Book List

<h2 style="text-align: center;">အခန်း (၁၄၆)</h2> <h2 style="text-align: center;">အမှန်တော့ ဝါးစာလိပ်မိစ္ဆာနဲ့ စာအုပ်ဝိညာဉ်ပါပဲလား</h2> <h2 style="text-align: center;">*</h2> <p style="text-align: center;"> </p> <p> </p> <p> </p> <p> </p> <p style="text-align:justify">ယွီတောင်တန်း မိစ္ဆာဈေးတန်း…</p> <p style="text-align:justify">အန်းလဲ့လမ်းကြား၊ နွေဦးနှင့် ဆောင်းဦး ဂူသင်္ချိုင်း…</p> <p style="text-align:justify">မိစ္ဆာသခင်များက တစ်ဖက်တစ်ချက်စီတွင် ထိုင်နေကြပြီး ဖူရှောင်ကွမ်းကတော့ ထိပ်ဆုံးတွင် ထိုင်နေ၏။</p> <p style="text-align:justify">ဒဏ်ရာဒဏ်ချက်များဖြင့် ဖူးယောင်နေသော မီးလျှံနီကို ကြည့်ရင်း ဖူရှောင်ကွမ်း၏ နှုတ်ခမ်းများက တွန့်ကွေးသွားပြီး သူ့ကိုယ်စား နာကျင်မိသွားသည်။ ဒဏ်ရာတစ်ချက်လေးမျှ မရှိသည့်အပြင် တည်ငြိမ်အေးဆေးနေသော အဖြူရောင်ဝတ်ရုံ မိစ္ဆာသခင်ကို ပြန်ကြည့်လိုက်ပြီးနောက် သူ ဘာလုပ်ရမှန်းမသိ ဖြစ်သွား၏။</p> <p style="text-align:justify">တန်ကွေး၏ ရှင်းပြချက်ကို ကြားပြီးနောက် ဤအရာအားလုံးက နားလည်မှုလွဲမှားခြင်းသာ ဖြစ်ကြောင်း သိလိုက်ရသောအခါ သူ ပို၍ပင် ဆွံ့အသွားတော့သည်။</p> <p style="text-align:justify">ဖူရှောင်ကွမ်းက သူ၏ လက်ဖက်ရည်ပန်းကန်လုံးကို ကောက်ကိုင်လိုက်ပြီး မျက်နှာပန်းလှစေရန် အထူးသုံးသော တိမ်လွှာ ဝိညာဉ်လက်ဖက်ရည် တစ်ငုံကို သောက်လိုက်ရင်း သိလျက်နှင့် မေးလိုက်၏။</p> <p style="text-align:justify">“ဒါဆို အဖြူရောင်ဝတ်ရုံ မိစ္ဆာမိတ်ဆွေက မဟာပညာရှိမှတ်တမ်းကို ဆက်ရေးဖို့ ကျွန်တော့်ကို လာတိုက်တွန်းတာပေါ့”</p> <p style="text-align:justify">“ဟုတ်ပါတယ်… ကျွန်တော်က ဒီစာအုပ်ကို အတော်လေး နှစ်သက်တာပါ… တစ်နှစ်နီးပါးလောက် အပိုင်းသစ်တွေ ထွက်မလာတာ ဘာကြောင့်လဲ ဆိုတာကိုတော့ မသိပါဘူး… နောက်ဆက်တွဲ ဘာဖြစ်မလဲဆိုတာကို တကယ် သိချင်နေမိတယ်…”</p> <p style="text-align:justify">“ဆက်ပြီး သည်းမခံနိုင်တော့လို့ ယွီတောင်တန်းကို လာလည်ဖို့ ဆုံးဖြတ်ခဲ့တာပါ… မိစ္ဆာမိတ်ဆွေက ကျွန်တော့်ရဲ့ ရိုးသားမှုကို မြင်ပြီး မိတ်ဆွေရဲ့ လက်ရာမြောက်တဲ့ ကလောင်စွမ်းအားနဲ့ ကျွန်တော့်ရဲ့ ဆန္ဒကို ဖြည့်ဆည်းပေးနိုင်မယ်လို့ မျှော်လင့်ပါတယ်”</p> <p style="text-align:justify">အဖြူရောင်ဝတ်ရုံ မိစ္ဆာသခင်က လွန်စွာ နှိမ့်ချသော အမူအရာဖြင့် ရှိနေ၏။ စကားပြောပြီးနောက် သူက တမင်တကာ မတ်တတ်ရပ်၍ အရိုအသေ ပေးလိုက်သည်။</p> <p style="text-align:justify">“ဟန်ဆောင်ကောင်းလိုက်တာ… ဒီသခင် အထင်တော့… အား…”</p> <p style="text-align:justify">မီးလျှံနီက စကားအနည်းငယ်ဖြင့် သူ့ကို သရော်လိုက်ချင်ရုံသာ ဖြစ်သော်လည်း ထိုလှုပ်ရှားမှုက သူ၏ နှုတ်ခမ်းထောင့်ရှိ ဒဏ်ရာကို ပိုဆိုးသွားစေသဖြင့် နာကျင်စွာ ညည်းတွားလိုက်ရ၏။</p> <p style="text-align:justify">မီးလျှံနီကို တစ်ချက် လှမ်းကြည့်လိုက်ပြီး ဖူရှောင်ကွမ်းက ခပ်တည်တည်ဖြင့် ပြောလိုက်သည်။</p> <p style="text-align:justify">“မင်းလက်ဖက်ရည် မင်း သောက်စမ်းပါ”</p> <p style="text-align:justify">မီးလျှံနီက နာခံစွာ ပြန်ဖြေလိုက်၏။</p> <p style="text-align:justify">“အိုး…”</p> <p style="text-align:justify">သူက ခေါင်းမာချင်စိတ် မရှိတော့၍ မဟုတ်ဘဲ အရမ်း နာကျင်နေသောကြောင့်သာ ဖြစ်သည်။ သူက လက်ဖက်ရည် ပန်းကန်လုံးကို ကောက်ကိုင်၍ တစ်ငုံ သောက်လိုက်ရာ သူ၏ မျက်လုံးများက လင်းလက်သွားပြီး ပျော်ရွှင်စွာဖြင့် အရသာခံနေတော့သည်။</p> <p style="text-align:justify">မီးလျှံနီကို လျစ်လျူရှုလိုက်ပြီး ဖူရှောင်ကွမ်းက မတ်တတ်ရပ်ကာ ပြန်လည် အရိုအသေ ပေးလိုက်၏။ ပြန်ထိုင်ပြီးနောက် သူက ပြောလိုက်သည်။</p> <p style="text-align:justify">“ရိုးရိုးသားသား ပြောရရင်… ဒီသခင်က အချိန်အတိုင်းအတာ တစ်ခုအထိ တံခါးပိတ် ကျင့်ကြံဖို့ လိုအပ်နေတယ်… အဖြူရောင်ဝတ်ရုံ မိစ္ဆာမိတ်ဆွေမှာ တခြား အရေးတကြီး ကိစ္စတွေ မရှိဘူးဆိုရင် ယွီတောင်တန်းမှာ အချိန်တစ်ခုလောက် နေသွားလို့ ရပါတယ်… တံခါးပိတ် ကျင့်ကြံရာကနေ ထွက်လာတာနဲ့ မိတ်ဆွေ စိတ်တိုင်းကျတဲ့အထိ စာလိပ်တွေကို ဖွင့်ပြီး သေချာပေါက် ရေးပေးပါ့မယ်”</p> <p style="text-align:justify">“မိစ္ဆာမိတ်ဆွေမှာ တခြား လုပ်စရာကိစ္စတွေ ရှိနေတယ်ဆိုရင်တော့ ဆက်သွယ်ရမယ့် နည်းလမ်းတစ်ခု ချန်ထားခဲ့လို့ ရပါတယ်… အပိုင်းသစ်တွေ ရေးပြီးသွားရင် ကျွန်တော် သေချာပေါက် ဆက်သွယ်လိုက်ပါ့မယ်”</p> <p style="text-align:justify">အဖြူရောင်ဝတ်ရုံ မိစ္ဆာသခင်က ပြန်ပြောလိုက်သည်။</p> <p style="text-align:justify">“တခြားသူတွေရဲ့ အားသာချက်တွေကို လေ့လာပြီး အဲဒါတွေကို ကျော်လွှားနိုင်တာ… ဧကရီယွီလီရဲ့ အမြင်တွေက ထူးခြားပြီး သူမရဲ့ ကြိုးပမ်းမှုတွေကလည်း ရဲရင့်တယ်… ယွီတောင်တန်း မိစ္ဆာဈေးတန်းက ပတ်ဝန်းကျင် ပြည်နယ်တွေက မိစ္ဆာမျိုးနွယ်စုတွေ ကြားမှာ အတော်လေး နာမည်ကြီးတယ်…”</p> <p style="text-align:justify">“ဒီကိုမလာခင်ကတည်းက ယွီတောင်တန်းမှာ အချိန်တစ်ခုလောက် နေသွားဖို့ ရည်ရွယ်ထားပြီးသားပါ… မိစ္ဆာမိတ်ဆွေ ရှောင်ကွမ်း… အေးအေးဆေးဆေး တံခါးပိတ် ကျင့်ကြံပါ… ကျွန်တော်က ဒီအခွင့်အရေးကို အသုံးချပြီး ယွီတောင်တန်းရဲ့ ရှုခင်းတွေကို ခံစားရင်း မိစ္ဆာဈေးတန်းရဲ့ ဓလေ့စရိုက်တွေကို လေ့လာလိုက်ပါ့မယ်”</p> <p style="text-align:justify">“နောက်ပြီး ကျွန်တော်က မိစ္ဆာဘုရင်မကြီးကိုလည်း အရိုအသေ သွားပေးချင်သေးတယ်… ဘယ်လိုပဲဖြစ်ဖြစ် စောင့်နေရမှာပါပဲ”</p> <p style="text-align:justify">“ဒါဆိုလည်း အရမ်းကောင်းတာပေါ့”</p> <p style="text-align:justify">စကားအနည်းငယ် ထပ်ပြောပြီးနောက် ဖူရှောင်ကွမ်းက သူ၏ လက်ဖက်ရည်ခွက်ကို မြှောက်ကာ ဧည့်တွေ့ခြင်း ပြီးဆုံးပြီဖြစ်ကြောင်း အချက်ပြလိုက်ရာ အဖြူရောင်ဝတ်ရုံ မိစ္ဆာသခင်ကလည်း ပါးနပ်စွာဖြင့် နှုတ်ဆက် ထွက်ခွာသွား၏။</p> <p style="text-align:justify">မီးလျှံနီ ထွက်သွားချိန်တွင် သူ၏ မျက်လုံးများက ကလယ်ကလယ် ဖြစ်နေပြီး လက်ဖက်ရည်အိုး တစ်ဝက်ကိုပါ တိုက်ရိုက် သယ်ယူသွားတော့သည်။ ရှက်စရာကောင်းသည် မကောင်းသည် ဆိုသည်မှာတော့ သူနှင့် လုံးဝ မသက်ဆိုင်ပေ။</p> <p style="text-align:justify">ခွေးသခင်က ဘယ်သူ့ရဲ့ လက်ဖက်ရည်ကိုပဲ ကြိုက်ကြိုက်၊ အဲဒါက သူတို့ကို မျက်နှာသာ ပေးလိုက်တာပဲလေ။ ပြီးတော့ သူက မိစ္ဆာသခင် တစ်ပါး ဖြစ်၏။ ဘယ်မိစ္ဆာလေးကများ သူ့ကို လှောင်ရဲမှာလဲ။</p> <p style="text-align:justify">ပိုးကောင်သေက သူ့ကို စိုက်ကြည့်နေသည်ကို မြင်သောအခါ မီးလျှံနီက ပါးစပ်ဖြဲပြီး ပြုံးပြလိုက်ရာ သူ၏ ထက်မြက်ပြီး ဖြူဖွေးနေသော အစွယ်များက နေရောင်အောက်တွင် လင်းလက်သွားပြီး အတင်းအကျပ် ရှင်းပြလိုက်သည်။</p> <p style="text-align:justify">“ငါ… နည်းနည်း ရေဆာနေလို့…”</p> <p style="text-align:justify">ဖူရှောင်ကွမ်း “…”</p> <p style="text-align:justify">သိပ်ကို ရင်းနှီးနေတဲ့ ဆင်ခြေပါလား…</p> <p style="text-align:justify">ဖူရှောင်ကွမ်းက မိစ္ဆာများကို နှုတ်ဆက်ပြီးနောက် တံခါးပိတ်ကျင့်ကြံမည့် ဆိုင်းဘုတ်ကို ချိတ်ဆွဲကာ ဂူတံခါးကို ပိတ်လိုက်ပြီး မြေအောက်ဂူထဲသို့ ပြန်ဝင်လာခဲ့သည်။ အဖြူရောင်ဝတ်ရုံ မိစ္ဆာသခင်၏ မေးခွန်းကို ပြန်တွေးမိပြီး သူက ခေါင်းကို အနည်းငယ် ခါယမ်းလိုက်၏။</p> <p style="text-align:justify">လွန်ခဲ့သည့် တစ်နှစ်အတွင်း သူက ကျင့်ကြံခြင်းဖြင့်သာ အလုပ်များနေခဲ့ပြီး ပိုက်ဆံလည်း မလိုသဖြင့် မဟာပညာရှိမှတ်တမ်း၏ ဇာတ်လမ်းက ပီမာဝန် ရာထူး၏ အမှန်တရားကို သိရှိသွားပြီးနောက် ဒေါသတကြီးဖြင့် ရာထူးတံဆိပ်ကို ဆွဲဖြုတ်ကာ ကောင်းကင်ဘုံမှ ထွက်ခွာသွားသည့် မျောက်ဝံကြီး၏ အရေးကြီးသော အခိုက်အတန့်တွင် ရပ်တန့်နေခဲ့ခြင်း ဖြစ်သည်။</p> <p style="text-align:justify">‘နောက်ဆက်တွဲ ဘာတွေ ဆက်ဖြစ်မလဲ…’</p> <p style="text-align:justify">‘ကောင်းကင်တရားရုံးက ဘယ်လို တုံ့ပြန်မလဲ…’</p> <p style="text-align:justify">‘နှစ်ဖက်ကြားမှာ စစ်ပွဲကြီးတစ်ခု ဖြစ်ပွားလာမလား…’</p> <p style="text-align:justify">ဤချိတ်ဆက်မှုက စာဖတ်သူ အများအပြားကို အမှန်တကယ်ပင် ထင်ကြေးပေးမှု အမျိုးမျိုး ဖြစ်ပေါ်စေခဲ့ပြီး ညဘက်များတွင်ပင် ဟိုလူးဒီလွန့် ဖြစ်ကာ စိုးရိမ်ပူပန်မှုများဖြင့် ခေါင်းကုတ်နေစေခဲ့မည် ဖြစ်သည်။</p> <p style="text-align:justify">သူ မမျှော်လင့်ထားခဲ့သည်က မိစ္ဆာသခင်တစ်ပါးက ဤအရာအတွက် အဝေးကြီးမှ ခရီးနှင်လာလိမ့်မည် ဆိုသည်ကိုပင်။</p> <p style="text-align:justify">ဤအကြောင်းကို ပထမဆုံး သိလိုက်ရချိန်တွင် ဖူရှောင်ကွမ်းမှာ စာရေးရန်အတွက် အမှောင်ခန်းလေးတစ်ခုထဲတွင် ပိတ်လှောင်ခံရမည်ကို စိုးရိမ်နေခဲ့သော်လည်း ကံကောင်းထောက်မစွာဖြင့် အလဟဿ ခြောက်လှန့်ရုံ သက်သက်သာ ဖြစ်ခဲ့၏။</p> <p style="text-align:justify">ယခု ပြန်တွေးကြည့်မှ ထိုခံစားချက်က မဆိုးလှပေ။</p> <p style="text-align:justify">ခဏတာ တွေးတောပြီးနောက် ဖူရှောင်ကွမ်းက အသက်ကို ပြင်းပြင်းတစ်ချက် ရှူလိုက်ပြီး ကွေ့ယွမ်ဇီသာကို ထုတ်ယူကာ ကြိုးများကို ခတ်၍ ‘စိတ်ကို သန့်စင်စေခြင်း’ ဟု အမည်ရသော သံစဉ်တစ်ခုကို တီးခတ်လိုက်သည်။ သူ၏ အာရုံပျံ့လွင့်စေသော အတွေးများ ကင်းစင်သွားပြီး စိတ်ကို စုစည်းနိုင်သွားသည်နှင့် ကွေ့ယွမ်ဇီသာကို ပြုစုပျိုးထောင်ရန်အတွက် သူ၏ အောက်ပိုင်း သွေးကြောစုံမှတ် အတွင်းသို့ သိမ်းဆည်းလိုက်၏။</p> <p style="text-align:justify">ထို့နောက် သူ၏ ကိုယ်ပိုင် မိစ္ဆာလက်နက်ဖြစ်သော အာရုဏ်ဦးအလင်းစက်ကို ထုတ်ယူကာ မူလအသွင်သဏ္ဌာန်သို့ ပြောင်းလဲပြီး အတွင်းသို့ ပျံသန်းဝင်ရောက်သွားသည်။</p> <p style="text-align:justify">အဖြူရောင်ဝတ်ရုံ မိစ္ဆာသခင်၏ စကားများက အမှန်လား၊ အမှားလား သို့မဟုတ် သူ၏ အစစ်အမှန် ရည်ရွယ်ချက်က ဘာလဲဆိုသည်ကိုတော့ ကျောင်းအုပ်ကြီး ဂျီမိုနှင့် မိစ္ဆာသခင်မ ကျိုကွမ်းတို့ကသာ ပူပန်ရလိမ့်မည် ဖြစ်၏။</p> <p style="text-align:justify">စွမ်းဆောင်နိုင်သူတွေက ပိုလုပ်သင့်တယ်လေ။ သူကတော့ ဝင်ပါမည် မဟုတ်ပေ။</p> <p style="text-align:justify">…</p> <p style="text-align:justify">ဖူရှောင်ကွမ်း မျှော်လင့်ထားသည့် အတိုင်းပင် ဖြစ်၏။</p> <p style="text-align:justify">ကျောင်းအုပ်ကြီး ဂျီမိုနှင့် မိစ္ဆာသခင်မ ကျိုကွမ်းတို့က ဖိတ်ခေါ်မထားဘဲ ရောက်လာသော ဤအဖြူရောင်ဝတ်ရုံ မိစ္ဆာသခင်ကို စပ်စုချင်စိတ်များ ဖြစ်ပေါ်နေသကဲ့သို့ သတိလည်း ထားနေကြပြီး နည်းလမ်းမျိုးစုံဖြင့် သူ့ကို ဆက်ဆံနေကြသည်။</p> <p style="text-align:justify">သူတို့က စားသောက်ပွဲများ တည်ခင်းဧည့်ခံခြင်း၊ တာအိုနှင့် နည်းစနစ်များ အကြောင်း ဆွေးနွေးခြင်း၊ ယွီတောင်တန်း၏ လှပသော ရှုခင်းများကို ပြသရန် ခေါ်ဆောင်သွားခြင်း၊ မိစ္ဆာဈေးတန်း၏ ထူးခြားသော ဓလေ့စရိုက်များကို လမ်းညွှန်ပြသပေးခြင်း၊ သူ၏ မေးခွန်းများကို ဖြေကြားပေးခြင်း သို့မဟုတ် သူ့ထံမှ တောင်တန်းများ ပြင်ပရှိ ကမ္ဘာလောကအကြောင်း လေ့လာခြင်း အစရှိသည်တို့ကို ပြုလုပ်ကြ၏။</p> <p style="text-align:justify">သူက ခရီးသွားရသည်ကို နှစ်သက်ပြီး ကျယ်ပြန့်သော ဗဟုသုတများ ရှိသဖြင့် ကျောင်းအုပ်ကြီး ဂျီမိုနှင့် မိစ္ဆာသခင်မ ကျိုကွမ်းတို့ကို ပြင်ပကမ္ဘာအကြောင်း ပိုမို သိရှိနားလည်လာစေခဲ့သည်။</p> <p style="text-align:justify">လဝက်ခန့် ထိတွေ့ဆက်ဆံပြီးနောက် အဖြူရောင်ဝတ်ရုံ မိစ္ဆာသခင်က အမှန်တကယ်ပင် မြင့်မြတ်ပြီး တောက်ပသူဖြစ်ကြောင်း မြင်တွေ့ရသောအခါ မိစ္ဆာသခင် နှစ်ပါးက တဖြည်းဖြည်း သတိလျှော့လာကြ၏။</p> <p style="text-align:justify">အထူးသဖြင့် သူက မိစ္ဆာသခင် နှစ်ပါးအား လက်ဆောင်ပေးရန်အတွက် သူ၏ ခရီးသွားမှတ်တမ်းများကို ရက်အတော်ကြာ အချိန်ယူ၍ စုစည်းပေးခဲ့ပြီး ယွီတောင်တန်း မိစ္ဆာဈေးတန်းအတွက် သူ၏ ကိုယ်ပိုင် ခရီးသွားလမ်းကြောင်းများကို အခြေခံ၍ ရိုးရှင်းသော ပထဝီဝင်မြေပုံ တစ်ခုကို ဖန်တီးပေးခဲ့သည်။</p> <p style="text-align:justify">ထို့အပြင် သူက ဝါးစာလိပ်မှ အသွင်ပြောင်းလာသူဖြစ်ပြီး သူ၏ ကျင့်ကြံခြင်းအတွက် ပုံပြင်များကို စုဆောင်းလေ့ရှိကြောင်း မရည်ရွယ်ဘဲ ဖွင့်ဟလိုက်သောအခါ ကျောင်းအုပ်ကြီး ဂျီမိုနှင့် မိစ္ဆာသခင်မ ကျိုကွမ်းတို့၏ သူ့အပေါ် နှစ်သက်သဘောကျမှုက ကြီးမားစွာ တိုးတက်သွားတော့သည်။</p> <p style="text-align:justify">မီးလျှံနီကတော့ အဖြူရောင်ဝတ်ရုံ မိစ္ဆာသခင်ကို အရင်ကလိုပင် မုန်းတီးနေဆဲ ဖြစ်၏။</p> <p style="text-align:justify">အထူးသဖြင့် သူက မိစ္ဆာသခင် နှစ်ပါး၏ မျက်နှာသာပေးမှုကို ရရှိသွားပြီးနောက် မီးလျှံနီ၏ မျက်နှာအမူအရာက ပို၍ပင် ရှုံ့မဲ့သွားတော့သည်။ အဖြူရောင်ဝတ်ရုံ မိစ္ဆာသခင်နှင့် ဆုံတွေ့ရတိုင်း သူ့ကို နှုတ်ဖြင့် စကားများခြင်း သို့မဟုတ် ကိုယ်ထိလက်ရောက် ရန်ဖြစ်ခြင်းများဖြင့် ရန်စလေ့ရှိ၏။ အကြိမ်တိုင်းတွင် အရိုက်ခံရသော်လည်း သူက လုံးဝ ပြုပြင်ပြောင်းလဲခြင်း မရှိပေ။</p> <p style="text-align:justify">ဤအရာများ အားလုံးကို ဖူရှောင်ကွမ်းက တစ်စက်လေးမျှ မသိခဲ့ချေ။</p> <p style="text-align:justify">နွေဦးနှင့် ဆောင်းဦး ဂူသင်္ချိုင်း၏ မြေအောက်ဂူအတွင်း၌…</p> <p style="text-align:justify">လဝက်ကြာပြီးနောက် အာရုဏ်ဦးအလင်းစက်က နောက်ဆုံးတွင် လှုပ်ရှားလာပြီး စွမ်းအင်အတက်အကျလှိုင်းများကို ထုတ်လွှတ်လိုက်ရာ ငွေရောင်အလင်းတန်းများက ရေကဲ့သို့ စီးဆင်းလှိုင်းထသွား၏။</p> <p style="text-align:justify">ခုနစ်လက်မအရွယ် တစ်နေ့တာပိုးကောင်လေး တစ်ကောင်က အတွင်းမှ ပျံသန်းထွက်လာပြီး ငွေရောင်အလင်းများကို ထုတ်လွှတ်နေသည်။ သူ၏ မိစ္ဆာခန္ဓာကိုယ်တွင် ယခုအခါ ပိုမို သေးသွယ်သော ပုံစံများ ထပ်မံ ပါရှိနေပြီး နက်နဲဆန်းကြယ်လှ၏။</p> <p style="text-align:justify">ဤအရာများက အချိန်ပုံစံများ ဖြစ်ပြီး ဖူရှောင်ကွမ်း၏ မိစ္ဆာခန္ဓာကိုယ်က အချိန်၏ သွင်ပြင်လက္ခဏာ တစ်စိတ်တစ်ပိုင်းကို ပိုင်ဆိုင်လာပြီဖြစ်ကြောင်း ပြသနေသော လက္ခဏာတစ်ခု ဖြစ်သည်။</p> <p style="text-align:justify">အလင်းတန်းများ လက်ခနဲ ဖြစ်သွားပြီး ဖူရှောင်ကွမ်းက လူသားအသွင်သို့ ပြောင်းလဲသွားရာ သူ၏ အရပ်က တစ်ပေခန့် ပိုရှည်လာပြီး ခုနစ်ပေအထိ ရောက်ရှိလာ၏။</p> <p style="text-align:justify">သူက အာရုဏ်ဦးအလင်းစက်ထဲမှ ခွာချထားသော အခွံဟောင်းကို ထုတ်ယူလိုက်ပြီး အာရုဏ်ဦးအလင်းစက်ကို သိမ်းဆည်းကာ ကွေ့ယွမ်ဇီသာကို ထုတ်ယူလိုက်သည်။ သူ၏ ချီစွမ်းအင်များကို လည်ပတ်၍ ဇီသာကို လွှမ်းခြုံလိုက်ပြီး အခွံဟောင်းကို သန့်စင်ကာ တူရိယာအတွင်းသို့ ပေါင်းစပ်လိုက်၏။</p> <p style="text-align:justify">အချိန်များက မြန်ဆန်စွာ ကုန်ဆုံးသွားပြီး မျက်တောင်တစ်ခတ်အတွင်းမှာပင် လဝက် ကြာသွားခဲ့ပြီ ဖြစ်သည်။</p> <p style="text-align:justify">မြေအောက်ဂူထဲတွင် ဖူရှောင်ကွမ်း နိုးလာ၏။</p> <p style="text-align:justify">ကွေ့ယွမ်ဇီသာ၏ ကိုယ်ထည်ပေါ်တွင် သေးသွယ်သော ပုံစံတစ်ခု ထပ်မံ ပါဝင်လာပြီး ဇီသာ၏ စွမ်းအားများက ပိုမိုမြင့်မားသော အဆင့်တစ်ခုသို့ ရောက်ရှိသွားသည်ကို မြင်သောအခါ သူက ပျော်ရွှင်စွာ ပြုံးလိုက်သည်။</p> <p style="text-align:justify">ဤရတနာတွင် ကြိုးခုနစ်ချောင်း ပါရှိပြီး မှော်ရတနာတစ်ခုအဖြစ် ပြောင်းလဲရန် သူ၏ အခွံဟောင်းကို ခုနစ်ကြိမ်တိုင်တိုင် စုပ်ယူရန် လိုအပ်၏။ လက်ရှိတွင် သုံးကြိမ် စုပ်ယူပြီးပြီ ဖြစ်ရာ မှော်ရတနာတစ်ခု ဖြစ်လာရန် လေးကြိမ်သာ လိုအပ်တော့သည်။</p> <p style="text-align:justify">သူ၏ ကိုယ်ပိုင် မိစ္ဆာလက်နက်ဖြစ်သော အာရုဏ်ဦးအလင်းစက်နှင့် ပတ်သက်၍မူ ထိုလက်နက်က သူ နားလည်သဘောပေါက်ထားသော အမှန်တရားများနှင့် အဓိက သက်ဆိုင်၏။ အမှန်တရားများကို သူ ပိုမို နားလည်လေလေ၊ ကိုယ်ပိုင် မိစ္ဆာလက်နက်၏ အလားအလာနှင့် စွမ်းအားများက ပိုမို ကြီးမားလေလေ ဖြစ်သည်။</p> <p style="text-align:justify">ကွေ့ယွမ်ဇီသာကို သိမ်းဆည်းလိုက်ပြီးနောက် ဖူရှောင်ကွမ်းက ဂူထဲမှ ထွက်ကာ မီးဖိုချောင်သို့ သွား၍ ဝိညာဉ်အစားအစာ တစ်နပ်ကို ပြင်ဆင်လိုက်သည်။ ဗိုက်ဝသွားပြီးနောက် သူက လွှဲကုလားထိုင်ပေါ်တွင် လှဲလျောင်းကာ မနက်မှ ညနေအထိ အနားယူလိုက်၏။</p> <p style="text-align:justify">သူ၏ စိတ်စွမ်းအားများ အနည်းငယ် ပြန်လည် ကောင်းမွန်လာသောအခါ စားပွဲတွင် ထိုင်၍ စုတ်တံနှင့် ဝါးစာလိပ်ကို ကောက်ကိုင်ကာ မဟာပညာရှိမှတ်တမ်း ၏ အပိုင်းသစ်ကို စတင် ရေးသားတော့သည်။</p> <p style="text-align:justify">ဤအခန်း၏ ခေါင်းစဉ်မှာ - ‘ကောင်းကင်ဘုံနှင့် တန်းတူ မဟာပညာရှိ’</p> <p style="text-align:justify">မျောက်ဝံကြီး၏ အကြောက်အလန့်မရှိသော၊ ပုန်ကန်တတ်သော စိတ်ဓာတ်က သူ့ကို ဆွဲဆောင်မှု ရှိစေသော အဓိက အချက်ပင် ဖြစ်၏။ ဤအခန်းကို ရေးရသည်မှာ ဖူရှောင်ကွမ်း၏ သွေးများကို စိတ်လှုပ်ရှားမှုကြောင့် ဆူပွက်လာစေပြီး အလွန်အမင်း တက်ကြွလာစေသည်။</p> <p style="text-align:justify">ရေးပြီးသွားသောအခါ သူက ဝါးစာလိပ်ပေါ်မှ သစ်သားမှုန်များကို မှုတ်ထုတ်လိုက်ပြီး ဝါးစာလိပ်ပေါ်တွင် ရေးသားထားသော စာလုံးများကို ကျေနပ်စွာဖြင့် ခေါင်းညိတ်လိုက်၏။</p> <p style="text-align:justify">ယခုတော့ သူ၏ စာဖတ်သူများကို ဖြေရှင်းချက်တစ်ခု ပေးနိုင်ပြီ ဖြစ်သည်။</p> <p style="text-align:justify">ဧကရီယွီလီကလည်း ဤစာအုပ်ကို သဘောကျကြောင်း သူ မှတ်မိ၏။ သူမ တံခါးပိတ်ကျင့်ကြံရာမှ ထွက်လာပြီးနောက် သူ့ကို အပိုင်းသစ်တွေ လာတောင်းမည့်အကြောင်း စိုးရိမ်စရာ မလိုတော့ပေ။</p> <p style="text-align:justify">ဝါးစာလိပ်များကို သိမ်းဆည်းလိုက်ပြီးနောက် ဖူရှောင်ကွမ်းက ဆက်လက် အိပ်စက်လိုက်သည်။ ကွေ့ယွမ်ဇီသာကို လဝက်ကြာအောင် အားဖြည့်ပေးခဲ့ရသဖြင့် သူ၏ ခွန်အားများစွာ ကုန်ဆုံးသွားခဲ့ရာ ပိုမို အနားယူရန် လိုအပ်နေ၏။</p> <p style="text-align:justify">ဤအိပ်စက်ခြင်းက တစ်နေ့နှင့် တစ်ည အပြည့် ကြာမြင့်ခဲ့သည်။</p> <p style="text-align:justify">နောက်တစ်နေ့ ညနေခင်း…</p> <p style="text-align:justify">တောက်ပနေသော တိမ်တိုက်များက ဆည်းဆာနေရောင်ကို ဝင်ရောက် ဖုံးလွှမ်းလာပြီး သိပ်သည်းလှသော သစ်ရွက်များက ပုစဉ်းရင်ကွဲများ၏ အော်သံများကို ဝါးမျိုသွားကြ၏။</p> <p style="text-align:justify">ဖူရှောင်ကွမ်းက လန်းဆန်းတက်ကြွစွာဖြင့် နိုးလာသည်။ ဝိညာဉ်အစားအစာများကို စားသုံးပြီးသွားသည်နှင့် သူ၏ ခါးဆွဲတံဆိပ်ပြားက တုန်ခါလာ၏။ ကျောင်းအုပ်ကြီး ဂျီမိုထံမှ မက်ဆေ့ချ်တစ်ခု ရရှိခဲ့ခြင်း ဖြစ်သည်။</p> <p style="text-align:justify">…</p> <p style="text-align:justify">*</p> <p style="text-align:justify"> </p>


Save