Book List

<h2 style="text-align: center;">အခန်း (၉၂၈)</h2> <h2 style="text-align: center;">ဓားတစ်သောင်းဌာနေပြန်၏ ချို့ယွင်းချက်များ</h2> <h2 style="text-align: center;">*</h2> <h2 style="text-align: center;"> </h2> <p> </p> <p> </p> <p> </p> <p>မဟာအကြီးအကဲသည် တာအိုရှင်ဝစီပိတ်ထက်ပို၍ လူခင်လူမင်ပေါ်များသည်။ သူ့အဆင့်တက်ပွဲကို ဂိုဏ်းတစ်ခုလုံး ပျော်ရွှင်စွာအောင်ပွဲခံကြသည်။</p> <p>သုံးရက်ကြာပြီးနောက် ဂုဏ်ပြုပွဲက မှေးမှိန်သွားသည်။</p> <p>"ဒါဆို ဒဏ္ဍာရီမွေခံဓားဆိုတာ အဲဒါလား"</p> <p>ဝစီပိတ်က မွေခံဓားကိုပွတ်သပ်ရင်း လက်ကမချနိုင်အောင်ဖြစ်နေသည်။ သူ့တပည့်သည် တကယ်စွမ်းဆောင်ရည်ကောင်းသည်။ အရင်က ဓားရတနာတိုက်တွင် မွေခံဓား၏အသိအမှတ်ပြုမှုရဖို့ သူကြိုးစားခဲ့ဖူးသည်။ သို့သော် မအောင်မြင်ခဲ့။ ထိုထက်အဆင့်နိမ့်သည့် ဝိညာဉ်ဓားကိုသာ ရခဲ့သည်။</p> <p>ကိုယ်ပိုင်ကမ္ဘာငယ်တစ်ခုရှိသည့် လုယန်၏ချင်ဖုန်ဓားကိုလည်း သူအလွန်လိုချင်ခဲ့သည်။</p> <p>သူ့ဝိညာဉ်ဓားသည်လည်း သာမန်ပစ္စည်းမဟုတ်ပါ။ အဆင့်တက်နိုင်သည့် ဝိညာဉ်ဓားမျိုးဖြစ်သည်။ သူ့ကျင့်စဉ်အဆင့်တက်သည်နှင့် ဝိညာဉ်ဓားလည်း စွမ်းအားကြီးလာသည်။ လုံလောက်သည့်အထောက်အပံ့မျိုး ရင်းနှီးလိုက်လျှင် ပထမအဆင့်'မသေမျိုး'ရတနာအဆင့်သို့ ရောက်နိုင်ခြေရှိသည်။</p> <p>"လျိုနင်ရွှမ်း မသေမျိုးတစ်ဝက်အဆင့်မရောက်ခင်မှာတောင် ဒီဓားက မသေမျိုးဓားအဆင့်ရောက်နေပြီလို့ ပြောကြတယ်။ တကယ်ထူးခြားတာပဲ"</p> <p>ဝစီပိတ် နောင်တနည်းနည်းရမိသည်။ လျိုနင်ရွှမ်း ဓားမျှော်စင်သေသွားကြောင်း ကြားရသောကြောင့်ဖြစ်သည်။ ဒဏ္ဍာရီဓားသမားနှင့် သူလက်ရည်စမ်းခွင့်မရလိုက်။</p> <p>သို့သော် ဓားမျှော်စင်အဓိပဓိ ပြန်ရှင်သန်လာပြီဖြစ်၍ သူလက်ရည်စမ်းခွင့်ရနိုင်သည်။</p> <p>ယခုလောလောဆယ်တော့ မဖြစ်နိုင်သေး။ သူ့ကျင့်စဉ်အဆင့်က မလုံလောက်သေး။ သူ့ဓားအရည်အသွေးကလည်း အဆင့်မမီသေး။ ယခုထက်ပို၍ သူစွမ်းအားကြီးလာဖို့လိုသည်။</p> <p>"ဓားပြိုင်ပွဲမှာ မင်းက ဓားတစ်သောင်းဌာနေပြန်ပညာကို ထုတ်သုံးခဲ့တယ်လို့ကြားသလားလို့"</p> <p>"ဟုတ်ပါတယ်"</p> <p>ဝစီပိတ် လုယန်ကို ကျေနပ်စွာကြည့်သည်။ သူမသင်ရဘဲ လုယန်ထိုပညာတတ်သွားမည်ဟု ထင်မထား။</p> <p>"လုပ်ပါ၊ ငါ့ကိုတစ်ခါလောက် သရုပ်ပြပါဦး"</p> <p>လုယန် ဓားနယ်မြေသန္ဓေကို ဖြန့်ကျက်လိုက်သည်။ ထို့နောက် အဆုံးစမဲ့ဓားရိပ်များ မြေပြင်နှင့်ကောင်းကင်တွင် ပေါ်လာသည်။ ငရဲတွင်းတစ်ခုလို ကြောက်စရာကောင်းသည်။</p> <p>ချင်ဖုန်းဓားအစစ်ကို သူမြှောက်လိုက်သည်။ ထို့နောက် မြေပြင်နှင့်ကောင်းကင်မှ ဓားရိပ်များ ဓားနယ်မြေမှထွက်လာပြီး ချင်ဖုန်းဓားအစစ်နှင့် ပေါင်းစပ်သွားသည်။ ဓားစွမ်းအင်ရောင်က သုံးပေကျော်ထိုးထွက်လာသည်။</p> <p>"ဓားနယ်မြေသန္ဓေနဲ့ ဓားတစ်သောင်းဌာနေပြန်ပညာလား။ လာပါ၊ ငါ့ကို ဒီဓားနဲ့တိုက်ခိုက်ပါ"</p> <p>ဝစီပိတ်မျက်လုံးများ တောက်ပလာသည်။ ထိုဓားစွမ်းအားကို ကြုံဖူးချင်သည်။</p> <p>လုယန်က ချက်ချင်းမာန်သွင်းအော်ဟစ်လိုက်သည်။ ဓားချီများက နဂါးတစ်ကောင်လို ထိုးထွက်လာသည်။ ရုတ်တရက် ချင်ဖုန်းဓားအစစ်အဖြစ်ပြောင်းပြီး ဝစီပိတ်ကိုခုတ်လိုက်သည်။</p> <p>ဝစီပိတ်က လက်နှစ်ချောင်းကို ခပ်အေးအေးဆန့်ထုတ်ပြီး ချင်ဖုန်းဓားကိုညှပ်ဖမ်းလိုက်သည်။ အရှန်ပြင်းလာသည့်ဓားက ရုတ်တရက်ငြိမ်သွားသည်။ လုံးဝကျမလာတော့။</p> <p>"ဟုတ်တယ်၊ ဒါက ဓားတစ်သောင်းပညာပါပဲ။ ငါသုံးတာကိုကြည့်ပြီး မင်းသင်ထားတာဖြစ်မယ်။ ဒါပေမယ့်ဒါက ဖြတ်လမ်းနည်းပါ"</p> <p>လုယန်ရှေ့တွင် ထိုဓားပညာကို သူတစ်ကြိမ်သာသုံးဖူးသည်။ နှလုံးမဲ့ဂိုဏ်းနှင့် တိုက်ခိုက်စဉ်ကဖြစ်သည်။</p> <p>တစ်ကြိမ်ကြည့်ရုံဖြင့် လုယန်က ထိုပညာကို အပြည့်အဝနားလည်သည်။ ဓားပါရမီတကယ်ထူးခြားလှသည်။</p> <p>"ဖြတ်လမ်းနည်းလား..."</p> <p>"ထိုင်ပါ၊ ငါဖြေးဖြေးချင်းရှင်းပြမယ်"</p> <p>ကောင်းကင်ဂိတ်တောင်ထိပ်တွင် လုယန်နှင့်သူသာရှိသည်။</p> <p>ယွမ်မုန်မုန်နှင့်ကန်ထန်က ဓားပညာကို စိတ်မဝင်စား။ ကန်ထန်က နေရာကောင်းတစ်ခုရွေး၍ ဗျတ်စောင်းတီးနေသည်။ ယွမ်မုန်မုန်က ဈေးတန်းမှယူလာသည့် စားစရာထုပ်ကိုဖြေ၍ မြစ်ဘေးကျောက်တုံးပေါ်တွင်လှဲပြီး ကန်ထန်၏ဗျတ်စောင်းသံစဉ်ကို နားထောင်နေသည်။</p> <p>ဈေးတန်းမှ မုန့်ပေါင်းများကို လက်နက်အဖြစ်လည်းသုံးနိုင်သည်။ သို့သော် ယွမ်မုန်မုန်ကလည်း သက်သက်လွတ်သမားမဟုတ်။ ကူးဖြတ်ခြင်းအဆင့်တစ်ယောက်၏ မေးရိုးအင်အားက သာမန်မုန့်ပေါင်းကဲ့သို့ပင် စားနိုင်သည်။</p> <p>ယွမ်ကျိကလည်း ဓားပညာကို စိတ်မဝင်စားသဖြင့် မြစ်ဘေးသို့သွား၍ ဗျတ်စောင်းသံကို နားထောင်သည်။</p> <p>......</p> <p>"မိန်ထိုက်နဲ့တိုက်ပွဲမှာ ဓားချီနဲ့ရင်ဆိုင်ရတဲ့အဆင့်ကို ရောက်သွားတယ်လို့ ငါကြားတယ်။ တိုက်ကွက်တွေအများကြီး ရင်ဆိုင်ကြပြီးတာတောင် အသာစီးမရကြဘူး။ နောက်ဆုံး ဓားတစ်သောင်းဌာနေပြန်တိုက်ကွက်နဲ့မှ မင်းနိုင်သွားတယ်တဲ့။</p> <p>အဲဒီမှာ ပြဿနာတစ်ခုပေါ်လာတယ်။ မင်းရောမိန်ထိုက်ရော ဓားချီကိုအဆုံးစွန်ထိ ထုတ်သုံးထားကြတယ်။ ဒါပေမယ့် ဖန်တီးထားတဲ့ ဓားချီတွေရဲ့အဆုံးစွန်အင်အားပဲ။ ကိုယ့်အဆုံးစွန်အင်အားမဟုတ်ဘူး။ ကိုယ်ပိုင်အင်အားဆိုရင် တစ်ကြိမ်သုံးပြီးတာနဲ့ စွမ်းအားကုန်သွားမှာ။</p> <p>မင်းရဲ့ ဓားတစ်သောင်းဌာနေပြန်ပညာမှာ ဖန်တီးထားတဲ့ဓားရိပ်တစ်သောင်းကို ချင်ဖုန်းဓားထဲပြန်ဆွဲခေါ်တယ်။ အဲဒီ့အချိန်ကျမှ မင်းရဲ့အဆုံးစွန်ဓားချီအဆင့်ကို ရောက်သွားတာ"</p> <p>ဝစီပိတ်ပြောသည့် အဓိပ္ပါယ်ကို လုယန်နားလည်သည်။ ဓားတစ်သောင်းဌာနေပြန်ပညာက အမြင့်ဆုံးစွန်းအားအဆင့်သို့ တိုးမြင့်ပေးခြင်းဖြစ်သည်။</p> <p>ထို့နောက် ဝစီပိတ်လေသံက ချက်ချင်းပြောင်းသွားသည်။</p> <p>"ဒါပေမယ့် ဒါဟာလည်း ဓားတစ်သောင်းပညာရဲ့ စစ်မှန်တဲ့အနှစ်သာရမဟုတ်သေးဘူး။ ဓားတစ်သောင်းဌာနေပြန်ပညာဆိုတာ ဓားအမျိုးမျိုးရဲ့စွမ်းအားကို တစ်ခုတည်းစုစည်းရတာ။ ဒါမှအကန့်အသတ်ကျော်လွန်တဲ့ ဓားစွမ်းအားကို ထုတ်သုံးနိုင်တာ"</p> <p>လုယန် ဓားမျှော်စင်အဓိပဓိနှင့် ယင်ထန်တို့တိုက်ပွဲကို ပြန်စဉ်းစားသည်။ ဓားရတနာတိုက်မှ ဝိညာဉ်ဓားအားလုံး အလင်းဓားထဲသို့ ပေါင်းစည်းသွားသည်။ ဝစီပိတ်ရှင်းပြနေသည်က ထိုအချက်ဖြစ်သည်။</p> <p>"ဓားတစ်သောင်းဌာနေပြန်ပညာရဲ့ စွမ်းအားဆိုတာကို မင်းနားလည်အောင် ဆရာပြောပြမယ်။ ဓားတစ်သောင်းပညာက တစ်ခြားဓားတွေနဲ့ သဟဇာတဖြစ်အောင် အရင်လုပ်ရတယ်။ မင်းတိုက်ပွဲမှာ မင်းထုတ်သုံးတုန်းက ဒီအချက်ကို ကျော်သွားတယ်။ ဒါကြောင့် ဖြတ်လမ်းလို့ပြောတာ။</p> <p>ဒီတော့ ချင်ဖုန်းဓားကို အဓိကဗဟိုအဖြစ်ထားပြီး တစ်ခြားဓားတွေရဲ့အသံနဲ့ တစ်သားတည်းဖြစ်အောင် ထိန်းညှိရတယ်။ ချင်ဖုန်းဓား စွမ်းအားအမြင့်ဆုံးအခြေအနေကိုရောက်မှ ထိန်းညှိနိုင်ရင် အကောင်းဆုံးပဲ.."</p> <p>ဝစီပိတ်ပြောသည့်စကားက ရိုးရှင်းသည်။ သို့‌သော် နတ်မယ်လို တစ်ခြားလူတစ်ယောက်သာဆိုလျှင် နားရှုပ်သွားမည်။ သို့သော် လုယန်က ရှင်းလင်းစွာနားလည်သည်။</p> <p>သူ့မျက်လုံးများအရောင်တောက်လာသည်။ ဓားတစ်သောင်းပညာ၏ အဓိပ္ပါယ်အစစ်ကို ထပ်ကာထပ်ကာသုံးသပ်နေသည်။</p> <p>"ကျုပ်စမ်းကြည့်မယ်"</p> <p>မွေခံဓားနှင့် ခုနစ်စဉ်ကြယ်ဓားစုများကို ဆက်တိုက်ထုတ်လိုက်သည်။ ဝစီပိတ်က ထိုမြင်ကွင်းကိုကြည့်၍ မနာလိုဖြစ်နေသည်။</p> <p>ခြေခိုင်ခိုင်ရပ်လျက်သည်နှင့် လုယန်အောက်ဘက်မှမြက်ပင်များ ဓားချီရိုက်ခတ်သကဲ့သို့ လှိုင်းတွန့်များပေါ်လာသည်။ မွေခံဓားနှင့် ခုနစ်စဉ်ကြယ်ဓားလည်း အဆက်မပြတ်တုန်ခါနေသည်။ နောက်ဆုံးတွင် သူတို့တုန်ခါနှုန်းက ချင်ဖုန်းဓားနှင့်တူညီလာသည်။ ထို့နောက် တစ်သားတည်းပေါင်းစည်းသွားသည်။</p> <p>"ယား"</p> <p>လုယန် ဝစီပိတ်ဆီ ဓားတစ်ချက်ခုတ်လိုက်သည်။ ဓားချီက ရေတံခွန်လို ထိုးကျလာသည်။ ငွေရောင်အလင်းဖြတ်ခနဲလက်သွားပြီး ဝစီပိတ်က လက်နှစ်ချောင်းဖြင့် ထပ်ဖမ်းလိုက်သည်။</p> <p>"သိပ်ကောင်းတယ်ကွာ"</p> <p>ဝစီပိတ် တဟားဟားအော်ရယ်နေသည်။ နည်းနည်းသင်ပြရုံဖြင့် ဓားတစ်သောင်းပညာ၏ အနှစ်သာရကို လုယန်နားလည်သွားသည်။</p> <p>သူ့လက်ကောက်ဝတ်ကို ဖျတ်ခနဲခါလိုက်သည်။ လုယန်နှင့်ချင်ဖုန်းဓား လွင့်ပျံသွားသည်။ သူ့ညာလက်ကို နောက်ပစ်လိုက်ပြီး လက်ညှိုးနှင့်လက်ခလယ်ကို ပွတ်နေသည်။</p> <p>ဤဓားချက်၏စွမ်းအားက သူထင်ထားသည်ထက် ကျော်လွန်နေသည်။</p> <p>လုယန် ကျွမ်းနှစ်ပတ်ပစ်ပြီး ကိုယ်ရှိန်သတ်လိုက်သည်။ မွေခံဓားနှင့် ခုနစ်စဉ်ကြယ်ဓားစုက အောက်တွင်ကျနေသည်။</p> <p>ဝစီပိတ်က အပျော်ရိပ်သန်းနေသည့်မျက်နှာဖြင့် ရှေ့တိုးလာသည်။</p> <p>"ကောင်းတယ်။ မင်းဇွဲကောင်းကောင်းနဲ့လေ့ကျင့်ရင် ဒီပညာကို တကယ်ကျွမ်းကျင်လာမှာ...ဟ ရှောင်လု"</p> <p>မြေပေါ်ကျနေသည့် ဓားရှစ်လက်ကိုစိုက်ကြည့်၍ လုယန်အတွေးနစ်နေသည်ကို ဝစီပိတ်သတိထားမိသည်။</p> <p>ခဏအကြာတွင် လုယန် ပြန်အသိဝင်လာပြီးမေးသည်။</p> <p>"ဆရာ၊ ဒီပညာကိုသုံးရတာ နည်းနည်းမြင်သာထင်သာမဖြစ်လွန်းဘူးလား"</p> <p>ဝစီပိတ်ခေါင်းငြိမ့်သည်။ ဓားတစ်သောင်းဌာနေပြန်ပညာသည် တကယ်ခမ်းနားထည်ဝါသည်။ အထူးသဖြင့် ဓားအမျိုးမျိုးကို ထိန်းညှိထားသည့်အချိန်ဖြစ်သည်။</p> <p>တကယ်ကြည့်ကောင်းသည်။ ထို့ကြောင့်လည်း ဓားကျင့်ကြံသူများ နှစ်သက်ကြခြင်းဖြစ်သည်။</p> <p>လုယန် ထပ်မေးသည်။</p> <p>"ဒါပေမယ့် မြင်သာထင်သာဖြစ်လွန်းရင် ရန်သူကလည်း ဒီပညာသုံးတော့မယ်ဆိုတာကြိုသိပြီး တုန့်ပြန်ချိန်ရတဲ့သဘောပဲမဟုတ်လား"</p> <p>"ဟုတ်တယ်။ ဒီပညာရဲ့ချို့ယွင်းချက်က အဲဒါပဲ"</p> <p>ရန်သူကို ရှောင်တိမ်းချိန် တန်ပြန်တိုက်ခိုက်ချိန် ပေးထားသလိုဖြစ်နေသည်။</p> <p>လုယန်စိတ်ထဲ အတွေးတစ်ခုပေါ်လာသည်။</p> <p>"မွေခံဓားနဲ့ ခုနစ်စဉ်ကြယ်ဓားတွေကို ချင်ဖုန်းဓားရဲ့ ကမ္ဘာငယ်ထဲမှာ ဝှက်ထားလိုက်ရင် ဘယ်လိုနေမလဲ။ ဒီပညာထုတ်သုံးတဲ့အချိန်ကျရင် ဓားကိုးလက်က ဘယ်သူမှမမြင်ရဘဲ ပေါင်းစပ်သွားမယ်လေ။</p> <p>ဓားဆိုဒီပညာထုတ်သုံးမယ်ဆိုတာ ရန်သူမသိအောင်။ အငိုက်ဖမ်းလို့ရတယ်မဟုတ်လား"</p> <p>ဝစီပိတ်က ဘာမှပြန်မပြောဘဲ လုယန်ပုခုံးကို အသံတိတ်ပုတ်လိုက်သည်။</p> <p>"မှတ်ထားပါ။ နောက်ဆို ဒီဓားပညာအကြောင်း တစ်ခြားလူတွေကို မင်းပြောတဲ့အခါ မင်းဆရာငါနဲ့ ဘာမှမဆိုင်ဘဲ ကိုယ့်ဘာသာနားလည်ခဲ့တာလို့ပြောပါ"</p> <p>***</p> <p> </p>


Save