒေစည်းမျဉ်းကို လိုက်နာရတယ်။</p> <p>ကောင်းကင်ရုံးတော်သခင်က ရှေးဟောင်းခေတ်မသေမျိုးလေးယောက်ထဲကမဟုတ်ဘူး။ ရှေးဟောင်းခေတ်မှာ သေဆုံးခဲ့တဲ့ ပါရမီရှင်မိန်းကလေးမသေမျိုးတစ်ယောက်ပါ။ ပြန်လည်မွေးဖွားခြင်းသဘာဝကို သူဖြတ်ကျော်တယ်။</p> <p>သေခြင်းရှင်ခြင်း မဟာနိယာမစည်းမျဉ်းတွေကို ဆန့်ကျင်တယ်။ ယုံကြည်မှုစွမ်းအားနဲ့ အဓိပဓိမသေမျိုးခန္ဓာကို တည်ဆောက်ပြီး ကောင်းကင်ရုံးတော်သခင်အဖြစ် ပြန်ရှင်သန်လာတဲ့သူပါ"</p> <p>"ကောင်းကင်ရုံးတော်သခင်က ပြန်ရှင်သန်တယ်တဲ့လား။ စိတ်ဝင်စားစရာပဲ"</p> <p>ယင်ထန်မသေမျိုး တဟက်ဟက်ရယ်သည်။ တစ်ချိန်တည်းမှာပင် လုယန်၏ပုံပြင်ထဲမှ ကွယ်ဝှက်ထားသည့် သဲလွန်စများကို စဉ်းစားသည်။</p> <p>ယင်ထန်မသေမျိုး၏အမွေအနှစ်ရှိမည့်နေရာကို မှန်းဆကြည့်သည်။</p> <p>ထိုနေရာသည် ယင်ယန်ဆုံမှတ်နေရာတွင် ရှိနေသည်ဟု ဆိုလိုသလော...</p> <p>ယနေ့ခေတ် ယင်ယန်နှစ်မျိုးနှင့် ပတ်သက်သည့်နေရာများတွင် ရှိနေခြင်းလော...</p> <p>လုယန် ဆက်ပြောသည်။</p> <p>"ကောင်းကင်ရုံးတော်သခင်က မိုးမြေကိုဖျက်ဆီးနိုင်တဲ့စွမ်းအားရှိတယ်။ ဖြစ်တည်မှုအားလုံးကို ဖျက်ဆီးပြီး အသစ်ကပြန်စနိုင်တယ်။ ယင်ထန်မသေမျိုးတို့ကတောင် ဦးညွှတ်ရိုသေရတယ်။</p> <p>တစ်နေ့ကျတော့ ဘာကြောင့်မှန်းမသိဘဲ ကောင်းကင်ရုံးတော်သခင်က ကောင်းကင်ရုံးတော်၊ ကိုးငရဲနဲ့ ကျယ်ပြန့်တဲ့မီးနိုင်ငံကို ဖျက်ဆီးဖို့ ရုတ်တရက်ဆုံးဖြတ်ခဲ့တယ်။</p> <p>ရှေးဟောင်းမသေမျိုးလေးယောက်က မီးနိုင်ငံခေတ်မှာ အဆင့်တက်ခဲ့တဲ့ သမိုင်းမသေမျိုးနဲ့အတူ သူ့ကိုတားဆီးဖို့ကြိုးစားတယ်။ ဒါပေမယ့် အဲဒီ့အချိန်မှာပဲ အချိန်မသေမျိုး ရုတ်တရက်သေသွားတယ်။ ဘယ်သူ့ချလက်ချက်မှန်း မသိရဘူး။</p> <p>ကျန်တဲ့မသေမျိုးလေးယောက်က အချင်းချင်းမပူးပေါင်းတော့ဘဲ တစ်ယောက်ချင်းစီပဲ တိုက်ခိုက်ကြတယ်။ နောက်ဆုံးတော့ ကောင်းကင်ရုံးတော်သခင်ကို သူတို့အနိုင်မယူနိုင်ခဲ့ဘူး။</p> <p>ချီလင်မသေမျိုးတောင် နဂါးဘိုးဘေးကိုကာကွယ်ဖို့ ရုံးတော်သခင်နဲ့တိုက်ခိုက်လို့ ဒဏ်ရာအပြင်းအထန်ရခဲ့တယ်။ ယင်ထန်မသေမျိုးလည်း ကောင်းကင်ရုံးတော်သခင်နဲ့ တိုက်ခိုက်ခဲ့တယ်..."</p> <p>ထိုနေရာတွင် လုယန်ခဏစကားရပ်သည်။</p> <p>"တိုက်ပွဲက ဘယ်လိုအဆုံးသတ်သွားလဲ"</p> <p>ယင်ထန် အလောတကြီးမေးလိုက်သည်။ ထိုဇာတ်လမ်းပိုင်းသည် အမွေအနှစ်ရှိသည့်နေရာ၏ သော့ချက်ဖြစ်မည်ဟု သူယူဆသည်။</p> <p>"ဟုတ်တယ်၊ တိုက်ပွဲက ဘယ်လိုအဆုံးသတ်သွားလဲ"</p> <p>လုယန်က မပွင့်တပွင့်ပြုံး၍ တမင်တကာ တန်ပြန်မေးခွန်းထုတ်သည်။</p> <p>နတ်မယ်အော်ပြောသံကို သူတစ်ယောက်သာ ကြားနိုင်သည်။</p> <p>"ရှောင်ယန်၊ လူတစ်ယောက်လာနေပြီ"</p> <p>လုယန်က အချက်အလက်ကို တမင်လျှိုထားသဖြင့် ယင်ထန်ဒေါသထွက်သွားပြီး တိုက်ခိုက်ရန်ပြင်သည်။ သို့သော် ရုတ်တရက် သူ့စိတ်ထဲတွင် ပြင်းထန်သည့်အန္တရာယ်အငွေ့အသက်ကို အာရုံခံမိလိုက်သည်။</p> <p>ကောင်းကင်သို့ ဖျတ်ခနဲမော့ကြည့်သည်။ အနက်ရောင်အလင်းတန်းတစ်ခု ထိုးဆင်းလာသည်။ ကမ္ဘာဖျက်စွမ်းအားမျိုးကို သယ်ဆောင်လာသည်။ ချန်ခွန်အကာအကွယ်ကို ချက်ချင်းထိုးဖောက်သည်။</p> <p>ထို့နောက် အလင်းတန်းက ရပ်မသွားသေးဘဲ ဆက်၍ထိုးဆင်းလာသည်။</p> <p>ယင်ထန်နှင့်လုယန်ရှိရာဆီ တည့်တည့်ထိုးဆင်းလာခြင်းဖြစ်သည်။</p> <p>လုယန်မျက်နှာတွင် အပြုံးရိပ်ပေါ်လာသည်။ ယင်ထန်ကို ခပ်လှောင်လှောင်ကြည့်၍ တီးတိုးပြောသည်။</p> <p>"နှုတ်ဆက်ပါတယ် ငတုံးရေ"</p> <p>ယင်ထန်ဒေါသထွက်သွားပြီး လုယန်ကို ချက်ချင်းသတ်ရန်တွေးလိုက်သည်။ သို့သော် အဖျက်စွမ်းအားက မထင်မှတ်ဘဲကျလာသဖြင့် ထိုအတွေးကို အကောင်အထည်မဖော်အားသေးဘဲ စွမ်းအားကုန်သုံး၍ ခုခံကာကွယ်ရသည်။</p> <p>"ဝင်ခဲ့တော့ ရှောင်ယန်"</p> <p>နတ်မယ်က လုယန်ကို ချင်ဖုန်းဓားထဲသို့ အမြန်ဆွဲခေါ်သည်။</p> <p>"ဘုန်း"</p> <p>အနက်ရောင်အလင်းတန်းက မိုးနှင့်မြေကို ဖျက်ဆီးသည်။ ဖြတ်သွားရာလမ်းတလျှောက် အရာအားလုံး ပျက်စီးပျောက်ကွယ်သွားသည်။ ယင်ထန်ကို တည့်တည့်ထိသည်။ မြေကြီးထဲထိ ကျွံဝင်သွားသည်။ မြေအောက်သို့ မိုင်ပေါင်းထောင်ချီ ထိုးဖောက်သွားသည်။ အောက်ခြေကိုမမြင်ရသည့် တွင်းနက်တစ်ခုဖြစ်ပေါ်လာသည်။</p> <p>ယင်ထန်မသေမျိုး၏ ဦးခေါင်းထက်တွင် ရွှေရောင်တစ်လုံးပေါ်လာသည်။ ထိုခမောက်လည်း အနက်ရောင်အလင်းတန်းထိသည်။ ခမောက်အနားသပ်များ မည်းနက်သွားသည်။ ကြောက်စရာအဖျက်စွမ်းအားက ဆက်၍ပျံ့နှံ့လာပြီး ရွှေခမောက်တစ်ခုလုံး မျက်တောင်တစ်ခတ်အတွင်း လုံးဝပျောက်ကွယ်သွားသည်။</p> <p>ဘယ်သူမှမကြုံဖူးသည့် တိုက်ခိုက်စွမ်းအားမျိုးဖြစ်သည်။ ထိုတိုက်ခိုက်မှု ဘယ်ကလာသည်၊ ဘာကြောင့်ယင်ထန်ကို ပစ်မှတ်ထားသည်မသိ။</p> <p>"လုယန်က ဒီလိုတိုက်ခိုက်မှုမျိုးကို ခံနိုင်ရည်ရှိပါ့မလား"</p> <p>ဓားကျင့်ကြံသူတစ်ယောက် တီးတိုးရေရွတ်နေသည်။</p> <p>အားလုံး အသံတိတ်သွားသည်။ ထိုတိုက်ခိုက်စွမ်းအားသည် ကူးဖြတ်ခြင်းအဆင့်ကိုပင် သတ်ဖြတ်နိုင်စွမ်းရှိသည်။ လုယန်လို ဝိညာဉ်ပြောင်းအဆင့်ဆိုလျှင် ပြောစရာပင်မလိုတော့။</p> <p>ယင်ထန် အသက်ကိုဝအောင်ရှူရိုက်၍ တွင်းနက်ထဲမှ ပျံထွက်လာသည်။ စူးရဲသည့်မျက်လုံးအစုံဖြင့် ကောင်းာကင်ကိုမေ့ာကြည့်၍ အော်ဟစ်လိုက်သည်။</p> <p>"မင်းဘယ်သူလဲကွ"</p> <p>ချန်ခွန်ခွက်၏ အထက်တွင် မြူဆိုင်းနေသည့် သဏ္ဌာန်တစ်ခု ပေါ်လာသည်။ မျက်နှာကို သဲသဲကွဲကွဲမမြင်ရ။ သက်ရှိအားလုံး၏ကံကြမ္မာကို သူ့စိတ်ကြိုက် ဆုံးဖြတ်နိုင်သည့်ဟန်ပန်မျိုးရှိသည်။ သူ့အသံက အေးစက်တင်းမာသည်။</p> <p>"ငါ့အကြောင်းသိတဲ့လူမှန်သမျှ သေရမယ်"</p> <p>ဒေါသထွက်နေခဲ့သည့် ယင်ထန် ကြောင်တက်တက်ဖြစ်သွားသည်။</p> <p>...မင်းက ဘယ်သူလဲ။ ငါဘယ်တုန်းက မင်းအကြောင်းစုံစမ်းခဲ့လို့လဲ...မင်းဘယ်သူမှန်းသိရင် ငါဒီလိုမေးနေပါ့မလား...</p> <p>သူ့စိတ်ထဲ မေးခွန်းများစွာဝင်လာသည်။ သို့သော် အဖြေတစ်ခုမှ ထွက်မလာ။</p> <p>"ကောင်းပြီလေ။ သိပ်ကောင်းတာပေါ့။ ငါ့ကိုတစ်ခါအလစ်တိုက်ခိုက်နိုင်ရုံနဲ့ ကိုယ့်ကိုယ်ကိုအဟုတ်ကြီးထင်နေတာလား။ မင်းသေချင်နေပြီနဲ့တူတယ်"</p> <p>သူအံ့ဩမိသလို ဒေါသလည်းထွက်လာသည်။ ခုနက ရွှေခမောက်ကိုသာ အချိန်မီထုတ်၍ မကာကွယ်ခဲ့လျှင် သူသေသွားနိုင်သည်။ ထို့ကြောင့် သူအံ့ဩသည်။</p> <p>တစ်ဘက်လူက လုံးဝဆင်ခြင်ဉာဏ်မရှိ။ ဘာအကြောင်းမှလည်းမရှိဘဲ သူ့ကိုတိုက်ခိုက်သည်။ ထို့ကြောင့် သူဒေါသထွက်သည်။</p> <p>"သန့်စင်ခြင်းတစ်ရာ တင်းပုတ်"</p> <p>"ကောင်းကင်ဆက်သံချပ်ကာ"</p> <p>"ဝိညာဉ်ဖျက်လှံရှည်"</p> <p>မသေမျိုးရတနာများ တစ်ခုပြီးတစ်ခု သူဆင့်ခေါ်သည်။ အရိယဖလမရှိသဖြင့် သူ့ချိုယွင်းချက်များကို အဆင့်မြင့်ရတနာများဖြင့် အစားထိုးဖြည့်ဆည်းသည်။</p> <p>အစက ထိုရတနာများကို ယင်ထန်မသေမျိုးအစစ်နှင့် တိုက်ခိုက်ရန် ရည်ရွယ်ခဲ့သည်။ ယခု မြူခိုးကြားမှ မောက်မာနေသည့် ဤမသေမျိုးကို တိုက်ခိုက်ရန် အသုံးဝင်လာသည်။</p> <p>ယင်ထန်က အကာအကွယ်အပြည့်အစုံ ထုတ်သုံးနေသဖြင့် ပဲပြာအရှင် လှောင်ပြုံးပြုံးလိုက်သည်။</p> <p>"အတော်ရယ်ရတဲ့ အရူးပဲ"</p> <p>ဤယင်ထန်မသေမျိုးနှင့် ယင်ထန်အစစ်ကြားတွင် ဘယ်လိုပတ်သက်နေသည်ကို သူမသိ။ သို့သော် ကိစ္စမရှိ။ သူ့အကြောင်းသိသူမှန်သမျှ သေရမည်။</p> <p>သူ့အကြောင်း ဖော်ကောင်လုပ်ခဲ့သည့်ကောင်လေးလည်း ယခုဘယ်ကိုပျောက်သွာသည်မသိ။ လုံးဝအာရုံခံ၍မရ။ ထူးဆန်းသည်။</p> <p>"လုယန်"</p> <p>ယွမ်မုန်မုန်နှင့် ဓားကျင့်ကြံသူများ လုယန်ကို ချက်ချင်းရှာဖွေကြသည်။</p> <p>ချင်းဖုန်းဓားကမ္ဘာငယ်ထဲရောက်နေသည့်လုယန် သက်ပြင်းတစ်ချက်ချလိုက်သည်။ မြေပေါ်တွင်ထိုင်၍ အသက်ကိုဝအောင်ရှူနေသည်။ အပြင်ဘက်တွင် ယင်ထန်မသေမျိုးကို ပဲပြာအရှင်က နှိပ်ကွပ်နိုင်သည်ကို မြင်ရသဖြင့် သူအတော်စိတ်သက်သာရာရသွားသည်။</p> <p>"သူရောက်လာလို့ တော်သေးတယ်။ အင်း...ဟုတ်တာပေါ့။ သူဒီနေရာကို ရှာမတွေ့နိုင်လောက်ဘူး"</p> <p>ပဲပြာအရှင် သူ့ကိုသတ်ရန်ကြိုးစားခဲ့သည့်အဖြစ်ကို သူပြန်စဉ်းစားသည်။ ပဲပြာအရှင် လှုပ်ရှားသည့်ပုံစံကို သူအကြမ်းဖျင်းခန့်မှန်းမိသည်။</p> <p>သူနှင့်အောင်းလင်း နဂါးပုလဲထဲတွင် ရက်အတော်ကြာ နေခဲ့သည်။ ပဲပြာအရှင် လုံးဝမလှုပ်ရှားခဲ့။ နဂါးပုလဲထဲမှထွက်ပြီး သိပ်မကြာမီ ပဲပြာအရှင်ရောက်လာသည်။</p> <p>ကမ္ဘာငယ်တစ်ခုခုတွင် ပုန်းနေသူကို ပဲဝါအရှင် အာရုံမခံနိုင်သည့်သဘောဖြစ်သည်။</p> <p>သူ့ချင်ဖုန်းဓားတွင် ထိုကမ္ဘာငယ်မျိုးရှိနေသည်။</p> <p>"ချင်ဖုန်းဓားကို ကျေးဇူးတင်ရမှာပဲ"</p> <p>ချင်ဖုန်းဓားသာမရှိလျှင် ကြောက်စရာကောင်းသည့် အနက်ရောင်အလင်းတန်းကို သူလုံးဝခုခံနိုင်မည်မဟုတ်။ ယခုအချိန် အပြင်ဘက်တွင် သူရှိနေလျှင် ပဲပြာအရှင်က တိုက်ခိုက်နေရင်းတန်းလန်းမှာပင် လက်တစ်ချောင်းလှုပ်လိုက်ရုံဖြင့် သူ့ကိုသတ်ပစ်နိုင်လောက်သည်။</p> <p>အမှန်တော့ ယင်ထန်၏အမွေအနှစ်ရှိသည့်နေရာကို သူလုံးဝမသိ။ သူသာသိလျှင် အစောကြီးကတည်းကသွားပြီးဖြစ်မည်။</p> <p>ဆင်ခြေတစ်ခုပြ၍ ယင်ထန်ကို စိတ်ငြိမ်‌အောင်ထိန်းပြီး ပဲပြာအရှင်ဇာတ်လမ်းကို အချိန်ဆွဲ၍ သူပြောပြခဲ့ခြင်းဖြစ်သည်။</p> <p>မည်သို့ဆိုစေ ပဲပြာအရှင်ရောက်လာဖို့ အချိန်နည်းနည်းတော့ကြာမည်။ ယင်ထန်ကို ပဲပြာအရှင်အကြောင်း အသိပေးဖို့လိုသလို အချိန်ဆွဲထားဖို့လည်းလိုသည်။</p> <p>ပဲပြာအရှင်က သူ့အကြောင်းသိသူမှန်သမျှ သတ်ဖြတ်မည်ဖြစ်၍ တစ်ခြားကျင့်ကြံသူများ ထိုဇာတ်လမ်းကိုကြားသွား၍မဖြစ်။</p> <p>"ကဲ ယင်ထန်အရှင်။ ခင်ဗျားတတ်နိုင်သမျှ အချိန်ကြာကြာတောင့်ခံထားနိုင်ပါစေ"</p> <p>လုယန် အသံတိတ်ဆုတောင်းလိုက်သည်။</p> <p>***</p> <p> </p>


Save