Book List

<h2 style="text-align: center;">အခန်း (၉၂၃)</h2> <h2 style="text-align: center;">ကံဆိုးသူကုန်သည်အသင်း</h2> <h2 style="text-align: center;">*</h2> <p> </p> <p> </p> <p> </p> <p> </p> <p> </p> <p>ယွမ်မုန်မုန်နှင့် ထာဝရအရှင်တို့ တစ်ယောက်တစ်လှည့် ခန္ဓာကိုယ်ဖောက်ခွဲနေသံများက ကျယ်လောင်လွန်းသဖြင့် လုယန်စိတ်ပျက်လက်ပျက် အော်ဟစ်သံကို သူတို့မကြားကြ။ စိတ်လွတ်ကိုယ်လွတ် လေ့ကျင့်နေကြသည်။</p> <p>နတ်မယ်ထံမှ လေ့လာရသည်မှာ ကိုယ့်ဘာသာစမ်းတဝါးဝါး နည်းလမ်းရှာနေသည်ထက် ပိုကောင်းသည်ဟု ထာဝရအရှင်ခံစားရသည်။ နတ်မယ်က စကားလုံးနည်းနည်းဖြင့် သူ့ကိုဉာဏ်အလင်းပြနိုင်သည်။</p> <p>စောစောစီးစီးသာ သင်ခွင့်ရခဲ့လျှင် မဟာယုဒုတိယနိုင်ငံ့ဆရာနှင့် အသေအကြေနွှဲခဲ့စရာမလို။ တိုက်ပွဲစကတည်းက သူသတ်နိုင်ခဲ့လိမ့်မည်။</p> <p>"ဝုန်း ဝုန်း ဝုန်း"</p> <p>မသေမျိုးတစ်ဝက်နှစ်ယောက် ခန္ဓာကိုယ်‌ဖောက်ခွဲပညာကို တဖြေးဖြေးကျွမ်းကျင်လာသလို အဆက်မပြတ်ပေါက်ကွဲမှုကြောင့် ကမ္ဘာငယ်လည်း တုန်ခါလာသည်။</p> <p>ဖောက်ခွဲမှုများ ငါးရက်ဆက်တိုက်ကြာခဲ့ပြီဖြစ်သည်။</p> <p>ထိုငါးရက်အတွင်း လုယန်လည်း ခုနစ်စဉ်ကြယ်ဓားစုကို အကြောင်းပြု၍ မွေခံဓားပေါ်တွင် သခင်တံဆိပ်ခတ်နှိပ်နိုင်ခဲ့သည်။</p> <p>သစ်သားကိုယ်ပွားတစ်ခုဖန်တီးပြီး မွေခံဓားကိုပေးသည်။ သူကိုယ်တိုင်က ချင်ဖုန်းဓားကိုကိုင်၍ ဓားရေးလေ့ကျင့်ကြသည်။ မွေခံဓား၏ခံစားချက်နှင့် ရင်းနှီးလာစေရန် ကြိုးစားသည်။</p> <p>မိုင်ငါးဆယ်အကွာတွင် ခန္ဓာကိုယ်ဖောက်ခွဲလေ့ကျင့်နေသည့် မသေမျိုးတစ်ဝက်နှစ်ယောက်နှင့်ယှဉ်လျှင် လုယန်၏ ဓားသိုင်းဟန်များက ပိုကြည့်ကောင်းသည်။</p> <p>မိန်ယွဲ့ဓားနှင့်ယှဉ်လျှင် မွေခံဓားက ပိုပေါ့ပါးသည်။ ပိုထက်မြက်သည်။ သိစိတ်ဝိညာဉ်နည်းသဖြင့် ထိန်းချုပ်ကိုင်တွယ်ရ ပိုလွယ်ကူသည်။</p> <p>"တကယ်ကောင်းတဲ့ဓားပဲ"</p> <p>လုယန် ပြုံးပျော်နေသည်။ ဓားကျင့်ကြံသူဖြစ်၍ ဓားကိုသူနှစ်ခြိုက်သည်။ အထူးသဖြင့် အရည်အသွေးမြင့်သည် မွေခံဓားလို ဓားမျိုးကိုသဘောကျသည်။</p> <p>မသေမျိုးလက်နက်များအပေါ် လုယန်မီခိုစိတ်ဝင်မလာစေရန် မွေခံဓားကိုလည်း ယွမ်ကျိက အလွှာလိုက်ချိတ်ပိတ်ထားသည်။ လက်ရှိမွေခံဓားသည် လုယန်နှင့် သင့်တော်သည့်အဆင့်မျိုးဖြစ်သည်။</p> <p>ယွမ်မုန်မုန်နှင့် ထာဝရအရှင်တို့လည်း ပညာလေ့လာကြပြီးနောက် ကမ္ဘာငယ်ကို မူလအနေအထားတိုင်းဖြစ်အောင် မြေကိုပြင်၍ သစ်ပင်များစိုက်ကြသည်။</p> <p>ယွမ်မုန်မုန်က မကြာခဏ သစ်ပင်များလှဲချမိတတ်သဖြင့် ဇာတိမြေတွင် သစ်ပင်စိုက်ပညာကို သင်ထားပြီးဖြစ်သည်။</p> <p>ထာဝရအရှင်ကလည်း ထာဝရဂိုဏ်းဝင်အားလုံး၏မှတ်ဉာဏ်များ ပိုင်ဆိုင်သူဖြစ်၍ ထိုပညာကိုတတ်ကျွမ်းသည်။</p> <p>နတ်မယ်ပင် သင်ပေးစရာမလို။</p> <p>နောက်ထပ်နေ့တစ်ပိုင်းကြာ‌အောင် ကမ္ဘာငယ်ကို ပြုပြင်ရှင်းလင်းကြသည်။ သူတို့လက်ရှိကျင့်စဉ်အဆင့်အရ ထိုအလုပ်များကို မြန်မြန်ပြီးအောင်လုပ်နိုင်သည်။ သို့သော် ဒုခေါင်းဆောင်က ခပ်တင်းတင်းကြည့်နေသဖြင့် သေချာစစ်ဆေးပြီး ပြုပြင်ကြရခြင်းဖြစ်သည်။</p> <p>ကမ္ဘာငယ် မူလအတိုင်းပြန်ဖြစ်ပြီးနောက် လုယန်စိတ်ကျေနပ်သွားသည်။</p> <p>"လောလောဆယ် ဒီလောက်ပဲနားရအောင်။ နင်တို့က အခြေခံအဆင့်ပဲရှိသေးတော့ စိတ်ရှိသလို ခန္ဓာမဖောက်ခွဲနိုင်သေးဘူး။ တစ်ကြိမ်နဲ့တစ်ကြိမ် ဖောက်ခွဲတဲ့ကြားမှာ အချိန်နည်းနည်းယူရသေးတယ်။</p> <p>တိုက်ပွဲအတွေ့အကြုံများတဲ့ ရန်သူမျိုးနဲ့ကြုံရင် နင်တို့အခက်တွေ့နိုင်သေးတယ်"</p> <p>လေ့ကျင့်မှု မလွန်ကဲသင့်ကြောင့်း ဆက်တိုက်ဖောက်ခွဲနေ၍လည်း သိပ်အကျိုးမရှိကြောင်း နတ်မယ်ကရှင်းပြသည်။</p> <p>"ဟုတ်ကဲ့"</p> <p>ကမ္ဘာငယ်မှ ပြန်ထွက်လာပြီးနောက် ထာဝရအရှင်က အသားကင်ဆိုင်တွင် နေခဲ့သည်။ လုယန်နှင့်ယွမ်မုန်မုန်က ဆိုင်မှထွက်ခဲ့ကြသည်။</p> <p>ညနေချိန်ဖြစ်၍ ဈေးလမ်းတွင် လူအစည်ဆုံးအချိန်ဖြစ်သည်။ ဈေးဆိုင်ျားဆီမှလွင့်ပျံလာသည့် အစားအသောက်နံ့‌ကြောင့် ယွမ်မုန်မုန်မျက်လုံးများ အရောင်လက်လာသည်။</p> <p>ယွမ်မုန်မုန်တွင် ကျိုးဆောင်မှတ်များမရှိသဖြင့် ရှုပြည်နယ်မှာကဲ့သို့ပင် လုယန်ကသာ သူ့ကိုအဖော်ပြု၍ အစားအသောက်များ ဝယ်ပေးရသည်။</p> <p>သူတို့နှစ်ယောက်ကို ဈေးလမ်းလမ်းမှ လူအတော်များများ အာရုံစိုက်နေကြသည်။ ယွမ်မုန်မုန်ကို တစ်ခါမှမမြင်ဖူးကြသောကြောင့်ဖြစ်သည်။</p> <p>"လောင်လု၊ မင်းဒီမှာ ဘာတွေလုပ်..."</p> <p>မုန်ကျင်းကျိုးက လမ်းတစ်ဘက်မှလျှောက်လာပြီး နှုတ်ဆက်ရန်ပြင်ချိန်တွင် လုယန်နှင့်ပြောဆိုရယ်မောနေသည့် မိန်းမလှကိုသတိထားမိသွားသည်။</p> <p>...ငါနေ့တိုင်း ဘိုး‌ဘေးရဲ့လမ်းညွှန်မှုနဲ့ ပင်ပင်ပန်းပန်းလေ့ကျင့်နေတဲ့အချိန်မှာ မင်းကမိန်းမလှတွေနဲ့ တစ်နေကုန်လျှောက်သွားနေတယ်ပေါ့..</p> <p>"ဟေ့ လောင်မုန်၊ ပြန်ရောက်ပြီလား။ မင်းလည်း ဝိညာဉ်ပြောင်းအဆင့်ကို ရောက်နေပြီပေါ့"</p> <p>လုယန်လည်း မုန်ကျင်းကျိုးကိုမြင်သဖြင့် ပုံမှန်အတိုင်း နှုတ်ဆကလိုက်သည်။</p> <p>မုန်ကျင်းကျိုးက ခပ်ကြွားကြွားပြုံး၍</p> <p>"ဝိညာဉ်ပြောင်းအဆင့်ဆိုတာ အေးဆေးပါကွာ။ ဒါနဲ့ သူကဘယ်သူလဲ"</p> <p>"ယွမ်မုန်မုန်တဲ့။ အမယွမ်ရဲ့သူငယ်ချင်းပါ"</p> <p>မုန်ကျင်းကျိုး ခဏမင်သက်မိသွားသည်။</p> <p>ယွမ်မုန်မုန်...</p> <p>သို့ဆိုလျှင် ယွမ်ကျိက သူ့သူငယ်ချင်းနာမည်ကို နာမည်တုအဖြစ် သုံးနေခြင်းဖြစ်သည်။</p> <p>"အကိုကြီး၊ ဒါကဘယ်သူလဲ"</p> <p>"ငါ့ညီပါ၊ မုန်ကျင်းကျိုးတဲ့"</p> <p>မုန်ကျင်းကျိုး နောက်တစ်ကြိမ်ဆွံ့အသွားပြန်သည်။ ယွမ်မုန်မုန်က အကိုကြီးဟု ခေါ်နေသည်။ ထိုနှစ်ယောက် ဘယ်လိုပတ်သက်နေသည်မသိ။</p> <p>သို့မဟုတ် ထိုယွမ်မုန်မုန်သည် အသက်နှစ်ဆယ်ပင်မပြည့်သေးခြင်းလော...</p> <p>တစ်နှစ်ကျော်လောက်သာ ဂိုဏ်းမှသူထွက်သွားခဲ့သော်လည်း အခြေအနေအားလုံးက ပြောင်းလဲသွားသယောင်ထင်ရသည်။</p> <p>သုံးယောက်သား စားသောက်ဆိုင်တစ်ခုတွင် ဝင်ထိုင်ကြသည်။ အစားအသောက်ကောင်းတစ်ချို့မှာ၍ မုန်ကျင်းကျိုးက ဧည့်ခံသည်။</p> <p>"ဓားမျှော်စင် ပျက်စီးသွားတဲ့သတင်း ငါကြားတယ်။ အဲဒါ မင်းနဲ့ပတ်သက်နေတယ်မဟုတ်လား"</p> <p>"ပေါက်တတ်ကရတွေမပြောစမ်းပါနဲ့။ ငါက ဓားပွဲတော်တက်ဖို့သွားတာပါ။ ဓားမျှော်စင်ပျက်စီးတာက မသေမျိုးတွေ တိုက်ခိုက်ကြလို့ပါ။ အဲဒါငါနဲ့ဘာဆိုင်လို့လဲ"</p> <p>လုယန်က အခိုင်အမာပြန်ပြောသည်။</p> <p>မုန်ကျင်းကျိုး နှာခေါင်းရှုံ့သည်။ လုယန်စကားကို သူမယုံ။ မသေမျိုးနှစ်ယောက် ဓားမျှော်စင်တွင် တိုက်ခိုက်ကြသည့်သတင်း၊ လုယန်က ဓားမေးမြန်းပွဲတွင် အနိုင်ရခဲ့သည့်သတင်းများ အပြင်လောကတွင် ပျံ့နှံ့နေသည်။</p> <p>ထိုအခြေအနေနှစ်ခု အဆက်အစပ်မရှိသယောင် ထင်ရသော်လည်း လုယန်နှင့် သေချာပေါက်ပတ်သက်ကြောင်း သူကောင်းကောင်းသိသည်။</p> <p>ဟန်လုပ်၍ သူရယ်လိုက်သည်။</p> <p>"ဒီတစ်ခါ ရွှေစီးပွားကုန်သည်အသင်း ဘယ်လောက်အထိနာသွားလဲ မင်းမသိဘူးမဟုတ်လား"</p> <p>"ကုန်သည်အသင်း..."</p> <p>လုယန် တွေးရကြပ်သွားသည်။ ထိုကိစ္စနဲ့ ကုန်သည်အသင်းဘာဆိုင်သနည်း..</p> <p>"မင်းမသိဘူးမဟုတ်လား။ ဓားမျှော်စင်သခင်က မျှော်စင်အတွက် ကုန်သည်အသင်းကနေ အာမခံစာချုပ်တစ်ခုဝယ်ထားတာလေ။ ဓားမျှော်စင်ပျက်စီးတော့ ကုန်သည်အသင်းက အာမခံလျော်ကြေးထုတ်ပေးရတာပေါ့။</p> <p>လျှော်ကြေးက အရမ်းများတာ။ ရှုပြည်နယ်က ကုန်သည်အသင်းခွဲဥက္ကဌ စိတ်သောကရောက်ပြီး အိပ်ရေးပျက်လို့ ပိန်ကျသွားတယ်တဲ့။</p> <p>စာချုပ်စည်းမျဉ်းအရ လူသားတွေကြောင့် မျှော်စင်ပြိုကျတာဆိုတော့ သူတို့အာမခံကြေးထုတ်ပေးရတယ။ ပြီးမှ လျော်ကြေးပြန်တောင်းဖို့ တာဝန်ရှိတဲ့လူကို သွားရှာရမှာ။ ဒီတစ်ခါ သူတို့သွားရှာရဲမလား ကြည့်ရဦးမှာပေါ့"</p> <p>ကုန်သည်အသင်းအနေဖြင့် ပဲပြာအရှင်ကိုသွားတွေ့လျှင် ရူးနေ၍သာဖြစ်မည်။</p> <p>"ဒါနဲ့ ဓားမျှော်စင်ပြဿနာထဲမှာ ဒီယွမ်မုန်မုန်..အဲ..ဒီအမရောပါလား"</p> <p>ယွမ်မုန်မုန်ကို မုန်ကျင်းကျိုး ဘယ်လိုခေါ်ရမှန်းမသိဖြစ်နေသည်။</p> <p>"ပါတယ်လေ"</p> <p>မုန်ကျင်းကျိုး နားလည်သွားသည်။</p> <p>"ဒါဆိုသူက ယွမ်ကျိဆိုတဲ့နာမည်ပြောပြီး လျိုနင်ရွှမ်းနဲ့ တိုက်ခိုက်ခဲ့တာပေါ့။ အခု အပြင်လောကမှာ အမယွမ်က ကူးဖြတ်ခြင်းအဆင့် ဒါမှမဟုတ် မသေမျိုးတစ်ဝက်အဆင့်ရောက်နေပြီလိလု့ ပြောနေကြတာ မဆန်းတော့ပါဘူး"</p> <p>ဓားမျှော်စင်တိုက်ပွဲကြောင့် လျှို့ဝှက်သတင်းများစွာ ပေါ်လာသည်။ လူအမျိုးမျိုးလက်ဆင့်ကမ်းပြောပြီးမှ မုန်ကျင်းကျိုး ကြားခဲ့ရသဖြင့် ဇာတ်လမ်းကလည်း ကွဲပြားနေသည်။ တကယ်ပါဝင်ပတ်သက်သူကို မေးမှသာ အဖြစ်အပျက်ကို အမှန်အတိုင်းသိနိုင်မည်။</p> <p>"ဘိုးဘေးမုန်ကျန်းဇီက မင်းကို ဘယ်လိုတွေလေ့ကျင့်ပေးလဲ"</p> <p>လုယန် မေးလိုက်သည်။</p> <p>မုန်ကျင်းကျိုးမျက်နှာတွင် ထိတ်လန့်ရိပ်ပေါ်လာသည်။ မနှစ်မြို့စရာအတိတ်အကြောင်းကို ပြန်ပြောချင်ပုံမပေါ်။</p> <p>ခဏစကားပြောကြပြီးနောက် လုယန်နှင့်ယွမ်မုန်မုန်တို့ ကောင်းကင်ဂိတ်တောင်ထိပ်သို့ပြန်သည်။</p> <p>"ပြန်လာပြီလား"</p> <p>ယွမ်ကျိက အင်ပါယာထိုင်ခုံတွင် ထိုင်နေသည်။ သူတို့ကို စောင့်နေဟန်ရှိသည်။</p> <p>"အမယွမ်က...ကျုပ်တို့ကိုစောင့်နေတာလား"</p> <p>"ဝူယော်က နေကိုဘယ်လိုချိတ်ပိတ်ခဲ့သလဲဆိုတာ ကွမ်းရှန်ဟိုင်က ငါ့ကိုရှင်းပြပြီးပြီ။ ချိတ်ပိတ်မှော်စက်ဝန်းကို ဘယ်လိုချိုးဖျက်ရမယ်ဆိုတာလည်း ပြောပြတယ်။ ငါအခု အဲဒီ့မှော်စက်ဝန်းကို သွားဖျက်မလို့။ မင်းလိုက်ကြည့်ချင်လား"</p> <p>တစ်နှစ်ကျော်နှိပ်စက်ခံရပြီးနောက် ကွယ်ရှန်ဟိုင် ဆက်တင်းမခံနိုင်တော့ဘဲ အရေးကြီးသည့် သတင်းအချက်အလက်အလက်တစ်ချို့ကို ထုတ်ပြောလာသည်။ ထိုသို့ထုတ်မပြောလျှင် ယွမ်ကျိက ဝိညာဉ်မှတ်ဉာဏ်ရှာဖွေတော့မည်ကို သူနားလည်သည်။</p> <p>လုယန်မျက်လုံးများ အရောင်လက်သွားသည်။ နှစ်ပေါင်းသိန်းချီအတွင်း မြင်ရခဲသည့် မြင်ကွင်းမျိုးဖြစ်၍ သူကြည့်ချင်သည်။</p> <p>"သွားကြမယ်လေ"</p> <p>"ကျွန်မလည်း အကိုကြီးနဲ့အတူလိုက်မယ်"</p> <p>ယွမ်မုန်မုန်က ဝင်ပြောသည်။</p> <p>***</p> <p> </p>


Save