Book List

<h2 style="text-align: center;">အခန်း (၆၉)</h2> <h2 style="text-align: center;">သေခြင်းရှင်ခြင်းတံခါးကို ဖျက်သိမ်းပြီးနောက် သေခြင်းရှင်ခြင်းတံခါး၏ အစစ်အမှန်အမွေဆက်ခံသူ</h2> <h2 style="text-align: center;">*</h2> <p> </p> <p> </p> <p>"သေခြင်းရှင်ခြင်းတံခါးကို ဖျက်သိမ်းမယ် ဟုတ်လား..."</p> <p> </p> <p>လင်းရီ၏ မျက်နှာပေါ်တွင် မယုံကြည်နိုင်မှုများ အပြည့်ရှိနေခဲ့သည်။</p> <p> </p> <p>"မှန်တယ်..."</p> <p> </p> <p>"သေခြင်းရှင်ခြင်းတံခါးက သေခြင်းရှင်ခြင်းလမ်းစဉ်ကို ကျင့်ကြံတယ်၊ ဒီတာအိုက နောက်ဆုံးမှာ အထူးခေတ်တစ်ခုရဲ့ ထုတ်ကုန်တစ်ခု၊ ပုံပျက်နေတဲ့ ကျင့်ကြံခြင်း နည်းလမ်းတစ်ခုပဲ..."</p> <p> </p> <p>"ဘယ်လိုပဲဖြစ်ဖြစ် အဲဒီခေတ်တုန်းက အခြေခံအုတ်မြစ်မရှိလို့ ကျင့်ကြံခြင်း လမ်းစဉ်ထဲ ဝင်လို့မရတဲ့ သူတွေ အရမ်းများခဲ့တာကိုး..."</p> <p> </p> <p>"သေခြင်းရှင်ခြင်း လမ်းစဉ်က အခြေခံအုတ်မြစ်အပေါ်မှာ မမူတည်ဘူး၊ လူတိုင်းကို ရွေးချယ်ခွင့် တစ်ခု ပေးခဲ့တယ်..."</p> <p> </p> <p>"ဒါပေမဲ့ အခုတော့ မတူတော့ဘူး..."</p> <p> </p> <p>"ဝိညာဉ်ကုန်းမြေကဂိုဏ်းတွေ ဖွံ့ဖြိုးတိုးတက်လာပြီး တာအိုတစ်ရာက ယှဉ်ပြိုင်နေကြပြီ၊ အခြေခံအုတ်မြစ်မရှိတဲ့ သူတွေတောင် ရွေးချယ်စရာတွေ ပိုများလာပြီ၊ သူတို့က ကျင့်ကြံခွင့် အခွင့်အရေးလေးတစ်ခုအတွက် သူတို့ရဲ့ အသက်ကို တကယ်စွန့်စရာ မလိုတော့ဘူး..."</p> <p> </p> <p>"သေခြင်းရှင်ခြင်းတံခါး ဖယ်ရှားခံရတာက သမိုင်းရဲ့ မလွှဲမရှောင်သာတဲ့ အချက်တစ်ခုပဲ..."</p> <p> </p> <p>ထန်ကျင်းကျုံးက အလျင်စလိုမရှိဘဲ ပြောလိုက်ပြီး သေခြင်းရှင်ခြင်းတံခါး၏ အတက်အကျများကို ဂရုမစိုက်ပုံ ရလေသည်။</p> <p> </p> <p>လင်းရီက တိတ်ဆိတ်သွားခဲ့၏။</p> <p> </p> <p>ယင်းက အမှန်ပင် ဖြစ်သည်။</p> <p> </p> <p>ကမ္ဘာကြီးသည် ဖွံ့ဖြိုးတိုးတက်လာနေပြီး ကျင့်ကြံသူများ၏ ဥပဒေဿများကလည်း တိုးတက်လာနေပေသည်။</p> <p> </p> <p>လူတစ်ယောက် ဗိုက်ဆာနေချိန်တွင် သူ့၌ ဗိုက်ဘယ်လို ဖြည့်ရမလဲဆိုသော စိုးရိမ်ပူပန်မှု တစ်ခုတည်းသာ ရှိပေသည်။</p> <p> </p> <p>သေခြင်းရှင်ခြင်းတံခါး ထွက်ပေါ်လာခြင်းကလည်း ထိုကဲ့သို့ပင် ဖြစ်၏။</p> <p> </p> <p>ဝိညာဉ်ကုန်းမြေမှ သက်ရှိများတွင် ကျင့်ကြံခြင်း နည်းလမ်းများမရှိခဲ့ဘဲ သူတို့၏ တစ်ခုတည်းသော စိုးရိမ်ပူပန်မှုမှာ ကျင့်ကြံခြင်း လမ်းစဉ်အတွင်းသို့ မည်သို့ ဝင်ရောက်ရမည်နည်းဆိုခြင်းသာ ဖြစ်ခဲ့သည်။</p> <p> </p> <p>ဤအကြောင်းရင်းကြောင့်ပင် သေခြင်းရှင်ခြင်းတံခါး ကို ပထမဆုံး တည်ထောင်ချိန်တွင် လူမြောက်မြားစွာ ဝင်ရောက်ခဲ့ကြခြင်း ဖြစ်ပေသည်။</p> <p> </p> <p>လူတိုင်းသည် ကျင့်ကြံခြင်း လမ်းစဉ်ပေါ်သို့ လျှောက်လှမ်းရန် အိပ်မက်ကို မက်ခဲ့ကြ၏။</p> <p> </p> <p>ကျင့်ကြံခွင့်တစ်ခုအတွက် သူတို့၏ အသက်ကို စွန့်လွှတ်ရန်ပင် ဖြစ်သည်။</p> <p> </p> <p>သို့သော် ခေတ်ကာလများကတော့ ရှေ့သို့ ရွေ့လျားနေဆဲပင်။</p> <p> </p> <p>ဤခေတ်တွင် သေခြင်းရှင်ခြင်းတံခါးကို မလိုအပ်တော့ချေ။</p> <p> </p> <p>ဤသည်မှာ အလွန်ရက်စက်လှသော အမှန်တရားတစ်ခုပင်ဖြစ်သည်။</p> <p> </p> <p>ဂိုဏ်းသည် ဟောင်းနွမ်းပျက်စီးနေပြီး အဖွဲ့ဝင်များလည်း နည်းပါးလှ၏။</p> <p> </p> <p>ဤသည်က ထိုအချက်ကို သက်သေပြနေနှင့်ပြီးဖြစ်သည်။</p> <p> </p> <p>သို့သော်လည်း လင်းရီအား အံ့အားသင့်စေခဲ့သည်မှာ သေခြင်းရှင်ခြင်းတံခါး၏ သဘောထားပင် ဖြစ်ပေသည်။</p> <p> </p> <p>သူတို့သည် သေခြင်းရှင်ခြင်းတံခါး ကျဆင်းသွားခြင်းအတွက် ညည်းညူခြင်း မရှိခဲ့ကြဘဲ တစ်ချိန်က အဆုံးမရှိသော တောက်ပတဲ့ အလင်းရောင်ကို ပိုင်ဆိုင်ခဲ့သည့် ဤဂိုဏ်းကို ဖျက်သိမ်းရန် ရွေးချယ်ခဲ့ကြခြင်း ဖြစ်သည်။</p> <p> </p> <p>"တကယ်တော့ မင်း ဂရုစိုက်စရာ မလိုပါဘူး..."</p> <p> </p> <p>"သေခြင်းရှင်ခြင်းတံခါးက မရှိတော့ပေမယ့် ငါတို့မှာလည်း ငါတို့ရဲ့ ဂုဏ်ကျက်သရေတွေ ရှိခဲ့ပါတယ်..."</p> <p> </p> <p>"ငါတို့က တစ်ချိန်တုန်းက အံ့ဖွယ်တွေကို ဖန်တီးခဲ့ဖူးတယ်..."</p> <p> </p> <p>"ရှည်လျားတဲ့ သမိုင်းရေစီးကြောင်းကြီးထဲမှာ ငါတို့ရဲ့ သေခြင်းရှင်ခြင်းတံခါးက လျစ်လျူရှုလို့ မရနိုင်တဲ့ လှိုင်းလုံးတစ်ခုပဲ..."</p> <p> </p> <p>"ဒီလောက်ဆို လုံလောက်နေပါပြီ..."</p> <p> </p> <p>ထန်ကျင်းကျုံးက ထပ်မံ ပြောလိုက်၏။</p> <p> </p> <p>"ဒီမျိုးဆက်သစ်က နှမြောဖို့ ကောင်းတယ်လို့ ခံစားရရုံပါ..."</p> <p> </p> <p>"သေခြင်းရှင်ခြင်းတံခါးက ခေတ်နဲ့ မကိုက်ညီတော့တာ မှန်ပေမယ့် သေခြင်းရှင်ခြင်းလမ်းစဉ်က တကယ့်ကို ထူးခြားတယ်၊ ဒီလိုမျိုး မြုပ်နှံခံလိုက်ရတာက တကယ့်ကို နှမြောစရာပဲ..."</p> <p> </p> <p>လင်းရီက နောင်တရစွာဖြင့် ပြောလိုက်သည်။</p> <p> </p> <p>"ဖျက်သိမ်းခံရတာက သေခြင်းရှင်ခြင်းတံခါး တစ်ခုတည်းပါ..."</p> <p> </p> <p>"သေခြင်းရှင်ခြင်းလမ်းစဉ်ဆိုတာ ကောင်းကင်နဲ့ မြေကြီးရဲ့ မဟာတာအိုဖြစ်ပြီး အမြဲတမ်း တည်တံ့နေမှာပါ..."</p> <p> </p> <p>"ငါတို့က အရင်လို ရက်စက်တဲ့ နည်းလမ်းနဲ့ တပည့်တွေကို မကျင့်ကြံပေးတော့တာပါပဲ..."</p> <p> </p> <p>"အကယ်၍ ငါတို့ တကယ်ပဲ အရှုံးပေးချင်ခဲ့ရင် ငါတို့ သေခြင်းရှင်ခြင်းတံခါး ရဲ့ သဘောသဘာဝအရ စီနီယာတွေက သေခြင်းရှင်ခြင်း ကပ်ဘေးခုနစ်ပါးကို ချန်ထားရစ်ခဲ့မှာ မဟုတ်ဘူး..."</p> <p> </p> <p>"ခေတ်ကာလတွေက ဖွံ့ဖြိုးတိုးတက်လာနေပြီး ဝိညာဉ်ကုန်းမြေကလည်း ပြောင်းလဲနေတယ်..."</p> <p> </p> <p>"တစ်နေ့ကျရင် ဝိညာဉ်ကုန်းမြေကနေ သေခြင်းရှင်ခြင်းလမ်းစဉ်ရဲ့ ပြိုင်ဘက်ကင်း အခြေခံအုတ်မြစ်တစ်ခု ထွက်ပေါ်လာလိမ့်မယ်..."</p> <p> </p> <p>"အဲဒါက ငါတို့ သေခြင်းရှင်ခြင်းတံခါးရဲ့ စစ်မှန်တဲ့ အမွေဆက်ခံသူ ဖြစ်လာလိမ့်မယ်..."</p> <p> </p> <p>"သေခြင်းရှင်ခြင်းအမွေအနှစ်ကို ပြီးပြည့်စုံအောင် လုပ်ပြီး သေခြင်းရှင်ခြင်းရဲ့ အားနည်းချက်တွေကို ပြုပြင်ပြောင်းလဲဖို့ပဲ..."</p> <p> </p> <p>"ဒီလောက်ဆို လုံလောက်ပြီ..."</p> <p> </p> <p>ထန်ကျင်းကျုံးက ပြောလိုက်၏။</p> <p> </p> <p>"ဒါကြောင့် ငါတို့က စောင့်ဆိုင်းနေခဲ့တာ..."</p> <p> </p> <p>"အဲဒီလို လူမျိုးကို စောင့်ဆိုင်းနေခဲ့တာ..."</p> <p> </p> <p>"မမျှော်လင့်ဘဲ သူက ဒီနေ့ ရောက်လာခဲ့ပြီ..."</p> <p> </p> <p>"မင်း.. လင်းရီက နယ်နှင်ခံအင်မော်တယ် အဆင့်သတ်မှတ်ချက် ရဲ့ ထိပ်ဆုံးမှာရှိတဲ့ ပြိုင်ဘက်ကင်း အခြေခံအုတ်မြစ်ဖြစ်ပြီး တာအိုအားလုံးမှာ ကျွမ်းကျင်တယ်..."</p> <p> </p> <p>"မင်းက သေခြင်းရှင်ခြင်းတံခါးထဲဝင်ဖို့ ဆန္ဒရှိတာက ငါတို့ကို ကြီးမားတဲ့ အံ့သြမှုကြီးတစ်ခု ပေးလိုက်တာလို့ ပြောလို့ရတယ်..."</p> <p> </p> <p>ဖူကန်းရှန်းက အလွန်အမင်း ကျေနပ်နေခဲ့သည်။</p> <p> </p> <p>သေခြင်းရှင်ခြင်းတံခါးတွင် အစွမ်းအထက်ဆုံး သူများထဲမှ တစ်ဦးအနေဖြင့် သေခြင်းရှင်ခြင်းတံခါး ၏ အမွေအနှစ်ကို သမိုင်းရေစီးကြောင်းထဲတွင် တကယ် ပျောက်ကွယ်သွားစေရန် သူ သဘာဝကျကျပင် အလိုမရှိခဲ့ချေ။</p> <p> </p> <p>"ဒါပေမဲ့ ဒီမျိုးဆက်သစ်က အဲဒီသေခြင်းရှင်ခြင်း ကပ်ဘေးခုနစ်ပါးကို ဖြတ်ကျော်နိုင်ချင်မှ ဖြတ်ကျော်နိုင်မှာပါ..."</p> <p> </p> <p>လင်းရီက သက်ပြင်းချလိုက်၏။</p> <p> </p> <p>သေခြင်းရှင်ခြင်း ကပ်ဘေးခုနစ်ပါးမှာ သေခြင်းရှင်ခြင်းတံခါး၏ ဆရာဘိုးဘေး ချန်ထားရစ်ခဲ့သော စမ်းသပ်မှုတစ်ခု ဖြစ်ပေသည်။</p> <p> </p> <p>လင်းရီသည် မိမိကိုယ်မိမိ ယုံကြည်မှု ရှိသော်လည်း သေခြင်းရှင်ခြင်း ကပ်ဘေးခုနစ်ပါးကို အထင်သေးမည် မဟုတ်ချေ။</p> <p> </p> <p>"မင်း မဖြတ်ကျော်နိုင်ရင် ငါတို့ ဖြတ်ကျော်ပေးလို့ ရတယ်..."</p> <p> </p> <p>ထန်ကျင်းကျုံးက အပြုံးဖြင့် ပြောလိုက်သည်။</p> <p> </p> <p>"ဒါက ဘာအဓိပ္ပာယ်လဲ..."</p> <p> </p> <p>လင်းရီ ဇဝေဇဝါ ဖြစ်သွားခဲ့၏။</p> <p> </p> <p>"ငါတို့ သေခြင်းရှင်ခြင်းတံခါးမှာ ယင်နဲ့ယန်သေခြင်းရှင်ခြင်း ပုံစံလို့ခေါ်တဲ့ နည်းလမ်းတစ်ခု ရှိတယ်..."</p> <p> </p> <p>"ဒီနည်းလမ်းကို ငါတို့ သေခြင်းရှင်ခြင်းတံခါးက ဖန်တီးခဲ့တာ မဟုတ်ဘဲ ကျိုးယွင်က ကွန်ဖြူးရှပ် တာအိုကို အခြေခံပြီး သေခြင်းရှင်ခြင်း လမ်းစဉ်နဲ့ ပေါင်းစပ်ဖန်တီးခဲ့တာ..."</p> <p> </p> <p>ထန်ကျင်းကျုံးက ရှင်းပြလိုက်သည်။</p> <p> </p> <p>"ဆရာကျိုးယွင် ဖန်တီးခဲ့တဲ့ နည်းလမ်း ဟုတ်လား..."</p> <p> </p> <p>လင်းရီ၏ နှလုံးသား လှုပ်ရှားသွားခဲ့သည်။</p> <p> </p> <p> "ဂိုဏ်းချုပ်ထန်ပြောတဲ့ ကျေးဇူးဆိုတာ ဒါကနေ မြစ်ဖျားခံတာလား..."</p> <p> </p> <p>"အတိအကျပဲ..."</p> <p> </p> <p>"တောင်သခင်ကျိုးဟာ သူ့ရဲ့ ပြိုင်ဘက်ကင်းပါရမီနဲ့အတူ အင်မော်တယ်ပြောင်းပြန် အဆင့်သုံးဆင့်ကို ချိုးဖျက်ဖို့ နည်းလမ်းရှာဖွေဖို့ ငါတို့ သေခြင်းရှင်ခြင်းတံခါးကို တစ်ခါ ရောက်လာခဲ့ဖူးတယ်၊ သူက သုံးလကြာ တာအိုအကြောင်း ဆွေးနွေးငြင်းခုံခဲ့ပြီး ဒီ ယင်နဲ့ယန် သေခြင်းရှင်ခြင်း ပုံစံကို ဖန်တီးခဲ့တယ်..."</p> <p> </p> <p>"သေခြင်းရှင်ခြင်း ကပ်ဘေးခုနစ်ပါးမတိုင်ခင် ငါတို့ ခုနစ်ယောက်က ယင်နဲ့ ယန် သေခြင်းရှင်ခြင်း ပုံစံကို ဖော်ဆောင်လိမ့်မယ်..."</p> <p> </p> <p>"ဒီနည်းလမ်းမှာ ကြီးမားတဲ့ အားသာချက် နှစ်ခုရှိတယ်..."</p> <p> </p> <p>"ပထမအချက်က သေခြင်းရှင်ခြင်းပုံစ ရဲ့ စွမ်းအားကို မင်းဆီ ပေးအပ်လိမ့်မယ်၊ ပြီးတော့ ငါတို့ ခုနစ်ယောက်ရဲ့ သေခြင်းရှင်ခြင်း လမ်းစဉ်နဲ့ ပတ်သက်တဲ့ ထိုးထွင်းသိမြင်မှုတွေကို မင်း ရရှိလိမ့်မယ်..."</p> <p> </p> <p>"ငါတို့ သေခြင်းရှင်ခြင်းတံခါးရဲ့ အမွေဆက်ခံသူ ဖြစ်လာလိမ့်မယ်..."</p> <p> </p> <p>"ဒုတိယအချက်က ယင်နဲ့ယန် သေခြင်းရှင်ခြင်းပုံစံက ခုနစ်ယောက် ပေါင်းစပ်ထားတဲ့ အရာတစ်ခုပဲ..."</p> <p> </p> <p>"သေခြင်းရှင်ခြင်း ကပ်ဘေးခုနစ်ပါးရဲ့ စွမ်းအားကို ငါတို့ ခုနစ်ယောက်ရဲ့ ခန္ဓာကိုယ်တွေဆီ ရွှေ့ပြောင်းပေးနိုင်တယ်၊ ပြီးတော့ သေခြင်းရှင်ခြင်း ကပ်ဘေးခုနစ်ပါး ကို ကျော်လွှားနိုင်ဖို့ မင်းကို ငါတို့ ကူညီပေးလိမ့်မယ်..."</p> <p> </p> <p>ဖူကန်းရှန်းက စိတ်အားထက်သန်သော မျက်လုံးများဖြင့် ပြောလိုက်၏။</p> <p> </p> <p>"သေခြင်းရှင်ခြင်းတံခါးရဲ့ အမွေဆက်ခံသူ ဖြစ်လာမယ် ဟုတ်လား..."</p> <p> </p> <p>"စီနီယာခုနစ်ယောက်က သေခြင်းရှင်ခြင်း ကပ်ဘေးခုနစ်ပါးကို ချိုးဖျက်ပေးမယ် ဟုတ်လား..."</p> <p> </p> <p>လင်းရီက အံ့အားသင့်သွားခဲ့သည်။</p> <p> </p> <p>"အတိအကျပဲ..."</p> <p> </p> <p>"ငါတို့က သေခြင်းရှင်ခြင်းတံခါးကို ဖျက်သိမ်းဖို့ စီစဉ်ထားပေမယ့် သူ့ရဲ့ အမွေအနှစ် ကို သမိုင်းရေစီးကြောင်းထဲ ပျောက်ကွယ်သွားဖို့ ဘယ်တုန်းကမှ မရည်ရွယ်ခဲ့ဘူး..."</p> <p> </p> <p>"သဘာဝကျကျပဲ ငါတို့မှာ အမွေဆက်ခံသူ တစ်ယောက် လိုအပ်တယ်..."</p> <p> </p> <p>"ရယ်စရာကောင်းတာက ငါတို့ သေခြင်းရှင်ခြင်းတံခါးရဲ့ မူလရည်ရွယ်ချက်က ခွဲခြားဆက်ဆံမှု မရှိဘဲ သင်ကြားပေးဖို့ပဲ၊ ဒါမှ အခြေခံအုတ်မြစ်မရှိတဲ့သူတွေတောင် ကျင့်ကြံနိုင်မှာ..."</p> <p> </p> <p>"အခုတော့ အဲ့ဒီအမွေဆက်ခံသူက ပြိုင်ဘက်ကင်း အခြေခံအုတ်မြစ် ဖြစ်နေရမယ်တဲ့..."</p> <p> </p> <p>"ဒါမှမဟုတ်ရင် ငါတို့ရဲ့ စစ်မှန်တဲ့ သွန်သင်ချက်တွေကို အပြည့်အဝ အမွေဆက်ခံဖို့ ခက်ခဲလိမ့်မယ်..."</p> <p> </p> <p>"မင်း မတိုင်ခင်က ငါတို့ ကျိုးယွင်ကို ရွေးချယ်ခဲ့တယ်..."</p> <p> </p> <p>"ဒါပေမဲ့ အဲဒီတုန်းက ကျိုးယွင်မှာ အရေးကြီးတဲ့ ကိစ္စတွေ ရှိနေလို့ ငါတို့ကို ယဉ်ယဉ်ကျေးကျေးပဲ ငြင်းပယ်ခဲ့တယ်..."</p> <p> </p> <p>"ငါတို့ တကယ် သည်းခံနိုင်စွမ်း ကုန်ဆုံးသွားတဲ့ တစ်နေ့ကျရင် သူကိုယ်တိုင် လာခဲ့မယ်လို့ပဲ ပြောခဲ့တယ်..."</p> <p> </p> <p>"ဒါပေမဲ့ ကျိုးယွင်ကိုယ်တိုင်မလာဘဲ မင်းကို လွှတ်လိုက်မယ်လို့ ငါတို့ မမျှော်လင့်ထားခဲ့ဘူး..."</p> <p> </p> <p>"မင်းရဲ့ ကျင့်ကြံခြင်းက နည်းနည်း နိမ့်ကျနေပေမယ့် တာအိုတစ်ရာလုံးမှာ မင်းရဲ့ အခြေခံအုတ်မြစ်က ပြိုင်ဘက်ကင်းပဲ၊ ဒီလောကမှာ မင်းထက် ပိုကောင်းတဲ့ အခြေခံအုတ်မြစ် ရှိတဲ့သူ ဘယ်သူမှမရှိဘူး..."</p> <p> </p> <p>ထန်ကျင်းကျုံးက လင်းရီအား စိတ်အားထက်သန်သော မျက်လုံးများဖြင့် ကြည့်လိုက်၏။</p> <p> </p> <p>လင်းရီ ရောက်ရှိလာခြင်းနှင့်အတူ သေခြင်းရှင်ခြင်းတံခါး ၏ အမွေဆက်ခံသူကို ရှာတွေ့သွားခဲ့ပြီ ဖြစ်သည်။</p> <p> </p> <p>သေခြင်းရှင်ခြင်း ကပ်ဘေးခုနစ်ပါး သည်လည်း အလင်းရောင်ကို တစ်ဖန် ပြန်လည် မြင်တွေ့ရတော့မည် ဖြစ်၏။</p> <p> </p> <p>သူတို့ ရှစ်ယောက်သည်လည်း လှည့်စားကာ အသက်တံခါးနှင့် သေခြင်းစံအိမ်အတွင်းသို့ ဝင်ရောက်ခွင့်ရမည်ဖြစ်ရာ သူတို့၏ စပ်စုလိုစိတ်ကို ဖြည့်ဆည်းပေးနိုင်မည်ဖြစ်ပြီး တကယ်ကို ခဲတစ်လုံးတည်းဖြင့် ငှက်သုံးကောင် ပစ်ချလိုက်နိုင်ခြင်းပင် ဖြစ်ပေသည်။</p> <p> </p> <p>"ဒီလိုဆိုရင်တော့ ဒီမျိုးဆက်သစ်က စမ်းကြည့်ဖို့ ဆန္ဒရှိပါတယ်..."</p> <p> </p> <p>"အကယ်၍ အနာဂတ်မှာ အခွင့်အရေး ရခဲ့ရင် ဒီမျိုးဆက်သစ်က သေခြင်းရှင်ခြင်းတံခါးရဲ့ အမွေအနှစ်ကို သေချာပေါက် ဆက်လက် ထိန်းသိမ်းသွားပါ့မယ်..."</p> <p> </p> <p>လင်းရီက လေးနက်သော အမူအရာဖြင့် လေးစားစွာ ဦးညွှတ်လိုက်သည်။</p> <p> </p> <p>"ဒါပေမဲ့ အဲဒီမတိုင်ခင် မင်းကို သတိပေးစရာတစ်ခုရှိတယ်..."</p> <p> </p> <p>ဖူကန်းရှန်းက ပြောလိုက်၏။</p> <p> </p> <p>"ညွှန်ကြားပါစီနီယာ..."</p> <p> </p> <p>လင်းရီက ခေါင်းညိတ်လိုက်သည်။</p> <p> </p> <p>"ဒီတစ်ကြိမ်မှာ အသက်တံခါးနှင့် သေခြင်းစံအိမ်ကိုဖွင့်ဖို့ ငါတို့ အစွမ်းကုန် ကြိုးစားသွားမယ်..."</p> <p> </p> <p>"ဒါကြောင့် ယင်နဲ့ယန် သေခြင်းရှင်ခြင်းပုံစံကို ဖော်ဆောင်တဲ့အခါ ဘာပဲဖြစ်ဖြစ် မင်း အာရုံစိုက်ထားရမယ်၊ မင်းရဲ့ စိတ်ကို အနှောင့်အယှက် အဖြစ်မခံနဲ့..."</p> <p> </p> <p>"ငါတို့ သေခြင်းရှင်ခြင်းအဆောင် တွေအောက်မှာ သေသွားရင်တောင်မှပဲ..."</p> <p> </p> <p>ဖူကန်းရှန်းက လင်းရီအား လေးနက်စွာ ကြည့်လိုက်၏။</p> <p> </p> <p>လင်းရီ၏ နှလုံးသား တုန်ခါသွားခဲ့သည်။</p> <p> </p> <p>သေခြင်းရှင်ခြင်းတံခါး မှ လူများသည် အဆိုးရွားဆုံး အခြေအနေအတွက် ပြင်ဆင်ထားပြီး ဖြစ်ပုံရပေသည်။</p> <p> </p> <p>မည်သို့ပင်ဆိုစေကာမူ ဤသည်မှာ သေခြင်းတရားကို မကြောက်ရွံ့သော အရူးတစ်သိုက်ပင်ဖြစ်သည် မဟုတ်ပါလား။</p> <p> </p> <p>"ကဲပါ... သူ့ကို ဘာလို့ အကြောင်းပြချက် မရှိဘဲ လိုက်ခြောက်လှန့်နေတာလဲ..."</p> <p> </p> <p>"စိတ်မပူပါနဲ့၊ ငါတို့မှာ ဒီသေခြင်းရှင်ခြင်း အဆောင်တွေနဲ့ ပတ်သက်ပြီး အတွေ့အကြုံ ရှိပါတယ်၊ ငါတို့က သေမှာကို မကြောက်ပေမယ့် ငါတို့ရဲ့ အသက်ကိုလည်း အတန်ဖိုးထားဆုံးပါပဲ..."</p> <p> </p> <p>အကြီးအကဲ ခုနစ်ယောက်အနက် ပြေပြစ်ပြီး ကျက်သရေရှိသော အမျိုးသမီးသည် ထိန်းချုပ်မရတော့ဘဲ နူးညံ့သော အသံဖြင့် ပြောလိုက်လေသည်။</p> <p> </p> <p>"ဒီမျိုးဆက်သစ်က အစွမ်းကုန် ကြိုးစားသွားပါ့မယ်..."</p> <p> </p> <p>လင်းရီက လေးနက်သော အမူအရာဖြင့် ပြောလိုက်၏။</p> <p> </p> <p>"ဒါဆိုရင် ဒီနေ့ ဒီယင်နဲ့ယန် သေခြင်းရှင်ခြင်းပုံစံနဲ့ အသက်တံခါးနှင့် သေခြင်းစံအိမ်ကိုဖွင့်ဖို့ ငါတို့ ကူညီပေးမယ်..."</p> <p> </p> <p>ဝှစ်!</p> <p> </p> <p>သူတို့ ခုနစ်ဦး စကားပြောနေစဉ်မှာပင် တစ်ဦးချင်းစီ၏ ခန္ဓာကိုယ်မှ တာအိုစည်းချက်များ ပေါက်ကွဲထွက်လာခဲ့သည်။</p> <p> </p> <p>အဖြူရောင် ရှင်သန်ခြင်းလမ်းစဉ်။</p> <p> </p> <p>အနက်ရောင် သေဆုံးခြင်းလမ်းစဉ်။</p> <p> </p> <p>မဟာတာအိုစွမ်းအားနှစ်ခု ယှက်နွယ်သွားကာ လင်းရီအား ပင့်တင်ပေးလိုက်သော ယင်နှင့် ယန် ပုံစံတစ်ခုအဖြစ် ချက်ချင်း ပြောင်းလဲသွားလေသည်။</p> <p style="text-align: center;"> </p> <p style="text-align: center;"> </p> <p style="text-align: center;"> </p> <p style="text-align: center;">***</p>


Save