Book List

<h2 style="text-align: center;">အခန်း (၉၂၂)</h2> <h2 style="text-align: center;">လေ့လာခြင်း</h2> <h2 style="text-align: center;">*</h2> <p> </p> <p> </p> <p> </p> <p> </p> <p> </p> <p>ထာဝရဂိုဏ်း၏ ယုံကြည်မှုစွမ်းအားဖြင့် မွေးဖွားလာသည့် ထာဝရအရှင်သည် စိတ်ကူးအကြံအစည်ထက်မြက်သည်ဟု နာမည်ကြီးသည်။ သူ့မျက်နှာအမူအရာကို ထိန်းချုပ်နိုင်စွမ်းရှိသည်။</p> <p>ဥပမာဆိုရလျှင် ယခုသူရာထူးတိုးသွားသော်လည်း အလွန်အမင်းပျော်ရွှင်မှုမျိုးကို သူထုတ်မပြ။</p> <p>"ဂါရဝပြုပါတယ် တ-ခေါင်းဆောင်"</p> <p>လေးစားမှုအပြည့်ဖြင့် သူဦးညွှတ်အရိုအသေပြုသည်။ ထာဝရမျိုးဆက်၏ အုပ်ချုပ်မှုစနစ်က တင်းကြပ်သည်။ လုံးဝစည်းကျော်၍မရ။</p> <p>ယွမ်ကျိ၏ညီမဖြစ်၍ သူ့ထက်ရာထူးမြင့်နေမှသာ သင့်တော်မည်။</p> <p>ယခု ထာဝရမျိုးဆက်တွင် မသေမျိုးတစ်ယောက်။ လီဟော်ရန်ကို အနိုင်ယူခဲ့သည့်လုယန်နှင့် မသေမျိုးတစ်ဝက်နှစ်ယောက်ရှိလာသည်။</p> <p>တစ်နည်းဆိုရသော် ထာဝရမျိုးဆက်တွင် အနိမ့်ဆုံးကျင့်စဉ်အဆင့်သည် မသေမျိုးတစ်ဝက်ဖြစ်သည်။ အင်အားတောင့်တင်းခိုင်မာသည်ဟု ဆိုနိုင်သည်။ လောကအဖွဲ့အစည်းများထဲတွင် သူတို့နှင့်ယှဉ်နိုင်သူ အတော်ရှားလိမ့်မည်။</p> <p>"ငါတို့ထာဝရမျိုးဆက်တွေအားလုံး အတူဆုံဖြစ်ခဲတယ်။ ဒီတော့ တိုက်ခိုက်တဲ့အခါ အရိယဖလသန္ဓေကို ဘယ်လိုသုံးရသလဲဆိုတာ ငါမင်းတို့ကိုသင်ပေးမယ်"</p> <p>ထာဝရအရှင် "..."</p> <p>နေရလုသွားသည့် ယွမ်မုန်မုန်ကိုကြည့်၍ ထာဝရအရှင် ရင်နာနေသည်။ ထိုကောင်မလေးသည် အရိယဖလသန္ဓေ တည်ဆောက်ပြီးစသာဖြစ်သည်။ ဘယ်လိုအသုံးချရမှန်းမသိသေး။</p> <p>ယွမ်မုန်မုန်ရောက်မလာခင်က သူတို့မျိုးဆက်သုံးယောက် အကြိမ်ကြိမ်ဆုံးခဲ့သည်။ ထိုစဉ်က ဘာကြောင့်သူ့ကို ခေါင်းဆောင်က အရိယဖလသန္ဓေအသုံးချနည်း သင်မပေးခဲ့သနည်း။</p> <p>"အရိယဖလသန္ဓေစွမ်းအားနဲ့တိုက်ခိုက်ရင် ရိုက်ခတ်မှုက အတော်ပြင်းလိမ့်မယ်။ နေရာကောင်းတစ်ခု ရှာဖို့လိုလိမ့်မယ်"</p> <p>"ကျုပ်ရဲ့ချင်ဖုန်းဓားထဲ ဝင်ကြမလား"</p> <p>ကမ္ဘာတစ်ခုရှိနေသဖြင့် ပိုအဆင်ပြေသွားသည်။ မဟုတ်လျှင် ဂိုဏ်း၏ ထိပ်တန်းအဆင့် လျှို့ဝှက်နယ်မြေတစ်ခု ငှားရတော့မည်။ ထိုအတွက် ဝိညာဉ်ကျောက်လုံလောက်မည်မထင်။</p> <p>"သွားစို့လေ"</p> <p>ခေါင်းဆောင်၏ထောက်ခံမှုဖြင့် လုယန် ချင်ဖုန်းဓားကိုထုတ်ပြီး တ-ခေါင်းဆောင်နှင့် စတုတ္ထခေါင်းဆောင်ကို အထဲသို့ဖိတ်ခေါ်သည်။</p> <p>"နေရာက အတော်ကျယ်တာပဲ"</p> <p>ယွမ်မုန်မုန် ကမ္ဘာငယ်ထဲဝင်၍ လက်နှစ်ဘက်ကိုဖြန့်ပြီး မြက်ခင်းထဲတွင် ပျော်ရွှင်စွာလှည့်ပတ်နေသည်။ ထိုကမ္ဘာငယ်က သူ့ဇာတိမြေလိုပင် လှပနေသည်။ ဆောင်းဦးရာသီဖြစ်၍ မက်မွန်ရနံ့များ နှာသီးဝတွင် ဝေ့ဝဲနေသည်။</p> <p>ထိုမြင်ကွင်းကိုကြည့်၍ ထာဝရအရှင် လန့်ဖျတ်သွားသည်။ ကမ္ဘာငယ်တစ်ခုပါဝင်သည့်ဓားသည် အဆင့်အတန်းမနိမ့်နိုင်။ အနည်းဆုံး မသေမျိုးတစ်ဝက်အဆင့်ရတနာဖြစ်မည်။ မသေမျိုးရတနာပင် ဖြစ်နိုင်သည်။ နောက်ခံခိုင်မာသည့် ဒုခေါင်းဆောင်အဆင့်အတန်းနှင့် တကယ်လိုက်ဖက်သည်။</p> <p>သူ့အနေဖြင့် တစ်သက်လုံးအသားကင်ရောင်းလျှင်ပင် ထိုဓားမျိုးဝယ်နိုင်မည်မဟုတ်။</p> <p>"အဟမ်း၊ သင်တန်းစမယ်"</p> <p>နတ်မယ် ချောင်းတစ်ချက်ဟန့်လိုက်သည်။ ယွမ်မုန်မုန်နှင့် ထာဝရအရှင် မြက်ခင်းပေါ် ချက်ချင်းထိုင်၍ နတ်မယ်ကိုမော့ကြည့်နေသည်။ အသိပညာလိုလားသည့် စိတ်အားထက်သန်ရိပ်များ သူတို့မျက်နှာတွင် ပေါ်လွင်နေသည်။</p> <p>ကွာခြားသည့်တစ်ချက်က ယွမ်မုန်မုန်သည် နုနယ်သည့်သွင်ပြင်ရှိသဖြင့် ကြည့်ရသည်မှာ မျက်စိပသာဒဖြစ်သည်။ ထာဝရအရှင်က အိုမင်းရွတ်တွပုံစံဖြစ်၍ အတော်ကြောင်တက်တက်နိုင်သည်။</p> <p>လုယန်က သင်တန်းတက်စရာမလိုဟု ခံစားရသဖြင့် ခပ်လှမ်းလှမ်းသို့လျှောက်သွားပြီး မွေခံဓားကိုထုတ်၍ သခင်တံဆိပ်ကပ်ရန် စဉ်းစားသည်။</p> <p>လျိုနင်ရွှမ်းသေသွားသော်လည်း မွေခံဓားတွင် သိစိတ်ရှိနေသေးသည်။ ထိုဓား၏ အသိအမှတ်ပြုမှုကိုရဖို့ လွယ်ကူသည်မဟုတ်။</p> <p>လုယန်ခဏစဉ်းစားပြီး‌နောက် မွေခံဓားကို မြေပေါ်တွင်ထိုးစိုက်၍ ခုနစ်စဉ်ဓားစုကို ထုတ်သည်။ မွေခံဓားဘေးပတ်လည်တွင် ဝိုင်းစိုက်သည်။ ထိုမွေခံဓားကို ဖျောင်းဖျစေလို၍ဖြစ်သည်။</p> <p>ဓားရှစ်လက်က တဝီဝီအသံမြည်၍ အကျိတ်အနယ် ဆွေးနွေးပြောဆိုနေကြသည်။ ကြယ်ဓားခုနစ်လက်နှင့် စိတ်ချင်းချိတ်ဆက်ထားသဖြင့် သူတို့ပြောနေသည့်စကားကို လုယန် နည်းနည်းရိပ်စားမိသည်။</p> <p>"မွေခံဓားအကိုကြီး၊ လုယန်နောက်ကိုသာလိုက်ပါ။ သူ့မှာ ဓားဆေးကန်ရှိတယ်။ ကျုပ်ပြောတာယုံပါ။ ကန်ထဲမှာ တစ်ခါစိမ်လိုက်တာနဲ့ အဲဒီ့ခံစားချက်ကို အကိုတစ်သက်လုံးမေ့တော့မှာမဟုတ်ဘူး"</p> <p>"လျိုနင်ရွှမ်းက ဘာတွေများအဲလောက်ကောင်းနေလို့လဲ။ အကိုခန္ဓာကိုယ်ကို သူပိုင်ဆိုင်ခဲ့လို့ မမေ့နိုင်တာလား"</p> <p>"လျိုနင်ရွှမ်းက အခုသေပြီပဲ။ သူ့ကိုမေ့လိုက်ပါ။ ကျုပ်တို့ဓားတွေဟာ အမြဲတမ်းရှေ့ကိုပဲကြည့်သင့်တယ်"</p> <p>"လုယန်ကိုသာ အညံ့ခံလိုက်ပါ"</p> <p>မွေခံဓား ဘာပြန်ပြောသည်ကို လုယန်အာရုံမခံနိုင်သော်လည်း တုန်ခါမှုပြင်းထန်နေရာမှ နည်းနည်းငြိမ်သွားသဖြင့် ဖျောင်းဖျမှုက အတော်ထိရောက်ပုံရှိသည်ဟု ထင်မိသည်။</p> <p>တစ်ဘက်တွင် နတ်မယ်ကလည်း မသေမျိုးအတွေးအမြင်များကို ပို့ချနေသည်။</p> <p>"ခန္ဓာကိုယ်ဖောက်ခွဲတာဟာ ငါတို့ထာဝရမျိုးဆက်ရဲ့ အဓိကအကျဆုံးစွမ်းရည်ပဲ။ မဖြစ်မနေသင်ယူရမယ်။ အရင်တုန်းက ဒီပညာရဲ့စွမ်းအားကိုအမြင့်ဆုံးရောက်ဖို့ နည်းလမ်းတွေအများကြီးငါလေ့လာခဲ့တယ်။ ငါ့ရန်သူတွေကို ဘယ်လောက်ထိခိုက်အောင်လုပ်နိုင်တယ်ဆိုတာ မသိသေးဘူး။</p> <p>ဒါပေမယ့် သူတို့စတေးခဲ့တာ ထိုက်တယ်ပါတယ်။ ခန္ဓာကိုယ်ဖောက်ခွဲပညာကို ပြည့်စုံတဲ့အဆင့်ရောက်အောင် သူတို့ကူညီခဲ့ပေးခဲ့တာ။</p> <p>တ-ခေါင်းဆောင်၊ ဟိုတိုက်ပွဲမှာတုန်းက နင်တစ်ချိန်လုံးတိုက်ခိုက်ခံခဲ့ရတာ ငါသတိထားမိတယ်။ ပြန်တိုက်ခိုက်နိုင်စွမ်းနည်းတယ်။ အဲဒါ ခန္ဓာကိုယ်ဖောက်ခွဲပညာကို မတတ်သေးလို့ပဲ"</p> <p>ယွမ်မုန်မုန် ခေါင်းငြိမ့်သည်။ မှန်သည်။ ကိုယ့်ဘာသာဖောက်ခွဲခြင်းသည် တိုက်ခိုက်နည်းတစ်ခုဖြစ်ကြောင်း တစ်ခါမှမစဉ်းစားမိခဲ့။ သူ့မိသားစုမှသင်ထားသည့် မှော်ပညာများကိုသာသုံးခဲ့ရသည်။</p> <p>"စတုတ္ထခေါင်းဆောင်၊ သူ့ကို လက်တွေ့သရုပ်ပြလိုက်ပါ"</p> <p>ထိုစကားကြောင့် ဝါစဉ်ကြီးသူအဖြစ် အစွမ်းပြချိန်တန်ပြီဟု ထာဝရအရှင်တွေးလိုက်သည်။</p> <p>လီနှစ်ဆယ်ခန့် သူပြေးသွားပြီး ဝိညာဉ်သုံးခု လိပ်ပြာခုနစ်ပါးဖြစ်အောင် ခွဲထုတ်သည်။ ဝိညာဉ်တစ်ဝက်ခန့် ဝုန်းခနဲဖောက်ခွဲလိုက်သည်။</p> <p>ယွမ်မုန်မုန် သေချာအာရုံစိုက်၍ ကြည့်နေသည်။ ထာဝရအရှင်၏ ဝိညာဉ်တစ်ဝက်က ပူဖောင်းတစ်ခုလိုဖောင်းကားလာပြီး ပေါက်ကွဲသွားသည်။ ကြောက်စရာဝိညာဉ်စွမ်းအားများ နေရာစုံသို့ပြန့်နှံ့သည်။ ဆယ်လီပတ်လည်အတွင်း ပေါက်ကွဲအားသက်ရောက်သည်။</p> <p>ထို့နောက် ဝိညာဉ်က သူ့ဘာသာပြန်စုစည်းပြီး အပြည့်အဝပြန်ဖြစ်လာသည်။</p> <p>"အတော်စွမ်းအားကြီးတာပဲ"</p> <p>ယွမ်မုန်မုန်၏မျက်လုံးများ အရောင်တောက်လာသည်။ လောကသစ်တစ်ခု တံခါးပွင့်လာသလို ခံစားရသည်။ အရင်က သူ့တိုက်ခိုက်နည်းများသည် အတော်ရိုးစင်းလွန်းကြောင်း ချက်ချင်းနားလည်လာသည်။</p> <p>ဂုဏ်ယူသည့်အပြုံးဖြင့် ပြန်လျှောက်လာသည့် ထာဝရအရှင်ကို နတ်မယ်လက်ညှိုးထိုးပြသည်။</p> <p>"ကြည့်၊ ခုနကလုပ်ရပ်ဟာ တကယ့်အမှားကြီးပဲ။ ခန္ဓာကိုယ်ဖောက်ခွဲပြီး တစ်နေရာတည်းမှာ မလှုပ်မယှက်ရပ်နေတယ်။ ပြီးတော့ ဝိညာဉ်ပြန်စုစည်းတယ်။ ဒီပေါက်ကွဲမှုကြောင့် ကိုယ့်ရန်သူ သေသွားမယ်ဆိုတာ အာမခံနိုင်လို့လား။ ဝိညာဉ်ပြန်စုစည်းတဲ့အချိန်ကို အခွင့်ကောင်းယူပြီး ကိုယ့်ကိုပြန်တိုက်ခိုက်မလာနိုင်ဘူးလား။</p> <p>ဟုတ်ပြီ၊ ဒါဆို ဘယ်လိုလုပ်မလဲ...ပေါက်ကွဲတဲ့လှိုင်းအရှိန်နဲ့ အတူလိုက်သွားရမယ်။ ရွေ့လျားရင်းနဲ့ ဝိညာဉ်ပြန်စုစည်းရမယ်။ ပေါက်ကွဲတဲ့အရှိန်ကုန်တာနဲ့ ဝိညာဉ်ပြန်တည်ဆောက်ပြီးသားဖြစ်ရမယ်။ ဒါမှ နောက်တစ်ကြိမ်ဖောက်ခွဲဖို့ အသင့်ဖြစ်မယ်။ ရန်သူကို အသက်ရှူချိန်မပေးနဲ့။ ပြီးတော့ ဖောက်ခွဲတဲ့အချိန် မြေပေါ်မှာရပ်မနေနဲ့။ ကောင်းကင်မှာပျံနေရမယ်။ ဒါမှ ဖောက်ခွဲစွမ်းအား အမြင့်ဆုံးကိုရောက်မယ်။</p> <p>ဖြန့်ကျက်ဖောက်ခွဲတဲ့ နည်းလမ်းတွေကိုတော့ လောလောဆယ် နင်တို့နားလည်ဦးမှာမဟုတ်ဘူး။ နင်တို့တို့နှစ်ယောက် ငါအခုသင်ခဲ့တာကို အရင်ပြန်သုံးသပ်ပြီး အဝေးမှာသွားလေ့ကျင့်ပါ။ ခန္ဓာဖောက်ခွဲမှုအခြေခံတွေကို မြန်မြန်ကျွမ်းကျင်အောင် ကြိုးစားကြပါ"</p> <p>"ဟုတ်ကဲ့"</p> <p>ယွမ်မုန်မုန် စိတ်အားထက်သန်မှုအပြည့်ဖြင့် အဝေးသို့ထွက်သွားပြီး ခန္ဓာကိုယ်ဖောက်ခွဲသည်။ ထို့နောက် ကျယ်လောင်သည့် အသံတစ်ခုထွက်လာသည်။ အသံလှိုင်းက လှိမ့်ဝင်လာသည်။</p> <p>မြေပြင်တွင်စိုက်ထားသည့် မွေခံဓားကို လုယန်ဆုပ်ကိုင်ထားသော်လည်း မြေပြင်တလျှောက် လျှပ်တိုက်လွင့်ပါသွားသည်။</p> <p>အားလှိုင်းများပျောက်ကွယ်သွားပြီးနောက် ပေါက်ကွဲခဲ့သည့်နေရာမှ တောအုပ်တစ်ခု မီးသွေးအဖြစ်ပြောင်းသွားသည်။ တောင်တန်းများစိစိညက်ညက်ကြေသွားသည်။ တွင်းနက်ဖြစ်သွားသည့်နေရာသို့ မြစ်ရေများနောက်ပြန်စီးဝင်၍ ကန်တစ်ခုဖြစ်လာသည်။</p> <p>ယွမ်မုန်မုန်၏ ခန္ဓာကိုယ်ဖောက်ခွဲမှုက လက်တွေ့လောကအပေါ် တိုက်ရိုက်သက်ရောက်သည်။</p> <p>"ငါ့ကမ္ဘာလေးတော့ သွားပါပြီ"</p> <p>လုယန် စိတ်ပျက်လက်ပျက်အော်လိုက်သည်။ သူနှစ်ကြိမ်သာ လာလည်ရသေးသည့် ရောင်စုံကမ္ဘာလေးက မျက်တောင်တစ်ခတ်အတွင်း အပျက်အစီးပုံဘဝရောက်သွားသည်။</p> <p>ခန္ဓာကိုယ်ဖောက်ခွဲ၍ သက်ရောက်လာမည့်အခြေအနေကို နတ်မယ်တကယ်မေ့နေခဲ့သည်။ လုယန်ကို သူအမြန်ဖျောင်းဖျ၍ ပြန်တည်ဆောက်ဖို့ နည်းလမ်းစဉ်းစားသည်။</p> <p>"ဪ..ကိစ္စမရှိပါဘူး။ ခဏနေရင် ငါသူတို့နှစ်ယောက်လုံးကို သစ်ပင်စိုက်မှော်ပညာသင်ပေးလိုက်မယ်"</p> <p>***</p> <p> </p>


Save