Book List

<h2 style="text-align: center;">အခန်း (၉၃၀)</h2> <h2 style="text-align: center;">အရိုင်းမျိုးနွယ်၏ စွမ်းအားအကြီးဆုံးဘိုးဘေး</h2> <h2 style="text-align: center;">*</h2> <p> </p> <p> </p> <p> </p> <p> </p> <p>ပုံမှန်အတိုင်းတွေးလျှင် ထိုမျှအောက်တန်းကျသည့် လှည့်ကွက်က်မျိုးကို ဝစီပိတ်သင်ပေးသည်ဆိုသည်မှာ မဆန်းလှ။ သို့သော် လုယန်က အမှန်တရားအားလုံးကို ပြောနေခြင်းမဟုတ်ဟု မုန်ကျင်းကျိုးယူဆသည်။</p> <p>"ဂိုဏ်းချုပ်က ဒီလိုတကယ်ပြောတာလား"</p> <p>လုယန်စကားကို သူမယုံကြည်။</p> <p>သံသယဝင်ခံရသဖြင့် လုယန် မကျေမနပ်ဖြစ်သွားသည်။ သူပြောခဲ့သည့်စကားက တကယ်အမှန်ဖြစ်သည်။</p> <p>"ငါမင်းကိုလိမ်တယ်ဆိုရင် ကောင်းကင်ဆင်းရဲဖြတ်တဲ့အခါ လျှပ်စီးချက်တွေ ပိုခံရပါစေကွာ"</p> <p>ပထမဆင့်ချန်ကောင်းကင်လျှပ်စီးကိုဖြတ်၍ ဝိညာဉ်ပြောင်းအဆင့်သို့ သူရောက်ခဲ့ပြီဖြစ်သည်။ ဝိညာဉ်ပြောင်းအဆင့်တွင်ကြုံရမည့် ကောင်းကင်စမ်းသပ်ချက်များက ခက်ခက်ခဲခဲမဟုတ်နိုင်တော့။</p> <p>မုန်ကျင်းကျိုးက မျက်လုံးထောင့်ကပ်ကြည့်၍ စကားပြန်ပြောရန်ပြင်သည်။ ထိုစဉ် သူ့မျက်စိရှေ့မှ လုယန်ရုတ်တရက်ပျောက်သွားသဖြင့် သူအတော်လန့်သွားသည်။</p> <p>"ဘယ်ရောက်သွားတာလဲ။ သူတကယ်ကောင်းကင်ပြစ်ဒဏ်ထိသွားတာများလား"</p> <p>...</p> <p>မဟာရှားနိုင်ငံတွင်းမှ လူသူကင်းဝေးသည့်တောင်တန်းတစ်ခုတွင် လူသုံးယောက် အပြင်းအထန်တိုက်ခိုက်နေသည်။ တောင်တန်းများတုန်ခါနေသည်။ ကောင်းကင်တွင် စွမ်းအင်လှိုင်းများပြည့်နေသည်။</p> <p>"ဘုန်း"</p> <p>အားနည်းသည့်လူနှစ်ယောက်က လွင့်ထွက်သွားပြီး တောင်းတန်းနှင့်ရိုက်မိ၍ တောင်နံရံတွင် ဖောက်ဝင်သွားသည်။</p> <p>"အမလန်ထန်၊ အဆင်ပြေရဲ့လား"</p> <p>အရိုးရိုင်း မျက်နှာရှုံ့မဲ့၍ တောင်နံရံချိုင့်ခွက်ထဲမှ ထွက်လာပြီး စိုးရိမ်တကြီးမေးသည်။ သူ့အရေပြားနှင့် အသားများက သိပ်အန္တရာယ်မရှိ။ သို့သော် လန်ထန်က သူနှင့်မတူနိုင်။</p> <p>ဖဲကြိုးစရစ်ပတ်ထားသည့် လန်ထန်လည်း တောင်နံရံနောက်တစ်နေရာမှ ထွက်လာသည်။ သူ့ဖဲကြိုးစက တိုက်ခိုက်သည့်အားအများစုကို စုပ်ယူခဲ့သည်။ သူ့ဒဏ်ရာများလည်း သိပ်မပြင်းထန်လှ။</p> <p>"မျိုးဆက်သစ်နှစ်ယောက်၊ မင်းတို့ ဝိညာဉ်ပြောင်းအဆင့်ရောက်ရုံနဲ့ စုစည်းခြင်းအခြေခံအဆင့်ကလူကို တိုက်နိုင်မယ်ထင်နေလား"</p> <p>တစ်ဘက်လူက စုစည်းခြင်းအခြေခံအဆင့်စွမ်းအင်ရောင်ကို ထုတ်လွှတ်၍ သူတို့ကို ခပ်တင်းတင်းကြည့်နေသည်။</p> <p>အရိုးရိုင်းနှင့် လန်ထင်တို့ စုစည်းခြင်းအခြေခံအဆင့်တစ်ယောက်နှင့် ပထမဆုံးအကြိမ် ရင်ဆိုင်ဖူးခြင်းဖြစ်သည်။ သူတို့တိုက်ခိုက်စွမ်းအားကလည်း စုစည်းခြင်းအခြေခံဆင့်ကို စိန်ခေါ်ဖို့ အရည်ချင်းမီသည်။</p> <p>သို့သော် တစ်ဘက်လူက 'စည်းမျဉ်း'စွမ်းအား မသုံးမှသာ ရနိုင်မည်။</p> <p>အစပိုင်းတွင် သူတို့နှစ်ယောက် အတူပူးပေါင်းတိုက်ခိုက်၍ အသာစီးယူနိုင်ခဲ့သည်။ သို့သော် ပြိုင်ဘက်က စည်းမျဉ်းစွမ်းအားသုံးသည်နှင့် တိုက်ပွဲအခြေအနေက ပြောင်းပြန်ဖြစ်သွားသည်။ သူတို့နှစ်ယောက်လုံး အခက်ကြုံလာသည်။</p> <p>"ငါတို့ သူ့ကိုမနိုင်လောက်ဘူး။ ဘယ်လိုလုပ်ကြမလဲ"</p> <p>ဝိညာဉ်ပြောင်းအဆင့်တက်ပြီးနောက် အရိုးရိုင်းက မစ်ရှင်ခန်းမသို့သွား၍ မစ်ရှင်တစ်ခုရွေးလိုက်သည်။ နှလုံးမဲ့ဂိုဏ်းအကြောင်း သဲလွန်စရထားသည့်ကိစ္စဖြစ်သည်။ မစ်ရှင်ညွှန်းထားသည့် နေရာသို့ရောက်ချိန်တွင် လန်ထင်နှင့်သူတွေ့သည်။ လန်ထင်လည်း ထိုကိစ္စလာစုံစမ်းခြင်းဖြစ်သည်။</p> <p>နှစ်ယောက်အတူပူးပေါင်း၍ ခြေရာခံကြသည်။ နှလုံးမဲ့ဂိုဏ်းသဲလွန်စများ တကယ်တွေ့ခဲ့သည်။ ထို့နောက် အခုသူတို့ရင်ဆိုင်နေရသည့် နှလုံးမဲ့ဂိုဏ်းအကြီးအကဲနှင့် တွေ့သည်။</p> <p>သို့သော် ထိုအကြီးအကဲကို သူတို့နိုင်ခြေမရှိ။</p> <p>နှလုံးမဲ့ဂိုဏ်းအကြီးအကဲက အခုသူတို့ရှေ့တွင် ရှိနေသည်။ သူတို့ထွက်ပြေးလျှင် ထိုအကြီးအကဲကို နောက်ထပ်ရှာတွေ့ဖို့ ခက်ခဲသွားမည်။</p> <p>"တိုက်ခိုက်ကြတာပေါ့"</p> <p>လန်ထင် အံတင်းတင်းကြိတ်လိုက်သည်။</p> <p>အရိုးရိုင်းစိတ်ဓာတ်ကလည်း ပြတ်သားသည်။ တိုက်ခိုက်မည်ဆိုလျှင် တိုက်ခိုက်ရုံရှိသည်။ လန်ထင်ကို သိစိတ်အာရုံမှ သူလှမ်းပြောသည်။</p> <p>"ဒီလူကို ခဏအာရုံလွှဲထားပါ အမလန်ထင်။ ကျုပ်ရဲ့မူလဝိညာဉ်နဲ့ စွမ်းအားအကြီးဆုံး အရိုင်းဘိုးဘေးကို ဆင့်ခေါ်နိုင်တဲ့ နည်းလမ်းတစ်ခုရှိပါတယ်။ အဲလိုဆို အခြေအနေပြောင်းသွားနိုင်တယ်"</p> <p>"ကောင်းပြီလေ"</p> <p>အရိုးရိုင်းကို ယုံကြည်လိုက်ပြီး လန်ထင်ရှေ့တက်သွားသည်။</p> <p>"သေမှာကိုမသိတဲ့ အရူးမျိုးဆက်လေးတွေပဲ"</p> <p>နှလုံးမဲ့ဂိုဏ်းအကြီးအကဲက ဦးခေါင်းခွံငယ်များဖြင့် ဖန်တီးထားသည်ံ အရိုးဓားကိုကိုင်ထားသည်။ ထိုဓားလွှဲယမ်းလိုက်တိုင်း သရဲညည်းသံများ ပေါ်ထွက်လာည်။ တကယ့်ကြောက်စရာဝိညာဉ်ဖြစ်သည်။</p> <p>နှလုံးမဲ့ဂိုဏ်းအကြီးအကဲကို လန်ထင် ထိပ်တိုက်ရင်မဆိုင်ရဲ။ အပြာရောင်ဖဲကြိုးစက တလူလူလွင့်နေသည်။ အပျော့ဖြင့် အမာကိုတိုက်ခိုက်သည်။ ဖဲကြိုးစက အကြီးအကဲလက်မောင်းကို ရစ်ပတ်သွားသည်။ ဓားလမ်းကြောင်းကိုလွှဲသည်။</p> <p>လန်ထင်၏လှုပ်ရှားမှုများက ပေါ့ပါးသွက်လက်သည်။ လနန်းတော်တွင်ကနေသည့် နတ်သမီးတစ်ယောက်နှင့်တူသည်။ နှလုံးမဲ့ဂိုဏ်းအကြီးအကဲ၏ တိုက်ခိုက်မှုများမထိအောင် တားဆီးနိုင်သည်။</p> <p>"ဒီနေရာမှာ ငါစည်းမျဉ်းသတ်မှတ်တယ် - အရိုးဓားက အားလုံးကိုဖြတ်တောက်နိုင်စေ"</p> <p>ထူးဆန်းသည့် စွမ်းအားတစ်မျိုး အရိုးဓားမျက်နှာပြင်ပေါ်တွင် ဖုံးအုပ်သွားသည်။ လန်ထင်အားကိုးနေသည့် ဖဲကြိုးစက အစိတ်စိတ်အမွှာမွှာကြေမွသွားသည်။ ဖဲကြိုးစအနှောက်အယှက်မရှိတော့သည်နှင့် အကြီးအကဲက လန်ထင်ကို အသာစီးရသွားသည်။</p> <p>အရိုးရိုင်းက မူလဝိညာဉ်ကိုထုတ်သည်။ လက်နှစ်ဘက်ကို ခပ်ကြမ်းကြမ်းပွတ်၍ မန္တာန်ရေရွတ်သည်။ ဝိညာဉ်ပြောင်းအဆင့်သို့ ရောက်ပြီးနောက် နတ်ဝိညာဉ်အဆင့်တွင် ကြုံရာဘိုးဘေးဆင့်ခေါ်ရသည့် ပြဿနာကို ဖြေရှင်းနိုင်ခဲ့သည်။</p> <p>"မသေမျိုးများ၏ ကောင်းချီးဖြင့် ကျုပ်တို့အရိုင်းဘိုးဘေးတွေထဲက စွမ်းအားအကြီးဆုံးဘိုးဘေးကို ကျုပ်အရိုးရိုင်း လေးလေးစားစားဖိတ်ခေါ်ပါတယ်"</p> <p>သူ့မူလဝိညာဉ် အသွင်ပြောင်းသွားသည်။ တောက်ပသည့် နို့နှစ်ရောင်အလင်းတန်းတစ်ခု ထိုးကျလာသည်။ စွမ်းအားကြီးသည့် ဝိညာဉ်တစ်ခု ကောင်းကင်မှဆင်းလာပြီး အရိုးရိုင်း၏ မူလဝိညာဉ်နှင့် ပေါင်းစပ်သွားသည်။</p> <p>အရိုင်းဘိုးဘေးက အထက်ကောင်းကင်ဆီ စူးစူးရဲရဲမော့ကြည့်ပြီး နှလုံးမဲ့ဂိုဏ်းအကြီးအကဲရှေ့သို့ ချက်ချင်းရောက်သွားသည်။</p> <p>"ချွင်"</p> <p>အရိုင်းဘိုးဘေးက သူ့လက်ထဲမှဓားဖြင့် အရိုးဓားကိုကာလိုက်သည်။</p> <p>လန်ထင်က သူ့ကိုကယ်တင်လိုက်သည့် အရိုင်းဘိုးဘေးကို မယုံနိုင်ဟန်ဖြင့်ကြည့်နေသည်။</p> <p>"အကိုလုယန်၊ အကိုဘယ်တုန်းက အရိုင်းဘိုးဘေးဖြစ်သွားတာလဲ"</p> <p>အရိုးရိုင်းလည်း အံ့အားသင့်နေသည်။ သူ့မူလဝိညာဉ်က ဘာကြောင့်ရုတ်တရက်ကြီး လုယန်အသွင်သို့ ပြောင်းသွားသည်မသိ။</p> <p>"ဘာရယ်"</p> <p>လုယန်ကိုယ်တိုင်လည်း အူကြောင်ကြောင်ဖြစ်နေသည်။ သူက မုန်ကျင်းကျိုးနှင့် စကားနာထိုးရင်း အလုပ်များနေခဲ့သည်။ ဘာကြောင့်မျက်တောင်တစ်ခတ်အတွင်း ဤနေရာသို့ ရောက်လာသည်မသိ။</p> <p>သူရောက်လာသည်နှင့် လန်ထင်အသက်ဘေးကြုံနေသည်ကို မြင်ရသည်။ ထို့ကြောင့် မတတ်သာတော့ဘဲ အရင်ဝင်တိုက်ခိုက်ရသည်။</p> <p>"ဒီကိစ္စ လောလောဆယ်ထားလိုက်ဦး။ ဟိုလူက ဘယ်သူလဲ"</p> <p>ပြိုင်ဘက်ထံမှ လူသတ်ရိပ်ကို သူအာရုံခံမိသည်။ မိတ်ဆွေချင်း ဓားရေးလေ့ကျင့်သည့်သဘော မဖြစ်နိုင်။</p> <p>"နှလုံးမဲ့ဂိုဏ်းရဲ့ အကြီးအကဲတစ်ယောက်ပါ"</p> <p>"ဒါဆို သူ့ကိုအရင်ရှင်းကြစို့။ ကျန်တာတွေ နောက်မှဆွေးနွေးမယ်"</p> <p>စည်းမျဉ်းစွမ်းအားဖြင့် အားဖြည့်ထားသည့် အရိုးဓားက အလွန်တရာထက်မြက်သည်။ ဘယ်အရာမဆို ဖြတ်တောက်နိုင်ပါသည်။</p> <p>သို့သော် ချင်ဖုန်းဓားကိုတော့ မယှဉ်နိုင်။</p> <p>ချင်ဖုန်းဓားသည် မသေမျိုးဓားတစ်လက်ဖြစ်သည်။ စုစည်းခြင်းအဆင့်တစ်ယောက် စည်းမျဉ်းစွမ်းအားဖြင့် ဖျက်ဆီးနိုင်သည့်အရာမဟုတ်။</p> <p>"သေလိုက်စမ်း"</p> <p>လုယန်မျက်လုံးတွင်လည်း လူသတ်ရိပ်ပေါ်လာသည်။ နှလုံးမဲ့ဂိုဏ်းသားကို ဘာမှညှာနေစရာမလို။ ဝိညာဉ်ကျန်လျှင်လုံလောက်သည်။</p> <p>"ငါ့ဓားကိုမြည်းကြည့်"</p> <p>လုယန်၏ဓားချက်ကို နှလုံးမဲ့ဂိုဏ်းအကြီးအကဲက မခိုးမခန့်ပြုံးကြည့်နေသည်။ ဘာမှထူးခြားသည့် ဓားကွက်မဟုတ်။ ထိုဓားပညာလောက်ဖြင့် သူ့ကိုလာတိုက်ခိုက်ရဲသည်။</p> <p>"ဖျောင်း"</p> <p>သို့သော် ထိုဓားချက်က သူ့အရိုးဓားကို နှစ်ပိုင်းဖြတ်လိုက်သည်။ စွမ်းအားက လျော့မသွားပဲ သူ့ကိုထိသည်။</p> <p>သူ့ဘယ်ပုခုံးမှ ညာဘက်ခါးထိ ဓားဒဏ်ရာကြီး ပေါ်လာသည်။ သွေးများအဆက်မပြတ်ထွက်နေသည်။</p> <p>လုယန်လည်း အံ့ဩသွားသည်။ ဤဓားချက်စွမ်းအားက သူထင်ထားသည်ထက် များစွာသာလွန်နေသည်။</p> <p>သူဤနေရာသို့ရောက်လာကတည်းက ပြင်ပစွမ်းအားတစ်ခုတိုးလာသည်ကို သူခံစားမိသည်။ သူစွမ်းအားအမြင့်ဆုံးအတိုင်းအတာထက်ပင် လေးငါးဆသာလွန်နေသည်။</p> <p>အခြေအနေအပြောင်းအလဲကြောင့် နှလုံးမဲ့ဂိုဏ်းအကြီးအကဲ လုံးဝအငိုက်မိသွားသည်။ စည်းမျဉ်းစွမ်းအားဖြင့် ဒဏ်ရာကုသရန်ကြိုးစားသည်။</p> <p>သို့သော် မသေမျိုးတိုက်ပွဲများအပါအဝင် အဆင့်မြင့်တိုက်ပွဲများစွာ လက်တွေ့ကြုံဖူးထားသည့် လုယန်က သူ့အတွေးကိုရိပ်မိသည်။ အခွင့်အရေးလုံးဝမပေး။</p> <p>နောက်တစ်ကြိမ် ဓားချက်ထုတ်လွှတ်သည်။ နှလုံးမဲ့ဂိုဏ်းအကြီးအကဲ ထိတ်လန့်သွားသည်။ စည်းမျဉ်းစွမ်းအားသုံးချိန်မရတော့။ သူ့ကိုယ်ပိုင်စွမ်းအားဖြင့် အမြန်ခုခံရသည်။</p> <p>သို့သော် ဤဓားချက်က ဘာမှမထူးခြားသည့် သာမန်ဓားချက်သာဖြစ်နေသည်။</p> <p>အဆင်ပြေပြီဟု တွေးနေချိန်မှာပင် လုယန်က သူ့မျက်နှာကို ရသာသုံးမျိုးမီးတောက် မှုတ်ထုတ်လိုက်သည်။</p> <p>"အား"</p> <p>မီးတောက်စစ်က သူ့မျက်နှာကို အဆက်မပြတ်လောင်ကျွမ်းနေသည်။ ဝေဒနာကြောင့် မချိတင်ကဲအော်ဟစ်၍ သူ့စွမ်းအားတစ်ချို့ကို မီးတောက်စစ်ထိန်းချုပ်ဖို့ သုံးလိုက်ရသည်။</p> <p>လုယန် ဓားဖြင့်ဆက်ခုတ်သည်။ ရိုးရှင်းသည့် ဓားချက်များထဲတွင် ဓားတစ်သောင်းဌာနေပြန်ဓားချက်ကို လျှို့ဝှက်သုံးသည်။ နှလုံးမဲ့ဂိုဏ်းအကြီးအကဲ အငိုက်ဖမ်းတိုက်ခိုက်သည်။</p> <p>"သွေးကောင်းကင်ကလဲ့စား"</p> <p>နှလုံးမဲ့ဂိုဏ်းအကြီးအကဲ သံရှည်ဆွဲ၍ အော်ဟစ်လိုက်သည်။ အဆုံးမဲ့သွေးပင်လယ်တစ်ခု သူ့နောက်ဘက်တွင် ပေါ်လာသည်။ မရေမတွက်နိုင်သည့် ရုပ်ပျက်ဆင်းပျက်သရဲဝိညာဉ်များ ပြည့်နေသည်။ သွေးပင်လယ်တွင် ညည်းတွားနေသည်။ လက်ပေါင်းများစွာ ဆန့်ထွက်လာပြီး လုယန်ကိုဆွဲခေါ်ဖို့ ကြိုးစားသည်။</p> <p>လုယန်က နှလုံးမဲ့ဂိုဏ်းအကြီးအကဲကို ချင်ဖုန်းဓားဖြင့်ချိန်ရွယ်ပြီး ခပ်တင်းတင်းအော်ငေါက်လိုက်သည်။</p> <p>"ဒူးထောက်စမ်း"</p> <p>နှလုံးမဲ့ဂိုဏ်းအကြီးအကဲ လုံးဝမခုခံနိုင်ဘဲ ဒူးထောက်ကျသွားသည်။ သူ့နောက်ဘက်မှ သွေးပင်လယ်လည်း ပျောက်ကွယ်သွားသည်။</p> <p>"ဝှစ်"</p> <p>အလွန်တရာမြန်ဆန်သည့် ဓားအလင်းတစ်ခု ဖြတ်သန်းသွားပြန်သည်။ နှလုံးမဲ့ဂိုဏ်းအကြီးအကဲ၏လည်ပင်းတွင် သွေးမျဉ်းကြောင်းလေးတစ်ခု ပေါ်လာသည်။</p> <p>သွေးများစီးကျလာသည်။ ဦးခေါင်းပြတ်ကျ၍ မြေပေါ်တွင်လိမ့်လာပြီး လုယန်ခြေရင်းတွင် ရပ်သွားသည်။</p> <p>လုယန် ချင်ဖုန်းဓားကိုပြန်သိမ်းပြီး အရိုးရိုင်းနှင့် လန်ထင်ဆီလှမ်းကြည့်သည်။</p> <p>"ကဲ..ဘာတွေဖြစ်ခဲ့တာလဲဆိုတာ ရှင်းပြပါဦး"</p> <p>***</p> <p> </p> <p> </p> <p> </p> <p> </p>


Save