Book List

<h2 style="text-align: center;">အခန်း (၁၄၈)</h2> <h2 style="text-align: center;">ထူးဆန်းနေသော ဧကရီယွီလီ</h2> <h2 style="text-align: center;">*</h2> <p> </p> <p> </p> <p style="text-align:justify">နောက်တစ်နေ့ ညနေခင်း…</p> <p style="text-align:justify">အန်းလဲ့လမ်းကြား၊ နွေဦးနှင့် ဆောင်းဦး ဂူသင်္ချိုင်း...</p> <p style="text-align:justify">တံခါးခေါက်သံတစ်ခု ထွက်ပေါ်လာ၏။</p> <p style="text-align:justify">ဖူရှောင်ကွမ်းက တံခါးကို ဖွင့်လိုက်သောအခါ အဖြူရောင်ဝတ်ရုံ မိစ္ဆာသခင်နှင့် မျက်လုံးချင်း ဆုံသွားသည်။</p> <p style="text-align:justify">သူ့ကို အတွင်းသို့ ဖိတ်ခေါ်ပြီးနောက် ဖူရှောင်ကွမ်းက ဘာမှပင် မမေးရသေးမီ ဧည့်သည်ဖြစ်သူက လိုရင်းကိုသာ တိုက်ရိုက် ပြောလိုက်၏။</p> <p style="text-align:justify">“ပွင့်ပွင့်လင်းလင်း ပြောရရင် မနေ့ညက မိစ္ဆာမိတ်ဆွေရဲ့ မဟာပညာရှိမှတ်တမ်း အပိုင်းသစ်ကို ဖတ်ပြီးကတည်းက ကျွန်တော် နောက်ဆက်တွဲ သိချင်စိတ်တွေကို သည်းမခံနိုင်တော့ဘဲ အိပ်လို့တောင် မပျော်ဘူးဗျာ… အဲဒါကြောင့် မိစ္ဆာမိတ်ဆွေကို နောက်ထပ် အပိုင်းသစ်တစ်ခု ရေးပေးဖို့ တောင်းဆိုချင်လို့ ဖိတ်မထားဘဲ လာခဲ့တာပါ”</p> <p style="text-align:justify">စကားပြောနေစဉ်တွင် သူက ကျောက်စိမ်းသေတ္တာ တစ်လုံးကို ထုတ်ယူကာ စားပွဲပေါ်သို့ တင်လိုက်သည်။</p> <p style="text-align:justify">“ဒါက မိတ်ဆွေကို ဖိအားပေးရာ ရောက်မှန်း သိပါတယ်… ဒါပေမဲ့ ဒါက ပြောပလောက်တဲ့ လက်ဆောင် မဟုတ်ပါဘူး”</p> <p style="text-align:justify">ခဏတာ ရပ်တန့်ပြီးနောက် အဖြူရောင်ဝတ်ရုံ မိစ္ဆာသခင်က ဆက်ပြောလိုက်၏။</p> <p style="text-align:justify">“ပုံပြင်တွေ ဖန်တီးဖို့ဆိုတာ ဉာဏ်ကွန့်မြူးဖို့နဲ့ အချိန် လိုအပ်တယ်ဆိုတာကို ကျွန်တော် နားလည်ပါတယ်… ကျွန်တော် မိစ္ဆာဈေးတန်းမှာ နောက်ထပ် သီတင်းနှစ်ပတ်လောက် ဆက်နေပါဦးမယ်… ကျွန်တော် မထွက်ခွာခင် အပိုင်းသစ်လေး ဖတ်သွားရမယ်ဆိုရင် ပိုင်ယီက တစ်သက်လုံး ကျေးဇူးတင်နေမှာပါ”</p> <p style="text-align:justify">ဤမျှ ပွင့်လင်းစွာ တောင်းဆိုလာသောအခါ ဖူရှောင်ကွမ်းအနေဖြင့် ငြင်းဆန်ရန် ခက်ခဲသွားတော့သည်။</p> <p style="text-align:justify">“မိတ်ဆွေရဲ့ ရိုးသားမှုကို မြင်တွေ့ရတဲ့အတွက် ရှောင်ကွမ်း အကောင်းဆုံး ကြိုးစားပေးပါ့မယ်”</p> <p style="text-align:justify">အဖြူရောင်ဝတ်ရုံ မိစ္ဆာသခင်မှာ ဝမ်းသာသွား၏။</p> <p style="text-align:justify">မိစ္ဆာနှစ်ကောင်က မဟာပညာရှိမှတ်တမ်း အကြောင်းကို အတန်ကြာ ဆက်လက် စကားပြောပြီးနောက် ဧည့်သည်ဖြစ်သူက နှုတ်ဆက် ထွက်ခွာသွားသည်။</p> <p style="text-align:justify">သူ အပြင်သို့ ခြေချလိုက်သည်နှင့် ဧကရီယွီလီက သူ့အနောက်မှ ချက်ချင်း ရောက်လာ၏။</p> <p style="text-align:justify">သူမက အတွင်းသို့ ဝင်လာပြီး ဝါးသေတ္တာတစ်လုံးကို စားပွဲပေါ်သို့ ပစ်ချလိုက်သည်။ သူမကလည်း နောက်အပိုင်းသစ်အတွက် လာရောက် တိုက်တွန်းခြင်းပင် ဖြစ်၏။</p> <p style="text-align:justify">ကိုယ့်ရဲ့ ကျောထောက်နောက်ခံက တောင်းဆိုလာသောအခါ ဖူရှောင်ကွမ်းက သဘာဝကျကျပင် လိုက်လျောရမည် ဖြစ်သည်။ အထူးသဖြင့် အခကြေးငွေလည်း ပါလာသလို အဖြူရောင်ဝတ်ရုံ မိစ္ဆာသခင်ကိုလည်း ကတိပေးထားပြီးပြီ မဟုတ်ပါလား။</p> <p style="text-align:justify">ဘယ်လိုပဲဖြစ်ဖြစ် တစ်ခါတည်း ရေးရမည်ဖြစ်ရာ သူက ပျော်ရွှင်စွာဖြင့် သဘောတူလိုက်၏။</p> <p style="text-align:justify">ထို့ပြင် သူက ဤအခွင့်အရေးကို အသုံးချ၍ ဧကရီယွီလီထံမှ ကျင့်ကြံခြင်းအကြောင်းများ မေးမြန်းကာ သူ၏ သံသယများစွာကို ရှင်းလင်းလိုက်ပြီး ရှေ့ဆက်ရမည့် လမ်းကြောင်းကိုပါ လေ့လာလိုက်သည်။ ဥပမာအားဖြင့် စတုတ္ထမြောက် ကောင်းကင်ဘုံမှ ပဉ္စမမြောက် ကောင်းကင်ဘုံသို့ အဆင့်တက်ရန် အဓိကအချက်များနှင့် သတိထားရမည့် အချက်များ ဖြစ်၏။</p> <p style="text-align:justify">သူမကို နှုတ်ဆက်ပြီးနောက် ဖူရှောင်ကွမ်းက လက်ဆောင်များကို ဖွင့်ကြည့်ရန် အလျင်မလိုသေးဘဲ အချုပ်ထောင်သို့ သွားရောက်ကာ စုပုံနေသော ကိစ္စရပ်များကို ဖြေရှင်းလိုက်သည်။</p> <p style="text-align:justify">ထို့နောက် မိတ်ဆွေများကို တွေ့ဆုံပြီး ဧကရီယွီလီ၏ ယွီတောင်တန်း နယ်မြေခွဲဝေမှုအကြောင်း ပြောပြလိုက်ရာ သူတို့အနေဖြင့် သူ၏ နောက်သို့ လိုက်မည်လား၊ အခြား မိစ္ဆာသခင် တစ်ပါးနောက်သို့ လိုက်မည်လား သို့မဟုတ် မိစ္ဆာဈေးတန်းတွင် ဆက်နေမည်လား ဆိုသည်ကို ဆုံးဖြတ်နိုင်စေရန် ဖြစ်၏။</p> <p style="text-align:justify">ထို့နောက်မှသာ သူက သူ၏ နတ်ဘုရားဂူသို့ ပြန်လာခဲ့သည်။</p> <p style="text-align:justify">......</p> <p style="text-align:justify">သူ အိမ်ပြန်ရောက်သောအခါ သန်းခေါင်ယံ အချိန်သို့ပင် ရောက်လုနီးပါး ရှိနေပြီ ဖြစ်၏။</p> <p style="text-align:justify">လရောင်ကို စုဆောင်းပြီးနောက် ဖူရှောင်ကွမ်းက သေတ္တာနှစ်လုံးကို ဖွင့်လိုက်သည်။</p> <p style="text-align:justify">ပထမဆုံးအနေဖြင့် အဖြူရောင်ဝတ်ရုံ မိစ္ဆာသခင်ထံမှ ရရှိသော ကျောက်စိမ်းသေတ္တာကို ဖွင့်လိုက်၏။ အဖုံးပွင့်သွားသည်နှင့် ဝိညာဉ်ချီစွမ်းအင်များ လျှံထွက်လာသည်။ သူက အသက်ကို ပြင်းပြင်းတစ်ချက် ရှူလိုက်ရာ မွေးညင်းပေါက်များ ပွင့်ဟသွားပြီး ခန္ဓာကိုယ်က ပေါ့ပါးလာကာ ကိုယ်တွင်း ဓမ္မစွမ်းအားများ လည်ပတ်မှုကလည်း မြန်ဆန်လာ၏။</p> <p style="text-align:justify">ချီစွမ်းအင်များက သူ၏ မျက်စိရှေ့တွင် အေးမြသော မြူခိုးများအဖြစ် စုစည်းသွားသည်။</p> <p style="text-align:justify">သူက မြူခိုးများကို ရှူသွင်းလိုက်သောအခါ အတွင်းရှိ ဝိညာဉ်ပစ္စည်းက ရှင်းလင်းစွာ ပေါ်လာ၏။ ထိုအရာမှာ ပန်းသီးတစ်လုံး အရွယ်အစားခန့်ရှိပြီး ဖန်သားကဲ့သို့ ကြည်လင်နေသော အပြာရောင် သစ်သီးတစ်လုံး ဖြစ်သည်။ ရှင်းလင်းချက် မှတ်စုလေးတစ်ခုလည်း အတွင်းတွင် ပါရှိ၏။</p> <p style="text-align:justify">ဖူရှောင်ကွမ်းက သူ၏ ငွေရောင် မျက်ဝန်းများဖြင့် အကြမ်းဖျင်း ဖတ်ရှုလိုက်ရာ သူ၏ မျက်လုံးများက ရုတ်တရက် လင်းလက်သွားတော့သည်။</p> <p style="text-align:justify">ထိုသစ်သီးက အမှန်တကယ်ပင် မဟာယုံမင်းဆက် အတွင်းရှိ ကျန်းနန်၏ မြူနှင်းများ ဖုံးလွှမ်းနေသော ရွှံ့ညွန်အိုင်များတွင် တွေ့ရှိရသည့် လင်းကျယ်သစ်သီးဟု အမည်ရသော အဆင့်မြင့် မြေအဆင့် ဝိညာဉ်သစ်သီး တစ်လုံး ဖြစ်နေ၏။</p> <p style="text-align:justify">ဤသစ်သီးက ဓမ္မနယ်ပယ် ကျင့်ကြံသူတစ်ဦး၏ ဓမ္မစွမ်းအားများကို တိုးပွားစေနိုင်ပြီး ရေဓာတ် နည်းစနစ်များကို နတ်ဘုရားစွမ်းရည်များအဖြစ် ပြောင်းလဲနိုင်သည့် အခွင့်အရေးကိုလည်း မြှင့်တင်ပေးနိုင်သည်။ ဤသစ်သီး ပေါ်ထွက်လာတိုင်း စွမ်းအားကြီးမားသော ရေမိစ္ဆာများက အမြဲတမ်း လုယက် တိုက်ခိုက်လေ့ ရှိကြ၏။</p> <p style="text-align:justify">လက်ဆောင်က သူ၏ ရင်ဘတ်တည့်တည့်ကို ထိမှန်သွားသည်။ ဤသစ်သီးဖြင့်ဆိုလျှင် ပဉ္စမမြောက် ကောင်းကင်ဘုံသို့ ဖောက်ထွက်ရန် သူ၏ ကြိုးပမ်းမှုက နှစ်ဆခန့် ပိုမို လွယ်ကူသွားမည် ဖြစ်၏။</p> <p style="text-align:justify">သစ်သီးကို လေ့လာပြီးနောက် သူက ကျောက်စိမ်းသေတ္တာကို တားမြစ်ကန့်သတ်ချက် တစ်ခုဖြင့် ချိတ်ပိတ်ကာ သေချာစွာ သိမ်းဆည်းလိုက်ပြီး ဝါးသေတ္တာဆီသို့ လှည့်လိုက်သည်။ ထို့နောက် ဝါးသေတ္တာ၏ တားမြစ်ကန့်သတ်ချက်ကို ဖြေဖျောက်လိုက်ရာ အတွင်းတွင် ဝါးစာလိပ် တစ်ခုကို တွေ့လိုက်ရ၏။</p> <p style="text-align:justify">သူက စာလိပ်ကို ဖြေချပြီး တစ်ကြောင်းချင်း ဖတ်ရှုလိုက်သောအခါ စာလုံးများက သူ၏ မျက်လုံးထဲသို့ ဝင်ရောက်လာသည်။ သူ၏ မျက်လုံးများမှာ တုန်ခါသွားပြီး အလွန်အမင်း ဝမ်းသာသွား၏။</p> <p style="text-align:justify">ထိုစာလိပ်တွင် အင်းဆက် မဟာမိစ္ဆာကြီးများ၏ အမွေအနှစ်ဖြစ်သော မြေဓာတ် နည်းစနစ် နှစ်ခုကို မှတ်တမ်းတင်ထားခြင်း ဖြစ်သည်။ အနည်းငယ် ပြုပြင်ပြောင်းလဲလိုက်ရုံဖြင့် သူ ချက်ချင်း ကျင့်ကြံနိုင်မည် ဖြစ်၏။</p> <p style="text-align:justify">လက်အောက်ငယ်သားများအပေါ် အမှန်တကယ် ဂရုစိုက်မှုနှင့် ပတ်သက်လာလျှင် ဧကရီယွီလီကို မည်သူကမျှ ယှဉ်နိုင်မည် မဟုတ်ချေ။</p> <p style="text-align:justify">သူ့တွင် မြေဓာတ် ပါဝင်နေကြောင်း သူမ မည်သို့ သိရှိသွားသည်ကိုတော့ သူ ချက်ချင်း သဘောပေါက်သွား၏။ နည်းစနစ်နယ်ပယ်တွင် သူက အချိန်တာအို လမ်းစဉ်နှင့် ရေဓာတ် နည်းစနစ်များကိုသာ အဓိကထားခဲ့သော်လည်း မဟာမိစ္ဆာ ဖြစ်လာပြီးနောက် လေလွင့်သဲ ပညာရပ်ကို လေ့လာရန် သူ အချိန်ယူခဲ့သည်။</p> <p style="text-align:justify">ပထမအချက်က သူ၏ မြေဓာတ် ပါရမီကို အလဟဿ မဖြစ်စေရန် ဖြစ်၏။</p> <p style="text-align:justify">ဒုတိယအချက်က မတူညီသော ပညာရပ်များကို လေ့လာခြင်းက သူ၏ ရေဓာတ် ဂါထာများနှင့် အချိန် နတ်ဘုရားစွမ်းရည်များအတွက် ဉာဏ်ကွန့်မြူးမှုများ ရရှိလာစေရန် မျှော်လင့်၍ ဖြစ်သည်။</p> <p style="text-align:justify">ဖူရှောင်ကွမ်းက မည်သည့်အရာကိုမျှ ဖုံးကွယ်မထားခဲ့ပေ။ သူက လေလွင့်သဲ ပညာရပ်ကို ဓမ္မပို့ချရာ ရေကန်မှ လဲလှယ်ခဲ့ခြင်း ဖြစ်၏။</p> <p style="text-align:justify">ဧကရီယွီလီအတွက်တော့ ဤအချက်ကို သိရှိရန် လွယ်ကူလွန်းလှသည်။</p> <p style="text-align:justify">သူက စာလိပ်ကို ဖတ်ရှုပြီးနောက် သိမ်းဆည်းလိုက်ကာ မြေအောက်ဂူထဲသို့ ပျံသန်းသွားပြီး ပုံမှန်အတိုင်း မရဏဝိညာဉ်အမှုန်များကို သောက်သုံးလိုက်သည်။ ထို့နောက် သူက မူလအသွင်သဏ္ဌာန်သို့ ပြောင်းလဲ၍ အာရုဏ်ဦးအလင်းစက်ထဲသို့ ဝင်ရောက်သွားပြီး လျှို့ဝှက်သိုင်းကျင့်စဉ်များကို လည်ပတ်ကာ ဝိညာဉ်အာရုံကို ပုံသွင်းလျက် အိပ်စက်ခြင်းထဲသို့ ဝင်ရောက်သွားတော့၏။</p> <p style="text-align:justify">အိပ်မက်ကဲ့သို့သော အငွေ့အသက်တစ်ခုက အာရုဏ်ဦးအလင်းစက်၏ အတွင်းမှနေ၍ အပြင်ဘက်သို့ ပြန့်နှံ့သွားသည်။</p> <p style="text-align:justify">...</p> <p style="text-align:justify">နံနက်ခင်းတွင် ငှက်ကလေးများ တေးသီနေကြ၏။</p> <p style="text-align:justify">ဖူရှောင်ကွမ်းမှာ နိုးလာပြီးနောက် ထပ်မံ၍ အိပ်ပျော်သွားပြန်သည်။</p> <p style="text-align:justify">ညနေစောင်းမှသာ သူ ထလာခဲ့၏။</p> <p style="text-align:justify">ဝိညာဉ်အစားအစာများကို စားသုံးပြီးနောက် သူက ထင်းရှူးပင်အိုကြီးအောက်ရှိ လွှဲကုလားထိုင်ပေါ်တွင် လှဲလျောင်းကာ နေဝင်ချိန် ရှုခင်းကို ခံစားလျက် အပူအအေး မျှတအောင် နေလိုက်သည်။ လွှဲကုလားထိုင်က ယိမ်းနွဲ့နေရင်း ရုတ်တရက် ရပ်တန့်သွား၏။ သူက ချက်ချင်း မတ်မတ်ထိုင်လိုက်ပြီး ဟာကွက်တစ်ခုကို တွေ့သွားသည်။</p> <p style="text-align:justify">အဖြူရောင်ဝတ်ရုံ မိစ္ဆာသခင်က ဝါးစာလိပ်မှ မိစ္ဆာအဖြစ်သို့ ပြောင်းလဲလာသူ ဖြစ်စေကာမူ၊ သူက ပုံပြင်များကို နှစ်သက်သူ ဖြစ်စေကာမူ၊ မဟာပညာရှိမှတ်တမ်း ကို ရူးသွပ်နေသူ ဖြစ်စေကာမူ အပိုင်းတစ်ပိုင်းတည်းအတွက် အဆင့်မြင့် မြေအဆင့် ဝိညာဉ်သစ်သီး တစ်လုံးကို ပေးအပ်ခြင်းက လွန်လွန်းနေသည် မဟုတ်လော။</p> <p style="text-align:justify">မည်သို့ပင်ဆိုစေ ထိုမိစ္ဆာသခင်က စတုတ္ထမြောက် ကောင်းကင်ဘုံ မိစ္ဆာတစ်ကောင်သာ ဖြစ်၏။ သူက အမှန်တကယ်ပဲ ထိုမျှလောက် ရက်ရောတာလား။ ဒါမှမဟုတ် တခြား ရည်ရွယ်ချက် တစ်ခုခုများ ရှိနေတာလား။</p> <p style="text-align:justify">ထိုအကြောင်းကို တွေးမိသည်နှင့် ဖူရှောင်ကွမ်းက ကျောက်စိမ်းသေတ္တာကို ယူ၍ နတ်ဘုရားဂူ ထဲမှ ပျံသန်းထွက်ခွာလာပြီး ဝါးတောဆီသို့ တန်းတန်းမတ်မတ် ဦးတည်သွားတော့သည်။</p> <p style="text-align:justify">နောင်တရတာထက် ကြိုတင်ကာကွယ်တာက ပိုကောင်းသည် မဟုတ်ပါလား။ ပေါ့ဆမှုကြောင့် သူ့ကိုယ်သူနှင့် ယွီတောင်တန်းကို ဒုက္ခရောက်စေမည်ထက် သံသယလွန်ကဲနေခြင်းက ပို၍ ကောင်းမွန်ပေသည်။</p> <p style="text-align:justify">အထူးသဖြင့် ဧကရီက မိစ္ဆာဘုရင် ဖြစ်လာပြီးနောက် ယွီတောင်တန်း၏ အဆင့်အတန်းက မြင့်တက်လာကာ မျက်လုံးပေါင်းများစွာ၏ အာရုံစိုက်မှုကို ခံနေရချိန်တွင် မည်သည့် အန္တရာယ်ကိုမဆို အမြစ်ကတည်းက ဖြတ်တောက်ရမည် ဖြစ်၏။ သူက ပဉ္စမမြောက် ကောင်းကင်ဘုံသို့ တည်တည်ငြိမ်ငြိမ်ဖြင့် အဆင့်တက်လိုရုံသာဖြစ်ပြီး မလိုအပ်သော ပြဿနာများကို မလိုချင်ပေ။</p> <p style="text-align:justify">ဖူရှောင်ကွမ်းက ဝါးတဲအပြင်ဘက်တွင် ရပ်ကာ အရိုအသေပေး၍ တွေ့ခွင့်တောင်းလိုက်သည်။</p> <p style="text-align:justify">အထဲမှ ပျင်းရိပြီး မူးယစ်နေသော အသံတစ်ခုက ထွက်ပေါ်လာ၏။</p> <p style="text-align:justify">“ဝင်ခဲ့”</p> <p style="text-align:justify">တံခါးက သူ့အလိုလို ပွင့်သွားကာ ဝိုင်အိုးတစ်အိုးက တံခါးဝသို့ လိမ့်လာ၏။</p> <p style="text-align:justify">ဖူရှောင်ကွမ်းက မျက်မှောင်ကြုတ်လျက် အတွင်းသို့ ဝင်သွားသည်။ ကြမ်းပြင်ပေါ်တွင် ဝိုင်အိုးများ ပြန့်ကျဲနေပြီး လေထုထဲတွင်လည်း အရက်နံ့များ လှိုင်နေ၏။</p> <p style="text-align:justify">သူမ ဘယ်လောက်တောင် သောက်ထားတာလဲ…</p> <p style="text-align:justify">ဧကရီယွီလီက သူ့ကို တစ်ချက် လှမ်းကြည့်ပြီးနောက် တစ်ဖက်သို့ လှည့်ကာ ဆက်အိပ်နေသည်ကို မြင်လိုက်ရသည်။ ပေါ့ပေါ့ပါးပါး ပက်လက်လန်နေပြီး ယောက်ျားလေးများထက်ပင် ပို၍ လွတ်လပ်နေကာ နွေဦး၏ အလှတရား တစ်စိတ်တစ်ပိုင်းကိုပင် ဖော်ပြနေသဖြင့် ဖူရှောင်ကွမ်းက အမြန် ခေါင်းငုံ့လိုက်ရ၏။</p> <p style="text-align:justify">စွမ်းအားကြီးမားသော ပုဂ္ဂိုလ်တစ်ဦး အိပ်စက်နေသည်ဖြစ်ရာ သူ မနှောင့်ယှက်ရဲပေ။</p> <p style="text-align:justify">သူက အခန်းကို ရှင်းလင်းရန်သာ ဆုံးဖြတ်လိုက်သည်။ မိတ်ကပ်လိမ်းရန် မှန်တင်ခုံလေး တစ်ခုပင် မရှိသော ရိုးရှင်းသည့် အပြင်အဆင်များကို ကြည့်ရင်း အရင်က အတွေ့အကြုံများ ရှိထားသော်လည်း ဖူရှောင်ကွမ်းမှာ မကျေမချမ်း ညည်းတွားမိသွား၏။</p> <p style="text-align:justify">“မိန်းကလေး တစ်ယောက်က ဘယ်လိုလုပ် ဒီလောက် ကြမ်းကြမ်းတမ်းတမ်း နေနိုင်ရတာလဲ”</p> <p style="text-align:justify">သဘာဝအလှတရားတွေ ရှိနေပြီး အမျိုးသမီး မိစ္ဆာတစ်ကောင်သာ မဟုတ်ပါက သူမကို ကြည့်ရတာ အတော်လေး ဆိုးရွားနေပေလိမ့်မည်။ သို့သော် သူမက သူ၏ ကျောထောက်နောက်ခံ ဖြစ်နေသည် မဟုတ်ပါလား။ သူ ဘာလုပ်နိုင်မည်နည်း။</p> <p style="text-align:justify">သေချာပေါက် သူမကို အလုပ်အကျွေး ပြုရမှာပေါ့။</p> <p style="text-align:justify">ဖူရှောင်ကွမ်း အခန်းကို ရှင်းလင်းပြီးသွားသောအခါ ပျင်းရိသော သမ်းဝေသည့် အသံတစ်ခုက ဧကရီယွီလီ နိုးလာကြောင်း အချက်ပြလိုက်၏။ သူမက မသိစိတ်ဖြင့် ဝိုင်အိုးတစ်အိုးကို စမ်းရှာလိုက်သော်လည်း ဘာမှ မတွေ့သောအခါ ဝေဝါးနေသော မျက်လုံးများကို ဖွင့်ကြည့်လိုက်သည်။ သပ်ရပ်နေသော အခန်း၊ အသစ်ထည့်ထားသော ပန်းအိုးများနှင့် ခေါက်ချိုး မျက်နှာပြင်တို့ကို မြင်လိုက်ရသောအခါ ယွီလီမှာ မှင်တက်သွား၏။</p> <p style="text-align:justify">ဒါ ငါ့အိမ်ပဲ မဟုတ်လား… ဘာလို့ ဒီလောက်တောင် သူစိမ်းဆန်နေရတာလဲ…</p> <p style="text-align:justify">ထိုစဉ် သူမက ကြာပန်းတစ်ပွင့်ကို ကိုင်ဆောင်၍ ဝင်လာသော ဖူရှောင်ကွမ်းကို မြင်လိုက်ရသည်။</p> <p style="text-align:justify">သူ၏ ငွေရောင် ဆံပင်များနှင့် ဝတ်ရုံက တောက်ပနေပြီး တံခါးဝမှ ဝင်ရောက်လာသော လရောင်ကြောင့် မိစ္ဆာတစ်ကိုယ်လုံး လင်းလက်နေသည့်အလား ရှိနေကာ သူ၏ လက်ထဲရှိ ကြာပန်းလေးပင်လျှင် ငွေရောင်အမှုန်များ ဖုံးလွှမ်းနေသကဲ့သို့ ဖြစ်နေသည်။ သူက တောက်ပစွာ ပြုံးလိုက်ရာ ပါးချိုင့်လေးများက ပြီးပြည့်စုံနေပြီး ပန်းချီကားတစ်ချပ်ထဲမှ ထွက်လာသည့် မြင်ကွင်းမျိုး ဖြစ်နေ၏။</p> <p style="text-align:justify">ဒုတ်… ဒုတ်…</p> <p style="text-align:justify">ဧကရီယွီလီက သူမ၏ ရင်ဘတ်ကို ထူးဆန်းစွာ ဖိကိုင်လိုက်ပြီး သူမ၏ နှလုံးသားက အဘယ်ကြောင့် ရုတ်တရက် အခုန်မြန်လာရသနည်း ဆိုသည်ကို နားမလည်နိုင် ဖြစ်သွား၏။</p> <p style="text-align:justify">ငါ တကယ်ပဲ မနေ့ညက အများကြီး သောက်မိသွားတာလား… အဲ့လို မဖြစ်သင့်ပါဘူး… အခု ငါက မိစ္ဆာဘုရင် ဖြစ်နေပြီလေ…</p> <p style="text-align:justify">ကြာပန်းကို စားပွဲပေါ် တင်လိုက်ပြီးနောက် ဖူရှောင်ကွမ်းက ပြုံး၍ ပြောလိုက်သည်။</p> <p style="text-align:justify">“ဧကရီ… နိုးပြီလား… ကျွန်တော်မျိုးက ခေါင်းကြည်ပြီး အမူးပြေစေဖို့ ကြာစေ့ဆန်ပြုတ် ပြုတ်ထားပါတယ်… ကျက်လောက်ပြီဆိုတော့ သွားယူလိုက်ပါ့မယ်”</p> <p style="text-align:justify">ဧကရီယွီလီက မျက်တောင် ပုတ်ခတ်ပုတ်ခတ် လုပ်လိုက်ပြီး သူမ၏ တက်ကြွသော မျက်နှာလေးက ခဏတာ ဗလာကျင်းသွား၏။ ထို့နောက် သူမက ခေါင်းညိတ်၍ ချိုမြိန်နူးညံ့သော အသံဖြင့် ပြောလိုက်သည်။</p> <p style="text-align:justify">“အင်းပါ”</p> <p style="text-align:justify">နောက်တစ်ခဏတွင် သူမက သူမ၏ လည်ပင်းကို ထိတ်လန့်တကြား ဆုပ်ကိုင်လိုက်၏။ သူမ၏ အသံက အဘယ်ကြောင့် ယခုလို ဖြစ်သွားရတာလဲ။</p> <p style="text-align:justify">တဏှာရူးနေတဲ့ မိစ္ဆာမ တစ်ကောင်လိုပဲ။</p> <p style="text-align:justify">တစ်ခုခုတော့ လွဲနေပြီ… တော်တော်လေးကို လွဲနေပြီ…</p> <p style="text-align:justify">ဖူရှောင်ကွမ်းကတော့ ဘာမှ မတွေးမိဘဲ ဧကရီယွီလီ၏ အသံက အရက်သောက်ထား၍ အက်ကွဲနေခြင်းသာ ဖြစ်မည်ဟု ထင်မှတ်လိုက်၏။</p> <p style="text-align:justify">…</p> <p style="text-align: center;"> </p> <p style="text-align: center;"> </p> <p style="text-align: center;">***</p>


Save