Book List

<h2 style="text-align: center;">အခန်း (၉၂၁)</h2> <h2 style="text-align: center;">ထာဝရမျိုးဆက်သစ်</h2> <h2 style="text-align: center;">*</h2> <p> </p> <p> </p> <p> </p> <p> </p> <p>ညီအမနှစ်ယောက် အချင်းချင်းလက်ရည်စမ်းကြပြီးနောက် ယွမ်မုန်မုန် သိသိသာသာအပိုးကျိုးသွားသည်။ သို့သော် မကျေမနပ်ရေရွတ်နေသေးသည်။</p> <p>"ခုထိနင့်မှာ အဲဒါကပြဿနာပဲ ရှောင်ကျိ။ နင်က သိက္ခာကိုအရေးစိုက်လွန်းတယ်။ ငါ့ဆီက နင်ပိုပြီးသင်ယူသင့်တယ်"</p> <p>ယွမ်ကျိ ကိုယ့်နဖူးကိုယ်လက်ဖြင့်အုပ်လိုက်သည်။ အရင်က ယွမ်မုန်မုန်ကို လျှို့ဝှက်မြေမှ ခေါ်ထုတ်ခဲ့မိသည်ကို သူနည်းနည်းနောင်တရနေသည်။</p> <p>ယွမ်ကျိ လုယန်ဆီပြန်လာသည်။ လုယန်က ခန္ဓာကိုယ်ကို ကုသနေဆဲဖြစ်နေသည်။</p> <p>"နတ်မယ်၊ မုန်မုန်ရဲ့ မသေမျိုးအရိယဖလသန္ဓေကို ရှင်သတိထားမိမှာပါ။ သူ့ကို နည်းနည်းလမ်းညွှန်ပေးလို့ရမလား"</p> <p>လုယန်၏ကိုယ်ထဲမှ လှပသည့်သဏ္ဌာန်တစ်ခု ဂုဏ်ယူဝင့်ကြွားရိပ်အပြည့်ဖြင့် ပျံထွက်လာသည်။ ဓားမျှော်စင်မှပြန်လာကတည်းက ချင်ဖုန်းဓားကမ္ဘာမှ သိစိတ်နယ်မြေသို့ သူပြန်ပြောင်းရွှေ့ခဲ့သည်။</p> <p>ယွမ်မုန်မုန် လန့်သွားသည်။</p> <p>"လုယန်၊ နင့်ဝိညာဉ်က ဘာလို့မိန်းမလိုပြောင်းသွားတာပဲ"</p> <p>လုယန် "..."</p> <p>ယွမ်ကျိက တရားဝင်မိတ်ဆက်ပေးသည်။</p> <p>"အဲဒါ ရှေးဟောင်းမသေမျိုး ပဲဝါအရှင်ပါ။ သူက ထာဝရအရိယဖလပိုင်ရှင်ပဲ။ နင့်အရိယဖလသန္ဓေရဲ့ အမြင့်ဆုံးပုံစံပေါ့။</p> <p>လက်ရှိမှာ သူက ရုပ်ခန္ဓာမတည်ဆောက်ရသေးလို့ ရှောင်လုရဲ့သိစိတ်နယ်မြေမှာ ခဏနေတာ"</p> <p>"ရှေးဟောင်းမသေမျိုးလား"</p> <p>ယွမ်မုန်မုန် အံ့အားသင့်သွားသည်။ အပြင်လောကတွင် မသေမျိုးများစွာရှိမှန်း သူသိသည်။ သို့သော် မသေမျိုးဆိုသည်မှာ အလွန်ရှားသည်ဟု ရှောင်ကျိကပြောဖူးသည်။</p> <p>တမင်စနောက်ခဲ့ခြင်းလားမသိ။ သူ့ကို လမ်းဘေးဆိုင်တွင် ဟော့ပေါ့ကျွေးခဲ့သည့် လူတစ်ယောက်၏ကိုယ်ထဲမှာပင် မသေမျိုးဝိညာဉ်ရှိနေသည်။</p> <p>"ပဲဝါအရှင်ကို ယွမ်မုန်မုန်ဂါရဝပြုပါတယ်"</p> <p>အပြင်လောက၏ လောကဝတ်ပညာများကို သူ့အဖွားက သင်ပေးထားသည်။ ဝါစဉ်ကြီးသူကို လေးစားရကြောင်းသိသည်။</p> <p>သူအရိုအသေပေးပုံက အတော်ပုံစံကျသည်။</p> <p>"ရပါပြီ၊ ရပါပြီ၊ ငါမသေမျိုးက လောကဝတ်တွေကို သိပ်အရေးမစိုက်ဘူး။ ထပါ"</p> <p>နတ်မယ်က လက်ယမ်းပြသည်။ တစ်ဘက်လူနားလည်ရုံဖြင့် လုံလောက်သည်ဟူသည့် သဘောဖြစ်သည်။</p> <p>ယွမ်မုန်မုန်ကို သူတစ်ကြိမ်နှစ်ကြိမ်လှည့်ပတ်ကြည့်သည်။ လုယန်ထိုကောင်မလေးအပေါ် အရမ်းသ‌ဘောကောင်းလွန်သည့်အဖြစ်ကို သဘောမတွေ့သော်လည်း ထိုကောင်မလေးကို သူအတော်သဘောကျပါသည်။</p> <p>"ဒီနေ့ခေတ်မှာ မသေမျိုးအရိယဖလသန္ဓေတည်ဆောက်တဲ့လူတွေ ရှိဦးမယ်လို့ထင်မထားဘူး။ ကောင်းတယ် ကောင်းတယ်။ ငါမသေမျိုး နင့်ကိုအတော်သဘောကျတယ်"</p> <p>ရှေးဟောင်းခေတ်တွင် ထာဝရအရိယဖလသန္ဓေ၊ မသေမျိုးအရိယဖလသန္ဓေများ တည်ဆောက်သူများစွာရှိခဲ့သည်။ သို့သော် သူတို့စာရိတ္တကို နတ်မယ်သိပ်သဘောမကျ။</p> <p>ယွမ်မုန်မုန်က သူ့လိုပင် စိတ်ဓာတ်ကောင်းသည်။</p> <p>နတ်မယ်ချီးကျူးစကားကြောင့် ယွမ်မုန်မုန်ပျော်သွားသည်။ သူ့ကိုယ်သူ ထိုမျှထူးချွန်မည်ဟု ထင်မထား။</p> <p>"အခုချိန်ကစလို့နင်ဟာ ထာဝရမျိုးဆက်ရဲ့ တ-ခေါင်းဆောင်ပဲ"</p> <p>နတ်မယ်က စိတ်လှုပ်ရှားမှုအပြည့်ဖြင့် ကြေငြာသည်။ သူ့မျိုးဆက်ထဲသို့ နောက်ထပ်လူတစ်ယောက် ဆွဲသွင်းလိုက်သည်။</p> <p>"အဲ..ဪ"</p> <p>ထာဝရမျိုးဆက်အကြောင်း ယွမ်မုန်မုန် သေချာမသိ။ သို့သော် သူ့ရာထူးနာမည်က အတော်နားထောင်၍ကောင်းသည်။</p> <p>"ဒါနဲ့ ငါမသေမျိုးတည်ထောင်တဲ့ မဟာပဲဝါနိုင်ငံကို နင်ဝင်ချင်လား။ မဟာပဲဝါနိုင်ငံတော်ဟာ ကျယ်ပြန့်တယ်။ အရှေ့ပင်လယ် နတ်ဆိုးနယ်မြေနဲ့ အလယ်ပိုင်းတိုက်နယ်တွေအားလုံး ပဲဝါနိုင်ငံတော်ရဲ့ အစိတ်အပိုင်းတွေပဲ"</p> <p>"ဝင်ချင်တယ်လို့ထင်ပါတယ်"</p> <p>နတ်မယ်က ယွမ်မုန်မုန်အတွက် ရာထူးတစ်နေရာပေးဖို့ လုယန်ကိုလှည့်မေးသည်။</p> <p>"ရှောင်ယန်၊ ရာထူးနေရာလွတ်တွေ ကျန်သေးလား"</p> <p>လုယန်က လက်ထဲမှပန်းသီးကိုချ၍ လက်နှစ်ဘက်ဆုပ်ဦးညွှတ်သည်။</p> <p>"လျှောက်တင်ပါတယ်အရှင်မ၊ ဝန်ကြီးချုပ်နေရာကလွဲရင် ကျန်တဲ့ရာထူးနေရာတွေအားလုံး လွတ်နေပါသေးတယ်"</p> <p>နတ်မယ် အခက်တွေ့သွားဟန်ဖြင့် ခေါင်းငုံ့စဉ်းစားနေသည်။</p> <p>"အင်း...ဒါဆိုသူ့ကို ယဉ်ကျေးမှုဝန်ကြီးအဖြစ် ခန့်မယ်"</p> <p>ယွမ်မုန်မုန် တုံ့ဆိုင်းဆိုင်းဖြစ်သွားသည်။ ဘယ်လိုတုံ့ပြန်ရမှန်းမသိ။ သူဖတ်ဖူးသည့် ထူးထူးဆန်းဆန်း နန်းတွင်းစားသောက်ပွဲဓလေ့များကို ပြန်စဉ်းစားသည်။</p> <p>"ကျေးဇူးတင်ပါတယ် အရှင်မ"</p> <p>ယခု ထာဝရမျိုးဆက်နှင့် မဟာပဲဝါနိုင်အတွက် မသေမျိုးအသစ်တစ်ယောက် ထပ်ရလိုက်ပြီဖြစ်သည်။</p> <p>ယွမ်ကျိက ဘေးတွင်အသံတိတ်ရပ်နေသည်။ သူ့မျက်လုံးထောင့်စွန်းကတော့ အနည်းငယ်တုန်ခါသွားသည်။</p> <p>"ဒါဆို အရှင်မ..."</p> <p>"ငါ့ကို ခေါင်းဆောင်လို့ခေါ်ပါ"</p> <p>"ခေါင်းဆောင်၊ ကျွန်မရဲ့အရိယဖလသန္ဓေက..."</p> <p>သူ့အရိယဖလသန္ဓေကို အသုံးပြုရာတွင် ယွမ်မုန်မုန်သိပ်မကျွမ်းကျင်။ နတ်မယ်၏လမ်းညွှန်မှုလိုအပ်သည်။</p> <p>"ဪ ဒါကကျင့်ကြံရတာ အတော်ရိုးရှင်းပါတယ်။ စားသောက်ဖို့နဲ့ အပူအပင်ကင်းကင်းနေဖို့ပဲလိုတယ်။ ဒီအရိယဖလသန္ဓေက တဖြေးဖြေးခိုင်မာလာပါလိမ့်မယ်။</p> <p>ကျင့်ကြံနေတုန်းမှာတော့ တစ်ခြားလူတွေကို ဒုက္ခပေးလို့မရဘူးပေါ့။ စည်းမျဉ်းဥပဒေတွေကိုလည်း လိုက်နာရမယ်။ ဒါကို မင်းတဖြေးဖြေးနားလည်လာမှာပါ"</p> <p>ယွမ်မုန်မုန် ခေါင်းအမြန်ငြိမ့်၍ နတ်မယ်၏ညွှန်ကြားချက်ကို မှတ်သားသည်။</p> <p>မသေမျိုးတစ်ယောက်၏စကားသည် နက်နဲသည့်အဓိပ္ပါယ်များပါဝင်သည်။ တစ်ခွန်းချင်းသေချာသုံးသပ်ဖို့လိုသည်။ အကျိုးရှိနိုင်မည့် အရာတစ်ခုတော့ ရှိရမည်။</p> <p>"မင်းကို ငါတို့ထာဝရမျိုးဆက်အဖွဲ့ဝင်တွေနဲ့ အရင်ဆုံးမိတ်ဆက်ပေးမယ်။ ငါကတော့ ခေါင်းဆောင်ပေါ့။ ရှောင်ယန်က ဒုခေါင်းဆောင်။ အခုမင်းဝင်လာပြီး ငါ့ဆီကပညာသင်နေပြီ။ ဒီတော့ လုယန်က မင်းအကိုကြီးပေါ့"</p> <p>တစ်ခုခုတော့ လွဲနေသလို ယွမ်မုန်မုန်ခံစားရသည်။ ရှောင်ကျိကို တပည့်ခံခိုင်းဖို့ သူရောက်လာခြင်းဖြစ်သည်။ ယခု သူကိုယ်တိုင် တပည့်ဖြစ်သွားသည်။</p> <p>လုယန်ကလည်း သူ့အကိုကြီးဖြစ်လာသည်။</p> <p>ရှောင်ကျိက တမင်အကွက်ကျစီစဉ်ခဲ့ခြင်းလားမသိ။</p> <p>သံသယများစွာရှိသော်လည်း လုယန်ကို သူအရိုအသေပေးလိုက်သည်။</p> <p>"ဂါရဝပြုပါတယ် အကိုကြီး"</p> <p>စွမ်းအားကြီးသည့်ညီမတစ်ယောက် ထပ်ရလာသလို လုယန်ခံစားရသည်။</p> <p>"မင်းအထက်မှာ အမကြီးနှစ်ယောက်ရှိသေးတယ်။ ဒါပေမယ့် သူတို့က အခုဒီမှာမရှိဘူး။ အချိန်တန်ရင် မင်းသူတို့နဲ့တွေ့ရပါလိမ့်မယ်။</p> <p>ကဲ..ငါမင်းကို စတုတ္ထခေါင်းဆောင်နဲ့တွေ့ဖို့ ခေါ်သွားပေးမယ်"</p> <p>ထာဝရမျိုးဆက်သုံးယောက် ဈေးလမ်းမှ အသားကင်ပင်မဆိုင်သို့ရောက်လာသည်။ အသားကင်ဆိုင်က ခါတိုင်းလိုပင် လူစည်ကားနေသည်။</p> <p>ထာဝရအရှင်၏ ဦးဆောင်မှုဖြင့် အသားကင်ဆိုင်က ဟော့ပေါ့မဟာမိတ်နှင့်ပူးပေါင်းသည်။ အရင်ကတည်းက စွမ်းအားကြီးခဲ့သည့် မုန့်ဆိုင်အသင်းနှင့် တန်းတူယှဉ်နိုင်လာသည်။ ထိုအသင်းထက်ပင် ပိုသာသလိုဖြစ်လာသည်။</p> <p>မုန်ဆိုင်အသင်းလို အင်အားတောင့်တင်းပြီး ဂိုဏ်းတပည့်များ အသိအမှတ်ပြုထားသည့် အဖွဲ့အစည်းပင် ဈေးလမ်းမှ အင်အားစုနှစ်ခုကိုယှဉ်နိုင်ဖို့ အတင်းကြိုးစားနေရသည်။</p> <p>ယခု အသားကင်ဆိုင်နှင့် အောက်ကျို့ပူးပေါင်းပြီး အဓိကအင်အားစုဖြစ်သည့် ရနံ့တစ်ရာလက်ဖက်ရည်ဆောင်ကို အတူယှဉ်ပြိုင်ဖို့ သူတို့စဉ်းစားနေသည်။ သို့သော် နှစ်ပေါင်းများစွာ ကိုယ့်ဘာသာရပ်တည်လာသူများဖြစ်၍ ထိုသို့လုပ်ဖို့လည်း နောက်တွန့်နေသည်။</p> <p>"ဒီအသားကင်ဆိုင်က ကျွန်မတို့ရဲ့ ဌာနချုပ်လား"</p> <p>လမ်းတွင် လုယန်က ယွမ်မုန်မုန်ကို အသားကင်ဆိုင်အကြာင်း ရှင်းပြသည်။</p> <p>ရှုပြည်နယ်တွင် လုယန်နှင့်အတူ စားသောက်ခဲ့စဉ်က မဟာရှားတစ်ခွင်မှ အသားကင်ဆိုင်ခွဲများအကြောင်း ယွမ်မုန်မုန် ကြားခဲ့ပြီးဖြစ်သည်။</p> <p>သို့သော် ထိုလုပ်ငန်းသည် သူတို့ထာဝရမျိုးဆက်၏ လုပ်ငန်းဖြစ်မည်ဟု ထင်မထားခဲ့။</p> <p>"ကြိုဆိုပါတယ် ဒုခေါင်းဆောင်။ သခင်ကောင်းနှင့်သခင်လျိုက အသားကင်နေရင်းမှ လုယန်ကို ဦးညွှတ်နှုတ်ဆက်ကြသည်။</p> <p>သူတို့အခြေအနေက သိပ်မကောင်းလှ။ စိတ်နှစ်ကိုယ်နှစ်ကြိုးစားနေသ်ောလည်း အော်တိုအသားကင်မှော်စက်ဝန်းက အသုံးတွင်ကျယ်လာသဖြင့် အချိန်မရွေး သူတို့အလုပ်ပြုတ်သွားနိုင်သည်။</p> <p>"ထာဝရအရှင်ကို ခေါ်လိုက်ပါ"</p> <p>လုယန် ခပ်တည်တည်ညွှန်ကြားသည်။</p> <p>သိပ်မကြာမှ သားသတ်ရုံမှ ထာဝရအရှင် အမြန်ပြန်ရောက်လာသည်။ အခန်းကောင်းတစ်ခုတွင် လုယန်တို့အတွက် နေရာစီစဉ်ပေးသည်။ နတ်မယ်လည်း သိစိတ်နယ်မြေမှထွက်လာသည်။ သူ့မျက်နှာ တည်ကြည်လေးနက်နေသည်။</p> <p>"အရှက်မဲ့(ထာဝရအရှင်)၊ ပြီးခဲ့တဲ့နှစ်တွေအတွင်း မင်းဇွဲကောင်းကောင်းနဲ့စိတ်နှစ်ပြီး အသားကင်လုပ်ငန်းကြိုးစားလုပ်ခဲ့တာကို ငါမြင်ရတယ်"</p> <p>"ခေါင်းဆောင်"</p> <p>ထာဝအရှင် အတော်စိတ်လှုပ်ရှားလာသည်။ ယခု သူ့အားထုတ်မှုများ၏ အသီးအပွင့်ကို ခံစားရတော့မည်။ ခေါင်းဆောင်က သူ့ကိုအသိအမှတ်ပြုလာသည်။</p> <p>"ဒါကြောင့်၊ ငါမင်းကို တ-ခေါင်းဆောင်အဖြစ်ကနေ စတုတ္ထခေါင်းဆောင်အဖြစ် ရာထူးတိုးပေးဖို့ ငါဆုံးဖြတ်လိုက်ပြီ"</p> <p>"အဲ..."</p> <p>သူတကယ်ရာထူးတိုးသွားခြင်းလော။ သို့သော် ဘာကြောင့် ထိုသို့မခံစားရသနည်း...</p> <p>နတ်မယ်က ယွမ်မုန်မုန်ကို လက်ညှိုးထိုးပြ၍</p> <p>"ယွမ်မုန်မုန်ကို ထာဝရမျိုးဆက်ရဲ့ တ-ခေါင်းဆောင်အဖြစ် သတ်မှတ်တယ်။ သူ့ကို ငါအတော်သဘောကျတယ်။ မသေမျိုးအနှစ်သာရကို သူနားလည်သလို ရှောင်ယွမ်နဲ့လည်း ညီအမကောင်းတစ်ယောက်ဖြစ်လို့ပဲ"</p> <p>ထာဝရအရှင် "..."</p> <p>ထာဝရမျိုးဆက်တွင် မျက်နှာလိုက်သည့်အဖြစ်များ ပြည့်နေသလိုလိုရှိသည်။</p> <p>***</p> <p> </p>


Save